Padma Purāṇa 6.182

शिव उवाच। अष्टमाध्यायमाहात्म्यं शृणु वक्ष्यामि पार्वति । यस्य श्रवणमात्रेण परां मुदमवाप्स्यसि

śiva uvāca| aṣṭamādhyāyamāhātmyaṃ śṛṇu vakṣyāmi pārvati | yasya śravaṇamātreṇa parāṃ mudamavāpsyasi

Sanskrit only: no published translation is held for this verse.

आमर्दकं पुरं नाम्ना विश्रुतं दक्षिणापथि । द्विजन्मा भावशर्मेति तत्रासीद्गणिकापतिः

āmardakaṃ puraṃ nāmnā viśrutaṃ dakṣiṇāpathi | dvijanmā bhāvaśarmeti tatrāsīdgaṇikāpatiḥ

Sanskrit only: no published translation is held for this verse.

खादन्मांसं पिबन्मद्यं चोरयन्साधुसंपदः । रममाणः परस्त्रीभिराखेटक कुतूहली

khādanmāṃsaṃ pibanmadyaṃ corayansādhusaṃpadaḥ | ramamāṇaḥ parastrībhirākheṭaka kutūhalī

Sanskrit only: no published translation is held for this verse.

अत्यवाहयदत्युग्रो गरीयांसं मनोरथम् । सुहृदां विटगोष्ठ्यां च तालीफलसुधारसम्

atyavāhayadatyugro garīyāṃsaṃ manoratham | suhṛdāṃ viṭagoṣṭhyāṃ ca tālīphalasudhārasam

Sanskrit only: no published translation is held for this verse.

निपीय कंठपर्यंतमजीर्णेनातिपीडितः । मृतः कालेन पापात्मा जातस्तालीतरुर्महान्

nipīya kaṃṭhaparyaṃtamajīrṇenātipīḍitaḥ | mṛtaḥ kālena pāpātmā jātastālītarurmahān

Sanskrit only: no published translation is held for this verse.

तस्यच्छायामुपाश्रित्य निबिडामतिशीतलाम् । अभूतां दंपती कौचिद्ब्रह्मराक्षसतां गतौ

tasyacchāyāmupāśritya nibiḍāmatiśītalām | abhūtāṃ daṃpatī kaucidbrahmarākṣasatāṃ gatau

Sanskrit only: no published translation is held for this verse.

देव्युवाच। किं जातीयौ किमात्मानौ किंवृत्तावित्युदीरय । कर्मणा केन वा देव ब्रह्मराक्षसता तयोः

devyuvāca| kiṃ jātīyau kimātmānau kiṃvṛttāvityudīraya | karmaṇā kena vā deva brahmarākṣasatā tayoḥ

Sanskrit only: no published translation is held for this verse.

शिव उवाच। वेदवेदांगतत्वज्ञः सर्वशास्त्रार्थकोविदः । सदाचारोऽभवत्कश्चिद्दिवजो नाम कुशीवलः

śiva uvāca| vedavedāṃgatatvajñaḥ sarvaśāstrārthakovidaḥ | sadācāro'bhavatkaściddivajo nāma kuśīvalaḥ

Sanskrit only: no published translation is held for this verse.

जाया च तस्य कुमति नामधेया दुराशया । स सभार्यो महादानान्याददानोऽतिलोभवान्

jāyā ca tasya kumati nāmadheyā durāśayā | sa sabhāryo mahādānānyādadāno'tilobhavān

Sanskrit only: no published translation is held for this verse.

महिषीं कालपुरुषं हयादीननुवासरम् । अप्रयच्छन्द्विजातिभ्यो दानलब्धां वराटिकाम्

mahiṣīṃ kālapuruṣaṃ hayādīnanuvāsaram | aprayacchandvijātibhyo dānalabdhāṃ varāṭikām

Sanskrit only: no published translation is held for this verse.

कालेन दंपती प्रेतौ ब्रह्मराक्षसरूपिणौ । पर्यटंतौ महीमेतां क्षुत्तृषाकुलविग्रहौ

kālena daṃpatī pretau brahmarākṣasarūpiṇau | paryaṭaṃtau mahīmetāṃ kṣuttṛṣākulavigrahau

Sanskrit only: no published translation is held for this verse.

विशश्रमतुरागत्य मूलं तालीतरोस्ततः । कथमेतन्महादुःखमावयोरपगच्छति

viśaśramaturāgatya mūlaṃ tālītarostataḥ | kathametanmahāduḥkhamāvayorapagacchati

Sanskrit only: no published translation is held for this verse.

कथं वा जायते मुक्तिर्ब्रह्मराक्षसयोनितः । इति पृष्टो गृहिण्याऽसौ ब्राह्मणः समभाषत

kathaṃ vā jāyate muktirbrahmarākṣasayonitaḥ | iti pṛṣṭo gṛhiṇyā'sau brāhmaṇaḥ samabhāṣata

Sanskrit only: no published translation is held for this verse.

ब्रह्मविद्योपदेशेन विनाध्यात्मविचारणात् । विनाकर्मविधिज्ञानात्कथं मुच्येत संकटात्

brahmavidyopadeśena vinādhyātmavicāraṇāt | vinākarmavidhijñānātkathaṃ mucyeta saṃkaṭāt

Sanskrit only: no published translation is held for this verse.

भार्योवाच। किं तद् ब्रह्म किमध्यात्मं किं कर्म पुरुषोत्तम । एतावदुक्ते तत्पत्न्या यदाश्चर्यमभूच्छृणु

bhāryovāca| kiṃ tad brahma kimadhyātmaṃ kiṃ karma puruṣottama | etāvadukte tatpatnyā yadāścaryamabhūcchṛṇu

Sanskrit only: no published translation is held for this verse.

अष्टमाध्यायश्लोकार्द्धश्रवणात्स तरुस्तदा । विहाय तालीरूपं तद्बभूव द्विजसत्तमः

aṣṭamādhyāyaślokārddhaśravaṇātsa tarustadā | vihāya tālīrūpaṃ tadbabhūva dvijasattamaḥ

Sanskrit only: no published translation is held for this verse.

सद्योज्ञानविधूतात्मा विमुक्तः पापकंचुकात् । तन्माहात्म्याद्विनिर्मुक्तौ दंपती तौ बभूवतुः

sadyojñānavidhūtātmā vimuktaḥ pāpakaṃcukāt | tanmāhātmyādvinirmuktau daṃpatī tau babhūvatuḥ

Sanskrit only: no published translation is held for this verse.

एतावदेव मुक्तं च दैवान्निर्गत्य तन्मुखात् । ततोंतरिक्षादायांतं क्वणत्किंकिणिकं शुभम्

etāvadeva muktaṃ ca daivānnirgatya tanmukhāt | tatoṃtarikṣādāyāṃtaṃ kvaṇatkiṃkiṇikaṃ śubham

Sanskrit only: no published translation is held for this verse.

दिवि दिव्यांगनावक्त्रचंद्रमंडलमंडितम् । अप्सरोवदनांभोज भ्राम्यद्भ्रमरसंकुलम्

divi divyāṃganāvaktracaṃdramaṃḍalamaṃḍitam | apsarovadanāṃbhoja bhrāmyadbhramarasaṃkulam

Sanskrit only: no published translation is held for this verse.

निर्मथ्यमानदुग्धाब्धि वेलाडिंडिरपांडुरैः । गंगातरंगसुभगैश्चामरैरुपशोभितम्

nirmathyamānadugdhābdhi velāḍiṃḍirapāṃḍuraiḥ | gaṃgātaraṃgasubhagaiścāmarairupaśobhitam

Sanskrit only: no published translation is held for this verse.

गायद्गंधर्वसुभगं नृत्यत्सुरवधूशतम् । दिव्यं विमानमारूढौ दंपती जग्मतुर्दिवम्

gāyadgaṃdharvasubhagaṃ nṛtyatsuravadhūśatam | divyaṃ vimānamārūḍhau daṃpatī jagmaturdivam

Sanskrit only: no published translation is held for this verse.

अत्रत्यं वृत्तमखिलमेतद्विस्मयकारकम् । ततो लिलेख मेधावी श्लोकार्द्धमिदमादरात्

atratyaṃ vṛttamakhilametadvismayakārakam | tato lilekha medhāvī ślokārddhamidamādarāt

Sanskrit only: no published translation is held for this verse.

ययौ वाराणसीं नाम नगरीं मुक्तिदायिनीम् । आराधयितुमन्विच्छन्देवदेवं जनार्दनम्

yayau vārāṇasīṃ nāma nagarīṃ muktidāyinīm | ārādhayitumanvicchandevadevaṃ janārdanam

Sanskrit only: no published translation is held for this verse.

स तत्र कर्तुमारेभे तपः परमुदारधीः । अत्रांतरे जगन्नाथो देवदेवो जनार्दनः

sa tatra kartumārebhe tapaḥ paramudāradhīḥ | atrāṃtare jagannātho devadevo janārdanaḥ

Sanskrit only: no published translation is held for this verse.

पृष्टो दुग्धाब्धिसुतया संयोज्य करसंपुटम् । निद्रापथं विहायैव स्थीयते कथ्यतामिति

pṛṣṭo dugdhābdhisutayā saṃyojya karasaṃpuṭam | nidrāpathaṃ vihāyaiva sthīyate kathyatāmiti

Sanskrit only: no published translation is held for this verse.

श्रीभगवानुवाच। काश्यां भागीरथी तीरे तपस्यतितरां द्विजः । भावशर्माति मेधावी मद्भक्तिरसपूरितः

śrībhagavānuvāca| kāśyāṃ bhāgīrathī tīre tapasyatitarāṃ dvijaḥ | bhāvaśarmāti medhāvī madbhaktirasapūritaḥ

Sanskrit only: no published translation is held for this verse.

जपन्गीताष्टमाध्यायश्लोकार्द्धं नियतेंद्रियः । संतुष्टवानहं देवि तदीयतपसा भृशम्

japangītāṣṭamādhyāyaślokārddhaṃ niyateṃdriyaḥ | saṃtuṣṭavānahaṃ devi tadīyatapasā bhṛśam

Sanskrit only: no published translation is held for this verse.

चिरं विचारयन्नेव तत्तपः सदृशं फलम् । दातुमुत्कंठितमना वर्तेयं सांप्रतं प्रिये

ciraṃ vicārayanneva tattapaḥ sadṛśaṃ phalam | dātumutkaṃṭhitamanā varteyaṃ sāṃprataṃ priye

Sanskrit only: no published translation is held for this verse.

पार्वत्युवाच। हरिः प्रसन्नभूतोऽपि चिंतां प्राप यदि प्रभो । भावशर्मा हरेर्भक्तः प्राप्तः किं तत्फलं पुनः

pārvatyuvāca| hariḥ prasannabhūto'pi ciṃtāṃ prāpa yadi prabho | bhāvaśarmā harerbhaktaḥ prāptaḥ kiṃ tatphalaṃ punaḥ

Sanskrit only: no published translation is held for this verse.

श्रीमहादेव उवाच। ततः प्रसादमासाद्य प्रसन्नस्य मुरद्विषः । सुखमात्यंतिकं प्राप भावशर्मा द्विजोत्तमः । लेभिरे पदवीं सर्वे तदीया अपि वंशजाः

śrīmahādeva uvāca| tataḥ prasādamāsādya prasannasya muradviṣaḥ | sukhamātyaṃtikaṃ prāpa bhāvaśarmā dvijottamaḥ | lebhire padavīṃ sarve tadīyā api vaṃśajāḥ

Sanskrit only: no published translation is held for this verse.

तत्कर्मवशतो ये वै संप्राप्ता यातनां पुरा । एतदेवाष्टमाध्यायमाहात्म्यं किंचिदेव ते

tatkarmavaśato ye vai saṃprāptā yātanāṃ purā | etadevāṣṭamādhyāyamāhātmyaṃ kiṃcideva te

Sanskrit only: no published translation is held for this verse.

कथितं मृगशावाक्षि द्रष्टव्यं तु सदैव च

kathitaṃ mṛgaśāvākṣi draṣṭavyaṃ tu sadaiva ca

Sanskrit only: no published translation is held for this verse.

इति श्रीपाद्मे महापुराणे पंचपंचाशत्सा० उत्तरखंडे गीतामाहात्म्ये द्व्यशीत्यधिकशततमोऽध्यायः

iti śrīpādme mahāpurāṇe paṃcapaṃcāśatsā0 uttarakhaṃḍe gītāmāhātmye dvyaśītyadhikaśatatamo'dhyāyaḥ

Sanskrit only: no published translation is held for this verse.