Library·Padma Purāṇa·6·6.161
महादेव उवाच। सोमतीर्थं ततो गच्छेद्गुप्तं साभ्रमतीतटे । पातालात्तत्र निर्गत्य कालाग्निरभवद्भवः
mahādeva uvāca| somatīrthaṃ tato gacchedguptaṃ sābhramatītaṭe | pātālāttatra nirgatya kālāgnirabhavadbhavaḥ
Sanskrit only: no published translation is held for this verse.
सोमतीर्थे नरः स्नात्वा दृष्ट्वा सोमेश्वरं शिवम् । सोमपानफलं साक्षाद्भवतीति न संशयः
somatīrthe naraḥ snātvā dṛṣṭvā someśvaraṃ śivam | somapānaphalaṃ sākṣādbhavatīti na saṃśayaḥ
Sanskrit only: no published translation is held for this verse.
रूपवान्सुभगो भोगी सर्वशास्त्रविशारदः । नरो भवति लोकेऽस्मिन्परत्र च शिवं व्रजेत्
rūpavānsubhago bhogī sarvaśāstraviśāradaḥ | naro bhavati loke'sminparatra ca śivaṃ vrajet
Sanskrit only: no published translation is held for this verse.
अत्रेतिहासं वक्ष्यामि शृणु सुंदरि तत्वतः । यं श्रुत्वा मुच्यते चात्र ब्रह्महत्यादिपातकात्
atretihāsaṃ vakṣyāmi śṛṇu suṃdari tatvataḥ | yaṃ śrutvā mucyate cātra brahmahatyādipātakāt
Sanskrit only: no published translation is held for this verse.
कौषीतकेन ऋषिणा तपस्तप्तं विशेषतः । निराहारी स वै जातः पर्णाशनरतः परम्
kauṣītakena ṛṣiṇā tapastaptaṃ viśeṣataḥ | nirāhārī sa vai jātaḥ parṇāśanarataḥ param
Sanskrit only: no published translation is held for this verse.
वायुभक्षस्ततः कुर्वन्नात्मध्यानपरायणः । एवं बहुयुगं तत्र तप्तं तेन महत्तपः
vāyubhakṣastataḥ kurvannātmadhyānaparāyaṇaḥ | evaṃ bahuyugaṃ tatra taptaṃ tena mahattapaḥ
Sanskrit only: no published translation is held for this verse.
कदाचिद्दैवयोगेन सुप्रसन्नो महेश्वरः । यं यं प्रार्थयसे विप्र तत्सर्वं प्रददाम्यहम्
kadāciddaivayogena suprasanno maheśvaraḥ | yaṃ yaṃ prārthayase vipra tatsarvaṃ pradadāmyaham
Sanskrit only: no published translation is held for this verse.
कौषीतक उवाच। तव प्रसादाद्देवेश अत्र लिंगं प्रजायताम् । अत्र सोमेश्वर इति ख्यातो देवो भवेद्ध्रुवम्
kauṣītaka uvāca| tava prasādāddeveśa atra liṃgaṃ prajāyatām | atra someśvara iti khyāto devo bhaveddhruvam
Sanskrit only: no published translation is held for this verse.
यत्र स्नात्वा च भुक्त्वा च वांछितं फलमाप्नुयात् । अत्र स्थाने विशेषेण रुद्रजाप्यादिकं यदि
yatra snātvā ca bhuktvā ca vāṃchitaṃ phalamāpnuyāt | atra sthāne viśeṣeṇa rudrajāpyādikaṃ yadi
Sanskrit only: no published translation is held for this verse.
कारयंति नरश्रेष्ठा धर्मानर्थाल्लँभंति ते । अपुत्रो लभते पुत्रं निर्धनो लभते धनम्
kārayaṃti naraśreṣṭhā dharmānarthālla~bhaṃti te | aputro labhate putraṃ nirdhano labhate dhanam
Sanskrit only: no published translation is held for this verse.
राज्यकामी तु तद्राज्यं लभते नात्र संशयः । यदि चेत्त्वं प्रसन्नोऽसि तत्सर्वं देहि मे प्रभो
rājyakāmī tu tadrājyaṃ labhate nātra saṃśayaḥ | yadi cettvaṃ prasanno'si tatsarvaṃ dehi me prabho
Sanskrit only: no published translation is held for this verse.
ईश्वर उवाच। तदा चैव सुरेशेन सर्वं दत्तं द्विजन्मने । तदा प्रभृति तत्तीर्थं सोमलिंगेति विश्रुतम्
īśvara uvāca| tadā caiva sureśena sarvaṃ dattaṃ dvijanmane | tadā prabhṛti tattīrthaṃ somaliṃgeti viśrutam
Sanskrit only: no published translation is held for this verse.
चंदनैर्वा बिल्वपत्रैयेऽर्चयंति सदाशिवम् । लभंते मानुषे देहे सौख्यं पुत्रादिसंभवम्
caṃdanairvā bilvapatraiye'rcayaṃti sadāśivam | labhaṃte mānuṣe dehe saukhyaṃ putrādisaṃbhavam
Sanskrit only: no published translation is held for this verse.
सोमवारे तथा प्राप्ते यो गच्छति हरालयम् । वाछितं लभते नित्यं सोमलिंग प्रसादतः
somavāre tathā prāpte yo gacchati harālayam | vāchitaṃ labhate nityaṃ somaliṃga prasādataḥ
Sanskrit only: no published translation is held for this verse.
अत्र गत्वा तु यो देवि यद्ददाति फलादिकम् । यया कामनया चैव तं तं प्राप्नोति निश्चितम्
atra gatvā tu yo devi yaddadāti phalādikam | yayā kāmanayā caiva taṃ taṃ prāpnoti niścitam
Sanskrit only: no published translation is held for this verse.
श्वेतैर्वा करवीरैश्च पारिजातैस्तथा पुनः । येऽर्चयंति च तं देवं श्रीमहेशं पिनाकिनम्
śvetairvā karavīraiśca pārijātaistathā punaḥ | ye'rcayaṃti ca taṃ devaṃ śrīmaheśaṃ pinākinam
Sanskrit only: no published translation is held for this verse.
ते लभंते सुरश्रेष्ठे शैवं पदमनुत्तमम्
te labhaṃte suraśreṣṭhe śaivaṃ padamanuttamam
Sanskrit only: no published translation is held for this verse.