Padma Purāṇa 6.184

देव्युवाच। सर्वज्ञ सर्वचैतन्य सर्वेश्वर गिरां गुरो । धन्यास्मि शिवमान्येन दृश्यमानेन यत्त्वया

devyuvāca| sarvajña sarvacaitanya sarveśvara girāṃ guro | dhanyāsmi śivamānyena dṛśyamānena yattvayā

Sanskrit only: no published translation is held for this verse.

निरूपितमिदं पुण्यं नवमाध्यायवैभवम् । अनेकविस्मयस्वादु कथानकमयं मधु

nirūpitamidaṃ puṇyaṃ navamādhyāyavaibhavam | anekavismayasvādu kathānakamayaṃ madhu

Sanskrit only: no published translation is held for this verse.

शृण्वंत्या मम देवेश न तृप्तिर्जातु जायते । अकुंठाश्रवणोत्कंठा वर्द्धते वृषभध्वज

śṛṇvaṃtyā mama deveśa na tṛptirjātu jāyate | akuṃṭhāśravaṇotkaṃṭhā varddhate vṛṣabhadhvaja

Sanskrit only: no published translation is held for this verse.

आसीन्ममहिमांभोधे गीतानां श्रुतिजीवितम् । तत्रापि दशमाध्यायं प्रधानं मुनयो जगुः

āsīnmamahimāṃbhodhe gītānāṃ śrutijīvitam | tatrāpi daśamādhyāyaṃ pradhānaṃ munayo jaguḥ

Sanskrit only: no published translation is held for this verse.

तमुद्दिश्य महाध्यायमभिधेहि कथानकम् । शिव उवाच। शृणु सुश्रोणि निश्रेणीं स्वर्गदुर्गस्य दुर्ल्लभाम्

tamuddiśya mahādhyāyamabhidhehi kathānakam | śiva uvāca| śṛṇu suśroṇi niśreṇīṃ svargadurgasya durllabhām

Sanskrit only: no published translation is held for this verse.

सीमामिव प्रभावानां पावनीं परमां कथाम् । आसीत्काशीपुरे विप्रः पुण्यकीर्त्तिपरायणः

sīmāmiva prabhāvānāṃ pāvanīṃ paramāṃ kathām | āsītkāśīpure vipraḥ puṇyakīrttiparāyaṇaḥ

Sanskrit only: no published translation is held for this verse.

प्रशांतचेता निर्मुक्त हिंसाकार्कश्यसाहसः । निवृत्तिनिरतो नित्यं जितेंद्रियतया तथा

praśāṃtacetā nirmukta hiṃsākārkaśyasāhasaḥ | nivṛttinirato nityaṃ jiteṃdriyatayā tathā

Sanskrit only: no published translation is held for this verse.

धीरधीरिति विख्यातो नंदीव मयि भक्तिमान् । निस्तीर्णनिगमांभोधिः सर्वशास्त्रार्थकोविदः

dhīradhīriti vikhyāto naṃdīva mayi bhaktimān | nistīrṇanigamāṃbhodhiḥ sarvaśāstrārthakovidaḥ

Sanskrit only: no published translation is held for this verse.

तस्य ध्यानपराधीन चेतसः प्रतिगच्छतः । अंतरात्मनि निर्मग्न मनसस्तत्त्वचक्षुषः

tasya dhyānaparādhīna cetasaḥ pratigacchataḥ | aṃtarātmani nirmagna manasastattvacakṣuṣaḥ

Sanskrit only: no published translation is held for this verse.

करावलंबनं तस्य धावन्प्रीत्या ददाम्यहम् । कदाचन चमत्कारकारकं विमना मुनिः

karāvalaṃbanaṃ tasya dhāvanprītyā dadāmyaham | kadācana camatkārakārakaṃ vimanā muniḥ

Sanskrit only: no published translation is held for this verse.

आचांतः किंच नासाग्रपरमानंदमेदुराम् । दृशमासाद्य निद्राणकरणोयमिवास्थितः

ācāṃtaḥ kiṃca nāsāgraparamānaṃdamedurām | dṛśamāsādya nidrāṇakaraṇoyamivāsthitaḥ

Sanskrit only: no published translation is held for this verse.

उपाधास्य विशालाक्षि विशालां द्वारदेहलीम् । अशेत निशि निःशंकं तावल्लंबेक्षणः क्षणम्

upādhāsya viśālākṣi viśālāṃ dvāradehalīm | aśeta niśi niḥśaṃkaṃ tāvallaṃbekṣaṇaḥ kṣaṇam

Sanskrit only: no published translation is held for this verse.

मामपृच्छद्भृंगिरिटिः प्रणम्यपादपंकजम् । अनेन विधिना केन विहितं तव दर्शनम्

māmapṛcchadbhṛṃgiriṭiḥ praṇamyapādapaṃkajam | anena vidhinā kena vihitaṃ tava darśanam

Sanskrit only: no published translation is held for this verse.

तपस्तप्तं हुतं जप्तं किमनेन महात्मना । दत्ते प्रतिपदं देवो यस्य हस्तावलंबनम्

tapastaptaṃ hutaṃ japtaṃ kimanena mahātmanā | datte pratipadaṃ devo yasya hastāvalaṃbanam

Sanskrit only: no published translation is held for this verse.

अयं न लभते गंतुं कस्मादस्मात्पुराद्बहिः । यदृच्छया यदा काशी सीमामुल्लंघ्य गच्छति

ayaṃ na labhate gaṃtuṃ kasmādasmātpurādbahiḥ | yadṛcchayā yadā kāśī sīmāmullaṃghya gacchati

Sanskrit only: no published translation is held for this verse.

न पश्यति तदा सर्वान्पार्श्वस्थानपि देहिनः । अत्र हेतुमहं ज्ञातुमिच्छामि स्वामिभाषिताम्

na paśyati tadā sarvānpārśvasthānapi dehinaḥ | atra hetumahaṃ jñātumicchāmi svāmibhāṣitām

Sanskrit only: no published translation is held for this verse.

अनुग्राह्योस्मि चेद्वक्तुं युक्तं चेत्तदुदीरय । भृंगिरिटेरिमं प्रश्नं समाकर्ण्याहमूचिवान्

anugrāhyosmi cedvaktuṃ yuktaṃ cettadudīraya | bhṛṃgiriṭerimaṃ praśnaṃ samākarṇyāhamūcivān

Sanskrit only: no published translation is held for this verse.

कदाचिदासं कैलासं पार्श्वे पुन्नागकानने । रणत्खेचरसुश्रोणि पूर्णस्तबककानने

kadācidāsaṃ kailāsaṃ pārśve punnāgakānane | raṇatkhecarasuśroṇi pūrṇastabakakānane

Sanskrit only: no published translation is held for this verse.

कलकंठकुलालाप कल्लोलितदिगंतरे । गरुत्मदादिदात्यूह समूहस्वरसंकुले

kalakaṃṭhakulālāpa kallolitadigaṃtare | garutmadādidātyūha samūhasvarasaṃkule

Sanskrit only: no published translation is held for this verse.

भ्रमद्दारुघटीयंत्र प्रोल्लसद्बिंदुदंतुरे । प्रबुद्धसारणिप्रांत कदलीकंदलालसे

bhramaddārughaṭīyaṃtra prollasadbiṃdudaṃture | prabuddhasāraṇiprāṃta kadalīkaṃdalālase

Sanskrit only: no published translation is held for this verse.

कस्तूरीहरिणोपेते किंनरस्वरमोहिते । रोमंथमंथरापांगैर्मृगैः क्वापि निषेविते

kastūrīhariṇopete kiṃnarasvaramohite | romaṃthamaṃtharāpāṃgairmṛgaiḥ kvāpi niṣevite

Sanskrit only: no published translation is held for this verse.

हंसैः कीरेषु पांडित्यं कुर्वाणैः संकुले शुकैः । निर्हृदिक्वणिनीरंध्र समीरणविलोडिते

haṃsaiḥ kīreṣu pāṃḍityaṃ kurvāṇaiḥ saṃkule śukaiḥ | nirhṛdikvaṇinīraṃdhra samīraṇaviloḍite

Sanskrit only: no published translation is held for this verse.

माधवीपुष्पनिर्यासशीधुक्षीबमधुव्रते । उन्मीलित्त्रिवलीपुष्पगुच्छसौरभनिर्भरे

mādhavīpuṣpaniryāsaśīdhukṣībamadhuvrate | unmīlittrivalīpuṣpagucchasaurabhanirbhare

Sanskrit only: no published translation is held for this verse.

प्रोत्फुल्लबकुलामोदमदमंथरषट्पदे । सोमादुद्भूतपीयूषक्षालितक्षितिमंडले

protphullabakulāmodamadamaṃtharaṣaṭpade | somādudbhūtapīyūṣakṣālitakṣitimaṃḍale

Sanskrit only: no published translation is held for this verse.

अध्यास्य वेदिकामेकामहं क्षणमवस्थितः । उद्दंडशाखिसंघट्टस्फुटन्मंथामुखोत्करैः

adhyāsya vedikāmekāmahaṃ kṣaṇamavasthitaḥ | uddaṃḍaśākhisaṃghaṭṭasphuṭanmaṃthāmukhotkaraiḥ

Sanskrit only: no published translation is held for this verse.

प्रकंपिता चलच्छायो ववौ चंडसमीरणः । पश्चादभून्महाघोषो निर्घोषित दरीतटः

prakaṃpitā calacchāyo vavau caṃḍasamīraṇaḥ | paścādabhūnmahāghoṣo nirghoṣita darītaṭaḥ

Sanskrit only: no published translation is held for this verse.

अवातरत्ततः कश्चित्पक्षी गगनगह्वरात् । शारदानरिदच्छायः कज्जलानामिवोच्चयः

avātarattataḥ kaścitpakṣī gaganagahvarāt | śāradānaridacchāyaḥ kajjalānāmivoccayaḥ

Sanskrit only: no published translation is held for this verse.

तमसामिव संघातः पक्षच्छेदीव पर्वतः । अवष्टभ्य क्षितिं पद्मां पक्षी मां प्रणनाम सः२८। आनीय पद्ममम्लानमसौ मत्पादयोर्व्यधात् । अथासौ स्पष्टया वाचा पक्षी स्तोत्रमुदीरयत्

tamasāmiva saṃghātaḥ pakṣacchedīva parvataḥ | avaṣṭabhya kṣitiṃ padmāṃ pakṣī māṃ praṇanāma saḥ28| ānīya padmamamlānamasau matpādayorvyadhāt | athāsau spaṣṭayā vācā pakṣī stotramudīrayat

Sanskrit only: no published translation is held for this verse.

जयदेव चिदानंद सुधासिंधो जगत्पते । सदा सद्भावना संग कल्लोलानंतविग्रह

jayadeva cidānaṃda sudhāsiṃdho jagatpate | sadā sadbhāvanā saṃga kallolānaṃtavigraha

Sanskrit only: no published translation is held for this verse.

अद्वैतवासना मत्या मलत्रयविवर्जित । जितेंद्रिय पराधीन समाधिप्राप्यविग्रह

advaitavāsanā matyā malatrayavivarjita | jiteṃdriya parādhīna samādhiprāpyavigraha

Sanskrit only: no published translation is held for this verse.

निरुपाधिविनिर्मुक्त निराकार निरामय । निःसीम निरहंकार निरावरणनिर्गुण

nirupādhivinirmukta nirākāra nirāmaya | niḥsīma nirahaṃkāra nirāvaraṇanirguṇa

Sanskrit only: no published translation is held for this verse.

शरणागतसंत्राण प्रवीण चरणांबुज । भीममाल महाव्याल ज्वालादग्धमनोभव

śaraṇāgatasaṃtrāṇa pravīṇa caraṇāṃbuja | bhīmamāla mahāvyāla jvālādagdhamanobhava

Sanskrit only: no published translation is held for this verse.

कुठारभिन्नदैत्येंद्र गंडूषित महाविभो । त्रिपुरप्रमदाभाल सिंदूरोद्धूलिमार्जन

kuṭhārabhinnadaityeṃdra gaṃḍūṣita mahāvibho | tripurapramadābhāla siṃdūroddhūlimārjana

Sanskrit only: no published translation is held for this verse.

कात्यायनीकुचांभोज वरकुंकुमचर्चित । नमः प्रमाणदूराय नमः प्रमतिरूपिणे

kātyāyanīkucāṃbhoja varakuṃkumacarcita | namaḥ pramāṇadūrāya namaḥ pramatirūpiṇe

Sanskrit only: no published translation is held for this verse.

नमश्चैतन्यनाथाय नमस्त्रैलोक्यरूपिणे । वंदे तव पदांभोजं योगिप्रवरचुंबितम्

namaścaitanyanāthāya namastrailokyarūpiṇe | vaṃde tava padāṃbhojaṃ yogipravaracuṃbitam

Sanskrit only: no published translation is held for this verse.

अपारभवपाथोऽधि पारावतरणाद्भुतम् । वाचस्पतिरपि स्तोत्रे भवतो न प्रगल्भते

apārabhavapātho'dhi pārāvataraṇādbhutam | vācaspatirapi stotre bhavato na pragalbhate

Sanskrit only: no published translation is held for this verse.

सहस्रवदनस्यापि फणींद्रस्य न चातुरी । त्वद्वर्णने महादेव कोऽहंमल्पमतिः खगः

sahasravadanasyāpi phaṇīṃdrasya na cāturī | tvadvarṇane mahādeva ko'haṃmalpamatiḥ khagaḥ

Sanskrit only: no published translation is held for this verse.

स्तोत्रमेतत्समाकर्ण्य कृतं तेन पतत्रिणा । तमवोचमहं कोऽसि कुतस्त्योसि विहंगम

stotrametatsamākarṇya kṛtaṃ tena patatriṇā | tamavocamahaṃ ko'si kutastyosi vihaṃgama

Sanskrit only: no published translation is held for this verse.

हंसेन सदृशः कायो वर्णः काकेन संनिभः । प्रयोजनं कमुद्दिश्य प्राप्तोसीह तदुच्यताम्

haṃsena sadṛśaḥ kāyo varṇaḥ kākena saṃnibhaḥ | prayojanaṃ kamuddiśya prāptosīha taducyatām

Sanskrit only: no published translation is held for this verse.

इति पक्षी मया पृष्टः प्रश्रयानतकंधरः । जगाद श्लक्ष्णया वाचा पक्षीवाक्यविदांवरः

iti pakṣī mayā pṛṣṭaḥ praśrayānatakaṃdharaḥ | jagāda ślakṣṇayā vācā pakṣīvākyavidāṃvaraḥ

Sanskrit only: no published translation is held for this verse.

देवेश धूर्जटे विद्धि मां मरालं स्वयंभुवः । कर्मणा येन मे कार्ष्ण्यं जातमाधुनिकं विभो

deveśa dhūrjaṭe viddhi māṃ marālaṃ svayaṃbhuvaḥ | karmaṇā yena me kārṣṇyaṃ jātamādhunikaṃ vibho

Sanskrit only: no published translation is held for this verse.

तदाकर्णय सर्वज्ञ पृष्टं यदि तदुच्यते । मानसात्सरसः पृथ्वीं यातः प्राप्तोस्मि संकटम्

tadākarṇaya sarvajña pṛṣṭaṃ yadi taducyate | mānasātsarasaḥ pṛthvīṃ yātaḥ prāptosmi saṃkaṭam

Sanskrit only: no published translation is held for this verse.

सौराष्ट्रनगरादारात्सरसि स्फुटदंबुजे । बालेंदुखंडधवलान्मृणालकवलानहम्

saurāṣṭranagarādārātsarasi sphuṭadaṃbuje | bāleṃdukhaṃḍadhavalānmṛṇālakavalānaham

Sanskrit only: no published translation is held for this verse.

आदाय बलमाश्रित्य निरगां गगनं द्रुतम् । विहायसस्ततस्तस्मादकस्मादपतं भुवि

ādāya balamāśritya niragāṃ gaganaṃ drutam | vihāyasastatastasmādakasmādapataṃ bhuvi

Sanskrit only: no published translation is held for this verse.

अथ मोहपरीतात्मा सर्वथा विकलेंद्रियः । वेपमानवपुर्मोहात्स्पृष्टः शीतैः समीरणैः

atha mohaparītātmā sarvathā vikaleṃdriyaḥ | vepamānavapurmohātspṛṣṭaḥ śītaiḥ samīraṇaiḥ

Sanskrit only: no published translation is held for this verse.

प्रबुद्धः पतने हेतुमपश्यन्नात्मनस्तदा । अहो किमेतदापन्नमद्य पातः कथं मम

prabuddhaḥ patane hetumapaśyannātmanastadā | aho kimetadāpannamadya pātaḥ kathaṃ mama

Sanskrit only: no published translation is held for this verse.

कालिमा येन कायेस्मिन्पक्वकर्पूरपांडुरे । इत्यहं विस्मयाविष्टो यावत्कुर्वे विचारणम्

kālimā yena kāyesminpakvakarpūrapāṃḍure | ityahaṃ vismayāviṣṭo yāvatkurve vicāraṇam

Sanskrit only: no published translation is held for this verse.

तावदंबुरुहाद्वाणीमश्रौषमहमीदृशीम् । उत्तिष्ठ हंस वक्ष्यामि कारणं पातकार्ष्ण्ययोः

tāvadaṃburuhādvāṇīmaśrauṣamahamīdṛśīm | uttiṣṭha haṃsa vakṣyāmi kāraṇaṃ pātakārṣṇyayoḥ

Sanskrit only: no published translation is held for this verse.

अथोत्थाय समागत्य मया मध्ये सरोवरे । दृष्टराजीविनीरम्या राजीवैः पंचभिर्युता 6.184.५०। कारणं प्रष्टुमारेभे कार्ष्ण्यस्य पतनस्य च । अथ तत्र घनश्यामान्स्वर्णवर्णांबरावृतान्

athotthāya samāgatya mayā madhye sarovare | dṛṣṭarājīvinīramyā rājīvaiḥ paṃcabhiryutā 6.184.50| kāraṇaṃ praṣṭumārebhe kārṣṇyasya patanasya ca | atha tatra ghanaśyāmānsvarṇavarṇāṃbarāvṛtān

Sanskrit only: no published translation is held for this verse.

चतुर्भुजान्गदाशंखचक्रपंकेरुहायुधान् । किरीटहारकेयूरकुंडलद्युतिचित्रितान्

caturbhujāngadāśaṃkhacakrapaṃkeruhāyudhān | kirīṭahārakeyūrakuṃḍaladyuticitritān

Sanskrit only: no published translation is held for this verse.

अद्राक्षमंतरिक्षस्थान्पुरुषानयुतानि षट् । नत्वा प्रदक्षिणीकृत्य पंचपद्मां सरोजिनीम्

adrākṣamaṃtarikṣasthānpuruṣānayutāni ṣaṭ | natvā pradakṣiṇīkṛtya paṃcapadmāṃ sarojinīm

Sanskrit only: no published translation is held for this verse.

आत्मीयं पातमारभ्य पृष्टं तदखिलं मया । पद्मिन्युवाच। कलहंस गतोऽसि त्वं मां विलंघ्य विहायसा

ātmīyaṃ pātamārabhya pṛṣṭaṃ tadakhilaṃ mayā | padminyuvāca| kalahaṃsa gato'si tvaṃ māṃ vilaṃghya vihāyasā

Sanskrit only: no published translation is held for this verse.

तेन पातकयोगेन पतितोऽसि महीतले । तेनैव कालिमा काये पक्षिसत्तम लक्ष्यते

tena pātakayogena patito'si mahītale | tenaiva kālimā kāye pakṣisattama lakṣyate

Sanskrit only: no published translation is held for this verse.

भवंतं पतितं वीक्ष्य कृपापूर्णेन चेतसा । मध्यमेनामुनाब्जेन वदता जातसौरभम्

bhavaṃtaṃ patitaṃ vīkṣya kṛpāpūrṇena cetasā | madhyamenāmunābjena vadatā jātasaurabham

Sanskrit only: no published translation is held for this verse.

आघ्राय षट्पदाः षष्टिसहस्राणि दिवं ययुः । एते ये भवतां दृष्टाः नीलोत्पलसमत्विषः

āghrāya ṣaṭpadāḥ ṣaṣṭisahasrāṇi divaṃ yayuḥ | ete ye bhavatāṃ dṛṣṭāḥ nīlotpalasamatviṣaḥ

Sanskrit only: no published translation is held for this verse.

सर्वे ते सप्तमेऽतीते जन्मन्यासन्मुनेः सुताः । अस्यैव सरसस्तीरे तेपुस्ते परमं तपः

sarve te saptame'tīte janmanyāsanmuneḥ sutāḥ | asyaiva sarasastīre tepuste paramaṃ tapaḥ

Sanskrit only: no published translation is held for this verse.

कदाचित्कामिनी काचिच्चंपकस्तबकस्तनी । चलापांगकालाकांततरंगित रसालिनी

kadācitkāminī kāciccaṃpakastabakastanī | calāpāṃgakālākāṃtataraṃgita rasālinī

Sanskrit only: no published translation is held for this verse.

नासा मुक्ताफलज्योत्स्ना चुंबितस्मित दीधितिः । वीणां विन्यस्य कुचयोर्वनेऽस्मिन्मधुरं जगौ

nāsā muktāphalajyotsnā cuṃbitasmita dīdhitiḥ | vīṇāṃ vinyasya kucayorvane'sminmadhuraṃ jagau

Sanskrit only: no published translation is held for this verse.

गायंत्या स्वरमाकर्ण्य ब्राह्मणा हरिणा इव । तां समागत्य ते सर्वे सममेव व्यलोकयन्

gāyaṃtyā svaramākarṇya brāhmaṇā hariṇā iva | tāṃ samāgatya te sarve samameva vyalokayan

Sanskrit only: no published translation is held for this verse.

मया दृष्टा ममैवेयमित्यूचुस्ते परस्परम् । मुष्टामुष्टि ततस्तेषां भ्रातॄणामभवद्रणः

mayā dṛṣṭā mamaiveyamityūcuste parasparam | muṣṭāmuṣṭi tatasteṣāṃ bhrātṝṇāmabhavadraṇaḥ

Sanskrit only: no published translation is held for this verse.

अन्योन्यमुष्टिनिष्पिष्ट वक्षसस्त्यक्तजीविताः । ते भुक्त्वा निरयान्घोरान्बभूवुः सारसा भुवि

anyonyamuṣṭiniṣpiṣṭa vakṣasastyaktajīvitāḥ | te bhuktvā nirayānghorānbabhūvuḥ sārasā bhuvi

Sanskrit only: no published translation is held for this verse.

तदा ते श्वापदान्जघ्नुर्दग्धावन्येन वह्निना । ततो मातंगतामेत्य पथिपांथानघातयन्

tadā te śvāpadānjaghnurdagdhāvanyena vahninā | tato mātaṃgatāmetya pathipāṃthānaghātayan

Sanskrit only: no published translation is held for this verse.

वने विषोदकं पीत्वा ते ययुर्यममंदिरम् । खरोष्ट्रकपिमार्जार जन्मान्यासाद्य च क्रमात्

vane viṣodakaṃ pītvā te yayuryamamaṃdiram | kharoṣṭrakapimārjāra janmānyāsādya ca kramāt

Sanskrit only: no published translation is held for this verse.

ततो मधुव्रता जाता वर्तंतेऽत्र सरोवरे । अद्य मे गंधमाघ्राय प्रापुस्ते वैष्णवं पदम्

tato madhuvratā jātā vartaṃte'tra sarovare | adya me gaṃdhamāghrāya prāpuste vaiṣṇavaṃ padam

Sanskrit only: no published translation is held for this verse.

शृणु पक्षींद्र वक्ष्यामि येन मय्यस्ति वैभवम् । एतस्माज्जन्मनः पूर्वे तृतीये जन्मनि क्षितौ

śṛṇu pakṣīṃdra vakṣyāmi yena mayyasti vaibhavam | etasmājjanmanaḥ pūrve tṛtīye janmani kṣitau

Sanskrit only: no published translation is held for this verse.

सरोजवदनानाम द्विजातेः कन्यकाऽभवम् । पातिव्रत्यैकनिरता गुरुशुश्रूषणे रता

sarojavadanānāma dvijāteḥ kanyakā'bhavam | pātivratyaikaniratā guruśuśrūṣaṇe ratā

Sanskrit only: no published translation is held for this verse.

कदाचित्सारिकामेकां पाठयंत्याविलंबितम् । सारिका भव पापे त्वं पत्या शप्तास्मि कुप्यता

kadācitsārikāmekāṃ pāṭhayaṃtyāvilaṃbitam | sārikā bhava pāpe tvaṃ patyā śaptāsmi kupyatā

Sanskrit only: no published translation is held for this verse.

प्रेत्य सारित्वमासाद्य पातिव्रत्यप्रसादतः । मुनीनामेव सदने कन्या काचित्पुपोष माम्

pretya sāritvamāsādya pātivratyaprasādataḥ | munīnāmeva sadane kanyā kācitpupoṣa mām

Sanskrit only: no published translation is held for this verse.

गीतानां दशमाध्यायं विभूतिरिति विश्रुतम् । प्रातः पठति विप्रोसावश्रौषं तमघापहम्

gītānāṃ daśamādhyāyaṃ vibhūtiriti viśrutam | prātaḥ paṭhati viprosāvaśrauṣaṃ tamaghāpaham

Sanskrit only: no published translation is held for this verse.

कालेन सारिकादेहमहं हित्वा विहंगम । दशमाध्यायमाहात्म्यादप्सराश्चाभवं दिवि

kālena sārikādehamahaṃ hitvā vihaṃgama | daśamādhyāyamāhātmyādapsarāścābhavaṃ divi

Sanskrit only: no published translation is held for this verse.

पद्मावतीति विख्याता पद्माया दयिता सुखी । कदाचन मया यांत्या विमानेन विहायसा

padmāvatīti vikhyātā padmāyā dayitā sukhī | kadācana mayā yāṃtyā vimānena vihāyasā

Sanskrit only: no published translation is held for this verse.

एतत्सरोवरं रम्यं विलोक्य विमलांबुजम् । अवतीर्य जलक्रीडायावदारभ्यते मया

etatsarovaraṃ ramyaṃ vilokya vimalāṃbujam | avatīrya jalakrīḍāyāvadārabhyate mayā

Sanskrit only: no published translation is held for this verse.

दुर्वासास्तावदायातो विवस्त्रा तेन वीक्षिता । तद्भयात्पद्मिनीरूपं धृतमेतन्मया स्वयम्

durvāsāstāvadāyāto vivastrā tena vīkṣitā | tadbhayātpadminīrūpaṃ dhṛtametanmayā svayam

Sanskrit only: no published translation is held for this verse.

पद्भ्यां पद्मद्वयं चैव द्वयं हस्तद्वयेन च । मुखेन पंचमांभोजमिति पंचांबुजास्म्यहम्

padbhyāṃ padmadvayaṃ caiva dvayaṃ hastadvayena ca | mukhena paṃcamāṃbhojamiti paṃcāṃbujāsmyaham

Sanskrit only: no published translation is held for this verse.

दृष्टा तेन मुनींद्रेण कोपज्वलित चक्षुषा । अनेनैव स्वरूपेण तिष्ठ पापे शतं समाः

dṛṣṭā tena munīṃdreṇa kopajvalita cakṣuṣā | anenaiva svarūpeṇa tiṣṭha pāpe śataṃ samāḥ

Sanskrit only: no published translation is held for this verse.

इति शापं समुत्सृज्य स चैवांतर्दधे क्षणात् । विभूत्यध्यायमाहात्म्याद्वाणी मे न विलीयते

iti śāpaṃ samutsṛjya sa caivāṃtardadhe kṣaṇāt | vibhūtyadhyāyamāhātmyādvāṇī me na vilīyate

Sanskrit only: no published translation is held for this verse.

मद्विलंघनमात्रेण पतितोसि महीतले । अद्य शापनिवृत्तिर्मे तिष्ठतस्ते खगोत्तम

madvilaṃghanamātreṇa patitosi mahītale | adya śāpanivṛttirme tiṣṭhataste khagottama

Sanskrit only: no published translation is held for this verse.

निशामय मया गीयमानमध्यायमुत्तमम् । यस्याकर्णनमात्रेण त्वमद्यैव विमोक्ष्यसे

niśāmaya mayā gīyamānamadhyāyamuttamam | yasyākarṇanamātreṇa tvamadyaiva vimokṣyase

Sanskrit only: no published translation is held for this verse.

इत्यसौ दशमाध्यायं पपाठ श्लक्ष्णया गिरा । तमाकर्ण्य तया दत्तमादाय च सरोरुहम्

ityasau daśamādhyāyaṃ papāṭha ślakṣṇayā girā | tamākarṇya tayā dattamādāya ca saroruham

Sanskrit only: no published translation is held for this verse.

मया समर्पितं तुभ्यं पद्मिन्या पद्ममुत्तमम् । इत्युक्त्वा स जहौ देहं तदद्भुतमिवाभवत्

mayā samarpitaṃ tubhyaṃ padminyā padmamuttamam | ityuktvā sa jahau dehaṃ tadadbhutamivābhavat

Sanskrit only: no published translation is held for this verse.

भृंगिरिटिरुवाच। पुरातने भवे कोऽयं ब्रह्म हंसोऽभवत्कथं । तवाग्रतः कुतो हेतोरुत्ससर्ज कलेवरम्

bhṛṃgiriṭiruvāca| purātane bhave ko'yaṃ brahma haṃso'bhavatkathaṃ | tavāgrataḥ kuto hetorutsasarja kalevaram

Sanskrit only: no published translation is held for this verse.

इति भृंगिरिटिर्वाक्यमाकर्ण्याहं तदाब्रुवम् । द्विजवेश्मनि पूर्वस्मिन्जन्मन्ययमजायत

iti bhṛṃgiriṭirvākyamākarṇyāhaṃ tadābruvam | dvijaveśmani pūrvasminjanmanyayamajāyata

Sanskrit only: no published translation is held for this verse.

सुतपा इति विख्यातो ब्रह्मचारी जितेंद्रियः । वसन्गुरुकुले कुर्वन्वेदाध्ययनमन्वहम्

sutapā iti vikhyāto brahmacārī jiteṃdriyaḥ | vasangurukule kurvanvedādhyayanamanvaham

Sanskrit only: no published translation is held for this verse.

गुरुशुश्रूषणं सम्यग्विदधाति च भक्तितः । शयानस्य गुरोः शय्यां निद्रितः सपदा स्पृशत्

guruśuśrūṣaṇaṃ samyagvidadhāti ca bhaktitaḥ | śayānasya guroḥ śayyāṃ nidritaḥ sapadā spṛśat

Sanskrit only: no published translation is held for this verse.

तेन पापेन तिर्यक्त्वमयं स्वर्गेऽपि लब्धवान् । पद्मयोनिमरालानां मध्ये जातस्ततो द्विजः

tena pāpena tiryaktvamayaṃ svarge'pi labdhavān | padmayonimarālānāṃ madhye jātastato dvijaḥ

Sanskrit only: no published translation is held for this verse.

अस्मिञ्जन्मन्यमुष्येह पुरास्मल्लोकनावधि । गीतानां दशमाध्यायं नलिन्या कथितं ततः

asmiñjanmanyamuṣyeha purāsmallokanāvadhi | gītānāṃ daśamādhyāyaṃ nalinyā kathitaṃ tataḥ

Sanskrit only: no published translation is held for this verse.

आकर्ण्य विहगो लेभे ब्रह्मज्ञानमनुत्तमम् । सोऽयं विप्रकुले जातो दशमाध्यायवैभवात्

ākarṇya vihago lebhe brahmajñānamanuttamam | so'yaṃ viprakule jāto daśamādhyāyavaibhavāt

Sanskrit only: no published translation is held for this verse.

जन्माभ्यासवशादस्य शिशोरपि मुखांबुजात् । गीतानां दशमाध्यायः समुल्लसति सर्वदा

janmābhyāsavaśādasya śiśorapi mukhāṃbujāt | gītānāṃ daśamādhyāyaḥ samullasati sarvadā

Sanskrit only: no published translation is held for this verse.

तदर्थपरिणामेन सर्वभूतेष्ववस्थितम् । शंखचक्रधरं देवमयं पश्यति सर्वदा

tadarthapariṇāmena sarvabhūteṣvavasthitam | śaṃkhacakradharaṃ devamayaṃ paśyati sarvadā

Sanskrit only: no published translation is held for this verse.

यस्मिन्यस्मिन्यदैवास्य दृष्टिः स्निग्धा शरीरिणः । स स मुक्तो भवेत्सर्वः सुरापो ब्रह्महाऽपि वा

yasminyasminyadaivāsya dṛṣṭiḥ snigdhā śarīriṇaḥ | sa sa mukto bhavetsarvaḥ surāpo brahmahā'pi vā

Sanskrit only: no published translation is held for this verse.

तद्विज्ञाय मया विप्रः परमात्मस्वरूपिणा । इदं नगरमानीतो मुक्तिक्षेत्रं स्वभावतः

tadvijñāya mayā vipraḥ paramātmasvarūpiṇā | idaṃ nagaramānīto muktikṣetraṃ svabhāvataḥ

Sanskrit only: no published translation is held for this verse.

अत्रत्यानां मनुष्याणां मुक्तिः करतले स्थिता । तेनास्य दृष्टिपातेन विशेषोऽन्यो न जायते

atratyānāṃ manuṣyāṇāṃ muktiḥ karatale sthitā | tenāsya dṛṣṭipātena viśeṣo'nyo na jāyate

Sanskrit only: no published translation is held for this verse.

न ददामि बहिर्गंतुमहमस्य पुरा कृतम् । दशमाध्यायमहात्म्यात्तत्वज्ञानं सुदुर्लभम्

na dadāmi bahirgaṃtumahamasya purā kṛtam | daśamādhyāyamahātmyāttatvajñānaṃ sudurlabham

Sanskrit only: no published translation is held for this verse.

लब्धमेतेन मुनिना जीवन्मुक्तिरियं तथा । तेनास्य चलतो हस्तं ददामि पथि गच्छतः

labdhametena muninā jīvanmuktiriyaṃ tathā | tenāsya calato hastaṃ dadāmi pathi gacchataḥ

Sanskrit only: no published translation is held for this verse.

दशमाध्यायमहिमा भृंगिरिटे महानयम् । इति भृंगिरिटेरग्रे कथितं यत्कथानकम्

daśamādhyāyamahimā bhṛṃgiriṭe mahānayam | iti bhṛṃgiriṭeragre kathitaṃ yatkathānakam

Sanskrit only: no published translation is held for this verse.

तवेदमत्र कथितं सर्वपापप्रणाशनम् । नरो वाप्यथवा नारी यापि कोऽपि च वा पुनः

tavedamatra kathitaṃ sarvapāpapraṇāśanam | naro vāpyathavā nārī yāpi ko'pi ca vā punaḥ

Sanskrit only: no published translation is held for this verse.

अस्य श्रवणमात्रेण सर्वाश्रमफलं लभेत्

asya śravaṇamātreṇa sarvāśramaphalaṃ labhet

Sanskrit only: no published translation is held for this verse.