Padma Purāṇa 6.18

इति दत्तवरा हृष्टा योगिन्यो विभुना मृधे । अत्रांतरे भवानीं तां सस्मार वृषभं हरः

iti dattavarā hṛṣṭā yoginyo vibhunā mṛdhe | atrāṃtare bhavānīṃ tāṃ sasmāra vṛṣabhaṃ haraḥ

Sanskrit only: no published translation is held for this verse.

स्मृतमात्रा पार्वती सा वृषभश्चागमत्क्षणात् । सखीगणसमायुक्ता संप्राप्ता हरवल्लभा

smṛtamātrā pārvatī sā vṛṣabhaścāgamatkṣaṇāt | sakhīgaṇasamāyuktā saṃprāptā haravallabhā

Sanskrit only: no published translation is held for this verse.

संत्यक्त्वा भ्रामरीं मूर्तिं हरस्यार्द्धं समारुहत् । गिरिजासहितो राजन्महेशो मुमुदे ततः

saṃtyaktvā bhrāmarīṃ mūrtiṃ harasyārddhaṃ samāruhat | girijāsahito rājanmaheśo mumude tataḥ

Sanskrit only: no published translation is held for this verse.

योगिनीं प्रत्युवाचेदं पिबध्वं रुधिरं नृप । जालंधरकबंधस्थं ताः श्रुत्वा जहृषुर्भृशम्

yoginīṃ pratyuvācedaṃ pibadhvaṃ rudhiraṃ nṛpa | jālaṃdharakabaṃdhasthaṃ tāḥ śrutvā jahṛṣurbhṛśam

Sanskrit only: no published translation is held for this verse.

मांसमेदोह्यसृक्पीत्वा योगिन्यो ननृतुर्मुदा । ततो हरः प्रसन्नोऽभूत्तासां क्रीडनवीक्षणात्

māṃsamedohyasṛkpītvā yoginyo nanṛturmudā | tato haraḥ prasanno'bhūttāsāṃ krīḍanavīkṣaṇāt

Sanskrit only: no published translation is held for this verse.

स्वयं च भैरवं रूपं कृत्वा तन्मध्यगः पपौ । तीक्ष्णदंष्ट्रा महाकायास्तदासन्योगिनी गणाः

svayaṃ ca bhairavaṃ rūpaṃ kṛtvā tanmadhyagaḥ papau | tīkṣṇadaṃṣṭrā mahākāyāstadāsanyoginī gaṇāḥ

Sanskrit only: no published translation is held for this verse.

ग्रसंतोऽद्यापि मांसानि काले चापि पिबंत्यसृक् । तेन जालंधरो दैत्यो नोत्तिष्ठति रणे हतः

grasaṃto'dyāpi māṃsāni kāle cāpi pibaṃtyasṛk | tena jālaṃdharo daityo nottiṣṭhati raṇe hataḥ

Sanskrit only: no published translation is held for this verse.

ततस्तत्र समाजग्मुर्ब्रह्माद्या देवतागणाः । ऋषयो मरुतो देवा स्तुवंति स्म महेश्वरम्

tatastatra samājagmurbrahmādyā devatāgaṇāḥ | ṛṣayo maruto devā stuvaṃti sma maheśvaram

Sanskrit only: no published translation is held for this verse.

दिशः प्रसेदुः सुरभिर्ववौ मरुद्दिवः प्रपेतुर्भुवि पुष्पवृष्टयः । कृताभिषेकस्य च तस्य निःस्वनान्संनादिता दुंदुभयोऽपि चक्रिरे

diśaḥ praseduḥ surabhirvavau maruddivaḥ prapeturbhuvi puṣpavṛṣṭayaḥ | kṛtābhiṣekasya ca tasya niḥsvanānsaṃnāditā duṃdubhayo'pi cakrire

Sanskrit only: no published translation is held for this verse.

उपरि परिमलांधैः सुस्वरं संपतद्भिर्मधुकरनिकुरं बैरुह्यमाणाभरेण । अविरलमधुधारासारसंसिक्तभूमिः सदसि सुरविमुक्ता प्रापतत्पुष्पवृष्टिः

upari parimalāṃdhaiḥ susvaraṃ saṃpatadbhirmadhukaranikuraṃ bairuhyamāṇābhareṇa | aviralamadhudhārāsārasaṃsiktabhūmiḥ sadasi suravimuktā prāpatatpuṣpavṛṣṭiḥ

Sanskrit only: no published translation is held for this verse.

हते तदा सिंधुसुते हरेण नाराचघातैस्त्रिजगत्तदा बभौ । प्रसूनवृष्टिर्ननृतुस्तदांगना जगुश्च यक्षाः सुरकिन्नराद्याः

hate tadā siṃdhusute hareṇa nārācaghātaistrijagattadā babhau | prasūnavṛṣṭirnanṛtustadāṃganā jaguśca yakṣāḥ surakinnarādyāḥ

Sanskrit only: no published translation is held for this verse.

शंभुर्वैरिजयोत्थितेन यशसा स्फारांगकीर्तिर्गिरिं । स्वं भेजे सुरसिद्धचारणगणैः संस्तूयमानः सदा । गौरी चापि जगाम चाशु गिरितः श्वेतः । सखीसंवृता संचक्रुस्त्वभिसेवनं सुमनसां वर्षेण देवांगना

śaṃbhurvairijayotthitena yaśasā sphārāṃgakīrtirgiriṃ | svaṃ bheje surasiddhacāraṇagaṇaiḥ saṃstūyamānaḥ sadā | gaurī cāpi jagāma cāśu giritaḥ śvetaḥ | sakhīsaṃvṛtā saṃcakrustvabhisevanaṃ sumanasāṃ varṣeṇa devāṃganā

Sanskrit only: no published translation is held for this verse.

देवोऽसौ करुणामयः सुरगणान्स्वे स्वे पदे स्थापयन्। प्रादादन्यदपि स्वकं वसु ततो ज्ञात्वा पतिं शंकरः । किं वक्तव्यमतः परं यदि भवेदीशानुकंपा परा । कोऽयं वा त्रिदिवो धरातलमिदं स्यादात्मसात्सर्वतः

devo'sau karuṇāmayaḥ suragaṇānsve sve pade sthāpayan| prādādanyadapi svakaṃ vasu tato jñātvā patiṃ śaṃkaraḥ | kiṃ vaktavyamataḥ paraṃ yadi bhavedīśānukaṃpā parā | ko'yaṃ vā tridivo dharātalamidaṃ syādātmasātsarvataḥ

Sanskrit only: no published translation is held for this verse.

देवाः स्वराज्यमासाद्य यथापूर्वं चकाशिरे । बुभुजुर्यज्ञभागांस्ते लोकपालत्वमाश्रिताः

devāḥ svarājyamāsādya yathāpūrvaṃ cakāśire | bubhujuryajñabhāgāṃste lokapālatvamāśritāḥ

Sanskrit only: no published translation is held for this verse.

नारद उवाच- इति जालंधरस्योक्तं यथावदनुपूर्वशः । चरितं लोकवीरस्य राजन्नत्यद्भुतं तव

nārada uvāca- iti jālaṃdharasyoktaṃ yathāvadanupūrvaśaḥ | caritaṃ lokavīrasya rājannatyadbhutaṃ tava

Sanskrit only: no published translation is held for this verse.

विष्णुस्त्यजति नाद्यापि क्षीराब्धिं यद्वशो नृप । सर्वोऽपि भुंक्ते स्वं कर्म कर्म तद्विद्ध्यसंशयम्

viṣṇustyajati nādyāpi kṣīrābdhiṃ yadvaśo nṛpa | sarvo'pi bhuṃkte svaṃ karma karma tadviddhyasaṃśayam

Sanskrit only: no published translation is held for this verse.

तुभ्यं दुःखनिरासाय प्रोक्तमाख्यानमुत्तमम् । यावद्देहोस्ति कर्माणि सुखदुःखानि कर्मतः

tubhyaṃ duḥkhanirāsāya proktamākhyānamuttamam | yāvaddehosti karmāṇi sukhaduḥkhāni karmataḥ

Sanskrit only: no published translation is held for this verse.

देही भुंक्ते वशो राजन्त्राणं न ज्ञानतः परम् । कृष्णादीनां देहबंधे सुखदुःखादि वर्तते

dehī bhuṃkte vaśo rājantrāṇaṃ na jñānataḥ param | kṛṣṇādīnāṃ dehabaṃdhe sukhaduḥkhādi vartate

Sanskrit only: no published translation is held for this verse.

तत्रेतरेषां किं वाच्यं ये वैराग्यपराङ्मुखाः । ज्ञात्वेदृशीं कर्मगतिं सर्वेभ्यो बलवत्तमाम्

tatretareṣāṃ kiṃ vācyaṃ ye vairāgyaparāṅmukhāḥ | jñātvedṛśīṃ karmagatiṃ sarvebhyo balavattamām

Sanskrit only: no published translation is held for this verse.

धीरो भव प्रतीक्षस्व शुभकर्मागमं पुनः । शत्रून्जित्वा तु समये स्वं राज्यं पुनराप्स्यसि

dhīro bhava pratīkṣasva śubhakarmāgamaṃ punaḥ | śatrūnjitvā tu samaye svaṃ rājyaṃ punarāpsyasi

Sanskrit only: no published translation is held for this verse.

इतिहासमिमं श्रुत्वा न दुःखै परिभूयते । धर्मार्थकाममोक्षाश्च यथावच्चात्र कीर्त्तिताः

itihāsamimaṃ śrutvā na duḥkhai paribhūyate | dharmārthakāmamokṣāśca yathāvaccātra kīrttitāḥ

Sanskrit only: no published translation is held for this verse.

स्वर्ग्यं पापहरं पुण्यं शोकमोहविनाशनम् । ब्राह्मणो ज्ञानमाप्नोति राज्यं प्राप्नोति क्षत्रियः

svargyaṃ pāpaharaṃ puṇyaṃ śokamohavināśanam | brāhmaṇo jñānamāpnoti rājyaṃ prāpnoti kṣatriyaḥ

Sanskrit only: no published translation is held for this verse.

वैश्यश्च बह्वीं संपत्तिं श्रुत्वा शूद्रः सुखं लभेत् । यो राजा भ्रष्टराज्योऽपि रतः सन्नेव सत्पथि

vaiśyaśca bahvīṃ saṃpattiṃ śrutvā śūdraḥ sukhaṃ labhet | yo rājā bhraṣṭarājyo'pi rataḥ sanneva satpathi

Sanskrit only: no published translation is held for this verse.

स राज्यं पुनराप्नोति श्रवणान्नित्यमस्य तु । आकर्ण्यैतत्सतां राजन्श्राव्यमन्यन्न रोचते

sa rājyaṃ punarāpnoti śravaṇānnityamasya tu | ākarṇyaitatsatāṃ rājanśrāvyamanyanna rocate

Sanskrit only: no published translation is held for this verse.

कलं च कोकिलालापं रूक्षं ध्वांक्षरुतं यथा । आख्यानमेतदनघं श्रुत्वा सज्जनहृत्प्रियः

kalaṃ ca kokilālāpaṃ rūkṣaṃ dhvāṃkṣarutaṃ yathā | ākhyānametadanaghaṃ śrutvā sajjanahṛtpriyaḥ

Sanskrit only: no published translation is held for this verse.

हिरण्यतिलवस्त्राद्यैर्धेनुभूमिप्रदानतः । संतोषयेद्वाचकं तु तस्मिंस्तुष्टे फलं लभेत्

hiraṇyatilavastrādyairdhenubhūmipradānataḥ | saṃtoṣayedvācakaṃ tu tasmiṃstuṣṭe phalaṃ labhet

Sanskrit only: no published translation is held for this verse.

देवताश्च प्रसीदेयुरर्चिते वाचके गुरौ । अन्नदानानि दद्याच्च ब्राह्मणेभ्यः प्रपूजयेत्

devatāśca prasīdeyurarcite vācake gurau | annadānāni dadyācca brāhmaṇebhyaḥ prapūjayet

Sanskrit only: no published translation is held for this verse.

जायते विजयी नित्यं पुत्रपौत्रसमृद्धिमान् । जायते विष्णुलोके यः शृणोत्याख्यानमुत्तमम् 6.18.१५०। इति व्याजेन भो भूप तुलस्युत्पत्तिकारणम् । ये शृण्वंति नरश्रेष्ठा न तेषां पातकं क्वचित्

jāyate vijayī nityaṃ putrapautrasamṛddhimān | jāyate viṣṇuloke yaḥ śṛṇotyākhyānamuttamam 6.18.150| iti vyājena bho bhūpa tulasyutpattikāraṇam | ye śṛṇvaṃti naraśreṣṭhā na teṣāṃ pātakaṃ kvacit

Sanskrit only: no published translation is held for this verse.

तुलसीमाहात्म्यमिदं पवित्रं पापनाशनम् । श्रुत्वा तु लभते मोक्षमुक्त्वा चैव न संशयः

tulasīmāhātmyamidaṃ pavitraṃ pāpanāśanam | śrutvā tu labhate mokṣamuktvā caiva na saṃśayaḥ

Sanskrit only: no published translation is held for this verse.

स्वगृहे रोपिता चैव तुलसी पापनाशिनी । दर्शनाद्ब्रह्महत्यापि नश्यते नात्र संशयः

svagṛhe ropitā caiva tulasī pāpanāśinī | darśanādbrahmahatyāpi naśyate nātra saṃśayaḥ

Sanskrit only: no published translation is held for this verse.

कार्तिके चैव माघे तु तुलस्या पूजयेद्धरिम् । वैशाखे तु विशेषेण पूजनं च हरेः स्मृतम्

kārtike caiva māghe tu tulasyā pūjayeddharim | vaiśākhe tu viśeṣeṇa pūjanaṃ ca hareḥ smṛtam

Sanskrit only: no published translation is held for this verse.

एकेनैव प्रदक्षिणेन सकलं पापं गतं वै सदा ये शूद्रा । भुवि संति दाननिरताः कालेन शुद्धिं गताः । तेपि स्युः सुरपूजनार्हतनवः पापाच्च दूरं गताः ये वै। विष्णुजनाश्च दुर्लभतरा ह्यस्मिन्कलौ सांप्रतम्

ekenaiva pradakṣiṇena sakalaṃ pāpaṃ gataṃ vai sadā ye śūdrā | bhuvi saṃti dānaniratāḥ kālena śuddhiṃ gatāḥ | tepi syuḥ surapūjanārhatanavaḥ pāpācca dūraṃ gatāḥ ye vai| viṣṇujanāśca durlabhatarā hyasminkalau sāṃpratam

Sanskrit only: no published translation is held for this verse.