Library·Padma Purāṇa·6·6.164
महादेव उवाच। अत्र तीर्थं महच्चान्यत्कश्यपाख्यं सुरेश्वरि । यत्र ह्रदो महानासीन्नगदेव विनिर्मितः
mahādeva uvāca| atra tīrthaṃ mahaccānyatkaśyapākhyaṃ sureśvari | yatra hrado mahānāsīnnagadeva vinirmitaḥ
Sanskrit only: no published translation is held for this verse.
तत्र कुशेश्वरो नाम देवो यत्र विराजते । यत्र कुंडं तथा रम्यं कश्यपेन विनिर्मितम्
tatra kuśeśvaro nāma devo yatra virājate | yatra kuṃḍaṃ tathā ramyaṃ kaśyapena vinirmitam
Sanskrit only: no published translation is held for this verse.
तत्र स्नात्वा तु भो देवि न नरो निरयं व्रजेत् । अग्निहोत्रकरा विप्रा नित्यं वेदपरायणाः
tatra snātvā tu bho devi na naro nirayaṃ vrajet | agnihotrakarā viprā nityaṃ vedaparāyaṇāḥ
Sanskrit only: no published translation is held for this verse.
निवसंति महदेवि काश्यपायां बहुश्रुताः । यथा काशी तथा चेयं नगरी ऋषिनिर्मिता
nivasaṃti mahadevi kāśyapāyāṃ bahuśrutāḥ | yathā kāśī tathā ceyaṃ nagarī ṛṣinirmitā
Sanskrit only: no published translation is held for this verse.
काश्यपेन यतश्चात्र तप्तं बहुतरं तपः । गंगा वै तपसा येन आनीतेशजटोद्भवा
kāśyapena yataścātra taptaṃ bahutaraṃ tapaḥ | gaṃgā vai tapasā yena ānīteśajaṭodbhavā
Sanskrit only: no published translation is held for this verse.
सा गंगा काश्यपी देवि महापातकनाशिनी । यस्या दर्शनमात्रेण मुच्यंते दुष्टकिल्बिषात्
sā gaṃgā kāśyapī devi mahāpātakanāśinī | yasyā darśanamātreṇa mucyaṃte duṣṭakilbiṣāt
Sanskrit only: no published translation is held for this verse.
गोदानं च प्रशंसंति रथदानं तथैव च । श्राद्धं कृत्वा तु तत्रैव दानं देयं प्रयत्नतः
godānaṃ ca praśaṃsaṃti rathadānaṃ tathaiva ca | śrāddhaṃ kṛtvā tu tatraiva dānaṃ deyaṃ prayatnataḥ
Sanskrit only: no published translation is held for this verse.
कलौ युगे तथा घोरे महापातकनाशनम् । कश्यपाख्यं समं तीर्थं न भूतं न भविष्यति
kalau yuge tathā ghore mahāpātakanāśanam | kaśyapākhyaṃ samaṃ tīrthaṃ na bhūtaṃ na bhaviṣyati
Sanskrit only: no published translation is held for this verse.
यत्र वै देवताः सर्वा ऋषयो वीतकल्मषाः । नित्यं तिष्ठंति देवेशि तीर्थराजप्रसादतः
yatra vai devatāḥ sarvā ṛṣayo vītakalmaṣāḥ | nityaṃ tiṣṭhaṃti deveśi tīrtharājaprasādataḥ
Sanskrit only: no published translation is held for this verse.