Library·Padma Purāṇa·6·6.210
नारद उवाच- एवं प्रबोध्य तान्सर्वान्वचोभिः पारमार्थिकैः । स हंसः कारयामास क्रियास्तस्यात्मसंभवाः
nārada uvāca- evaṃ prabodhya tānsarvānvacobhiḥ pāramārthikaiḥ | sa haṃsaḥ kārayāmāsa kriyāstasyātmasaṃbhavāḥ
Sanskrit only: no published translation is held for this verse.
अंतर्वत्नी मुकुंदस्य निर्बंधं कुर्वती वधूः । अनुगंतुं स्वभर्तारं विदुषा तेन वारिता
aṃtarvatnī mukuṃdasya nirbaṃdhaṃ kurvatī vadhūḥ | anugaṃtuṃ svabhartāraṃ viduṣā tena vāritā
Sanskrit only: no published translation is held for this verse.
तस्यास्थीनि समादाय तेन सन्यासिना समम् । तद्भ्राता प्रययौ गंगाजले पातयितुं नृप
tasyāsthīni samādāya tena sanyāsinā samam | tadbhrātā prayayau gaṃgājale pātayituṃ nṛpa
Sanskrit only: no published translation is held for this verse.
विप्रसन्यासिनौ तौ हि कतिभिर्वासरैर्नृप । सार्थलोकवशात्प्राप्तौ इंद्रप्रस्थेऽत्र सत्पदे
viprasanyāsinau tau hi katibhirvāsarairnṛpa | sārthalokavaśātprāptau iṃdraprasthe'tra satpade
Sanskrit only: no published translation is held for this verse.
इंद्रप्रस्थांतरावर्तिन्येषा या कोशला नृप । अत्र सुप्तौ निशायां तौ यमुनातीरभूतले
iṃdraprasthāṃtarāvartinyeṣā yā kośalā nṛpa | atra suptau niśāyāṃ tau yamunātīrabhūtale
Sanskrit only: no published translation is held for this verse.
आत्मनोरुभयोर्मध्ये न्यस्यास्थिपटसंपुटम् । मार्गखेदपरिक्रांतौ दशां सौषुप्तिकीं गतौ
ātmanorubhayormadhye nyasyāsthipaṭasaṃpuṭam | mārgakhedaparikrāṃtau daśāṃ sauṣuptikīṃ gatau
Sanskrit only: no published translation is held for this verse.
निशीथेऽथ प्रसुप्तेषु सार्थलोकेषु कश्चन । एकः श्वा तत्र संप्राप्तः पक्वान्नादि जिहीर्षया
niśīthe'tha prasupteṣu sārthalokeṣu kaścana | ekaḥ śvā tatra saṃprāptaḥ pakvānnādi jihīrṣayā
Sanskrit only: no published translation is held for this verse.
बभ्राम सर्वशिविरे जिघ्रन्पाकस्थलीं मुहुः । भाजनानि लिहन्मूर्ध्नि क्व च दंडाहतिं सहन्
babhrāma sarvaśivire jighranpākasthalīṃ muhuḥ | bhājanāni lihanmūrdhni kva ca daṃḍāhatiṃ sahan
Sanskrit only: no published translation is held for this verse.
केनचित्ताडितो मूर्ध्नि निशब्दं विद्रुतस्ततः । प्रतिचक्रुमशक्तस्तु स्त्रीजितः स्वस्त्रिया यथा
kenacittāḍito mūrdhni niśabdaṃ vidrutastataḥ | praticakrumaśaktastu strījitaḥ svastriyā yathā
Sanskrit only: no published translation is held for this verse.
यत्रावकंडितः स श्वा दंडग्रावेष्टकादिभिः । पुनर्विवेश तत्रैव सान्नपात्रलिलिप्सया
yatrāvakaṃḍitaḥ sa śvā daṃḍagrāveṣṭakādibhiḥ | punarviveśa tatraiva sānnapātralilipsayā
Sanskrit only: no published translation is held for this verse.
भोगेच्छया यथा वेश्या स्नेहवान्निर्द्धनो जनः । भ्रमन्नेवं स चात्रापि यत्र सुप्तौ हि तावुभौ
bhogecchayā yathā veśyā snehavānnirddhano janaḥ | bhramannevaṃ sa cātrāpi yatra suptau hi tāvubhau
Sanskrit only: no published translation is held for this verse.
सारमेयस्तयोर्मध्याज्जह्रे स पटसंपुटम् । नीत्वा स कियतीं भूमिं दंतैस्तत्पटसंपुटम्
sārameyastayormadhyājjahre sa paṭasaṃpuṭam | nītvā sa kiyatīṃ bhūmiṃ daṃtaistatpaṭasaṃpuṭam
Sanskrit only: no published translation is held for this verse.
विदार्यास्थीनि तत्स्थानि निर्मांसान्यवलोक्य सः । एतस्याः कोशलायास्तु जलमध्ये समाक्षिपत्
vidāryāsthīni tatsthāni nirmāṃsānyavalokya saḥ | etasyāḥ kośalāyāstu jalamadhye samākṣipat
Sanskrit only: no published translation is held for this verse.
क्षिप्तमात्रेषु तेनास्थिष्वेतदंबुनि भूपते । दिव्यं विमानमास्थाय मुकुंदोऽत्र समागतः
kṣiptamātreṣu tenāsthiṣvetadaṃbuni bhūpate | divyaṃ vimānamāsthāya mukuṃdo'tra samāgataḥ
Sanskrit only: no published translation is held for this verse.
दृष्ट्वा गुर्वनुजौ सुप्तौ शनैः प्राबोधयत्तदा । उवाच च नमस्कृत्य गुंरुं दिव्याकृतिर्नृप
dṛṣṭvā gurvanujau suptau śanaiḥ prābodhayattadā | uvāca ca namaskṛtya guṃruṃ divyākṛtirnṛpa
Sanskrit only: no published translation is held for this verse.
मुकुंद उवाच। वेदायन गुरो तुभ्यं नम आशीस्तवानुज । प्रासादाद्वां ममास्थीनि तीर्थेऽत्र पतितानि वै
mukuṃda uvāca| vedāyana guro tubhyaṃ nama āśīstavānuja | prāsādādvāṃ mamāsthīni tīrthe'tra patitāni vai
Sanskrit only: no published translation is held for this verse.
अयं मृत्युमहं गत्वा निरयं प्राप्य तत्फलम् । एतत्तीर्थप्रसादेन दैवी लब्धा मया गतिः
ayaṃ mṛtyumahaṃ gatvā nirayaṃ prāpya tatphalam | etattīrthaprasādena daivī labdhā mayā gatiḥ
Sanskrit only: no published translation is held for this verse.
त्वां गुरुं तीर्थभूतं तु नमस्कर्तुमिहागतः । अहं गच्छन्विमानेन दिव्येन त्रिदशालयम्
tvāṃ guruṃ tīrthabhūtaṃ tu namaskartumihāgataḥ | ahaṃ gacchanvimānena divyena tridaśālayam
Sanskrit only: no published translation is held for this verse.
नमस्कृतो भवानेतत्तीर्थ चायं सहोदरः । दृष्टो मामनुजानीहि यामि स्वर्गं सुखोदयम्
namaskṛto bhavānetattīrtha cāyaṃ sahodaraḥ | dṛṣṭo māmanujānīhi yāmi svargaṃ sukhodayam
Sanskrit only: no published translation is held for this verse.
नारद उवाच- श्रुत्वैवं वचनं तस्य मुकुंदस्य गुरुस्तदा । वेदायनो विमानस्थं तमूचे गतविस्मयः
nārada uvāca- śrutvaivaṃ vacanaṃ tasya mukuṃdasya gurustadā | vedāyano vimānasthaṃ tamūce gatavismayaḥ
Sanskrit only: no published translation is held for this verse.
देवायन उवाच- मुकुंदाख्याहि मे सत्यं लब्ध्वा यन्मरणं भवान् । कस्मिंल्लोके गतस्तात यतो यात्यधुना दिवम्
devāyana uvāca- mukuṃdākhyāhi me satyaṃ labdhvā yanmaraṇaṃ bhavān | kasmiṃlloke gatastāta yato yātyadhunā divam
Sanskrit only: no published translation is held for this verse.
किं वृत्तं तत्र ते तात तस्यलोकस्य कोऽधिपः । कीदृशी च प्रजा कीदृक्धर्मस्तत्राखिलं वद
kiṃ vṛttaṃ tatra te tāta tasyalokasya ko'dhipaḥ | kīdṛśī ca prajā kīdṛkdharmastatrākhilaṃ vada
Sanskrit only: no published translation is held for this verse.
मुकुंद उवाच- कथयामि गुरो तुभ्यं यद्वृत्तं मरणादनु । तीर्थस्यास्य प्रसादेन स्मृतिर्मे जायतेऽधुना
mukuṃda uvāca- kathayāmi guro tubhyaṃ yadvṛttaṃ maraṇādanu | tīrthasyāsya prasādena smṛtirme jāyate'dhunā
Sanskrit only: no published translation is held for this verse.
यदाहं तेन निहतश्चंडकेन दुरात्मना । नापितेन तदा जग्मुर्यमभृत्याः सुदारुणाः
yadāhaṃ tena nihataścaṃḍakena durātmanā | nāpitena tadā jagmuryamabhṛtyāḥ sudāruṇāḥ
Sanskrit only: no published translation is held for this verse.
पिंगाक्षा रक्तकेशाश्च श्यामदेह नखाधराः । वामना दीर्घचरणा ह्रस्वनासाश्च दंतुराः
piṃgākṣā raktakeśāśca śyāmadeha nakhādharāḥ | vāmanā dīrghacaraṇā hrasvanāsāśca daṃturāḥ
Sanskrit only: no published translation is held for this verse.
नीयतां नीयतामेष धर्मराजस्य शासनात् । पुरीं संयमनीमेवमूचिरे ते परस्परम्
nīyatāṃ nīyatāmeṣa dharmarājasya śāsanāt | purīṃ saṃyamanīmevamūcire te parasparam
Sanskrit only: no published translation is held for this verse.
इत्युक्त्वा यातना देहे मां निवेश्य महारुषा । निबध्य दारुणैः पाशैर्जघ्नुर्लोहस्य मुद्गरैः
ityuktvā yātanā dehe māṃ niveśya mahāruṣā | nibadhya dāruṇaiḥ pāśairjaghnurlohasya mudgaraiḥ
Sanskrit only: no published translation is held for this verse.
तैरहं नीयमानस्तु मार्गे ह्युत्तप्तवालुके । अरुदं भृशदुःखार्तस्ताडितोऽहं पुनश्च तैः
tairahaṃ nīyamānastu mārge hyuttaptavāluke | arudaṃ bhṛśaduḥkhārtastāḍito'haṃ punaśca taiḥ
Sanskrit only: no published translation is held for this verse.
प्रोचुश्च ते ध्रुवं कृत्वा निर्भर्त्स्येति च मां बहु । यमदूता ऊचुः । त्वया लुप्तो गुरुर्यस्माद्वदता ब्रह्म निश्चलम्
procuśca te dhruvaṃ kṛtvā nirbhartsyeti ca māṃ bahu | yamadūtā ūcuḥ | tvayā lupto gururyasmādvadatā brahma niścalam
Sanskrit only: no published translation is held for this verse.
किं करोषि यमस्याग्रे द्रष्टव्यं दारुणं मुखम् । तस्य पापस्य भोक्तव्यं दारुणस्य फलं त्वया
kiṃ karoṣi yamasyāgre draṣṭavyaṃ dāruṇaṃ mukham | tasya pāpasya bhoktavyaṃ dāruṇasya phalaṃ tvayā
Sanskrit only: no published translation is held for this verse.
तेनैव पाप्मना पापिन्नपमृत्युं गतो भवान् । इत्युक्त्वा मां मुहूर्तेन बहुयोजनसंस्थिताम्
tenaiva pāpmanā pāpinnapamṛtyuṃ gato bhavān | ityuktvā māṃ muhūrtena bahuyojanasaṃsthitām
Sanskrit only: no published translation is held for this verse.
पुरीं संयमनीं निन्युर्यत्र राजा स्वयं यमः । प्रणम्य धर्मराजानं स्थापयित्वा तु मां पुरः
purīṃ saṃyamanīṃ ninyuryatra rājā svayaṃ yamaḥ | praṇamya dharmarājānaṃ sthāpayitvā tu māṃ puraḥ
Sanskrit only: no published translation is held for this verse.
आनीतोऽयं द्विजः पाप इति मां ते न्यवेदयन् । दृष्ट्वा मां धर्मराजोऽथ प्रोवाच स्वसभासदः
ānīto'yaṃ dvijaḥ pāpa iti māṃ te nyavedayan | dṛṣṭvā māṃ dharmarājo'tha provāca svasabhāsadaḥ
Sanskrit only: no published translation is held for this verse.
यम उवाच- भो सभ्या मामकीं वाचं शृण्वंतु सुसमाहिताः । यदाहं ब्रह्मणा ह्यस्मिन्नधिकारे निवेशितः
yama uvāca- bho sabhyā māmakīṃ vācaṃ śṛṇvaṃtu susamāhitāḥ | yadāhaṃ brahmaṇā hyasminnadhikāre niveśitaḥ
Sanskrit only: no published translation is held for this verse.
तदा मामित्युवाचासौ ब्रह्मा लोकपितामहः । ब्रह्मोवाच- अधर्मिणां नराणां त्वं शास्ता संयमनीपतिः
tadā māmityuvācāsau brahmā lokapitāmahaḥ | brahmovāca- adharmiṇāṃ narāṇāṃ tvaṃ śāstā saṃyamanīpatiḥ
Sanskrit only: no published translation is held for this verse.
यथापराधमाधत्स्व दंडं चंडकरात्मज । पित्रोरपोषको यस्तु समर्थो गुरुध्रुक्तु यः । एतौ महापातकिनौ निपात्यौ निरयेषु ते
yathāparādhamādhatsva daṃḍaṃ caṃḍakarātmaja | pitrorapoṣako yastu samartho gurudhruktu yaḥ | etau mahāpātakinau nipātyau nirayeṣu te
Sanskrit only: no published translation is held for this verse.
सर्वेषु यावद्वर्षाणां प्रत्येकमयुतं भवेत् । एतयोर्न त्वया कार्या दया जातु ककुप्पते
sarveṣu yāvadvarṣāṇāṃ pratyekamayutaṃ bhavet | etayorna tvayā kāryā dayā jātu kakuppate
Sanskrit only: no published translation is held for this verse.
यम उवाच- इत्यहं ब्रह्मणो वाक्यात्स्वगुरुद्रुहि मानवे । न करोमि क्रियां सभ्यास्तथा पित्रोरपोषके
yama uvāca- ityahaṃ brahmaṇo vākyātsvagurudruhi mānave | na karomi kriyāṃ sabhyāstathā pitrorapoṣake
Sanskrit only: no published translation is held for this verse.
ब्राह्मणोऽयं गुरुद्रोही तद्द्रोहादपमृत्युताम् । प्राप्तो मच्छासनाद्भृत्यैरानीतो दर्शनाक्षमः
brāhmaṇo'yaṃ gurudrohī taddrohādapamṛtyutām | prāpto macchāsanādbhṛtyairānīto darśanākṣamaḥ
Sanskrit only: no published translation is held for this verse.
भो भृत्याः प्रथमं घोरे रौरवे वत्सरायुते । पात्यतां च पुनस्तस्मान्निःसार्य्यान्यत्र पात्यताम्
bho bhṛtyāḥ prathamaṃ ghore raurave vatsarāyute | pātyatāṃ ca punastasmānniḥsāryyānyatra pātyatām
Sanskrit only: no published translation is held for this verse.
तावंतमेव कालं वै पापोऽयं गुरुलोपकः । नरकेष्विति सर्वेषु यथाकालं स्थितं द्रुतम्
tāvaṃtameva kālaṃ vai pāpo'yaṃ gurulopakaḥ | narakeṣviti sarveṣu yathākālaṃ sthitaṃ drutam
Sanskrit only: no published translation is held for this verse.
मुकुंद उवाच- वेदायन गुरो स्वामिन्भृत्यास्ते यमशासनात् । नीत्वा मां रौरवे घोरे पाशैर्बध्वा न्यपातयन्
mukuṃda uvāca- vedāyana guro svāminbhṛtyāste yamaśāsanāt | nītvā māṃ raurave ghore pāśairbadhvā nyapātayan
Sanskrit only: no published translation is held for this verse.
तत्राहं तां व्यथां गुर्वी लब्धवानतिदारुणाम् । यथाकोऽपि क्षणस्तात नीतो मे युगवत्तदा
tatrāhaṃ tāṃ vyathāṃ gurvī labdhavānatidāruṇām | yathāko'pi kṣaṇastāta nīto me yugavattadā
Sanskrit only: no published translation is held for this verse.
त्रिंशद्दिनानि तन्नीतं दुःखं मे तत्र तिष्ठता । एकत्रिंशतमे ह्यस्मिन्दिनेऽहं निर्गतस्तदा
triṃśaddināni tannītaṃ duḥkhaṃ me tatra tiṣṭhatā | ekatriṃśatame hyasmindine'haṃ nirgatastadā
Sanskrit only: no published translation is held for this verse.
पतितेष्वस्थिखंडेषु तीर्थेऽस्मिन्नुतमोत्तमे । गुरुलोपोद्भवं पापं सद्यो नष्टं ममाभवत
patiteṣvasthikhaṃḍeṣu tīrthe'sminnutamottame | gurulopodbhavaṃ pāpaṃ sadyo naṣṭaṃ mamābhavata
Sanskrit only: no published translation is held for this verse.
तीर्थस्यास्य प्रसादेन लब्धा च स्वर्गतिर्मया । सुखं स्वर्गे निवत्स्यामि यावदिंद्राश्चतुर्दश
tīrthasyāsya prasādena labdhā ca svargatirmayā | sukhaṃ svarge nivatsyāmi yāvadiṃdrāścaturdaśa
Sanskrit only: no published translation is held for this verse.
यमस्य नगरे तस्मिन्याः प्रजा निवसंति वै । पापिनां भयदायिन्यो धर्मिणां ता मनोहराः
yamasya nagare tasminyāḥ prajā nivasaṃti vai | pāpināṃ bhayadāyinyo dharmiṇāṃ tā manoharāḥ
Sanskrit only: no published translation is held for this verse.
सिंहास्या गजकोलास्या महादंष्ट्रोन्नतोदरीः । बिडालास्याः पिंगकेश्यो भामिन्यो दीर्घपत्कराः
siṃhāsyā gajakolāsyā mahādaṃṣṭronnatodarīḥ | biḍālāsyāḥ piṃgakeśyo bhāminyo dīrghapatkarāḥ
Sanskrit only: no published translation is held for this verse.
तीर्थस्यास्य प्रसादेन निःपापोहं यदाभवम् । तदा मया प्रजा दृष्टा दिव्यरूपा यमालये
tīrthasyāsya prasādena niḥpāpohaṃ yadābhavam | tadā mayā prajā dṛṣṭā divyarūpā yamālaye
Sanskrit only: no published translation is held for this verse.
सर्वास्ताः सत्यवादिन्यो विनयाचारसंचिताः । दिव्याभरणधारिण्यो दिव्यांबरविभूषिताः
sarvāstāḥ satyavādinyo vinayācārasaṃcitāḥ | divyābharaṇadhāriṇyo divyāṃbaravibhūṣitāḥ
Sanskrit only: no published translation is held for this verse.
इत्येतत्कथितं तात यत्पृष्टोऽहं त्वयानघ । अनुजानीहि मां गंतुममरेशपुरीं प्रति
ityetatkathitaṃ tāta yatpṛṣṭo'haṃ tvayānagha | anujānīhi māṃ gaṃtumamareśapurīṃ prati
Sanskrit only: no published translation is held for this verse.
नारद उवाच- इत्याकर्ण्य स सन्यासी स्वशिष्योक्तं वचस्तदा । भूयः पप्रच्छ धर्मात्मा मुकुंदं तं द्विजं नृप
nārada uvāca- ityākarṇya sa sanyāsī svaśiṣyoktaṃ vacastadā | bhūyaḥ papraccha dharmātmā mukuṃdaṃ taṃ dvijaṃ nṛpa
Sanskrit only: no published translation is held for this verse.
वेदायन उवाच- बाल्यावधि गुरुस्नेहं मत्तोऽधीतं त्वयाखिलम् । शब्दशास्त्रसमेतश्च वेदस्तु सपदक्रमः
vedāyana uvāca- bālyāvadhi gurusnehaṃ matto'dhītaṃ tvayākhilam | śabdaśāstrasametaśca vedastu sapadakramaḥ
Sanskrit only: no published translation is held for this verse.
विहिता मम शुश्रूषा भावेन भवतोत्तमा । त्वयि संति सतां साधो गुणाः शमदमादयः
vihitā mama śuśrūṣā bhāvena bhavatottamā | tvayi saṃti satāṃ sādho guṇāḥ śamadamādayaḥ
Sanskrit only: no published translation is held for this verse.
गुरुलोपकृतं पापं कथं ते समजायत । एतदाख्याहि मे तात यथा जानामि तत्वतः
gurulopakṛtaṃ pāpaṃ kathaṃ te samajāyata | etadākhyāhi me tāta yathā jānāmi tatvataḥ
Sanskrit only: no published translation is held for this verse.
मुकुंद उवाच- जन्मोपवीतकन्यानां धातारो निगमस्य च । यज्ञोपवीतदातुश्च नाज्ञाभंगः कृतो मया
mukuṃda uvāca- janmopavītakanyānāṃ dhātāro nigamasya ca | yajñopavītadātuśca nājñābhaṃgaḥ kṛto mayā
Sanskrit only: no published translation is held for this verse.
श्वश्रुश्वशुरयोः सेवा भृत्येनेव कृता मया । तवापि शास्त्रदातुश्च नाज्ञाभंगः कृतो मया
śvaśruśvaśurayoḥ sevā bhṛtyeneva kṛtā mayā | tavāpi śāstradātuśca nājñābhaṃgaḥ kṛto mayā
Sanskrit only: no published translation is held for this verse.
पुरोधा यः कुलाचार्यो वेदवेदांतपारगः। तस्यापराद्धं केचिन्मे तत्र त्वं श्रोतुमर्हसि
purodhā yaḥ kulācāryo vedavedāṃtapāragaḥ| tasyāparāddhaṃ kecinme tatra tvaṃ śrotumarhasi
Sanskrit only: no published translation is held for this verse.
यद्यस्माकं कुले पुत्रो जायते धर्मकोविद । तदा पुरोधसे धेनुमेकां वा तस्य दक्षिणाम्
yadyasmākaṃ kule putro jāyate dharmakovida | tadā purodhase dhenumekāṃ vā tasya dakṣiṇām
Sanskrit only: no published translation is held for this verse.
दत्त्वा संच्छिद्यते नालमिति वंशस्य नः स्थितिः । पुरा ममैव पुत्रे तु जातमात्रे शुभेऽहनि
dattvā saṃcchidyate nālamiti vaṃśasya naḥ sthitiḥ | purā mamaiva putre tu jātamātre śubhe'hani
Sanskrit only: no published translation is held for this verse.
कुलक्रिया मया तात न कृता मूढबुद्धिना । तस्याश्चाकरणेनैव गुरुलोपकरोऽभवम्
kulakriyā mayā tāta na kṛtā mūḍhabuddhinā | tasyāścākaraṇenaiva gurulopakaro'bhavam
Sanskrit only: no published translation is held for this verse.
निवेदितमिदं सर्वं गुरुलोपाद्यथा मम । पापमासीदनुज्ञा मे देहि यामि सुरालयम्
niveditamidaṃ sarvaṃ gurulopādyathā mama | pāpamāsīdanujñā me dehi yāmi surālayam
Sanskrit only: no published translation is held for this verse.
वेदायन उवाच- इंद्रप्रस्थांतरावर्तिन्येषा या कोशला शुभा । स्मृतिरस्याः प्रसादेन दृश्यते पूर्वजन्मनः
vedāyana uvāca- iṃdraprasthāṃtarāvartinyeṣā yā kośalā śubhā | smṛtirasyāḥ prasādena dṛśyate pūrvajanmanaḥ
Sanskrit only: no published translation is held for this verse.
केन पुण्येन तीर्थेऽस्मिन्नस्थीनि पतितानि ते । मुकुंदाख्याहि चैतस्य स्मृतिरस्ति तवानघ
kena puṇyena tīrthe'sminnasthīni patitāni te | mukuṃdākhyāhi caitasya smṛtirasti tavānagha
Sanskrit only: no published translation is held for this verse.
मुकंद उवाच- एकस्तु ब्राह्मणः कश्चित्सायं मद्गृहमागतः । तस्मै स्थानं मया दत्तं भोजनं च यथाविधि
mukaṃda uvāca- ekastu brāhmaṇaḥ kaścitsāyaṃ madgṛhamāgataḥ | tasmai sthānaṃ mayā dattaṃ bhojanaṃ ca yathāvidhi
Sanskrit only: no published translation is held for this verse.
सोऽपि भुक्त्वा यथाकामं सुष्वाप शयने शुभे । निशीथे तस्य सर्वांगे ज्वरोऽभूदति दारुणः
so'pi bhuktvā yathākāmaṃ suṣvāpa śayane śubhe | niśīthe tasya sarvāṃge jvaro'bhūdati dāruṇaḥ
Sanskrit only: no published translation is held for this verse.
तेन पीडितसर्वांगो निद्रां लेभे न स द्विजः । प्रभात एव तत्याज प्राणान्मृत्यावुपस्थिते
tena pīḍitasarvāṃgo nidrāṃ lebhe na sa dvijaḥ | prabhāta eva tatyāja prāṇānmṛtyāvupasthite
Sanskrit only: no published translation is held for this verse.
तस्य दाहादि कर्माणि विहितानि मया गुरो । तदस्थीनि च गंगायां पातितानि विधानतः
tasya dāhādi karmāṇi vihitāni mayā guro | tadasthīni ca gaṃgāyāṃ pātitāni vidhānataḥ
Sanskrit only: no published translation is held for this verse.
तेन पुण्येन मेस्थीनि पतितानि शिवप्रदे । तीर्थेऽस्मिन्कोशले नाम्नि ब्रह्मदेवविनिर्मिते
tena puṇyena mesthīni patitāni śivaprade | tīrthe'sminkośale nāmni brahmadevavinirmite
Sanskrit only: no published translation is held for this verse.
नारद उवाच- स्वचरितमितिराजन्स द्विजः प्रोच्य सद्यः सुरसुभगशरीरो द्यां ययौ यानगत्या । इदमकथित मया तं तस्करात्प्राप्य मृत्युं व्यलभत दिवमेतत्तीर्थराजप्रसादात्
nārada uvāca- svacaritamitirājansa dvijaḥ procya sadyaḥ surasubhagaśarīro dyāṃ yayau yānagatyā | idamakathita mayā taṃ taskarātprāpya mṛtyuṃ vyalabhata divametattīrtharājaprasādāt
Sanskrit only: no published translation is held for this verse.