Padma Purāṇa 6.2

महेश उवाच- एकलक्षं पंचविंशत्सहस्रा पर्वतास्तथा । तेषां मध्ये महत्पुण्यं बद्रिकाश्रममुत्तमम्

maheśa uvāca- ekalakṣaṃ paṃcaviṃśatsahasrā parvatāstathā | teṣāṃ madhye mahatpuṇyaṃ badrikāśramamuttamam

Sanskrit only: no published translation is held for this verse.

नरनारायणो देवो यत्र तिष्ठति नारद । तस्य स्वरूपं तेजश्च वक्ष्यामीह च सांप्रतम्

naranārāyaṇo devo yatra tiṣṭhati nārada | tasya svarūpaṃ tejaśca vakṣyāmīha ca sāṃpratam

Sanskrit only: no published translation is held for this verse.

हिमपर्वतशृंगे च कृष्णाकारतया द्विज । द्वौ पुरुषौ तत्र वर्तेते नरनारायणावुभौ

himaparvataśṛṃge ca kṛṣṇākāratayā dvija | dvau puruṣau tatra vartete naranārāyaṇāvubhau

Sanskrit only: no published translation is held for this verse.

श्वेत एकस्तु पुरुषः कृष्णो ह्येकतमः पुनः । तेन मार्गेण ये यांति हिमाचलकृतोद्यमाः

śveta ekastu puruṣaḥ kṛṣṇo hyekatamaḥ punaḥ | tena mārgeṇa ye yāṃti himācalakṛtodyamāḥ

Sanskrit only: no published translation is held for this verse.

पिंगलश्वेतवर्णश्च जटाधारी महाप्रभुः । कृष्णो नारायणो ह्येष जगदादिर्महाप्रभुः

piṃgalaśvetavarṇaśca jaṭādhārī mahāprabhuḥ | kṛṣṇo nārāyaṇo hyeṣa jagadādirmahāprabhuḥ

Sanskrit only: no published translation is held for this verse.

चतुर्बाहुर्महान्श्रीमान्व्यक्तोऽव्यक्तः सनातनः । उत्तरायणे महापूजा जायते तत्र सुव्रत

caturbāhurmahānśrīmānvyakto'vyaktaḥ sanātanaḥ | uttarāyaṇe mahāpūjā jāyate tatra suvrata

Sanskrit only: no published translation is held for this verse.

षण्मासादिकपर्यंतं पूजा नैव च जायते । हिमव्याप्तं तदा जातं यावद्वै दक्षिणं भवेत्

ṣaṇmāsādikaparyaṃtaṃ pūjā naiva ca jāyate | himavyāptaṃ tadā jātaṃ yāvadvai dakṣiṇaṃ bhavet

Sanskrit only: no published translation is held for this verse.

अत एतादृशो देवो न भूतो न भविष्यति । तत्र देवा वसंतीह ऋषीणां चाश्रमास्तथा

ata etādṛśo devo na bhūto na bhaviṣyati | tatra devā vasaṃtīha ṛṣīṇāṃ cāśramāstathā

Sanskrit only: no published translation is held for this verse.

अग्निहोत्राणि वेदाश्च ध्वनिः प्रश्रूयते सदा । तस्य वै दर्शनं कार्यं कोटिहत्याविनाशनम्

agnihotrāṇi vedāśca dhvaniḥ praśrūyate sadā | tasya vai darśanaṃ kāryaṃ koṭihatyāvināśanam

Sanskrit only: no published translation is held for this verse.

अलकनंदा यत्र गंगा तत्र स्नानं समाचरेत् । कृत्वा स्नानं तु वै तत्र महापापात्प्रमुच्यते

alakanaṃdā yatra gaṃgā tatra snānaṃ samācaret | kṛtvā snānaṃ tu vai tatra mahāpāpātpramucyate

Sanskrit only: no published translation is held for this verse.

यत्र विश्वेश्वरो देवस्तिष्ठत्येव न संशयः । एकस्मिन्नवसरे ब्रह्मन्सुतपस्तप्तवानहम्

yatra viśveśvaro devastiṣṭhatyeva na saṃśayaḥ | ekasminnavasare brahmansutapastaptavānaham

Sanskrit only: no published translation is held for this verse.

तदा नारायणो देवो भक्तानां हि कृपाकरः । अव्ययः पुरुषः साक्षादीश्वरो गरुडध्वजः । सुप्रसन्नोऽब्रवीन्मां वै वरं वरय सुव्रत

tadā nārāyaṇo devo bhaktānāṃ hi kṛpākaraḥ | avyayaḥ puruṣaḥ sākṣādīśvaro garuḍadhvajaḥ | suprasanno'bravīnmāṃ vai varaṃ varaya suvrata

Sanskrit only: no published translation is held for this verse.

श्रीनारायण उवाच-। यद्यदीप्ससि देव त्वं तं तं कामं ददाम्यहम् । त्वं कैलासविभुः साक्षाद्रुद्रो वै विश्वपालकः

śrīnārāyaṇa uvāca-| yadyadīpsasi deva tvaṃ taṃ taṃ kāmaṃ dadāmyaham | tvaṃ kailāsavibhuḥ sākṣādrudro vai viśvapālakaḥ

Sanskrit only: no published translation is held for this verse.

रुद्र उवाच-। अलं गृह्णामि भो देव सुप्रसन्नो जनार्दन । द्वौ वरौ मम दीयेतां यदि दातुं त्वमिच्छसि

rudra uvāca-| alaṃ gṛhṇāmi bho deva suprasanno janārdana | dvau varau mama dīyetāṃ yadi dātuṃ tvamicchasi

Sanskrit only: no published translation is held for this verse.

तव भक्तिः सदैवास्तु भक्तराजो भवाम्यहम् । सर्वे लोका ब्रुवंत्वेवमयं भक्तः सदैव हि

tava bhaktiḥ sadaivāstu bhaktarājo bhavāmyaham | sarve lokā bruvaṃtvevamayaṃ bhaktaḥ sadaiva hi

Sanskrit only: no published translation is held for this verse.

तव प्रसादाद्देवेश मुक्तिदाता भवाम्यहम् । ये लोका मां भजिष्यंति तेषां दाता न संशयः

tava prasādāddeveśa muktidātā bhavāmyaham | ye lokā māṃ bhajiṣyaṃti teṣāṃ dātā na saṃśayaḥ

Sanskrit only: no published translation is held for this verse.

विष्णुभक्त इति ख्यातो लोके चैव भवाम्यहम् । यस्याहं वरदाता तु तस्य मुक्तिर्भवेत्प्रभो

viṣṇubhakta iti khyāto loke caiva bhavāmyaham | yasyāhaṃ varadātā tu tasya muktirbhavetprabho

Sanskrit only: no published translation is held for this verse.

जटिलो भस्मलिप्तांगो ह्यहं वै तव संनिधौ । तव चरणप्रसादेन लोके ख्यातो भवाम्यहम्

jaṭilo bhasmaliptāṃgo hyahaṃ vai tava saṃnidhau | tava caraṇaprasādena loke khyāto bhavāmyaham

Sanskrit only: no published translation is held for this verse.