Library·Padma Purāṇa·6·6.159
महादेव उवाच। तस्माद्दूरतरे देवि सिद्धक्षेत्रमनुत्तमम् । अनिरुद्धो वृतः पूर्वं उषार्थे चित्रलेखया
mahādeva uvāca| tasmāddūratare devi siddhakṣetramanuttamam | aniruddho vṛtaḥ pūrvaṃ uṣārthe citralekhayā
Sanskrit only: no published translation is held for this verse.
नीतो बाणासुरपुरं तिष्ठति स्म गृहे पुरा । पाशैर्बाणैश्च संरुद्धः कोटराक्षीमथास्मरत्
nīto bāṇāsurapuraṃ tiṣṭhati sma gṛhe purā | pāśairbāṇaiśca saṃruddhaḥ koṭarākṣīmathāsmarat
Sanskrit only: no published translation is held for this verse.
साक्षाद्या वैष्णवी शक्तिः सदा रक्षण तत्परा । सेयं देवी नदीतीरे कृष्णेनात्र प्रतिष्ठिता
sākṣādyā vaiṣṇavī śaktiḥ sadā rakṣaṇa tatparā | seyaṃ devī nadītīre kṛṣṇenātra pratiṣṭhitā
Sanskrit only: no published translation is held for this verse.
जित्वा बाणासुरं संख्ये द्वारकां प्रतिगच्छता । अनिरुद्धस्य स्तोत्रेण साक्षात्सांनिध्यमागता
jitvā bāṇāsuraṃ saṃkhye dvārakāṃ pratigacchatā | aniruddhasya stotreṇa sākṣātsāṃnidhyamāgatā
Sanskrit only: no published translation is held for this verse.
तत्र तीर्थे नरः स्नात्वा वर्षमेकं प्रयत्नतः । कोटराक्षीमुखं दृष्ट्वा लक्ष्मीमाप्नोति पुष्कलाम्
tatra tīrthe naraḥ snātvā varṣamekaṃ prayatnataḥ | koṭarākṣīmukhaṃ dṛṣṭvā lakṣmīmāpnoti puṣkalām
Sanskrit only: no published translation is held for this verse.
सिद्धतीर्थे नरः स्नात्वा दृष्ट्वा कोटरवासिनीम् । सिंहयुक्तेन यानेन रुद्रलोके महीयते
siddhatīrthe naraḥ snātvā dṛṣṭvā koṭaravāsinīm | siṃhayuktena yānena rudraloke mahīyate
Sanskrit only: no published translation is held for this verse.
यस्यां वै स्मरणादेव मुक्तः सोऽपि वरानने । अतोयेऽत्र प्रगच्छंति ते नरा मुक्तिभागिनः
yasyāṃ vai smaraṇādeva muktaḥ so'pi varānane | atoye'tra pragacchaṃti te narā muktibhāginaḥ
Sanskrit only: no published translation is held for this verse.
तत्र गत्वा विशेषेण स्नानं कृत्वा तु पार्वति । कोटराक्ष्यास्ततः स्तोत्रं पठेद्वै बुद्धिपूर्वकम्
tatra gatvā viśeṣeṇa snānaṃ kṛtvā tu pārvati | koṭarākṣyāstataḥ stotraṃ paṭhedvai buddhipūrvakam
Sanskrit only: no published translation is held for this verse.
कोटराक्षी विश्वरूपा महामाया बलाधिका । त्रिपुरा त्रिपुरघ्नी च शिवा वै शिवरूपिणी
koṭarākṣī viśvarūpā mahāmāyā balādhikā | tripurā tripuraghnī ca śivā vai śivarūpiṇī
Sanskrit only: no published translation is held for this verse.
कन्या सारस्वती प्रोक्ता दुर्गा दुर्गतिहारिणी । भैरवी भैरवाक्षी च लक्ष्मी देवी जनप्रिया
kanyā sārasvatī proktā durgā durgatihāriṇī | bhairavī bhairavākṣī ca lakṣmī devī janapriyā
Sanskrit only: no published translation is held for this verse.
एतानि बहुधोक्तानि नामानि च सुरेश्वरि । ये पठंति नरश्रेष्ठास्ते यांति शिवसन्निधौ
etāni bahudhoktāni nāmāni ca sureśvari | ye paṭhaṃti naraśreṣṭhāste yāṃti śivasannidhau
Sanskrit only: no published translation is held for this verse.
अनिरुद्धकृतं स्तोत्रं ये जपंति मनीषिणः । मुच्यंते कष्टबंधात्ते सत्यंसत्यं वरानने
aniruddhakṛtaṃ stotraṃ ye japaṃti manīṣiṇaḥ | mucyaṃte kaṣṭabaṃdhātte satyaṃsatyaṃ varānane
Sanskrit only: no published translation is held for this verse.
तीर्थानां परमं तीर्थं कोटरानिर्मितं भुवि । दर्शनादेव नश्यंति पापानां राशयस्तथा
tīrthānāṃ paramaṃ tīrthaṃ koṭarānirmitaṃ bhuvi | darśanādeva naśyaṃti pāpānāṃ rāśayastathā
Sanskrit only: no published translation is held for this verse.