Library·Padma Purāṇa·6·6.149
महादेव उवाच। तीर्थादस्मात्परं तीर्थं मालार्कांतरतः स्थितम् । चंदनेश्वरमागच्छेदामोदस्थानमुत्तमम्
mahādeva uvāca| tīrthādasmātparaṃ tīrthaṃ mālārkāṃtarataḥ sthitam | caṃdaneśvaramāgacchedāmodasthānamuttamam
Sanskrit only: no published translation is held for this verse.
दुःशासनस्य रुधिरं पीत्वा भीमो महाबलः । प्रतिज्ञामात्मनः सर्वां पूरयित्वा सुदारुणाम्
duḥśāsanasya rudhiraṃ pītvā bhīmo mahābalaḥ | pratijñāmātmanaḥ sarvāṃ pūrayitvā sudāruṇām
Sanskrit only: no published translation is held for this verse.
कराभ्यां रुधिराक्ताभ्यां द्रौपद्याः केशबंधनम् । कृत्वा दत्त्वा द्विजातिभ्यो तीर्थयात्रां ततोऽगमत्
karābhyāṃ rudhirāktābhyāṃ draupadyāḥ keśabaṃdhanam | kṛtvā dattvā dvijātibhyo tīrthayātrāṃ tato'gamat
Sanskrit only: no published translation is held for this verse.
साभ्रमत्यास्तटे रम्ये गतो वै भ्रातृभिः सह । आनीतः साभ्रमत्यां यः स्वर्गाच्चंदनपादपः
sābhramatyāstaṭe ramye gato vai bhrātṛbhiḥ saha | ānītaḥ sābhramatyāṃ yaḥ svargāccaṃdanapādapaḥ
Sanskrit only: no published translation is held for this verse.
स तु लिंगतया जातः पुण्यतीर्थप्रभावतः । तत्र स्नात्वा च पीत्वा च कृत्वा वै पितृतर्पणम्
sa tu liṃgatayā jātaḥ puṇyatīrthaprabhāvataḥ | tatra snātvā ca pītvā ca kṛtvā vai pitṛtarpaṇam
Sanskrit only: no published translation is held for this verse.
न नरो निरयं गच्छेद्रुद्रलोकमवाप्नुयात् । चंदनेशं ततो दृष्ट्वा विश्वेशं लोकशंकरम्
na naro nirayaṃ gacchedrudralokamavāpnuyāt | caṃdaneśaṃ tato dṛṣṭvā viśveśaṃ lokaśaṃkaram
Sanskrit only: no published translation is held for this verse.
पूजयेच्च यथाशक्त्या यत्र गत्वा न शोचति । यत्र कैवर्तको राजा पूजां कृत्वा ह्यनेकशः
pūjayecca yathāśaktyā yatra gatvā na śocati | yatra kaivartako rājā pūjāṃ kṛtvā hyanekaśaḥ
Sanskrit only: no published translation is held for this verse.
स गतः शिवलोकं तं यत्र गत्वा न शोचति । मज्जंति ऋषयो यत्र यत्र देवः सनातनः
sa gataḥ śivalokaṃ taṃ yatra gatvā na śocati | majjaṃti ṛṣayo yatra yatra devaḥ sanātanaḥ
Sanskrit only: no published translation is held for this verse.
साक्षाद्विष्णुः परमात्मा नित्यं तिष्ठति भूतिदः । इयं साभ्रमती धन्या धन्यो विश्वेश्वरः प्रभुः
sākṣādviṣṇuḥ paramātmā nityaṃ tiṣṭhati bhūtidaḥ | iyaṃ sābhramatī dhanyā dhanyo viśveśvaraḥ prabhuḥ
Sanskrit only: no published translation is held for this verse.
यत्र तीर्थान्यनेकानि जातानि भुवि पार्वति । अत्र चामर्दकीपुण्यैः फलैर्नानाविधैः शुभैः
yatra tīrthānyanekāni jātāni bhuvi pārvati | atra cāmardakīpuṇyaiḥ phalairnānāvidhaiḥ śubhaiḥ
Sanskrit only: no published translation is held for this verse.
कर्त्तव्यमर्घदानं च विधिना तत्र सुंदरि
karttavyamarghadānaṃ ca vidhinā tatra suṃdari
Sanskrit only: no published translation is held for this verse.