Library·Padma Purāṇa·6·6.158
महादेव उवाच। पिप्पलादात्ततस्तीर्थे पिचुमंदार्कमुत्तमम् । तीर्थं साभ्रमती तीरे व्याधिदौर्गंध्यनाशनम्
mahādeva uvāca| pippalādāttatastīrthe picumaṃdārkamuttamam | tīrthaṃ sābhramatī tīre vyādhidaurgaṃdhyanāśanam
Sanskrit only: no published translation is held for this verse.
पुरा कोलाहले युद्धे दानवैर्निर्जिताः सुराः । वृक्षेषु विविशुस्तत्र सूक्ष्माः प्राणपरीप्सया
purā kolāhale yuddhe dānavairnirjitāḥ surāḥ | vṛkṣeṣu viviśustatra sūkṣmāḥ prāṇaparīpsayā
Sanskrit only: no published translation is held for this verse.
तत्र बिल्वे स्थितः शंभुरश्वत्थे हरिरव्ययः । शिरीषेऽभूत्सहस्राक्षो निंबे देवः प्रभाकरः
tatra bilve sthitaḥ śaṃbhuraśvatthe hariravyayaḥ | śirīṣe'bhūtsahasrākṣo niṃbe devaḥ prabhākaraḥ
Sanskrit only: no published translation is held for this verse.
एवमादि यथायोग्यं वृक्षेषु विबुधास्तथा । यावत्कोलाहलो दैत्यो विष्णुना प्रभविष्णुना
evamādi yathāyogyaṃ vṛkṣeṣu vibudhāstathā | yāvatkolāhalo daityo viṣṇunā prabhaviṣṇunā
Sanskrit only: no published translation is held for this verse.
हतो महाहवे तावत्स्थितास्ते वृक्षमाश्रिताः । येनयेन हि यो वृक्षो विबुधेन समाश्रितः
hato mahāhave tāvatsthitāste vṛkṣamāśritāḥ | yenayena hi yo vṛkṣo vibudhena samāśritaḥ
Sanskrit only: no published translation is held for this verse.
स तु तन्मयतां यातस्तस्मात्तं न विनाशयेत् । इति सूर्य्यस्य विश्रामात्पिचुमंदार्कमुत्तमम्
sa tu tanmayatāṃ yātastasmāttaṃ na vināśayet | iti sūryyasya viśrāmātpicumaṃdārkamuttamam
Sanskrit only: no published translation is held for this verse.
तीर्थंरोगहरं स्नानात्साभ्रमत्यास्तटेऽभवत् । अत्र गत्वा विशेषेण तं रविं यदि पूजयेत्
tīrthaṃrogaharaṃ snānātsābhramatyāstaṭe'bhavat | atra gatvā viśeṣeṇa taṃ raviṃ yadi pūjayet
Sanskrit only: no published translation is held for this verse.
पूजयित्वा सुरश्रेष्ठे लभते वांछितं फलम् । अत्र द्वादशनामानि गत्वा ये वै पठंति च
pūjayitvā suraśreṣṭhe labhate vāṃchitaṃ phalam | atra dvādaśanāmāni gatvā ye vai paṭhaṃti ca
Sanskrit only: no published translation is held for this verse.
ते नराः पुण्यकर्माणो यावज्जीवं न संशयः । आदित्यं भास्करं भानुं रविं विश्वप्रकाशकम्
te narāḥ puṇyakarmāṇo yāvajjīvaṃ na saṃśayaḥ | ādityaṃ bhāskaraṃ bhānuṃ raviṃ viśvaprakāśakam
Sanskrit only: no published translation is held for this verse.
तीक्ष्णांशुं चैव मार्तंडं सूर्यं चैव प्रभाकरम् । विभावसुं सहस्राक्षं तथा पूषणमेव च
tīkṣṇāṃśuṃ caiva mārtaṃḍaṃ sūryaṃ caiva prabhākaram | vibhāvasuṃ sahasrākṣaṃ tathā pūṣaṇameva ca
Sanskrit only: no published translation is held for this verse.
एवं द्वादशनामानि यः पठेत्प्रयतः सुधीः । धनं वै पुत्रपौत्रांश्च लभते नगनंदिनि
evaṃ dvādaśanāmāni yaḥ paṭhetprayataḥ sudhīḥ | dhanaṃ vai putrapautrāṃśca labhate naganaṃdini
Sanskrit only: no published translation is held for this verse.
एकैकं नाम आश्रित्य योऽर्चयेत नरो भुवि । सप्तजन्मभवेद्विप्रो धनाढ्यो वेदपरागः
ekaikaṃ nāma āśritya yo'rcayeta naro bhuvi | saptajanmabhavedvipro dhanāḍhyo vedaparāgaḥ
Sanskrit only: no published translation is held for this verse.
क्षत्रियो लभते राज्यं वैश्यो धनमवाप्नुयात् । शूद्रो वै लभते भक्तिं तस्मात्सूक्तं परं जपेत्
kṣatriyo labhate rājyaṃ vaiśyo dhanamavāpnuyāt | śūdro vai labhate bhaktiṃ tasmātsūktaṃ paraṃ japet
Sanskrit only: no published translation is held for this verse.
निंबार्कतः परं तीर्थं न भूतं न भविष्यति । अत्र स्नात्वा च पीत्वा च मुक्तिभागी भवेद्ध्रुवम्
niṃbārkataḥ paraṃ tīrthaṃ na bhūtaṃ na bhaviṣyati | atra snātvā ca pītvā ca muktibhāgī bhaveddhruvam
Sanskrit only: no published translation is held for this verse.