Padma Purāṇa 6.179

श्रीभगवानुवाच। पंचमस्याधुना देवि माहात्म्यं लोकपूजितम् । कथयामि समासेन सावधाना शृणु प्रिये

śrībhagavānuvāca| paṃcamasyādhunā devi māhātmyaṃ lokapūjitam | kathayāmi samāsena sāvadhānā śṛṇu priye

Sanskrit only: no published translation is held for this verse.

पिंगलो नाम भद्रेषु पुरुकुत्सपुरे द्विजः । अवदाते कुले जातो विश्रुते वेदवादिनाम्

piṃgalo nāma bhadreṣu purukutsapure dvijaḥ | avadāte kule jāto viśrute vedavādinām

Sanskrit only: no published translation is held for this verse.

कुलोचितानि शास्त्राणि तथा वेदान्विसृज्य सः । तौर्यत्रिके मतिं चक्रे वादयन्मुरजादिकम्

kulocitāni śāstrāṇi tathā vedānvisṛjya saḥ | tauryatrike matiṃ cakre vādayanmurajādikam

Sanskrit only: no published translation is held for this verse.

कृतश्रमस्ततस्तत्र गीते नृत्ये च वादने । परां प्रसिद्धिमासाद्य नृपसद्म विवेश सः

kṛtaśramastatastatra gīte nṛtye ca vādane | parāṃ prasiddhimāsādya nṛpasadma viveśa saḥ

Sanskrit only: no published translation is held for this verse.

समातस्थे स तेनासौ पुरा भूमिभुजा सह । परदारानुपाहृत्य बुभुजे ता अनन्यधीः

samātasthe sa tenāsau purā bhūmibhujā saha | paradārānupāhṛtya bubhuje tā ananyadhīḥ

Sanskrit only: no published translation is held for this verse.

तत उत्सिक्तगर्वोऽयं सूचमानो निरंकुशः । परच्छिद्राणि चामुष्मै विविक्ते स निरंतरम्

tata utsiktagarvo'yaṃ sūcamāno niraṃkuśaḥ | paracchidrāṇi cāmuṣmai vivikte sa niraṃtaram

Sanskrit only: no published translation is held for this verse.

तस्यासीदरुणा नाम भार्या हीनकुलोद्भवा

tasyāsīdaruṇā nāma bhāryā hīnakulodbhavā

Sanskrit only: no published translation is held for this verse.

भ्रमत्यन्वेषयंती सा कामुकेन विहारिणी । तमंतरायं मन्वाना निशीथिन्यां निजालये

bhramatyanveṣayaṃtī sā kāmukena vihāriṇī | tamaṃtarāyaṃ manvānā niśīthinyāṃ nijālaye

Sanskrit only: no published translation is held for this verse.

निजघान शिरश्छित्त्वा निचखान महीतले । वियोजितस्तः प्राणैरुपेत्य यमसादनम्

nijaghāna śiraśchittvā nicakhāna mahītale | viyojitastaḥ prāṇairupetya yamasādanam

Sanskrit only: no published translation is held for this verse.

दुर्जयान्नरकान्भुंक्त्वा गृध्रोऽभूद्विजने वने । भगंदरेण रोगेण सापि हित्वा वरां तनुम्

durjayānnarakānbhuṃktvā gṛdhro'bhūdvijane vane | bhagaṃdareṇa rogeṇa sāpi hitvā varāṃ tanum

Sanskrit only: no published translation is held for this verse.

उपेत्य नरकान्घोरान्जज्ञे तत्र वने शुकी । कणानादातुकामां तां संचरंतीमितस्ततः

upetya narakānghorānjajñe tatra vane śukī | kaṇānādātukāmāṃ tāṃ saṃcaraṃtīmitastataḥ

Sanskrit only: no published translation is held for this verse.

विददार नखैस्तीक्ष्णैर्गृध्रो वैरमनुस्मरन् । नृकपाले पयः पूर्णे निपतंतीं ततः शुकीम्

vidadāra nakhaistīkṣṇairgṛdhro vairamanusmaran | nṛkapāle payaḥ pūrṇe nipataṃtīṃ tataḥ śukīm

Sanskrit only: no published translation is held for this verse.

अभिदुद्राव गृध्रोऽपि निजघ्ने स च जालिकैः । पत्नीवियोजिता प्राणैर्नृकपालजले ततः

abhidudrāva gṛdhro'pi nijaghne sa ca jālikaiḥ | patnīviyojitā prāṇairnṛkapālajale tataḥ

Sanskrit only: no published translation is held for this verse.

तत्रैव निममज्जा सा वेत्यक्रूरतरः खगः । पितृलोकं प्रपेदाते नीतौ तौ यमकिंकरैः । प्राक्कृतं दुष्कृतं कर्म स्मरंतौ भयभागिनौ

tatraiva nimamajjā sā vetyakrūrataraḥ khagaḥ | pitṛlokaṃ prapedāte nītau tau yamakiṃkaraiḥ | prākkṛtaṃ duṣkṛtaṃ karma smaraṃtau bhayabhāginau

Sanskrit only: no published translation is held for this verse.

ततो यमः समालोक्य तयोः कर्म जुगुप्सितम् । अकस्मादेवतत्स्नानान्मरणे सुकृतं महत्

tato yamaḥ samālokya tayoḥ karma jugupsitam | akasmādevatatsnānānmaraṇe sukṛtaṃ mahat

Sanskrit only: no published translation is held for this verse.

अनुजज्ञे ततो लोकमीप्सितं गंतुमेतयोः । महापातकसंघातैरपि दुर्द्धर्षमानसौ

anujajñe tato lokamīpsitaṃ gaṃtumetayoḥ | mahāpātakasaṃghātairapi durddharṣamānasau

Sanskrit only: no published translation is held for this verse.

ततोविस्मयमापन्नौ स्मृत्वा तौ दुष्कृतं निजम् । उपेत्य प्रणतौ भूत्वा वैवस्वतमपृच्छताम्

tatovismayamāpannau smṛtvā tau duṣkṛtaṃ nijam | upetya praṇatau bhūtvā vaivasvatamapṛcchatām

Sanskrit only: no published translation is held for this verse.

संचितं दुष्कृतं पूर्वमावाभ्यामपि गर्हितम् । लोकानामीप्सितानां तु को हेतुस्तद्वदस्व नौ

saṃcitaṃ duṣkṛtaṃ pūrvamāvābhyāmapi garhitam | lokānāmīpsitānāṃ tu ko hetustadvadasva nau

Sanskrit only: no published translation is held for this verse.

एवमुक्तस्ततस्ताभ्यामाह वैवस्वतो वचः । आसीद्गंगातटे नाम्ना बटुर्ब्रह्मविदुत्तमः॥

evamuktastatastābhyāmāha vaivasvato vacaḥ | āsīdgaṃgātaṭe nāmnā baṭurbrahmaviduttamaḥ||

Sanskrit only: no published translation is held for this verse.

एकाकी निर्ममः शांतो वीतरागो विमत्सरः । गीतानां पंचमाध्यायमावर्त्तयति सर्वदा

ekākī nirmamaḥ śāṃto vītarāgo vimatsaraḥ | gītānāṃ paṃcamādhyāyamāvarttayati sarvadā

Sanskrit only: no published translation is held for this verse.

तेन पुण्येन पूतात्मा बुद्ध्वा ब्रह्म सनातनम् । पापीयानपि यं श्रुत्वा तनुमुत्सृष्टवानसौ

tena puṇyena pūtātmā buddhvā brahma sanātanam | pāpīyānapi yaṃ śrutvā tanumutsṛṣṭavānasau

Sanskrit only: no published translation is held for this verse.

निर्मलीकृतदेहस्य गीताभिर्भावितात्मनः । तत्कपालजलं प्राप्य युवां यातौ पवित्रताम्

nirmalīkṛtadehasya gītābhirbhāvitātmanaḥ | tatkapālajalaṃ prāpya yuvāṃ yātau pavitratām

Sanskrit only: no published translation is held for this verse.

तद्गच्छतं युवां लोकान्मनोरथपथिस्थितान् । गीतानां पंचमाध्यायमाहात्म्येन पवित्रितौ

tadgacchataṃ yuvāṃ lokānmanorathapathisthitān | gītānāṃ paṃcamādhyāyamāhātmyena pavitritau

Sanskrit only: no published translation is held for this verse.

एवं तौ बोधितौ तेन मुदितौ समवर्तिना । व्योमयानं समारुह्य जग्मतुर्वैष्णवं पदम्

evaṃ tau bodhitau tena muditau samavartinā | vyomayānaṃ samāruhya jagmaturvaiṣṇavaṃ padam

Sanskrit only: no published translation is held for this verse.