Padma Purāṇa 6.192

पावर्त्युवाच- उक्तं सप्तदशाध्यायगौरवं भवता शिव । स त्वमष्टादशाध्यायमहिमानमुदीरय

pāvartyuvāca- uktaṃ saptadaśādhyāyagauravaṃ bhavatā śiva | sa tvamaṣṭādaśādhyāyamahimānamudīraya

Sanskrit only: no published translation is held for this verse.

ईश्वर उवाच-। आकर्णय चिदानंद निष्पादि निगमोत्तरम् । पुण्यमष्टादशाध्यायमाहात्म्यं गिरिनंदिनि

īśvara uvāca-| ākarṇaya cidānaṃda niṣpādi nigamottaram | puṇyamaṣṭādaśādhyāyamāhātmyaṃ girinaṃdini

Sanskrit only: no published translation is held for this verse.

समस्तशास्त्रसर्वस्वं श्रोत्रप्राप्तं रसायनम् । संसारयातनाजालविदारणपरायणम्

samastaśāstrasarvasvaṃ śrotraprāptaṃ rasāyanam | saṃsārayātanājālavidāraṇaparāyaṇam

Sanskrit only: no published translation is held for this verse.

परं रहस्यं सिद्धानामविद्योन्मूलनक्षमम् । चैतन्यं कैटभारातेरग्रगण्यं परं पदम्

paraṃ rahasyaṃ siddhānāmavidyonmūlanakṣamam | caitanyaṃ kaiṭabhārāteragragaṇyaṃ paraṃ padam

Sanskrit only: no published translation is held for this verse.

विवेकवल्लरीमूलं कामक्रोधमलापहम् । पुरंदरादिगीर्वाणचित्तविश्रामकारकम्

vivekavallarīmūlaṃ kāmakrodhamalāpaham | puraṃdarādigīrvāṇacittaviśrāmakārakam

Sanskrit only: no published translation is held for this verse.

सनकादिमहायोगिमनोरंजनकारणम् । पाठमात्रपराभूतकालकिंकरगर्जितम्

sanakādimahāyogimanoraṃjanakāraṇam | pāṭhamātraparābhūtakālakiṃkaragarjitam

Sanskrit only: no published translation is held for this verse.

अष्टोत्तरशतव्याधिमूलोन्मूलनकारकम् । नातः परतरं किंचिद्रहस्यं हंसगामिनि

aṣṭottaraśatavyādhimūlonmūlanakārakam | nātaḥ parataraṃ kiṃcidrahasyaṃ haṃsagāmini

Sanskrit only: no published translation is held for this verse.

उपतापत्रयहरं महापातकनाशनम् । यथाकालेष्वहं नित्यो यथा पशुषु कामधुक्

upatāpatrayaharaṃ mahāpātakanāśanam | yathākāleṣvahaṃ nityo yathā paśuṣu kāmadhuk

Sanskrit only: no published translation is held for this verse.

यथा व्यासो मुनींद्रेषु व्यासेषु ब्रह्मवित्तमः । यथा दिवौकसां शक्रो गुरुः शक्राद्यथा वरः

yathā vyāso munīṃdreṣu vyāseṣu brahmavittamaḥ | yathā divaukasāṃ śakro guruḥ śakrādyathā varaḥ

Sanskrit only: no published translation is held for this verse.

यथा रसानां पीयूषमुत्तमं विश्वविश्रुतम् । तथा गिरीणां कैलासो यथा चेंद्रो दिवौकसाम्

yathā rasānāṃ pīyūṣamuttamaṃ viśvaviśrutam | tathā girīṇāṃ kailāso yathā ceṃdro divaukasām

Sanskrit only: no published translation is held for this verse.

तीर्थानां पुष्करं तीर्थं यथा पुष्पेषु पंकजम् । पतिव्रतासु नारीषु यथा लोकेष्वरुंधती

tīrthānāṃ puṣkaraṃ tīrthaṃ yathā puṣpeṣu paṃkajam | pativratāsu nārīṣu yathā lokeṣvaruṃdhatī

Sanskrit only: no published translation is held for this verse.

यथा मखेष्वश्वमेधो यथोद्यानेषु नंदनम् । यथारुद्रेषु सर्वेषु वीरभद्रो ममानुगः

yathā makheṣvaśvamedho yathodyāneṣu naṃdanam | yathārudreṣu sarveṣu vīrabhadro mamānugaḥ

Sanskrit only: no published translation is held for this verse.

यथा दानेषु भूदानं यथा सिंधुषु गौतमी । यथा लोके हरिक्षेत्रं प्रशस्तं धर्मकर्मसु

yathā dāneṣu bhūdānaṃ yathā siṃdhuṣu gautamī | yathā loke harikṣetraṃ praśastaṃ dharmakarmasu

Sanskrit only: no published translation is held for this verse.

तथैवाष्टादशाध्यायमाहात्म्यं भुवनोत्तरम् । तत्राख्यानमिदं पुण्यं भक्त्याकर्णय पार्वति

tathaivāṣṭādaśādhyāyamāhātmyaṃ bhuvanottaram | tatrākhyānamidaṃ puṇyaṃ bhaktyākarṇaya pārvati

Sanskrit only: no published translation is held for this verse.

यथाकर्णनमात्रेण जंतुः पापैः प्रमुच्यते । अस्ति मेरुगिरेः शृंगे पुरी रम्यामरावती

yathākarṇanamātreṇa jaṃtuḥ pāpaiḥ pramucyate | asti merugireḥ śṛṃge purī ramyāmarāvatī

Sanskrit only: no published translation is held for this verse.

पुरा मम विनोदाय निर्मिता विश्वकर्मणा । निरंतरं गुणयुता कोटिगीर्वाणसेविता

purā mama vinodāya nirmitā viśvakarmaṇā | niraṃtaraṃ guṇayutā koṭigīrvāṇasevitā

Sanskrit only: no published translation is held for this verse.

तेजःपुंजवती साक्षाद्ब्रह्मविद्येव विश्रुता । चिंतामणिशिलाबद्धाः प्रासादा यत्र कामदाः

tejaḥpuṃjavatī sākṣādbrahmavidyeva viśrutā | ciṃtāmaṇiśilābaddhāḥ prāsādā yatra kāmadāḥ

Sanskrit only: no published translation is held for this verse.

जयंति मेरुशिखरे चतुर्मुखपुरावधि । यत्र कल्पद्रुमच्छाया सुखासीना पुलोमजा

jayaṃti meruśikhare caturmukhapurāvadhi | yatra kalpadrumacchāyā sukhāsīnā pulomajā

Sanskrit only: no published translation is held for this verse.

शृणोति श्यामला गीर्भिर्गीतं गंधर्वयोषिताम् । यत्रास्ते सबलारातिर्देवैश्च दलितायुषाम्

śṛṇoti śyāmalā gīrbhirgītaṃ gaṃdharvayoṣitām | yatrāste sabalārātirdevaiśca dalitāyuṣām

Sanskrit only: no published translation is held for this verse.

दैत्यानां रक्तकल्लोलैः स्वर्धुनी शोणतां गता । पुरातनसुधास्वादु स्मारं स्मारं दिवौकसः

daityānāṃ raktakallolaiḥ svardhunī śoṇatāṃ gatā | purātanasudhāsvādu smāraṃ smāraṃ divaukasaḥ

Sanskrit only: no published translation is held for this verse.

धयंति यत्र क्षुत्क्षामा कलां प्रत्यहमैंदवीम् । तस्यां कैवल्यकल्पायामासीत्पूर्वं शतक्रतुः

dhayaṃti yatra kṣutkṣāmā kalāṃ pratyahamaiṃdavīm | tasyāṃ kaivalyakalpāyāmāsītpūrvaṃ śatakratuḥ

Sanskrit only: no published translation is held for this verse.

शची समन्वितः श्रीमान्सर्वगीर्वाणसेवितः । स कदाचित्सुखासीनो विष्णुदूतैरधिश्रितम्

śacī samanvitaḥ śrīmānsarvagīrvāṇasevitaḥ | sa kadācitsukhāsīno viṣṇudūtairadhiśritam

Sanskrit only: no published translation is held for this verse.

सहस्रनेत्रमायांतमपश्यत्पुरुषं परम् । ततस्तदीय तेजोभिरभिभूतः पुरंदरः

sahasranetramāyāṃtamapaśyatpuruṣaṃ param | tatastadīya tejobhirabhibhūtaḥ puraṃdaraḥ

Sanskrit only: no published translation is held for this verse.

मणिसिंहासनात्तूर्णं पतितः स्थानमंडपे । सिंहासनात्प्रयातस्य ततस्तस्य हरेर्भटाः

maṇisiṃhāsanāttūrṇaṃ patitaḥ sthānamaṃḍape | siṃhāsanātprayātasya tatastasya harerbhaṭāḥ

Sanskrit only: no published translation is held for this verse.

गीर्वाणगणसाम्राज्य पट्टबंधं वितेनिरे । अथ तस्याभिषिक्तस्य महेंद्रस्य पुलोमजा

gīrvāṇagaṇasāmrājya paṭṭabaṃdhaṃ vitenire | atha tasyābhiṣiktasya maheṃdrasya pulomajā

Sanskrit only: no published translation is held for this verse.

वामांकमारुरोहाशु दिव्यदुंदुंभिनिःस्वनैः । अथ त्रिदिवसंगीत गीर्वाणाः प्रमदान्विताः

vāmāṃkamārurohāśu divyaduṃduṃbhiniḥsvanaiḥ | atha tridivasaṃgīta gīrvāṇāḥ pramadānvitāḥ

Sanskrit only: no published translation is held for this verse.

सुरा नीराजयामासुर्दिव्यरत्नैः सुरस्त्रियः । ततो वै ऋषयो वेदैराशीर्वादास्तदा ददुः

surā nīrājayāmāsurdivyaratnaiḥ surastriyaḥ | tato vai ṛṣayo vedairāśīrvādāstadā daduḥ

Sanskrit only: no published translation is held for this verse.

रंभाद्या ननृतुस्तस्य पुरस्तादप्सरोगणाः । गंधर्वा ललितालापाञ्जगुर्मंगलकौतुकम्

raṃbhādyā nanṛtustasya purastādapsarogaṇāḥ | gaṃdharvā lalitālāpāñjagurmaṃgalakautukam

Sanskrit only: no published translation is held for this verse.

एवं नूतनमिंद्रं तु जुष्टं बहुभिरुत्सवैः । विना शतक्रतुं दृष्ट्वा शक्रो विस्मयमाययौ

evaṃ nūtanamiṃdraṃ tu juṣṭaṃ bahubhirutsavaiḥ | vinā śatakratuṃ dṛṣṭvā śakro vismayamāyayau

Sanskrit only: no published translation is held for this verse.

न मया विहिता मार्गे तडागा न विनिर्मिताः । न रोपिता महावृक्षाः पांथविश्रांतिकारकः

na mayā vihitā mārge taḍāgā na vinirmitāḥ | na ropitā mahāvṛkṣāḥ pāṃthaviśrāṃtikārakaḥ

Sanskrit only: no published translation is held for this verse.

न कदाचिदहो दृष्टो देवस्त्रिपुरभैरवः । निधिवासे स्थिता देवी पूजिता न मदालसा

na kadācidaho dṛṣṭo devastripurabhairavaḥ | nidhivāse sthitā devī pūjitā na madālasā

Sanskrit only: no published translation is held for this verse.

मेघंकरस्थितः शार्ङ्गधरो नैव निरीक्षितः । न कृतं विरजे स्नानं नैवं काशीं पुरीं गतः

meghaṃkarasthitaḥ śārṅgadharo naiva nirīkṣitaḥ | na kṛtaṃ viraje snānaṃ naivaṃ kāśīṃ purīṃ gataḥ

Sanskrit only: no published translation is held for this verse.

न देववाटिकावासी दृष्टो नरहरिः स्वयम् । एरंडविष्णुर्हेरंबो न जातु परिशीलितः

na devavāṭikāvāsī dṛṣṭo narahariḥ svayam | eraṃḍaviṣṇurheraṃbo na jātu pariśīlitaḥ

Sanskrit only: no published translation is held for this verse.

रेणुकानेक्षिता जातु माता पुरनिवासिनी । न भक्त्या पूजिता देवी दाना पुरनिवासिनी

reṇukānekṣitā jātu mātā puranivāsinī | na bhaktyā pūjitā devī dānā puranivāsinī

Sanskrit only: no published translation is held for this verse.

न भक्त्या त्रिपुरे दृष्टस्त्रिलिंगस्त्र्यंबकः स्वयम् । न शार्दूलतडागस्थो वीक्षितः सोमनाथकः

na bhaktyā tripure dṛṣṭastriliṃgastryaṃbakaḥ svayam | na śārdūlataḍāgastho vīkṣitaḥ somanāthakaḥ

Sanskrit only: no published translation is held for this verse.

रेवापुरस्थितो देवो घुसृणेशो न वीक्षितः । नागदंतपुरे ख्यातो नागनाथो न वेक्षितः

revāpurasthito devo ghusṛṇeśo na vīkṣitaḥ | nāgadaṃtapure khyāto nāganātho na vekṣitaḥ

Sanskrit only: no published translation is held for this verse.

पर्णग्रामस्थितो दृष्टो न महानमृतेश्वरः । न तुंगभद्रा तीरस्थो दृष्टो हरिहरः स्वयम्

parṇagrāmasthito dṛṣṭo na mahānamṛteśvaraḥ | na tuṃgabhadrā tīrastho dṛṣṭo hariharaḥ svayam

Sanskrit only: no published translation is held for this verse.

न वेंकटाद्रिनिलयः श्रीनिवासः सुलक्षितः । कावेरी कर्णिकातीरे श्रीरंगो नैव वीक्षितः

na veṃkaṭādrinilayaḥ śrīnivāsaḥ sulakṣitaḥ | kāverī karṇikātīre śrīraṃgo naiva vīkṣitaḥ

Sanskrit only: no published translation is held for this verse.

दीनास्त्वनाथाः क्रोशंतः कारागारान्न मोचिताः । अन्नदानेन दौर्भिक्षे प्राणिनो नैव पूजिताः

dīnāstvanāthāḥ krośaṃtaḥ kārāgārānna mocitāḥ | annadānena daurbhikṣe prāṇino naiva pūjitāḥ

Sanskrit only: no published translation is held for this verse.

रात्रौ रात्रौ कृता क्वापिनिर्जले नोदकप्रभा

rātrau rātrau kṛtā kvāpinirjale nodakaprabhā

Sanskrit only: no published translation is held for this verse.

न गौतम्यां कृतं स्नानं न दृष्टो हरिणेश्वरः । कृष्णवेण्यां च न कृतं स्नानं कन्यागते गुरौ

na gautamyāṃ kṛtaṃ snānaṃ na dṛṣṭo hariṇeśvaraḥ | kṛṣṇaveṇyāṃ ca na kṛtaṃ snānaṃ kanyāgate gurau

Sanskrit only: no published translation is held for this verse.

दत्तं नो भूखंडमपि कवयो नैव पूजिताः । न तीर्थेषु कृतं सत्रं न ग्रामेषु कृता मखाः

dattaṃ no bhūkhaṃḍamapi kavayo naiva pūjitāḥ | na tīrtheṣu kṛtaṃ satraṃ na grāmeṣu kṛtā makhāḥ

Sanskrit only: no published translation is held for this verse.

पुष्करिण्यो न विहिता मध्ये मार्गं बहूदकाः । न प्रासादाः कृताः क्वापि ब्रह्मविष्णुपिनाकिनाम्

puṣkariṇyo na vihitā madhye mārgaṃ bahūdakāḥ | na prāsādāḥ kṛtāḥ kvāpi brahmaviṣṇupinākinām

Sanskrit only: no published translation is held for this verse.

न जातुचिद्भयाक्रांता रक्षिताः शरणागताः । कथमेकेन पुण्येन देवदत्तमिहार्जितम्

na jātucidbhayākrāṃtā rakṣitāḥ śaraṇāgatāḥ | kathamekena puṇyena devadattamihārjitam

Sanskrit only: no published translation is held for this verse.

इति चिंताकुलो भूत्वा हरिं प्रष्टुं पुरंदरः । ययौ सरभसंखिन्नः क्षीरकूपारगह्वरम्

iti ciṃtākulo bhūtvā hariṃ praṣṭuṃ puraṃdaraḥ | yayau sarabhasaṃkhinnaḥ kṣīrakūpāragahvaram

Sanskrit only: no published translation is held for this verse.

तत्र प्रविश्य गोविंदं कृतनिद्रं नवैस्तवैः । अकस्मान्निजसाम्राज्यभ्रंशदुःखमुवाच ह

tatra praviśya goviṃdaṃ kṛtanidraṃ navaistavaiḥ | akasmānnijasāmrājyabhraṃśaduḥkhamuvāca ha

Sanskrit only: no published translation is held for this verse.

इंद्र उवाच-। रमाकांत भवत्प्रीत्यै कृतं क्रतुशतं पुरा । तेन पुण्येन संप्राप्तं मया पौरंदरं पदम्

iṃdra uvāca-| ramākāṃta bhavatprītyai kṛtaṃ kratuśataṃ purā | tena puṇyena saṃprāptaṃ mayā pauraṃdaraṃ padam

Sanskrit only: no published translation is held for this verse.

इदानीं नूतनः कोऽपि जातो दिवि पुरंदरः । न तेन धर्मो विहितो न तेन क्रतवः कृताः

idānīṃ nūtanaḥ ko'pi jāto divi puraṃdaraḥ | na tena dharmo vihito na tena kratavaḥ kṛtāḥ

Sanskrit only: no published translation is held for this verse.

मम सिंहासनं दिव्यं कथमाक्रांतमच्युत

mama siṃhāsanaṃ divyaṃ kathamākrāṃtamacyuta

Sanskrit only: no published translation is held for this verse.

महादेव उवाच-। इत्येवं वदतस्तस्य श्रुत्वा वाचं रमापतिः । उन्मीलितस्मिताक्षो सावुवाच मधुरं वचः 6.192.५०। श्रीभगवानुवाच-। किं दानैरल्पफलदैः किं तपोभिः किमध्वरैः । वर्त्तमानः क्षितितले सत्वं प्रीणितवान्पुरा

mahādeva uvāca-| ityevaṃ vadatastasya śrutvā vācaṃ ramāpatiḥ | unmīlitasmitākṣo sāvuvāca madhuraṃ vacaḥ 6.192.50| śrībhagavānuvāca-| kiṃ dānairalpaphaladaiḥ kiṃ tapobhiḥ kimadhvaraiḥ | varttamānaḥ kṣititale satvaṃ prīṇitavānpurā

Sanskrit only: no published translation is held for this verse.

इन्द्र उवाच-। भगवन्कर्मणा केन स त्वां प्रीणितवान्द्विजः । यत्प्रीत्या भगवान्प्रादात्तस्मै पौरंदरं पदम्

indra uvāca-| bhagavankarmaṇā kena sa tvāṃ prīṇitavāndvijaḥ | yatprītyā bhagavānprādāttasmai pauraṃdaraṃ padam

Sanskrit only: no published translation is held for this verse.

श्रीभगवानुवाच । जपत्यष्टादशाध्याये गीतानां श्लोकपंचकम् । यत्पुण्येन च संप्राप्तं तव साम्राज्यमुत्तमम्

śrībhagavānuvāca | japatyaṣṭādaśādhyāye gītānāṃ ślokapaṃcakam | yatpuṇyena ca saṃprāptaṃ tava sāmrājyamuttamam

Sanskrit only: no published translation is held for this verse.

सर्वपुण्यशिरोरत्न भूतेन त्वं स्थिरो भव । इति विष्णोर्वचः श्रुत्वा ज्ञातोपायं पुरंदरः

sarvapuṇyaśiroratna bhūtena tvaṃ sthiro bhava | iti viṣṇorvacaḥ śrutvā jñātopāyaṃ puraṃdaraḥ

Sanskrit only: no published translation is held for this verse.

विप्रवेषधरो भूत्वा गतो गोदावरीतटम् । तत्रापश्यत्पुरं पुण्यं कालिकाग्राममुत्तमम्

vipraveṣadharo bhūtvā gato godāvarītaṭam | tatrāpaśyatpuraṃ puṇyaṃ kālikāgrāmamuttamam

Sanskrit only: no published translation is held for this verse.

यत्र कालेश्वरो देवो वर्त्तते कालमर्दनः । तत्र गोदावरी तीरे स्थितं परमधार्मिकम्

yatra kāleśvaro devo varttate kālamardanaḥ | tatra godāvarī tīre sthitaṃ paramadhārmikam

Sanskrit only: no published translation is held for this verse.

अपश्यत्करुणावंतं ब्राह्मणं वेदपारगम् । नित्यमष्टादशाध्यायं जपंतं दांतचेतसम्

apaśyatkaruṇāvaṃtaṃ brāhmaṇaṃ vedapāragam | nityamaṣṭādaśādhyāyaṃ japaṃtaṃ dāṃtacetasam

Sanskrit only: no published translation is held for this verse.

ततस्तच्चरणद्वंद्वे लुठित्वा परया मुदा । सत्वमष्टादशाध्यायमपठत्तेन शिक्षितम्

tatastaccaraṇadvaṃdve luṭhitvā parayā mudā | satvamaṣṭādaśādhyāyamapaṭhattena śikṣitam

Sanskrit only: no published translation is held for this verse.

अथ पुण्येन तेनाऽसौ विष्णोः सायुज्यमाययौ । हित्वा पुरंदरादीनां देवानां पदमल्पकम्

atha puṇyena tenā'sau viṣṇoḥ sāyujyamāyayau | hitvā puraṃdarādīnāṃ devānāṃ padamalpakam

Sanskrit only: no published translation is held for this verse.

ज्ञात्वातीव मुदायुक्तो वैकुंठमगमत्पुरम् । अतएव परं तत्वं मुनीनामिदमुत्तमम्

jñātvātīva mudāyukto vaikuṃṭhamagamatpuram | ataeva paraṃ tatvaṃ munīnāmidamuttamam

Sanskrit only: no published translation is held for this verse.

दिव्यमष्टादशाध्यायमाहात्म्यं कथितं मया । यस्य श्रवणमात्रेण सर्वपापैः प्रमुच्यते

divyamaṣṭādaśādhyāyamāhātmyaṃ kathitaṃ mayā | yasya śravaṇamātreṇa sarvapāpaiḥ pramucyate

Sanskrit only: no published translation is held for this verse.

इत्येवं गीतामाहात्म्यं कथितं पापनाशनम् । पुण्यं पवित्रमायुष्यं स्वर्ग्यं स्वस्त्ययनं महत्

ityevaṃ gītāmāhātmyaṃ kathitaṃ pāpanāśanam | puṇyaṃ pavitramāyuṣyaṃ svargyaṃ svastyayanaṃ mahat

Sanskrit only: no published translation is held for this verse.

यः शृणोति महाभागे श्रद्धया संयुतः पुमान् । सर्वयज्ञफलं प्राप्य विष्णोः सायुज्यमाप्नुयात्

yaḥ śṛṇoti mahābhāge śraddhayā saṃyutaḥ pumān | sarvayajñaphalaṃ prāpya viṣṇoḥ sāyujyamāpnuyāt

Sanskrit only: no published translation is held for this verse.

इति श्रीपाद्मे महापुराणे पंचपंचाशत्सहस्रसंहितायां उत्तरखंडे सतीश्वरसंवादे गीतामाहात्म्ये द्विनवत्यधिक शततमोऽध्यायः

iti śrīpādme mahāpurāṇe paṃcapaṃcāśatsahasrasaṃhitāyāṃ uttarakhaṃḍe satīśvarasaṃvāde gītāmāhātmye dvinavatyadhika śatatamo'dhyāyaḥ

Sanskrit only: no published translation is held for this verse.