Library·Padma Purāṇa·6·6.205
शिवशर्मोवाच- एकदाऽत्र महातीर्थे पंके मग्नां पयस्विनीम् । दृष्ट्वा स राक्षसश्रेष्ठस्तामुद्धर्तुं विवेश ह
śivaśarmovāca- ekadā'tra mahātīrthe paṃke magnāṃ payasvinīm | dṛṣṭvā sa rākṣasaśreṣṭhastāmuddhartuṃ viveśa ha
Sanskrit only: no published translation is held for this verse.
गोरक्षणे महान्धर्मो रक्षतुः स्वर्गतिर्भवेत् । चिंतयन्निति मध्ये तु सगृहीतोंबुहस्तिना
gorakṣaṇe mahāndharmo rakṣatuḥ svargatirbhavet | ciṃtayanniti madhye tu sagṛhītoṃbuhastinā
Sanskrit only: no published translation is held for this verse.
नीतस्तु वारिणोऽधस्ताज्जलपूर्णोदरस्तदा । तत्याज जीवितं सद्यस्तेन पीडितविग्रहः
nītastu vāriṇo'dhastājjalapūrṇodarastadā | tatyāja jīvitaṃ sadyastena pīḍitavigrahaḥ
Sanskrit only: no published translation is held for this verse.
दिव्यरूपं समास्थाय विमानमपि ढौकितम् । गणेन प्रहितेनाथ दैवैरिंद्रपुरोगमैः
divyarūpaṃ samāsthāya vimānamapi ḍhaukitam | gaṇena prahitenātha daivairiṃdrapurogamaiḥ
Sanskrit only: no published translation is held for this verse.
गच्छन्निति मया पृष्टः स निशाचरपुंगवः । मुक्तिदेऽत्र महातीर्थे मृत्युं प्राप्य सदुर्लभे
gacchanniti mayā pṛṣṭaḥ sa niśācarapuṃgavaḥ | muktide'tra mahātīrthe mṛtyuṃ prāpya sadurlabhe
Sanskrit only: no published translation is held for this verse.
कथं देवपदप्राप्तिर्जाता तव महामते । इत्युक्तो मामुवाचेदं वांछासीदत्र मेऽनघ
kathaṃ devapadaprāptirjātā tava mahāmate | ityukto māmuvācedaṃ vāṃchāsīdatra me'nagha
Sanskrit only: no published translation is held for this verse.
तस्मिन्गते पुण्यजने स्वर्गं पुण्यवतां पदम् । एकाकिना मया विष्णुः सद्गतिः प्रापितस्तदा
tasmingate puṇyajane svargaṃ puṇyavatāṃ padam | ekākinā mayā viṣṇuḥ sadgatiḥ prāpitastadā
Sanskrit only: no published translation is held for this verse.
गच्छंस्तिष्ठन्स्वपन्जाग्रत्स्नानं कुर्वंश्च नित्यशः । तमेव पुंडरीकाक्षमहं दध्यावनन्यधीः
gacchaṃstiṣṭhansvapanjāgratsnānaṃ kurvaṃśca nityaśaḥ | tameva puṃḍarīkākṣamahaṃ dadhyāvananyadhīḥ
Sanskrit only: no published translation is held for this verse.
हरे तव पदांभोजमहं शरणमागतः । ब्रह्मत्वे च महेशत्वे नेंद्रत्वे मम मानसम्
hare tava padāṃbhojamahaṃ śaraṇamāgataḥ | brahmatve ca maheśatve neṃdratve mama mānasam
Sanskrit only: no published translation is held for this verse.
प्रार्थयन्नित्यहं तात तमेव पुरुषोत्तमम् । उषितोऽत्र महातीर्थे कृत्वा निर्विषयं मनः
prārthayannityahaṃ tāta tameva puruṣottamam | uṣito'tra mahātīrthe kṛtvā nirviṣayaṃ manaḥ
Sanskrit only: no published translation is held for this verse.
विष्णुशर्मोवाच- वसतोऽत्र महातीर्थे मरणं चेत्तवाभवत् । कथं जन्म पुनः प्राप्तं त्वयेति मम संशयः
viṣṇuśarmovāca- vasato'tra mahātīrthe maraṇaṃ cettavābhavat | kathaṃ janma punaḥ prāptaṃ tvayeti mama saṃśayaḥ
Sanskrit only: no published translation is held for this verse.
मर्यादां यस्य तीर्थस्य त्यक्त्वापि धनलोभतः । राक्षसान्मरणं प्राप्ताः पथिकस्ते च वाहकाः
maryādāṃ yasya tīrthasya tyaktvāpi dhanalobhataḥ | rākṣasānmaraṇaṃ prāptāḥ pathikaste ca vāhakāḥ
Sanskrit only: no published translation is held for this verse.
यस्य तीर्थवरस्यास्य जलपानाद्दिवंगताः । तथैव राक्षसोऽप्यस्मिन्नपमृत्युमवाप्य सः
yasya tīrthavarasyāsya jalapānāddivaṃgatāḥ | tathaiva rākṣaso'pyasminnapamṛtyumavāpya saḥ
Sanskrit only: no published translation is held for this verse.
नक्रतः स्वेच्छया स्वर्गं जगाम तव पश्यतः । न नूनं तत्र मरणं जातं यज्जन्म दृश्यते
nakrataḥ svecchayā svargaṃ jagāma tava paśyataḥ | na nūnaṃ tatra maraṇaṃ jātaṃ yajjanma dṛśyate
Sanskrit only: no published translation is held for this verse.
नारद उवाच- शिवे निशम्य पुत्रस्य शिवशर्मा शुभं वचः । उवाच पूर्ववृत्तांतं कारणं निजजन्मनः
nārada uvāca- śive niśamya putrasya śivaśarmā śubhaṃ vacaḥ | uvāca pūrvavṛttāṃtaṃ kāraṇaṃ nijajanmanaḥ
Sanskrit only: no published translation is held for this verse.
शिवशर्मोवाच- विष्णुशर्मन्शृणुष्वेदं कारणं मम जन्मनः । कथयामि तवाग्रेऽहं श्रुत्वा निःसंशयो भव
śivaśarmovāca- viṣṇuśarmanśṛṇuṣvedaṃ kāraṇaṃ mama janmanaḥ | kathayāmi tavāgre'haṃ śrutvā niḥsaṃśayo bhava
Sanskrit only: no published translation is held for this verse.
एकदा विष्णुपूजायां मयि ध्यानं समास्थिते । दुर्वासाः प्रकृतिक्रोधी ममाश्रममुपागतः
ekadā viṣṇupūjāyāṃ mayi dhyānaṃ samāsthite | durvāsāḥ prakṛtikrodhī mamāśramamupāgataḥ
Sanskrit only: no published translation is held for this verse.
तमागतमविज्ञाय विष्णुध्यानपरायणः । तस्थिवांस्तदवस्थोऽहं चिरं तं नामसंस्मरन्
tamāgatamavijñāya viṣṇudhyānaparāyaṇaḥ | tasthivāṃstadavastho'haṃ ciraṃ taṃ nāmasaṃsmaran
Sanskrit only: no published translation is held for this verse.
समुहूर्तं मुनिः स्थित्वा ममाग्रे क्रोधमूर्छितः । आत्मनात्मानमाहेदमुच्चैरारक्तलोचनः
samuhūrtaṃ muniḥ sthitvā mamāgre krodhamūrchitaḥ | ātmanātmānamāhedamuccairāraktalocanaḥ
Sanskrit only: no published translation is held for this verse.
दुर्वासा उवाच- अहो अत्रेरहं पुत्रोऽनसूयागर्भसंभवः । शिवांशो मानुषेणालमवज्ञातोऽमुना भवम्
durvāsā uvāca- aho atrerahaṃ putro'nasūyāgarbhasaṃbhavaḥ | śivāṃśo mānuṣeṇālamavajñāto'munā bhavam
Sanskrit only: no published translation is held for this verse.
त्रिलोकीराज्यतः शक्रो मया येन प्रपातितः । तं मामपि मनुष्योऽयमवजानाति दुर्मतिः
trilokīrājyataḥ śakro mayā yena prapātitaḥ | taṃ māmapi manuṣyo'yamavajānāti durmatiḥ
Sanskrit only: no published translation is held for this verse.
यो बिभेति न कः सोसि मत्तः कालानलादिव । मुक्त्वा देवत्रयीं लोके यतः सार्हत्तमा मम
yo bibheti na kaḥ sosi mattaḥ kālānalādiva | muktvā devatrayīṃ loke yataḥ sārhattamā mama
Sanskrit only: no published translation is held for this verse.
यामसौ ध्यायते मूढो देवतां ध्यानमास्थितः । न कथं बोधयत्येनं सेति मूर्त्तिस्थितो यमः
yāmasau dhyāyate mūḍho devatāṃ dhyānamāsthitaḥ | na kathaṃ bodhayatyenaṃ seti mūrttisthito yamaḥ
Sanskrit only: no published translation is held for this verse.
नूनं नारायणं देवं ध्यायत्येष जगद्गुरुम् । यद्ध्यानामृततृप्तो हि न बाह्यज्ञानवानयम्
nūnaṃ nārāyaṇaṃ devaṃ dhyāyatyeṣa jagadgurum | yaddhyānāmṛtatṛpto hi na bāhyajñānavānayam
Sanskrit only: no published translation is held for this verse.
हरिं वा ब्रह्म वा शंभुमन्यं वा ध्यायतामहम् । मयायं सर्वथा दंड्यो मदवज्ञाकरो ह्ययम्
hariṃ vā brahma vā śaṃbhumanyaṃ vā dhyāyatāmaham | mayāyaṃ sarvathā daṃḍyo madavajñākaro hyayam
Sanskrit only: no published translation is held for this verse.
शिवशर्मोवाच- एवं विचिंतयित्वा स सुमतिं मामबोधयत् । शशाप च विबुद्धं मामितिक्रोधारुणेक्षणः
śivaśarmovāca- evaṃ viciṃtayitvā sa sumatiṃ māmabodhayat | śaśāpa ca vibuddhaṃ māmitikrodhāruṇekṣaṇaḥ
Sanskrit only: no published translation is held for this verse.
मामवज्ञाय यश्चित्ते ध्यानकाले मनोरथः । कुतस्तेन भवेह्यस्मिन्भविष्यति हि सर्वथा
māmavajñāya yaścitte dhyānakāle manorathaḥ | kutastena bhavehyasminbhaviṣyati hi sarvathā
Sanskrit only: no published translation is held for this verse.
इत्युक्त्वा स यदा तात चलितो मुनिरत्रिजः । तदा मया चरणयोर्गृहीतोभयभीरुणा
ityuktvā sa yadā tāta calito muniratrijaḥ | tadā mayā caraṇayorgṛhītobhayabhīruṇā
Sanskrit only: no published translation is held for this verse.
इत्युक्तश्च मुनिश्रेष्ठ क्षम्यतां रुड्विमुच्यताम् । मादृशा न विजानंति सम्यक्कर्म भवादृशाम्
ityuktaśca muniśreṣṭha kṣamyatāṃ ruḍvimucyatām | mādṛśā na vijānaṃti samyakkarma bhavādṛśām
Sanskrit only: no published translation is held for this verse.
शापं त्वं दत्तवान्घोरं सांप्रतं मे निरेनसः । प्रसीद मम नम्रस्य शापांते कुर्वनुग्रहम्
śāpaṃ tvaṃ dattavānghoraṃ sāṃprataṃ me nirenasaḥ | prasīda mama namrasya śāpāṃte kurvanugraham
Sanskrit only: no published translation is held for this verse.
इत्युक्तः कोपमुत्सृज्य दुर्वासा शीतलोभवत् । किमेतन्नोचितं तात स यतश्चंद्रशेखरः
ityuktaḥ kopamutsṛjya durvāsā śītalobhavat | kimetannocitaṃ tāta sa yataścaṃdraśekharaḥ
Sanskrit only: no published translation is held for this verse.
उवाचेति समां धीमांस्तं भूत्वा ब्राह्मणोत्तमः । अत्रैव मरणं प्राप्य न भूयो जन्म लप्स्यसे
uvāceti samāṃ dhīmāṃstaṃ bhūtvā brāhmaṇottamaḥ | atraiva maraṇaṃ prāpya na bhūyo janma lapsyase
Sanskrit only: no published translation is held for this verse.
इति मामनुगृह्याथ स जगाम दिगंबरः । उषित्वा तद्दिनं तात मया सत्कारपूजितः
iti māmanugṛhyātha sa jagāma digaṃbaraḥ | uṣitvā taddinaṃ tāta mayā satkārapūjitaḥ
Sanskrit only: no published translation is held for this verse.
न मुनेर्भाषितं मिथ्या चिंतयित्वाहमित्यपि
na munerbhāṣitaṃ mithyā ciṃtayitvāhamityapi
Sanskrit only: no published translation is held for this verse.
जगाम स्वगृहं चित्ते पश्चात्तापं वहन्निति । अहो मे ध्यायतो नित्यं स तीर्थाश्रमिणस्तथा
jagāma svagṛhaṃ citte paścāttāpaṃ vahanniti | aho me dhyāyato nityaṃ sa tīrthāśramiṇastathā
Sanskrit only: no published translation is held for this verse.
दर्शनं दुर्लभं जातं श्रीपतेरिह जन्मनि । चातकस्येव मेघस्य शुचौ संतापकारिणि
darśanaṃ durlabhaṃ jātaṃ śrīpateriha janmani | cātakasyeva meghasya śucau saṃtāpakāriṇi
Sanskrit only: no published translation is held for this verse.
कुतोऽयमागतो मह्यं वैकुंठगतिरोधकः । जनस्य प्रस्थितस्येव जलदो कालवारिमुक्
kuto'yamāgato mahyaṃ vaikuṃṭhagatirodhakaḥ | janasya prasthitasyeva jalado kālavārimuk
Sanskrit only: no published translation is held for this verse.
न दोषोऽस्ति मुनेर्नूनं तस्यैवेच्छाहरेः खलु । सुदर्शनं हि दत्त्वापि ममजन्मांतरं कृतम्
na doṣo'sti munernūnaṃ tasyaivecchāhareḥ khalu | sudarśanaṃ hi dattvāpi mamajanmāṃtaraṃ kṛtam
Sanskrit only: no published translation is held for this verse.
मया संसारभीतेन ग्राह्यं पादांबुजंहरेः । निदाघातपतप्तेन पथिकेनेव पादपः
mayā saṃsārabhītena grāhyaṃ pādāṃbujaṃhareḥ | nidāghātapataptena pathikeneva pādapaḥ
Sanskrit only: no published translation is held for this verse.
किं धनापत्ययोषिद्भिरनित्यैश्चान्यबंधुभिः । गोविंदपरमानंद रामेति ममजल्पतः
kiṃ dhanāpatyayoṣidbhiranityaiścānyabaṃdhubhiḥ | goviṃdaparamānaṃda rāmeti mamajalpataḥ
Sanskrit only: no published translation is held for this verse.
उदासीनवदासीनः कुंटुबेषु हरिं भजन् । प्रारब्धमेव भोक्ष्यामि कर्माण्यन्यान्यतर्जयन्
udāsīnavadāsīnaḥ kuṃṭubeṣu hariṃ bhajan | prārabdhameva bhokṣyāmi karmāṇyanyānyatarjayan
Sanskrit only: no published translation is held for this verse.
चिंतयन्नित्यहं तात कियद्भिर्वासरैरहम् । प्राप्तवान्स्वगृहं स्नात्वा हरिपादोदकांतरे
ciṃtayannityahaṃ tāta kiyadbhirvāsarairaham | prāptavānsvagṛhaṃ snātvā haripādodakāṃtare
Sanskrit only: no published translation is held for this verse.
पितुर्मरणमाख्यातं मात्रे बंधुभ्य एव च । श्रुत्वा तेऽपि शुचं चक्रुर्नाविंदन्निममस्थिरम्
piturmaraṇamākhyātaṃ mātre baṃdhubhya eva ca | śrutvā te'pi śucaṃ cakrurnāviṃdannimamasthiram
Sanskrit only: no published translation is held for this verse.
सत्यलोकादि लोकेषु निस्पृहोऽहं गृहे वसन् । मरणं प्राप्तवान्कूले गंगाया मुनिसेविते
satyalokādi lokeṣu nispṛho'haṃ gṛhe vasan | maraṇaṃ prāptavānkūle gaṃgāyā munisevite
Sanskrit only: no published translation is held for this verse.
मुनेर्दुर्वाससः शापाज्जातोऽहं वैष्णवे कुले । मरणं चात्र सत्तीर्थे लब्ध्वा प्राप्स्ये हरेः पदम्
munerdurvāsasaḥ śāpājjāto'haṃ vaiṣṇave kule | maraṇaṃ cātra sattīrthe labdhvā prāpsye hareḥ padam
Sanskrit only: no published translation is held for this verse.
नारद उवाच- एवं सुराचार्यविनिर्मिते तदा तीर्थे महाभाग पुराकृतानि तौ । द्विजोत्तमौ प्रोच्य मिथः सुतस्थतुर्विचिंतयंतौ हरिपादपल्लवम्
nārada uvāca- evaṃ surācāryavinirmite tadā tīrthe mahābhāga purākṛtāni tau | dvijottamau procya mithaḥ sutasthaturviciṃtayaṃtau haripādapallavam
Sanskrit only: no published translation is held for this verse.
विचिंतयंतौ हरिमब्जलोचनं चतुर्भुजं नीरदनीलविग्रहम् । निजायुधालंकरणावभासितं स्मृत्वात्र सारूप्यमवापतुर्हरेः
viciṃtayaṃtau harimabjalocanaṃ caturbhujaṃ nīradanīlavigraham | nijāyudhālaṃkaraṇāvabhāsitaṃ smṛtvātra sārūpyamavāpaturhareḥ
Sanskrit only: no published translation is held for this verse.
यस्य क्षेत्रमिमं पुण्यमिंद्रप्रस्थाख्यमुत्तमम् । तस्योपाख्यानमाख्यातं फलमस्य शिवे शृणु
yasya kṣetramimaṃ puṇyamiṃdraprasthākhyamuttamam | tasyopākhyānamākhyātaṃ phalamasya śive śṛṇu
Sanskrit only: no published translation is held for this verse.
गंगास्नानेन यत्पुण्यं कन्यादानोद्भवं च यत् । श्रवणादस्य तत्पुण्यं श्रद्धया लभते नरः
gaṃgāsnānena yatpuṇyaṃ kanyādānodbhavaṃ ca yat | śravaṇādasya tatpuṇyaṃ śraddhayā labhate naraḥ
Sanskrit only: no published translation is held for this verse.
पुत्रे जाते तु गोदानात्सिंहगे च बृहस्पतौ । गोदावरीजले स्नानाद्यत्फलं भुवि जायते
putre jāte tu godānātsiṃhage ca bṛhaspatau | godāvarījale snānādyatphalaṃ bhuvi jāyate
Sanskrit only: no published translation is held for this verse.
तत्फलं श्रवणादस्य जायते नात्र संशयः । अतस्तीर्थोत्तमादन्यत्तीर्थं नास्त्यखिलार्थदम् । यस्मिन्मरणतो नूनं तिर्यंचोऽपि चतुर्भुजाः
tatphalaṃ śravaṇādasya jāyate nātra saṃśayaḥ | atastīrthottamādanyattīrthaṃ nāstyakhilārthadam | yasminmaraṇato nūnaṃ tiryaṃco'pi caturbhujāḥ
Sanskrit only: no published translation is held for this verse.