Library·Padma Purāṇa·6·6.162
महादेव उवाच। ततो गच्छेत्तथा देवि तीर्थं कापोतिकं पुनः । यत्र साभ्रमती तोयं प्राचीनं संप्रवर्त्तते
mahādeva uvāca| tato gacchettathā devi tīrthaṃ kāpotikaṃ punaḥ | yatra sābhramatī toyaṃ prācīnaṃ saṃpravarttate
Sanskrit only: no published translation is held for this verse.
पिंडं ददाति यस्तत्र पितृतर्पणपूर्वकम् । वन्यैः फलैस्तथा पुष्पैः सदा पर्वणि पर्वणि
piṃḍaṃ dadāti yastatra pitṛtarpaṇapūrvakam | vanyaiḥ phalaistathā puṣpaiḥ sadā parvaṇi parvaṇi
Sanskrit only: no published translation is held for this verse.
काकादिभ्यश्च श्वादिभ्यो बलिं संददते तु यः । यमस्य पंथानं सोऽपि ससुखं निस्तरेन्नरः
kākādibhyaśca śvādibhyo baliṃ saṃdadate tu yaḥ | yamasya paṃthānaṃ so'pi sasukhaṃ nistarennaraḥ
Sanskrit only: no published translation is held for this verse.
तत्र तीर्थे नरः स्नात्वा वैशाख्यां गौरसर्षपैः । पूजयेद्देवमीशानं प्राचीनेश्वरमुत्तमम्
tatra tīrthe naraḥ snātvā vaiśākhyāṃ gaurasarṣapaiḥ | pūjayeddevamīśānaṃ prācīneśvaramuttamam
Sanskrit only: no published translation is held for this verse.
आत्मानं तारयेत्सोऽथ पितॄनथ पितामहान् । कपोतो यत्र चात्मानं दत्त्वा चातिथये मुदा
ātmānaṃ tārayetso'tha pitṝnatha pitāmahān | kapoto yatra cātmānaṃ dattvā cātithaye mudā
Sanskrit only: no published translation is held for this verse.
स्तुतो देवगणैः सर्वैर्विमानेन दिवं गतैः । तदा प्रभृति तत्तीर्थं कापोतमिति विश्रुतम्
stuto devagaṇaiḥ sarvairvimānena divaṃ gataiḥ | tadā prabhṛti tattīrthaṃ kāpotamiti viśrutam
Sanskrit only: no published translation is held for this verse.
तत्र स्नात्वा नरः पीत्वा ब्रह्महत्यां व्यपोहति । पार्वत्युवाच। कपोतेन कथं दत्तं शरीरं च वद प्रभो । निमित्तं किं तथा देव नाहं वेद्मि सुरेश्वर
tatra snātvā naraḥ pītvā brahmahatyāṃ vyapohati | pārvatyuvāca| kapotena kathaṃ dattaṃ śarīraṃ ca vada prabho | nimittaṃ kiṃ tathā deva nāhaṃ vedmi sureśvara
Sanskrit only: no published translation is held for this verse.
महादेव उवाच। अत्र तीर्थेति देवेशि वटो वै परमो महान् । तस्य शाखा ह्यनंताश्च दृश्यंते विपुला भुवि
mahādeva uvāca| atra tīrtheti deveśi vaṭo vai paramo mahān | tasya śākhā hyanaṃtāśca dṛśyaṃte vipulā bhuvi
Sanskrit only: no published translation is held for this verse.
तत्र जीवा वसंतीह पक्षिणो बहवस्तथा । कपोतेन गृहं तत्र कारितं तु सुरेश्वरि
tatra jīvā vasaṃtīha pakṣiṇo bahavastathā | kapotena gṛhaṃ tatra kāritaṃ tu sureśvari
Sanskrit only: no published translation is held for this verse.
तत्र तिष्ठति पक्षीशो नित्यं विष्णुपरायणः । कुटुंबेन समायुक्तो शाखायां वसति ध्रुवम्
tatra tiṣṭhati pakṣīśo nityaṃ viṣṇuparāyaṇaḥ | kuṭuṃbena samāyukto śākhāyāṃ vasati dhruvam
Sanskrit only: no published translation is held for this verse.
एकस्मिन्वासरे देवि द्वादश्यां विष्णुवासरे । श्येनस्तत्र समायातो ह्यतिथित्वेन भामिनि
ekasminvāsare devi dvādaśyāṃ viṣṇuvāsare | śyenastatra samāyāto hyatithitvena bhāmini
Sanskrit only: no published translation is held for this verse.
कपोत भो देहि मांसं तव शारीरकं मम । नोचेच्छापं प्रदास्यामि इत्युक्तं नगनंदिनि
kapota bho dehi māṃsaṃ tava śārīrakaṃ mama | nocecchāpaṃ pradāsyāmi ityuktaṃ naganaṃdini
Sanskrit only: no published translation is held for this verse.
अद्य वै वासरे विष्णोः क्षुधार्तोऽहं समागतः । तस्माद्देयं हि मांसं तत्क्षुधार्ताय मम प्रभो
adya vai vāsare viṣṇoḥ kṣudhārto'haṃ samāgataḥ | tasmāddeyaṃ hi māṃsaṃ tatkṣudhārtāya mama prabho
Sanskrit only: no published translation is held for this verse.
श्येनोक्तं तत्तु वै श्रुत्वा कपोतो वैष्णवो महान् । तेन दत्तं तदा देवि शरीरं नात्र संशयः
śyenoktaṃ tattu vai śrutvā kapoto vaiṣṇavo mahān | tena dattaṃ tadā devi śarīraṃ nātra saṃśayaḥ
Sanskrit only: no published translation is held for this verse.
तेन दानप्रभावेन तीर्थं जातं सुरोत्तमे । कापोतकं महत्तीर्थं पावनानां च पावनम्
tena dānaprabhāvena tīrthaṃ jātaṃ surottame | kāpotakaṃ mahattīrthaṃ pāvanānāṃ ca pāvanam
Sanskrit only: no published translation is held for this verse.
अत्र तीर्थे नरः स्नात्वा कृत्वा वै शिवपूजनम् । ददाति चातिथिभ्यश्च मिष्टमन्नं सुरोत्तमे
atra tīrthe naraḥ snātvā kṛtvā vai śivapūjanam | dadāti cātithibhyaśca miṣṭamannaṃ surottame
Sanskrit only: no published translation is held for this verse.
इहलोके सुखं भुक्त्वा याति विष्णोः सनातनम् । दत्त्वा वै स्वशरीरं तु कपोतोऽथ महात्मने
ihaloke sukhaṃ bhuktvā yāti viṣṇoḥ sanātanam | dattvā vai svaśarīraṃ tu kapoto'tha mahātmane
Sanskrit only: no published translation is held for this verse.
स गतो वैष्णवं तत्र यावच्चंद्र दिवाकरौ । अतो गत्वा तु भो देवि अतिथिं पूजयेत्सदा । पूजिते चातिथौ तत्र सर्वं च लभते ध्रुवम्
sa gato vaiṣṇavaṃ tatra yāvaccaṃdra divākarau | ato gatvā tu bho devi atithiṃ pūjayetsadā | pūjite cātithau tatra sarvaṃ ca labhate dhruvam
Sanskrit only: no published translation is held for this verse.