Padma Purāṇa 6.169

महेश उवाच। ततःपरं देवनदी वार्त्रघ्नी संगमात्किल । प्रविष्टा भद्रया सार्द्धं सागरं वरुणालयम्

maheśa uvāca| tataḥparaṃ devanadī vārtraghnī saṃgamātkila | praviṣṭā bhadrayā sārddhaṃ sāgaraṃ varuṇālayam

Sanskrit only: no published translation is held for this verse.

समुद्रोऽपि तया तावदागम्य प्रियकाम्यया । साभ्रमत्यानुरागेण कृतवान्प्रियमेलनम्

samudro'pi tayā tāvadāgamya priyakāmyayā | sābhramatyānurāgeṇa kṛtavānpriyamelanam

Sanskrit only: no published translation is held for this verse.

भद्रा वापि सुभद्रा या वयस्या सा नदी पुरा । सहायमकरोन्मार्गे साक्षात्श्रीरूपधारिणी

bhadrā vāpi subhadrā yā vayasyā sā nadī purā | sahāyamakaronmārge sākṣātśrīrūpadhāriṇī

Sanskrit only: no published translation is held for this verse.

तयोस्तुसंगमः पुण्यः सागरस्योत्तरे तटे । तत्र तीर्थे नरः स्नात्वा मृष्टं वारि ददाति यः

tayostusaṃgamaḥ puṇyaḥ sāgarasyottare taṭe | tatra tīrthe naraḥ snātvā mṛṣṭaṃ vāri dadāti yaḥ

Sanskrit only: no published translation is held for this verse.

नमस्कृत्य वराहाय वारुणं स्थानमाप्नुयात् । प्रविश्य भगवान्विष्णुस्तेन मार्गेण सागरम्

namaskṛtya varāhāya vāruṇaṃ sthānamāpnuyāt | praviśya bhagavānviṣṇustena mārgeṇa sāgaram

Sanskrit only: no published translation is held for this verse.

जित्वा वै दानवान्सर्वान्देवानां परिपंथिनः । देवो यज्ञवराहश्च संक्षोभ्य मकरालयम् । क्रीडित्वा सुचिरं कालं कर्दमालेन निर्ययौ

jitvā vai dānavānsarvāndevānāṃ paripaṃthinaḥ | devo yajñavarāhaśca saṃkṣobhya makarālayam | krīḍitvā suciraṃ kālaṃ kardamālena niryayau

Sanskrit only: no published translation is held for this verse.

पार्वत्युवाच। देव यज्ञवराहस्य साभ्रमत्यां प्रवेशनम् । निर्गमं कर्दमालेन ब्रूहि त्वं मम विस्तरात्

pārvatyuvāca| deva yajñavarāhasya sābhramatyāṃ praveśanam | nirgamaṃ kardamālena brūhi tvaṃ mama vistarāt

Sanskrit only: no published translation is held for this verse.

महादेव उवाच। अंतर्भू क्रीडितमिदं वराहस्य हरेः पुरा । तत्सर्वं कथयिष्यामि शृणु त्वं नगनंदिनि

mahādeva uvāca| aṃtarbhū krīḍitamidaṃ varāhasya hareḥ purā | tatsarvaṃ kathayiṣyāmi śṛṇu tvaṃ naganaṃdini

Sanskrit only: no published translation is held for this verse.

योऽयं वै भगवान्साक्षाद्धृतवान्सूकरं वपुः । देवानां कार्यसिद्ध्यर्थं रूपं धृत्वा सुरेश्वरः

yo'yaṃ vai bhagavānsākṣāddhṛtavānsūkaraṃ vapuḥ | devānāṃ kāryasiddhyarthaṃ rūpaṃ dhṛtvā sureśvaraḥ

Sanskrit only: no published translation is held for this verse.

धृत्वा वै पृथिवीं देवीं निर्गतः कर्दमालयम् । तत्र तीर्थं महज्जातं वराहाख्यं तु सुंदरि

dhṛtvā vai pṛthivīṃ devīṃ nirgataḥ kardamālayam | tatra tīrthaṃ mahajjātaṃ varāhākhyaṃ tu suṃdari

Sanskrit only: no published translation is held for this verse.

तत्र स्नाति नरो यस्तु मुक्तिभाक्स न संशयः । अत्र श्राद्धं प्रकुर्वीत पितॄणां मुक्तिहेतवे । विमुक्तस्तैः समं लोकं प्रयाति सुखदं महत्

tatra snāti naro yastu muktibhāksa na saṃśayaḥ | atra śrāddhaṃ prakurvīta pitṝṇāṃ muktihetave | vimuktastaiḥ samaṃ lokaṃ prayāti sukhadaṃ mahat

Sanskrit only: no published translation is held for this verse.