Padma Purāṇa 6.186

लघुत्तम|400px|महाभूताः महादेव उवाच- अस्ति कोल्हापुरं नाम नगरं दक्षिणापथे । सुखानां सदनं साध्वि साधूनां सिद्धिसंभवम्

laghuttama|400px|mahābhūtāḥ mahādeva uvāca- asti kolhāpuraṃ nāma nagaraṃ dakṣiṇāpathe | sukhānāṃ sadanaṃ sādhvi sādhūnāṃ siddhisaṃbhavam

Sanskrit only: no published translation is held for this verse.

परशक्तेः परंपीठं सर्वदेवनिषेवितम् । पुराणेषु प्रसिद्धं यद्भुक्तिमुक्तिफलप्रदम्

paraśakteḥ paraṃpīṭhaṃ sarvadevaniṣevitam | purāṇeṣu prasiddhaṃ yadbhuktimuktiphalapradam

Sanskrit only: no published translation is held for this verse.

कोटिशस्तत्र तीर्थानि शिवलिंगानि कोटिशः । आस्ते रुद्रगया यत्र विशालं लोकविश्रुतम्

koṭiśastatra tīrthāni śivaliṃgāni koṭiśaḥ | āste rudragayā yatra viśālaṃ lokaviśrutam

Sanskrit only: no published translation is held for this verse.

तुंगाचलमहावप्र गोपुरोल्लासितोरणम् । प्रासादशिखरे यत्र तुंगं च कनकध्वजम्

tuṃgācalamahāvapra gopurollāsitoraṇam | prāsādaśikhare yatra tuṃgaṃ ca kanakadhvajam

Sanskrit only: no published translation is held for this verse.

सोमकांतिमहासौधवलभीपंक्तिशोभितम् । जालरंध्रोद्गिरद्धूपधूमाऽमोदितदिक्तटम्

somakāṃtimahāsaudhavalabhīpaṃktiśobhitam | jālaraṃdhrodgiraddhūpadhūmā'moditadiktaṭam

Sanskrit only: no published translation is held for this verse.

चलत्पताकविस्तीर्णच्छायं देवालयान्वितम् । चतुरैः सुंदरैः स्निग्धैः श्रीमद्भिः शुचिमानसैः

calatpatākavistīrṇacchāyaṃ devālayānvitam | caturaiḥ suṃdaraiḥ snigdhaiḥ śrīmadbhiḥ śucimānasaiḥ

Sanskrit only: no published translation is held for this verse.

अधिष्ठितं सदाचारैः पुरुषेर्भूरिभूषणैः । कुरंगनयनाश्चंद्रवदनाः कुटिलालकाः

adhiṣṭhitaṃ sadācāraiḥ puruṣerbhūribhūṣaṇaiḥ | kuraṃganayanāścaṃdravadanāḥ kuṭilālakāḥ

Sanskrit only: no published translation is held for this verse.

उत्फुल्लचंपकच्छायाः पीनतुंगपयोधराः । कृशमध्या निम्ननाभि वलित्रयविराजिताः

utphullacaṃpakacchāyāḥ pīnatuṃgapayodharāḥ | kṛśamadhyā nimnanābhi valitrayavirājitāḥ

Sanskrit only: no published translation is held for this verse.

विशालजघनाश्चारुजंघा युग्मा वरांघ्रयः । वाचालमेखलादामनिक्वणन्मणिनूपुराः

viśālajaghanāścārujaṃghā yugmā varāṃghrayaḥ | vācālamekhalādāmanikvaṇanmaṇinūpurāḥ

Sanskrit only: no published translation is held for this verse.

रणत्कंकणहस्ताब्ज स्फुरत्करज रश्मयः । वसंति प्रमदा यत्र मादयंत्यो मुनीनपि

raṇatkaṃkaṇahastābja sphuratkaraja raśmayaḥ | vasaṃti pramadā yatra mādayaṃtyo munīnapi

Sanskrit only: no published translation is held for this verse.

समस्तवस्तुसंयुक्तं सर्वभोगसमन्वितम् । मंगलैः सकलैर्युक्तं महालक्ष्मीसमन्वितम्

samastavastusaṃyuktaṃ sarvabhogasamanvitam | maṃgalaiḥ sakalairyuktaṃ mahālakṣmīsamanvitam

Sanskrit only: no published translation is held for this verse.

तत्रागच्छत्पुमान्कश्चिद्युवा गौरं सुलोचनः । कंबुकंठः पृथुस्कंधो महावक्षा महाभुजः

tatrāgacchatpumānkaścidyuvā gauraṃ sulocanaḥ | kaṃbukaṃṭhaḥ pṛthuskaṃdho mahāvakṣā mahābhujaḥ

Sanskrit only: no published translation is held for this verse.

समस्तलक्षणोपेतो गोचरासक्तमानसः । प्रविश्य नगरं पश्यन्शोभां सौधेषु सर्वतः

samastalakṣaṇopeto gocarāsaktamānasaḥ | praviśya nagaraṃ paśyanśobhāṃ saudheṣu sarvataḥ

Sanskrit only: no published translation is held for this verse.

उत्कंठितमना द्रष्टुं महालक्ष्मीं सुरेश्वरीम् । मणिकुंडे कृतः स्नानः संपन्न पितॄतर्पणः

utkaṃṭhitamanā draṣṭuṃ mahālakṣmīṃ sureśvarīm | maṇikuṃḍe kṛtaḥ snānaḥ saṃpanna pitṝtarpaṇaḥ

Sanskrit only: no published translation is held for this verse.

महालक्ष्मीं महामायां नत्वा तुष्टाव भक्तितः । जयत्यपारकरुणाशरण्या जगदंबिका

mahālakṣmīṃ mahāmāyāṃ natvā tuṣṭāva bhaktitaḥ | jayatyapārakaruṇāśaraṇyā jagadaṃbikā

Sanskrit only: no published translation is held for this verse.

कुर्वाणा जगतो जन्म पालनं क्षपणं दृशा । यया शक्त्या कृतादिष्टः परमेष्ठी सृजत्यसौ

kurvāṇā jagato janma pālanaṃ kṣapaṇaṃ dṛśā | yayā śaktyā kṛtādiṣṭaḥ parameṣṭhī sṛjatyasau

Sanskrit only: no published translation is held for this verse.

अवष्टभ्य च तां शक्तिं पालयत्यच्युतो जगत् । यया शक्त्या कृतावेशः संहरत्यखिलं हरः

avaṣṭabhya ca tāṃ śaktiṃ pālayatyacyuto jagat | yayā śaktyā kṛtāveśaḥ saṃharatyakhilaṃ haraḥ

Sanskrit only: no published translation is held for this verse.

तां भजे परमां शक्तिं सर्गस्थितिलयोर्जिताम् । योगिध्येयांघ्रिकमले कमले कमलालये

tāṃ bhaje paramāṃ śaktiṃ sargasthitilayorjitām | yogidhyeyāṃghrikamale kamale kamalālaye

Sanskrit only: no published translation is held for this verse.

स्वभावानखिलान्नस्त्वं गृह्णासींद्रियगोचरान् । त्वमेव कल्पनाजालं तत्कल्पं कुरुषे मनः

svabhāvānakhilānnastvaṃ gṛhṇāsīṃdriyagocarān | tvameva kalpanājālaṃ tatkalpaṃ kuruṣe manaḥ

Sanskrit only: no published translation is held for this verse.

इच्छाज्ञानक्रियारूपा परसंवित्स्वरूपिणी । निष्फला निर्मला नित्या निराकारा निरंजना

icchājñānakriyārūpā parasaṃvitsvarūpiṇī | niṣphalā nirmalā nityā nirākārā niraṃjanā

Sanskrit only: no published translation is held for this verse.

निरंतरा निरातंका निरालंबा निरामया । तवैवं महिमानं हि को वर्णयितुमीशते

niraṃtarā nirātaṃkā nirālaṃbā nirāmayā | tavaivaṃ mahimānaṃ hi ko varṇayitumīśate

Sanskrit only: no published translation is held for this verse.

वंदे निर्भिन्नषट्चक्रद्वादशांतर्विहारिणीम् । अनाहतध्वनिमयीं बिंदुनादकलात्मिकाम्

vaṃde nirbhinnaṣaṭcakradvādaśāṃtarvihāriṇīm | anāhatadhvanimayīṃ biṃdunādakalātmikām

Sanskrit only: no published translation is held for this verse.

मातस्त्वं पूर्णशीतांशु गलत्पीयूषवाहिनी । पुष्णासि वत्सले बालान्सनकादीन्दिगंबरान्

mātastvaṃ pūrṇaśītāṃśu galatpīyūṣavāhinī | puṣṇāsi vatsale bālānsanakādīndigaṃbarān

Sanskrit only: no published translation is held for this verse.

अनुस्यूता शिवा संविज्जाग्रत्स्वप्नसुषुप्तिषु । तुरीयायां वर्त्तमानां दयासूनृतसंधिषु

anusyūtā śivā saṃvijjāgratsvapnasuṣuptiṣu | turīyāyāṃ varttamānāṃ dayāsūnṛtasaṃdhiṣu

Sanskrit only: no published translation is held for this verse.

ददासि प्राणिनां सर्वाः सततं ब्रह्मसंपदः । संहृत्य तत्वसंघातं तुरीयातीतया त्वया

dadāsi prāṇināṃ sarvāḥ satataṃ brahmasaṃpadaḥ | saṃhṛtya tatvasaṃghātaṃ turīyātītayā tvayā

Sanskrit only: no published translation is held for this verse.

योगिनां बिंबतादत्म्यं दीयते निर्विकल्पया । परां नमामि पश्यंतीं मध्यमां वैखरीमपि

yogināṃ biṃbatādatmyaṃ dīyate nirvikalpayā | parāṃ namāmi paśyaṃtīṃ madhyamāṃ vaikharīmapi

Sanskrit only: no published translation is held for this verse.

रूपाणि देवि गृह्णासि जगत्संत्राणहेतवे । त्वं ब्राह्मी वैष्णवी च त्वं माहेशी च त्वमंबिके

rūpāṇi devi gṛhṇāsi jagatsaṃtrāṇahetave | tvaṃ brāhmī vaiṣṇavī ca tvaṃ māheśī ca tvamaṃbike

Sanskrit only: no published translation is held for this verse.

वाराहि त्वं महालक्ष्मीर्नारसिंही त्वमैंद्रिका । त्वं कौमारी चंडिका त्वं लक्ष्मीस्त्वं विश्वपावनी

vārāhi tvaṃ mahālakṣmīrnārasiṃhī tvamaiṃdrikā | tvaṃ kaumārī caṃḍikā tvaṃ lakṣmīstvaṃ viśvapāvanī

Sanskrit only: no published translation is held for this verse.

सावित्री त्वं जगन्माता शशिनी त्वं च रोहिणी । त्वं स्वाहा त्वं स्वधा त्वं हि त्वं सुधा परमेश्वरी

sāvitrī tvaṃ jaganmātā śaśinī tvaṃ ca rohiṇī | tvaṃ svāhā tvaṃ svadhā tvaṃ hi tvaṃ sudhā parameśvarī

Sanskrit only: no published translation is held for this verse.

चंडमुंडभुजादंडखंडदोर्दंडमंडिते । रक्तबीजगलद्रक्तपानघूर्णितलोचने

caṃḍamuṃḍabhujādaṃḍakhaṃḍadordaṃḍamaṃḍite | raktabījagaladraktapānaghūrṇitalocane

Sanskrit only: no published translation is held for this verse.

उन्मत्तमहिषग्रीवोन्मूलनप्रौढ दोर्युगे । शुंभासुरमहादैत्यदारणायातविक्रमे

unmattamahiṣagrīvonmūlanaprauḍha doryuge | śuṃbhāsuramahādaityadāraṇāyātavikrame

Sanskrit only: no published translation is held for this verse.

अनंतचरिते तुभ्यं नमस्त्रैलोक्यमातृके । भक्तकल्पलते मह्यं प्रसीद परमेश्वरि

anaṃtacarite tubhyaṃ namastrailokyamātṛke | bhaktakalpalate mahyaṃ prasīda parameśvari

Sanskrit only: no published translation is held for this verse.

इति तेन स्तुता देवी महालक्ष्मीस्ततः स्वयम् । निजरूपं समास्थाय पुरुषं प्रत्युवाच तम्

iti tena stutā devī mahālakṣmīstataḥ svayam | nijarūpaṃ samāsthāya puruṣaṃ pratyuvāca tam

Sanskrit only: no published translation is held for this verse.

श्रीलक्ष्मीरुवाच-। राजपुत्र प्रसन्नाऽहं वृणीष्व वरमुत्तमम् । राजपुत्र उवाच। पिता मे धरणीपालो वाजिमेधं महाक्रतुम्

śrīlakṣmīruvāca-| rājaputra prasannā'haṃ vṛṇīṣva varamuttamam | rājaputra uvāca| pitā me dharaṇīpālo vājimedhaṃ mahākratum

Sanskrit only: no published translation is held for this verse.

कुर्वाणो दैवयोगेन रोगाक्रांतो दिवं ययौ । तद्वपुस्तप्ततैलेन शोषयित्वा मया ततः

kurvāṇo daivayogena rogākrāṃto divaṃ yayau | tadvapustaptatailena śoṣayitvā mayā tataḥ

Sanskrit only: no published translation is held for this verse.

स्थापितस्तत्र यागोऽसौ यथापूर्वमवर्तत । अथ क्रांतमहीचक्रो यूपे यागतुरंगमः

sthāpitastatra yāgo'sau yathāpūrvamavartata | atha krāṃtamahīcakro yūpe yāgaturaṃgamaḥ

Sanskrit only: no published translation is held for this verse.

निशीथे बंधनं हित्वा नीतः केनापि कुत्रचित् । अदृष्ट्वा तद्गतं क्वापि निवृत्तेषु जनेष्वहम्

niśīthe baṃdhanaṃ hitvā nītaḥ kenāpi kutracit | adṛṣṭvā tadgataṃ kvāpi nivṛtteṣu janeṣvaham

Sanskrit only: no published translation is held for this verse.

आमंत्र्य ऋत्विजः सर्वाञ्छरणं त्वामुपागतः । प्रसन्ना यदि देवि त्वं तन्मे यागतुरंगमः

āmaṃtrya ṛtvijaḥ sarvāñcharaṇaṃ tvāmupāgataḥ | prasannā yadi devi tvaṃ tanme yāgaturaṃgamaḥ

Sanskrit only: no published translation is held for this verse.

दृष्टो भवतु यागोऽसौ संपूर्णो जायते यथा । आनृण्यं मम तातस्य तेन राज्ञो भविष्यति

dṛṣṭo bhavatu yāgo'sau saṃpūrṇo jāyate yathā | ānṛṇyaṃ mama tātasya tena rājño bhaviṣyati

Sanskrit only: no published translation is held for this verse.

तथा कुरु जगद्धात्रि शरणागतवत्सले । देव्युवाच। ममद्वारं द्विजः सिद्धसमाधिरिति विश्रुतः

tathā kuru jagaddhātri śaraṇāgatavatsale | devyuvāca| mamadvāraṃ dvijaḥ siddhasamādhiriti viśrutaḥ

Sanskrit only: no published translation is held for this verse.

ममाज्ञया स ते सर्वं कार्यं निष्पादयिष्यति । इत्युक्तः श्रीमहालक्ष्म्या ततो राजकुमारकः

mamājñayā sa te sarvaṃ kāryaṃ niṣpādayiṣyati | ityuktaḥ śrīmahālakṣmyā tato rājakumārakaḥ

Sanskrit only: no published translation is held for this verse.

आजगाम मुनिः सिद्धसमाधिर्यत्र तिष्ठति । प्रणम्य तस्यपादाब्जं कृतांजलिरवस्थितः

ājagāma muniḥ siddhasamādhiryatra tiṣṭhati | praṇamya tasyapādābjaṃ kṛtāṃjaliravasthitaḥ

Sanskrit only: no published translation is held for this verse.

तमुवाच ततो विप्रः प्रहितोऽसि त्वमंबया । त्वदीप्सितमिदं सर्वं साधयामि विलोकय

tamuvāca tato vipraḥ prahito'si tvamaṃbayā | tvadīpsitamidaṃ sarvaṃ sādhayāmi vilokaya

Sanskrit only: no published translation is held for this verse.

इत्युक्त्वा त्रिदशान्सर्वानाचकर्ष स मांत्रिकः । एक्षत क्षितिपालस्य तनयोऽसौ तदा सुरान्

ityuktvā tridaśānsarvānācakarṣa sa māṃtrikaḥ | ekṣata kṣitipālasya tanayo'sau tadā surān

Sanskrit only: no published translation is held for this verse.

कृतांजलिपुटान्देवान्वेपमानकलेवरान् । अथ तानमरान्सर्वान्संबभाषे द्विजोत्तमः

kṛtāṃjalipuṭāndevānvepamānakalevarān | atha tānamarānsarvānsaṃbabhāṣe dvijottamaḥ

Sanskrit only: no published translation is held for this verse.

अमुष्य राजपुत्रस्य वाजी यज्ञाय कल्पितः । नीतोस्ति देवराजेन क्षपायामपहृत्य सः

amuṣya rājaputrasya vājī yajñāya kalpitaḥ | nītosti devarājena kṣapāyāmapahṛtya saḥ

Sanskrit only: no published translation is held for this verse.

गीर्वाणा अश्वमेवास्य समानयत मा चिरम् । अथ तस्य मुनेर्वाक्याद्देवैर्यज्ञतुरंगमः

gīrvāṇā aśvamevāsya samānayata mā ciram | atha tasya munervākyāddevairyajñaturaṃgamaḥ

Sanskrit only: no published translation is held for this verse.

समर्पितस्ततस्तेन तेऽनुज्ञात्वा दिवौकसः । आकृष्टानमरान्दृष्ट्वा गतं लब्ध्वा तुरंगमम्

samarpitastatastena te'nujñātvā divaukasaḥ | ākṛṣṭānamarāndṛṣṭvā gataṃ labdhvā turaṃgamam

Sanskrit only: no published translation is held for this verse.

महीपतिसुतो नत्वा तं मुनिं वाक्यमब्रवीत् । आश्चर्यमिदमेतत्ते सामर्थ्यमृषिसत्तम

mahīpatisuto natvā taṃ muniṃ vākyamabravīt | āścaryamidametatte sāmarthyamṛṣisattama

Sanskrit only: no published translation is held for this verse.

कृतं त्वया चित्रमिदं त्रिदशाकर्षणं क्षणात् । हस्तादाकृष्य दत्तो मे यज्ञीयोऽयं तुरंगमः 6.186.५०। न किंचिदपरं यावद्दुष्करं यत्सुरैरपि । प्रभविष्यति तत्कर्तुं भवानेव न चापरः

kṛtaṃ tvayā citramidaṃ tridaśākarṣaṇaṃ kṣaṇāt | hastādākṛṣya datto me yajñīyo'yaṃ turaṃgamaḥ 6.186.50| na kiṃcidaparaṃ yāvadduṣkaraṃ yatsurairapi | prabhaviṣyati tatkartuṃ bhavāneva na cāparaḥ

Sanskrit only: no published translation is held for this verse.

शृणु विप्र महीपाल पितासीन्मे बृहद्रथः । प्रारब्ध हयमेधोऽसौ दैवेन निधनं गतः

śṛṇu vipra mahīpāla pitāsīnme bṛhadrathaḥ | prārabdha hayamedho'sau daivena nidhanaṃ gataḥ

Sanskrit only: no published translation is held for this verse.

अद्यापि तस्य देहोस्ति तप्ततैलेन शोषितः । तस्य संजीवनं भूयः कर्त्तुमर्हसि सत्तम

adyāpi tasya dehosti taptatailena śoṣitaḥ | tasya saṃjīvanaṃ bhūyaḥ karttumarhasi sattama

Sanskrit only: no published translation is held for this verse.

इत्याकर्ण्य स्मितं कृत्वा स जगाद महामुनिः । यामस्तत्र पिता यत्र तावको यागमंडपः

ityākarṇya smitaṃ kṛtvā sa jagāda mahāmuniḥ | yāmastatra pitā yatra tāvako yāgamaṃḍapaḥ

Sanskrit only: no published translation is held for this verse.

अथागत्य समं तेन तत्र सिद्धः समाधिना । पयोऽभिमंत्र्य विदधे तस्य प्रेतस्य मूर्द्धनि

athāgatya samaṃ tena tatra siddhaḥ samādhinā | payo'bhimaṃtrya vidadhe tasya pretasya mūrddhani

Sanskrit only: no published translation is held for this verse.

ततः प्राप नृपः संज्ञामुत्तस्थे वै ददर्श च । स तं पप्रच्छ विप्रेंद्रं कोऽसि धर्मेति भूपतिः

tataḥ prāpa nṛpaḥ saṃjñāmuttasthe vai dadarśa ca | sa taṃ papraccha vipreṃdraṃ ko'si dharmeti bhūpatiḥ

Sanskrit only: no published translation is held for this verse.

ततो राजसुतः सर्वं भूपालाय न्यवेदयत् । स नत्वा ब्राह्मणं राजा तं पुनर्दत्तजीवितम्

tato rājasutaḥ sarvaṃ bhūpālāya nyavedayat | sa natvā brāhmaṇaṃ rājā taṃ punardattajīvitam

Sanskrit only: no published translation is held for this verse.

बभाषे केन पुण्येन त्वयि शक्तिरलौकिकी । यया मे जीवितं दत्तमाकृष्टाश्च दिवौकसः

babhāṣe kena puṇyena tvayi śaktiralaukikī | yayā me jīvitaṃ dattamākṛṣṭāśca divaukasaḥ

Sanskrit only: no published translation is held for this verse.

यागश्चोद्धरितो विप्र येनमेतन्निरूपय । इत्युक्तस्तेनविप्रोऽसौ जगाद श्लक्ष्णया गिरा

yāgaścoddharito vipra yenametannirūpaya | ityuktastenavipro'sau jagāda ślakṣṇayā girā

Sanskrit only: no published translation is held for this verse.

गीतानां द्वादशाध्यायं जपाम्यहमतंद्रितः । तेन शक्तिरियं राजन्यया प्राप्तोसि जीवितम्

gītānāṃ dvādaśādhyāyaṃ japāmyahamataṃdritaḥ | tena śaktiriyaṃ rājanyayā prāptosi jīvitam

Sanskrit only: no published translation is held for this verse.

एतदाकर्ण्य राजाऽसौ द्वादशाध्यायमुत्तमम् । पपाठ तस्माद्विप्रर्षेः सकाशात्ब्राह्मणान्वितम्

etadākarṇya rājā'sau dvādaśādhyāyamuttamam | papāṭha tasmādviprarṣeḥ sakāśātbrāhmaṇānvitam

Sanskrit only: no published translation is held for this verse.

तस्याध्यायस्य माहत्म्यात्ते सर्वे सद्गतिं ययुः । अन्ये पठित्वा जीवाश्च मुक्तिमापुरहो पराम्

tasyādhyāyasya māhatmyātte sarve sadgatiṃ yayuḥ | anye paṭhitvā jīvāśca muktimāpuraho parām

Sanskrit only: no published translation is held for this verse.