Library·Padma Purāṇa·6·6.157
महादेव उवाच। दुग्धेश्वरसमीपे तु तीर्थं चातीवपावनम् । रम्यं तत्पिप्पलादस्य नाम्ना वै प्रथितं भुवि
mahādeva uvāca| dugdheśvarasamīpe tu tīrthaṃ cātīvapāvanam | ramyaṃ tatpippalādasya nāmnā vai prathitaṃ bhuvi
Sanskrit only: no published translation is held for this verse.
यत्र कृत्वा तपः पूर्वं मातुर्वचनतो मुनिः । उत्पादयामास कृत्यां वडवानलसम्मिताम्
yatra kṛtvā tapaḥ pūrvaṃ māturvacanato muniḥ | utpādayāmāsa kṛtyāṃ vaḍavānalasammitām
Sanskrit only: no published translation is held for this verse.
पितुरानृण्यमन्विच्छन्दधीचस्य महात्मनः । तत्र स्नात्वा च पीत्वा च ब्रह्महत्यां व्यपोहति
piturānṛṇyamanvicchandadhīcasya mahātmanaḥ | tatra snātvā ca pītvā ca brahmahatyāṃ vyapohati
Sanskrit only: no published translation is held for this verse.
साभ्रमत्यास्तटे गुप्तं पिप्पलादं सुरेश्वरम् । तत्र स्नात्वा तु भो देवि मुक्तिभागी भवेन्नरः
sābhramatyāstaṭe guptaṃ pippalādaṃ sureśvaram | tatra snātvā tu bho devi muktibhāgī bhavennaraḥ
Sanskrit only: no published translation is held for this verse.
आरोपणं पिप्पलानां कर्त्तव्यं विधिपूर्वकम् । कृते सति महादेवि मुच्यते कर्मबंधनात्
āropaṇaṃ pippalānāṃ karttavyaṃ vidhipūrvakam | kṛte sati mahādevi mucyate karmabaṃdhanāt
Sanskrit only: no published translation is held for this verse.
पार्वत्युउवाच। किमर्थं सा तु कृत्या वै उत्पन्ना तां निबोधय । तया वै कृत्यया पूर्वं किं कृतं वद मे प्रभो
pārvatyuuvāca| kimarthaṃ sā tu kṛtyā vai utpannā tāṃ nibodhaya | tayā vai kṛtyayā pūrvaṃ kiṃ kṛtaṃ vada me prabho
Sanskrit only: no published translation is held for this verse.
येन पुत्रेण सा नीता पितुरानृण्यकारणात्
yena putreṇa sā nītā piturānṛṇyakāraṇāt
Sanskrit only: no published translation is held for this verse.
महादेव उवाच। दाधीचो ऋषिवर्योऽसौ ह्यागतस्तपकारणात् । अत्र तेन महत्तप्तमृषिणा परमात्मना
mahādeva uvāca| dādhīco ṛṣivaryo'sau hyāgatastapakāraṇāt | atra tena mahattaptamṛṣiṇā paramātmanā
Sanskrit only: no published translation is held for this verse.
तत्र कोलासुरो नाम विघ्नार्थं वै समागतः । तेन विघ्नं बहुतरं कृतं वै नात्र संशयः
tatra kolāsuro nāma vighnārthaṃ vai samāgataḥ | tena vighnaṃ bahutaraṃ kṛtaṃ vai nātra saṃśayaḥ
Sanskrit only: no published translation is held for this verse.
तद्दृष्टं तु सुपुत्रेण कहोडेन च धीमता । कृत्या ह्युत्पादिता तत्र हननार्थं सुरेश्वरि
taddṛṣṭaṃ tu suputreṇa kahoḍena ca dhīmatā | kṛtyā hyutpāditā tatra hananārthaṃ sureśvari
Sanskrit only: no published translation is held for this verse.
तया वै निहतो दैत्यः कोलो नाम महासुरः । तस्मात्तीर्थं महज्जातं कलौ गुप्तं तु पार्वति
tayā vai nihato daityaḥ kolo nāma mahāsuraḥ | tasmāttīrthaṃ mahajjātaṃ kalau guptaṃ tu pārvati
Sanskrit only: no published translation is held for this verse.