Padma Purāṇa 6.181

श्रीभगवानुवाच। अथ ते वर्णयिष्यामि सप्तमाध्यायगौरवम् । यदाकर्ण्य सुधापूर पूर्तिर्भवति कर्णयोः

śrībhagavānuvāca| atha te varṇayiṣyāmi saptamādhyāyagauravam | yadākarṇya sudhāpūra pūrtirbhavati karṇayoḥ

Sanskrit only: no published translation is held for this verse.

अस्ति पाटलिपुत्राख्यं दुर्गमुत्तुङ्गगोपुरम् । तत्राभूद्ब्राह्मणो नाम शंकुकर्णो दयार्णवः

asti pāṭaliputrākhyaṃ durgamuttuṅgagopuram | tatrābhūdbrāhmaṇo nāma śaṃkukarṇo dayārṇavaḥ

Sanskrit only: no published translation is held for this verse.

वैश्यवृत्तिं समासाद्य धनमर्जितवान्बहु । पितॄन्न तर्पयामास पूजयामास नो सुरान्

vaiśyavṛttiṃ samāsādya dhanamarjitavānbahu | pitṝnna tarpayāmāsa pūjayāmāsa no surān

Sanskrit only: no published translation is held for this verse.

पार्थिवान्भोजयांश्चक्रे धनार्जनपरायणः । तुरीयपाणिग्रहणं मंगलार्थं गृहांतरे

pārthivānbhojayāṃścakre dhanārjanaparāyaṇaḥ | turīyapāṇigrahaṇaṃ maṃgalārthaṃ gṛhāṃtare

Sanskrit only: no published translation is held for this verse.

तनुजैर्बंधुभिः सार्धं संप्रतस्थे कदाचन । रजन्यां धर्मकल्पायां निद्रालोस्तस्य दोस्तले

tanujairbaṃdhubhiḥ sārdhaṃ saṃpratasthe kadācana | rajanyāṃ dharmakalpāyāṃ nidrālostasya dostale

Sanskrit only: no published translation is held for this verse.

दशति स्म समागत्य दंदशूकः कुतश्चन । स दष्टमात्रोऽसाध्यात्मा मणिमंत्रौषधादिभिः

daśati sma samāgatya daṃdaśūkaḥ kutaścana | sa daṣṭamātro'sādhyātmā maṇimaṃtrauṣadhādibhiḥ

Sanskrit only: no published translation is held for this verse.

क्षणैः कतिपयैरेव गतासुरभवत्ततः । पिचुमंददलैर्नालैरवगुंठितविग्रहम्

kṣaṇaiḥ katipayaireva gatāsurabhavattataḥ | picumaṃdadalairnālairavaguṃṭhitavigraham

Sanskrit only: no published translation is held for this verse.

तमारोप्य तरुस्कंधे सूनवो गृहमाययुः । ततः कालेन बहुना ततो जातः सरीसृपः

tamāropya taruskaṃdhe sūnavo gṛhamāyayuḥ | tataḥ kālena bahunā tato jātaḥ sarīsṛpaḥ

Sanskrit only: no published translation is held for this verse.

तद्वासनानिबद्धात्मा जन्मपूर्वमनुस्मरन् । वंचयित्वा सुतानेतान्पूरयामि गृहाद्बहिः

tadvāsanānibaddhātmā janmapūrvamanusmaran | vaṃcayitvā sutānetānpūrayāmi gṛhādbahiḥ

Sanskrit only: no published translation is held for this verse.

आत्मनः कोटिसंख्याकं यत्रास्ते स्थापितं वसु । ततो नारायणबलिश्रद्धया परयान्विताः

ātmanaḥ koṭisaṃkhyākaṃ yatrāste sthāpitaṃ vasu | tato nārāyaṇabaliśraddhayā parayānvitāḥ

Sanskrit only: no published translation is held for this verse.

कृतवंतः परे तस्य सूनवो हि द्विजन्मनः । एकदा स्वप्नमागत्य पीडितः सर्पजन्मना

kṛtavaṃtaḥ pare tasya sūnavo hi dvijanmanaḥ | ekadā svapnamāgatya pīḍitaḥ sarpajanmanā

Sanskrit only: no published translation is held for this verse.

अभाषयन्मनोवृत्तं पुत्राणामग्रतः पिता । ततस्ते प्रातरुत्थाय परं विस्मयमोहिताः

abhāṣayanmanovṛttaṃ putrāṇāmagrataḥ pitā | tataste prātarutthāya paraṃ vismayamohitāḥ

Sanskrit only: no published translation is held for this verse.

इतरेतरमाख्याय पर्यंतस्ते निरंकुशाः । एकस्तत्र पितृस्नेहादुद्धर्तुमपि वांछति

itaretaramākhyāya paryaṃtaste niraṃkuśāḥ | ekastatra pitṛsnehāduddhartumapi vāṃchati

Sanskrit only: no published translation is held for this verse.

अन्यो द्रविणलोभेन निहंतुं सर्पमीहते । इतरस्तु पितृस्नेहरसमोहितमानसः

anyo draviṇalobhena nihaṃtuṃ sarpamīhate | itarastu pitṛsneharasamohitamānasaḥ

Sanskrit only: no published translation is held for this verse.

किंवा अहिमयो न स्याच्छोचन्रोदिति केवलम् । मध्यमस्तु ततः पुत्रो वंचयित्वा सहोदरौ

kiṃvā ahimayo na syācchocanroditi kevalam | madhyamastu tataḥ putro vaṃcayitvā sahodarau

Sanskrit only: no published translation is held for this verse.

केनापि छद्मनोत्थाय जगाम निजमालयम् । ततः शनैः समाहूय गृहिणीं गुणशालिनीम्

kenāpi chadmanotthāya jagāma nijamālayam | tataḥ śanaiḥ samāhūya gṛhiṇīṃ guṇaśālinīm

Sanskrit only: no published translation is held for this verse.

कुद्दालहस्तो निरगाद्यत्रास्ते पन्नगः पिता । तेनाविदितवित्तेन चिह्नैर्निश्चित्य तत्वतः

kuddālahasto niragādyatrāste pannagaḥ pitā | tenāviditavittena cihnairniścitya tatvataḥ

Sanskrit only: no published translation is held for this verse.

स्थानमागत्य तं हंतुं वल्मीकं लोभबुद्धितः । भार्ययोत्सार्य ते मृत्स्ना स्वयं तेन च खन्यते

sthānamāgatya taṃ haṃtuṃ valmīkaṃ lobhabuddhitaḥ | bhāryayotsārya te mṛtsnā svayaṃ tena ca khanyate

Sanskrit only: no published translation is held for this verse.

निखन्यमानादत्युग्रो वल्मीकादहिरुत्थितः । ततो गरलगंडूषैर्निर्गतैरतिदुःसहैः

nikhanyamānādatyugro valmīkādahirutthitaḥ | tato garalagaṃḍūṣairnirgatairatiduḥsahaiḥ

Sanskrit only: no published translation is held for this verse.

गिरः स कथयांचक्रे फणी फूत्कारमारुतैः

giraḥ sa kathayāṃcakre phaṇī phūtkāramārutaiḥ

Sanskrit only: no published translation is held for this verse.

अहिरुवाच। कस्त्वं किमर्थमायातः कथं वा खन्यते बिलम् । केन वा प्रहितो मूढ तदाख्याहि ममाग्रतः

ahiruvāca| kastvaṃ kimarthamāyātaḥ kathaṃ vā khanyate bilam | kena vā prahito mūḍha tadākhyāhi mamāgrataḥ

Sanskrit only: no published translation is held for this verse.

पुत्र उवाच। पुत्रस्तेऽहं शिवो नाम हेमग्रहणकौतुकी । आगतो रात्रलब्धस्य स्वप्नस्य तु सुविस्मितः

putra uvāca| putraste'haṃ śivo nāma hemagrahaṇakautukī | āgato rātralabdhasya svapnasya tu suvismitaḥ

Sanskrit only: no published translation is held for this verse.

शिव उवाच। इत्थमाकर्ण्य पुत्रस्य गिरं लोकविगर्हिताम् । वक्तुमारभत स्पष्टं हसन्नुच्चैः फणी तदा

śiva uvāca| itthamākarṇya putrasya giraṃ lokavigarhitām | vaktumārabhata spaṣṭaṃ hasannuccaiḥ phaṇī tadā

Sanskrit only: no published translation is held for this verse.

सर्प उवाच। यदि पुत्रोऽसि मे तूर्णं मामुन्मोचय बंधनात् । निक्षेपार्थाय संजातं पन्नगं पूर्वजन्मनः

sarpa uvāca| yadi putro'si me tūrṇaṃ māmunmocaya baṃdhanāt | nikṣepārthāya saṃjātaṃ pannagaṃ pūrvajanmanaḥ

Sanskrit only: no published translation is held for this verse.

पुत्र उवाच। पितः कथं ते मुक्तिः स्यादित्याचक्ष्व ममाग्रतः । परित्यक्त्वाखिलं लोकमागतोस्मि यथा निशि

putra uvāca| pitaḥ kathaṃ te muktiḥ syādityācakṣva mamāgrataḥ | parityaktvākhilaṃ lokamāgatosmi yathā niśi

Sanskrit only: no published translation is held for this verse.

पितोवाच। न तीर्थानि न दानानि न तपांसि न चाध्वराः । मामुन्मोचयितुं पुत्र प्रभवंति च सर्वथा

pitovāca| na tīrthāni na dānāni na tapāṃsi na cādhvarāḥ | māmunmocayituṃ putra prabhavaṃti ca sarvathā

Sanskrit only: no published translation is held for this verse.

गीतानां सप्तमाध्यायमंतरेण सुधामयम् । जंतोर्जरामृत्युदुःखनिराकरणकारणम्

gītānāṃ saptamādhyāyamaṃtareṇa sudhāmayam | jaṃtorjarāmṛtyuduḥkhanirākaraṇakāraṇam

Sanskrit only: no published translation is held for this verse.

सप्तमाध्यायिनं विप्रं मदीये श्राद्धवासरे । भोजय श्रद्धया पुत्र तेन मुक्तिर्न संशयः

saptamādhyāyinaṃ vipraṃ madīye śrāddhavāsare | bhojaya śraddhayā putra tena muktirna saṃśayaḥ

Sanskrit only: no published translation is held for this verse.

अन्यानपि द्विजान्वत्स वेदविद्याविशारदान् । संभोजय यथाशक्ति परमश्रद्धयान्वितः

anyānapi dvijānvatsa vedavidyāviśāradān | saṃbhojaya yathāśakti paramaśraddhayānvitaḥ

Sanskrit only: no published translation is held for this verse.

इत्याकर्ण्य पितुर्वाक्यमुरगत्वमुपेयुषः । ते सर्वे सूनवो कुर्वन्यथादिष्टं ततोऽधिकम्

ityākarṇya piturvākyamuragatvamupeyuṣaḥ | te sarve sūnavo kurvanyathādiṣṭaṃ tato'dhikam

Sanskrit only: no published translation is held for this verse.

शंकुकर्णस्ततः श्रीमानुत्सृज्य तनुमौरगीम् । कृत्वा विभागं पुत्राणां दिव्यंदेहमुपाददे

śaṃkukarṇastataḥ śrīmānutsṛjya tanumauragīm | kṛtvā vibhāgaṃ putrāṇāṃ divyaṃdehamupādade

Sanskrit only: no published translation is held for this verse.

विभज्य दत्तं पित्राय द्रव्यं तत्कोटिसंख्यया । तेन ते सूनवः सर्वे मुमुदुः साधुवृतयः

vibhajya dattaṃ pitrāya dravyaṃ tatkoṭisaṃkhyayā | tena te sūnavaḥ sarve mumuduḥ sādhuvṛtayaḥ

Sanskrit only: no published translation is held for this verse.

वापीकूपसरोयज्ञदेवप्रासादहेतवे । अन्नशालां ततः कुर्वन्पुत्रास्ते धर्मबुद्धयः

vāpīkūpasaroyajñadevaprāsādahetave | annaśālāṃ tataḥ kurvanputrāste dharmabuddhayaḥ

Sanskrit only: no published translation is held for this verse.

सप्तमाध्याय जपतो मुक्तिभाजोभवंस्ततः । षष्ठमिष्टतमं ज्ञात्वा निर्वाणार्पितदृष्टयः

saptamādhyāya japato muktibhājobhavaṃstataḥ | ṣaṣṭhamiṣṭatamaṃ jñātvā nirvāṇārpitadṛṣṭayaḥ

Sanskrit only: no published translation is held for this verse.