Library·Padma Purāṇa·6·6.194
सूत उवाच- एवं संप्रार्थितो विप्रास्तया भक्त्यातिदीनया। यतश्चाकथयं तद्वै तच्छृणुध्वं दयालवः
sūta uvāca- evaṃ saṃprārthito viprāstayā bhaktyātidīnayā| yataścākathayaṃ tadvai tacchṛṇudhvaṃ dayālavaḥ
Sanskrit only: no published translation is held for this verse.
नारद उवाच- मा खिदस्त्वं वृथा बाले समाधाय मनो हृदि । श्रीकृष्णचरणांभोजं स्मर सौख्यं लभिष्यसि
nārada uvāca- mā khidastvaṃ vṛthā bāle samādhāya mano hṛdi | śrīkṛṣṇacaraṇāṃbhojaṃ smara saukhyaṃ labhiṣyasi
Sanskrit only: no published translation is held for this verse.
द्रौपदी च परित्राता येन कौरवकश्मलात् । पालिता गोपसुंदर्यः स कृष्णः क्वापि नो गतः
draupadī ca paritrātā yena kauravakaśmalāt | pālitā gopasuṃdaryaḥ sa kṛṣṇaḥ kvāpi no gataḥ
Sanskrit only: no published translation is held for this verse.
त्वं तु भक्तिः प्रिया तस्य सततं प्राणतोऽधिका । त्वयाहूतस्तु भगवान्याति नीचगृहेष्वपि
tvaṃ tu bhaktiḥ priyā tasya satataṃ prāṇato'dhikā | tvayāhūtastu bhagavānyāti nīcagṛheṣvapi
Sanskrit only: no published translation is held for this verse.
सत्यादि त्रियुगे बोधो विरागो मुक्तिसाधकौ । कलौ तु केवला भक्तिर्ब्रह्मसायुज्यकारिणी
satyādi triyuge bodho virāgo muktisādhakau | kalau tu kevalā bhaktirbrahmasāyujyakāriṇī
Sanskrit only: no published translation is held for this verse.
इति निश्चित्य विद्रूपी स्वकां गात्त्वां ससर्ज ह । परमानंदचिन्मूर्तिः स्वप्रियां प्रीतमानसः
iti niścitya vidrūpī svakāṃ gāttvāṃ sasarja ha | paramānaṃdacinmūrtiḥ svapriyāṃ prītamānasaḥ
Sanskrit only: no published translation is held for this verse.
बध्वांजलि त्वया पृष्टः किं करोमीति वै हरिः । त्वां तदाज्ञापयत्कृष्णो मद्भक्तान्पोषयेति च
badhvāṃjali tvayā pṛṣṭaḥ kiṃ karomīti vai hariḥ | tvāṃ tadājñāpayatkṛṣṇo madbhaktānpoṣayeti ca
Sanskrit only: no published translation is held for this verse.
अंगीकृतं त्वया तद्वै प्रसन्नोऽभूद्धरिस्तदा । मुक्तिदासीं ददौ तुभ्यं ज्ञानवैराग्य आत्मजौ
aṃgīkṛtaṃ tvayā tadvai prasanno'bhūddharistadā | muktidāsīṃ dadau tubhyaṃ jñānavairāgya ātmajau
Sanskrit only: no published translation is held for this verse.
भक्तानां पोषणं नित्यं वैकुंठस्था करोषि च । भूमौ च भक्तपोषाय छायारूपं समाश्रिता
bhaktānāṃ poṣaṇaṃ nityaṃ vaikuṃṭhasthā karoṣi ca | bhūmau ca bhaktapoṣāya chāyārūpaṃ samāśritā
Sanskrit only: no published translation is held for this verse.
विमुक्ति ज्ञानवैराग्यैः सह चैवागतात्र हि । कृतादिद्वापरांते हि काले मुक्ति मुदास्थिता
vimukti jñānavairāgyaiḥ saha caivāgatātra hi | kṛtādidvāparāṃte hi kāle mukti mudāsthitā
Sanskrit only: no published translation is held for this verse.
कलौ तु संक्षयं प्राप्ता पाषंडामयपीडिता । त्वदाज्ञया गता शीघ्रं वैकुंठे पुनरेव सा । स्मृतमात्रा त्वयाद्यापि मुक्तिरायाति सत्वरम्
kalau tu saṃkṣayaṃ prāptā pāṣaṃḍāmayapīḍitā | tvadājñayā gatā śīghraṃ vaikuṃṭhe punareva sā | smṛtamātrā tvayādyāpi muktirāyāti satvaram
Sanskrit only: no published translation is held for this verse.
पुत्रीकृत्य त्वयैमौ च स्वपार्श्वे परिरक्षितौ । उपेक्षातः कलौ मंदौ वृद्धौ जातौ सुतौ तव
putrīkṛtya tvayaimau ca svapārśve parirakṣitau | upekṣātaḥ kalau maṃdau vṛddhau jātau sutau tava
Sanskrit only: no published translation is held for this verse.
तथापि चिंतां मुंचत्वमुपायं चिंतयाम्यहम् । कलिना सदृशः कोऽपि युगो नास्ति वरानने
tathāpi ciṃtāṃ muṃcatvamupāyaṃ ciṃtayāmyaham | kalinā sadṛśaḥ ko'pi yugo nāsti varānane
Sanskrit only: no published translation is held for this verse.
तस्मिंस्त्वां ख्यापयिष्यामि गेहे गेहे जने जने । अन्यधर्मांस्तिरस्कृत्य पुरस्कृत्य महोत्सवान्
tasmiṃstvāṃ khyāpayiṣyāmi gehe gehe jane jane | anyadharmāṃstiraskṛtya puraskṛtya mahotsavān
Sanskrit only: no published translation is held for this verse.
यदि प्रवर्त्तये न त्वां तदा दासो हरेर्नहि । त्वदन्विताश्च ये जीवा भविष्यंति कलाविह
yadi pravarttaye na tvāṃ tadā dāso harernahi | tvadanvitāśca ye jīvā bhaviṣyaṃti kalāviha
Sanskrit only: no published translation is held for this verse.
पापिनोऽपि गमिष्यंति निर्भया हरिमंदिरम् । येषां चित्ते भवेद्भक्तिः सर्वदा प्रेमरूपिणी
pāpino'pi gamiṣyaṃti nirbhayā harimaṃdiram | yeṣāṃ citte bhavedbhaktiḥ sarvadā premarūpiṇī
Sanskrit only: no published translation is held for this verse.
न ते पश्यंति कीनाशं स्वप्नेऽप्यमलमूर्त्तयः । न प्रेतो न पिशाचो वा राक्षसो वासुरोपि च
na te paśyaṃti kīnāśaṃ svapne'pyamalamūrttayaḥ | na preto na piśāco vā rākṣaso vāsuropi ca
Sanskrit only: no published translation is held for this verse.
भक्तियुक्तमनस्कानां स्पर्शने दर्शने प्रभुः । न तपोभिर्न वेदैश्च न ज्ञानेनापि कर्मणा
bhaktiyuktamanaskānāṃ sparśane darśane prabhuḥ | na tapobhirna vedaiśca na jñānenāpi karmaṇā
Sanskrit only: no published translation is held for this verse.
हरिर्हि साध्यते भक्त्या प्रमाणं तत्र गोपिकाः । नृणां जन्मसहस्रेण भक्तिः सुकृतिनां भवेत्
harirhi sādhyate bhaktyā pramāṇaṃ tatra gopikāḥ | nṛṇāṃ janmasahasreṇa bhaktiḥ sukṛtināṃ bhavet
Sanskrit only: no published translation is held for this verse.
कलौ भक्तिः कलौ भक्तिर्भक्त्याकृष्णः पुरः स्थितः । भक्तिद्रोहकरा ये च ते सीदंति जगत्त्रये
kalau bhaktiḥ kalau bhaktirbhaktyākṛṣṇaḥ puraḥ sthitaḥ | bhaktidrohakarā ye ca te sīdaṃti jagattraye
Sanskrit only: no published translation is held for this verse.
दुर्वासा दुःखमापन्नः पुरा भक्तिविनिंदकः । अलं वृत्तैरलंतीर्थैरलं योगैरलं मखैः
durvāsā duḥkhamāpannaḥ purā bhaktiviniṃdakaḥ | alaṃ vṛttairalaṃtīrthairalaṃ yogairalaṃ makhaiḥ
Sanskrit only: no published translation is held for this verse.
अलं ज्ञानकथालापैर्भक्तिरेकैव मुक्तिदा । एवमुक्तं मया सा तु स्वमाहात्म्यं निशम्य वै
alaṃ jñānakathālāpairbhaktirekaiva muktidā | evamuktaṃ mayā sā tu svamāhātmyaṃ niśamya vai
Sanskrit only: no published translation is held for this verse.
सर्वांगहर्षसंयुक्ता मां पुनर्वाक्यमब्रवीत् । अहो नारद धन्योऽसि प्रीतिस्ते मयि निश्चला
sarvāṃgaharṣasaṃyuktā māṃ punarvākyamabravīt | aho nārada dhanyo'si prītiste mayi niścalā
Sanskrit only: no published translation is held for this verse.
न कदाचिन्विमुंचामि चित्तं ते मयि संगतम् । कृपालुना त्वया साधो मद्बाधा ध्वंसिता क्षणात्
na kadācinvimuṃcāmi cittaṃ te mayi saṃgatam | kṛpālunā tvayā sādho madbādhā dhvaṃsitā kṣaṇāt
Sanskrit only: no published translation is held for this verse.
पुत्रयोश्चेतना नास्ति ममेमौ प्रतिबोधय । तस्यास्तद्वचनं श्रुत्वा कारुण्येनान्वितो ह्यहम्
putrayoścetanā nāsti mamemau pratibodhaya | tasyāstadvacanaṃ śrutvā kāruṇyenānvito hyaham
Sanskrit only: no published translation is held for this verse.
तयोः प्रबोधनं कर्तुं प्रवृत्तः पाणिना स्पृशन् । मुखं संसृज्य कर्णांते शब्दमुच्चैः समुच्चरन्
tayoḥ prabodhanaṃ kartuṃ pravṛttaḥ pāṇinā spṛśan | mukhaṃ saṃsṛjya karṇāṃte śabdamuccaiḥ samuccaran
Sanskrit only: no published translation is held for this verse.
ज्ञान प्रबुद्ध्य्तां शीघ्रं वैराग्यप्रतिबुध्यताम् । वेदवेदांतघोषैश्च गीता पाठैर्मुहुर्मुहुः
jñāna prabuddhytāṃ śīghraṃ vairāgyapratibudhyatām | vedavedāṃtaghoṣaiśca gītā pāṭhairmuhurmuhuḥ
Sanskrit only: no published translation is held for this verse.
बोध्यमानौ तदा तेन कथंचिद्बोधमागतौ । नेत्रैरनवलोकंतौ जृंभंतौ सालसावुभौ
bodhyamānau tadā tena kathaṃcidbodhamāgatau | netrairanavalokaṃtau jṛṃbhaṃtau sālasāvubhau
Sanskrit only: no published translation is held for this verse.
बकवत्पलितौ प्रायः शुष्ककाष्ठसमांगकौ । क्षुत्क्षामौ तौ निरीक्ष्यैव पुनः स्वापमुपागतौ
bakavatpalitau prāyaḥ śuṣkakāṣṭhasamāṃgakau | kṣutkṣāmau tau nirīkṣyaiva punaḥ svāpamupāgatau
Sanskrit only: no published translation is held for this verse.
तदा चिंतापरोऽभूवं किं विधेयं मयेति च । अहो निद्रा कथं याति वृद्धत्वं चानयोः परम्
tadā ciṃtāparo'bhūvaṃ kiṃ vidheyaṃ mayeti ca | aho nidrā kathaṃ yāti vṛddhatvaṃ cānayoḥ param
Sanskrit only: no published translation is held for this verse.
चिंतयन्नित गोविंदं स्मरन्नासं द्विजोत्तमाः । व्योमवाणी तदैवाभून्मा ऋषे खिद्यतामिति
ciṃtayannita goviṃdaṃ smarannāsaṃ dvijottamāḥ | vyomavāṇī tadaivābhūnmā ṛṣe khidyatāmiti
Sanskrit only: no published translation is held for this verse.
उद्यमस्सफलस्ते तु भविष्यति न संशयः । एतदर्थं तु सत्कर्म सुरर्षे त्वं समाचर
udyamassaphalaste tu bhaviṣyati na saṃśayaḥ | etadarthaṃ tu satkarma surarṣe tvaṃ samācara
Sanskrit only: no published translation is held for this verse.
तत्कर्मतेऽभिधास्यंति साधवः साधुभूषणाः । सत्कर्मणि कृते तस्मिन्स्वपनं वृद्धतानयोः
tatkarmate'bhidhāsyaṃti sādhavaḥ sādhubhūṣaṇāḥ | satkarmaṇi kṛte tasminsvapanaṃ vṛddhatānayoḥ
Sanskrit only: no published translation is held for this verse.
गमिष्यति क्षणाद्भक्तिः सर्वतः प्रसरिष्यति । इत्याकाशवचः स्पष्टं निशम्यापि मया द्विजाः
gamiṣyati kṣaṇādbhaktiḥ sarvataḥ prasariṣyati | ityākāśavacaḥ spaṣṭaṃ niśamyāpi mayā dvijāḥ
Sanskrit only: no published translation is held for this verse.
न ज्ञातं यन्नभोवाण्या गोप्यत्वेन निरूपितं । किं तत्कर्म च येनैतौ भवतो ज्ञानसंयुतौ
na jñātaṃ yannabhovāṇyā gopyatvena nirūpitaṃ | kiṃ tatkarma ca yenaitau bhavato jñānasaṃyutau
Sanskrit only: no published translation is held for this verse.
क्व भविष्यंति ते संतः कथं वक्ष्यंति कर्म सत् । मयात्र किं प्रकर्त्तव्यं यदुक्तं व्योमभाषया
kva bhaviṣyaṃti te saṃtaḥ kathaṃ vakṣyaṃti karma sat | mayātra kiṃ prakarttavyaṃ yaduktaṃ vyomabhāṣayā
Sanskrit only: no published translation is held for this verse.
अथ तौ तत्र संस्थाप्य निर्गतोऽहं बहिर्द्विजाः । वृंदारण्यादपृच्छं च यत्र तत्र द्विजोत्तमान्
atha tau tatra saṃsthāpya nirgato'haṃ bahirdvijāḥ | vṛṃdāraṇyādapṛcchaṃ ca yatra tatra dvijottamān
Sanskrit only: no published translation is held for this verse.
वृत्तांतं सर्व एवाथ श्रुत्वा विस्मितमानसाः । नैवोत्तरं प्रयच्छंति ह्यनभिज्ञानभोगिरः
vṛttāṃtaṃ sarva evātha śrutvā vismitamānasāḥ | naivottaraṃ prayacchaṃti hyanabhijñānabhogiraḥ
Sanskrit only: no published translation is held for this verse.
असाध्यं केचन प्रोचुराविज्ञेयमथापरे । मूकी बभूवुरन्ये तु चिंतयानाः पुनः पुनः
asādhyaṃ kecana procurāvijñeyamathāpare | mūkī babhūvuranye tu ciṃtayānāḥ punaḥ punaḥ
Sanskrit only: no published translation is held for this verse.
वेदवेदांतघोषैश्च गीतापाठैर्मुहुर्मुहुः । बोध्यमानं त्रिकं तत्तु नोदतिष्ठदहो विधिः
vedavedāṃtaghoṣaiśca gītāpāṭhairmuhurmuhuḥ | bodhyamānaṃ trikaṃ tattu nodatiṣṭhadaho vidhiḥ
Sanskrit only: no published translation is held for this verse.
योगिना नारदेनापि स्वयं न ज्ञायते तु यत् । तत्कथं शक्यते कर्तुमितरैरिह मानुषैः । ततश्चिंतातुरश्चाहं बदरीवनमागतः
yoginā nāradenāpi svayaṃ na jñāyate tu yat | tatkathaṃ śakyate kartumitarairiha mānuṣaiḥ | tataściṃtāturaścāhaṃ badarīvanamāgataḥ
Sanskrit only: no published translation is held for this verse.
तपश्चरामि चात्रैव तदर्थं कृतनिश्चयः । तावद्ददर्श पुरतः सनकाद्यान्मुनीश्वरान् । कोटिसूर्यसमाभासानुवाच मुनिसत्तमान्
tapaścarāmi cātraiva tadarthaṃ kṛtaniścayaḥ | tāvaddadarśa purataḥ sanakādyānmunīśvarān | koṭisūryasamābhāsānuvāca munisattamān
Sanskrit only: no published translation is held for this verse.
इदानीं भूरिभागेन भवतां दर्शनं ह्यभूत् । तदुपायं महाभागा वदंतु प्रीतमानसाः
idānīṃ bhūribhāgena bhavatāṃ darśanaṃ hyabhūt | tadupāyaṃ mahābhāgā vadaṃtu prītamānasāḥ
Sanskrit only: no published translation is held for this verse.
भवंतो योगिनां श्रेष्ठा बुद्धिमंतो बहुश्रुताः । कुमारा एवपंचाब्दाः पूर्वेषामपिपूर्वजाः
bhavaṃto yogināṃ śreṣṭhā buddhimaṃto bahuśrutāḥ | kumārā evapaṃcābdāḥ pūrveṣāmapipūrvajāḥ
Sanskrit only: no published translation is held for this verse.
सदा वैकुंठनिलया हरिकीर्त्तनतत्पराः । लीलामृतकथोन्मत्ता हरिस्मरणतत्पराः
sadā vaikuṃṭhanilayā harikīrttanatatparāḥ | līlāmṛtakathonmattā harismaraṇatatparāḥ
Sanskrit only: no published translation is held for this verse.
अतो हि कालदुहिता युष्मान्नैव प्रबाधते । येषां भ्रूभंगमात्रेण द्वारपालौ हरेः पुरा
ato hi kāladuhitā yuṣmānnaiva prabādhate | yeṣāṃ bhrūbhaṃgamātreṇa dvārapālau hareḥ purā
Sanskrit only: no published translation is held for this verse.
दैत्यौ भूत्वा त्रिजन्मानि पुनस्तत्स्थानमास्थितौ । अशरीरगिरोक्तं यत्किंतत्साधनमुच्यताम्
daityau bhūtvā trijanmāni punastatsthānamāsthitau | aśarīragiroktaṃ yatkiṃtatsādhanamucyatām
Sanskrit only: no published translation is held for this verse.
अनुष्ठेयं यथा यत्र प्रब्रुवंतु कृपालवः । भक्तिज्ञानविरागाणांसुखमुत्पद्यतेयथा । ख्यातिर्वः सर्वलोकेषु तथा साधूच्यतां बुधाः
anuṣṭheyaṃ yathā yatra prabruvaṃtu kṛpālavaḥ | bhaktijñānavirāgāṇāṃsukhamutpadyateyathā | khyātirvaḥ sarvalokeṣu tathā sādhūcyatāṃ budhāḥ
Sanskrit only: no published translation is held for this verse.
कुमारा ऊचुः- मा चिंतां कुरु देवर्षे स्वचित्ते हर्षमावह । उपायः सुखासाध्योऽत्र विद्यते विश्वसौख्यदः
kumārā ūcuḥ- mā ciṃtāṃ kuru devarṣe svacitte harṣamāvaha | upāyaḥ sukhāsādhyo'tra vidyate viśvasaukhyadaḥ
Sanskrit only: no published translation is held for this verse.
अहो नारद धन्योऽसि विरक्तानां शिरोमणिः । श्रीकृष्णप्रेमपात्राणामग्रणीर्वदतां वरः 6.194.५०। त्वयि चित्रं न देवर्षे भक्तिसाधनतत्परे । उचितं कृष्णदासानां भक्तेः संचारणं भुवि
aho nārada dhanyo'si viraktānāṃ śiromaṇiḥ | śrīkṛṣṇapremapātrāṇāmagraṇīrvadatāṃ varaḥ 6.194.50| tvayi citraṃ na devarṣe bhaktisādhanatatpare | ucitaṃ kṛṣṇadāsānāṃ bhakteḥ saṃcāraṇaṃ bhuvi
Sanskrit only: no published translation is held for this verse.
ऋषिभिर्बहुधा लोके उपायाः सिद्धये कृताः । श्रमसाध्याश्च ते सर्वे प्रायः स्वर्गफलप्रदाः
ṛṣibhirbahudhā loke upāyāḥ siddhaye kṛtāḥ | śramasādhyāśca te sarve prāyaḥ svargaphalapradāḥ
Sanskrit only: no published translation is held for this verse.
वैकुंठसाधकः पंथा गुप्तो लोकेषु वर्त्तते । तस्योपदेशकः साधुः प्रायो भाग्येन लभ्यते
vaikuṃṭhasādhakaḥ paṃthā gupto lokeṣu varttate | tasyopadeśakaḥ sādhuḥ prāyo bhāgyena labhyate
Sanskrit only: no published translation is held for this verse.
यत्ते सत्कर्म निर्दिष्टं व्योमवाचा मुनीश्वर । तज्ज्ञेयमिह सर्वज्ञैर्ज्ञानयज्ञः पुरातनैः
yatte satkarma nirdiṣṭaṃ vyomavācā munīśvara | tajjñeyamiha sarvajñairjñānayajñaḥ purātanaiḥ
Sanskrit only: no published translation is held for this verse.
श्रीमद्भागवतालापो ज्ञानयज्ञः शुकोदितः । भक्तिज्ञानविरागाणां सुखदः प्रतिभाति नः
śrīmadbhāgavatālāpo jñānayajñaḥ śukoditaḥ | bhaktijñānavirāgāṇāṃ sukhadaḥ pratibhāti naḥ
Sanskrit only: no published translation is held for this verse.
कलिदोषा इमे सर्वे श्रीमद्भागवत ध्वनेः । प्रभीताः प्रलयायंते सिंहशब्दाद्वृका इव
kalidoṣā ime sarve śrīmadbhāgavata dhvaneḥ | prabhītāḥ pralayāyaṃte siṃhaśabdādvṛkā iva
Sanskrit only: no published translation is held for this verse.
ज्ञानवैराग्यसंयुक्ता भक्तिः प्रेमरसावहा । प्रतिगेहं प्रतिजनं सुखक्रीडां करिष्यति
jñānavairāgyasaṃyuktā bhaktiḥ premarasāvahā | pratigehaṃ pratijanaṃ sukhakrīḍāṃ kariṣyati
Sanskrit only: no published translation is held for this verse.
सूत उवाच- कुमारोक्तं समाकर्ण्य नारदः प्रीतमानसः । पुनः प्रोवाच भगवांस्तदुत्कर्षं विभावयन्
sūta uvāca- kumāroktaṃ samākarṇya nāradaḥ prītamānasaḥ | punaḥ provāca bhagavāṃstadutkarṣaṃ vibhāvayan
Sanskrit only: no published translation is held for this verse.
नारद उवाच- वेदवेदांतघोषैश्च गीतापाठैः प्रबोधितम् । नोदतिष्ठत्त्रिकं तत्तु कलिदोषतिरस्कृतम्
nārada uvāca- vedavedāṃtaghoṣaiśca gītāpāṭhaiḥ prabodhitam | nodatiṣṭhattrikaṃ tattu kalidoṣatiraskṛtam
Sanskrit only: no published translation is held for this verse.
कथं भागवतालापात्तद्विबोधमिहैष्यति । छिंदंतु संशयं ह्येनं भवंतोऽमोघदर्शनाः
kathaṃ bhāgavatālāpāttadvibodhamihaiṣyati | chiṃdaṃtu saṃśayaṃ hyenaṃ bhavaṃto'moghadarśanāḥ
Sanskrit only: no published translation is held for this verse.
विलंबो नात्र कर्त्तव्यः शरणागतवत्सलाः । ततस्ते सनकाद्यास्तु विरक्ता ह्यूर्द्ध्वरेतसः
vilaṃbo nātra karttavyaḥ śaraṇāgatavatsalāḥ | tataste sanakādyāstu viraktā hyūrddhvaretasaḥ
Sanskrit only: no published translation is held for this verse.
सिद्धाः सनातना विप्रा नारदं प्रोचुरादरात्
siddhāḥ sanātanā viprā nāradaṃ procurādarāt
Sanskrit only: no published translation is held for this verse.
कुमारा ऊचुः । वेदोपनिषदां साराज्जाता भागवती कथा । अत्युत्तमा ततो भाति पृथग्भूता फलोन्नतिः
kumārā ūcuḥ | vedopaniṣadāṃ sārājjātā bhāgavatī kathā | atyuttamā tato bhāti pṛthagbhūtā phalonnatiḥ
Sanskrit only: no published translation is held for this verse.
आमूलाग्रं रसोस्त्येव रसालस्य यथा फले । पृथग्भूतं तु पानेन यथा विश्वमनोहरः
āmūlāgraṃ rasostyeva rasālasya yathā phale | pṛthagbhūtaṃ tu pānena yathā viśvamanoharaḥ
Sanskrit only: no published translation is held for this verse.
यथा दुग्धेस्थितं सर्पिर्न च स्वादूपकल्प्यते । पृथग्भूतं तु तद्दिव्यं देवानां प्रीतिवर्द्धनम्
yathā dugdhesthitaṃ sarpirna ca svādūpakalpyate | pṛthagbhūtaṃ tu taddivyaṃ devānāṃ prītivarddhanam
Sanskrit only: no published translation is held for this verse.
इक्षुष्विवादिमध्यांतं शर्करा व्याप्य तिष्ठति । पृथग्भूता तु सा मिष्टा तथा भागवती कथा
ikṣuṣvivādimadhyāṃtaṃ śarkarā vyāpya tiṣṭhati | pṛthagbhūtā tu sā miṣṭā tathā bhāgavatī kathā
Sanskrit only: no published translation is held for this verse.
श्रीमद्भागवतं नाम पुराणं रसमेव हि । भक्तिज्ञानविरागाणां सौख्यायैव प्रकाशितम्
śrīmadbhāgavataṃ nāma purāṇaṃ rasameva hi | bhaktijñānavirāgāṇāṃ saukhyāyaiva prakāśitam
Sanskrit only: no published translation is held for this verse.
कृष्णेन ब्रह्मणे नाभिकंजस्थाय हृदैव हि । तच्चतुःश्लोकमखिलं ब्रह्मैव प्रतिभासते
kṛṣṇena brahmaṇe nābhikaṃjasthāya hṛdaiva hi | taccatuḥślokamakhilaṃ brahmaiva pratibhāsate
Sanskrit only: no published translation is held for this verse.
तुभ्यं च ब्रह्मणा प्रोक्तं तच्चरित्रनिदर्शनम् । त्वयापि व्यासदेवाय प्रोक्तं तत्तापहानये
tubhyaṃ ca brahmaṇā proktaṃ taccaritranidarśanam | tvayāpi vyāsadevāya proktaṃ tattāpahānaye
Sanskrit only: no published translation is held for this verse.
यदीयस्मरणात्सद्यो निर्विण्णो बादरायणः । चकार महदाख्यातुमात्माराम मनोहरम्
yadīyasmaraṇātsadyo nirviṇṇo bādarāyaṇaḥ | cakāra mahadākhyātumātmārāma manoharam
Sanskrit only: no published translation is held for this verse.
अत्र ते विस्मयः केन येन पृच्छेः पुनः पुनः । श्रीमद्भागवतं शास्त्रं क्षमं कृष्णानुकर्षणे
atra te vismayaḥ kena yena pṛccheḥ punaḥ punaḥ | śrīmadbhāgavataṃ śāstraṃ kṣamaṃ kṛṣṇānukarṣaṇe
Sanskrit only: no published translation is held for this verse.
सूत उवाच- एतन्निशम्य वचनं समुदाहृतं तु योगीश्वरैः सनकमुख्यतमैरभीष्टम् । भक्त्या विधृत्य चरणं च प्रणम्य मूर्ध्ना हृष्टो जगाद जगदाधिनिवर्त्तकांस्तान्
sūta uvāca- etanniśamya vacanaṃ samudāhṛtaṃ tu yogīśvaraiḥ sanakamukhyatamairabhīṣṭam | bhaktyā vidhṛtya caraṇaṃ ca praṇamya mūrdhnā hṛṣṭo jagāda jagadādhinivarttakāṃstān
Sanskrit only: no published translation is held for this verse.
नारद उवाच-। संदर्शनं च भवतां विनिहंत्यघौघं श्रेयस्तनोति भवदुःखदवार्दितानाम् । निःशेषशेषमुखगीतकथैकपानात्प्रेमप्रकाशनकृते शरणं गतो वः
nārada uvāca-| saṃdarśanaṃ ca bhavatāṃ vinihaṃtyaghaughaṃ śreyastanoti bhavaduḥkhadavārditānām | niḥśeṣaśeṣamukhagītakathaikapānātpremaprakāśanakṛte śaraṇaṃ gato vaḥ
Sanskrit only: no published translation is held for this verse.
पुण्योदयेन बहुजन्मसमर्जितेन सत्संगमो यदि भवेत्कृतिनो जनस्य । अज्ञानहेतुकृतमोहमहांधकारो नश्येत्तदा ह्युदयमेति महान्विवेकः
puṇyodayena bahujanmasamarjitena satsaṃgamo yadi bhavetkṛtino janasya | ajñānahetukṛtamohamahāṃdhakāro naśyettadā hyudayameti mahānvivekaḥ
Sanskrit only: no published translation is held for this verse.
इति श्रीपाद्मेमहापुराणे पंचपंचाशत्साहस्रयां संहितायामुत्तरखंडे। श्रीभागवतमाहात्म्ये चतुर्नवत्यधिकशततमोऽध्यायः
iti śrīpādmemahāpurāṇe paṃcapaṃcāśatsāhasrayāṃ saṃhitāyāmuttarakhaṃḍe| śrībhāgavatamāhātmye caturnavatyadhikaśatatamo'dhyāyaḥ
Sanskrit only: no published translation is held for this verse.