Library·Padma Purāṇa·6·6.145
श्रीमहादेव उवाच। ततो गच्छेः महत्तीर्थे संगमेश्वरमुत्तमम् । यत्र हस्तिमती पुण्या साभ्रमत्या हि संगता
śrīmahādeva uvāca| tato gaccheḥ mahattīrthe saṃgameśvaramuttamam | yatra hastimatī puṇyā sābhramatyā hi saṃgatā
Sanskrit only: no published translation is held for this verse.
शापं कौडिन्यमुनितः प्राप्य शुष्काभवन्नदी । बहिश्चर्येति नाम्ना वै लोके ख्यातिमुपागता
śāpaṃ kauḍinyamunitaḥ prāpya śuṣkābhavannadī | bahiścaryeti nāmnā vai loke khyātimupāgatā
Sanskrit only: no published translation is held for this verse.
तत्तीर्थं संप्रवक्ष्यामि पुण्यं त्रैलोक्यविश्रुतम् । सर्वपापहरं पुण्यं त्रैलोक्ये चापि विश्रुतम्
tattīrthaṃ saṃpravakṣyāmi puṇyaṃ trailokyaviśrutam | sarvapāpaharaṃ puṇyaṃ trailokye cāpi viśrutam
Sanskrit only: no published translation is held for this verse.
यत्र तीर्थे नरः स्नात्वा दृष्ट्वा देवं महेश्वरम् । मुच्यते सर्वपापेभ्यो रुद्रलोकं प्रगच्छति
yatra tīrthe naraḥ snātvā dṛṣṭvā devaṃ maheśvaram | mucyate sarvapāpebhyo rudralokaṃ pragacchati
Sanskrit only: no published translation is held for this verse.
शृणु देवि प्रवक्ष्यामि एतच्छापस्य कारणम् । यथैह शुष्करूपा हि जाता शापस्य कारणात्
śṛṇu devi pravakṣyāmi etacchāpasya kāraṇam | yathaiha śuṣkarūpā hi jātā śāpasya kāraṇāt
Sanskrit only: no published translation is held for this verse.
यत्र साभ्रमती पुण्या गंगा नाम महानदी । तत्र हस्तिमती नाम गंगया सह संगता
yatra sābhramatī puṇyā gaṃgā nāma mahānadī | tatra hastimatī nāma gaṃgayā saha saṃgatā
Sanskrit only: no published translation is held for this verse.
तत्रारब्धं च मुनिना तपो वै परमं महत् । एवं बहुगते काले ऋषिणा परमात्मना
tatrārabdhaṃ ca muninā tapo vai paramaṃ mahat | evaṃ bahugate kāle ṛṣiṇā paramātmanā
Sanskrit only: no published translation is held for this verse.
आराधितो हृषीकेशो नारायणनिरंजनः । तस्यास्तटे तु देवेशि वर्षाणि च बहून्यपि
ārādhito hṛṣīkeśo nārāyaṇaniraṃjanaḥ | tasyāstaṭe tu deveśi varṣāṇi ca bahūnyapi
Sanskrit only: no published translation is held for this verse.
गतानि च विशेषेण मुनेस्तस्य तु पार्वति । कदाचिद्दैवयोगाच्च वर्षाकालः समागतः
gatāni ca viśeṣeṇa munestasya tu pārvati | kadāciddaivayogācca varṣākālaḥ samāgataḥ
Sanskrit only: no published translation is held for this verse.
नदी तत्र तु संपूर्णा कालयोगेन सुव्रते । तत्कौंडिन्येन ऋषिणा स्थानं त्यक्तं तदा निशि
nadī tatra tu saṃpūrṇā kālayogena suvrate | tatkauṃḍinyena ṛṣiṇā sthānaṃ tyaktaṃ tadā niśi
Sanskrit only: no published translation is held for this verse.
रात्रौ दुःखं महज्जातं हाहेति करुणो रुदन् । किं कर्तव्यमिति ध्यायन्नतिचिंतापरोऽभवत्
rātrau duḥkhaṃ mahajjātaṃ hāheti karuṇo rudan | kiṃ kartavyamiti dhyāyannaticiṃtāparo'bhavat
Sanskrit only: no published translation is held for this verse.
आश्रमो हि महादिव्यो ऋषिणैव समायुतः । स गतो वारियोगेन हस्तिमत्यां सुरोत्तमे
āśramo hi mahādivyo ṛṣiṇaiva samāyutaḥ | sa gato vāriyogena hastimatyāṃ surottame
Sanskrit only: no published translation is held for this verse.
फलानि चैव मूलानि पुस्तकानि बहून्यपि । तानि तस्यां गतान्येव वारियोगेन सुंदरि
phalāni caiva mūlāni pustakāni bahūnyapi | tāni tasyāṃ gatānyeva vāriyogena suṃdari
Sanskrit only: no published translation is held for this verse.
स कौंडिन्यो ऋषिश्रेष्ठः शशाप तां नदीं किल । उदकेन विना त्वं च भविष्यसि कलौ युगे
sa kauṃḍinyo ṛṣiśreṣṭhaḥ śaśāpa tāṃ nadīṃ kila | udakena vinā tvaṃ ca bhaviṣyasi kalau yuge
Sanskrit only: no published translation is held for this verse.
एवं स दत्त्वा वै शापं हस्तिमत्या महेश्वरि । गतोऽसौ विप्रप्रवरो विष्णुलोकं सनातनम्
evaṃ sa dattvā vai śāpaṃ hastimatyā maheśvari | gato'sau viprapravaro viṣṇulokaṃ sanātanam
Sanskrit only: no published translation is held for this verse.
अद्यापि वर्तते तीर्थं संगमेश्वरसंज्ञकम् । यं दृष्ट्वा मुच्यते पापी ब्रह्महत्यादि पातकात्
adyāpi vartate tīrthaṃ saṃgameśvarasaṃjñakam | yaṃ dṛṣṭvā mucyate pāpī brahmahatyādi pātakāt
Sanskrit only: no published translation is held for this verse.