Padma Purāṇa 6.187

देव्युवाच। द्वादशाध्यायमाहात्म्यं भवता कथितं मम । ब्रूहि त्रयोदशाध्यायमाहात्म्यमतिसुंदरम्

devyuvāca| dvādaśādhyāyamāhātmyaṃ bhavatā kathitaṃ mama | brūhi trayodaśādhyāyamāhātmyamatisuṃdaram

Sanskrit only: no published translation is held for this verse.

ईश्वर उवाच- शृणु त्रयोदशाध्यायमहिमांभोनिधिं शिवे । यदाकर्णनमात्रेण परां मुदमवाप्स्यसि

īśvara uvāca- śṛṇu trayodaśādhyāyamahimāṃbhonidhiṃ śive | yadākarṇanamātreṇa parāṃ mudamavāpsyasi

Sanskrit only: no published translation is held for this verse.

अस्ति दक्षिणदिङ्मार्गे तुंगभद्रा महानदी । तत्तटे नगरं रम्यं नाम्ना हरिहरं पुरम्

asti dakṣiṇadiṅmārge tuṃgabhadrā mahānadī | tattaṭe nagaraṃ ramyaṃ nāmnā hariharaṃ puram

Sanskrit only: no published translation is held for this verse.

यत्राऽस्ते भगवान्देवि देवो हरिहरः स्वयम् । यस्य दर्शनमात्रेण परं कल्याणमाप्यते

yatrā'ste bhagavāndevi devo hariharaḥ svayam | yasya darśanamātreṇa paraṃ kalyāṇamāpyate

Sanskrit only: no published translation is held for this verse.

तस्मिन्पुरे द्विजन्मासीद्धरिदीक्षितसंज्ञिकः । तपः स्वाध्यायनिरतो श्रोत्रियो वेदपारगः

tasminpure dvijanmāsīddharidīkṣitasaṃjñikaḥ | tapaḥ svādhyāyanirato śrotriyo vedapāragaḥ

Sanskrit only: no published translation is held for this verse.

दुराचारेति तस्यासीद्भार्या नाम्ना च कर्मणा । न सुष्वाप समं पत्या दुरालापा कदाचन

durācāreti tasyāsīdbhāryā nāmnā ca karmaṇā | na suṣvāpa samaṃ patyā durālāpā kadācana

Sanskrit only: no published translation is held for this verse.

क्षणमप्यात्मसदने न चास्ते स्वैरचारिणी । कंठदघ्नं द्विजद्वारे धयंती वारुणीरसम्

kṣaṇamapyātmasadane na cāste svairacāriṇī | kaṃṭhadaghnaṃ dvijadvāre dhayaṃtī vāruṇīrasam

Sanskrit only: no published translation is held for this verse.

पतिसंबधिनः सर्वान्तर्जयंती पुनः पुनः । विटैः सह सदोन्मत्ता रममाणा निरंतरम्

patisaṃbadhinaḥ sarvāntarjayaṃtī punaḥ punaḥ | viṭaiḥ saha sadonmattā ramamāṇā niraṃtaram

Sanskrit only: no published translation is held for this verse.

कदचिद्व्याकुलं दृष्ट्वा पुरं पौरैरितस्ततः । संकेतगेहमकरोत्कांतारे निर्जने स्वयम्

kadacidvyākulaṃ dṛṣṭvā puraṃ paurairitastataḥ | saṃketagehamakarotkāṃtāre nirjane svayam

Sanskrit only: no published translation is held for this verse.

अथ तत्रैव सा धूर्ता रममाणा विटैः सह । निनाय सा बहून्कालान्निजयौवनगर्विता

atha tatraiva sā dhūrtā ramamāṇā viṭaiḥ saha | nināya sā bahūnkālānnijayauvanagarvitā

Sanskrit only: no published translation is held for this verse.

अथ तस्मिन्पुरे रम्ये निवसंत्या निरंकुशम् । वसंतकालं समभूत्परं चित्ते भुवः सखा

atha tasminpure ramye nivasaṃtyā niraṃkuśam | vasaṃtakālaṃ samabhūtparaṃ citte bhuvaḥ sakhā

Sanskrit only: no published translation is held for this verse.

आमूलपल्लवाकीर्णं सहकारविकारिणा । पिकानां पंचमालापैः पुनः स जीवितः स्मरः

āmūlapallavākīrṇaṃ sahakāravikāriṇā | pikānāṃ paṃcamālāpaiḥ punaḥ sa jīvitaḥ smaraḥ

Sanskrit only: no published translation is held for this verse.

स्फुरच्चंपकसौरभ्यहारकैर्मलयानिलैः । मंदं मंदं प्रसर्पद्भिरांदोलितवनद्रुमः

sphuraccaṃpakasaurabhyahārakairmalayānilaiḥ | maṃdaṃ maṃdaṃ prasarpadbhirāṃdolitavanadrumaḥ

Sanskrit only: no published translation is held for this verse.

उत्फुल्लमल्लिकामोद मदिरापारणावताम् । अलीनां कलटंकारैः समंताद्रावशोभितः

utphullamallikāmoda madirāpāraṇāvatām | alīnāṃ kalaṭaṃkāraiḥ samaṃtādrāvaśobhitaḥ

Sanskrit only: no published translation is held for this verse.

प्रसन्नचारुभिः स्मेरः सरोवरसुगंधिभिः । मीलन्मरालनिवहैः सरोभिः प्रकटीकृतः

prasannacārubhiḥ smeraḥ sarovarasugaṃdhibhiḥ | mīlanmarālanivahaiḥ sarobhiḥ prakaṭīkṛtaḥ

Sanskrit only: no published translation is held for this verse.

घनच्छायासुखासीन हरिणार्भकधारिभिः । नीरंध्रपल्लवैर्नानाशाखिभिः शोभितावनिः

ghanacchāyāsukhāsīna hariṇārbhakadhāribhiḥ | nīraṃdhrapallavairnānāśākhibhiḥ śobhitāvaniḥ

Sanskrit only: no published translation is held for this verse.

तस्मिन्वसंतसमये मुदिता साभिसारिका । अपश्यज्जगदानंददायिनीं चंद्रिकां निशि

tasminvasaṃtasamaye muditā sābhisārikā | apaśyajjagadānaṃdadāyinīṃ caṃdrikāṃ niśi

Sanskrit only: no published translation is held for this verse.

चंचच्चकोरचंच्वग्रगलत्पीयूषसीकराम् । द्रवदिंदुशिलानिर्यत्सुधानिर्झरनिर्भराम्

caṃcaccakoracaṃcvagragalatpīyūṣasīkarām | dravadiṃduśilāniryatsudhānirjharanirbharām

Sanskrit only: no published translation is held for this verse.

विकाशिकुसुमक्रोडसांद्रीभूतकरोत्कराम् । उल्लासितपयोराशिकल्लोलालिंगितांबराम्

vikāśikusumakroḍasāṃdrībhūtakarotkarām | ullāsitapayorāśikallolāliṃgitāṃbarām

Sanskrit only: no published translation is held for this verse.

मनोभवमहासिंहकुलटाकंठकर्तरीम् । घनांधकारसंदोहविदारणपटीयसीम्

manobhavamahāsiṃhakulaṭākaṃṭhakartarīm | ghanāṃdhakārasaṃdohavidāraṇapaṭīyasīm

Sanskrit only: no published translation is held for this verse.

श्वेतीकृतसतीकारपरार्थहिमगर्भिणीम् । म्लानपंकजसंकोचा द्यूनामानंददायिनीम्

śvetīkṛtasatīkāraparārthahimagarbhiṇīm | mlānapaṃkajasaṃkocā dyūnāmānaṃdadāyinīm

Sanskrit only: no published translation is held for this verse.

चक्रवाकवधूवक्त्र करुणाक्रोशसाक्षिणीम् । मुक्ताश्रेणीविशुद्धांशु प्रभासितदिगंतराम्

cakravākavadhūvaktra karuṇākrośasākṣiṇīm | muktāśreṇīviśuddhāṃśu prabhāsitadigaṃtarām

Sanskrit only: no published translation is held for this verse.

अथ तस्यां प्रभूतायां पूरयंत्या दिशो दश । कामांधा कामिनीजाता पथिसौधविहारिणी

atha tasyāṃ prabhūtāyāṃ pūrayaṃtyā diśo daśa | kāmāṃdhā kāminījātā pathisaudhavihāriṇī

Sanskrit only: no published translation is held for this verse.

अपश्यंती विटान्रात्रौ निर्भिद्य भवनार्गलम् । ययौ संकेतभवनं निर्गत्य नगराद्बहिः

apaśyaṃtī viṭānrātrau nirbhidya bhavanārgalam | yayau saṃketabhavanaṃ nirgatya nagarādbahiḥ

Sanskrit only: no published translation is held for this verse.

तत्र प्रियतमं कंचित्काममोहितमानसा । अन्वेषयंती नाद्राक्षीत्कुंजे कुंजे तरौ तरौ

tatra priyatamaṃ kaṃcitkāmamohitamānasā | anveṣayaṃtī nādrākṣītkuṃje kuṃje tarau tarau

Sanskrit only: no published translation is held for this verse.

आकर्णयंती कांतस्य मंदालापान्पदे पदे । अभियाति ततः क्रीडन्यत्र संहारिनिस्वनः

ākarṇayaṃtī kāṃtasya maṃdālāpānpade pade | abhiyāti tataḥ krīḍanyatra saṃhārinisvanaḥ

Sanskrit only: no published translation is held for this verse.

चक्रवाकरवान्श्रुत्वा कांतालापभ्रमादसौ । सरोवराणि सर्वाणि पर्यटंती मुहुर्मुहुः

cakravākaravānśrutvā kāṃtālāpabhramādasau | sarovarāṇi sarvāṇi paryaṭaṃtī muhurmuhuḥ

Sanskrit only: no published translation is held for this verse.

कांतभ्रांत्या तरुतले प्रसुप्तान्हरिणोत्करान् । प्रबोधयंती सोच्छ्वासमागतास्मीति भाषिणी

kāṃtabhrāṃtyā tarutale prasuptānhariṇotkarān | prabodhayaṃtī socchvāsamāgatāsmīti bhāṣiṇī

Sanskrit only: no published translation is held for this verse.

आलिंगंती वनस्थाणुं जीवनेश्वरशंकया । तदाननभ्रमाद्भूयं चुंबंती विकचांबुजम्

āliṃgaṃtī vanasthāṇuṃ jīvaneśvaraśaṃkayā | tadānanabhramādbhūyaṃ cuṃbaṃtī vikacāṃbujam

Sanskrit only: no published translation is held for this verse.

तत्रतत्र कृतव्यर्थश्रमादृष्टप्रियास्वयम् । विललाप वने तस्मिन्मूर्च्छती विविधोक्तिभिः । हा कांत हा गुणाक्रांत मच्चैतन्यस्य नायक

tatratatra kṛtavyarthaśramādṛṣṭapriyāsvayam | vilalāpa vane tasminmūrcchatī vividhoktibhiḥ | hā kāṃta hā guṇākrāṃta maccaitanyasya nāyaka

Sanskrit only: no published translation is held for this verse.

हे मनोहरसौभाग्य भाग्यलावण्यशेवधे । हा पूर्णचंद्रवदन हा सरोजायतेक्षण

he manoharasaubhāgya bhāgyalāvaṇyaśevadhe | hā pūrṇacaṃdravadana hā sarojāyatekṣaṇa

Sanskrit only: no published translation is held for this verse.

हा कांततत्वसौहित्य विश्रमाय सुरद्रुम । यदि कोपेन कुत्रापि गुह्यवेषोऽत्र तिष्ठसि

hā kāṃtatatvasauhitya viśramāya suradruma | yadi kopena kutrāpi guhyaveṣo'tra tiṣṭhasi

Sanskrit only: no published translation is held for this verse.

प्रसादयामि त्वां कांत दत्त्वा प्राणान्प्रियानपि। इत्युच्चैः सर्वतो दिक्षु विलपंत्या वियोगतः

prasādayāmi tvāṃ kāṃta dattvā prāṇānpriyānapi| ityuccaiḥ sarvato dikṣu vilapaṃtyā viyogataḥ

Sanskrit only: no published translation is held for this verse.

तस्याः श्रुत्वा वचः कोऽपि सुप्तो व्याघ्रः प्रबुद्धवान् । कुर्वन्घुरघुरध्वानं पश्यन्प्रतिदिशं रुषा

tasyāḥ śrutvā vacaḥ ko'pi supto vyāghraḥ prabuddhavān | kurvanghuraghuradhvānaṃ paśyanpratidiśaṃ ruṣā

Sanskrit only: no published translation is held for this verse.

आस्फालयन्नखैर्भूमिं गर्जन्नाकाशगह्वरम् । पृष्ठनिर्भग्नलांगूल द्रुतमुत्थाय वेगवान्

āsphālayannakhairbhūmiṃ garjannākāśagahvaram | pṛṣṭhanirbhagnalāṃgūla drutamutthāya vegavān

Sanskrit only: no published translation is held for this verse.

गतो व्याघ्रः समुत्पत्य यत्रास्ते साभिसारिका । अथ सापि तमायांतमालोक्य पतिशंकया

gato vyāghraḥ samutpatya yatrāste sābhisārikā | atha sāpi tamāyāṃtamālokya patiśaṃkayā

Sanskrit only: no published translation is held for this verse.

निर्जगाम पुरः स्थातुं प्रेममनिर्भरमानसा । ततस्तस्यनखक्रीडाक्रूरतांधीकृता सती

nirjagāma puraḥ sthātuṃ premamanirbharamānasā | tatastasyanakhakrīḍākrūratāṃdhīkṛtā satī

Sanskrit only: no published translation is held for this verse.

जहौ प्रियवपुः शंकां श्रुत्वा गर्जितमूर्ज्जितम् । तथाविधापि सा नारी भ्रांतिमुत्सृज्यसत्वरम्

jahau priyavapuḥ śaṃkāṃ śrutvā garjitamūrjjitam | tathāvidhāpi sā nārī bhrāṃtimutsṛjyasatvaram

Sanskrit only: no published translation is held for this verse.

व्याघ्रत्वं तु कुतो हेतोर्मां निहंतुमिहागतः । इदं सर्वं समाख्याहि यतस्त्वं हंतुमिच्छसि

vyāghratvaṃ tu kuto hetormāṃ nihaṃtumihāgataḥ | idaṃ sarvaṃ samākhyāhi yatastvaṃ haṃtumicchasi

Sanskrit only: no published translation is held for this verse.

इति तस्या वचः श्रुत्वा शार्दूलश्चंडविक्रमः । क्षणं विहाय तद्ग्रासमुवाच प्रहसन्निव

iti tasyā vacaḥ śrutvā śārdūlaścaṃḍavikramaḥ | kṣaṇaṃ vihāya tadgrāsamuvāca prahasanniva

Sanskrit only: no published translation is held for this verse.

मलापहा नदी नाम्ना देशे तिष्ठति दक्षिणे । नगरी मुनिपर्णेति तस्या रोधसि वर्तते

malāpahā nadī nāmnā deśe tiṣṭhati dakṣiṇe | nagarī muniparṇeti tasyā rodhasi vartate

Sanskrit only: no published translation is held for this verse.

तत्रास्ते भगवान्साक्षात्पंचलिंगो महेश्वरः । तस्यां पुर्यामहं विप्र पुत्रो भूत्वा स्थितस्ततः

tatrāste bhagavānsākṣātpaṃcaliṃgo maheśvaraḥ | tasyāṃ puryāmahaṃ vipra putro bhūtvā sthitastataḥ

Sanskrit only: no published translation is held for this verse.

अयाज्यान्याजयन्नश्नन्नेकोद्दिष्टे नदी तटे । वेदपाठफलं शश्वद्विक्रीणन्धनकांक्षया

ayājyānyājayannaśnannekoddiṣṭe nadī taṭe | vedapāṭhaphalaṃ śaśvadvikrīṇandhanakāṃkṣayā

Sanskrit only: no published translation is held for this verse.

भिक्षुकानपरान्लोभात्तिरस्कुर्वन्दुरुक्तिभिः । अदेयद्रविणं गृह्णन्नदत्तमनिशं दिनम्

bhikṣukānaparānlobhāttiraskurvanduruktibhiḥ | adeyadraviṇaṃ gṛhṇannadattamaniśaṃ dinam

Sanskrit only: no published translation is held for this verse.

छलयन्सकलांल्लोकान्क्षणग्रहणकौतुकात् । ततः कतिपये काले जरठत्वमुपागतः

chalayansakalāṃllokānkṣaṇagrahaṇakautukāt | tataḥ katipaye kāle jaraṭhatvamupāgataḥ

Sanskrit only: no published translation is held for this verse.

वलीपलितवानंधः प्रपतन्प्रस्खलद्गतिः । पतद्दंतोभवं भूयः प्रतिग्रहपरायणः

valīpalitavānaṃdhaḥ prapatanpraskhaladgatiḥ | pataddaṃtobhavaṃ bhūyaḥ pratigrahaparāyaṇaḥ

Sanskrit only: no published translation is held for this verse.

हस्ते गृहीत दर्भोऽहमगमं तीर्थसन्निधिम् । धनग्रहणलोभेन भ्रमन्पर्वसु पर्वसु

haste gṛhīta darbho'hamagamaṃ tīrthasannidhim | dhanagrahaṇalobhena bhramanparvasu parvasu

Sanskrit only: no published translation is held for this verse.

ततोऽहं शिथिलांगः सन्कंचिद्भूनिर्जरालयम् । गतवान्याचितं भोक्तुं दष्टो मध्ये पदे शुना

tato'haṃ śithilāṃgaḥ sankaṃcidbhūnirjarālayam | gatavānyācitaṃ bhoktuṃ daṣṭo madhye pade śunā

Sanskrit only: no published translation is held for this verse.

अपतं मूर्छितो भूत्वा ततः क्षितितले क्षणात् । ततोऽहं गलितप्राणो व्याघ्रयोनिमुपागतः

apataṃ mūrchito bhūtvā tataḥ kṣititale kṣaṇāt | tato'haṃ galitaprāṇo vyāghrayonimupāgataḥ

Sanskrit only: no published translation is held for this verse.

अत्र तिष्ठामि कांतारे पूर्वपापमनुस्मरन् । न भक्षयामि धर्मिष्ठान्मुनीन्साधुजनान्सतीः 6.187.५०। किंतु पापान्दुराचारनसतीर्भक्षयाम्यहम् । अतोऽसतित्वं तत्वेन ममैव कवलायसे

atra tiṣṭhāmi kāṃtāre pūrvapāpamanusmaran | na bhakṣayāmi dharmiṣṭhānmunīnsādhujanānsatīḥ 6.187.50| kiṃtu pāpāndurācāranasatīrbhakṣayāmyaham | ato'satitvaṃ tatvena mamaiva kavalāyase

Sanskrit only: no published translation is held for this verse.

इत्युक्त्वा स्वैर्नखैः कूरैस्तां विभज्यांगखंडशः । अथतां भक्षितां तेन पापदेहमुपाश्रिताम्

ityuktvā svairnakhaiḥ kūraistāṃ vibhajyāṃgakhaṃḍaśaḥ | athatāṃ bhakṣitāṃ tena pāpadehamupāśritām

Sanskrit only: no published translation is held for this verse.

यमस्य किंकरा निन्युः सद्यः संयमनीं पुरीम् । यमादेशेन तत्रापि पातयामासुराशु ताम्

yamasya kiṃkarā ninyuḥ sadyaḥ saṃyamanīṃ purīm | yamādeśena tatrāpi pātayāmāsurāśu tām

Sanskrit only: no published translation is held for this verse.

विण्मूत्ररक्तपूर्णेषु घोरकुंडेष्वनेकधा । कल्पकोटिषु पीतासु तस्मादानीय तां मुहुः

viṇmūtraraktapūrṇeṣu ghorakuṃḍeṣvanekadhā | kalpakoṭiṣu pītāsu tasmādānīya tāṃ muhuḥ

Sanskrit only: no published translation is held for this verse.

रौरवे स्थापयामासुर्मन्वंतरशतावधि । ततोप्याकृष्य तां दीनां रुदतीं सर्वतोमुखीम्

raurave sthāpayāmāsurmanvaṃtaraśatāvadhi | tatopyākṛṣya tāṃ dīnāṃ rudatīṃ sarvatomukhīm

Sanskrit only: no published translation is held for this verse.

मुक्तकेशां भग्नगात्रां चिक्षिपुर्दहनानने । एवं पापपरां घोरां भुक्त्वा नरकयातनाम्

muktakeśāṃ bhagnagātrāṃ cikṣipurdahanānane | evaṃ pāpaparāṃ ghorāṃ bhuktvā narakayātanām

Sanskrit only: no published translation is held for this verse.

इह जाता महापापात्पुनः श्वपचयोनिषु । ततः श्वपचगेहेऽपि वर्द्धमाना दिनेदिने

iha jātā mahāpāpātpunaḥ śvapacayoniṣu | tataḥ śvapacagehe'pi varddhamānā dinedine

Sanskrit only: no published translation is held for this verse.

पूर्वजन्मवशेनैव तथैवासीद्यथा पुरा । ततः कतिपये काले पुनः स्वंभवनंययौ

pūrvajanmavaśenaiva tathaivāsīdyathā purā | tataḥ katipaye kāle punaḥ svaṃbhavanaṃyayau

Sanskrit only: no published translation is held for this verse.

यत्रास्ते जृंभकादेवी शिवस्यांतः पुरेश्वरी । तत्रापश्यद्द्विजन्मानं वासुदेवाभिधं शुचिम्

yatrāste jṛṃbhakādevī śivasyāṃtaḥ pureśvarī | tatrāpaśyaddvijanmānaṃ vāsudevābhidhaṃ śucim

Sanskrit only: no published translation is held for this verse.

गीतात्रयोदशाध्यायमुद्गिरंतमनारतम् । ततस्तच्छ्रवणादेव मुक्ता श्वपचविग्रहात्

gītātrayodaśādhyāyamudgiraṃtamanāratam | tatastacchravaṇādeva muktā śvapacavigrahāt

Sanskrit only: no published translation is held for this verse.

दिव्यं देहं समासाद्य जगाम त्रिदशालयम्

divyaṃ dehaṃ samāsādya jagāma tridaśālayam

Sanskrit only: no published translation is held for this verse.