Library·Padma Purāṇa·6·6.203
देवल उवाच। अथोषसि नराधीशः पूजितां कुसुमादिभिः । महिष्या नंदिनीं धेनुं नीत्वारण्यं जगाम सः
devala uvāca| athoṣasi narādhīśaḥ pūjitāṃ kusumādibhiḥ | mahiṣyā naṃdinīṃ dhenuṃ nītvāraṇyaṃ jagāma saḥ
Sanskrit only: no published translation is held for this verse.
गच्छंतीमनु तां देवीं छायेव नृपतिर्ययौ । खादंतीमनुशष्पादि सोऽपि मूलाद्यभक्षयत्
gacchaṃtīmanu tāṃ devīṃ chāyeva nṛpatiryayau | khādaṃtīmanuśaṣpādi so'pi mūlādyabhakṣayat
Sanskrit only: no published translation is held for this verse.
तरुच्छायामुपासीनामनु सोऽप्युपविष्टवान् । पिबंतीमनुपानीयं राजापि सलिलं पपौ
tarucchāyāmupāsīnāmanu so'pyupaviṣṭavān | pibaṃtīmanupānīyaṃ rājāpi salilaṃ papau
Sanskrit only: no published translation is held for this verse.
स च राजा मृदुग्रासैर्दंशापनयनेन च । कंडूयनैः कामधेनुं गुरोरेवमसेवत
sa ca rājā mṛdugrāsairdaṃśāpanayanena ca | kaṃḍūyanaiḥ kāmadhenuṃ gurorevamasevata
Sanskrit only: no published translation is held for this verse.
अथ प्रत्याश्रमं सायं न्यवर्त्तंत महीपतेः । अंगं पवित्रयंती सा खुरोद्धूतैरजःकणैः
atha pratyāśramaṃ sāyaṃ nyavarttaṃta mahīpateḥ | aṃgaṃ pavitrayaṃtī sā khuroddhūtairajaḥkaṇaiḥ
Sanskrit only: no published translation is held for this verse.
अधोभारेण गुरुणा गच्छंती मंथरं बभौ । महीपालमहत्कार्यभाराक्रांतेव नंदिनी
adhobhāreṇa guruṇā gacchaṃtī maṃtharaṃ babhau | mahīpālamahatkāryabhārākrāṃteva naṃdinī
Sanskrit only: no published translation is held for this verse.
तां मुनेराश्रमाभ्याशे राज्ञी प्रत्युज्जगाम ह । चंदनाक्षतनैवेद्यधूपादीनुपनीय च
tāṃ munerāśramābhyāśe rājñī pratyujjagāma ha | caṃdanākṣatanaivedyadhūpādīnupanīya ca
Sanskrit only: no published translation is held for this verse.
तां पूजयित्वा विधिवत्प्रणम्य च पुनः पुनः । कृत्वा प्रदक्षिणं राज्ञी तस्थौ प्रांजलिरग्रतः
tāṃ pūjayitvā vidhivatpraṇamya ca punaḥ punaḥ | kṛtvā pradakṣiṇaṃ rājñī tasthau prāṃjaliragrataḥ
Sanskrit only: no published translation is held for this verse.
सा गृहीत्वा च तां पूजां विहितां श्रद्धया तया । राज्ञा निश्चलमास्थाय ययौ ताभ्यां सहाश्रमम्
sā gṛhītvā ca tāṃ pūjāṃ vihitāṃ śraddhayā tayā | rājñā niścalamāsthāya yayau tābhyāṃ sahāśramam
Sanskrit only: no published translation is held for this verse.
आराधयति तामेवं दिलीपे तु दृढव्रते । एकाधिका व्यतीयाय दिनानां वैश्य विंशतिः
ārādhayati tāmevaṃ dilīpe tu dṛḍhavrate | ekādhikā vyatīyāya dinānāṃ vaiśya viṃśatiḥ
Sanskrit only: no published translation is held for this verse.
अथ भूमिपतेस्तस्य भावजिज्ञासया तु सा । विवेश निर्भयस्वांता सशष्पां हिमवद्गुहाम्
atha bhūmipatestasya bhāvajijñāsayā tu sā | viveśa nirbhayasvāṃtā saśaṣpāṃ himavadguhām
Sanskrit only: no published translation is held for this verse.
पश्यता हिमवत्सानु शोभामथ महीभृता । अलक्षितागमः सिंहो बलाज्जग्राह नंदिनीम्
paśyatā himavatsānu śobhāmatha mahībhṛtā | alakṣitāgamaḥ siṃho balājjagrāha naṃdinīm
Sanskrit only: no published translation is held for this verse.
सा चक्रंद भृशं धेनुर्दुःखितेव दयास्वना । चित्ते धनुर्भृतस्तस्य जनयंती दयोदयम्
sā cakraṃda bhṛśaṃ dhenurduḥkhiteva dayāsvanā | citte dhanurbhṛtastasya janayaṃtī dayodayam
Sanskrit only: no published translation is held for this verse.
तदाक्रंदितमाकर्ण्य तस्याः स जगतीपतिः । हिमवत्सानुसंलग्नां निजदृष्टिं न्यवर्त्तयत्
tadākraṃditamākarṇya tasyāḥ sa jagatīpatiḥ | himavatsānusaṃlagnāṃ nijadṛṣṭiṃ nyavarttayat
Sanskrit only: no published translation is held for this verse.
उपर्युपरि तां धेनुं स्रवदश्रुमुखीं नृपः । तीक्ष्णदंष्ट्रनखं सिंहं दृष्ट्वा स व्यथितोऽभवत्
uparyupari tāṃ dhenuṃ sravadaśrumukhīṃ nṛpaḥ | tīkṣṇadaṃṣṭranakhaṃ siṃhaṃ dṛṣṭvā sa vyathito'bhavat
Sanskrit only: no published translation is held for this verse.
गृहीतां तेन सिंहेन तामालक्ष्य धनुर्द्धरः । निषंगाद्बाणमुद्धर्तुं प्राहिणोद्दक्षिणं भुजम्
gṛhītāṃ tena siṃhena tāmālakṣya dhanurddharaḥ | niṣaṃgādbāṇamuddhartuṃ prāhiṇoddakṣiṇaṃ bhujam
Sanskrit only: no published translation is held for this verse.
बाणमुद्धृत्य तूणीरान्निहंतुं तं मृगाधिपम् । गुणेनापूर्णमायोज्य चकर्ष वसुधाधिपः
bāṇamuddhṛtya tūṇīrānnihaṃtuṃ taṃ mṛgādhipam | guṇenāpūrṇamāyojya cakarṣa vasudhādhipaḥ
Sanskrit only: no published translation is held for this verse.
जडीभूतः समस्तांगस्तत्सिंहालोकनेन सः । नाशकद्बाणमुत्सृष्टुं राजासीद्विस्मितस्ततः
jaḍībhūtaḥ samastāṃgastatsiṃhālokanena saḥ | nāśakadbāṇamutsṛṣṭuṃ rājāsīdvismitastataḥ
Sanskrit only: no published translation is held for this verse.
तादृशं नृपमालक्ष्य जगाद स मृगाधिपः । नरवाचा भृशं भूयो विस्मयं प्रापयन्निदम्
tādṛśaṃ nṛpamālakṣya jagāda sa mṛgādhipaḥ | naravācā bhṛśaṃ bhūyo vismayaṃ prāpayannidam
Sanskrit only: no published translation is held for this verse.
सिंह उवाच- दिलीपं त्वामहं राजन्जानामि रविवंशजम् । त्वं च जानीहि मां शंभोर्गणं कुंभोदराभिधम्
siṃha uvāca- dilīpaṃ tvāmahaṃ rājanjānāmi ravivaṃśajam | tvaṃ ca jānīhi māṃ śaṃbhorgaṇaṃ kuṃbhodarābhidham
Sanskrit only: no published translation is held for this verse.
देवदारुरयं यस्ते वर्त्तते दृष्टगोचरे । पार्वत्यापुत्रवद्वीर पालितः स्निग्धचित्तया
devadārurayaṃ yaste varttate dṛṣṭagocare | pārvatyāputravadvīra pālitaḥ snigdhacittayā
Sanskrit only: no published translation is held for this verse.
एकदामुष्यवन्येन गजेनाघर्षता कटम् । उदपाटि महाराज वल्कलं मृदुलं भृशम्
ekadāmuṣyavanyena gajenāgharṣatā kaṭam | udapāṭi mahārāja valkalaṃ mṛdulaṃ bhṛśam
Sanskrit only: no published translation is held for this verse.
एनं तादृशमालक्ष्य मृडानी करुणान्विता । मामत्र स्थापयामास सिंहं कृत्वास्य रक्षणे
enaṃ tādṛśamālakṣya mṛḍānī karuṇānvitā | māmatra sthāpayāmāsa siṃhaṃ kṛtvāsya rakṣaṇe
Sanskrit only: no published translation is held for this verse.
ममाह चेति सा देवी कुंभोदर निशम्यताम् । योऽत्र जंतुः समागच्छेत्तं खादेस्त्वं वसन्निह
mamāha ceti sā devī kuṃbhodara niśamyatām | yo'tra jaṃtuḥ samāgacchettaṃ khādestvaṃ vasanniha
Sanskrit only: no published translation is held for this verse.
ततः प्रभृति राजेंद्र तदाज्ञां पालयन्नहम् । पालितां त्रिदशैः सर्वैः कंदरेऽत्र वसाम्यहम्
tataḥ prabhṛti rājeṃdra tadājñāṃ pālayannaham | pālitāṃ tridaśaiḥ sarvaiḥ kaṃdare'tra vasāmyaham
Sanskrit only: no published translation is held for this verse.
जडीभावे स्वदेहस्य त्वया कार्यो न विस्मयः । महती शांभवी माया वर्त्ततेऽत्र हिमाचले
jaḍībhāve svadehasya tvayā kāryo na vismayaḥ | mahatī śāṃbhavī māyā varttate'tra himācale
Sanskrit only: no published translation is held for this verse.
अन्यस्मिन्निव सिंहे त्वं प्रहर्तुं न मयि क्षमः । यतो मत्पृष्ठमारुह्य वृषमारोहति प्रभुः
anyasminniva siṃhe tvaṃ prahartuṃ na mayi kṣamaḥ | yato matpṛṣṭhamāruhya vṛṣamārohati prabhuḥ
Sanskrit only: no published translation is held for this verse.
निवर्त्तस्व निजं देहं रक्ष सर्वार्थसाधनम् । दैवेनासादिता वीर गौरियं भक्षणाय मे
nivarttasva nijaṃ dehaṃ rakṣa sarvārthasādhanam | daivenāsāditā vīra gauriyaṃ bhakṣaṇāya me
Sanskrit only: no published translation is held for this verse.
देवल उवाच- इत्याकर्ण्य वचस्तस्य वीरसंबोधनान्वितम् । प्रत्युवाच दिलीपस्तं स जडीभूतविग्रहः
devala uvāca- ityākarṇya vacastasya vīrasaṃbodhanānvitam | pratyuvāca dilīpastaṃ sa jaḍībhūtavigrahaḥ
Sanskrit only: no published translation is held for this verse.
राजोवाच- सर्गस्थितिविसर्गाणां कारणं जगतः शिवम् । अंबिकां जगदंबां च नमामि मृगराज तौ
rājovāca- sargasthitivisargāṇāṃ kāraṇaṃ jagataḥ śivam | aṃbikāṃ jagadaṃbāṃ ca namāmi mṛgarāja tau
Sanskrit only: no published translation is held for this verse.
त्वं च तत्सेवकत्वेन मान्यो मम मृगाधिप । ब्रवीमि यदहं वाक्यं श्रुत्वा शाधि करोमि किम्
tvaṃ ca tatsevakatvena mānyo mama mṛgādhipa | bravīmi yadahaṃ vākyaṃ śrutvā śādhi karomi kim
Sanskrit only: no published translation is held for this verse.
वसिष्ठो ब्रह्मणः पुत्रो गुरुर्नो विदितस्तव । तस्येयं नंदिनीनाम धेनुः सर्वार्थसाधिका
vasiṣṭho brahmaṇaḥ putro gururno viditastava | tasyeyaṃ naṃdinīnāma dhenuḥ sarvārthasādhikā
Sanskrit only: no published translation is held for this verse.
संतानोत्पत्तये तेन दत्ताराधयितुं मम । येयमाराधिता सम्यक्दिनानि कतिचिन्मया
saṃtānotpattaye tena dattārādhayituṃ mama | yeyamārādhitā samyakdināni katicinmayā
Sanskrit only: no published translation is held for this verse.
लघुतर्णक मातेयं धृता ते गिरिकंदरे । शुंभुभृत्याद्बलात्त्वत्तोशक्तामोचयितुंमया
laghutarṇaka māteyaṃ dhṛtā te girikaṃdare | śuṃbhubhṛtyādbalāttvattośaktāmocayituṃmayā
Sanskrit only: no published translation is held for this verse.
अहं तस्य मुनेरग्रे गच्छाम्येनामृते कथम् । कामधेनोस्तु दौहित्री जगत्सेव्या यशस्विनी
ahaṃ tasya muneragre gacchāmyenāmṛte katham | kāmadhenostu dauhitrī jagatsevyā yaśasvinī
Sanskrit only: no published translation is held for this verse.
अनया सदृशी नान्या गौर्यया तोषयामि तम् । तस्माद्विमुच्य गामेनामग्र्यां कुरु निजाशनम्
anayā sadṛśī nānyā gauryayā toṣayāmi tam | tasmādvimucya gāmenāmagryāṃ kuru nijāśanam
Sanskrit only: no published translation is held for this verse.
ददामि देहमात्मीयमपकीर्तिमलीमसम् । एवं न धर्महानिः स्यादृषेस्तव तु भोजनम् । गवार्थे त्यजतः प्राणान्ममापि गतिरुत्तमा
dadāmi dehamātmīyamapakīrtimalīmasam | evaṃ na dharmahāniḥ syādṛṣestava tu bhojanam | gavārthe tyajataḥ prāṇānmamāpi gatiruttamā
Sanskrit only: no published translation is held for this verse.
देवल उवाच- एवमाकर्ण्य सिंहेन कृते मौने विशांपते । तदग्रेऽवाङ्मुखो राजा न्यपतद्धर्मकोविदः
devala uvāca- evamākarṇya siṃhena kṛte maune viśāṃpate | tadagre'vāṅmukho rājā nyapataddharmakovidaḥ
Sanskrit only: no published translation is held for this verse.
तस्य प्रतीक्षमाणस्य सिंहपातं सुदुःसहम् । पपातोपरि पुष्पाणां वृष्टिर्मुक्ता सुरेश्वरैः
tasya pratīkṣamāṇasya siṃhapātaṃ suduḥsaham | papātopari puṣpāṇāṃ vṛṣṭirmuktā sureśvaraiḥ
Sanskrit only: no published translation is held for this verse.
पुत्रोत्तिष्ठेति वचनं श्रुत्वा राजा स उत्थितः । जननीमिव तां धेनुं ददर्श न मृगाधिपम्
putrottiṣṭheti vacanaṃ śrutvā rājā sa utthitaḥ | jananīmiva tāṃ dhenuṃ dadarśa na mṛgādhipam
Sanskrit only: no published translation is held for this verse.
तं विस्मितमुवाचेदं नंदिनी नृपसत्तमम् । नंदिन्युवाच- मायया सिंहरूपिण्या त्वं मयासि परीक्षितः
taṃ vismitamuvācedaṃ naṃdinī nṛpasattamam | naṃdinyuvāca- māyayā siṃharūpiṇyā tvaṃ mayāsi parīkṣitaḥ
Sanskrit only: no published translation is held for this verse.
मुनिप्रभावान्मां राजन्गृहीतुं न क्षमोंऽतकः । मनसापि कुतोऽन्येषां यद्ग्रहे शक्तिरंगिनाम्
muniprabhāvānmāṃ rājangṛhītuṃ na kṣamoṃ'takaḥ | manasāpi kuto'nyeṣāṃ yadgrahe śaktiraṃginām
Sanskrit only: no published translation is held for this verse.
स्वशरीरस्य दानेन त्वं मां रक्षितुमुद्यतः । अतस्तेऽहं प्रसन्नास्मि वृणीष्व वरमीप्सितम्
svaśarīrasya dānena tvaṃ māṃ rakṣitumudyataḥ | ataste'haṃ prasannāsmi vṛṇīṣva varamīpsitam
Sanskrit only: no published translation is held for this verse.
राजोवाच- न गुप्तं देहिनामंतर्वर्तिवृत्तं भवादृशम् । अतो जननि जानासि वांच्छितं मम देहि तत्
rājovāca- na guptaṃ dehināmaṃtarvartivṛttaṃ bhavādṛśam | ato janani jānāsi vāṃcchitaṃ mama dehi tat
Sanskrit only: no published translation is held for this verse.
मगधेशसुतायां मे वंशकर्तारमात्मजम् । प्रयच्छ किंचित्स्वच्छानां नासाध्यं हि भवादृशाम्
magadheśasutāyāṃ me vaṃśakartāramātmajam | prayaccha kiṃcitsvacchānāṃ nāsādhyaṃ hi bhavādṛśām
Sanskrit only: no published translation is held for this verse.
इत्युक्त्वांजलिमाधाय तत्पुरस्तस्थिवान्नृपः । तूष्णीं तदुत्तरापेक्षी तत्पुरोबद्धलोचनः
ityuktvāṃjalimādhāya tatpurastasthivānnṛpaḥ | tūṣṇīṃ taduttarāpekṣī tatpurobaddhalocanaḥ
Sanskrit only: no published translation is held for this verse.
देवल उवाच- निशम्येति वचस्तस्य भूपतेरिदमब्रवीत् । नंदिनी पितृदेवर्षिनरभूतार्थसाधिका
devala uvāca- niśamyeti vacastasya bhūpateridamabravīt | naṃdinī pitṛdevarṣinarabhūtārthasādhikā
Sanskrit only: no published translation is held for this verse.
नन्दिन्युवाच- पुत्र पत्रपुटे दुग्ध्वा पयो मम पिबेप्सितम् । आश्रमे गुरुणाज्ञप्तः पुनः पास्यसि शेषितम्
nandinyuvāca- putra patrapuṭe dugdhvā payo mama pibepsitam | āśrame guruṇājñaptaḥ punaḥ pāsyasi śeṣitam
Sanskrit only: no published translation is held for this verse.
भविता वंशकर्ता ते सुतः शस्त्रास्त्रतत्ववित् । देवल उवाच- इत्युक्तः सौरभेय्या तामुवाच विनयेन सः
bhavitā vaṃśakartā te sutaḥ śastrāstratatvavit | devala uvāca- ityuktaḥ saurabheyyā tāmuvāca vinayena saḥ
Sanskrit only: no published translation is held for this verse.
दिलीप उवाच- मातस्तवैव पास्यामि शेषं सर्वक्रियाविधेः । तृप्तोऽहं मातरासाद्य मिष्टं ते वचनामृतम्
dilīpa uvāca- mātastavaiva pāsyāmi śeṣaṃ sarvakriyāvidheḥ | tṛpto'haṃ mātarāsādya miṣṭaṃ te vacanāmṛtam
Sanskrit only: no published translation is held for this verse.
नान्यदिच्छामि सारंगः कादंबिन्या यथा जलम् । तव शुश्रूषणान्मातरभवं सकलोद्भवः
nānyadicchāmi sāraṃgaḥ kādaṃbinyā yathā jalam | tava śuśrūṣaṇānmātarabhavaṃ sakalodbhavaḥ
Sanskrit only: no published translation is held for this verse.
समस्तजनपूज्याया विद्याया इव मूढधीः । तव मातामही दत्तः शापोऽप्यासीद्वरो मम
samastajanapūjyāyā vidyāyā iva mūḍhadhīḥ | tava mātāmahī dattaḥ śāpo'pyāsīdvaro mama
Sanskrit only: no published translation is held for this verse.
तमृते पुत्रलाभो मे कुतस्तव च दर्शनम् । वरायैव तथाप्यंब समाराध्या भवादृशः । न हि कश्चिद्विषाकांक्षी महादेवात्त्रिवर्गदात्
tamṛte putralābho me kutastava ca darśanam | varāyaiva tathāpyaṃba samārādhyā bhavādṛśaḥ | na hi kaścidviṣākāṃkṣī mahādevāttrivargadāt
Sanskrit only: no published translation is held for this verse.
देवल उवाच- श्रुत्वेति तद्वचः सा गौः प्रसन्ना साधुसाध्विति । आभाष्य हि महादर्पा ययौ तेन सहाश्रमम्
devala uvāca- śrutveti tadvacaḥ sā gauḥ prasannā sādhusādhviti | ābhāṣya hi mahādarpā yayau tena sahāśramam
Sanskrit only: no published translation is held for this verse.
पूर्वेद्युरिव तत्रापि पूजिता राजभार्यया । प्रसन्ना सा बभौ धेनुः कार्यसिद्धिरिवांगभाक्
pūrvedyuriva tatrāpi pūjitā rājabhāryayā | prasannā sā babhau dhenuḥ kāryasiddhirivāṃgabhāk
Sanskrit only: no published translation is held for this verse.
मुखं प्रसन्नमालक्ष्य मृगाक्षी सा क्षितीशितुः । अज्ञासीत्तं निजं कार्यं सिद्धं यत्नस्तु यत्कृते
mukhaṃ prasannamālakṣya mṛgākṣī sā kṣitīśituḥ | ajñāsīttaṃ nijaṃ kāryaṃ siddhaṃ yatnastu yatkṛte
Sanskrit only: no published translation is held for this verse.
अथ तौ दंपती धेन्वा विधिवद्विहितार्चया । तया सह गुरोरग्रे कृतकृत्यस्य जग्मतुः
atha tau daṃpatī dhenvā vidhivadvihitārcayā | tayā saha guroragre kṛtakṛtyasya jagmatuḥ
Sanskrit only: no published translation is held for this verse.
निरीक्ष्य तौ मुनिवरः प्रसन्नमुखपंकजौ । अतींद्रियज्ञाननिधिः प्रोवाचेदं प्रहर्षयन्
nirīkṣya tau munivaraḥ prasannamukhapaṃkajau | atīṃdriyajñānanidhiḥ provācedaṃ praharṣayan
Sanskrit only: no published translation is held for this verse.
वसिष्ठ उवाच- राजञ्जानामि गौरेषा प्रसन्ना वामभूत्किल । अपूर्वा युवयोरद्य मुखकांतिर्हि लक्ष्यते
vasiṣṭha uvāca- rājañjānāmi gaureṣā prasannā vāmabhūtkila | apūrvā yuvayoradya mukhakāṃtirhi lakṣyate
Sanskrit only: no published translation is held for this verse.
सुरभिः सुरशाखी च विश्रुतौ कामपूरिणौ । तदपत्यं समाराध्य सिद्धोऽथ स्यात्किमद्भुतम्
surabhiḥ suraśākhī ca viśrutau kāmapūriṇau | tadapatyaṃ samārādhya siddho'tha syātkimadbhutam
Sanskrit only: no published translation is held for this verse.
यो ददाति निखिलं मनोरथं कीर्तितेयमनघापि दूरतः । श्रद्धया निकट एव सेविता किं पुनः सुरतरंगिणीव सा
yo dadāti nikhilaṃ manorathaṃ kīrtiteyamanaghāpi dūrataḥ | śraddhayā nikaṭa eva sevitā kiṃ punaḥ surataraṃgiṇīva sā
Sanskrit only: no published translation is held for this verse.
ज्ञानतो विदितमद्भुतं मया त्वत्कृतं यदनया परीक्षणम् । भूपते त्वमपि धर्ममात्मनो रक्षसि स्म च यथा च तत्
jñānato viditamadbhutaṃ mayā tvatkṛtaṃ yadanayā parīkṣaṇam | bhūpate tvamapi dharmamātmano rakṣasi sma ca yathā ca tat
Sanskrit only: no published translation is held for this verse.
त्वय्यसौ मम मनोऽनुकूलतां भावमात्मनि विबुध्यते तथा । तुष्यति स्म कमला यथा हरेः पार्वतीव गिरिशस्य सज्जते
tvayyasau mama mano'nukūlatāṃ bhāvamātmani vibudhyate tathā | tuṣyati sma kamalā yathā hareḥ pārvatīva giriśasya sajjate
Sanskrit only: no published translation is held for this verse.
रात्रिरत्र सहाभार्ययानया धेनुपूजनपरेण नीयताम् । भूपभव्य भवता गमिष्यते श्वः समाप्तविधिना निजांपुरीम्
rātriratra sahābhāryayānayā dhenupūjanapareṇa nīyatām | bhūpabhavya bhavatā gamiṣyate śvaḥ samāptavidhinā nijāṃpurīm
Sanskrit only: no published translation is held for this verse.
देवल उवाच- वैश्यैवं धेनुमाराध्य सभार्यः प्राप्तवांछितः । प्रातर्युक्तरथः प्राप्य गुरोराज्ञामगाद्गृहम्
devala uvāca- vaiśyaivaṃ dhenumārādhya sabhāryaḥ prāptavāṃchitaḥ | prātaryuktarathaḥ prāpya gurorājñāmagādgṛham
Sanskrit only: no published translation is held for this verse.
कतिचिद्वासरैस्तस्य दिलीपस्याभवद्रघुः । यस्य नाम्ना रघोर्वंशः पृथिव्यां विश्रुतोऽभवत्
katicidvāsaraistasya dilīpasyābhavadraghuḥ | yasya nāmnā raghorvaṃśaḥ pṛthivyāṃ viśruto'bhavat
Sanskrit only: no published translation is held for this verse.
यः पठिष्यति भूपस्य दिलीपस्य कथामिमाम् । धनं धान्यं सुतं वैश्य लप्स्यते स पुमानिह
yaḥ paṭhiṣyati bhūpasya dilīpasya kathāmimām | dhanaṃ dhānyaṃ sutaṃ vaiśya lapsyate sa pumāniha
Sanskrit only: no published translation is held for this verse.
शरभवरसुताप्तये स्वबुद्ध्या सममनया परितोषयाशु गौरीम् । त्वमपि कुलधुरं गुणान्वितं सा सुतमनघं खलु दास्यते च तुभ्यम्
śarabhavarasutāptaye svabuddhyā samamanayā paritoṣayāśu gaurīm | tvamapi kuladhuraṃ guṇānvitaṃ sā sutamanaghaṃ khalu dāsyate ca tubhyam
Sanskrit only: no published translation is held for this verse.
शिवशर्मोवाच- मुनिरिति चरितं दिलीपराज्ञो ललिततरं शरभाय पुण्यमुक्त्वा । अभिमतगतमात्मनः प्रपेदे विधिमुपदिश्य च पूज जनेंबिकायाः
śivaśarmovāca- muniriti caritaṃ dilīparājño lalitataraṃ śarabhāya puṇyamuktvā | abhimatagatamātmanaḥ prapede vidhimupadiśya ca pūja janeṃbikāyāḥ
Sanskrit only: no published translation is held for this verse.