Library·Padma Purāṇa·6·6.193
पार्वत्युवाच- देवदेव महादेव सर्वज्ञ सकलार्थद । कृपां मयि परां कृत्वा यत्पृच्छे तद्वदस्व मे
pārvatyuvāca- devadeva mahādeva sarvajña sakalārthada | kṛpāṃ mayi parāṃ kṛtvā yatpṛcche tadvadasva me
Sanskrit only: no published translation is held for this verse.
श्रुतं च गीतामाहात्म्यं बह्वाश्चर्यकथायुतम् । तेन मे भक्तिरुत्पन्ना श्रोतुं कृष्णकथां पराम्
śrutaṃ ca gītāmāhātmyaṃ bahvāścaryakathāyutam | tena me bhaktirutpannā śrotuṃ kṛṣṇakathāṃ parām
Sanskrit only: no published translation is held for this verse.
पुराणेषु तु सर्वेषु श्रीमद्भागवतं परम् । यत्र प्रतिपदं कृष्णो गीयते बहुधर्षिभिः । तन्माहात्म्यं यथातत्वं सेतिहासं वदाधुना
purāṇeṣu tu sarveṣu śrīmadbhāgavataṃ param | yatra pratipadaṃ kṛṣṇo gīyate bahudharṣibhiḥ | tanmāhātmyaṃ yathātatvaṃ setihāsaṃ vadādhunā
Sanskrit only: no published translation is held for this verse.
ईश्वर उवाच-। नैमिषे सूतमासीनमभिवाद्य महामतिम् । कथामृतरसास्वादकुशलः शौनकोऽब्रवीत्
īśvara uvāca-| naimiṣe sūtamāsīnamabhivādya mahāmatim | kathāmṛtarasāsvādakuśalaḥ śaunako'bravīt
Sanskrit only: no published translation is held for this verse.
शौनक उवाच । अज्ञानध्वांतविध्वंसि कोटिजन्माघनाशनम्
śaunaka uvāca | ajñānadhvāṃtavidhvaṃsi koṭijanmāghanāśanam
Sanskrit only: no published translation is held for this verse.
श्रीमद्भागवताख्यानं सूताख्याहि रसायनम् । भक्तिज्ञानविरागाढ्यो विवेको वर्द्धते कथम्
śrīmadbhāgavatākhyānaṃ sūtākhyāhi rasāyanam | bhaktijñānavirāgāḍhyo viveko varddhate katham
Sanskrit only: no published translation is held for this verse.
माहामोहनिरासश्च वैष्णवैः क्रियते कथम् । इह घोरे कलौप्रायो जीवश्चासुरतां गतः
māhāmohanirāsaśca vaiṣṇavaiḥ kriyate katham | iha ghore kalauprāyo jīvaścāsuratāṃ gataḥ
Sanskrit only: no published translation is held for this verse.
क्लेशाक्रांतस्य तस्याथ शोधने किं रसायनम् । श्रेयसां यद्भवेच्छ्रेयः पावनानां च पावनम्
kleśākrāṃtasya tasyātha śodhane kiṃ rasāyanam | śreyasāṃ yadbhavecchreyaḥ pāvanānāṃ ca pāvanam
Sanskrit only: no published translation is held for this verse.
कृष्णप्रीतिकरं यच्च साधनं तद्वदाधुना। चिंतामणिं लोकसुखं सुरेंद्रास्पदसंपदम्
kṛṣṇaprītikaraṃ yacca sādhanaṃ tadvadādhunā| ciṃtāmaṇiṃ lokasukhaṃ sureṃdrāspadasaṃpadam
Sanskrit only: no published translation is held for this verse.
प्रयच्छति गुरुः प्रीतो वैकुंठं चातिदुर्लभम्
prayacchati guruḥ prīto vaikuṃṭhaṃ cātidurlabham
Sanskrit only: no published translation is held for this verse.
सूत उवाच-। प्रीतोऽहं ते द्विजश्रेष्ठाः कथयिष्ये यथाश्रुतम् । सारात्सारतरं यच्च संसारभयनाशनम्
sūta uvāca-| prīto'haṃ te dvijaśreṣṭhāḥ kathayiṣye yathāśrutam | sārātsārataraṃ yacca saṃsārabhayanāśanam
Sanskrit only: no published translation is held for this verse.
भक्तिप्रवर्द्धकं यच्च कृष्णसंतुष्टिहेतुकम् । तन्मे कथयतः साधो सावधानतया शृणु
bhaktipravarddhakaṃ yacca kṛṣṇasaṃtuṣṭihetukam | tanme kathayataḥ sādho sāvadhānatayā śṛṇu
Sanskrit only: no published translation is held for this verse.
कालव्यालमुखालीढ जगत्त्राणविधायकम् । श्रीमद्भागवतं शास्त्रं कलौ कृष्णेन भाषितम्
kālavyālamukhālīḍha jagattrāṇavidhāyakam | śrīmadbhāgavataṃ śāstraṃ kalau kṛṣṇena bhāṣitam
Sanskrit only: no published translation is held for this verse.
एतस्मादपरं किंचिन्मनः शुद्धिकरं नहि । जन्मांतरकृतैः पुण्यैर्लभ्यते साधुभिस्तु तत्
etasmādaparaṃ kiṃcinmanaḥ śuddhikaraṃ nahi | janmāṃtarakṛtaiḥ puṇyairlabhyate sādhubhistu tat
Sanskrit only: no published translation is held for this verse.
राज्ञः परीक्षितो मोक्षं ज्ञात्वा कमलसंभवः । तोलयामास शास्त्राणि पुराणानि महांति च
rājñaḥ parīkṣito mokṣaṃ jñātvā kamalasaṃbhavaḥ | tolayāmāsa śāstrāṇi purāṇāni mahāṃti ca
Sanskrit only: no published translation is held for this verse.
श्रीमद्भागवतं तत्र गरीयो भुवि संगतम् । श्रीमद्भागवती वार्ता सुराणामपि दुर्लभा
śrīmadbhāgavataṃ tatra garīyo bhuvi saṃgatam | śrīmadbhāgavatī vārtā surāṇāmapi durlabhā
Sanskrit only: no published translation is held for this verse.
इति संचित्य बहुशो मुनयः साधवोऽमलाः । मेनिरे भगवद्रूपं श्रीमद्भागवतं क्षितौ
iti saṃcitya bahuśo munayaḥ sādhavo'malāḥ | menire bhagavadrūpaṃ śrīmadbhāgavataṃ kṣitau
Sanskrit only: no published translation is held for this verse.
पठनाच्छ्रवणाद्यस्य नरो याति हरेः पदम् । वर्षेण श्रवणं तस्य बहुसौख्यप्रदायकम्
paṭhanācchravaṇādyasya naro yāti hareḥ padam | varṣeṇa śravaṇaṃ tasya bahusaukhyapradāyakam
Sanskrit only: no published translation is held for this verse.
मासेन भक्तिराभास्यं लभते द्विजसत्तम । सप्ताहेन श्रुतं चैतत्सर्वथा मुक्तिदायकम्
māsena bhaktirābhāsyaṃ labhate dvijasattama | saptāhena śrutaṃ caitatsarvathā muktidāyakam
Sanskrit only: no published translation is held for this verse.
किं बहूक्तेन वै साधो श्रीमद्भागवताऽमृतम् । नित्यं सद्भिः प्रपातव्यं कृष्णलीलाप्रकाशकम्
kiṃ bahūktena vai sādho śrīmadbhāgavatā'mṛtam | nityaṃ sadbhiḥ prapātavyaṃ kṛṣṇalīlāprakāśakam
Sanskrit only: no published translation is held for this verse.
सनकाद्यैः पुरा प्रोक्तं नारदाय दयापरैः । ब्रह्मणः श्रुतपूर्वाय सप्ताहश्रवणे विधिः
sanakādyaiḥ purā proktaṃ nāradāya dayāparaiḥ | brahmaṇaḥ śrutapūrvāya saptāhaśravaṇe vidhiḥ
Sanskrit only: no published translation is held for this verse.
शौनक उवाच-। पितुर्लब्ध्वा वरं ज्ञानं श्रीमद्भागवताभिधम् । नारदो लोकतत्वज्ञः सर्वदा ह्यटते महीम्
śaunaka uvāca-| piturlabdhvā varaṃ jñānaṃ śrīmadbhāgavatābhidham | nārado lokatatvajñaḥ sarvadā hyaṭate mahīm
Sanskrit only: no published translation is held for this verse.
कुत्र तैः संगमो जातो नारदस्य महात्मभिः । श्रुतो देवर्षिणा यत्र सप्ताहश्रवणे विधिः
kutra taiḥ saṃgamo jāto nāradasya mahātmabhiḥ | śruto devarṣiṇā yatra saptāhaśravaṇe vidhiḥ
Sanskrit only: no published translation is held for this verse.
सूत उवाच-। अत्र ते वर्णयिष्यामि भक्तियुक्तं कथानकम् । यत्पुरा ब्रह्मरातेन मह्यं प्रोक्तं दयालुना
sūta uvāca-| atra te varṇayiṣyāmi bhaktiyuktaṃ kathānakam | yatpurā brahmarātena mahyaṃ proktaṃ dayālunā
Sanskrit only: no published translation is held for this verse.
एकदा तु विशालायामुपविष्टमधोमुखम् । नारदं सनकाद्यास्ते ददृशुर्दीनमानसम्
ekadā tu viśālāyāmupaviṣṭamadhomukham | nāradaṃ sanakādyāste dadṛśurdīnamānasam
Sanskrit only: no published translation is held for this verse.
तं दृष्ट्वा चिंतयानं तु देवर्षिर्भ्रातरं स्वकम् । पप्रच्छुर्विस्मयाविष्टा मुनयस्तत्वचिंतकाः
taṃ dṛṣṭvā ciṃtayānaṃ tu devarṣirbhrātaraṃ svakam | papracchurvismayāviṣṭā munayastatvaciṃtakāḥ
Sanskrit only: no published translation is held for this verse.
कुमारा ऊचुः-। किं त्वं चिंतयसे ब्रह्मन्नतिदीन इवातुरः । तवेत्थं मुक्तिसंगस्य नोचितं वद कारणम्
kumārā ūcuḥ-| kiṃ tvaṃ ciṃtayase brahmannatidīna ivāturaḥ | tavetthaṃ muktisaṃgasya nocitaṃ vada kāraṇam
Sanskrit only: no published translation is held for this verse.
नारद उवाच-। अहं पृथ्व्यां समायातो ज्ञात्वा सर्वोत्तमोत्तमाम् । तीर्थैर्नानाविधैर्युक्तां पुण्यदैः पुण्यरूपिणीम्
nārada uvāca-| ahaṃ pṛthvyāṃ samāyāto jñātvā sarvottamottamām | tīrthairnānāvidhairyuktāṃ puṇyadaiḥ puṇyarūpiṇīm
Sanskrit only: no published translation is held for this verse.
पुष्करे च प्रयागे च काश्यां गोदावरीतटे । हरिक्षेत्रे कुरुक्षेत्रे श्रीरंगे सेतुबंधने
puṣkare ca prayāge ca kāśyāṃ godāvarītaṭe | harikṣetre kurukṣetre śrīraṃge setubaṃdhane
Sanskrit only: no published translation is held for this verse.
एतेष्वन्येषु तीर्थेषु भ्रममाण इतस्ततः । नापश्यं कुत्रचिच्छर्म मनः संतोषकारकम्
eteṣvanyeṣu tīrtheṣu bhramamāṇa itastataḥ | nāpaśyaṃ kutraciccharma manaḥ saṃtoṣakārakam
Sanskrit only: no published translation is held for this verse.
कलिना धर्ममित्रेण धरेयं बाधिताऽधुना । सत्यं शौचं दया दानं नास्ति कुत्रापि भूतले
kalinā dharmamitreṇa dhareyaṃ bādhitā'dhunā | satyaṃ śaucaṃ dayā dānaṃ nāsti kutrāpi bhūtale
Sanskrit only: no published translation is held for this verse.
उदरंभरिणो लोका वराकाः कूटसाक्षिणः । मंदाः सुमंदमतयो महापाखंडसंश्रयाः
udaraṃbhariṇo lokā varākāḥ kūṭasākṣiṇaḥ | maṃdāḥ sumaṃdamatayo mahāpākhaṃḍasaṃśrayāḥ
Sanskrit only: no published translation is held for this verse.
स्त्रीप्रधानगृहस्थाश्च वर्णिनो व्रतवर्जिताः । वानप्रस्थाः पुरावासा न्यासिनो भोगतत्परा
strīpradhānagṛhasthāśca varṇino vratavarjitāḥ | vānaprasthāḥ purāvāsā nyāsino bhogatatparā
Sanskrit only: no published translation is held for this verse.
कन्याविक्रयिणो लोभात्कृषिकर्मपरायणाः । भ्रष्टाचारा दंभिनश्च स्वेच्छाचारनिदर्शिनः
kanyāvikrayiṇo lobhātkṛṣikarmaparāyaṇāḥ | bhraṣṭācārā daṃbhinaśca svecchācāranidarśinaḥ
Sanskrit only: no published translation is held for this verse.
आश्रमा यवनै रुद्धास्तीर्थानि सरितो ह्रदाः । देवतायतनान्यत्र दुष्टैरुच्छेदितानि च
āśramā yavanai ruddhāstīrthāni sarito hradāḥ | devatāyatanānyatra duṣṭairuccheditāni ca
Sanskrit only: no published translation is held for this verse.
योगी सिद्धोऽथवा ज्ञानी सत्क्रियोऽत्र न दृश्यते । कलिदावानलेनाद्य साधनं भस्मतां गतम्
yogī siddho'thavā jñānī satkriyo'tra na dṛśyate | kalidāvānalenādya sādhanaṃ bhasmatāṃ gatam
Sanskrit only: no published translation is held for this verse.
अट्टशूला जनपदाः शिवशूला द्विजातयः । कामिन्यः केशशूलिन्यो दृश्यंते भुवि सर्वतः
aṭṭaśūlā janapadāḥ śivaśūlā dvijātayaḥ | kāminyaḥ keśaśūlinyo dṛśyaṃte bhuvi sarvataḥ
Sanskrit only: no published translation is held for this verse.
एकदाहमनुप्राप्तो यमुनायास्तटं शुभम् । दृष्टं वृंदावनं तत्र यत्र लीला हरेरभूत्
ekadāhamanuprāpto yamunāyāstaṭaṃ śubham | dṛṣṭaṃ vṛṃdāvanaṃ tatra yatra līlā harerabhūt
Sanskrit only: no published translation is held for this verse.
तत्र यच्चाद्भुतं दृष्टं श्रूयतां तन्मुनीश्वराः । एका तु तरुणी तत्र निषण्णाखिन्नमानसा
tatra yaccādbhutaṃ dṛṣṭaṃ śrūyatāṃ tanmunīśvarāḥ | ekā tu taruṇī tatra niṣaṇṇākhinnamānasā
Sanskrit only: no published translation is held for this verse.
द्वौ वृद्धौ पतितौ पार्श्वे निःश्वसंतावचेतनौ । शुश्रूषंती प्रबोधंती रुदती च तयोः पुरः
dvau vṛddhau patitau pārśve niḥśvasaṃtāvacetanau | śuśrūṣaṃtī prabodhaṃtī rudatī ca tayoḥ puraḥ
Sanskrit only: no published translation is held for this verse.
दृष्टा दिशो निरीक्षंती रक्षितारमिवात्मनः । वीज्यमाना बहुस्त्रीभिर्बोध्यमाना मुहुर्महुः
dṛṣṭā diśo nirīkṣaṃtī rakṣitāramivātmanaḥ | vījyamānā bahustrībhirbodhyamānā muhurmahuḥ
Sanskrit only: no published translation is held for this verse.
दृष्ट्वा दूराद्गतश्चाऽहं कौतुकेन तदंतिकम् । मां दृष्ट्वोत्थाय सा बाला वचनं चेदमब्रवीत्
dṛṣṭvā dūrādgataścā'haṃ kautukena tadaṃtikam | māṃ dṛṣṭvotthāya sā bālā vacanaṃ cedamabravīt
Sanskrit only: no published translation is held for this verse.
बालोवाच-। भो साधोऽत्र क्षणं तिष्ठ मम चिंतामपाकुरु । पुंसां च दर्शनं भद्र सर्वाघौघनिवारणम् । पुण्येन प्राक्तनेनैव दर्शनं तव जायते
bālovāca-| bho sādho'tra kṣaṇaṃ tiṣṭha mama ciṃtāmapākuru | puṃsāṃ ca darśanaṃ bhadra sarvāghaughanivāraṇam | puṇyena prāktanenaiva darśanaṃ tava jāyate
Sanskrit only: no published translation is held for this verse.
अतो मे मानसं दुःखं च्छेत्तुमर्हसि मानद । नारद उवाच । एवमुक्तस्तया चाहं कृपया स्निग्धमानसः । अपृच्छंतां वरारोहां कौतुकेन समाकुलः
ato me mānasaṃ duḥkhaṃ cchettumarhasi mānada | nārada uvāca | evamuktastayā cāhaṃ kṛpayā snigdhamānasaḥ | apṛcchaṃtāṃ varārohāṃ kautukena samākulaḥ
Sanskrit only: no published translation is held for this verse.
का त्वमेतौ च कौ भद्रे काश्चेमाः पद्मलोचनाः । आख्याहि मत्पुरः सर्वं तव दुःखस्य कारणम्
kā tvametau ca kau bhadre kāścemāḥ padmalocanāḥ | ākhyāhi matpuraḥ sarvaṃ tava duḥkhasya kāraṇam
Sanskrit only: no published translation is held for this verse.
इति पृष्टा मया सा तु बाला दुःखितमानसा । प्रोवाच निखिलं दुःखमात्मनो दुःखकारणम्
iti pṛṣṭā mayā sā tu bālā duḥkhitamānasā | provāca nikhilaṃ duḥkhamātmano duḥkhakāraṇam
Sanskrit only: no published translation is held for this verse.
बालोवाच-। अहं भक्तिरिति ख्याता एतौ मे तनयौ वरौ । ज्ञानवैराग्यनामानौ कालयोगेन जर्जरौ
bālovāca-| ahaṃ bhaktiriti khyātā etau me tanayau varau | jñānavairāgyanāmānau kālayogena jarjarau
Sanskrit only: no published translation is held for this verse.
गंगाद्याः सरितश्चेमा मम सेवार्थमागताः । एताभिः सेविता नित्यं सत्कारेणापि नारद
gaṃgādyāḥ saritaścemā mama sevārthamāgatāḥ | etābhiḥ sevitā nityaṃ satkāreṇāpi nārada
Sanskrit only: no published translation is held for this verse.
न च श्रेयो लभे किंचित्क्षीणाऽहं सर्वतो मुने । ममपूर्वं तु वृत्तातं शृणु ब्राह्मणसत्तम
na ca śreyo labhe kiṃcitkṣīṇā'haṃ sarvato mune | mamapūrvaṃ tu vṛttātaṃ śṛṇu brāhmaṇasattama
Sanskrit only: no published translation is held for this verse.
येनाऽहं दुःखिता जाता न लभे शर्म कुत्रचित् । उत्पन्ना द्रविडे चाहं कर्णाटे वृद्धिमागता 6.193.५०। स्थिता किंचिन्महाराष्ट्रे गुर्जरे जीर्णतां गता । तत्र घोरकलेर्योगात्पाखंडैः खंडितांगका
yenā'haṃ duḥkhitā jātā na labhe śarma kutracit | utpannā draviḍe cāhaṃ karṇāṭe vṛddhimāgatā 6.193.50| sthitā kiṃcinmahārāṣṭre gurjare jīrṇatāṃ gatā | tatra ghorakaleryogātpākhaṃḍaiḥ khaṃḍitāṃgakā
Sanskrit only: no published translation is held for this verse.
दुर्बलाहं चिरं जाता पुत्राभ्यां सह मंदताम्
durbalāhaṃ ciraṃ jātā putrābhyāṃ saha maṃdatām
Sanskrit only: no published translation is held for this verse.
वृंदावनमिदं प्राप्ता दैवयोगेन नारद । जाता हं तु पुनर्बाला नवीनेव सुरूपिणी
vṛṃdāvanamidaṃ prāptā daivayogena nārada | jātā haṃ tu punarbālā navīneva surūpiṇī
Sanskrit only: no published translation is held for this verse.
इमौ तु शयितावत्र सुतौ मे क्लिष्टमानसौ । अतिवृद्धौ परित्यज्य गंतुं नाहं क्षमाधुना
imau tu śayitāvatra sutau me kliṣṭamānasau | ativṛddhau parityajya gaṃtuṃ nāhaṃ kṣamādhunā
Sanskrit only: no published translation is held for this verse.
अहं बाला कथं जाता सुतौ मे जरठौ कुतः । त्रयाणामेकभावानां वैपरीत्यं कुतोऽभवत्
ahaṃ bālā kathaṃ jātā sutau me jaraṭhau kutaḥ | trayāṇāmekabhāvānāṃ vaiparītyaṃ kuto'bhavat
Sanskrit only: no published translation is held for this verse.
घटते जरठा माता बालकौ तनयाविति । अतः शोचामि चात्मानं विस्मयाविष्टमानसा
ghaṭate jaraṭhā mātā bālakau tanayāviti | ataḥ śocāmi cātmānaṃ vismayāviṣṭamānasā
Sanskrit only: no published translation is held for this verse.
यदि त्वं वेत्सि धर्मज्ञ कृपालो दीनपालक । वद सर्वं यथातत्वं कारणं चात्र यद्भवेत्
yadi tvaṃ vetsi dharmajña kṛpālo dīnapālaka | vada sarvaṃ yathātatvaṃ kāraṇaṃ cātra yadbhavet
Sanskrit only: no published translation is held for this verse.
एवं पृष्टस्तया चाहं क्षणं चैव विमृश्य तु । अवोचं भक्तिमाभाष्य क्लिष्टां कालेन भूयसा
evaṃ pṛṣṭastayā cāhaṃ kṣaṇaṃ caiva vimṛśya tu | avocaṃ bhaktimābhāṣya kliṣṭāṃ kālena bhūyasā
Sanskrit only: no published translation is held for this verse.
ज्ञानेनाहं प्रपश्यामि वृत्तं सर्वं तवानघे । मा विषादं कुरु प्राज्ञे हरिः शं ते करिष्यति
jñānenāhaṃ prapaśyāmi vṛttaṃ sarvaṃ tavānaghe | mā viṣādaṃ kuru prājñe hariḥ śaṃ te kariṣyati
Sanskrit only: no published translation is held for this verse.
सर्वसत्वहरो बाले युगोऽयं दारुणः कलि । लुप्तोऽनेन सदाऽचारो योगमार्गस्तपांसि च
sarvasatvaharo bāle yugo'yaṃ dāruṇaḥ kali | lupto'nena sadā'cāro yogamārgastapāṃsi ca
Sanskrit only: no published translation is held for this verse.
जनाश्चाघा (द्या) सुरायंते शाठ्यदुष्कृतकारिणः । संतो ह्यस्मिन्सुदुःखार्ता असंतो हृष्टमानसाः
janāścāghā (dyā) surāyaṃte śāṭhyaduṣkṛtakāriṇaḥ | saṃto hyasminsuduḥkhārtā asaṃto hṛṣṭamānasāḥ
Sanskrit only: no published translation is held for this verse.
दृश्यते धीरचित्तस्तु पंडितोऽपि न कोऽपि च । अस्पृश्य नवलोक्येयं दुष्टभाराकुलाधरा
dṛśyate dhīracittastu paṃḍito'pi na ko'pi ca | aspṛśya navalokyeyaṃ duṣṭabhārākulādharā
Sanskrit only: no published translation is held for this verse.
अन्वब्दं क्रमतो जातो मंगलं हीयतेऽन्वहम् । न त्वां तव सुतौ चेमौ कोऽपि पश्यति भामिनि
anvabdaṃ kramato jāto maṃgalaṃ hīyate'nvaham | na tvāṃ tava sutau cemau ko'pi paśyati bhāmini
Sanskrit only: no published translation is held for this verse.
यूयं तु रागबहुलैस्त्यक्ता जर्जरतां गताः । वृंदावनस्य संयोगाद्बालात्वमभवः पुनः
yūyaṃ tu rāgabahulaistyaktā jarjaratāṃ gatāḥ | vṛṃdāvanasya saṃyogādbālātvamabhavaḥ punaḥ
Sanskrit only: no published translation is held for this verse.
धन्यं वृंदावनं चेदं भक्तिर्यत्राभवन्नवा । अत्रेमौ ग्राहकाभावान्नवीनत्वं न चागतौ
dhanyaṃ vṛṃdāvanaṃ cedaṃ bhaktiryatrābhavannavā | atremau grāhakābhāvānnavīnatvaṃ na cāgatau
Sanskrit only: no published translation is held for this verse.
किंचिदात्मसुखेनेह प्रसुप्ताविति लक्ष्यते । भक्तिरुवाच-। कथं परिक्षिता राज्ञा स्थापितोद्य शुचिः कलि । दयापरेण हरिणा ह्यधर्मः किमुपेक्षितः
kiṃcidātmasukheneha prasuptāviti lakṣyate | bhaktiruvāca-| kathaṃ parikṣitā rājñā sthāpitodya śuciḥ kali | dayāpareṇa hariṇā hyadharmaḥ kimupekṣitaḥ
Sanskrit only: no published translation is held for this verse.
एनं मे संशयं छिंधि त्वद्वाचा सुखितास्म्यहम् । तस्या वचः समाकर्ण्य भूयोऽहमवदं द्विजाः
enaṃ me saṃśayaṃ chiṃdhi tvadvācā sukhitāsmyaham | tasyā vacaḥ samākarṇya bhūyo'hamavadaṃ dvijāḥ
Sanskrit only: no published translation is held for this verse.
यदि पृष्टस्त्वया बाले प्रेमतः श्रवणं कुरु । यदा मुकुंदो भगवान्क्ष्मां त्यक्त्वा स्वपदं गतः
yadi pṛṣṭastvayā bāle premataḥ śravaṇaṃ kuru | yadā mukuṃdo bhagavānkṣmāṃ tyaktvā svapadaṃ gataḥ
Sanskrit only: no published translation is held for this verse.
कलिस्तद्दिनमारभ्य प्रवृत्तः सत्यबाधकः । दृष्टो दिग्विजये राज्ञा दीनवच्छरणं गतः
kalistaddinamārabhya pravṛttaḥ satyabādhakaḥ | dṛṣṭo digvijaye rājñā dīnavaccharaṇaṃ gataḥ
Sanskrit only: no published translation is held for this verse.
न हतोऽस्य गुणद्रष्टा सर्वसाधारणं त्विदम् । यत्फलं तपसा नैति न योगे न समाधिना
na hato'sya guṇadraṣṭā sarvasādhāraṇaṃ tvidam | yatphalaṃ tapasā naiti na yoge na samādhinā
Sanskrit only: no published translation is held for this verse.
तत्फलं लभते धीमान्कलौ केशवकीर्तनात् । एतादृशं कलिं दृष्ट्वा सारात्सारफलप्रदम्
tatphalaṃ labhate dhīmānkalau keśavakīrtanāt | etādṛśaṃ kaliṃ dṛṣṭvā sārātsāraphalapradam
Sanskrit only: no published translation is held for this verse.
विष्णुरातः स्थापितवान्कलिजानां हिताय च । कुकर्माचरणात्सारः सर्वतो निर्गतोऽधुना
viṣṇurātaḥ sthāpitavānkalijānāṃ hitāya ca | kukarmācaraṇātsāraḥ sarvato nirgato'dhunā
Sanskrit only: no published translation is held for this verse.
पदार्थाः संस्थिता भूमौ बीजहीनास्तुषा यथा । विप्रैर्भागवतीवार्त्ता गेहे गेहे जने जने
padārthāḥ saṃsthitā bhūmau bījahīnāstuṣā yathā | viprairbhāgavatīvārttā gehe gehe jane jane
Sanskrit only: no published translation is held for this verse.
कारिता धनलोभेन कथासारस्ततो गतः । अत्युग्रभूरिकर्माणो नास्तिका दांभिका जनाः
kāritā dhanalobhena kathāsārastato gataḥ | atyugrabhūrikarmāṇo nāstikā dāṃbhikā janāḥ
Sanskrit only: no published translation is held for this verse.
तिष्ठंति सर्वतीर्थेषु तीर्थसारस्ततो गतः । कामक्रोधमहालोभतृष्णाव्याकुलचेतसः
tiṣṭhaṃti sarvatīrtheṣu tīrthasārastato gataḥ | kāmakrodhamahālobhatṛṣṇāvyākulacetasaḥ
Sanskrit only: no published translation is held for this verse.
समारभंते कर्माणि कर्मसारस्ततो गतः । मनसश्चाजयाल्लोभाद्दंभात्पाखंडसंश्रयात्
samārabhaṃte karmāṇi karmasārastato gataḥ | manasaścājayāllobhāddaṃbhātpākhaṃḍasaṃśrayāt
Sanskrit only: no published translation is held for this verse.
शास्त्रानभ्यसनाच्चैव ध्यानयोगफलं गतम् । पंडितास्ते कलत्रेषु रमंते महिषा इव
śāstrānabhyasanāccaiva dhyānayogaphalaṃ gatam | paṃḍitāste kalatreṣu ramaṃte mahiṣā iva
Sanskrit only: no published translation is held for this verse.
पुत्रोत्पादनदक्षाश्च न दक्षा मुक्तिसाधने । न हि वैष्णवता कुत्र संप्रदायपुरःसराः
putrotpādanadakṣāśca na dakṣā muktisādhane | na hi vaiṣṇavatā kutra saṃpradāyapuraḥsarāḥ
Sanskrit only: no published translation is held for this verse.
देवनिंदापराः सर्वे साधुनिंदापरायणाः । अयं तु युगधर्मोऽस्ति दीयते कस्य दूषणम्
devaniṃdāparāḥ sarve sādhuniṃdāparāyaṇāḥ | ayaṃ tu yugadharmo'sti dīyate kasya dūṣaṇam
Sanskrit only: no published translation is held for this verse.
अतस्त्वं पुंडरीकाक्षं स्मृत्वा सौख्यमवाप्स्यसि
atastvaṃ puṃḍarīkākṣaṃ smṛtvā saukhyamavāpsyasi
Sanskrit only: no published translation is held for this verse.
एवं मयोक्तं वचनं श्रुत्वा सा विस्मयं गता । उवाच वचनं भूयो मां प्रशस्य द्विजोत्तमाः
evaṃ mayoktaṃ vacanaṃ śrutvā sā vismayaṃ gatā | uvāca vacanaṃ bhūyo māṃ praśasya dvijottamāḥ
Sanskrit only: no published translation is held for this verse.
भक्तिरुवाच-। देवर्षे त्वं तु धन्योऽसि मद्भाग्येन समागतः । साधूनां दर्शनं लोके सर्वसिद्धिप्रदायकम्
bhaktiruvāca-| devarṣe tvaṃ tu dhanyo'si madbhāgyena samāgataḥ | sādhūnāṃ darśanaṃ loke sarvasiddhipradāyakam
Sanskrit only: no published translation is held for this verse.
सुखोपायो यथा मे स्यात्तथादिश मुनेऽधुना । सर्वज्ञस्य तव ब्रह्मन्न साध्यं किमपीह वै
sukhopāyo yathā me syāttathādiśa mune'dhunā | sarvajñasya tava brahmanna sādhyaṃ kimapīha vai
Sanskrit only: no published translation is held for this verse.
अजयदजितमायां यस्य कायाधवस्ते वचनरचनमेकं केवलं चाकलय्य । ध्रुवपदमुपयातो यत्कृपातो ध्रुवो वै तमहमरणभूतं ब्रह्मपुत्रं नतास्मि
ajayadajitamāyāṃ yasya kāyādhavaste vacanaracanamekaṃ kevalaṃ cākalayya | dhruvapadamupayāto yatkṛpāto dhruvo vai tamahamaraṇabhūtaṃ brahmaputraṃ natāsmi
Sanskrit only: no published translation is held for this verse.
इति श्रीपाद्मे महापुराणे पंचपंचाशत्सहस्रसंहितायामुत्तरखंडे भागवतमाहात्म्ये त्रिनवत्यधिकशततमोऽध्यायः
iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe bhāgavatamāhātmye trinavatyadhikaśatatamo'dhyāyaḥ
Sanskrit only: no published translation is held for this verse.