Padma Purāṇa 6.195

सूत उवाच- अथ देवऋषिस्तत्र कुमाराननुमान्य च । उवाच प्रणतो वाक्यं ज्ञानयज्ञ कृतादरः

sūta uvāca- atha devaṛṣistatra kumārānanumānya ca | uvāca praṇato vākyaṃ jñānayajña kṛtādaraḥ

Sanskrit only: no published translation is held for this verse.

नारद उवाच- ज्ञानयज्ञं करिष्यामि शुकशास्त्र कथोज्वलम् । भक्ति ज्ञान विरागाणां स्थापनार्थे प्रयत्नतः

nārada uvāca- jñānayajñaṃ kariṣyāmi śukaśāstra kathojvalam | bhakti jñāna virāgāṇāṃ sthāpanārthe prayatnataḥ

Sanskrit only: no published translation is held for this verse.

यत्र कार्यो मया यज्ञः स्थानं तत्कथ्यतां द्विजाः । चत्वारो यज्ञवाहाश्च यूयमेव वृता मया

yatra kāryo mayā yajñaḥ sthānaṃ tatkathyatāṃ dvijāḥ | catvāro yajñavāhāśca yūyameva vṛtā mayā

Sanskrit only: no published translation is held for this verse.

कियद्भिर्दिवसैः श्राव्या श्रीमद्भागवती कथा । को विधिस्तत्र कर्तव्यो ज्ञानयज्ञविशारदाः

kiyadbhirdivasaiḥ śrāvyā śrīmadbhāgavatī kathā | ko vidhistatra kartavyo jñānayajñaviśāradāḥ

Sanskrit only: no published translation is held for this verse.

कुमारा ऊचुः। शृणु नारद वक्ष्यामस्तुभ्यं यत्र कथा नृणाम् । शृण्वतां पापराशिघ्नो भवेत्पुण्यविबर्द्विनी

kumārā ūcuḥ| śṛṇu nārada vakṣyāmastubhyaṃ yatra kathā nṛṇām | śṛṇvatāṃ pāparāśighno bhavetpuṇyavibardvinī

Sanskrit only: no published translation is held for this verse.

गंगाद्वार समीपे तु कामदाख्यं पुरं महत्

gaṃgādvāra samīpe tu kāmadākhyaṃ puraṃ mahat

Sanskrit only: no published translation is held for this verse.

स्वर्णद्याश्चोत्तरे पुण्ये तटमानंदनामकम् । नानाऋषिगणैर्जुष्टं देवसिद्धनिषेवितम्

svarṇadyāścottare puṇye taṭamānaṃdanāmakam | nānāṛṣigaṇairjuṣṭaṃ devasiddhaniṣevitam

Sanskrit only: no published translation is held for this verse.

नाना तरुलताकीर्णं स्वच्छकोमल वालुकम् । रम्यमेकांतदेशस्थं स्वर्णपंकज शोभितम्

nānā tarulatākīrṇaṃ svacchakomala vālukam | ramyamekāṃtadeśasthaṃ svarṇapaṃkaja śobhitam

Sanskrit only: no published translation is held for this verse.

यत्समीपस्थजीवानां क्षेत्रस्यैव प्रभावतः । मिथः संस्निग्धचित्तानां वैरं चेतसि न स्थितम्

yatsamīpasthajīvānāṃ kṣetrasyaiva prabhāvataḥ | mithaḥ saṃsnigdhacittānāṃ vairaṃ cetasi na sthitam

Sanskrit only: no published translation is held for this verse.

ज्ञानयज्ञस्त्वया तत्र कर्त्तव्यो हि प्रयत्नतः । अपूर्व रसदात्री च कथा तत्र भविष्यति

jñānayajñastvayā tatra karttavyo hi prayatnataḥ | apūrva rasadātrī ca kathā tatra bhaviṣyati

Sanskrit only: no published translation is held for this verse.

वृंदावनप्रतोलिस्थं जराजीर्ण कलेवरम् । सुतद्वयं पुरस्कृत्य भक्तिस्तत्रागमिष्यति

vṛṃdāvanapratolisthaṃ jarājīrṇa kalevaram | sutadvayaṃ puraskṛtya bhaktistatrāgamiṣyati

Sanskrit only: no published translation is held for this verse.

यत्र भागवती वार्ता भक्तिस्तत्र सहात्मजा । कृष्णकीर्तिसुधां पीत्वा तरुणी वा भविष्यति

yatra bhāgavatī vārtā bhaktistatra sahātmajā | kṛṣṇakīrtisudhāṃ pītvā taruṇī vā bhaviṣyati

Sanskrit only: no published translation is held for this verse.

सूत उवाच- एवमुक्त्वा कुमारास्ते नारदेन समंततः । गंगाद्वारे समाजग्मुर्ज्ञानयज्ञाय सत्वराः

sūta uvāca- evamuktvā kumārāste nāradena samaṃtataḥ | gaṃgādvāre samājagmurjñānayajñāya satvarāḥ

Sanskrit only: no published translation is held for this verse.

यदा प्राप्तास्तटं ते तु गंगाया भार्गवर्षभ । तदा कोलाहलश्चासीद्भूर्लोकादिक सप्तसु

yadā prāptāstaṭaṃ te tu gaṃgāyā bhārgavarṣabha | tadā kolāhalaścāsīdbhūrlokādika saptasu

Sanskrit only: no published translation is held for this verse.

श्रीमद्भागवतास्वादलंपटा साप्तलौकिकाः । धावं धावं समाजग्मुः प्राचीना वैष्णवाश्च ये

śrīmadbhāgavatāsvādalaṃpaṭā sāptalaukikāḥ | dhāvaṃ dhāvaṃ samājagmuḥ prācīnā vaiṣṇavāśca ye

Sanskrit only: no published translation is held for this verse.

भृगुर्वसिष्ठश्च्यवनश्च गौतमो मेधातिथिर्देबलदेवरातौ । रामस्तथागाधिज शाकलौ च मृकंडपुत्रात्रिज पिप्पलादाः

bhṛgurvasiṣṭhaścyavanaśca gautamo medhātithirdebaladevarātau | rāmastathāgādhija śākalau ca mṛkaṃḍaputrātrija pippalādāḥ

Sanskrit only: no published translation is held for this verse.

योगेश्वरौ व्यासपराशरौ च शुकादयो भागवतप्रधानाः । शिष्यैरुपेता बहुशास्त्रविज्ञाः कृष्णामृतास्वाद कृतौ प्रधानाः

yogeśvarau vyāsaparāśarau ca śukādayo bhāgavatapradhānāḥ | śiṣyairupetā bahuśāstravijñāḥ kṛṣṇāmṛtāsvāda kṛtau pradhānāḥ

Sanskrit only: no published translation is held for this verse.

वेदांतानि च वेदाश्च मंत्रास्तंत्राणि संहिताः । दशसप्तपुराणानि षट्शास्त्राणि तथाययुः

vedāṃtāni ca vedāśca maṃtrāstaṃtrāṇi saṃhitāḥ | daśasaptapurāṇāni ṣaṭśāstrāṇi tathāyayuḥ

Sanskrit only: no published translation is held for this verse.

गंगाद्याः सरितस्तत्र पुष्करादि सरांसि च । क्षेत्राणि च दिशः सर्वा दंडकादि वनानि च

gaṃgādyāḥ saritastatra puṣkarādi sarāṃsi ca | kṣetrāṇi ca diśaḥ sarvā daṃḍakādi vanāni ca

Sanskrit only: no published translation is held for this verse.

हिमादयो नगास्तत्र देवगंधर्वकिन्नराः । द्वीपाः समुद्रा दिक्पालाः पातालस्थास्तथाययुः

himādayo nagāstatra devagaṃdharvakinnarāḥ | dvīpāḥ samudrā dikpālāḥ pātālasthāstathāyayuḥ

Sanskrit only: no published translation is held for this verse.

दीक्षायां नारदेनाथ दत्तमासनमुत्तमम् । कुमारा वंदिता सर्वे निषेदुः कृष्णतत्पराः२१। वैष्णवाः सुविरक्ताश्च न्यासिनो ब्रह्मचारिणः । मुख्या ह्यग्रेस्थिता स्तेषां पुरतो नारदः स्थितः

dīkṣāyāṃ nāradenātha dattamāsanamuttamam | kumārā vaṃditā sarve niṣeduḥ kṛṣṇatatparāḥ21| vaiṣṇavāḥ suviraktāśca nyāsino brahmacāriṇaḥ | mukhyā hyagresthitā steṣāṃ purato nāradaḥ sthitaḥ

Sanskrit only: no published translation is held for this verse.

वामभागेमुनिगणादक्षिणेचदिवौकसः । वेदोपनिषदोऽन्यत्रतीर्थानिचभृगूद्वह

vāmabhāgemunigaṇādakṣiṇecadivaukasaḥ | vedopaniṣado'nyatratīrthānicabhṛgūdvaha

Sanskrit only: no published translation is held for this verse.

जयशब्दोनमः शब्दःशंखशब्दस्तथैवच । बभूवाकाशसंस्पर्शीघोषयन्विदिशोदश

jayaśabdonamaḥ śabdaḥśaṃkhaśabdastathaivaca | babhūvākāśasaṃsparśīghoṣayanvidiśodaśa

Sanskrit only: no published translation is held for this verse.

विमानानिसमारुह्यप्रहृष्टानाकवासिनः । कल्पवृक्षप्रसूनैश्चतांसभांसमवाकिरन्

vimānānisamāruhyaprahṛṣṭānākavāsinaḥ | kalpavṛkṣaprasūnaiścatāṃsabhāṃsamavākiran

Sanskrit only: no published translation is held for this verse.

सूतउवाच- एवंतेषुनिविष्टेषुभृग्वादिषुयथार्हतः । श्रीभागवतमाहात्म्यमूचिरेनारदायते

sūtauvāca- evaṃteṣuniviṣṭeṣubhṛgvādiṣuyathārhataḥ | śrībhāgavatamāhātmyamūcirenāradāyate

Sanskrit only: no published translation is held for this verse.

कुमारा ऊचुः। शृणु नारद वक्ष्यामो महिमानं महाद्भुतम् । श्रीमद्भागवताख्यस्य शास्त्रस्य विधिपूर्वकम्

kumārā ūcuḥ| śṛṇu nārada vakṣyāmo mahimānaṃ mahādbhutam | śrīmadbhāgavatākhyasya śāstrasya vidhipūrvakam

Sanskrit only: no published translation is held for this verse.

सदा नरैः सुकृतिभिः सेव्या भागवती कथा । यस्याः श्रवणमात्रेण कृतार्थत्वं प्रयांति ते

sadā naraiḥ sukṛtibhiḥ sevyā bhāgavatī kathā | yasyāḥ śravaṇamātreṇa kṛtārthatvaṃ prayāṃti te

Sanskrit only: no published translation is held for this verse.

ग्रंथो ऽष्टादशसाहस्रो द्वादशस्कंध संयुतः । परीक्षिच्छुकसंवादः श्रीमद्भागवताभिधः

graṃtho 'ṣṭādaśasāhasro dvādaśaskaṃdha saṃyutaḥ | parīkṣicchukasaṃvādaḥ śrīmadbhāgavatābhidhaḥ

Sanskrit only: no published translation is held for this verse.

तावत्संसारचक्रेस्मिन्भ्रमत्यज्ञानमोहितः । यावत्कर्णगतंनोस्याच्छुकशास्त्रं जनस्य च

tāvatsaṃsāracakresminbhramatyajñānamohitaḥ | yāvatkarṇagataṃnosyācchukaśāstraṃ janasya ca

Sanskrit only: no published translation is held for this verse.

किं श्रुतैर्बहुभिः शास्त्रैः पुराणैः संहितागमैः । यदि भागवतं पुंभिर्न श्रुतं भक्तिभावनैः

kiṃ śrutairbahubhiḥ śāstraiḥ purāṇaiḥ saṃhitāgamaiḥ | yadi bhāgavataṃ puṃbhirna śrutaṃ bhaktibhāvanaiḥ

Sanskrit only: no published translation is held for this verse.

कथा भागवतस्यापि नित्यं भवति यद्गृहे । तद्गृहं तीर्थरूपं हि नृणां पापविनाशनम्

kathā bhāgavatasyāpi nityaṃ bhavati yadgṛhe | tadgṛhaṃ tīrtharūpaṃ hi nṛṇāṃ pāpavināśanam

Sanskrit only: no published translation is held for this verse.

अश्वमेधसहस्राणि राजसूयशतानि च । भागवत्याः कथायाश्च कलां नार्हंति षोडशीम्

aśvamedhasahasrāṇi rājasūyaśatāni ca | bhāgavatyāḥ kathāyāśca kalāṃ nārhaṃti ṣoḍaśīm

Sanskrit only: no published translation is held for this verse.

तावत्पापानि तिष्ठंति देहेऽस्मिन्मुनिपुंगव । यावन्न श्रूयते सम्यक्श्रीमद्भागवतं नरैः

tāvatpāpāni tiṣṭhaṃti dehe'sminmunipuṃgava | yāvanna śrūyate samyakśrīmadbhāgavataṃ naraiḥ

Sanskrit only: no published translation is held for this verse.

न गंगा न गया काशी प्रतिष्ठानं न पुष्करः । कथाया भागवत्याश्च समा पुण्यफलेन च

na gaṃgā na gayā kāśī pratiṣṭhānaṃ na puṣkaraḥ | kathāyā bhāgavatyāśca samā puṇyaphalena ca

Sanskrit only: no published translation is held for this verse.

श्लोकार्द्धं श्लोकपादं वा नित्यं भागवतोद्भवम् । पठस्व स्वमुखेनापि यदीच्छसि भवक्षयम्

ślokārddhaṃ ślokapādaṃ vā nityaṃ bhāgavatodbhavam | paṭhasva svamukhenāpi yadīcchasi bhavakṣayam

Sanskrit only: no published translation is held for this verse.

वेदादिर्वेदमाता च पौरुषंसूक्तमेव च । त्रयी भागवतं चैव द्वादशाष्टाक्षरौ मनू

vedādirvedamātā ca pauruṣaṃsūktameva ca | trayī bhāgavataṃ caiva dvādaśāṣṭākṣarau manū

Sanskrit only: no published translation is held for this verse.

द्वादशात्मा प्रयागश्च कालः संवत्सरात्मकः । ब्राह्मणश्चाग्निहोत्रं च सुरभिर्द्वादशी तिथिः

dvādaśātmā prayāgaśca kālaḥ saṃvatsarātmakaḥ | brāhmaṇaścāgnihotraṃ ca surabhirdvādaśī tithiḥ

Sanskrit only: no published translation is held for this verse.

तुलसी च वसंतर्तुः पुरुषोत्तम एव च । एतेषां वस्तुतो नास्ति पृथग्भावो मुनीश्वर

tulasī ca vasaṃtartuḥ puruṣottama eva ca | eteṣāṃ vastuto nāsti pṛthagbhāvo munīśvara

Sanskrit only: no published translation is held for this verse.

यश्च भागवतं शास्त्रं व्याकुर्यादन्वहं द्विज । जन्मकोटिकृतं पापं तस्य नश्यति नारद

yaśca bhāgavataṃ śāstraṃ vyākuryādanvahaṃ dvija | janmakoṭikṛtaṃ pāpaṃ tasya naśyati nārada

Sanskrit only: no published translation is held for this verse.

श्रुतं च पठितं ध्यातं श्रीमद्भागवतं नृभिः । ददाति मुक्तिं भक्तिं वा तुलस्यग्न्योश्च सेवनम्

śrutaṃ ca paṭhitaṃ dhyātaṃ śrīmadbhāgavataṃ nṛbhiḥ | dadāti muktiṃ bhaktiṃ vā tulasyagnyośca sevanam

Sanskrit only: no published translation is held for this verse.

अंतकाले तु संप्राप्ते भयं त्यक्त्वा सुदूरतः । श्रीमद्भागवतं भक्त्या शृणुयाद्यः स मुक्तिभाक्

aṃtakāle tu saṃprāpte bhayaṃ tyaktvā sudūrataḥ | śrīmadbhāgavataṃ bhaktyā śṛṇuyādyaḥ sa muktibhāk

Sanskrit only: no published translation is held for this verse.

प्रौष्ठपद्यां च राकायां हेमसिंह समन्वितम् । अलंकृत्य द्विजाग्र्याय श्रीमद्भागवतं ददेत्

prauṣṭhapadyāṃ ca rākāyāṃ hemasiṃha samanvitam | alaṃkṛtya dvijāgryāya śrīmadbhāgavataṃ dadet

Sanskrit only: no published translation is held for this verse.

भक्तियुक्तो विमानश्च मिताशी च जितेंद्रियः । श्रुत्वादितः स कृष्णस्य सायुज्यं लोकमाप्नुयात्

bhaktiyukto vimānaśca mitāśī ca jiteṃdriyaḥ | śrutvāditaḥ sa kṛṣṇasya sāyujyaṃ lokamāpnuyāt

Sanskrit only: no published translation is held for this verse.

आजन्ममात्रमपि येन शठेन चित्तं सम्यङ्नियम्य भुवि कृष्णकथा न पीता । चांडालवच्च पशुवद्बत तेन नीतं मिथ्या स्वजन्म जननी भृशमर्दिता च

ājanmamātramapi yena śaṭhena cittaṃ samyaṅniyamya bhuvi kṛṣṇakathā na pītā | cāṃḍālavacca paśuvadbata tena nītaṃ mithyā svajanma jananī bhṛśamarditā ca

Sanskrit only: no published translation is held for this verse.

यैर्न श्रुतं भागवतं पुराणमाराधितो नो पुरुषः पुराणः । मुखे हुतं नैव धरामराणां तेषां वृथा जन्म गतं नराणाम्

yairna śrutaṃ bhāgavataṃ purāṇamārādhito no puruṣaḥ purāṇaḥ | mukhe hutaṃ naiva dharāmarāṇāṃ teṣāṃ vṛthā janma gataṃ narāṇām

Sanskrit only: no published translation is held for this verse.

चित्तं न यस्य तु नरस्य हरेः कथायां संप्रीयते दुरितदुष्टमसत्प्रसंगात् । धिक्तं नरं पशुसमं भुविभारभूतमेवं वदंति मुनयः किल पूर्वसिद्धाः

cittaṃ na yasya tu narasya hareḥ kathāyāṃ saṃprīyate duritaduṣṭamasatprasaṃgāt | dhiktaṃ naraṃ paśusamaṃ bhuvibhārabhūtamevaṃ vadaṃti munayaḥ kila pūrvasiddhāḥ

Sanskrit only: no published translation is held for this verse.

दुर्ल्लभैव कथा लोके श्रीमद्भागवतोद्भवा । कोटिजन्मसमुत्थेन पुण्येनैव तु लभ्यते

durllabhaiva kathā loke śrīmadbhāgavatodbhavā | koṭijanmasamutthena puṇyenaiva tu labhyate

Sanskrit only: no published translation is held for this verse.

तेन योगनिधे साधो श्रोतव्या सात्वती कथा । प्रत्यहं नियमो नास्ति दिनानां वस्तुतो द्विज

tena yoganidhe sādho śrotavyā sātvatī kathā | pratyahaṃ niyamo nāsti dinānāṃ vastuto dvija

Sanskrit only: no published translation is held for this verse.

सत्येन ब्रह्मचर्येण यतोऽस्य श्रवणं मतम् । ततः कलौ विशेषो हि विधिः सप्तदिनात्मकः 6.195.५०। मनसश्चाजयाद्रोगात्पुंसां चैवायुषः क्षयात् । कलेर्दोषबहुत्वाच्च सप्ताहश्रवणंमतम्

satyena brahmacaryeṇa yato'sya śravaṇaṃ matam | tataḥ kalau viśeṣo hi vidhiḥ saptadinātmakaḥ 6.195.50| manasaścājayādrogātpuṃsāṃ caivāyuṣaḥ kṣayāt | kalerdoṣabahutvācca saptāhaśravaṇaṃmatam

Sanskrit only: no published translation is held for this verse.

मनसो निग्रहश्चैव नियमाचरणं तथा । कर्तुं सप्तदिनं शक्यं ततो नियमकल्पना

manaso nigrahaścaiva niyamācaraṇaṃ tathā | kartuṃ saptadinaṃ śakyaṃ tato niyamakalpanā

Sanskrit only: no published translation is held for this verse.

श्रद्धया श्रवणे नित्यमाद्यंतावधि यत्फलम् । तत्फलं शुकदेवेन सप्ताहश्रवणे कृतम्

śraddhayā śravaṇe nityamādyaṃtāvadhi yatphalam | tatphalaṃ śukadevena saptāhaśravaṇe kṛtam

Sanskrit only: no published translation is held for this verse.

यत्फलं नास्ति तपसा न योगेन समाधिना । अनायासेन तत्सर्वं सप्ताह श्रवणाल्लभेत्

yatphalaṃ nāsti tapasā na yogena samādhinā | anāyāsena tatsarvaṃ saptāha śravaṇāllabhet

Sanskrit only: no published translation is held for this verse.

यज्ञाद्व्रताच्च तपसो ध्यानाज्ज्ञानाच्च तीर्थतः । श्रीभागवतसप्ताह नियमो ह्युत्तमो मतः

yajñādvratācca tapaso dhyānājjñānācca tīrthataḥ | śrībhāgavatasaptāha niyamo hyuttamo mataḥ

Sanskrit only: no published translation is held for this verse.

यदा कृष्णो भुवं त्यक्त्वा स्वपदं गंतुमुद्यतः । तदाज्ञायोद्धवो धीमान्गोविंदं वाक्यमब्रवीत्

yadā kṛṣṇo bhuvaṃ tyaktvā svapadaṃ gaṃtumudyataḥ | tadājñāyoddhavo dhīmāngoviṃdaṃ vākyamabravīt

Sanskrit only: no published translation is held for this verse.

उद्धव उवाच- भगवन्भवता सर्वं देवकार्यं प्रसाधितम् । अधुना गंतुमिच्छुस्त्वं स्वंपदं तमसः परम्

uddhava uvāca- bhagavanbhavatā sarvaṃ devakāryaṃ prasādhitam | adhunā gaṃtumicchustvaṃ svaṃpadaṃ tamasaḥ param

Sanskrit only: no published translation is held for this verse.

अतश्चिंता ममोत्पन्ना त्वद्वियोग भिया विभो । तामपाकुरु देवेश त्वामहं शरणं गतः

ataściṃtā mamotpannā tvadviyoga bhiyā vibho | tāmapākuru deveśa tvāmahaṃ śaraṇaṃ gataḥ

Sanskrit only: no published translation is held for this verse.

आगतोऽयं कलिर्घोरोऽत्र सर्वेऽपि जनाः खलाः । भविष्यंति ततो नाथ किं विधेयं तदादिश

āgato'yaṃ kalirghoro'tra sarve'pi janāḥ khalāḥ | bhaviṣyaṃti tato nātha kiṃ vidheyaṃ tadādiśa

Sanskrit only: no published translation is held for this verse.

इयं भारवती भूमिः शरणं किं प्रयास्यति । त्वदन्यो दृश्यते नात्र त्राता स्याद् यदुनंदन

iyaṃ bhāravatī bhūmiḥ śaraṇaṃ kiṃ prayāsyati | tvadanyo dṛśyate nātra trātā syād yadunaṃdana

Sanskrit only: no published translation is held for this verse.

अतोऽस्मासु दयां कृत्वा तिष्ठात्रैव दयानिधे । साधूनां रक्षणायैव त्वमाविरभवः प्रभो

ato'smāsu dayāṃ kṛtvā tiṣṭhātraiva dayānidhe | sādhūnāṃ rakṣaṇāyaiva tvamāvirabhavaḥ prabho

Sanskrit only: no published translation is held for this verse.

निर्गुणोऽपि निराकारः सच्चिदानंदविग्रहः । त्वद्वियोगेन ते भक्ताः कथं स्थास्यंति भूतले

nirguṇo'pi nirākāraḥ saccidānaṃdavigrahaḥ | tvadviyogena te bhaktāḥ kathaṃ sthāsyaṃti bhūtale

Sanskrit only: no published translation is held for this verse.

निर्गुणोपासने कष्टमतोऽस्मद्धितमाचर । सूत उवाच-। इत्युद्धववचः श्रुत्वा चिंतयित्वा क्षणं हरिः

nirguṇopāsane kaṣṭamato'smaddhitamācara | sūta uvāca-| ityuddhavavacaḥ śrutvā ciṃtayitvā kṣaṇaṃ hariḥ

Sanskrit only: no published translation is held for this verse.

ददौ भागवतं तस्मै कृपया परया युतः । निजं तेजः समाधाय श्रीमद्भागवते द्विज

dadau bhāgavataṃ tasmai kṛpayā parayā yutaḥ | nijaṃ tejaḥ samādhāya śrīmadbhāgavate dvija

Sanskrit only: no published translation is held for this verse.

दत्वोद्धवाय भगवान्स्वकीयं पदमाविशत् । तेनेयं वाङ्मयी मूर्तिर्वर्त्तते श्रीहरेरिह

datvoddhavāya bhagavānsvakīyaṃ padamāviśat | teneyaṃ vāṅmayī mūrtirvarttate śrīhareriha

Sanskrit only: no published translation is held for this verse.

सेवनात्सततं चास्याः पापं नश्येन्नृणां क्षणात् । सप्ताहश्रवणं तेन कथितं सर्वतोऽधिकम्

sevanātsatataṃ cāsyāḥ pāpaṃ naśyennṛṇāṃ kṣaṇāt | saptāhaśravaṇaṃ tena kathitaṃ sarvato'dhikam

Sanskrit only: no published translation is held for this verse.

श्रोता वक्ता पृच्छकश्च यांति तन्मयतां द्विज । दुःखदारिद्र्य दौर्भाग्य पाप प्रक्षालनाय च

śrotā vaktā pṛcchakaśca yāṃti tanmayatāṃ dvija | duḥkhadāridrya daurbhāgya pāpa prakṣālanāya ca

Sanskrit only: no published translation is held for this verse.

कामक्रोध जयार्थं च कलौ भागवतं क्षमम् । अन्यथा वैष्णवी माया देवानामपि दुर्जया । कथं निवर्तते पुंसां श्रीमद्भागवतं विना

kāmakrodha jayārthaṃ ca kalau bhāgavataṃ kṣamam | anyathā vaiṣṇavī māyā devānāmapi durjayā | kathaṃ nivartate puṃsāṃ śrīmadbhāgavataṃ vinā

Sanskrit only: no published translation is held for this verse.

सूत उवाच- इत्येवमुक्त्वा माहात्म्यं श्रीमद्भागवतस्य ते । कथां भागवतीं दिव्यां प्रवक्तुमुपचक्रमुः

sūta uvāca- ityevamuktvā māhātmyaṃ śrīmadbhāgavatasya te | kathāṃ bhāgavatīṃ divyāṃ pravaktumupacakramuḥ

Sanskrit only: no published translation is held for this verse.

वेदोपनिषदां सारे श्रीमद्भागवते द्विजैः । आरभ्यमाणे तत्रैव भक्तिराविरभूत्क्षणात्

vedopaniṣadāṃ sāre śrīmadbhāgavate dvijaiḥ | ārabhyamāṇe tatraiva bhaktirāvirabhūtkṣaṇāt

Sanskrit only: no published translation is held for this verse.

प्रेमान्विता चारुतनुर्मुदान्वितौ सुतौ गृहीत्वा तरुणौ स्वदोर्भ्याम् । श्रीकृष्ण गोविंद हरे मुरारे नाथेति नामानि मुहुर्वदंती

premānvitā cārutanurmudānvitau sutau gṛhītvā taruṇau svadorbhyām | śrīkṛṣṇa goviṃda hare murāre nātheti nāmāni muhurvadaṃtī

Sanskrit only: no published translation is held for this verse.

तामागतां भागवतार्थभूषां सुचारुवेषां ददृशुः सदस्याः । व्यतर्कयंश्चापि कथं कुतासौ कास्तीति सर्वेऽपि सुविस्मिताक्षाः

tāmāgatāṃ bhāgavatārthabhūṣāṃ sucāruveṣāṃ dadṛśuḥ sadasyāḥ | vyatarkayaṃścāpi kathaṃ kutāsau kāstīti sarve'pi suvismitākṣāḥ

Sanskrit only: no published translation is held for this verse.

ततः कुमारा जगदुः कृतार्था कथार्थतो निष्पतिताधुनेयम् । एवं गिरः सा ससुता निशम्य जगाद नम्राब्जभुवः कुमारात्

tataḥ kumārā jagaduḥ kṛtārthā kathārthato niṣpatitādhuneyam | evaṃ giraḥ sā sasutā niśamya jagāda namrābjabhuvaḥ kumārāt

Sanskrit only: no published translation is held for this verse.

भक्तिरुवाच-। भवद्भिरद्यैव कृतास्मि पुष्टा कलौ प्रणष्टापि कथारसेन । तिष्ठामि कुत्राहमभीष्टमाभ्यां सहास्पदं मह्यमुपादशध्वम्

bhaktiruvāca-| bhavadbhiradyaiva kṛtāsmi puṣṭā kalau praṇaṣṭāpi kathārasena | tiṣṭhāmi kutrāhamabhīṣṭamābhyāṃ sahāspadaṃ mahyamupādaśadhvam

Sanskrit only: no published translation is held for this verse.

सूत उवाच- तद्वाक्यमाकर्ण्य विधेः कुमारा विचार्य सम्यक्प्रणिधाय चित्ते । उचुश्च भक्तिं भवरोगहर्त्रीं प्रेमैकदात्रीं हरिभक्तिभाजाम्

sūta uvāca- tadvākyamākarṇya vidheḥ kumārā vicārya samyakpraṇidhāya citte | ucuśca bhaktiṃ bhavarogahartrīṃ premaikadātrīṃ haribhaktibhājām

Sanskrit only: no published translation is held for this verse.

कुमारा ऊचुः । भक्तेषु गोविंद परायणेषु साधुष्वथो दीनदया परेषु । मनो नियम्योत्पथसंप्रवृत्तं कृत्वैकतानं हरिपादपद्मे

kumārā ūcuḥ | bhakteṣu goviṃda parāyaṇeṣu sādhuṣvatho dīnadayā pareṣu | mano niyamyotpathasaṃpravṛttaṃ kṛtvaikatānaṃ haripādapadme

Sanskrit only: no published translation is held for this verse.

ततो हि दोषाः कलिजा इमे त्वां द्रष्टुं न शक्ताः प्रभवोपि लोके । कलौ त्वमेकैव जगद्धिताय भविष्यसे नारद संप्रणीता

tato hi doṣāḥ kalijā ime tvāṃ draṣṭuṃ na śaktāḥ prabhavopi loke | kalau tvamekaiva jagaddhitāya bhaviṣyase nārada saṃpraṇītā

Sanskrit only: no published translation is held for this verse.

सकलभुवनमध्ये निर्धनाश्चातिधन्या निवसति हृदि येषां श्रीहरेर्भक्तिरेका । हरिरपि निजलोकं सत्वरं संविहाय प्रविशति हृदि येषां प्रेमसूत्रापिनद्धः

sakalabhuvanamadhye nirdhanāścātidhanyā nivasati hṛdi yeṣāṃ śrīharerbhaktirekā | harirapi nijalokaṃ satvaraṃ saṃvihāya praviśati hṛdi yeṣāṃ premasūtrāpinaddhaḥ

Sanskrit only: no published translation is held for this verse.

इति श्रीपाद्मे महापुराणे पचंपंचाशत्साहस्र्यां संहितायामुत्तरखंडे। श्रीभागवतमाहात्म्ये पंचनवत्यधिकशततमोऽध्यायः

iti śrīpādme mahāpurāṇe pacaṃpaṃcāśatsāhasryāṃ saṃhitāyāmuttarakhaṃḍe| śrībhāgavatamāhātmye paṃcanavatyadhikaśatatamo'dhyāyaḥ

Sanskrit only: no published translation is held for this verse.