Library·Padma Purāṇa·6·6.166
महादेव उवाच। वैद्यनाथात्परं तीर्थं सर्वसिद्धिप्रदायकम् । तीर्थानामुत्तमं तीर्थं देवतीर्थमनुश्रुतम्
mahādeva uvāca| vaidyanāthātparaṃ tīrthaṃ sarvasiddhipradāyakam | tīrthānāmuttamaṃ tīrthaṃ devatīrthamanuśrutam
Sanskrit only: no published translation is held for this verse.
विभीषणाद्राक्षसेंद्राद्गृहीत्वा करमोजसा । प्रारब्धो धर्मपुत्रेण राजसूयो महाक्रतुः
vibhīṣaṇādrākṣaseṃdrādgṛhītvā karamojasā | prārabdho dharmaputreṇa rājasūyo mahākratuḥ
Sanskrit only: no published translation is held for this verse.
दिग्जये दक्षिणे जाते नकुलेन हि पांडुना । साभ्रमत्यास्तटे देवि पांडुरार्येति विश्रुता
digjaye dakṣiṇe jāte nakulena hi pāṃḍunā | sābhramatyāstaṭe devi pāṃḍurāryeti viśrutā
Sanskrit only: no published translation is held for this verse.
स्थापिता परया भक्त्या भुक्तिमुक्तिप्रदायिनी । स्नातः साभ्रमतीतोये पांडुरार्यां नमस्य च
sthāpitā parayā bhaktyā bhuktimuktipradāyinī | snātaḥ sābhramatītoye pāṃḍurāryāṃ namasya ca
Sanskrit only: no published translation is held for this verse.
अणिमाद्या सिद्धयोऽष्टौ तथा मेधां महीयसीम् । नरः प्राप्नोति वै नूनं नात्र कार्या विचारणा
aṇimādyā siddhayo'ṣṭau tathā medhāṃ mahīyasīm | naraḥ prāpnoti vai nūnaṃ nātra kāryā vicāraṇā
Sanskrit only: no published translation is held for this verse.
पांडुरार्यां नमस्कृत्य शुद्धभावेन मानवः । संवत्सरकृता पूजा दातव्या तत्त्वबुद्धिभिः
pāṃḍurāryāṃ namaskṛtya śuddhabhāvena mānavaḥ | saṃvatsarakṛtā pūjā dātavyā tattvabuddhibhiḥ
Sanskrit only: no published translation is held for this verse.
तत्र तीर्थे तनुं त्यक्त्वा पांडुरार्यासमीपतः । कैलासशिखरं प्राप्य चंडेश्वरगणो भवेत्
tatra tīrthe tanuṃ tyaktvā pāṃḍurāryāsamīpataḥ | kailāsaśikharaṃ prāpya caṃḍeśvaragaṇo bhavet
Sanskrit only: no published translation is held for this verse.
पुरा हनूमता तत्र तपस्तप्तं सुदुष्करम् । समुद्रप्लवने शक्तिर्जाता तीर्थप्रभावतः
purā hanūmatā tatra tapastaptaṃ suduṣkaram | samudraplavane śaktirjātā tīrthaprabhāvataḥ
Sanskrit only: no published translation is held for this verse.