Library·Padma Purāṇa·6·6.150
महादेवउवाच। जंबूतीर्थं ततो गच्छेत्स्नानार्थं पापनाशनम् । कलिकाले च यत्पुंसां स्वर्गसोपानवत्स्थितम्
mahādevauvāca| jaṃbūtīrthaṃ tato gacchetsnānārthaṃ pāpanāśanam | kalikāle ca yatpuṃsāṃ svargasopānavatsthitam
Sanskrit only: no published translation is held for this verse.
यत्र जांबवता पूर्वं दशांगे पर्वतोत्तमे । स्थापितं ऋक्षराजेशं लिगं सुरगणार्चितम्
yatra jāṃbavatā pūrvaṃ daśāṃge parvatottame | sthāpitaṃ ṛkṣarājeśaṃ ligaṃ suragaṇārcitam
Sanskrit only: no published translation is held for this verse.
रामेण हि यदा पूर्वं हतो वै रावणोऽसुरः । तदा जांबवता दिक्षु भेरीघोषैः प्रघोषितम्
rāmeṇa hi yadā pūrvaṃ hato vai rāvaṇo'suraḥ | tadā jāṃbavatā dikṣu bherīghoṣaiḥ praghoṣitam
Sanskrit only: no published translation is held for this verse.
जितं वै रामचंद्रेण रावणो निहतो रणे । लब्ध्वा सीतेति संघुष्य स्नातं तीर्थवरे शुभे
jitaṃ vai rāmacaṃdreṇa rāvaṇo nihato raṇe | labdhvā sīteti saṃghuṣya snātaṃ tīrthavare śubhe
Sanskrit only: no published translation is held for this verse.
स्थापितं तत्र लिंगं तु स्वनाम्ना तु सुरेश्वरि । तत्र स्नात्वा नरः सद्यः स्मृत्वा रामं सहानुजम्
sthāpitaṃ tatra liṃgaṃ tu svanāmnā tu sureśvari | tatra snātvā naraḥ sadyaḥ smṛtvā rāmaṃ sahānujam
Sanskrit only: no published translation is held for this verse.
जाबवंतेश्वरं स्नात्वा रुद्रलोके महीयते । यत्रयत्र हि भो देवि श्रीरामस्मरणं कृतम् । भवबंधविमोक्षो हि दृश्यते स चराचरे
jābavaṃteśvaraṃ snātvā rudraloke mahīyate | yatrayatra hi bho devi śrīrāmasmaraṇaṃ kṛtam | bhavabaṃdhavimokṣo hi dṛśyate sa carācare
Sanskrit only: no published translation is held for this verse.
अहं रामस्तु विज्ञेयो रामो वै रुद्र एव च । एवं ज्ञात्वा तु ते देवि न भेदो वर्तते क्वचित्
ahaṃ rāmastu vijñeyo rāmo vai rudra eva ca | evaṃ jñātvā tu te devi na bhedo vartate kvacit
Sanskrit only: no published translation is held for this verse.
रामरामेति रामेति मनसा ये जपंति च । तेषां सर्वार्थसिद्धिश्च भविष्यति युगेयुगे
rāmarāmeti rāmeti manasā ye japaṃti ca | teṣāṃ sarvārthasiddhiśca bhaviṣyati yugeyuge
Sanskrit only: no published translation is held for this verse.
अहं हि सर्वदा देवि श्रीरामस्मरणं चरे । यं श्रुत्वा तु पुनर्देवि न भवो जायते क्वचित्
ahaṃ hi sarvadā devi śrīrāmasmaraṇaṃ care | yaṃ śrutvā tu punardevi na bhavo jāyate kvacit
Sanskrit only: no published translation is held for this verse.
काश्यां हि निवसन्नित्यं श्रीरामं कमलेक्षणम् । स्मरामि सततं देवि भक्त्या च विधिपूर्वकम्
kāśyāṃ hi nivasannityaṃ śrīrāmaṃ kamalekṣaṇam | smarāmi satataṃ devi bhaktyā ca vidhipūrvakam
Sanskrit only: no published translation is held for this verse.
जांबवता तदा पूर्वं स्मृत्वा रामं सुशोभनम् । जांबवंतमिति ख्यातं प्रस्थाप्य जगतां गुरुम्
jāṃbavatā tadā pūrvaṃ smṛtvā rāmaṃ suśobhanam | jāṃbavaṃtamiti khyātaṃ prasthāpya jagatāṃ gurum
Sanskrit only: no published translation is held for this verse.
तत्र स्नात्वा च भुक्त्वा च कृत्वा देवस्य पूजनम् । शिवलोकमवाप्नोति यावदिंद्राश्चतुर्दश
tatra snātvā ca bhuktvā ca kṛtvā devasya pūjanam | śivalokamavāpnoti yāvadiṃdrāścaturdaśa
Sanskrit only: no published translation is held for this verse.
अत्र हि स्नानमात्रेण यथा जांबवतो बलम् । तथा वै बलमाप्नोति श्रीविश्वेशप्रसादतः
atra hi snānamātreṇa yathā jāṃbavato balam | tathā vai balamāpnoti śrīviśveśaprasādataḥ
Sanskrit only: no published translation is held for this verse.
अत्र गत्वा तु भूदानं पुमान्यश्च करोति वै । फलं सहस्रगुणितं जांबवंतेश दर्शनात्
atra gatvā tu bhūdānaṃ pumānyaśca karoti vai | phalaṃ sahasraguṇitaṃ jāṃbavaṃteśa darśanāt
Sanskrit only: no published translation is held for this verse.