Padma Purāṇa 6.21

नारद उवाच- सगरस्यात्मजा वीराः कथं जाता महाबलाः । विक्रांताः षष्टिसाहस्रा विज्ञानेश्वर तद्वद

nārada uvāca- sagarasyātmajā vīrāḥ kathaṃ jātā mahābalāḥ | vikrāṃtāḥ ṣaṣṭisāhasrā vijñāneśvara tadvada

Sanskrit only: no published translation is held for this verse.

श्रीपार्वतीपतिरुवाच- द्वे पत्न्यौ सगरस्यास्तां तपसा दग्धकिल्बिषे । और्वस्ताभ्यां वरं प्रादात्तोषितो मुनिसत्तमः

śrīpārvatīpatiruvāca- dve patnyau sagarasyāstāṃ tapasā dagdhakilbiṣe | aurvastābhyāṃ varaṃ prādāttoṣito munisattamaḥ

Sanskrit only: no published translation is held for this verse.

षष्टिंपुत्रसहस्राणि एका वव्रे तरस्विनाम् । एका वंशधरं त्वेकं यथेष्टं वरशालिनी

ṣaṣṭiṃputrasahasrāṇi ekā vavre tarasvinām | ekā vaṃśadharaṃ tvekaṃ yatheṣṭaṃ varaśālinī

Sanskrit only: no published translation is held for this verse.

तत्रैका सुषुवे तुंब्यां पुत्रान्शूरान्बहूनथ । ते तु सर्वेऽपि धात्रीभिर्वर्द्धितास्तु यथाक्रमम्

tatraikā suṣuve tuṃbyāṃ putrānśūrānbahūnatha | te tu sarve'pi dhātrībhirvarddhitāstu yathākramam

Sanskrit only: no published translation is held for this verse.

कपिलानां तु दुग्धानां तेषां तत्र महात्मनाम्

kapilānāṃ tu dugdhānāṃ teṣāṃ tatra mahātmanām

Sanskrit only: no published translation is held for this verse.

तेनैव दुग्धयोगेन ववृधुस्ते महात्मनः । एकः पंचजनो नाम पुत्रो राजा बभूव ह

tenaiva dugdhayogena vavṛdhuste mahātmanaḥ | ekaḥ paṃcajano nāma putro rājā babhūva ha

Sanskrit only: no published translation is held for this verse.

ततः पंचजनस्यासीदंशुमान्नाम वीर्यवान् । दिलीपस्तनयस्तस्य पुत्रो यस्य भगीरथः

tataḥ paṃcajanasyāsīdaṃśumānnāma vīryavān | dilīpastanayastasya putro yasya bhagīrathaḥ

Sanskrit only: no published translation is held for this verse.

यस्तु गंगासरिच्छ्रेष्ठामानयामास सुव्रतः । समुद्र मानयित्वैनां दुहितृत्वमकल्पयत्

yastu gaṃgāsaricchreṣṭhāmānayāmāsa suvrataḥ | samudra mānayitvaināṃ duhitṛtvamakalpayat

Sanskrit only: no published translation is held for this verse.

नारद उवाच- कथं गंगा समानीता किं तपस्तेन वै कृतम् । तत्सर्वं मे समाचक्ष्व सुव्रतोऽसि दयानिधे

nārada uvāca- kathaṃ gaṃgā samānītā kiṃ tapastena vai kṛtam | tatsarvaṃ me samācakṣva suvrato'si dayānidhe

Sanskrit only: no published translation is held for this verse.

महादेव उवाच- पूर्वजानां हितार्थाय गतोऽसौ हैमके गिरौ । तत्र गत्वा तपस्तप्तं वर्षाणामयुतं तदा

mahādeva uvāca- pūrvajānāṃ hitārthāya gato'sau haimake girau | tatra gatvā tapastaptaṃ varṣāṇāmayutaṃ tadā

Sanskrit only: no published translation is held for this verse.

आदिदेवः प्रसन्नोऽभूद्योऽसौ देवो निरंजनः । तेन दत्ता इयं गंगा आकाशात्समुपस्थिता

ādidevaḥ prasanno'bhūdyo'sau devo niraṃjanaḥ | tena dattā iyaṃ gaṃgā ākāśātsamupasthitā

Sanskrit only: no published translation is held for this verse.

तत्र विश्वेश्वरो देवो यत्र तिष्ठति नित्यशः । गंगां दृष्ट्वाऽगतां तेन गृहीता जाह्नवी तदा

tatra viśveśvaro devo yatra tiṣṭhati nityaśaḥ | gaṃgāṃ dṛṣṭvā'gatāṃ tena gṛhītā jāhnavī tadā

Sanskrit only: no published translation is held for this verse.

जटाजूटे च संधार्य वर्षाणामयुतं स्थितम् । न निःसृता तदा गंगा ईशस्यैव प्रभावतः

jaṭājūṭe ca saṃdhārya varṣāṇāmayutaṃ sthitam | na niḥsṛtā tadā gaṃgā īśasyaiva prabhāvataḥ

Sanskrit only: no published translation is held for this verse.

विचारितं तदा तेन क्व गता मम मातृका । स ध्यानेन विचार्यैवं गृहीता चेश्वरेण तु

vicāritaṃ tadā tena kva gatā mama mātṛkā | sa dhyānena vicāryaivaṃ gṛhītā ceśvareṇa tu

Sanskrit only: no published translation is held for this verse.

ततः कैलासमगमत्स तु भगीरथो नृपः । तत्र गत्वा मुनिश्रेष्ठ ह्यकरोदुल्बणं तपः

tataḥ kailāsamagamatsa tu bhagīratho nṛpaḥ | tatra gatvā muniśreṣṭha hyakarodulbaṇaṃ tapaḥ

Sanskrit only: no published translation is held for this verse.

आराधितस्तदा तेन दत्तवानहमापगाम् । एकं केशं परित्यज्य दत्ता त्रिपथगा तदा

ārādhitastadā tena dattavānahamāpagām | ekaṃ keśaṃ parityajya dattā tripathagā tadā

Sanskrit only: no published translation is held for this verse.

स गृहीत्वा गतो गंगां पाताले यत्र पूर्वजाः । अलकनंदा तदा नाम गंगायाः प्रथमं स्मृतम्

sa gṛhītvā gato gaṃgāṃ pātāle yatra pūrvajāḥ | alakanaṃdā tadā nāma gaṃgāyāḥ prathamaṃ smṛtam

Sanskrit only: no published translation is held for this verse.

हरिद्वारे यदायाता विष्णुपादोदकी तदा । तदेव तीर्थं प्रवरं देवानामपि दुर्ल्लभम्

haridvāre yadāyātā viṣṇupādodakī tadā | tadeva tīrthaṃ pravaraṃ devānāmapi durllabham

Sanskrit only: no published translation is held for this verse.

तत्तीर्थे च नरः स्नात्वा हरिं दृष्ट्वा विशेषतः । प्रदक्षिणं ये कुर्वंति न चैते दुःखभागिनः

tattīrthe ca naraḥ snātvā hariṃ dṛṣṭvā viśeṣataḥ | pradakṣiṇaṃ ye kurvaṃti na caite duḥkhabhāginaḥ

Sanskrit only: no published translation is held for this verse.

ब्रह्महत्यादि पापानां राशयः संत्यनेकशः । विलयं यांति ते सर्वे हरेर्दर्शनतः सदा

brahmahatyādi pāpānāṃ rāśayaḥ saṃtyanekaśaḥ | vilayaṃ yāṃti te sarve harerdarśanataḥ sadā

Sanskrit only: no published translation is held for this verse.

एकदा केशवस्थाने हरिद्वारे ह्यहं गतः । तस्मात्तीर्थप्रभावाच्च जातोऽहं विष्णुरूपवान्

ekadā keśavasthāne haridvāre hyahaṃ gataḥ | tasmāttīrthaprabhāvācca jāto'haṃ viṣṇurūpavān

Sanskrit only: no published translation is held for this verse.

ये गच्छंति नरश्रेष्ठास्ते वै यांति ह्यनामयम् । चतुर्भुजास्तु ते लोकाः नरा नार्यश्च सर्वशः

ye gacchaṃti naraśreṣṭhāste vai yāṃti hyanāmayam | caturbhujāstu te lokāḥ narā nāryaśca sarvaśaḥ

Sanskrit only: no published translation is held for this verse.

वैकुंठं यांति ते सर्वे हरेर्दर्शनमात्रतः । ममाप्यधिक तीर्थं तु हरिद्वारं सुशोभनम्

vaikuṃṭhaṃ yāṃti te sarve harerdarśanamātrataḥ | mamāpyadhika tīrthaṃ tu haridvāraṃ suśobhanam

Sanskrit only: no published translation is held for this verse.

तीर्थानां प्रवरं तीर्थं चतुर्वर्गप्रदायकम् । कलौ धर्मकरं पुंसां मोक्षदं चार्थदं तथा

tīrthānāṃ pravaraṃ tīrthaṃ caturvargapradāyakam | kalau dharmakaraṃ puṃsāṃ mokṣadaṃ cārthadaṃ tathā

Sanskrit only: no published translation is held for this verse.

यत्र गंगा महारम्या नित्यं वहति निर्मला । एतत्कथानकं पुण्यं हरिद्वाराख्यमुत्तमम्

yatra gaṃgā mahāramyā nityaṃ vahati nirmalā | etatkathānakaṃ puṇyaṃ haridvārākhyamuttamam

Sanskrit only: no published translation is held for this verse.

उक्तं च शृण्वतां पुंसां फलं भवति शाश्वतम् । अश्वमेधे कृते यागे गोसहस्रे तथैव च

uktaṃ ca śṛṇvatāṃ puṃsāṃ phalaṃ bhavati śāśvatam | aśvamedhe kṛte yāge gosahasre tathaiva ca

Sanskrit only: no published translation is held for this verse.

तत्पुण्यं लभते विद्वान्हरेर्दर्शनमात्रतः । गोहंता ब्रह्महा चैव ये चान्ये पितृघातकाः

tatpuṇyaṃ labhate vidvānharerdarśanamātrataḥ | gohaṃtā brahmahā caiva ye cānye pitṛghātakāḥ

Sanskrit only: no published translation is held for this verse.

एवंविधानि पापानि बहून्यपि च वै द्विज । विलयं यांति सर्वाणि हरेर्दर्शनमात्रतः

evaṃvidhāni pāpāni bahūnyapi ca vai dvija | vilayaṃ yāṃti sarvāṇi harerdarśanamātrataḥ

Sanskrit only: no published translation is held for this verse.