साभ्रमत्यास्तटे गुप्तं तीर्थं परमपावनम् । खङ्गधारमिति ख्यातं कलौ गुप्तं भविष्यति
sābhramatyāstaṭe guptaṃ tīrthaṃ paramapāvanam | khaṅgadhāramiti khyātaṃ kalau guptaṃ bhaviṣyati
Sanskrit only: no published translation is held for this verse.
Library·Padma Purāṇa·6·6.154
Padma Purāṇa 6.154
यत्र प्रसंगतः स्नात्वा पीत्वा वापो यदृच्छया । सर्वपापविनिर्मुक्तो रुद्रलोके महीयते
yatra prasaṃgataḥ snātvā pītvā vāpo yadṛcchayā | sarvapāpavinirmukto rudraloke mahīyate
Sanskrit only: no published translation is held for this verse.
यत्र साभ्रमती पुण्या कश्यपानुगता सती । रुद्रेण हि जटाजूटे धृता पातालगामिनः
yatra sābhramatī puṇyā kaśyapānugatā satī | rudreṇa hi jaṭājūṭe dhṛtā pātālagāminaḥ
Sanskrit only: no published translation is held for this verse.
खङ्गधारेति वै नाम्ना रुद्रस्तत्रैव संस्थितः । यत्र स्नात्वा दिवं याताः पापिनोऽपि सुरेश्वरि
khaṅgadhāreti vai nāmnā rudrastatraiva saṃsthitaḥ | yatra snātvā divaṃ yātāḥ pāpino'pi sureśvari
Sanskrit only: no published translation is held for this verse.
अत्रैवोदाहरंतीममितिहासं पुरातनम् । किरातेन कृतं यच्च व्रतं परमदुष्करम्
atraivodāharaṃtīmamitihāsaṃ purātanam | kirātena kṛtaṃ yacca vrataṃ paramaduṣkaram
Sanskrit only: no published translation is held for this verse.
पार्वत्युवाच। किं नाम वै किरातोऽभूत्किं तेन व्रतमाहितम् । तत्सर्वं श्रोतुमिच्छामि यथातथ्येन कथ्यताम्
pārvatyuvāca| kiṃ nāma vai kirāto'bhūtkiṃ tena vratamāhitam | tatsarvaṃ śrotumicchāmi yathātathyena kathyatām
Sanskrit only: no published translation is held for this verse.
नह्यन्यो विद्यते लोके त्वां विना वदतां वरः । तस्मात्कथय भो देव सर्वं शुश्रूषणे हितम्
nahyanyo vidyate loke tvāṃ vinā vadatāṃ varaḥ | tasmātkathaya bho deva sarvaṃ śuśrūṣaṇe hitam
Sanskrit only: no published translation is held for this verse.
महादेव उवाच। आसीत्पुरा महारौद्रश्चंडो नाम दुरात्मवान् । क्रूरः शठो नैष्कृतिको भूतानां च भयावहः
mahādeva uvāca| āsītpurā mahāraudraścaṃḍo nāma durātmavān | krūraḥ śaṭho naiṣkṛtiko bhūtānāṃ ca bhayāvahaḥ
Sanskrit only: no published translation is held for this verse.
जालेन मत्स्यान्दुष्टात्मा घातयत्यनिशं ततः । भल्लैर्मृगान्श्वापदांश्च कृष्णसारान्सशल्लकान्
jālena matsyānduṣṭātmā ghātayatyaniśaṃ tataḥ | bhallairmṛgānśvāpadāṃśca kṛṣṇasārānsaśallakān
Sanskrit only: no published translation is held for this verse.
खगान्नानाविधांश्चैव विध्वा कांश्चित्प्रपातयेत् । पक्षिणो घातयन्क्रुद्धो बर्हिणश्च विशेषतः
khagānnānāvidhāṃścaiva vidhvā kāṃścitprapātayet | pakṣiṇo ghātayankruddho barhiṇaśca viśeṣataḥ
Sanskrit only: no published translation is held for this verse.
लुब्धको हि महापापो दुष्टो दुष्टजनप्रियः । भार्या तथाविधा तस्य पुंश्चली च महामया
lubdhako hi mahāpāpo duṣṭo duṣṭajanapriyaḥ | bhāryā tathāvidhā tasya puṃścalī ca mahāmayā
Sanskrit only: no published translation is held for this verse.
एवं विहरतस्तस्य बहुकालो व्यवर्त्तत । एकदा निशि पापीयान्श्रीवृक्षोपरि संस्थितः
evaṃ viharatastasya bahukālo vyavarttata | ekadā niśi pāpīyānśrīvṛkṣopari saṃsthitaḥ
Sanskrit only: no published translation is held for this verse.
कोलं हंतुं धनुःपाणिः शरं संयोज्य कार्मुके । एवं निशा गता तस्य जाग्रतो निमिषस्य हि । माघमासे सितायां वै चतुर्दश्यां नगात्मजे
kolaṃ haṃtuṃ dhanuḥpāṇiḥ śaraṃ saṃyojya kārmuke | evaṃ niśā gatā tasya jāgrato nimiṣasya hi | māghamāse sitāyāṃ vai caturdaśyāṃ nagātmaje
Sanskrit only: no published translation is held for this verse.
श्रीवृक्षपत्राणि बहूनि तत्र संच्छेदयामास रुषान्वितोऽपि । श्रीवृक्षमूले परिवर्त्तमानं लिगं च तस्योपरितानि पेतुः
śrīvṛkṣapatrāṇi bahūni tatra saṃcchedayāmāsa ruṣānvito'pi | śrīvṛkṣamūle parivarttamānaṃ ligaṃ ca tasyoparitāni petuḥ
Sanskrit only: no published translation is held for this verse.
श्रीवृक्षपर्णानि च दैवयोगात्जातं च सर्वं शिवपूजनं तत्
śrīvṛkṣaparṇāni ca daivayogātjātaṃ ca sarvaṃ śivapūjanaṃ tat
Sanskrit only: no published translation is held for this verse.
गंडूषकारिणा तेन स्नपनं च महत्कृतम् । अज्ञानिना च तेनैव पुष्कसेन दुरात्मना
gaṃḍūṣakāriṇā tena snapanaṃ ca mahatkṛtam | ajñāninā ca tenaiva puṣkasena durātmanā
Sanskrit only: no published translation is held for this verse.
माघमासे सिते पक्षे चतुर्दश्यां विधूदये । पुष्कसो हि दुराचारो निष्पन्नो गतकल्मषः
māghamāse site pakṣe caturdaśyāṃ vidhūdaye | puṣkaso hi durācāro niṣpanno gatakalmaṣaḥ
Sanskrit only: no published translation is held for this verse.
तस्य भार्या प्रचंडा च आगता तस्य सन्निधौ । निराशा च निराहारा यत्रासौ पुष्कसः स्थितः
tasya bhāryā pracaṃḍā ca āgatā tasya sannidhau | nirāśā ca nirāhārā yatrāsau puṣkasaḥ sthitaḥ
Sanskrit only: no published translation is held for this verse.
न प्राप्तः शूकरस्तेन मृगोऽपि महिषोऽपि वा । अशनार्थं च तस्यैव अन्नमादाय भामिनी
na prāptaḥ śūkarastena mṛgo'pi mahiṣo'pi vā | aśanārthaṃ ca tasyaiva annamādāya bhāminī
Sanskrit only: no published translation is held for this verse.
तेन दृष्टा प्रचंडा सा आयांती क्रूरलोचना । सा तस्य भार्या नद्यां वै जलमध्ये पपात ह
tena dṛṣṭā pracaṃḍā sā āyāṃtī krūralocanā | sā tasya bhāryā nadyāṃ vai jalamadhye papāta ha
Sanskrit only: no published translation is held for this verse.
तावत्तयोक्तश्चंडात्मा एहि शीघ्रं च भक्षय । समानीतं त्वदर्थं च मत्स्यमांसं मयाधुना
tāvattayoktaścaṃḍātmā ehi śīghraṃ ca bhakṣaya | samānītaṃ tvadarthaṃ ca matsyamāṃsaṃ mayādhunā
Sanskrit only: no published translation is held for this verse.
कृतं किं मूढ पूर्वेद्युर्मांसं पार्श्वे न दृश्यते । नाशितं च त्वया मूढ कुटुंबं लंघते तव
kṛtaṃ kiṃ mūḍha pūrvedyurmāṃsaṃ pārśve na dṛśyate | nāśitaṃ ca tvayā mūḍha kuṭuṃbaṃ laṃghate tava
Sanskrit only: no published translation is held for this verse.
एतच्छ्रुत्वा तु वचनं चंडायाश्चंडरूपवान् । शिवरात्र्युपवासेन रात्रौ जागरणेन च
etacchrutvā tu vacanaṃ caṃḍāyāścaṃḍarūpavān | śivarātryupavāsena rātrau jāgaraṇena ca
Sanskrit only: no published translation is held for this verse.
शुद्धांतःकरणो जातः स्नातुं नद्यां शुचिव्रतः । यावत्स्नाति स दुष्टात्मा तावत्श्वा तत्र चागतः
śuddhāṃtaḥkaraṇo jātaḥ snātuṃ nadyāṃ śucivrataḥ | yāvatsnāti sa duṣṭātmā tāvatśvā tatra cāgataḥ
Sanskrit only: no published translation is held for this verse.
शुना तदा भक्षितं च सर्वं मांसं सुरेश्वरि । चंडा प्रकुपिता तं च श्वानं हंतुमुपस्थिता
śunā tadā bhakṣitaṃ ca sarvaṃ māṃsaṃ sureśvari | caṃḍā prakupitā taṃ ca śvānaṃ haṃtumupasthitā
Sanskrit only: no published translation is held for this verse.
निवारिता हि चंडेन चंडा प्रकुपिता तदा । न हंतव्यस्त्वया चैष किमनेनाशुभं कृतम्
nivāritā hi caṃḍena caṃḍā prakupitā tadā | na haṃtavyastvayā caiṣa kimanenāśubhaṃ kṛtam
Sanskrit only: no published translation is held for this verse.
तयोक्तं भक्षितं चान्नं अनेनैव दुरात्मना । किं त्वं भक्षयिता मूढ भविताद्य बुभुक्षितः
tayoktaṃ bhakṣitaṃ cānnaṃ anenaiva durātmanā | kiṃ tvaṃ bhakṣayitā mūḍha bhavitādya bubhukṣitaḥ
Sanskrit only: no published translation is held for this verse.
पुष्कस उवाच। यच्छुना भक्षितं चान्नं तेनाहं परितोषितः । किमनेन शरीरेण नश्वरेण गतायुषा
puṣkasa uvāca| yacchunā bhakṣitaṃ cānnaṃ tenāhaṃ paritoṣitaḥ | kimanena śarīreṇa naśvareṇa gatāyuṣā
Sanskrit only: no published translation is held for this verse.
ये पुष्यंति शरीरं वै सर्वभावेन भामिनि । मूढास्ते पापिनो ज्ञेया लोकद्वय बहिष्कृताः
ye puṣyaṃti śarīraṃ vai sarvabhāvena bhāmini | mūḍhāste pāpino jñeyā lokadvaya bahiṣkṛtāḥ
Sanskrit only: no published translation is held for this verse.
तस्मान्मानं परित्यज्य कामं चापि दुरात्मताम् । स्वस्थाभावविमर्शेन तत्वबुध्या स्थिरा भव
tasmānmānaṃ parityajya kāmaṃ cāpi durātmatām | svasthābhāvavimarśena tatvabudhyā sthirā bhava
Sanskrit only: no published translation is held for this verse.
अहमेतच्छरीरं वै खङ्गधारव्रतेन च । त्यक्ष्याम्यद्य वरारोहे किं चिरंजीवनेन मे
ahametaccharīraṃ vai khaṅgadhāravratena ca | tyakṣyāmyadya varārohe kiṃ ciraṃjīvanena me
Sanskrit only: no published translation is held for this verse.
इत्युक्त्वा खङ्गमाकृष्य यावद्भिनत्ति कं स्वकम् । आगताश्च गणास्तावद्बहवः शिवनोदिताः
ityuktvā khaṅgamākṛṣya yāvadbhinatti kaṃ svakam | āgatāśca gaṇāstāvadbahavaḥ śivanoditāḥ
Sanskrit only: no published translation is held for this verse.
विमानानि बहून्यत्र आगतानि तदंतिके । दृष्ट्वा स चैव तान्येवं विमानानि गणांस्तथा
vimānāni bahūnyatra āgatāni tadaṃtike | dṛṣṭvā sa caiva tānyevaṃ vimānāni gaṇāṃstathā
Sanskrit only: no published translation is held for this verse.
उवाच परया भक्त्या पुष्कसोऽपि च तान्प्रति । कस्मात्समागता यूयं सर्वे रुद्राक्षधारिणः
uvāca parayā bhaktyā puṣkaso'pi ca tānprati | kasmātsamāgatā yūyaṃ sarve rudrākṣadhāriṇaḥ
Sanskrit only: no published translation is held for this verse.
सर्वे स्फटिकसंकाशाः सर्वे चंद्रार्द्धशेखराः । कपर्दिनश्चर्मपरीतवाससो भुजंगभोगैः कृतहारभूषणाः
sarve sphaṭikasaṃkāśāḥ sarve caṃdrārddhaśekharāḥ | kapardinaścarmaparītavāsaso bhujaṃgabhogaiḥ kṛtahārabhūṣaṇāḥ
Sanskrit only: no published translation is held for this verse.
श्रियान्विता रुद्रसमानवीर्या यथातथं भो वदतोचितं मम । पुष्कसेन तदा पृष्टा ऊचुस्ते रुद्रपार्षदाः
śriyānvitā rudrasamānavīryā yathātathaṃ bho vadatocitaṃ mama | puṣkasena tadā pṛṣṭā ūcuste rudrapārṣadāḥ
Sanskrit only: no published translation is held for this verse.
गणा ऊचुः। प्रेषितास्मो वयं चंड शिवेन परमेष्ठिना । आगच्छ त्वरितो भूत्वा सस्त्रीको यानमारुह
gaṇā ūcuḥ| preṣitāsmo vayaṃ caṃḍa śivena parameṣṭhinā | āgaccha tvarito bhūtvā sastrīko yānamāruha
Sanskrit only: no published translation is held for this verse.
लिगार्चनं कृतं यच्च त्वया रात्रौ शिवस्य च । तेन कर्मविपाकेन प्राप्तोऽसि परमां गतिम्
ligārcanaṃ kṛtaṃ yacca tvayā rātrau śivasya ca | tena karmavipākena prāpto'si paramāṃ gatim
Sanskrit only: no published translation is held for this verse.
तथोक्तो वीरभद्रेण उवाच प्रहसन्निव । किं मया सुकृतं चीर्णं पापिना पुष्कसेन हि
tathokto vīrabhadreṇa uvāca prahasanniva | kiṃ mayā sukṛtaṃ cīrṇaṃ pāpinā puṣkasena hi
Sanskrit only: no published translation is held for this verse.
मृगयारसिकेनैव मूढेन च दुरात्मना । पापाचारोह्यहं नित्यं कथं स्वर्गे वसाम्यहम्
mṛgayārasikenaiva mūḍhena ca durātmanā | pāpācārohyahaṃ nityaṃ kathaṃ svarge vasāmyaham
Sanskrit only: no published translation is held for this verse.
कथं लिगार्चनं चाद्या कृतमस्ति तदुच्यताम् । परं कौतुकमापन्नः पृच्छामि कृपया वद
kathaṃ ligārcanaṃ cādyā kṛtamasti taducyatām | paraṃ kautukamāpannaḥ pṛcchāmi kṛpayā vada
Sanskrit only: no published translation is held for this verse.
वीरभद्र उवाच। देवदेवो महादेवो यो गंगाधरसंज्ञकः । परितुष्टोऽद्य ते चंड सभार्यस्य उमापतिः
vīrabhadra uvāca| devadevo mahādevo yo gaṃgādharasaṃjñakaḥ | parituṣṭo'dya te caṃḍa sabhāryasya umāpatiḥ
Sanskrit only: no published translation is held for this verse.
प्रासंगिकं त्वया चाद्य कृतमर्चनमेव च । कोलं निरीक्षमाणेन बिल्वपत्राणि चैव हि
prāsaṃgikaṃ tvayā cādya kṛtamarcanameva ca | kolaṃ nirīkṣamāṇena bilvapatrāṇi caiva hi
Sanskrit only: no published translation is held for this verse.
छेदितानि त्वया चंड पतितानि तदैव हि । लिंगस्य मस्तके तानि तेन त्वं सुकृती प्रभो
cheditāni tvayā caṃḍa patitāni tadaiva hi | liṃgasya mastake tāni tena tvaṃ sukṛtī prabho
Sanskrit only: no published translation is held for this verse.
तवैवं जागरो जातो महावृक्षोपरि ध्रुवम् । तेनैव जागरेणैव तुतोष जगदीश्वरः
tavaivaṃ jāgaro jāto mahāvṛkṣopari dhruvam | tenaiva jāgareṇaiva tutoṣa jagadīśvaraḥ
Sanskrit only: no published translation is held for this verse.
छलेनैव महाभाग कोलसंदर्शनेन हि । शिवरात्रिदिनं व्याध प्रसंगेनाप्युपोषितम्
chalenaiva mahābhāga kolasaṃdarśanena hi | śivarātridinaṃ vyādha prasaṃgenāpyupoṣitam
Sanskrit only: no published translation is held for this verse.
तेनोपवासेन च जागरेणतुष्टो ह्यसौ देववरो महात्मा । तव प्रसादाय महानुभावो ददाति सर्वान्वरदो वरांश्च
tenopavāsena ca jāgareṇatuṣṭo hyasau devavaro mahātmā | tava prasādāya mahānubhāvo dadāti sarvānvarado varāṃśca
Sanskrit only: no published translation is held for this verse.
एवमुक्तस्तदा तेन वीरभद्रेण धीमता । पुष्कसोऽपि विमानाग्र्यमारुरोह च पश्यताम्
evamuktastadā tena vīrabhadreṇa dhīmatā | puṣkaso'pi vimānāgryamāruroha ca paśyatām
Sanskrit only: no published translation is held for this verse.
गणानां देवतानां च सर्वेषां प्राणिनामपि । तदा दुंदुभयो नेदुर्भेरीतूर्याण्यनेकशः
gaṇānāṃ devatānāṃ ca sarveṣāṃ prāṇināmapi | tadā duṃdubhayo nedurbherītūryāṇyanekaśaḥ
Sanskrit only: no published translation is held for this verse.
वीणावेणुमृदंगानि लास्यनाट्य युतानि च । जगुर्गंधर्वपतयो ननृतुश्चाप्सरोगणाः 6.154.५०। चामरैर्विज्यमानो हि छत्रैश्च विविधैरपि । महोत्सवेन महता ह्यानीतः शिवसन्निधौ
vīṇāveṇumṛdaṃgāni lāsyanāṭya yutāni ca | jagurgaṃdharvapatayo nanṛtuścāpsarogaṇāḥ 6.154.50| cāmarairvijyamāno hi chatraiśca vividhairapi | mahotsavena mahatā hyānītaḥ śivasannidhau
Sanskrit only: no published translation is held for this verse.
पुष्कसोऽपि तदा प्राप्तस्तीर्थस्नान शिवार्चनात् । किं पुनः श्रद्धया भक्त्या शिवाय परमात्माने
puṣkaso'pi tadā prāptastīrthasnāna śivārcanāt | kiṃ punaḥ śraddhayā bhaktyā śivāya paramātmāne
Sanskrit only: no published translation is held for this verse.
पुष्पादिकं फलं गंधं तांबूलाक्षतमेव च । ये प्रयच्छंति लोकेऽस्मिंस्ते रुद्रा नात्र संशयः
puṣpādikaṃ phalaṃ gaṃdhaṃ tāṃbūlākṣatameva ca | ye prayacchaṃti loke'smiṃste rudrā nātra saṃśayaḥ
Sanskrit only: no published translation is held for this verse.
महादेव उवाच। तदाप्रभृति तत्तीर्थं खङ्गधारेति विश्रुतम् । एतत्तीर्थं कलौ गुप्तं भविष्यति सुरेश्वरि
mahādeva uvāca| tadāprabhṛti tattīrthaṃ khaṅgadhāreti viśrutam | etattīrthaṃ kalau guptaṃ bhaviṣyati sureśvari
Sanskrit only: no published translation is held for this verse.
माघमासेऽथ वैशाखे कार्तिक्यां च विशेषतः । स्नानं येन प्रकुर्वंति मुक्तास्ते नगनंदिनि
māghamāse'tha vaiśākhe kārtikyāṃ ca viśeṣataḥ | snānaṃ yena prakurvaṃti muktāste naganaṃdini
Sanskrit only: no published translation is held for this verse.
वसिष्ठो वामदेवश्च भरद्वाजोऽथ गौतमः । स्नानार्थे वै समायांति देवं द्रष्टुं पिनाकिनम्
vasiṣṭho vāmadevaśca bharadvājo'tha gautamaḥ | snānārthe vai samāyāṃti devaṃ draṣṭuṃ pinākinam
Sanskrit only: no published translation is held for this verse.
त्रियुगे वर्त्तते लिंगं कलौ नैव तु पार्वति । विश्वामित्रेण ऋषिणा दत्तशापो ह्यहं तदा
triyuge varttate liṃgaṃ kalau naiva tu pārvati | viśvāmitreṇa ṛṣiṇā dattaśāpo hyahaṃ tadā
Sanskrit only: no published translation is held for this verse.
पार्वत्युवाच। कथं शापस्तु ऋषिणा दत्तश्चैव सुरेश्वर । तदहं श्रोतुमिच्छामि त्वत्तो देव न संशयः
pārvatyuvāca| kathaṃ śāpastu ṛṣiṇā dattaścaiva sureśvara | tadahaṃ śrotumicchāmi tvatto deva na saṃśayaḥ
Sanskrit only: no published translation is held for this verse.
महादेव उवाच। एकस्मिन्समये देवि विश्वामित्रो महातपाः । आगतः खङ्गधारेऽस्मिंस्तीर्थे वै परमाद्भुते
mahādeva uvāca| ekasminsamaye devi viśvāmitro mahātapāḥ | āgataḥ khaṅgadhāre'smiṃstīrthe vai paramādbhute
Sanskrit only: no published translation is held for this verse.
साभ्रमत्यां कृतस्नानो दर्शनं कृतवान्मम । तत्र तिष्ठति नित्यं वै पूजां कुर्वन्ननेकधा
sābhramatyāṃ kṛtasnāno darśanaṃ kṛtavānmama | tatra tiṣṭhati nityaṃ vai pūjāṃ kurvannanekadhā
Sanskrit only: no published translation is held for this verse.
तत्र कोऽपि महादुष्टः कौलिकः पापरुपधृक् । मांसं दत्तं तदा तेन शिवस्योपरि भामिनि
tatra ko'pi mahāduṣṭaḥ kaulikaḥ pāparupadhṛk | māṃsaṃ dattaṃ tadā tena śivasyopari bhāmini
Sanskrit only: no published translation is held for this verse.
दृष्ट्वा तदपि मांसं च विश्वामित्रोऽथ वै पुनः । अब्रवीच्च तदा तत्र दुष्कृतं पापिना कृतम्
dṛṣṭvā tadapi māṃsaṃ ca viśvāmitro'tha vai punaḥ | abravīcca tadā tatra duṣkṛtaṃ pāpinā kṛtam
Sanskrit only: no published translation is held for this verse.
न दत्तस्तस्य दंडो हि शर्वेण परमात्मना । तस्मादहं हि निश्चित्य शापं दास्ये न संशयः
na dattastasya daṃḍo hi śarveṇa paramātmanā | tasmādahaṃ hi niścitya śāpaṃ dāsye na saṃśayaḥ
Sanskrit only: no published translation is held for this verse.
विचार्यैवं तदा तेन शप्तोऽहं देवि वै तदा
vicāryaivaṃ tadā tena śapto'haṃ devi vai tadā
Sanskrit only: no published translation is held for this verse.
अस्मिन्कलियुगे घोरे गुप्तस्त्वं भव सर्वथा । इति दत्वाथ वै शापं गतवान्मुनिसत्तमः
asminkaliyuge ghore guptastvaṃ bhava sarvathā | iti datvātha vai śāpaṃ gatavānmunisattamaḥ
Sanskrit only: no published translation is held for this verse.
तदा प्रभृति भो देवि गुप्तोऽहं ऋषिशापतः । ममस्थाने विशेषेण पूजनं कुरुते यदि
tadā prabhṛti bho devi gupto'haṃ ṛṣiśāpataḥ | mamasthāne viśeṣeṇa pūjanaṃ kurute yadi
Sanskrit only: no published translation is held for this verse.
तेषां हि दुरितं यच्च नश्यते तत्क्षणादपि । मृन्मयीं मामकीं मूर्तिं कृत्वा ये पूजयंति वै
teṣāṃ hi duritaṃ yacca naśyate tatkṣaṇādapi | mṛnmayīṃ māmakīṃ mūrtiṃ kṛtvā ye pūjayaṃti vai
Sanskrit only: no published translation is held for this verse.
अत्र स्थाने विशेषेण मामके तु वसंति हि । खङ्गधारेश्वर इति नाम्ना ख्यातः कलौयुगे
atra sthāne viśeṣeṇa māmake tu vasaṃti hi | khaṅgadhāreśvara iti nāmnā khyātaḥ kalauyuge
Sanskrit only: no published translation is held for this verse.
कृते वै मंदिरं नाम त्रेतायां गौरवः स्मृतः । द्वापरे विश्वविख्यातः कलौ खङ्गेश्वरः स्मृतः
kṛte vai maṃdiraṃ nāma tretāyāṃ gauravaḥ smṛtaḥ | dvāpare viśvavikhyātaḥ kalau khaṅgeśvaraḥ smṛtaḥ
Sanskrit only: no published translation is held for this verse.
दक्षिणं भागमाश्रित्य मम स्थानं सुरेश्वरि । इति ज्ञात्वा तु तत्रैव कृत्वा मूर्तिं सदा बुधः
dakṣiṇaṃ bhāgamāśritya mama sthānaṃ sureśvari | iti jñātvā tu tatraiva kṛtvā mūrtiṃ sadā budhaḥ
Sanskrit only: no published translation is held for this verse.
पूजनं कुरुते नित्यं वांछितं फलमाप्नुयात् । धर्मार्थकाममोक्षांश्च लभते मानवो भुवि
pūjanaṃ kurute nityaṃ vāṃchitaṃ phalamāpnuyāt | dharmārthakāmamokṣāṃśca labhate mānavo bhuvi
Sanskrit only: no published translation is held for this verse.
धूपं दीपं च नैवेद्यं तथा वै चंदनादिकम् । येऽर्पयंति हि देवेशि लोकनाथे महेश्वरि । न दुःखं तु भवेत्तेषां सत्यं सत्यं वरानने
dhūpaṃ dīpaṃ ca naivedyaṃ tathā vai caṃdanādikam | ye'rpayaṃti hi deveśi lokanāthe maheśvari | na duḥkhaṃ tu bhavetteṣāṃ satyaṃ satyaṃ varānane
Sanskrit only: no published translation is held for this verse.
इति श्रीपाद्मे महापुराणे पंचपंचाशत्साहस्रसंहितायामुउत्तरखंडे धारेश्वरमाहात्म्यं नाम चतुष्पंचाशदधिकशततमोऽध्यायः
iti śrīpādme mahāpurāṇe paṃcapaṃcāśatsāhasrasaṃhitāyāmuuttarakhaṃḍe dhāreśvaramāhātmyaṃ nāma catuṣpaṃcāśadadhikaśatatamo'dhyāyaḥ
Sanskrit only: no published translation is held for this verse.