Library·Padma Purāṇa·6·6.168
महादेव उवाच। ततोगच्छेन्महादेवि वार्त्रघ्न्या गिरिकन्यया । शक्रश्चैव तया साध्व्या संगमं यत्र लब्धवान्
mahādeva uvāca| tatogacchenmahādevi vārtraghnyā girikanyayā | śakraścaiva tayā sādhvyā saṃgamaṃ yatra labdhavān
Sanskrit only: no published translation is held for this verse.
तत्र स्नानं प्रकुर्वंति नरा नियतमानसाः । दशानामश्वमेधानां यत्फलं स्नानकृल्लभेत्
tatra snānaṃ prakurvaṃti narā niyatamānasāḥ | daśānāmaśvamedhānāṃ yatphalaṃ snānakṛllabhet
Sanskrit only: no published translation is held for this verse.
तत्र यः कुरुते श्राद्धं पिंडान्वै तिलचूर्णजान् । पुनाति पुरुषो वंशान्सप्तसप्तपरावरान्
tatra yaḥ kurute śrāddhaṃ piṃḍānvai tilacūrṇajān | punāti puruṣo vaṃśānsaptasaptaparāvarān
Sanskrit only: no published translation is held for this verse.
संपूज्य विधिवत्स्नात्वा संगमे गणनायकम् । न विघ्नैरभिभूयेत लक्ष्म्या नैव विहीयते
saṃpūjya vidhivatsnātvā saṃgame gaṇanāyakam | na vighnairabhibhūyeta lakṣmyā naiva vihīyate
Sanskrit only: no published translation is held for this verse.
पार्वत्युवाच। कस्मिन्कार्यसमारंभे समायातः पुरंदरः । स्वर्गलोकादिमं लोकमेतदाख्यातुमर्हसि
pārvatyuvāca| kasminkāryasamāraṃbhe samāyātaḥ puraṃdaraḥ | svargalokādimaṃ lokametadākhyātumarhasi
Sanskrit only: no published translation is held for this verse.
वार्त्रघ्नी च नदी केन निरुक्तेन निगद्यते । पुरंदरपुरं देव ब्रह्मघोषनिनादितम् । संभावयति योऽजस्रं मम तत्संगमं वद
vārtraghnī ca nadī kena niruktena nigadyate | puraṃdarapuraṃ deva brahmaghoṣanināditam | saṃbhāvayati yo'jasraṃ mama tatsaṃgamaṃ vada
Sanskrit only: no published translation is held for this verse.
महादेव उवाच। अस्मिंश्चैव तु भूर्लोके प्रश्नोऽयं समभूत्पुरा । युधिष्ठिरेति विख्यातो राजा वै धार्मिको महान्
mahādeva uvāca| asmiṃścaiva tu bhūrloke praśno'yaṃ samabhūtpurā | yudhiṣṭhireti vikhyāto rājā vai dhārmiko mahān
Sanskrit only: no published translation is held for this verse.
पृष्टवान्स तु भीष्माय धर्मिणे ज्ञानरूपिणे । तेनोक्तं यत्तु तद्देवि प्रवक्ष्यामि तवाग्रतः
pṛṣṭavānsa tu bhīṣmāya dharmiṇe jñānarūpiṇe | tenoktaṃ yattu taddevi pravakṣyāmi tavāgrataḥ
Sanskrit only: no published translation is held for this verse.
दशवर्षसहस्राणि दशवर्षशतानि च । वृत्रवासवयोर्युद्धमभवल्लोमहर्षणम्
daśavarṣasahasrāṇi daśavarṣaśatāni ca | vṛtravāsavayoryuddhamabhavallomaharṣaṇam
Sanskrit only: no published translation is held for this verse.
ततः पराजितः शक्रः कृत्वा वृत्रेण संविधम् । अद्रोहे स रणं त्यक्त्वा जगाम शरणं मम
tataḥ parājitaḥ śakraḥ kṛtvā vṛtreṇa saṃvidham | adrohe sa raṇaṃ tyaktvā jagāma śaraṇaṃ mama
Sanskrit only: no published translation is held for this verse.
वार्त्रघ्न्या संगमे पुण्ये तोषयामास शंकरम् । अथांतरिक्षेऽहं देवि दर्शनं दत्तवांस्तदा
vārtraghnyā saṃgame puṇye toṣayāmāsa śaṃkaram | athāṃtarikṣe'haṃ devi darśanaṃ dattavāṃstadā
Sanskrit only: no published translation is held for this verse.
ममगात्रात्तु यद्भस्म पतितं काश्यपी तटे । भस्मगात्रेति तत्पुण्यं लिंगं देवि विनिर्मितम्
mamagātrāttu yadbhasma patitaṃ kāśyapī taṭe | bhasmagātreti tatpuṇyaṃ liṃgaṃ devi vinirmitam
Sanskrit only: no published translation is held for this verse.
भूतेश्वरं भस्मगात्रं ब्रह्मणा संप्रतिष्ठितम् । तस्य वै दर्शनादेव ब्रह्महत्या लयं व्रजेत्
bhūteśvaraṃ bhasmagātraṃ brahmaṇā saṃpratiṣṭhitam | tasya vai darśanādeva brahmahatyā layaṃ vrajet
Sanskrit only: no published translation is held for this verse.
मुच्यते सर्वपापेभ्यः श्राद्धं कृत्वा युगादिषु । तदहं सुप्रसन्नोऽभूदिन्द्राय सुमहात्मने
mucyate sarvapāpebhyaḥ śrāddhaṃ kṛtvā yugādiṣu | tadahaṃ suprasanno'bhūdindrāya sumahātmane
Sanskrit only: no published translation is held for this verse.
यद्यत्त्वं वांछसे देव तत्सर्वं हि ददामि ते । अनेन वज्रयोगेन शीघ्रं वृत्रं हनिष्यसि
yadyattvaṃ vāṃchase deva tatsarvaṃ hi dadāmi te | anena vajrayogena śīghraṃ vṛtraṃ haniṣyasi
Sanskrit only: no published translation is held for this verse.
शक्र उवाच। भगवंस्त्वत्प्रसादेन दितिजं च दुरासदम् । वज्रेण निहनिष्यामि पश्यतस्ते सुरोत्तम
śakra uvāca| bhagavaṃstvatprasādena ditijaṃ ca durāsadam | vajreṇa nihaniṣyāmi paśyataste surottama
Sanskrit only: no published translation is held for this verse.
एवमुक्त्वा तदा इंद्रो गतवांश्चासुरं प्रति । तदा दुंदुभयो नेदुर्देवसैन्ये विशेषतः
evamuktvā tadā iṃdro gatavāṃścāsuraṃ prati | tadā duṃdubhayo nedurdevasainye viśeṣataḥ
Sanskrit only: no published translation is held for this verse.
मृदंग डिंडिमाश्चैव भेरी तूर्याण्यनेकशः । असुराणां च सर्वेषां वृत्तिलोभो महानभूत
mṛdaṃga ḍiṃḍimāścaiva bherī tūryāṇyanekaśaḥ | asurāṇāṃ ca sarveṣāṃ vṛttilobho mahānabhūta
Sanskrit only: no published translation is held for this verse.
बलवान्मघवा चैव क्षणेन समजायत् । तमाविष्टं ततो ज्ञात्वा ऋषयः पन्नगास्तथा
balavānmaghavā caiva kṣaṇena samajāyat | tamāviṣṭaṃ tato jñātvā ṛṣayaḥ pannagāstathā
Sanskrit only: no published translation is held for this verse.
स्तुवंति शक्रमीशानं स्तुत्या जयजयेति च । गच्छतस्तस्य शक्रस्य युद्धकामस्य सन्निधौ । ऋषिभिः स्तूयमानस्य रूपमासीत्सुदुर्भरम्
stuvaṃti śakramīśānaṃ stutyā jayajayeti ca | gacchatastasya śakrasya yuddhakāmasya sannidhau | ṛṣibhiḥ stūyamānasya rūpamāsītsudurbharam
Sanskrit only: no published translation is held for this verse.
महादेव उवाच। वृत्रस्यसहसा देवि तदा संग्राममूर्द्धनि । अभवन्यानि लिंगानि शरीरे तानि मे शृणु
mahādeva uvāca| vṛtrasyasahasā devi tadā saṃgrāmamūrddhani | abhavanyāni liṃgāni śarīre tāni me śṛṇu
Sanskrit only: no published translation is held for this verse.
ज्वलतास्योभवद्धोरो वैवर्ण्यमभवत्परम् । गात्रकंपश्च सुमहान्श्वासः सोष्मा व्यजायत्
jvalatāsyobhavaddhoro vaivarṇyamabhavatparam | gātrakaṃpaśca sumahānśvāsaḥ soṣmā vyajāyat
Sanskrit only: no published translation is held for this verse.
रोमहर्षश्च तीव्रोऽभूच्छ्वासश्चैव महानभूत् । निष्पपात महाघोरा उल्काः पार्श्वं प्रपेदिरे
romaharṣaśca tīvro'bhūcchvāsaścaiva mahānabhūt | niṣpapāta mahāghorā ulkāḥ pārśvaṃ prapedire
Sanskrit only: no published translation is held for this verse.
गृध्रा वटाः श्येन कंका वचो मुंचन्सुदारुणाः । वृत्रस्योपरि ते सर्वे चक्रवत्परिबभ्रमुः
gṛdhrā vaṭāḥ śyena kaṃkā vaco muṃcansudāruṇāḥ | vṛtrasyopari te sarve cakravatparibabhramuḥ
Sanskrit only: no published translation is held for this verse.
ततः स गजमास्थाय इंद्रस्तत्र समागतः । वज्रोद्यतकरस्तत्र शक्रस्तं दैत्यमासदत्
tataḥ sa gajamāsthāya iṃdrastatra samāgataḥ | vajrodyatakarastatra śakrastaṃ daityamāsadat
Sanskrit only: no published translation is held for this verse.
अमानुषमथो नादं स मुमोच सुरेश्वरः । वृत्रासुरस्य यततः शक्रो वज्रमपातयत्
amānuṣamatho nādaṃ sa mumoca sureśvaraḥ | vṛtrāsurasya yatataḥ śakro vajramapātayat
Sanskrit only: no published translation is held for this verse.
स वज्रः सुमहातेजाः कालाग्निसदृशो महान् । समुद्रस्य तटे वृत्रं शक्रो दैत्यमपातयत्
sa vajraḥ sumahātejāḥ kālāgnisadṛśo mahān | samudrasya taṭe vṛtraṃ śakro daityamapātayat
Sanskrit only: no published translation is held for this verse.
ततो नादः समभवत्पुनरेव समंततः । वृत्रं विनिहतं दृष्ट्वा सर्वदेवभयंकरम्
tato nādaḥ samabhavatpunareva samaṃtataḥ | vṛtraṃ vinihataṃ dṛṣṭvā sarvadevabhayaṃkaram
Sanskrit only: no published translation is held for this verse.
पुष्पवृष्टिस्तु महती इंद्र मूर्ध्नि पपात ह । वृत्रं हत्वा स भगवान्दानवेशं भयंकरम्
puṣpavṛṣṭistu mahatī iṃdra mūrdhni papāta ha | vṛtraṃ hatvā sa bhagavāndānaveśaṃ bhayaṃkaram
Sanskrit only: no published translation is held for this verse.
स्तूयमानोऽमरैः सार्द्धं देवदानीं तमाविशत् । अथ वृत्रशरीरात्तु निर्गतं तेज उत्तमम्
stūyamāno'maraiḥ sārddhaṃ devadānīṃ tamāviśat | atha vṛtraśarīrāttu nirgataṃ teja uttamam
Sanskrit only: no published translation is held for this verse.
ब्रह्महत्यामहाघोरा रौद्र लोकभयंकरी । करालवदना सा च विकृता कृष्णपिंगला
brahmahatyāmahāghorā raudra lokabhayaṃkarī | karālavadanā sā ca vikṛtā kṛṣṇapiṃgalā
Sanskrit only: no published translation is held for this verse.
कपालमालिनी चैव सुकृशा नगनंदिनि । रुधिराक्ता च पापिष्ठा मीनगंधातिभीषणा
kapālamālinī caiva sukṛśā naganaṃdini | rudhirāktā ca pāpiṣṭhā mīnagaṃdhātibhīṣaṇā
Sanskrit only: no published translation is held for this verse.
सानिष्क्रम्य महादेवि तादृग्रूपा भयावहा । इंद्रमन्वेषयामास तदा वै सुरसत्तमे
sāniṣkramya mahādevi tādṛgrūpā bhayāvahā | iṃdramanveṣayāmāsa tadā vai surasattame
Sanskrit only: no published translation is held for this verse.
निर्धावती ततः सा तु दृष्ट्वा शक्रं महौजसम् । कंठे जग्राह देवेंद्रं सुलग्ना साभवत्तदा
nirdhāvatī tataḥ sā tu dṛṣṭvā śakraṃ mahaujasam | kaṃṭhe jagrāha deveṃdraṃ sulagnā sābhavattadā
Sanskrit only: no published translation is held for this verse.
स च तस्मिन्समुद्भ्रांतो ब्रह्महत्याकृते भये । निलिल्य बिसमध्येऽसौ स्थितो वर्षगणान्बहून्
sa ca tasminsamudbhrāṃto brahmahatyākṛte bhaye | nililya bisamadhye'sau sthito varṣagaṇānbahūn
Sanskrit only: no published translation is held for this verse.
तया गृहीतो भो देवि निश्चेष्टः समपद्यत । तस्या व्यपोहने शक्रः प्रयत्नं च चकार ह
tayā gṛhīto bho devi niśceṣṭaḥ samapadyata | tasyā vyapohane śakraḥ prayatnaṃ ca cakāra ha
Sanskrit only: no published translation is held for this verse.
न शक्तोऽभून्महादेवि ब्रह्महत्यां व्यपोहितुम् । तया गृहीतमात्रस्तु देवेंद्रो निष्ठरूपधृक्
na śakto'bhūnmahādevi brahmahatyāṃ vyapohitum | tayā gṛhītamātrastu deveṃdro niṣṭharūpadhṛk
Sanskrit only: no published translation is held for this verse.
पितामहमुपागम्य शिरसा प्रत्यपूजयत् । ज्ञात्वा गृहीतं शक्रं तु द्विजप्रवरहत्यया
pitāmahamupāgamya śirasā pratyapūjayat | jñātvā gṛhītaṃ śakraṃ tu dvijapravarahatyayā
Sanskrit only: no published translation is held for this verse.
ब्रह्मा संचिंतयामास तदा वै सुरसत्तमे । सा चिंत्यमाना ब्रह्माणमुपगम्याब्रवीद्वचः
brahmā saṃciṃtayāmāsa tadā vai surasattame | sā ciṃtyamānā brahmāṇamupagamyābravīdvacaḥ
Sanskrit only: no published translation is held for this verse.
प्राप्तास्मि भगवन्देव त्वत्सकाशं हि मानद । यत्कर्त्तव्यं मया देव तद्भवान्वक्तुमर्हति
prāptāsmi bhagavandeva tvatsakāśaṃ hi mānada | yatkarttavyaṃ mayā deva tadbhavānvaktumarhati
Sanskrit only: no published translation is held for this verse.
तामुवाच महाभागे ब्रह्महत्यां पितामहः । स्वरेण मधुरेणाथ संक्षेपेण यथातथम्
tāmuvāca mahābhāge brahmahatyāṃ pitāmahaḥ | svareṇa madhureṇātha saṃkṣepeṇa yathātatham
Sanskrit only: no published translation is held for this verse.
मुच्यतां देवराजोऽयं मत्प्रियं कुरु भामिनि । ब्रूहि किं ते करोम्यद्य कामं त्वं किमिहेच्छसि
mucyatāṃ devarājo'yaṃ matpriyaṃ kuru bhāmini | brūhi kiṃ te karomyadya kāmaṃ tvaṃ kimihecchasi
Sanskrit only: no published translation is held for this verse.
हत्योवाच। शक्रादपगमिष्यामि वचनात्ते नरोत्तम । देवदेव नमस्तेस्तु निवासं च ददस्व मे
hatyovāca| śakrādapagamiṣyāmi vacanātte narottama | devadeva namastestu nivāsaṃ ca dadasva me
Sanskrit only: no published translation is held for this verse.
महादेव उवाच। तथेति तां प्रतिज्ञाय हत्यां चापि पितामहः । उपायमथ शक्रस्य ब्रह्महत्यापनोदने
mahādeva uvāca| tatheti tāṃ pratijñāya hatyāṃ cāpi pitāmahaḥ | upāyamatha śakrasya brahmahatyāpanodane
Sanskrit only: no published translation is held for this verse.
ततो वह्निं समाहूय ब्रह्मा वचनमब्रवीत् । शक्रहत्या चतुर्थांशं जातवेदो गृहाण भो
tato vahniṃ samāhūya brahmā vacanamabravīt | śakrahatyā caturthāṃśaṃ jātavedo gṛhāṇa bho
Sanskrit only: no published translation is held for this verse.
अग्निरुवाच। मम मोक्षस्य को हेतुर्ब्रह्महत्याकृते प्रभो । एतदिच्छामि विज्ञातुं तत्त्वतो लोकपूजित
agniruvāca| mama mokṣasya ko heturbrahmahatyākṛte prabho | etadicchāmi vijñātuṃ tattvato lokapūjita
Sanskrit only: no published translation is held for this verse.
ब्रह्मोवाच। यस्त्वां ज्वलंतमासाद्य न होष्यति नरः क्वचित् । बीजौषधितिलानग्रे फलमूलसमित्कुशान्
brahmovāca| yastvāṃ jvalaṃtamāsādya na hoṣyati naraḥ kvacit | bījauṣadhitilānagre phalamūlasamitkuśān
Sanskrit only: no published translation is held for this verse.
तदैव त्यक्षति त्वां च तत्रैव च निवत्स्यति । ब्रह्महत्या हव्यवाह व्येतु ते मनसो ज्वरः
tadaiva tyakṣati tvāṃ ca tatraiva ca nivatsyati | brahmahatyā havyavāha vyetu te manaso jvaraḥ
Sanskrit only: no published translation is held for this verse.
ततः स परिजग्राह तद्वचो हव्यकव्यभुक् । पितामहश्च भगवान्तथा तदलभत्प्रियम्
tataḥ sa parijagrāha tadvaco havyakavyabhuk | pitāmahaśca bhagavāntathā tadalabhatpriyam
Sanskrit only: no published translation is held for this verse.
ततो वृक्षौषधितृणान्याहूय स पितामहः । इममर्थं महाभागे वक्तुं समुपचक्रमे 6.168.५०। ततो वृक्षौषधितृणैस्तथैवोक्तं यथातथम् । व्यथितान्यग्निवद्देवि ब्रह्माणं वाक्यमब्रुवन्
tato vṛkṣauṣadhitṛṇānyāhūya sa pitāmahaḥ | imamarthaṃ mahābhāge vaktuṃ samupacakrame 6.168.50| tato vṛkṣauṣadhitṛṇaistathaivoktaṃ yathātatham | vyathitānyagnivaddevi brahmāṇaṃ vākyamabruvan
Sanskrit only: no published translation is held for this verse.
अस्माकं ब्रह्महत्यायाः कथयंतः पितामह । स्वभाव निहिता तस्मान्न पुनर्हंतुमर्हसि
asmākaṃ brahmahatyāyāḥ kathayaṃtaḥ pitāmaha | svabhāva nihitā tasmānna punarhaṃtumarhasi
Sanskrit only: no published translation is held for this verse.
वयमग्निं तथा शीतं वर्षं च पवनेरितम् । सहामः सततं देव तथा छेदनभेदनम्
vayamagniṃ tathā śītaṃ varṣaṃ ca pavaneritam | sahāmaḥ satataṃ deva tathā chedanabhedanam
Sanskrit only: no published translation is held for this verse.
ब्रह्मोवाच। अकारणं नरो यस्तु युष्मच्छेदनभेदनम् । करिष्यति महामोहात्तमेषानु प्रयास्यति
brahmovāca| akāraṇaṃ naro yastu yuṣmacchedanabhedanam | kariṣyati mahāmohāttameṣānu prayāsyati
Sanskrit only: no published translation is held for this verse.
महादेव उवाच। ततो महौषधितृणैरोमित्युक्तं महात्मभिः । ब्रह्माणमपि संपूज्य जग्मुश्चाथ यथागतम्
mahādeva uvāca| tato mahauṣadhitṛṇairomityuktaṃ mahātmabhiḥ | brahmāṇamapi saṃpūjya jagmuścātha yathāgatam
Sanskrit only: no published translation is held for this verse.
आहूयाप्सरसो देवस्ततो लोकपितामहः । वाचा मधुरया प्राह सांत्वयन्निव सत्तमे
āhūyāpsaraso devastato lokapitāmahaḥ | vācā madhurayā prāha sāṃtvayanniva sattame
Sanskrit only: no published translation is held for this verse.
इयं वृत्रादनुप्राप्ता ब्रह्महत्या वराङ्गनाः । चतुर्थमस्या भागं च मयोक्तं संप्रतीच्छथ
iyaṃ vṛtrādanuprāptā brahmahatyā varāṅganāḥ | caturthamasyā bhāgaṃ ca mayoktaṃ saṃpratīcchatha
Sanskrit only: no published translation is held for this verse.
अप्सरा ऊचुः । ग्रहणे कृतबुद्धीनां देवेश तव शासनात् । संमोक्षसमयोऽस्माकं चिंतनीयः पितामह
apsarā ūcuḥ | grahaṇe kṛtabuddhīnāṃ deveśa tava śāsanāt | saṃmokṣasamayo'smākaṃ ciṃtanīyaḥ pitāmaha
Sanskrit only: no published translation is held for this verse.
पितामह उवाच। रजस्वलासु नारीषु यो वै मैथुनमाचरेत् । तमेषा यास्यति क्षिप्रं व्येतु वो मनसो ज्वरः
pitāmaha uvāca| rajasvalāsu nārīṣu yo vai maithunamācaret | tameṣā yāsyati kṣipraṃ vyetu vo manaso jvaraḥ
Sanskrit only: no published translation is held for this verse.
महादेव उवाच। तथेति हृष्टमनसः प्रत्युक्ता ह्यप्सरोगणाः । स्वानि स्थानानि संप्राप्य रेमिरे शैलजे तदा
mahādeva uvāca| tatheti hṛṣṭamanasaḥ pratyuktā hyapsarogaṇāḥ | svāni sthānāni saṃprāpya remire śailaje tadā
Sanskrit only: no published translation is held for this verse.
ततश्च लोककृद्देवः पुनरेव पितामहः । आपः संचिंतयामास ततस्ताश्च समागमन्
tataśca lokakṛddevaḥ punareva pitāmahaḥ | āpaḥ saṃciṃtayāmāsa tatastāśca samāgaman
Sanskrit only: no published translation is held for this verse.
ताश्च सर्वाः समागम्य ब्रह्माणममितौजसम् । इदमूचुर्वचो देवि प्रणिपत्य पितामहम्
tāśca sarvāḥ samāgamya brahmāṇamamitaujasam | idamūcurvaco devi praṇipatya pitāmaham
Sanskrit only: no published translation is held for this verse.
इमाः स्म देव संप्राप्तास्त्वत्सकाशमरिंदम। शासनात्तव देवेश समाज्ञापय तत्प्रभो
imāḥ sma deva saṃprāptāstvatsakāśamariṃdama| śāsanāttava deveśa samājñāpaya tatprabho
Sanskrit only: no published translation is held for this verse.
ब्रह्मोवाच। इयं वृत्रादनुप्राप्ता पुरुहूतं भयानका । ब्रह्महत्या चतुर्थांशं यूयमस्याः प्रतीच्छथ
brahmovāca| iyaṃ vṛtrādanuprāptā puruhūtaṃ bhayānakā | brahmahatyā caturthāṃśaṃ yūyamasyāḥ pratīcchatha
Sanskrit only: no published translation is held for this verse.
आप ऊचुः। एवं भवतु लोकेश यत्त्वं वदसि नः प्रभोः । मोक्षस्य समयं नस्त्वं संचिंतयितुमर्हसि
āpa ūcuḥ| evaṃ bhavatu lokeśa yattvaṃ vadasi naḥ prabhoḥ | mokṣasya samayaṃ nastvaṃ saṃciṃtayitumarhasi
Sanskrit only: no published translation is held for this verse.
त्वं हि देवेंद्र सर्वस्य जगतः परमा गतिः । कोऽन्येभ्यो हि प्रसादोऽपि यः कृच्छ्रान्नः समुद्धरेत्
tvaṃ hi deveṃdra sarvasya jagataḥ paramā gatiḥ | ko'nyebhyo hi prasādo'pi yaḥ kṛcchrānnaḥ samuddharet
Sanskrit only: no published translation is held for this verse.
ब्रह्मोवाच। अल्पमेव मतिं कृत्वा यो नरो बुद्धिमोहितः
brahmovāca| alpameva matiṃ kṛtvā yo naro buddhimohitaḥ
Sanskrit only: no published translation is held for this verse.
श्लेष्ममूत्रपुरीषाणि युष्मासु प्रतिमोक्षति । तमेव यास्यति क्षिप्रं तत्रैव च निवत्स्यति । ततो वै भविता मोक्ष इति सत्यं ब्रवीमि वः
śleṣmamūtrapurīṣāṇi yuṣmāsu pratimokṣati | tameva yāsyati kṣipraṃ tatraiva ca nivatsyati | tato vai bhavitā mokṣa iti satyaṃ bravīmi vaḥ
Sanskrit only: no published translation is held for this verse.
महादेव उवाच। ततो विमुच्य देवेंद्रं ब्रह्महत्या सुरेश्वरि । गतातिहृष्टो देवेशो ह्यभवद्देवशासनात्
mahādeva uvāca| tato vimucya deveṃdraṃ brahmahatyā sureśvari | gatātihṛṣṭo deveśo hyabhavaddevaśāsanāt
Sanskrit only: no published translation is held for this verse.
एवं शक्रेण संप्राप्ता ब्रह्महत्या पुरा युगे । अस्मिंस्तीर्थे तपस्तप्त्वा शुद्धात्मा त्रिदिवं ययौ
evaṃ śakreṇa saṃprāptā brahmahatyā purā yuge | asmiṃstīrthe tapastaptvā śuddhātmā tridivaṃ yayau
Sanskrit only: no published translation is held for this verse.
अश्वमेधं ततः कृत्वा विपाप्मा समपद्यत । इति साभ्रमती तीर्थे वार्त्रघ्नीयं नगात्मजे
aśvamedhaṃ tataḥ kṛtvā vipāpmā samapadyata | iti sābhramatī tīrthe vārtraghnīyaṃ nagātmaje
Sanskrit only: no published translation is held for this verse.