Padma Purāṇa 6.160

महादेव उवाच। अस्मात्तीर्थात्परं तीर्थं तीर्थराजेति विश्रुतम् । सप्तनद्यो वहंत्यत्र चंदनोदकमिश्रितम्

mahādeva uvāca| asmāttīrthātparaṃ tīrthaṃ tīrtharājeti viśrutam | saptanadyo vahaṃtyatra caṃdanodakamiśritam

Sanskrit only: no published translation is held for this verse.

अन्यतीर्थाच्छतगुणं स्नानं चात्र विशिष्यते । देवानां प्रवरो देवो यत्रास्ते वामनः स्वयम्

anyatīrthācchataguṇaṃ snānaṃ cātra viśiṣyate | devānāṃ pravaro devo yatrāste vāmanaḥ svayam

Sanskrit only: no published translation is held for this verse.

द्वादश्यां माघमासस्य दद्याद्यस्तिलधेनुकम् । विमुक्तः सर्वपापेभ्यः कुलानां तारयेच्छतम्

dvādaśyāṃ māghamāsasya dadyādyastiladhenukam | vimuktaḥ sarvapāpebhyaḥ kulānāṃ tārayecchatam

Sanskrit only: no published translation is held for this verse.

पानीयमप्यत्र तिलैर्विमिश्रं दद्यात्पितृभ्यः प्रयतो मनुष्यः । श्राद्धं कृतं तेन समाः सहस्रं रहस्यमेतत्पितरो वदंति

pānīyamapyatra tilairvimiśraṃ dadyātpitṛbhyaḥ prayato manuṣyaḥ | śrāddhaṃ kṛtaṃ tena samāḥ sahasraṃ rahasyametatpitaro vadaṃti

Sanskrit only: no published translation is held for this verse.

तीर्थेऽस्मिन्भोजयेद्यो वै ब्राह्मणान्गुडपायसैः । एकस्मिन्भोजिते विप्रे सहस्रं भोजितं भवेत्

tīrthe'sminbhojayedyo vai brāhmaṇānguḍapāyasaiḥ | ekasminbhojite vipre sahasraṃ bhojitaṃ bhavet

Sanskrit only: no published translation is held for this verse.