Padma Purāṇa 6.165

महादेव उवाच। भूतालयं ततो गच्छेत्तीर्थं पापहरं पदम् । भूतालयो वटो यत्र यत्र प्राची तु चंदना

mahādeva uvāca| bhūtālayaṃ tato gacchettīrthaṃ pāpaharaṃ padam | bhūtālayo vaṭo yatra yatra prācī tu caṃdanā

Sanskrit only: no published translation is held for this verse.

भूतालये नरः स्नात्वा कृष्णाष्टम्यामुपोषितः । यस्तु कृष्णतिलान्दद्यान्न स प्रेतोऽभिजायते

bhūtālaye naraḥ snātvā kṛṣṇāṣṭamyāmupoṣitaḥ | yastu kṛṣṇatilāndadyānna sa preto'bhijāyate

Sanskrit only: no published translation is held for this verse.

पितॄनुद्दिश्य यो दद्यादुदकुंभं तिलैः सह । पूर्वजान्प्रेतभावात्स मोचयेन्नात्र संशयः

pitṝnuddiśya yo dadyādudakuṃbhaṃ tilaiḥ saha | pūrvajānpretabhāvātsa mocayennātra saṃśayaḥ

Sanskrit only: no published translation is held for this verse.

यस्य नाम्ना नरः स्नाति प्रेतत्वात्स विमुच्यते । चतुर्दश्यामथाष्टम्यां प्रभाते विमलोदके

yasya nāmnā naraḥ snāti pretatvātsa vimucyate | caturdaśyāmathāṣṭamyāṃ prabhāte vimalodake

Sanskrit only: no published translation is held for this verse.

तीर्थे भूतालये स्नात्वा दृष्ट्वा भूतालयं वटम् । भूतेश्वरप्रसादेन भूतेभ्यो न लभेद्भयम्

tīrthe bhūtālaye snātvā dṛṣṭvā bhūtālayaṃ vaṭam | bhūteśvaraprasādena bhūtebhyo na labhedbhayam

Sanskrit only: no published translation is held for this verse.

इति श्रीभूतेश्वरतीर्थम् । अतस्तीर्थात्परं तीर्थं घटेश्वरमिति स्मृतम् । यत्र स्नात्वा तु तं दृष्ट्वा मुक्तिभागी भवेद्ध्रुवम्

iti śrībhūteśvaratīrtham | atastīrthātparaṃ tīrthaṃ ghaṭeśvaramiti smṛtam | yatra snātvā tu taṃ dṛṣṭvā muktibhāgī bhaveddhruvam

Sanskrit only: no published translation is held for this verse.

यत्र साभ्रमती तीर्थं घटो वै परमो महान् । दृष्ट्वा चैव महादेवं मुच्यते नात्र संशयः

yatra sābhramatī tīrthaṃ ghaṭo vai paramo mahān | dṛṣṭvā caiva mahādevaṃ mucyate nātra saṃśayaḥ

Sanskrit only: no published translation is held for this verse.

तत्र गत्वा विशेषेण प्लक्षपूजां करोति यः । मनसाभीप्सितान्कामाँल्लभते मानवो भुवि

tatra gatvā viśeṣeṇa plakṣapūjāṃ karoti yaḥ | manasābhīpsitānkāmā~llabhate mānavo bhuvi

Sanskrit only: no published translation is held for this verse.

इति घटेश्वरतीर्थम् । ततो गच्छेन्नरो भक्त्या वैद्यनाथेति विश्रुतम् । तत्र स्नात्वा नरस्तीर्थे शिवपूजनतत्परः

iti ghaṭeśvaratīrtham | tato gacchennaro bhaktyā vaidyanātheti viśrutam | tatra snātvā narastīrthe śivapūjanatatparaḥ

Sanskrit only: no published translation is held for this verse.