Padma Purāṇa 6.146

महादेव उवाच । ततो गच्छेत देवेशि तीर्थं रुद्र महालयम् । केदारानुपमं साक्षाद्रुद्रेण परिनिर्मितम्

mahādeva uvāca | tato gaccheta deveśi tīrthaṃ rudra mahālayam | kedārānupamaṃ sākṣādrudreṇa parinirmitam

Sanskrit only: no published translation is held for this verse.

श्राद्धं तत्रैव कर्तव्यं पितॄणां तृप्तिकारणम् । तत्र श्राद्धप्रदानेन पितरः सपितामहाः

śrāddhaṃ tatraiva kartavyaṃ pitṝṇāṃ tṛptikāraṇam | tatra śrāddhapradānena pitaraḥ sapitāmahāḥ

Sanskrit only: no published translation is held for this verse.

तृप्ताः समभिगच्छंति रुद्रस्य परमं पदम् । वृषमुत्सृजते यस्तु तत्र रुद्र महालये

tṛptāḥ samabhigacchaṃti rudrasya paramaṃ padam | vṛṣamutsṛjate yastu tatra rudra mahālaye

Sanskrit only: no published translation is held for this verse.

कार्तिक्यामथ वैशाख्यां रुद्रेण सह मोदते । केदारे उदकं पीत्वा पुनर्जन्म न विद्यते

kārtikyāmatha vaiśākhyāṃ rudreṇa saha modate | kedāre udakaṃ pītvā punarjanma na vidyate

Sanskrit only: no published translation is held for this verse.

अत्र तु स्नानमात्रेण मुक्तिभागी न संशयः । एकस्मिन्समये देवि त्यक्त्वा कैलासमागतः

atra tu snānamātreṇa muktibhāgī na saṃśayaḥ | ekasminsamaye devi tyaktvā kailāsamāgataḥ

Sanskrit only: no published translation is held for this verse.

साभ्रमतीं महागंगां ज्ञात्वा लोकहिताय वै । तत्र स्नात्वा च पीत्वा च कृत्वा तीर्थमनुत्तमम्

sābhramatīṃ mahāgaṃgāṃ jñātvā lokahitāya vai | tatra snātvā ca pītvā ca kṛtvā tīrthamanuttamam

Sanskrit only: no published translation is held for this verse.

ततोहं च स्वकं स्थानं कैलासं प्रति भामिनि । तदनंतरं महापुण्यं तीर्थं जातं महालयम्

tatohaṃ ca svakaṃ sthānaṃ kailāsaṃ prati bhāmini | tadanaṃtaraṃ mahāpuṇyaṃ tīrthaṃ jātaṃ mahālayam

Sanskrit only: no published translation is held for this verse.

रुद्र महालयमिति लोके ख्यातिं गमिष्यति । कार्तिक्यामथ वैशाख्यां ये गच्छंति सुरोत्तमे । न तेषां विद्यते दुःखं सर्वसंसारजं पुनः

rudra mahālayamiti loke khyātiṃ gamiṣyati | kārtikyāmatha vaiśākhyāṃ ye gacchaṃti surottame | na teṣāṃ vidyate duḥkhaṃ sarvasaṃsārajaṃ punaḥ

Sanskrit only: no published translation is held for this verse.

इति श्रीपाद्मेमहापुराणे पंचपंचाशत्साहस्र्यां संहितायांमुत्तरखंडे उमामहेश्वरसंवादे रुद्र महालयतीर्थंनाम षट्चत्वारिंशाधिकशततमोऽध्यायः

iti śrīpādmemahāpurāṇe paṃcapaṃcāśatsāhasryāṃ saṃhitāyāṃmuttarakhaṃḍe umāmaheśvarasaṃvāde rudra mahālayatīrthaṃnāma ṣaṭcatvāriṃśādhikaśatatamo'dhyāyaḥ

Sanskrit only: no published translation is held for this verse.