Library·Padma Purāṇa·6·6.144
महादेव उवाच। ब्रह्मवल्ली महत्तीर्थं ततो गच्छेत्सुरेश्वरि । तस्य तीर्थस्य स्वरूपं साक्षाच्छृणु सुरोत्तम
mahādeva uvāca| brahmavallī mahattīrthaṃ tato gacchetsureśvari | tasya tīrthasya svarūpaṃ sākṣācchṛṇu surottama
Sanskrit only: no published translation is held for this verse.
यत्र साभ्रमती तोयं ब्रह्मवल्ल्यंभसा सह । युज्यते ब्रह्मतीर्थं तत्प्रयागेन समं स्मृतम्
yatra sābhramatī toyaṃ brahmavallyaṃbhasā saha | yujyate brahmatīrthaṃ tatprayāgena samaṃ smṛtam
Sanskrit only: no published translation is held for this verse.
तत्र पिंडप्रदानेन तृप्तिर्द्वादशवार्षिकी । पितॄणां जायते नूनं ब्रह्मणो वचनं यथा
tatra piṃḍapradānena tṛptirdvādaśavārṣikī | pitṝṇāṃ jāyate nūnaṃ brahmaṇo vacanaṃ yathā
Sanskrit only: no published translation is held for this verse.
गयाश्राद्धसमंपुण्यंब्रह्मवल्ल्यांविशेषतः । यत्रज्ञात्वाप्रकुर्वंतिपितरस्तृप्तिमाप्नुयुः
gayāśrāddhasamaṃpuṇyaṃbrahmavallyāṃviśeṣataḥ | yatrajñātvāprakurvaṃtipitarastṛptimāpnuyuḥ
Sanskrit only: no published translation is held for this verse.
गोदानंभूमिदानंचअन्नदानंतथैवच । एतद्दानसमं पुण्यं ब्रह्मवल्ल्यां विशेषतः
godānaṃbhūmidānaṃcaannadānaṃtathaivaca | etaddānasamaṃ puṇyaṃ brahmavallyāṃ viśeṣataḥ
Sanskrit only: no published translation is held for this verse.
अत्रैव सनकाद्यास्तु स्नात्वा च विधिपूर्वकम् । परंब्रह्मपदध्यानाद्विष्णुलोकमवाप्नुयुः
atraiva sanakādyāstu snātvā ca vidhipūrvakam | paraṃbrahmapadadhyānādviṣṇulokamavāpnuyuḥ
Sanskrit only: no published translation is held for this verse.
पुष्करे चैव गंगायां क्षेत्रे चामरकंटके । तत्र गत्वा तु देवेशि यत्फलं लभते नरः
puṣkare caiva gaṃgāyāṃ kṣetre cāmarakaṃṭake | tatra gatvā tu deveśi yatphalaṃ labhate naraḥ
Sanskrit only: no published translation is held for this verse.
तत्फलं समवाप्नोति ब्रह्मवल्ल्यां विशेषतः । चंद्र सूर्योपरागे च दानं ये ददते नराः
tatphalaṃ samavāpnoti brahmavallyāṃ viśeṣataḥ | caṃdra sūryoparāge ca dānaṃ ye dadate narāḥ
Sanskrit only: no published translation is held for this verse.
तत्फलं समवाप्नोति ब्रह्मावल्ल्यां सुरेश्वरि । दिव्यरूपधरास्ते च शंखचक्रगदाधराः
tatphalaṃ samavāpnoti brahmāvallyāṃ sureśvari | divyarūpadharāste ca śaṃkhacakragadādharāḥ
Sanskrit only: no published translation is held for this verse.
तेऽपि स्वर्गे हि गच्छंति स्नानं कृत्वा सुरेश्वरि । धृत्वा तुलसिजां मालां नारायणमनुस्मरन् । वैकुंठं दिव्यमानंदं याति वै पदमव्ययम्
te'pi svarge hi gacchaṃti snānaṃ kṛtvā sureśvari | dhṛtvā tulasijāṃ mālāṃ nārāyaṇamanusmaran | vaikuṃṭhaṃ divyamānaṃdaṃ yāti vai padamavyayam
Sanskrit only: no published translation is held for this verse.
इति ब्रह्मवल्लीतीर्थमाहात्म्यम् । वृषतीर्थं ततो गच्छेत्खंडतीर्थेऽतिविश्रुतम् । तत्र स्नात्वा दिवं गावो गोलोकं च पुराश्रिताः
iti brahmavallītīrthamāhātmyam | vṛṣatīrthaṃ tato gacchetkhaṃḍatīrthe'tiviśrutam | tatra snātvā divaṃ gāvo golokaṃ ca purāśritāḥ
Sanskrit only: no published translation is held for this verse.
खंडरूपेण धर्मेण या गावो लोकमातरः । शापाद्भ्रष्टावितास्तेन खंडतीर्थमथोच्यते
khaṃḍarūpeṇa dharmeṇa yā gāvo lokamātaraḥ | śāpādbhraṣṭāvitāstena khaṃḍatīrthamathocyate
Sanskrit only: no published translation is held for this verse.
पार्वत्युवाच। शापो हि लोकमातॄणां गवां कस्य पुराऽभवत् । कथं लोकात्परिभ्रष्टाः कथं धर्मेण रक्षिताः
pārvatyuvāca| śāpo hi lokamātṝṇāṃ gavāṃ kasya purā'bhavat | kathaṃ lokātparibhraṣṭāḥ kathaṃ dharmeṇa rakṣitāḥ
Sanskrit only: no published translation is held for this verse.
महादेव उवाच। पुरा वृषेण गोलोके क्रीडता सह मातृभिः । मुक्तं तथा शकृन्मूत्रं पतितं हरमूर्द्धनि
mahādeva uvāca| purā vṛṣeṇa goloke krīḍatā saha mātṛbhiḥ | muktaṃ tathā śakṛnmūtraṃ patitaṃ haramūrddhani
Sanskrit only: no published translation is held for this verse.
ततस्तासां ददौ शापं तेन दोषेण वै हरः । नष्टसंज्ञा स्वलोकाच्च गावो यास्यथ मेदिनीम्
tatastāsāṃ dadau śāpaṃ tena doṣeṇa vai haraḥ | naṣṭasaṃjñā svalokācca gāvo yāsyatha medinīm
Sanskrit only: no published translation is held for this verse.
गावः शप्ता भगवता संप्रसाद्य पुनर्हरम् । प्राप्स्यामहे पुनर्लोकं इति देवं ययाचिरे
gāvaḥ śaptā bhagavatā saṃprasādya punarharam | prāpsyāmahe punarlokaṃ iti devaṃ yayācire
Sanskrit only: no published translation is held for this verse.
यदा साभ्रमती तीर्थे ब्रह्मवल्ली समीपतः । खंडसंज्ञह्रदे स्नात्वा स्वर्गं वै प्राप्स्यथ ध्रुवम्
yadā sābhramatī tīrthe brahmavallī samīpataḥ | khaṃḍasaṃjñahrade snātvā svargaṃ vai prāpsyatha dhruvam
Sanskrit only: no published translation is held for this verse.
ततस्तस्मिन्ह्रदे स्नात्वा गावो गोपतिना सह । स्वर्गं गता शुद्धतमा महादेवसमीपतः
tatastasminhrade snātvā gāvo gopatinā saha | svargaṃ gatā śuddhatamā mahādevasamīpataḥ
Sanskrit only: no published translation is held for this verse.
गोह्रदे तु नरः स्नात्वा कृत्वा वै पितृतर्पणम् । गवां लोकमवाप्नोति दाहप्रलयवर्जितम्
gohrade tu naraḥ snātvā kṛtvā vai pitṛtarpaṇam | gavāṃ lokamavāpnoti dāhapralayavarjitam
Sanskrit only: no published translation is held for this verse.
तत्र स्थित्वा निराहारो गोपिंडं च ददाति वै । स नरः सुखमेधेत यावदिंद्राश्चतुर्दश
tatra sthitvā nirāhāro gopiṃḍaṃ ca dadāti vai | sa naraḥ sukhamedheta yāvadiṃdrāścaturdaśa
Sanskrit only: no published translation is held for this verse.
गवांकोटिप्रदानेन यत्फलं प्राप्यते ध्रुवम् । तत्फलं समवाप्नोति खंडतीर्थे न संशयः
gavāṃkoṭipradānena yatphalaṃ prāpyate dhruvam | tatphalaṃ samavāpnoti khaṃḍatīrthe na saṃśayaḥ
Sanskrit only: no published translation is held for this verse.
गृहीत्वा वृषमूत्रं च तीर्थं यः पिबते नरः । तत्क्षणादेव शुद्धिः स्यात्खंडतीर्थे न संशयः
gṛhītvā vṛṣamūtraṃ ca tīrthaṃ yaḥ pibate naraḥ | tatkṣaṇādeva śuddhiḥ syātkhaṃḍatīrthe na saṃśayaḥ
Sanskrit only: no published translation is held for this verse.
खंडतीर्थात्परं तीर्थं न भूतं न भविष्यति । ये गच्छंति सुरश्रेष्ठ ते नराः पुण्यभागिनः
khaṃḍatīrthātparaṃ tīrthaṃ na bhūtaṃ na bhaviṣyati | ye gacchaṃti suraśreṣṭha te narāḥ puṇyabhāginaḥ
Sanskrit only: no published translation is held for this verse.
तत्र गत्वा सुरश्रेष्ठे गवां पूजनमाचरेत् । वृषभं च ततः पूज्य स्नानं कृत्वा समाहितः
tatra gatvā suraśreṣṭhe gavāṃ pūjanamācaret | vṛṣabhaṃ ca tataḥ pūjya snānaṃ kṛtvā samāhitaḥ
Sanskrit only: no published translation is held for this verse.
पूजनाद्वै न संदेहो गोलोके तु वसेच्चिरम् । तत्र गत्वा विशेषेण सौवर्णी गां ददंति ये
pūjanādvai na saṃdeho goloke tu vasecciram | tatra gatvā viśeṣeṇa sauvarṇī gāṃ dadaṃti ye
Sanskrit only: no published translation is held for this verse.
ते नरा भुंजते सौख्यं यावदिंद्राश्चतुर्दश । दशधेनुं ततः कृत्वा यो ददाति द्विजातये
te narā bhuṃjate saukhyaṃ yāvadiṃdrāścaturdaśa | daśadhenuṃ tataḥ kṛtvā yo dadāti dvijātaye
Sanskrit only: no published translation is held for this verse.
खंडतीर्थे सुरश्रेष्ठे तदनंतफलं स्मृतम् । तत्र गत्वा तु कर्त्तव्यं पिप्पलारोपणं बुधैः
khaṃḍatīrthe suraśreṣṭhe tadanaṃtaphalaṃ smṛtam | tatra gatvā tu karttavyaṃ pippalāropaṇaṃ budhaiḥ
Sanskrit only: no published translation is held for this verse.
तत्कृते सति देवेशि पितृलोकं स गच्छति । पंच वामलकीर्दिव्या ये कुर्वंति प्ररोपणम्
tatkṛte sati deveśi pitṛlokaṃ sa gacchati | paṃca vāmalakīrdivyā ye kurvaṃti praropaṇam
Sanskrit only: no published translation is held for this verse.
इहलोके सुखं भुक्त्वा हरिलोकं व्रजंति ते
ihaloke sukhaṃ bhuktvā harilokaṃ vrajaṃti te
Sanskrit only: no published translation is held for this verse.