Library·Padma Purāṇa·6·6.174
महादेव उवाच। शृणु देवि प्रवक्ष्यामि व्रतं त्रैलोक्यदुर्लभम् । यं श्रुत्वा मुच्यते लोको ब्रह्महत्यादिपातकात्
mahādeva uvāca| śṛṇu devi pravakṣyāmi vrataṃ trailokyadurlabham | yaṃ śrutvā mucyate loko brahmahatyādipātakāt
Sanskrit only: no published translation is held for this verse.
उत्पतिः स्वप्रकाशस्य भक्तानां सुखहेतवे । तिथिर्वापि समासो वै संजातः पुण्यकारकः
utpatiḥ svaprakāśasya bhaktānāṃ sukhahetave | tithirvāpi samāso vai saṃjātaḥ puṇyakārakaḥ
Sanskrit only: no published translation is held for this verse.
यस्य नाम गृणन्देवि मुक्तिं लभति शाश्वतीम् । स एव परमात्मा च कारणानां च कारणम्
yasya nāma gṛṇandevi muktiṃ labhati śāśvatīm | sa eva paramātmā ca kāraṇānāṃ ca kāraṇam
Sanskrit only: no published translation is held for this verse.
विश्वात्मा विश्वरूपी च सर्वेषां भगवान्प्रभुः । द्वादशार्का धृता येन नृसिंहेन महात्मना । स एव प्रकटीजातो भक्तानां शमभीप्सया
viśvātmā viśvarūpī ca sarveṣāṃ bhagavānprabhuḥ | dvādaśārkā dhṛtā yena nṛsiṃhena mahātmanā | sa eva prakaṭījāto bhaktānāṃ śamabhīpsayā
Sanskrit only: no published translation is held for this verse.
पार्वत्युवाच। अवतारा ह्यसंख्याताः कथिताः सुरसत्तम । नृसिंहाख्यं परं धाम वद विश्वेश्वर प्रभो । येन विज्ञानमात्रेण सुख लोकमवाप्नुयात्
pārvatyuvāca| avatārā hyasaṃkhyātāḥ kathitāḥ surasattama | nṛsiṃhākhyaṃ paraṃ dhāma vada viśveśvara prabho | yena vijñānamātreṇa sukha lokamavāpnuyāt
Sanskrit only: no published translation is held for this verse.
महादेव उवाच। हिरण्यकशिपुं हत्वा देवदेवं जगद्गुरुम् । सुखासीनं तदुत्संगे स्थितो वचनमब्रवीत्
mahādeva uvāca| hiraṇyakaśipuṃ hatvā devadevaṃ jagadgurum | sukhāsīnaṃ tadutsaṃge sthito vacanamabravīt
Sanskrit only: no published translation is held for this verse.
प्रह्लादो ज्ञानिनां श्रेष्ठः पितॄहंतारमुत्तमम्
prahlādo jñānināṃ śreṣṭhaḥ pitṝhaṃtāramuttamam
Sanskrit only: no published translation is held for this verse.
प्रह्लाद उवाच। नमस्ते भगवन्विष्णो नृसिंहाद्भुतरूपिणे । त्वद्भक्तोहं सुरश्रेष्ठ त्वां पृच्छामि च तत्वतः
prahlāda uvāca| namaste bhagavanviṣṇo nṛsiṃhādbhutarūpiṇe | tvadbhaktohaṃ suraśreṣṭha tvāṃ pṛcchāmi ca tatvataḥ
Sanskrit only: no published translation is held for this verse.
स्वामिंस्त्वयि ममाभिन्ना भक्तिर्जाता ह्यनेकधा । कथं तेऽहं प्रियो जातः कारणं वद मे प्रभो
svāmiṃstvayi mamābhinnā bhaktirjātā hyanekadhā | kathaṃ te'haṃ priyo jātaḥ kāraṇaṃ vada me prabho
Sanskrit only: no published translation is held for this verse.
नृसिंह उवाच। कथयामि महाप्राज्ञ शृणुष्वैकाग्रमानसः । भक्तेर्यत्कारणं वत्स प्रियत्वस्य च यत्पुनः
nṛsiṃha uvāca| kathayāmi mahāprājña śṛṇuṣvaikāgramānasaḥ | bhakteryatkāraṇaṃ vatsa priyatvasya ca yatpunaḥ
Sanskrit only: no published translation is held for this verse.
पुरा कस्य द्विजस्यापि जातस्त्वं नाप्यधीतवान् । नाम्ना तु वसुदेवो हि वेश्यायामति लंपटः
purā kasya dvijasyāpi jātastvaṃ nāpyadhītavān | nāmnā tu vasudevo hi veśyāyāmati laṃpaṭaḥ
Sanskrit only: no published translation is held for this verse.
तस्मिन्जन्मनि नैवं च चकार सुकृतं कियत् । भुक्त्वा मधु घृतं चैव वेश्यासंगमलालसः
tasminjanmani naivaṃ ca cakāra sukṛtaṃ kiyat | bhuktvā madhu ghṛtaṃ caiva veśyāsaṃgamalālasaḥ
Sanskrit only: no published translation is held for this verse.
मद्व्रतस्य प्रभावेन भक्तिर्जाता तवानघ । प्रह्लादोवाच। विस्तराद्वद देवेश कस्य पुत्रस्य किं व्रतम्
madvratasya prabhāvena bhaktirjātā tavānagha | prahlādovāca| vistarādvada deveśa kasya putrasya kiṃ vratam
Sanskrit only: no published translation is held for this verse.
वेश्यायां वर्तमानेन कथंचिद्धि कृतं मया । ममोपरि कृपां कृत्वा सर्वं कथय सांप्रतम्
veśyāyāṃ vartamānena kathaṃciddhi kṛtaṃ mayā | mamopari kṛpāṃ kṛtvā sarvaṃ kathaya sāṃpratam
Sanskrit only: no published translation is held for this verse.
नृसिंह उवाच। सृष्ट्यर्थं तु पुरा ब्रह्मा चक्रे ह्येतदनुत्तमम् । मद्व्रतस्य प्रभावेन निर्मितं सचराचरम्
nṛsiṃha uvāca| sṛṣṭyarthaṃ tu purā brahmā cakre hyetadanuttamam | madvratasya prabhāvena nirmitaṃ sacarācaram
Sanskrit only: no published translation is held for this verse.
ईश्वरेण व्रतं चीर्णं वधार्थं त्रिपुरस्यच । व्रतस्यास्यप्रभावेन त्रिपुरस्तु निपातितः
īśvareṇa vrataṃ cīrṇaṃ vadhārthaṃ tripurasyaca | vratasyāsyaprabhāvena tripurastu nipātitaḥ
Sanskrit only: no published translation is held for this verse.
अन्यैश्च बहुभिर्देवैरृषिभिश्च पुरातनैः । राजभिश्च महाप्राज्ञैर्विहितं व्रतमुत्तमम्
anyaiśca bahubhirdevairṛṣibhiśca purātanaiḥ | rājabhiśca mahāprājñairvihitaṃ vratamuttamam
Sanskrit only: no published translation is held for this verse.
व्रतस्यास्य प्रभावेन सर्वे सिद्धिमवाप्नुयुः । मम ते वै प्रिया जाता दिवि भोगाननेकशः
vratasyāsya prabhāvena sarve siddhimavāpnuyuḥ | mama te vai priyā jātā divi bhogānanekaśaḥ
Sanskrit only: no published translation is held for this verse.
भुक्त्वा मयि विलीनास्तु प्रह्लाद त्वं विशस्व माम् । कार्यार्थमवतारस्ते मच्छरीरत्पृथग्यतः
bhuktvā mayi vilīnāstu prahlāda tvaṃ viśasva mām | kāryārthamavatāraste maccharīratpṛthagyataḥ
Sanskrit only: no published translation is held for this verse.
न तेषां पुनरावृत्तिर्महाकल्पशतैरपि । दरिद्रो लभते लक्ष्मीं धनदस्य च यादृशी
na teṣāṃ punarāvṛttirmahākalpaśatairapi | daridro labhate lakṣmīṃ dhanadasya ca yādṛśī
Sanskrit only: no published translation is held for this verse.
ततः कामी लभेत्कामं राज्यार्थी राज्यमुत्तमम् । आयुष्कामो लभेदायुर्यादृशं च शिवस्य हि
tataḥ kāmī labhetkāmaṃ rājyārthī rājyamuttamam | āyuṣkāmo labhedāyuryādṛśaṃ ca śivasya hi
Sanskrit only: no published translation is held for this verse.
अवैधव्यकरं स्त्रीणां पुत्रदं भाग्यदं तथा । धनधान्यकरं चैव तथाशोकविनाशनम्
avaidhavyakaraṃ strīṇāṃ putradaṃ bhāgyadaṃ tathā | dhanadhānyakaraṃ caiva tathāśokavināśanam
Sanskrit only: no published translation is held for this verse.
स्त्रियो वा पुरुषा वापि कुर्वंति व्रतमुत्तमम् । तेभ्यो ददाम्यहं सौख्यं भुक्ति मुक्ति फलं तथा
striyo vā puruṣā vāpi kurvaṃti vratamuttamam | tebhyo dadāmyahaṃ saukhyaṃ bhukti mukti phalaṃ tathā
Sanskrit only: no published translation is held for this verse.
बहुनोक्तेन किं वत्स व्रतस्यास्य फलस्य हि । मद्व्रतस्य फलं वक्तुं नाहं शक्तो न शंकरः
bahunoktena kiṃ vatsa vratasyāsya phalasya hi | madvratasya phalaṃ vaktuṃ nāhaṃ śakto na śaṃkaraḥ
Sanskrit only: no published translation is held for this verse.
प्रह्लाद उवाच। भगवंस्त्वत्प्रसादेन श्रुतं व्रतमनुत्तमम् । व्रतस्यास्य फलं श्रोतुं त्वयि मे भक्ति कारणम्
prahlāda uvāca| bhagavaṃstvatprasādena śrutaṃ vratamanuttamam | vratasyāsya phalaṃ śrotuṃ tvayi me bhakti kāraṇam
Sanskrit only: no published translation is held for this verse.
अधुना श्रोतुमिच्छामि व्रतस्यास्य विधिं परम् । कस्मिन्मासे भवेदेव कस्मिंश्चिद्वासरे प्रभो
adhunā śrotumicchāmi vratasyāsya vidhiṃ param | kasminmāse bhavedeva kasmiṃścidvāsare prabho
Sanskrit only: no published translation is held for this verse.
एतद्विस्तरतो देव वक्तुमर्हसि सांप्रतम् । विधिना येन वै स्वामिन्समग्रफलभाग्भवेत्
etadvistarato deva vaktumarhasi sāṃpratam | vidhinā yena vai svāminsamagraphalabhāgbhavet
Sanskrit only: no published translation is held for this verse.
नृसिंह उवाच। प्रह्लाद वत्स भद्रं ते शृणुष्वैकमना व्रतम् । वैशाखेसित पक्षे तु चतुर्दश्यां समाचरेत्
nṛsiṃha uvāca| prahlāda vatsa bhadraṃ te śṛṇuṣvaikamanā vratam | vaiśākhesita pakṣe tu caturdaśyāṃ samācaret
Sanskrit only: no published translation is held for this verse.
ममाविर्भावसंयुक्तं मम संतुष्टिकारणम् । शृणु पुत्र ममोत्पत्तिं भक्तानां सुखहेतवे
mamāvirbhāvasaṃyuktaṃ mama saṃtuṣṭikāraṇam | śṛṇu putra mamotpattiṃ bhaktānāṃ sukhahetave
Sanskrit only: no published translation is held for this verse.
पश्चिमायां दिशायां च संजातं कारणांतरात् । मौलिस्तानमिदं क्षेत्रं पवित्रं पापनाशनम्
paścimāyāṃ diśāyāṃ ca saṃjātaṃ kāraṇāṃtarāt | maulistānamidaṃ kṣetraṃ pavitraṃ pāpanāśanam
Sanskrit only: no published translation is held for this verse.
तस्मिन्क्षेत्रे तु विख्यातो ब्राह्मणो वेदपारगः । हारीत इति नाम्ना च ज्ञानध्यानपरायणः
tasminkṣetre tu vikhyāto brāhmaṇo vedapāragaḥ | hārīta iti nāmnā ca jñānadhyānaparāyaṇaḥ
Sanskrit only: no published translation is held for this verse.
तस्य स्त्री तु महापुण्या सतीरूपा सदा प्रभो । लीलावती तु नाम्ना च भर्तुर्वशपरा सदा
tasya strī tu mahāpuṇyā satīrūpā sadā prabho | līlāvatī tu nāmnā ca bharturvaśaparā sadā
Sanskrit only: no published translation is held for this verse.
ताभ्यां तपो महत्तप्तं कालं बहुतरं सुत । एकविंशयुगाश्चैव यातास्तत्र न संशयः । तस्मिन्क्षेत्रे तु वै ताभ्यां प्रत्यक्षो वाभवत्तदा
tābhyāṃ tapo mahattaptaṃ kālaṃ bahutaraṃ suta | ekaviṃśayugāścaiva yātāstatra na saṃśayaḥ | tasminkṣetre tu vai tābhyāṃ pratyakṣo vābhavattadā
Sanskrit only: no published translation is held for this verse.
नृसिंह उवाच। यं यं वांछयसे ब्रह्मंस्तं ददामि न संशयः । ताभ्यामुक्तं तदा तस्मै दीयते चेद्वरो मम
nṛsiṃha uvāca| yaṃ yaṃ vāṃchayase brahmaṃstaṃ dadāmi na saṃśayaḥ | tābhyāmuktaṃ tadā tasmai dīyate cedvaro mama
Sanskrit only: no published translation is held for this verse.
त्वादृशो मम पुत्रस्तु ह्यधुनैव भवत्विति । मयोक्तं तु तदा वत्स पुत्रोऽहं ते न संशयः
tvādṛśo mama putrastu hyadhunaiva bhavatviti | mayoktaṃ tu tadā vatsa putro'haṃ te na saṃśayaḥ
Sanskrit only: no published translation is held for this verse.
विश्वकर्मा ह्यहं साक्षात्परमात्मा परात्परः । उदरेऽहं न वत्स्यामि यतोऽहं वै सनातनः
viśvakarmā hyahaṃ sākṣātparamātmā parātparaḥ | udare'haṃ na vatsyāmi yato'haṃ vai sanātanaḥ
Sanskrit only: no published translation is held for this verse.
हारीतेन तदा चोक्तं भवत्वेवं न संशयः । तदाप्रभृति वै क्षेत्रे स्थितोऽहं भक्तकारणात्
hārītena tadā coktaṃ bhavatvevaṃ na saṃśayaḥ | tadāprabhṛti vai kṣetre sthito'haṃ bhaktakāraṇāt
Sanskrit only: no published translation is held for this verse.
अत्रागत्य प्रकुर्वीत दर्शनं भक्तसत्तमः । तस्याहं सकलां बाधां नाशयामि निरंतरम्
atrāgatya prakurvīta darśanaṃ bhaktasattamaḥ | tasyāhaṃ sakalāṃ bādhāṃ nāśayāmi niraṃtaram
Sanskrit only: no published translation is held for this verse.
एतस्मात्कारणाच्चैव व्रतं वै विधिपूर्वकम् । ये कुर्वंति नरश्रेष्ठा न तेषां विद्यते भयम्
etasmātkāraṇāccaiva vrataṃ vai vidhipūrvakam | ye kurvaṃti naraśreṣṭhā na teṣāṃ vidyate bhayam
Sanskrit only: no published translation is held for this verse.
बालरूपमयं ध्यात्वा ताभ्यां सह विशेषतः । पूजनं कुरुते रात्रौ स वै नारायणो भवेत्
bālarūpamayaṃ dhyātvā tābhyāṃ saha viśeṣataḥ | pūjanaṃ kurute rātrau sa vai nārāyaṇo bhavet
Sanskrit only: no published translation is held for this verse.
चतुर्भुजं महादंष्ट्रं कालरूपं दुरासदम् । सूर्यकोटिप्रतीकाशं यमकोटिदुरासदम् । सिंहवच्च मुखं यस्य नरवच्चांगसंयुतम्
caturbhujaṃ mahādaṃṣṭraṃ kālarūpaṃ durāsadam | sūryakoṭipratīkāśaṃ yamakoṭidurāsadam | siṃhavacca mukhaṃ yasya naravaccāṃgasaṃyutam
Sanskrit only: no published translation is held for this verse.
श्रीनृसिंहं दिव्यसिंहं कालरूपं भजेत्सदा । एवं ज्ञात्वा विशेषेण यः स्थानं मामकं व्रजेत्
śrīnṛsiṃhaṃ divyasiṃhaṃ kālarūpaṃ bhajetsadā | evaṃ jñātvā viśeṣeṇa yaḥ sthānaṃ māmakaṃ vrajet
Sanskrit only: no published translation is held for this verse.
व्रतं पवित्रं परमं श्रीकदंब प्रदं महत् । अंते मुक्तिप्रदं चैव भक्तानां च न संशयः
vrataṃ pavitraṃ paramaṃ śrīkadaṃba pradaṃ mahat | aṃte muktipradaṃ caiva bhaktānāṃ ca na saṃśayaḥ
Sanskrit only: no published translation is held for this verse.
येन वै क्रियमाणेन सहस्रद्वादशी फलम् । स्वाती नक्षत्र संयोगे शनिवारे तु मद्व्रतम्
yena vai kriyamāṇena sahasradvādaśī phalam | svātī nakṣatra saṃyoge śanivāre tu madvratam
Sanskrit only: no published translation is held for this verse.
सिद्धियोगस्य संयोगे वणिजे करणे तथा । योगैः सर्वैश्च संयोगं हत्याकोटि विनाशनम्
siddhiyogasya saṃyoge vaṇije karaṇe tathā | yogaiḥ sarvaiśca saṃyogaṃ hatyākoṭi vināśanam
Sanskrit only: no published translation is held for this verse.
एतदन्यतरैर्योगे मद्दिनं पापनाशनम् । विज्ञाय मद्दिनं यस्तु लंघयेत्स तु पापकृत्
etadanyatarairyoge maddinaṃ pāpanāśanam | vijñāya maddinaṃ yastu laṃghayetsa tu pāpakṛt
Sanskrit only: no published translation is held for this verse.
अकर्त्ता नरकं याति यावच्चंद्र दिवाकरौ । प्राप्ते मम दिने वत्स दंतधावनपूर्वकम्
akarttā narakaṃ yāti yāvaccaṃdra divākarau | prāpte mama dine vatsa daṃtadhāvanapūrvakam
Sanskrit only: no published translation is held for this verse.
ममाग्रे व्रतसंकल्पं मद्भक्तो विजितेंद्रियः । अद्याहं ते विधास्यामि व्रतं निर्विघ्नतां नय
mamāgre vratasaṃkalpaṃ madbhakto vijiteṃdriyaḥ | adyāhaṃ te vidhāsyāmi vrataṃ nirvighnatāṃ naya
Sanskrit only: no published translation is held for this verse.
व्रतस्थेन न कर्त्तव्यं दुष्टसंभाषणादिकम् । ततो मध्याह्नसमये नद्यादौ विमले जले
vratasthena na karttavyaṃ duṣṭasaṃbhāṣaṇādikam | tato madhyāhnasamaye nadyādau vimale jale
Sanskrit only: no published translation is held for this verse.
गृहे वा देवखाते वा तडागे वाथ शोभने । वैदिकेन तु मंत्रेण स्नानं कुर्याद्विचक्षणः 6.174.५०। मृत्तिका गोमयेनैव तथा धात्रीफलेन च । तिलैश्च विधिवत्स्नायात्सर्वपापौघ शांतये
gṛhe vā devakhāte vā taḍāge vātha śobhane | vaidikena tu maṃtreṇa snānaṃ kuryādvicakṣaṇaḥ 6.174.50| mṛttikā gomayenaiva tathā dhātrīphalena ca | tilaiśca vidhivatsnāyātsarvapāpaugha śāṃtaye
Sanskrit only: no published translation is held for this verse.
परिधाय शुभे वस्त्रे नित्यकर्म समारभेत् । ततो गृहं विलिप्याथ कुर्यादष्टदलं शुभम्
paridhāya śubhe vastre nityakarma samārabhet | tato gṛhaṃ vilipyātha kuryādaṣṭadalaṃ śubham
Sanskrit only: no published translation is held for this verse.
कलशं तत्र संस्थाप्य ताम्रंत्रसमन्वितम् । तस्योपरि न्यसेत्पात्रं तंडुलैः परिपूरितम्
kalaśaṃ tatra saṃsthāpya tāmraṃtrasamanvitam | tasyopari nyasetpātraṃ taṃḍulaiḥ paripūritam
Sanskrit only: no published translation is held for this verse.
हैमीं च तत्र मन्मूर्ति स्थाप्य लक्ष्म्या समन्विताम् । निर्माय शक्त्या स्वर्णेन स्नाप्य पंचामृतैस्ततः
haimīṃ ca tatra manmūrti sthāpya lakṣmyā samanvitām | nirmāya śaktyā svarṇena snāpya paṃcāmṛtaistataḥ
Sanskrit only: no published translation is held for this verse.
ततो ब्राह्मणमाहूय आचार्यं नातिलोलुपम् । शास्त्रज्ञमग्रतः कृत्वा ततो देवं समर्चयेत्
tato brāhmaṇamāhūya ācāryaṃ nātilolupam | śāstrajñamagrataḥ kṛtvā tato devaṃ samarcayet
Sanskrit only: no published translation is held for this verse.
मंडपं कारयेत्तत्र पुष्पस्तबक शोभितम् । ऋतुकालोद्भवैः पुष्पैः पूज्योऽहं च यथाविधि
maṃḍapaṃ kārayettatra puṣpastabaka śobhitam | ṛtukālodbhavaiḥ puṣpaiḥ pūjyo'haṃ ca yathāvidhi
Sanskrit only: no published translation is held for this verse.
उपचारैः षोडशभिर्मंत्रैर्नियमैश्च यः । ततः पौराणिकैर्मंत्रैः पूजनीयो विशेषतः
upacāraiḥ ṣoḍaśabhirmaṃtrairniyamaiśca yaḥ | tataḥ paurāṇikairmaṃtraiḥ pūjanīyo viśeṣataḥ
Sanskrit only: no published translation is held for this verse.
चंदनं च सकर्पूरं घनकुंकुममिश्रितम् । कालोद्भवानि पुष्पाणि तथा तुलसीदलानि च
caṃdanaṃ ca sakarpūraṃ ghanakuṃkumamiśritam | kālodbhavāni puṣpāṇi tathā tulasīdalāni ca
Sanskrit only: no published translation is held for this verse.
श्रीनृसिंहाय यो दद्यात्स मुक्तो नात्र संशयः । कृष्णागुरुमयं धूपं सर्वदा हरिवल्लभम्
śrīnṛsiṃhāya yo dadyātsa mukto nātra saṃśayaḥ | kṛṣṇāgurumayaṃ dhūpaṃ sarvadā harivallabham
Sanskrit only: no published translation is held for this verse.
हरये गुरवे दद्यात्सर्वकामार्थसिद्धये । महादीपः प्रकर्त्तव्यो ह्यज्ञानध्वांत नाशनः । महानीराजनं कुर्याद्घंटानाद पुरःसरम्
haraye gurave dadyātsarvakāmārthasiddhaye | mahādīpaḥ prakarttavyo hyajñānadhvāṃta nāśanaḥ | mahānīrājanaṃ kuryādghaṃṭānāda puraḥsaram
Sanskrit only: no published translation is held for this verse.
नैवेद्यं शर्करां चापि भक्ष्यभौज्यसमन्वितम् । ददामि ते रमाकांत सर्वपापक्षयं कुरु
naivedyaṃ śarkarāṃ cāpi bhakṣyabhaujyasamanvitam | dadāmi te ramākāṃta sarvapāpakṣayaṃ kuru
Sanskrit only: no published translation is held for this verse.
नैवेद्य मंत्र। नृसिंहाच्युत देवेश तव जन्मदिने शुभे । उपवासं करिष्यामि सर्वभोगविवर्जितः
naivedya maṃtra| nṛsiṃhācyuta deveśa tava janmadine śubhe | upavāsaṃ kariṣyāmi sarvabhogavivarjitaḥ
Sanskrit only: no published translation is held for this verse.
तेन प्रीतो भव स्वामिन्पापं जन्म निराकुरु । रात्रौ जागरणं कार्यं गीतवादित्र निःस्वनैः
tena prīto bhava svāminpāpaṃ janma nirākuru | rātrau jāgaraṇaṃ kāryaṃ gītavāditra niḥsvanaiḥ
Sanskrit only: no published translation is held for this verse.
पुराणपठनं नित्यं श्रीनृसिंकथाश्रयम् । ततः प्रभातसमये स्नानं कृत्वा ह्यनंतरम्
purāṇapaṭhanaṃ nityaṃ śrīnṛsiṃkathāśrayam | tataḥ prabhātasamaye snānaṃ kṛtvā hyanaṃtaram
Sanskrit only: no published translation is held for this verse.
पूर्वोक्तेन विधानेन पूजयेन्मां प्रतर्पयन् । वैष्णवं कारयेच्छ्राद्धं मदग्रे स्वस्थमानसः
pūrvoktena vidhānena pūjayenmāṃ pratarpayan | vaiṣṇavaṃ kārayecchrāddhaṃ madagre svasthamānasaḥ
Sanskrit only: no published translation is held for this verse.
ततो दानानि देयानि वक्ष्यमाणानि यान्युत । पात्रेभ्यः स द्विजेभ्यो हि लोकद्वय जिगीषया
tato dānāni deyāni vakṣyamāṇāni yānyuta | pātrebhyaḥ sa dvijebhyo hi lokadvaya jigīṣayā
Sanskrit only: no published translation is held for this verse.
सहस्वर्णमयो देवो मम संतोषकारकः । गोभूतिलहिरण्यादि प्रददाति द्विजातये
sahasvarṇamayo devo mama saṃtoṣakārakaḥ | gobhūtilahiraṇyādi pradadāti dvijātaye
Sanskrit only: no published translation is held for this verse.
शय्या सतूलिका देया सप्तधान्यसमन्विता । अन्यानि च यथाशक्त्या देयानि निजशक्तितः
śayyā satūlikā deyā saptadhānyasamanvitā | anyāni ca yathāśaktyā deyāni nijaśaktitaḥ
Sanskrit only: no published translation is held for this verse.
वित्तशाठ्यं न कुर्वीत यथोक्तफलकांक्षया । ब्राह्मणान्भोजयेत्पश्चात्तेभ्यो दद्यात्सुदक्षिणाम्
vittaśāṭhyaṃ na kurvīta yathoktaphalakāṃkṣayā | brāhmaṇānbhojayetpaścāttebhyo dadyātsudakṣiṇām
Sanskrit only: no published translation is held for this verse.
निर्धनैरपि कर्त्तव्यं देयं शक्त्यनुसारतः । सर्वेषामेव वर्णानामधिकारोऽस्ति मद्व्रते । मद्भक्तैस्तु विशेषेण कर्त्तव्यं मत्परायणैः
nirdhanairapi karttavyaṃ deyaṃ śaktyanusārataḥ | sarveṣāmeva varṇānāmadhikāro'sti madvrate | madbhaktaistu viśeṣeṇa karttavyaṃ matparāyaṇaiḥ
Sanskrit only: no published translation is held for this verse.
ततः प्रार्थना मंत्रः । मद्वंशे येन राजा ता ये भविष्याश्च मानवाः । तानुद्धरस्व देवेश दुःखदाद्भवसागरात्
tataḥ prārthanā maṃtraḥ | madvaṃśe yena rājā tā ye bhaviṣyāśca mānavāḥ | tānuddharasva deveśa duḥkhadādbhavasāgarāt
Sanskrit only: no published translation is held for this verse.
पातकार्णवमग्नस्य व्याधिभिश्चांबुचारिभिः । जीवैस्तु परिभूतस्य महादुःखगतस्य मे
pātakārṇavamagnasya vyādhibhiścāṃbucāribhiḥ | jīvaistu paribhūtasya mahāduḥkhagatasya me
Sanskrit only: no published translation is held for this verse.
करावलंबनं देहि शेषशायी जगत्पते । व्रतेनानेन देवेश भुक्तिमुक्तिप्रदो भव
karāvalaṃbanaṃ dehi śeṣaśāyī jagatpate | vratenānena deveśa bhuktimuktiprado bhava
Sanskrit only: no published translation is held for this verse.
एवं प्रार्थ्य ततो देवं विसृज्य च यथाविधि । उपहारादिकं सर्वे आचार्याय निवेदयेत्
evaṃ prārthya tato devaṃ visṛjya ca yathāvidhi | upahārādikaṃ sarve ācāryāya nivedayet
Sanskrit only: no published translation is held for this verse.
दक्षिणाभिश्च संतोष्या ब्राह्मणांश्च विसर्जयेत् । मम ध्यान समायुक्तो भुंजीत सह बंधुभिः
dakṣiṇābhiśca saṃtoṣyā brāhmaṇāṃśca visarjayet | mama dhyāna samāyukto bhuṃjīta saha baṃdhubhiḥ
Sanskrit only: no published translation is held for this verse.
अकिंचनोपि नियतमुपोष्यति चतुर्दशीम् । सप्त जन्म कृतात्पापान्मुच्यते नात्र संशयः
akiṃcanopi niyatamupoṣyati caturdaśīm | sapta janma kṛtātpāpānmucyate nātra saṃśayaḥ
Sanskrit only: no published translation is held for this verse.
य इदं शृणुयाद्भक्त्या व्रतं पापप्रणाशनम् । तस्य श्रवणमात्रेण ब्रह्महत्यां व्यपोहति
ya idaṃ śṛṇuyādbhaktyā vrataṃ pāpapraṇāśanam | tasya śravaṇamātreṇa brahmahatyāṃ vyapohati
Sanskrit only: no published translation is held for this verse.
पवित्रं परमं गुह्यं कीर्तयेद्यस्तु मानवः । सर्वकामानवाप्नोति व्रतस्यास्य फलं सदा
pavitraṃ paramaṃ guhyaṃ kīrtayedyastu mānavaḥ | sarvakāmānavāpnoti vratasyāsya phalaṃ sadā
Sanskrit only: no published translation is held for this verse.
य इदं कुरुते शक्त्या काले मध्याह्न संज्ञके । लीलावत्या सह ऋषिं श्रीनृसिंह प्रसादतः
ya idaṃ kurute śaktyā kāle madhyāhna saṃjñake | līlāvatyā saha ṛṣiṃ śrīnṛsiṃha prasādataḥ
Sanskrit only: no published translation is held for this verse.
पूजयेत्परया भक्त्या मुक्तिं प्राप्नोति शाश्वतीम् । तस्मिन्क्षेत्रे तु यो गत्वा श्रीनृसिंहं प्रपूजयेत्
pūjayetparayā bhaktyā muktiṃ prāpnoti śāśvatīm | tasminkṣetre tu yo gatvā śrīnṛsiṃhaṃ prapūjayet
Sanskrit only: no published translation is held for this verse.
वांच्छितं लभते नित्यं श्रीनृसिंह प्रसादतः । श्रीनृसिंह महद्रूप कालकोटिदुरासद
vāṃcchitaṃ labhate nityaṃ śrīnṛsiṃha prasādataḥ | śrīnṛsiṃha mahadrūpa kālakoṭidurāsada
Sanskrit only: no published translation is held for this verse.
भैरवेश हरार्तिघ्न बालरूप नमोस्तु ते । श्रीनृसिंहाय रूपाय बालाय बालरूपिणे
bhairaveśa harārtighna bālarūpa namostu te | śrīnṛsiṃhāya rūpāya bālāya bālarūpiṇe
Sanskrit only: no published translation is held for this verse.
व्यापकाय सुनंदाय स्वात्मप्रकट रूपिणे । सर्वजीवात्मकायैव विश्वेशाय स्वरात्मने
vyāpakāya sunaṃdāya svātmaprakaṭa rūpiṇe | sarvajīvātmakāyaiva viśveśāya svarātmane
Sanskrit only: no published translation is held for this verse.
मार्तंड मंडलस्थाय दयासिंधो नमोस्तु ते । चतुर्विंशस्वरूपाय कालरुद्राग्निरूपिणे
mārtaṃḍa maṃḍalasthāya dayāsiṃdho namostu te | caturviṃśasvarūpāya kālarudrāgnirūpiṇe
Sanskrit only: no published translation is held for this verse.
जगदेकस्वरूपाय नृसिंहाय नमोस्तु ते । भाले दधार यो देवो नृसिंहो वीरभद्र जित्
jagadekasvarūpāya nṛsiṃhāya namostu te | bhāle dadhāra yo devo nṛsiṃho vīrabhadra jit
Sanskrit only: no published translation is held for this verse.
द्वादशादित्यबिंबानि सुतप्तानि प्रमाणतः । तत्र सिंधु महापुण्या नदी रम्या विशेषतः
dvādaśādityabiṃbāni sutaptāni pramāṇataḥ | tatra siṃdhu mahāpuṇyā nadī ramyā viśeṣataḥ
Sanskrit only: no published translation is held for this verse.
तस्याः समीपे नगरं वर्त्ततेऽद्यापि सुंदरि । मौलिस्तानेति विख्यातं सर्वदा देवनिर्मितम्
tasyāḥ samīpe nagaraṃ varttate'dyāpi suṃdari | maulistāneti vikhyātaṃ sarvadā devanirmitam
Sanskrit only: no published translation is held for this verse.
वसतिर्वर्त्तते तत्र हारीतस्य महात्मनः । लीलावती तु तत्रैव तिष्ठते नात्र संशयः
vasatirvarttate tatra hārītasya mahātmanaḥ | līlāvatī tu tatraiva tiṣṭhate nātra saṃśayaḥ
Sanskrit only: no published translation is held for this verse.
प्रतिशब्दो भवेत्तत्र सिंधुनद्याः समीपतः । कलौ युगे तु संप्राप्ते म्लेच्छा वै पापचारिणः
pratiśabdo bhavettatra siṃdhunadyāḥ samīpataḥ | kalau yuge tu saṃprāpte mlecchā vai pāpacāriṇaḥ
Sanskrit only: no published translation is held for this verse.
निवसंति तु तत्रैव बहवो नात्र संशयः । नृसिंहजन्मनि यथा शब्दोऽभूदद्भुतः परः
nivasaṃti tu tatraiva bahavo nātra saṃśayaḥ | nṛsiṃhajanmani yathā śabdo'bhūdadbhutaḥ paraḥ
Sanskrit only: no published translation is held for this verse.
नृसिंहेति नृसिंहेति य उच्चैर्नदते नरः । तादृशः प्रतिशब्दो वै जायते नगनंदिनि
nṛsiṃheti nṛsiṃheti ya uccairnadate naraḥ | tādṛśaḥ pratiśabdo vai jāyate naganaṃdini
Sanskrit only: no published translation is held for this verse.
ब्रह्महा हेमहारी वा सुरापो गुरुतल्पगः । सिंधौ गत्वा विशेषेण स्नानं कुर्वंति ये जनाः
brahmahā hemahārī vā surāpo gurutalpagaḥ | siṃdhau gatvā viśeṣeṇa snānaṃ kurvaṃti ye janāḥ
Sanskrit only: no published translation is held for this verse.
मुच्यते नात्र संदेहः श्रीनृसिंह प्रसादतः । दशारात्रिप्रमाणेन मानवा ये वसंति हि
mucyate nātra saṃdehaḥ śrīnṛsiṃha prasādataḥ | daśārātripramāṇena mānavā ye vasaṃti hi
Sanskrit only: no published translation is held for this verse.
ते ज्ञेयाः पुण्यकर्माणो नासत्यं मामकं वचः । निवसंति कलौ तत्र वर्णा ये द्विजपूर्वकाः
te jñeyāḥ puṇyakarmāṇo nāsatyaṃ māmakaṃ vacaḥ | nivasaṃti kalau tatra varṇā ye dvijapūrvakāḥ
Sanskrit only: no published translation is held for this verse.
म्लेच्छवत्तेऽपि विज्ञेया वेदबाह्याः सुरोत्तमैः । मांसं खादंति ते तत्र मद्यपानं पपुः सदा
mlecchavatte'pi vijñeyā vedabāhyāḥ surottamaiḥ | māṃsaṃ khādaṃti te tatra madyapānaṃ papuḥ sadā
Sanskrit only: no published translation is held for this verse.
अतो ह्यधर्मरूपास्ते पापिष्ठा नात्र संशयः । संध्याहीना यथा विप्रा वेदबाह्यास्तथैव च
ato hyadharmarūpāste pāpiṣṭhā nātra saṃśayaḥ | saṃdhyāhīnā yathā viprā vedabāhyāstathaiva ca
Sanskrit only: no published translation is held for this verse.
निवसंति पुरे तस्मिन्पश्चिमायां सुरेश्वरि । एकमेव परं तीर्थं नृसिंहाख्यं सुविस्तरम् । यं श्रुत्वा मुच्यते पापान्नरः सद्यो न संशयः
nivasaṃti pure tasminpaścimāyāṃ sureśvari | ekameva paraṃ tīrthaṃ nṛsiṃhākhyaṃ suvistaram | yaṃ śrutvā mucyate pāpānnaraḥ sadyo na saṃśayaḥ
Sanskrit only: no published translation is held for this verse.