Library·Padma Purāṇa·6·6.17
नारद उवाच- अथ जालंधरोऽपश्यत्कबंधचयभीषणम् । रणं रुधिरमांसौघ मज्जा मेदोऽस्थिदुर्गमम्
nārada uvāca- atha jālaṃdharo'paśyatkabaṃdhacayabhīṣaṇam | raṇaṃ rudhiramāṃsaugha majjā medo'sthidurgamam
Sanskrit only: no published translation is held for this verse.
तत्र जालंधरो दैत्यः प्रियाहरणदुःखितः । रणे विलोकयामास वृषस्थं पार्वतीपतिम्
tatra jālaṃdharo daityaḥ priyāharaṇaduḥkhitaḥ | raṇe vilokayāmāsa vṛṣasthaṃ pārvatīpatim
Sanskrit only: no published translation is held for this verse.
घोराहिभोगेनविभूषितांगं जटाकलापे शशिभूषणांकितम् । नेत्राग्निकीलोपरिशोभितांगं विना रणं संप्रददर्श सिंधुजः
ghorāhibhogenavibhūṣitāṃgaṃ jaṭākalāpe śaśibhūṣaṇāṃkitam | netrāgnikīlopariśobhitāṃgaṃ vinā raṇaṃ saṃpradadarśa siṃdhujaḥ
Sanskrit only: no published translation is held for this verse.
शीघ्रं स्वरथमारुह्य समुद्रतनयस्तदा । संरुष्टः प्राह तं शुंभं तापसो न हतस्त्वया
śīghraṃ svarathamāruhya samudratanayastadā | saṃruṣṭaḥ prāha taṃ śuṃbhaṃ tāpaso na hatastvayā
Sanskrit only: no published translation is held for this verse.
प्राह जालंधरं शुंभस्तपस्तेन महत्कृतम् । हंतुं न शक्यतेऽस्माभिर्हरः संग्रामदुर्जयः
prāha jālaṃdharaṃ śuṃbhastapastena mahatkṛtam | haṃtuṃ na śakyate'smābhirharaḥ saṃgrāmadurjayaḥ
Sanskrit only: no published translation is held for this verse.
इतिशुंभोक्तमाकर्ण्यसिंधुजःक्रोधमूर्च्छितः । हरं पद्मसहस्रेण दैत्यसैन्येन संवृतम्
itiśuṃbhoktamākarṇyasiṃdhujaḥkrodhamūrcchitaḥ | haraṃ padmasahasreṇa daityasainyena saṃvṛtam
Sanskrit only: no published translation is held for this verse.
गृहीत्वा कालकेदारं धनुर्जालंधरो ययौ । बाणांस्तीक्ष्णानतिस्थूलान्लोहस्तंभान्तथा बहून्
gṛhītvā kālakedāraṃ dhanurjālaṃdharo yayau | bāṇāṃstīkṣṇānatisthūlānlohastaṃbhāntathā bahūn
Sanskrit only: no published translation is held for this verse.
मुमोच युधि दुर्धर्षो वर्षन्मेघ इवागमे । आयांतं रुरुधुः सिंधुसूनुं शंभुगणा युधि
mumoca yudhi durdharṣo varṣanmegha ivāgame | āyāṃtaṃ rurudhuḥ siṃdhusūnuṃ śaṃbhugaṇā yudhi
Sanskrit only: no published translation is held for this verse.
ततो रुद्रेण रौद्रैश्च शरौघैस्ताडितो रुषा । रुद्रबाणैस्तदा तस्य कवचं भुवि पातितम्
tato rudreṇa raudraiśca śaraughaistāḍito ruṣā | rudrabāṇaistadā tasya kavacaṃ bhuvi pātitam
Sanskrit only: no published translation is held for this verse.
विवर्मापि बभौ सोऽथ मेघमुक्तो यथाचलः । पुनर्जालंधरस्यांगं शंभुना कीलितं शरैः
vivarmāpi babhau so'tha meghamukto yathācalaḥ | punarjālaṃdharasyāṃgaṃ śaṃbhunā kīlitaṃ śaraiḥ
Sanskrit only: no published translation is held for this verse.
रुधिरं बहु सुस्राव जालंधरशरीरतः । तेनाशु रुधिरौघेण प्लाविता सकला मही
rudhiraṃ bahu susrāva jālaṃdharaśarīrataḥ | tenāśu rudhiraugheṇa plāvitā sakalā mahī
Sanskrit only: no published translation is held for this verse.
ततो देवा भयं जग्मुर्दानवाश्च चकंपिरे । त्यक्त्वा ते प्रमथा वीरा रणभूमिं प्रदुद्रुवुः
tato devā bhayaṃ jagmurdānavāśca cakaṃpire | tyaktvā te pramathā vīrā raṇabhūmiṃ pradudruvuḥ
Sanskrit only: no published translation is held for this verse.
नद्या इव परा मूर्त्तिः प्रसृता सर्वतोऽपि च । अथाहार्णवजो रुद्रं धनुर्धर वरो ह्यसि
nadyā iva parā mūrttiḥ prasṛtā sarvato'pi ca | athāhārṇavajo rudraṃ dhanurdhara varo hyasi
Sanskrit only: no published translation is held for this verse.
इदानीं तत्करिष्यामि येन गच्छसि संक्षयम् । इत्युक्त्वा कालकेदारं सशरं प्रतिगृह्य तत्
idānīṃ tatkariṣyāmi yena gacchasi saṃkṣayam | ityuktvā kālakedāraṃ saśaraṃ pratigṛhya tat
Sanskrit only: no published translation is held for this verse.
शीघ्रं संपूरयामास शरैर्नानाविधैः शिवम् । शिवः सहस्रकोटीभिः पूरितांगो रणे बभौ
śīghraṃ saṃpūrayāmāsa śarairnānāvidhaiḥ śivam | śivaḥ sahasrakoṭībhiḥ pūritāṃgo raṇe babhau
Sanskrit only: no published translation is held for this verse.
विहंगमैर्यथाकाशं वृक्षैरिव महागिरिः । दैत्यमुक्तैस्तुतैर्बाणैर्दृष्ट्वा व्याप्तं महेश्वरम्
vihaṃgamairyathākāśaṃ vṛkṣairiva mahāgiriḥ | daityamuktaistutairbāṇairdṛṣṭvā vyāptaṃ maheśvaram
Sanskrit only: no published translation is held for this verse.
वीरभद्रस्तथा कोपाज्जालंधरमधावत । अपीडयदमेयात्मा समुद्रतनयं बली
vīrabhadrastathā kopājjālaṃdharamadhāvata | apīḍayadameyātmā samudratanayaṃ balī
Sanskrit only: no published translation is held for this verse.
जालंधरोऽथ संक्रुद्धो विध्यन्बाणैः सहस्रशः । धनुः शरान्रथं छत्रं सारथिं तिलशः शरैः
jālaṃdharo'tha saṃkruddho vidhyanbāṇaiḥ sahasraśaḥ | dhanuḥ śarānrathaṃ chatraṃ sārathiṃ tilaśaḥ śaraiḥ
Sanskrit only: no published translation is held for this verse.
चकार वीरभद्रस्य सिंधुसूनुः प्रतापवान् । वीरभद्रोऽथ विरथो हतवान्गदयाब्धिजम्
cakāra vīrabhadrasya siṃdhusūnuḥ pratāpavān | vīrabhadro'tha viratho hatavāngadayābdhijam
Sanskrit only: no published translation is held for this verse.
तथैव गदया सोऽपि तं हत्वापातयद्भुवि । गदाप्रहारपतितमालोक्यातिविमूर्च्छितम्
tathaiva gadayā so'pi taṃ hatvāpātayadbhuvi | gadāprahārapatitamālokyātivimūrcchitam
Sanskrit only: no published translation is held for this verse.
मणिभद्रोऽथ समरे जालंधरमधावत । अतिक्रुद्धं तमायांतं दृष्ट्वा दैत्यो महारणे
maṇibhadro'tha samare jālaṃdharamadhāvata | atikruddhaṃ tamāyāṃtaṃ dṛṣṭvā daityo mahāraṇe
Sanskrit only: no published translation is held for this verse.
शरैर्व्यस्तोपकरणं स चकार नदीसुतः । अथ मूर्च्छां परित्यज्य उत्तस्थौ सिंहवन्नदन्
śarairvyastopakaraṇaṃ sa cakāra nadīsutaḥ | atha mūrcchāṃ parityajya uttasthau siṃhavannadan
Sanskrit only: no published translation is held for this verse.
वीरभद्रस्ततः कोपान्मणिभद्रः प्रतापवान् । जघ्नतुः पर्वताभ्यां तौ व्योमस्थं तटिनीसुतम्
vīrabhadrastataḥ kopānmaṇibhadraḥ pratāpavān | jaghnatuḥ parvatābhyāṃ tau vyomasthaṃ taṭinīsutam
Sanskrit only: no published translation is held for this verse.
तदंगे पतितौ दृष्ट्वा पर्वतौ विनिनद्य च । जघान मुष्टिपातेन वीरभद्रो नदीसुतम्
tadaṃge patitau dṛṣṭvā parvatau vininadya ca | jaghāna muṣṭipātena vīrabhadro nadīsutam
Sanskrit only: no published translation is held for this verse.
मणिभद्रश्चरणयोर्धृत्वा सागरनंदनम् । स्यंदनाद्भ्रामयामास तदद्भुतमिवाभवत्
maṇibhadraścaraṇayordhṛtvā sāgaranaṃdanam | syaṃdanādbhrāmayāmāsa tadadbhutamivābhavat
Sanskrit only: no published translation is held for this verse.
मणिभद्र गृहीतोऽपि दैत्यराट्स महाबलः । हत्वा चरणघातेन मणिभद्रमपातयत्
maṇibhadra gṛhīto'pi daityarāṭsa mahābalaḥ | hatvā caraṇaghātena maṇibhadramapātayat
Sanskrit only: no published translation is held for this verse.
जालंधरो महाबाहुर्वीरभद्रं च मुष्टिना । अथागतः परिवृतो गणैर्वै नंदिकेश्वरः
jālaṃdharo mahābāhurvīrabhadraṃ ca muṣṭinā | athāgataḥ parivṛto gaṇairvai naṃdikeśvaraḥ
Sanskrit only: no published translation is held for this verse.
शुंभस्तमागतं दृष्ट्वा रुरोध सह सैनिकैः । द्वंद्वयुद्धैरथाजग्मुर्गणा दैत्यैः परस्परम्
śuṃbhastamāgataṃ dṛṣṭvā rurodha saha sainikaiḥ | dvaṃdvayuddhairathājagmurgaṇā daityaiḥ parasparam
Sanskrit only: no published translation is held for this verse.
शुंभः शिलादजं राहुर्महाकालं रणे ययौ । कोलाहलं निशुंभोऽथ केतुः कालमधावत
śuṃbhaḥ śilādajaṃ rāhurmahākālaṃ raṇe yayau | kolāhalaṃ niśuṃbho'tha ketuḥ kālamadhāvata
Sanskrit only: no published translation is held for this verse.
शैलोदरो गुहं जंभो माल्यवंतं महाबलः । महापार्श्वो ययौ चंडं चंडीशो रोमकंटकम्
śailodaro guhaṃ jaṃbho mālyavaṃtaṃ mahābalaḥ | mahāpārśvo yayau caṃḍaṃ caṃḍīśo romakaṃṭakam
Sanskrit only: no published translation is held for this verse.
विकटास्योऽथ वै भृंगिमुरुनेत्रो विनायकम् । एवं दैत्येश्वरैः सार्द्धं गणानामधिपा ययुः
vikaṭāsyo'tha vai bhṛṃgimurunetro vināyakam | evaṃ daityeśvaraiḥ sārddhaṃ gaṇānāmadhipā yayuḥ
Sanskrit only: no published translation is held for this verse.
अथ शुंभायुधैर्बाणैः प्रहतश्च शिलादजः । चूर्णीचकाराद्रिशृंगैः कपितुंडो महत्तरैः
atha śuṃbhāyudhairbāṇaiḥ prahataśca śilādajaḥ | cūrṇīcakārādriśṛṃgaiḥ kapituṃḍo mahattaraiḥ
Sanskrit only: no published translation is held for this verse.
शुंभस्तेनार्दितः शक्त्या शिलादं च जघान तम् । महाकालो जघानाथ तं राहुं रणमूर्द्धनि
śuṃbhastenārditaḥ śaktyā śilādaṃ ca jaghāna tam | mahākālo jaghānātha taṃ rāhuṃ raṇamūrddhani
Sanskrit only: no published translation is held for this verse.
शक्त्याथ तस्य हतवान्स्यंदनं स महाद्रिणा । कोलाहलो हतः शक्त्या निशुंभेन प्रतापवान्
śaktyātha tasya hatavānsyaṃdanaṃ sa mahādriṇā | kolāhalo hataḥ śaktyā niśuṃbhena pratāpavān
Sanskrit only: no published translation is held for this verse.
शक्तिं गृहीत्वा ह्यहनद्रथं सारथिना सह । विरथेनाथ दैत्येन भृशं क्रुद्धेन संयुगे
śaktiṃ gṛhītvā hyahanadrathaṃ sārathinā saha | virathenātha daityena bhṛśaṃ kruddhena saṃyuge
Sanskrit only: no published translation is held for this verse.
कोलाहलो सुरेंद्रेण सहस्रफणिना हतः । तं हत्वा चातिवेगेन रथं चान्यमुपागतः
kolāhalo sureṃdreṇa sahasraphaṇinā hataḥ | taṃ hatvā cātivegena rathaṃ cānyamupāgataḥ
Sanskrit only: no published translation is held for this verse.
फणिचक्रहतः संख्ये क्षणान्मूर्च्छां विहाय च । स्वरथात्शीघ्रमुत्तीर्य गृहीत्वा खड्गचर्मणी
phaṇicakrahataḥ saṃkhye kṣaṇānmūrcchāṃ vihāya ca | svarathātśīghramuttīrya gṛhītvā khaḍgacarmaṇī
Sanskrit only: no published translation is held for this verse.
सर्वं चक्रे निशुंभस्य स रथाद्यसिना पृथक् । पुनः स्वरथमारुह्य दैत्यं बाणैरताडयत्
sarvaṃ cakre niśuṃbhasya sa rathādyasinā pṛthak | punaḥ svarathamāruhya daityaṃ bāṇairatāḍayat
Sanskrit only: no published translation is held for this verse.
निशुंभोऽप्यतिरोषाच्च तत्पराक्रमविस्मितः । शक्त्या महाबलस्तस्य रथं साश्वं न्यषूदयत्
niśuṃbho'pyatiroṣācca tatparākramavismitaḥ | śaktyā mahābalastasya rathaṃ sāśvaṃ nyaṣūdayat
Sanskrit only: no published translation is held for this verse.
कोलाहलो रणे धावन्निशुंभं विरथो बली । गतः स सरथं चक्रे विरथं भुजबंधनात्
kolāhalo raṇe dhāvanniśuṃbhaṃ viratho balī | gataḥ sa sarathaṃ cakre virathaṃ bhujabaṃdhanāt
Sanskrit only: no published translation is held for this verse.
केतुपुच्छं गृहीत्वा च भ्रामयामास चांबरे । कालश्चिक्षेप सोऽप्यद्रिं स चिच्छेद गिरिं जवात्
ketupucchaṃ gṛhītvā ca bhrāmayāmāsa cāṃbare | kālaścikṣepa so'pyadriṃ sa ciccheda giriṃ javāt
Sanskrit only: no published translation is held for this verse.
तं नगं चूर्णितं दृष्ट्वा ताडयामास मुष्टिना । कालश्चूर्णितसर्वांगः केतुना प्राद्रवद्भयात्
taṃ nagaṃ cūrṇitaṃ dṛṣṭvā tāḍayāmāsa muṣṭinā | kālaścūrṇitasarvāṃgaḥ ketunā prādravadbhayāt
Sanskrit only: no published translation is held for this verse.
शैलोदरस्तथा स्कंदं जघान गदयोरसि । षडाननोऽपि तं शक्त्या हत्वा भूमावपातयत्
śailodarastathā skaṃdaṃ jaghāna gadayorasi | ṣaḍānano'pi taṃ śaktyā hatvā bhūmāvapātayat
Sanskrit only: no published translation is held for this verse.
शक्तिप्रहारेण मृतं दानवं वीक्ष्य षण्मुखः । जगर्ज तत्र वैचित्र्यं यथा क्रौंचे विदारिते
śaktiprahāreṇa mṛtaṃ dānavaṃ vīkṣya ṣaṇmukhaḥ | jagarja tatra vaicitryaṃ yathā krauṃce vidārite
Sanskrit only: no published translation is held for this verse.
माल्यवानथ बाणौघैर्जंभमभ्यर्दयद्रणे । जंभोऽपि सायकैस्तीक्ष्णैर्भित्त्वा तं मूर्च्छितं जहौ
mālyavānatha bāṇaughairjaṃbhamabhyardayadraṇe | jaṃbho'pi sāyakaistīkṣṇairbhittvā taṃ mūrcchitaṃ jahau
Sanskrit only: no published translation is held for this verse.
महापार्श्वो रथं धृत्वा बाणौघैर्वाजिवर्जितम् । लीलयैव च खे नीत्वा व्यश्वं चंडमपातयत्
mahāpārśvo rathaṃ dhṛtvā bāṇaughairvājivarjitam | līlayaiva ca khe nītvā vyaśvaṃ caṃḍamapātayat
Sanskrit only: no published translation is held for this verse.
व्यश्वं रथं विलोक्याथ ततश्चंडोऽग्रहीद्गजम् । आपतंतं महापार्श्वं चंडस्तं गदयाहनत्
vyaśvaṃ rathaṃ vilokyātha tataścaṃḍo'grahīdgajam | āpataṃtaṃ mahāpārśvaṃ caṃḍastaṃ gadayāhanat
Sanskrit only: no published translation is held for this verse.
अचिंत्यैव गदापातं सोऽसुरो भृशदारुणः । प्रहत्य मुष्टिना चंडं पातयामास भूतले
aciṃtyaiva gadāpātaṃ so'suro bhṛśadāruṇaḥ | prahatya muṣṭinā caṃḍaṃ pātayāmāsa bhūtale
Sanskrit only: no published translation is held for this verse.
चंडीशशस्त्राभिहतो रोमकंठो महासुरः । चंडीशं पादयोर्धृत्वा रथमूर्ध्नि न्यपातयत्
caṃḍīśaśastrābhihato romakaṃṭho mahāsuraḥ | caṃḍīśaṃ pādayordhṛtvā rathamūrdhni nyapātayat
Sanskrit only: no published translation is held for this verse.
पपात सहसा भूमौ ययौ तं भीषणेक्षणः । उरुनेत्रेण समरे हतो लंबोदरः शरैः 6.17.५०। दंतेनोरसि तं हत्वा पातयामास भूतले । ऊरुनेत्रः क्षणाच्छांतिमागत्याशु रथं क्षणात्
papāta sahasā bhūmau yayau taṃ bhīṣaṇekṣaṇaḥ | urunetreṇa samare hato laṃbodaraḥ śaraiḥ 6.17.50| daṃtenorasi taṃ hatvā pātayāmāsa bhūtale | ūrunetraḥ kṣaṇācchāṃtimāgatyāśu rathaṃ kṣaṇāt
Sanskrit only: no published translation is held for this verse.
जघान मुद्गरेणासौ मूर्ध्नि सिंदूरमंडिते । गणेश्वरः पट्टिशेन जघानोरसि दानवम्
jaghāna mudgareṇāsau mūrdhni siṃdūramaṃḍite | gaṇeśvaraḥ paṭṭiśena jaghānorasi dānavam
Sanskrit only: no published translation is held for this verse.
तन्मुखादथ निष्क्रांतो नवशीर्षोऽसुरो महान् । अष्टादशभुजो राजन्सोऽप्यधावत शांकरिम्
tanmukhādatha niṣkrāṃto navaśīrṣo'suro mahān | aṣṭādaśabhujo rājanso'pyadhāvata śāṃkarim
Sanskrit only: no published translation is held for this verse.
नवशीर्षोरुनेत्राभ्यां रणे रुद्धो विनायकः । जर्जरीकृतदेहोऽपि जग्राह परशुं रुषा
navaśīrṣorunetrābhyāṃ raṇe ruddho vināyakaḥ | jarjarīkṛtadeho'pi jagrāha paraśuṃ ruṣā
Sanskrit only: no published translation is held for this verse.
तेन चिच्छेद शस्त्राणि तयोराजौ गणेश्वरः । रुद्धं गणेश्वरं दृष्ट्वा ताभ्यां संख्येऽथ षण्मुखः
tena ciccheda śastrāṇi tayorājau gaṇeśvaraḥ | ruddhaṃ gaṇeśvaraṃ dṛṣṭvā tābhyāṃ saṃkhye'tha ṣaṇmukhaḥ
Sanskrit only: no published translation is held for this verse.
शीघ्रमागत्य सेनानीर्जघान नवशीर्षकम् । नवशीर्षं रणे हत्वा उरुनेत्रमधावत
śīghramāgatya senānīrjaghāna navaśīrṣakam | navaśīrṣaṃ raṇe hatvā urunetramadhāvata
Sanskrit only: no published translation is held for this verse.
स्कंदः स्वशक्तिघातेन पातयामास तं नृप । पश्यञ्जालंधरः स्कंदं ययौ सैन्येन संवृतः
skaṃdaḥ svaśaktighātena pātayāmāsa taṃ nṛpa | paśyañjālaṃdharaḥ skaṃdaṃ yayau sainyena saṃvṛtaḥ
Sanskrit only: no published translation is held for this verse.
पुत्रप्रीत्यासुरान्हंतुं सगणः शंकरोऽपि च । ततो घोरतरं युद्धमभूदद्भुतसैन्ययोः
putraprītyāsurānhaṃtuṃ sagaṇaḥ śaṃkaro'pi ca | tato ghorataraṃ yuddhamabhūdadbhutasainyayoḥ
Sanskrit only: no published translation is held for this verse.
हरसिंधुजयोर्युद्धे गतप्राणेव रोदसी । अथ जालंधरः क्रुद्धो बाणं संधाय दारुणम्
harasiṃdhujayoryuddhe gataprāṇeva rodasī | atha jālaṃdharaḥ kruddho bāṇaṃ saṃdhāya dāruṇam
Sanskrit only: no published translation is held for this verse.
सहस्रशतसंख्याकैः पत्रैः सर्वत्र भूषितम् । दैत्येंद्रस्तेन बाणेन ललाटेताडयच्छिवम्
sahasraśatasaṃkhyākaiḥ patraiḥ sarvatra bhūṣitam | daityeṃdrastena bāṇena lalāṭetāḍayacchivam
Sanskrit only: no published translation is held for this verse.
ममज्जापुंखमर्यादं ललाटे शंकरस्य च । भाले शशांकवच्छंभोः स रराज महाप्रभः
mamajjāpuṃkhamaryādaṃ lalāṭe śaṃkarasya ca | bhāle śaśāṃkavacchaṃbhoḥ sa rarāja mahāprabhaḥ
Sanskrit only: no published translation is held for this verse.
यथादित्यो हि घर्मांते संध्याकालेंबुदागमे । अथ रुद्रो महाबाणं जग्राह ज्वलनोपमम्
yathādityo hi gharmāṃte saṃdhyākāleṃbudāgame | atha rudro mahābāṇaṃ jagrāha jvalanopamam
Sanskrit only: no published translation is held for this verse.
यस्य वेगे तु पवनः फले यस्याग्निभास्करौ । कालो ग्रंथिषु सर्वेषु शरे देवी धरा स्थिता
yasya vege tu pavanaḥ phale yasyāgnibhāskarau | kālo graṃthiṣu sarveṣu śare devī dharā sthitā
Sanskrit only: no published translation is held for this verse.
हरस्तेन शरेणाशु विव्याध हृदि सिंधुजम् । तेन बाणप्रहारेण रुधिरौघपरिप्लुतः
harastena śareṇāśu vivyādha hṛdi siṃdhujam | tena bāṇaprahāreṇa rudhiraughapariplutaḥ
Sanskrit only: no published translation is held for this verse.
पपात शरभिन्नांगो वज्राहत इवाचलः । तदा दैत्याः समाक्रंदन्जगर्जुः प्रमथास्तथा
papāta śarabhinnāṃgo vajrāhata ivācalaḥ | tadā daityāḥ samākraṃdanjagarjuḥ pramathāstathā
Sanskrit only: no published translation is held for this verse.
सिंधुजं मूर्छितं दृष्ट्वा रुरुधुर्दानवाः शिवम् । रक्षार्थमुद्यताः केचित्केचित्तं परितः स्थिताः
siṃdhujaṃ mūrchitaṃ dṛṣṭvā rurudhurdānavāḥ śivam | rakṣārthamudyatāḥ kecitkecittaṃ paritaḥ sthitāḥ
Sanskrit only: no published translation is held for this verse.
यावज्जालंधरो मूर्छां प्राप्तो वारिधिनंदनः । तावद्रुद्रेण नाराचैर्हता जालंधरी चमूः
yāvajjālaṃdharo mūrchāṃ prāpto vāridhinaṃdanaḥ | tāvadrudreṇa nārācairhatā jālaṃdharī camūḥ
Sanskrit only: no published translation is held for this verse.
चिराज्जालंधरस्त्यक्त्वा मूर्छां सैन्यं हतं नृप । दृष्ट्वा भयान्वितः सेनां विकीर्णां च तथा रणे
cirājjālaṃdharastyaktvā mūrchāṃ sainyaṃ hataṃ nṛpa | dṛṣṭvā bhayānvitaḥ senāṃ vikīrṇāṃ ca tathā raṇe
Sanskrit only: no published translation is held for this verse.
ततः काव्यं स सस्मार मनसा परमं गुरुम् । स्मृतस्तेन त्वरन्प्राप्तः कविर्जालंधरं प्रति
tataḥ kāvyaṃ sa sasmāra manasā paramaṃ gurum | smṛtastena tvaranprāptaḥ kavirjālaṃdharaṃ prati
Sanskrit only: no published translation is held for this verse.
स्वस्ति कृत्वा जगादाथ भार्गवः सिंधुनंदनम् । किं करोमि महाराज तव कार्यं महाबल
svasti kṛtvā jagādātha bhārgavaḥ siṃdhunaṃdanam | kiṃ karomi mahārāja tava kāryaṃ mahābala
Sanskrit only: no published translation is held for this verse.
नारद उवाच- इति काव्यवचः श्रुत्वा भार्गवं बहु मानयन् । नत्वा गुरुमुवाचाथ राजा जालंधरस्तथा
nārada uvāca- iti kāvyavacaḥ śrutvā bhārgavaṃ bahu mānayan | natvā gurumuvācātha rājā jālaṃdharastathā
Sanskrit only: no published translation is held for this verse.
राजोवाच- जीवयैतान्मृताञ्छुक्र दैत्यान्सर्वान्समंततः । इत्युक्तः सिंधुजेनाजौ सैन्यं तत्र व्यलोकयत्
rājovāca- jīvayaitānmṛtāñchukra daityānsarvānsamaṃtataḥ | ityuktaḥ siṃdhujenājau sainyaṃ tatra vyalokayat
Sanskrit only: no published translation is held for this verse.
पंचविंशत्सहस्राणि योजनानां प्रमाणतः । दैत्यांगरथसंकीर्णमुपर्युपरि पार्थिव
paṃcaviṃśatsahasrāṇi yojanānāṃ pramāṇataḥ | daityāṃgarathasaṃkīrṇamuparyupari pārthiva
Sanskrit only: no published translation is held for this verse.
उच्छ्रये पंचनवतियोजनानां महीं चिताम् । योधवाहनदेहाद्यैरिव पूर्णां धरां ततः
ucchraye paṃcanavatiyojanānāṃ mahīṃ citām | yodhavāhanadehādyairiva pūrṇāṃ dharāṃ tataḥ
Sanskrit only: no published translation is held for this verse.
मंत्रोदकेन चाभ्युक्ष्य दैत्यानुत्थापयत्कविः । यावद्रुद्रो जटाजूटं बबंध भुजगैर्दृढम्
maṃtrodakena cābhyukṣya daityānutthāpayatkaviḥ | yāvadrudro jaṭājūṭaṃ babaṃdha bhujagairdṛḍham
Sanskrit only: no published translation is held for this verse.
तावत्काव्येन तत्सैन्यं मंत्रेणोत्थापितं नृप । व्याघ्रान्यथा केसरिणो गजेंद्राः शूकरान्यथा
tāvatkāvyena tatsainyaṃ maṃtreṇotthāpitaṃ nṛpa | vyāghrānyathā kesariṇo gajeṃdrāḥ śūkarānyathā
Sanskrit only: no published translation is held for this verse.
आगतान्दानवान्दृष्ट्वा चिंतयामास शंकरः । किमेतदिह संजातं मृतान्सृजति कुत्रचित्
āgatāndānavāndṛṣṭvā ciṃtayāmāsa śaṃkaraḥ | kimetadiha saṃjātaṃ mṛtānsṛjati kutracit
Sanskrit only: no published translation is held for this verse.
ददर्श चिंतयन्काव्य इति तस्मिन्रणे भवः । जीवयंतं रणे दैत्यान्धावंतं वेगवत्तरम्
dadarśa ciṃtayankāvya iti tasminraṇe bhavaḥ | jīvayaṃtaṃ raṇe daityāndhāvaṃtaṃ vegavattaram
Sanskrit only: no published translation is held for this verse.
ततः क्रुद्धो महादेवः शुक्रं हंतुं मनो दधे । त्रिशूलिनमनुज्ञाय रहश्चोवाच तं कविः
tataḥ kruddho mahādevaḥ śukraṃ haṃtuṃ mano dadhe | triśūlinamanujñāya rahaścovāca taṃ kaviḥ
Sanskrit only: no published translation is held for this verse.
ब्राह्मणोऽहं कथं हंसि सर्वविद्याविशारदम् । ब्रह्महत्या मयि हते तव रुद्र भविष्यति
brāhmaṇo'haṃ kathaṃ haṃsi sarvavidyāviśāradam | brahmahatyā mayi hate tava rudra bhaviṣyati
Sanskrit only: no published translation is held for this verse.
इति श्रुत्वा कवेर्वाक्यं शूलं तत्याज शंकरः । स्मृत्वा तत्पूर्ववृत्तांतं यल्लग्नं ब्रह्मणः शिरः
iti śrutvā kavervākyaṃ śūlaṃ tatyāja śaṃkaraḥ | smṛtvā tatpūrvavṛttāṃtaṃ yallagnaṃ brahmaṇaḥ śiraḥ
Sanskrit only: no published translation is held for this verse.
ब्राह्मणो न हि हंतव्यो हरन्प्राणानपि प्रियान् । अयं तु जीवयन्दैत्यान्निग्राह्यः सर्वथा मया
brāhmaṇo na hi haṃtavyo haranprāṇānapi priyān | ayaṃ tu jīvayandaityānnigrāhyaḥ sarvathā mayā
Sanskrit only: no published translation is held for this verse.
तस्मादेनं क्षिपाम्याशु स्त्रीयोनौ दैत्यजीवनम् । एवमुक्तवतः शंभोस्तृतीयनयनाद्द्रुतम्
tasmādenaṃ kṣipāmyāśu strīyonau daityajīvanam | evamuktavataḥ śaṃbhostṛtīyanayanāddrutam
Sanskrit only: no published translation is held for this verse.
कृत्या विवासा चात्युग्रा मुक्तकेशी महोदरा । स्थूललंबस्तनी योनी दंष्ट्रालोचनभीषणा
kṛtyā vivāsā cātyugrā muktakeśī mahodarā | sthūlalaṃbastanī yonī daṃṣṭrālocanabhīṣaṇā
Sanskrit only: no published translation is held for this verse.
आज्ञापयेति स तया प्रोक्तस्तामब्रवीच्छिवः । कृत्ये त्वं दानवाचार्यं स्वयोनौ क्षिप दुर्मतिम्
ājñāpayeti sa tayā proktastāmabravīcchivaḥ | kṛtye tvaṃ dānavācāryaṃ svayonau kṣipa durmatim
Sanskrit only: no published translation is held for this verse.
यावज्जालंधरं हन्मि तावदेनं भगे वह । हते जालंधरे दैत्ये पश्चान्निस्तीर्य मोचय
yāvajjālaṃdharaṃ hanmi tāvadenaṃ bhage vaha | hate jālaṃdhare daitye paścānnistīrya mocaya
Sanskrit only: no published translation is held for this verse.
हरेणोक्तेति सा कृत्या भार्गवं समधावत । पपात भूमौ तां दृष्ट्वा कविर्दैत्याः प्रदुद्रुवुः
hareṇokteti sā kṛtyā bhārgavaṃ samadhāvata | papāta bhūmau tāṃ dṛṣṭvā kavirdaityāḥ pradudruvuḥ
Sanskrit only: no published translation is held for this verse.
केशेष्वाकृष्य धुन्वाना नग्नमालिंग्य भार्गवम् । योनौ दधार सा कृत्या हसंती जयनंदन
keśeṣvākṛṣya dhunvānā nagnamāliṃgya bhārgavam | yonau dadhāra sā kṛtyā hasaṃtī jayanaṃdana
Sanskrit only: no published translation is held for this verse.
भगे क्षिप्तं गुरुं दृष्ट्वा यावज्जालंधरोऽसुरः । संदधे मार्गणांस्तावत्सा कृत्यादृश्यतां गता
bhage kṣiptaṃ guruṃ dṛṣṭvā yāvajjālaṃdharo'suraḥ | saṃdadhe mārgaṇāṃstāvatsā kṛtyādṛśyatāṃ gatā
Sanskrit only: no published translation is held for this verse.