Padma Purāṇa 6.173

महादेव उवाच। दुर्गया संगता यत्र देवि साभ्रमती नदी । संगमः सागरेणाथ स्नानं तत्र समाचरेत्

mahādeva uvāca| durgayā saṃgatā yatra devi sābhramatī nadī | saṃgamaḥ sāgareṇātha snānaṃ tatra samācaret

Sanskrit only: no published translation is held for this verse.

वीतदोषा भविष्यंति कलौ वै नात्र संशयः । तत्र श्राद्धं प्रकर्त्तव्यं दुर्गया संगमे तथा

vītadoṣā bhaviṣyaṃti kalau vai nātra saṃśayaḥ | tatra śrāddhaṃ prakarttavyaṃ durgayā saṃgame tathā

Sanskrit only: no published translation is held for this verse.

तत्र गत्वा विशेषेण ब्राह्मणानां च भोजनम् । दानं गोमहिषीणां च कर्तव्यं विधिपूर्वकम्

tatra gatvā viśeṣeṇa brāhmaṇānāṃ ca bhojanam | dānaṃ gomahiṣīṇāṃ ca kartavyaṃ vidhipūrvakam

Sanskrit only: no published translation is held for this verse.

इयं धन्या धन्यतमा पवित्रा पापनाशिनी । यां दृष्ट्वा चापि भो देवि मुच्यते पातकैर्नरः

iyaṃ dhanyā dhanyatamā pavitrā pāpanāśinī | yāṃ dṛṣṭvā cāpi bho devi mucyate pātakairnaraḥ

Sanskrit only: no published translation is held for this verse.

यथा गंगा तथा चेयं ज्ञेया साभ्रमती नदी । कलौ देवि विशेषेण बहुकालफलप्रदा

yathā gaṃgā tathā ceyaṃ jñeyā sābhramatī nadī | kalau devi viśeṣeṇa bahukālaphalapradā

Sanskrit only: no published translation is held for this verse.

यदि चेच्छतशो जिह्वा मुखे वै मामके सति । तस्या अपि न शक्नोमि गुणान्वक्तुं कदाचन

yadi cecchataśo jihvā mukhe vai māmake sati | tasyā api na śaknomi guṇānvaktuṃ kadācana

Sanskrit only: no published translation is held for this verse.