Padma Purāṇa 6.190

ईश्वर उवाच- अतः परं प्रवक्ष्यामि षोडशाध्यायगौरवम् । आकर्णय कुरंगाक्षि हर्षोत्कंठप्रवर्षिणि

īśvara uvāca- ataḥ paraṃ pravakṣyāmi ṣoḍaśādhyāyagauravam | ākarṇaya kuraṃgākṣi harṣotkaṃṭhapravarṣiṇi

Sanskrit only: no published translation is held for this verse.

अस्ति सौराष्ट्रिकं नाम्ना पुरं गुर्जरमंडले । तत्रासीत्खङ्गबाहुश्च राजा चंद्र इवापरः

asti saurāṣṭrikaṃ nāmnā puraṃ gurjaramaṃḍale | tatrāsītkhaṅgabāhuśca rājā caṃdra ivāparaḥ

Sanskrit only: no published translation is held for this verse.

यदीय कुसुमामोदमालासुरभितोदरे । वारांनिधौ हरिः स्वास्थ्यादशेत सह पद्मया

yadīya kusumāmodamālāsurabhitodare | vārāṃnidhau hariḥ svāsthyādaśeta saha padmayā

Sanskrit only: no published translation is held for this verse.

यदीय कीर्तिकर्पूरकणाभांतिनभोंगणे । कीर्णा वैरिकृतश्वास मारुतैस्तारकाछलात्

yadīya kīrtikarpūrakaṇābhāṃtinabhoṃgaṇe | kīrṇā vairikṛtaśvāsa mārutaistārakāchalāt

Sanskrit only: no published translation is held for this verse.

यस्यासिधारा तीर्थेषु स्नाता वै रिपुभूभुजः । व्यावर्त्तं ते दिवोऽद्यापि स्वर्गस्त्रीवाग्विमोहिताः

yasyāsidhārā tīrtheṣu snātā vai ripubhūbhujaḥ | vyāvarttaṃ te divo'dyāpi svargastrīvāgvimohitāḥ

Sanskrit only: no published translation is held for this verse.

तस्यारिमर्दनोनाम मदहस्ती मदोद्धुरः । मदांबुधारा सलिले गुंजद्भ्रमरमंडलः

tasyārimardanonāma madahastī madoddhuraḥ | madāṃbudhārā salile guṃjadbhramaramaṃḍalaḥ

Sanskrit only: no published translation is held for this verse.

कपोलफलकोत्तीर्ण मदधाराजलाविलः । बभौ यो निर्झरोद्गोरैरंजनाद्रिरिवाच्चकैः

kapolaphalakottīrṇa madadhārājalāvilaḥ | babhau yo nirjharodgorairaṃjanādririvāccakaiḥ

Sanskrit only: no published translation is held for this verse.

यस्यांगेषु व्यराजंत चामराश्चंद्रिकोज्ज्वलाः । किरणाइव शीतांशोः पतिताः काननोदरे

yasyāṃgeṣu vyarājaṃta cāmarāścaṃdrikojjvalāḥ | kiraṇāiva śītāṃśoḥ patitāḥ kānanodare

Sanskrit only: no published translation is held for this verse.

सिंदूरपांसुपटली राजत्कुंभस्थलो बभौ । यः संध्यावारिदव्याप्तं वियत्खंडमिव स्थितम्

siṃdūrapāṃsupaṭalī rājatkuṃbhasthalo babhau | yaḥ saṃdhyāvāridavyāptaṃ viyatkhaṃḍamiva sthitam

Sanskrit only: no published translation is held for this verse.

स कदाचिन्मोचयित्वा शृंखलान्निगडानपि । भंक्त्वा लौहदृढस्तंभं प्रसह्य निशि निर्गतः

sa kadācinmocayitvā śṛṃkhalānnigaḍānapi | bhaṃktvā lauhadṛḍhastaṃbhaṃ prasahya niśi nirgataḥ

Sanskrit only: no published translation is held for this verse.

आधोरणगणान्सर्वान्पार्ष्णिविस्फूर्जदंकुशान् । क्रोधादवगणय्यैव निजशालां बभंज सः

ādhoraṇagaṇānsarvānpārṣṇivisphūrjadaṃkuśān | krodhādavagaṇayyaiva nijaśālāṃ babhaṃja saḥ

Sanskrit only: no published translation is held for this verse.

तीक्ष्णांकुशमुखैर्विष्वक्हन्यमानोऽपि वैणवैः । दंडैस्तु त्रासयामासुः सादिनो न मनागपि

tīkṣṇāṃkuśamukhairviṣvakhanyamāno'pi vaiṇavaiḥ | daṃḍaistu trāsayāmāsuḥ sādino na manāgapi

Sanskrit only: no published translation is held for this verse.

ततो राजा समागत्य निशम्येदं कुतूहलम् । तत्र हस्तिकलाभिज्ञैः समं राजकुमारकैः

tato rājā samāgatya niśamyedaṃ kutūhalam | tatra hastikalābhijñaiḥ samaṃ rājakumārakaiḥ

Sanskrit only: no published translation is held for this verse.

अदृश्यत समागत्य राज्ञा दंतावलो बली । मोहयन्नुद्भटाटोपो हृताट्टालिकमालिकः

adṛśyata samāgatya rājñā daṃtāvalo balī | mohayannudbhaṭāṭopo hṛtāṭṭālikamālikaḥ

Sanskrit only: no published translation is held for this verse.

ददृशुस्तं महाभीमं पौरा दूरतरं स्थिताः । गोपायंतः शिशून्भीत्या निवृत्तान्यकुतूहलाः

dadṛśustaṃ mahābhīmaṃ paurā dūrataraṃ sthitāḥ | gopāyaṃtaḥ śiśūnbhītyā nivṛttānyakutūhalāḥ

Sanskrit only: no published translation is held for this verse.

रुद्धेषु तत्र मार्गेषु पलायनपरैर्जनैः । वासितेषु तदीयोग्रदानधारांबुसीकरैः

ruddheṣu tatra mārgeṣu palāyanaparairjanaiḥ | vāsiteṣu tadīyogradānadhārāṃbusīkaraiḥ

Sanskrit only: no published translation is held for this verse.

स्नात्वा तेनाध्वना यातः सरसः कश्चन द्विजः । गीतानां षोडशाध्यायश्लोकान्कतिपयाञ्जपन् १७ भगवद्गीता/दैवासुरसम्पद्विभागयोगः। निषिद्ध्यमानो बहुधा पौरैराधोरणैरपि

snātvā tenādhvanā yātaḥ sarasaḥ kaścana dvijaḥ | gītānāṃ ṣoḍaśādhyāyaślokānkatipayāñjapan 17 bhagavadgītā/daivāsurasampadvibhāgayogaḥ| niṣiddhyamāno bahudhā paurairādhoraṇairapi

Sanskrit only: no published translation is held for this verse.

अमन्यमानः करिणो भीतान्चलितवांस्ततः । फूत्कारेण स आवृण्वञ्जनान्विपरिमर्दयन्

amanyamānaḥ kariṇo bhītāncalitavāṃstataḥ | phūtkāreṇa sa āvṛṇvañjanānviparimardayan

Sanskrit only: no published translation is held for this verse.

स्पृशन्दानांबुजं तस्य स्वस्तिमान्निर्गतो द्विजः । ततो महानभूत्तत्र विस्मयो वागगोचरः

spṛśandānāṃbujaṃ tasya svastimānnirgato dvijaḥ | tato mahānabhūttatra vismayo vāgagocaraḥ

Sanskrit only: no published translation is held for this verse.

मानसे भूमिपालस्य पौराणामपि पश्यताम् । समाहूय ततो राजा फुल्लराजीवलोचनः

mānase bhūmipālasya paurāṇāmapi paśyatām | samāhūya tato rājā phullarājīvalocanaḥ

Sanskrit only: no published translation is held for this verse.

तमापृच्छद्द्विजं वाहादवतीर्य प्रणम्य च

tamāpṛcchaddvijaṃ vāhādavatīrya praṇamya ca

Sanskrit only: no published translation is held for this verse.

राजोवाच- अलौकिकमिदं विप्र त्वयाद्याचरितं महत् । कृतांतकल्पादेतस्मात्कथं निर्यातवान्गजात्

rājovāca- alaukikamidaṃ vipra tvayādyācaritaṃ mahat | kṛtāṃtakalpādetasmātkathaṃ niryātavāngajāt

Sanskrit only: no published translation is held for this verse.

कमर्चयसि गीर्वाणं कं मंत्रं जपसि प्रभो । का च सिद्धिस्तवास्तीति द्विजन्मन्समुदीरय

kamarcayasi gīrvāṇaṃ kaṃ maṃtraṃ japasi prabho | kā ca siddhistavāstīti dvijanmansamudīraya

Sanskrit only: no published translation is held for this verse.

द्विज उवाच । गीतायाः षोडशोध्यायः श्लोकान्कतिपयानहम् । जपामि प्रत्यहं भूप तेनैताः सर्वसिद्धयः

dvija uvāca | gītāyāḥ ṣoḍaśodhyāyaḥ ślokānkatipayānaham | japāmi pratyahaṃ bhūpa tenaitāḥ sarvasiddhayaḥ

Sanskrit only: no published translation is held for this verse.

ततो विहाय द्विरदं कौतूहलरसं नृपः । आजगाम द्विजन्मानमादाय निजमंदिरम्

tato vihāya dviradaṃ kautūhalarasaṃ nṛpaḥ | ājagāma dvijanmānamādāya nijamaṃdiram

Sanskrit only: no published translation is held for this verse.

शुभं मुहूर्तमन्वीक्ष्य तोषयित्वा द्विजोत्तमम्

śubhaṃ muhūrtamanvīkṣya toṣayitvā dvijottamam

Sanskrit only: no published translation is held for this verse.

सुवर्णैर्लक्ष्यसंख्याकैर्गीतामंत्रमुपाददे । गीतायाः षोडशाध्यायश्लोकान्कतिपयानपि

suvarṇairlakṣyasaṃkhyākairgītāmaṃtramupādade | gītāyāḥ ṣoḍaśādhyāyaślokānkatipayānapi

Sanskrit only: no published translation is held for this verse.

समभ्यस्य ततो राजा सत्कारेण सकौतुकः । अथैकदा विनिर्गत्य बाह्यालीं सह सैनिकैः

samabhyasya tato rājā satkāreṇa sakautukaḥ | athaikadā vinirgatya bāhyālīṃ saha sainikaiḥ

Sanskrit only: no published translation is held for this verse.

तमेवामोचयद्राजा मत्तमाधोरणाद्गजम् । विस्पष्टमिति वाक्यानि राज्यसौख्यममानयन्

tamevāmocayadrājā mattamādhoraṇādgajam | vispaṣṭamiti vākyāni rājyasaukhyamamānayan

Sanskrit only: no published translation is held for this verse.

तृणवज्जीवितं राजा गजस्याग्रेविशत्ततः । आदाय गंडफलकं मदपंक्तिनिरंकुशम्

tṛṇavajjīvitaṃ rājā gajasyāgreviśattataḥ | ādāya gaṃḍaphalakaṃ madapaṃktiniraṃkuśam

Sanskrit only: no published translation is held for this verse.

आययौ मंत्रिविश्वासान्नृपः साहसिकाग्रणीः । राहोरिव मुखादिंदुः कालास्यादिव धार्मिकः

āyayau maṃtriviśvāsānnṛpaḥ sāhasikāgraṇīḥ | rāhoriva mukhādiṃduḥ kālāsyādiva dhārmikaḥ

Sanskrit only: no published translation is held for this verse.

साधुः खलस्य वदनान्नृयोनिरगमद्गजात् । आगत्य नगरं राजा त्वभिषिच्य कुमारकम्

sādhuḥ khalasya vadanānnṛyoniragamadgajāt | āgatya nagaraṃ rājā tvabhiṣicya kumārakam

Sanskrit only: no published translation is held for this verse.

गीतायाः षोडशाध्यायादवाप परमां गतिम्

gītāyāḥ ṣoḍaśādhyāyādavāpa paramāṃ gatim

Sanskrit only: no published translation is held for this verse.