Library·Padma Purāṇa·6·6.148
महादेव उवाच। साभ्रमत्यास्तटे तीर्थं गयातीर्थमनुत्तमम् । चित्रांगवदनं नाम मालार्काधिष्ठितं शुभम्
mahādeva uvāca| sābhramatyāstaṭe tīrthaṃ gayātīrthamanuttamam | citrāṃgavadanaṃ nāma mālārkādhiṣṭhitaṃ śubham
Sanskrit only: no published translation is held for this verse.
कल्पपादपसंतानैर्मंदारैश्चोपशोभितम् । चूतनिंबकदंबैश्च काश्मर्यश्वत्थतिंदुकैः
kalpapādapasaṃtānairmaṃdāraiścopaśobhitam | cūtaniṃbakadaṃbaiśca kāśmaryaśvatthatiṃdukaiḥ
Sanskrit only: no published translation is held for this verse.
तस्मादपहरेत्कुष्ठं योजनस्मृतिविभ्रमात् । यस्य संजायते कुष्ठं तस्य मालार्कको हरेत्
tasmādapaharetkuṣṭhaṃ yojanasmṛtivibhramāt | yasya saṃjāyate kuṣṭhaṃ tasya mālārkako haret
Sanskrit only: no published translation is held for this verse.
या तु वेदोक्तविधिना नारी तत्राभिषिंचति । मृतवत्साऽथवा वंध्या पुत्रं प्राप्नोति साचिरात्
yā tu vedoktavidhinā nārī tatrābhiṣiṃcati | mṛtavatsā'thavā vaṃdhyā putraṃ prāpnoti sācirāt
Sanskrit only: no published translation is held for this verse.
संध्यास्नानं जपो होमः स्वाध्यायो देवतार्चनम् । कृतं भास्करभक्तेन मालार्के ह्यक्षयं भवेत्
saṃdhyāsnānaṃ japo homaḥ svādhyāyo devatārcanam | kṛtaṃ bhāskarabhaktena mālārke hyakṣayaṃ bhavet
Sanskrit only: no published translation is held for this verse.
अत्र गत्वा तु देवेशि श्रीरवेर्व्रतमाचरेत् । इहलोके सुखं भुक्त्वा रवेर्लोकं हि याति वै
atra gatvā tu deveśi śrīravervratamācaret | ihaloke sukhaṃ bhuktvā raverlokaṃ hi yāti vai
Sanskrit only: no published translation is held for this verse.
मृतवत्सो हि राजर्षिस्तत्र गत्वाऽकरोत्तपः । स राजा प्राप्तवान्पुत्रं श्रीमालार्कप्रसादतः
mṛtavatso hi rājarṣistatra gatvā'karottapaḥ | sa rājā prāptavānputraṃ śrīmālārkaprasādataḥ
Sanskrit only: no published translation is held for this verse.
अत्र गत्वा विशेषण उपवासी जितेंद्रियः । मालार्कं पूजयेद्यो वै मुक्तिभागी भवेद्ध्रुवम्
atra gatvā viśeṣaṇa upavāsī jiteṃdriyaḥ | mālārkaṃ pūjayedyo vai muktibhāgī bhaveddhruvam
Sanskrit only: no published translation is held for this verse.
वसिष्ठप्रमुखाविप्रा देवा इंद्रादयः सदा । निवसंति सुरश्रेष्ठे मालार्के रविसन्निधौ
vasiṣṭhapramukhāviprā devā iṃdrādayaḥ sadā | nivasaṃti suraśreṣṭhe mālārke ravisannidhau
Sanskrit only: no published translation is held for this verse.