Padma Purāṇa 6.213

नारद उवाच- एतन्मधुवनं तात शिवे परमपावनम् । देवराजाय तुष्टेन स्थापिता विष्णुना पुरी

nārada uvāca- etanmadhuvanaṃ tāta śive paramapāvanam | devarājāya tuṣṭena sthāpitā viṣṇunā purī

Sanskrit only: no published translation is held for this verse.

अत्र विश्रांतिनामेदं तीर्थं त्रिभुवनोत्तमम् । विविदां मुक्तिदं पुंसां पवनं साधुसेवितम्

atra viśrāṃtināmedaṃ tīrthaṃ tribhuvanottamam | vividāṃ muktidaṃ puṃsāṃ pavanaṃ sādhusevitam

Sanskrit only: no published translation is held for this verse.

नित्यं वसति विश्वात्मा विष्णुः श्रीकोलरूपधृक् । अत्र तीर्थोत्तमे पुण्ये नृपविश्रांतिसंज्ञके

nityaṃ vasati viśvātmā viṣṇuḥ śrīkolarūpadhṛk | atra tīrthottame puṇye nṛpaviśrāṃtisaṃjñake

Sanskrit only: no published translation is held for this verse.

बहुभिर्जन्मभिर्येन विष्णुराराधितः सदा । मरणं तस्य तीर्थेऽस्मिन्जायते किल भूपते

bahubhirjanmabhiryena viṣṇurārādhitaḥ sadā | maraṇaṃ tasya tīrthe'sminjāyate kila bhūpate

Sanskrit only: no published translation is held for this verse.

कालिंद्या एव कूले तु द्वितीयं हरिणा कृतम् । तीर्थे विश्रांतिसंज्ञं तु यत्र कंसो निपातितः

kāliṃdyā eva kūle tu dvitīyaṃ hariṇā kṛtam | tīrthe viśrāṃtisaṃjñaṃ tu yatra kaṃso nipātitaḥ

Sanskrit only: no published translation is held for this verse.

एतद्द्वयं समं राजन्गुणैर्वैकुंठदातृभिः । भाग्योदयेन केनापि लभ्यते सकलार्थदम्

etaddvayaṃ samaṃ rājanguṇairvaikuṃṭhadātṛbhiḥ | bhāgyodayena kenāpi labhyate sakalārthadam

Sanskrit only: no published translation is held for this verse.

अथ तीर्थस्य माहात्म्यं कथयामि तवाग्रतः । यच्छ्रुत्वा सर्वतीर्थेषु मज्जनाल्लप्स्यसे फलम्

atha tīrthasya māhātmyaṃ kathayāmi tavāgrataḥ | yacchrutvā sarvatīrtheṣu majjanāllapsyase phalam

Sanskrit only: no published translation is held for this verse.

हिमाचलोपत्यकायां किरातनगरे शुभे । ब्राह्मणो नाम कुशलो राजन्नासीद्दरिद्रतः

himācalopatyakāyāṃ kirātanagare śubhe | brāhmaṇo nāma kuśalo rājannāsīddaridrataḥ

Sanskrit only: no published translation is held for this verse.

तस्य पत्नी दुराचारा दुराचारनरे रता । कर्मणा मोहयामास पतिं सा बंधकी वरा

tasya patnī durācārā durācāranare ratā | karmaṇā mohayāmāsa patiṃ sā baṃdhakī varā

Sanskrit only: no published translation is held for this verse.

पतिस्तया मोहितस्तु न निवारयितुं क्षमः । तदाज्ञा तत्परो दीनः क्रयक्रीतइवाभवत्

patistayā mohitastu na nivārayituṃ kṣamaḥ | tadājñā tatparo dīnaḥ krayakrītaivābhavat

Sanskrit only: no published translation is held for this verse.

लोका उपहरंति स्म तं द्विजं कुलटापतिम् । उपहासभयात्सोऽपि निर्ययौ न गृहात् कुधीः

lokā upaharaṃti sma taṃ dvijaṃ kulaṭāpatim | upahāsabhayātso'pi niryayau na gṛhāt kudhīḥ

Sanskrit only: no published translation is held for this verse.

महार्हाणि दुकूलानि भूषणानि च सा दधौ । जारैर्दत्तानि दुष्टात्मा हसितापि न लज्जते

mahārhāṇi dukūlāni bhūṣaṇāni ca sā dadhau | jārairdattāni duṣṭātmā hasitāpi na lajjate

Sanskrit only: no published translation is held for this verse.

वस्त्रं पुरातनं दास्यादुत्तीर्णं यच्छरीरतः । अवज्ञापूर्वकं दुष्टा स्वभर्त्रे संप्रयच्छति

vastraṃ purātanaṃ dāsyāduttīrṇaṃ yaccharīrataḥ | avajñāpūrvakaṃ duṣṭā svabhartre saṃprayacchati

Sanskrit only: no published translation is held for this verse.

एवं तया कुलटया सोऽवज्ञातं स्वकः पतिः । नितांतं दुःखमापन्नो विषमत्त्वामृतो निशि

evaṃ tayā kulaṭayā so'vajñātaṃ svakaḥ patiḥ | nitāṃtaṃ duḥkhamāpanno viṣamattvāmṛto niśi

Sanskrit only: no published translation is held for this verse.

सा भीता राजतः पापा ह्यनयात्स्वैरिणी तदा । अनुयास्यामि भर्त्तारमित्युवाच मृषा वचः

sā bhītā rājataḥ pāpā hyanayātsvairiṇī tadā | anuyāsyāmi bharttāramityuvāca mṛṣā vacaḥ

Sanskrit only: no published translation is held for this verse.

तयैवं शिक्षिता सख्यः स्वकीयस्तां समीपगाः । निवारयामासुरिति कथयित्वा महीपतेः

tayaivaṃ śikṣitā sakhyaḥ svakīyastāṃ samīpagāḥ | nivārayāmāsuriti kathayitvā mahīpateḥ

Sanskrit only: no published translation is held for this verse.

सख्य ऊचुः - भो मृगाक्षि किमर्थं ते क्रियतेऽनर्थ ईदृश । यत्सुवर्णनिभं कायं त्वं नाशयितुमुद्यता

sakhya ūcuḥ - bho mṛgākṣi kimarthaṃ te kriyate'nartha īdṛśa | yatsuvarṇanibhaṃ kāyaṃ tvaṃ nāśayitumudyatā

Sanskrit only: no published translation is held for this verse.

भवत्या किं सुखं दृष्टममुष्या व्यवसायिनः । दरिद्रस्यासमर्थस्य सखि स्वोदरपूरिणः

bhavatyā kiṃ sukhaṃ dṛṣṭamamuṣyā vyavasāyinaḥ | daridrasyāsamarthasya sakhi svodarapūriṇaḥ

Sanskrit only: no published translation is held for this verse.

पालयैनं सुतं बालं त्वदृते कोऽस्य पालकः । मरिष्यामो वयं सर्वा मृतायां त्वयि सुंदरि

pālayainaṃ sutaṃ bālaṃ tvadṛte ko'sya pālakaḥ | mariṣyāmo vayaṃ sarvā mṛtāyāṃ tvayi suṃdari

Sanskrit only: no published translation is held for this verse.

गृहमेतदवेक्षस्व समुत्तिष्ठवरानने । जीयादयं तव सुतोयस्त्रीभाविसुखप्रदः

gṛhametadavekṣasva samuttiṣṭhavarānane | jīyādayaṃ tava sutoyastrībhāvisukhapradaḥ

Sanskrit only: no published translation is held for this verse.

वांछंति बांधवाः सर्वे त्वदीयास्तव जीवितम् । उत्तिष्ठ निजबंधूनां कुरु चित्तं समीहितम्

vāṃchaṃti bāṃdhavāḥ sarve tvadīyāstava jīvitam | uttiṣṭha nijabaṃdhūnāṃ kuru cittaṃ samīhitam

Sanskrit only: no published translation is held for this verse.

रुदंति तव रागेण वयस्याः सकलाः सति। निजवाक्यप्रदानेन वारयैताः सुदुःखिताः

rudaṃti tava rāgeṇa vayasyāḥ sakalāḥ sati| nijavākyapradānena vārayaitāḥ suduḥkhitāḥ

Sanskrit only: no published translation is held for this verse.

नारद उवाच- इत्याकर्ण्य वचस्तासां दुष्टा सा धर्मविश्रुतम् । उन्नमय्य मुखं प्राह श्रावयंती स्वबांधवान्

nārada uvāca- ityākarṇya vacastāsāṃ duṣṭā sā dharmaviśrutam | unnamayya mukhaṃ prāha śrāvayaṃtī svabāṃdhavān

Sanskrit only: no published translation is held for this verse.

सख्युवाच- युष्माभिर्यद्वचो धर्मं प्रोक्तं जाने ऋतं ननु । तथापि स्वपतिः स्त्रीभिर्मान्यो लोकद्वयप्रदः

sakhyuvāca- yuṣmābhiryadvaco dharmaṃ proktaṃ jāne ṛtaṃ nanu | tathāpi svapatiḥ strībhirmānyo lokadvayapradaḥ

Sanskrit only: no published translation is held for this verse.

यदुच्यते मया वाक्यं धर्मशास्त्रसमन्वितम् । तद्वचः श्रूयतां सख्यो युक्तं चेदनुमोदत

yaducyate mayā vākyaṃ dharmaśāstrasamanvitam | tadvacaḥ śrūyatāṃ sakhyo yuktaṃ cedanumodata

Sanskrit only: no published translation is held for this verse.

या स्त्री निधनमापन्नं पतिमन्वेति तत्परा । पापापि सह तेनैव स्वर्गे वसति सा चिरम्

yā strī nidhanamāpannaṃ patimanveti tatparā | pāpāpi saha tenaiva svarge vasati sā ciram

Sanskrit only: no published translation is held for this verse.

स्त्रीभिः पतिर्न हातव्यो निर्धनो रोगवानपि । जीवन्मृतोऽनुगंतव्यः श्रुतिरेषा सनातनी

strībhiḥ patirna hātavyo nirdhano rogavānapi | jīvanmṛto'nugaṃtavyaḥ śrutireṣā sanātanī

Sanskrit only: no published translation is held for this verse.

विचिंत्येति स्वमनसि सख्योन्वेमि स्वकं पतिम् । वर्तिष्यते स्वभाग्येन करिष्येऽहं किमस्य वै

viciṃtyeti svamanasi sakhyonvemi svakaṃ patim | vartiṣyate svabhāgyena kariṣye'haṃ kimasya vai

Sanskrit only: no published translation is held for this verse.

नारद उवाच- इत्युक्तास्तास्तया सख्यो दुष्टा दुष्टमतिप्रदाः । ऊचुस्तां धर्मवाक्येन समस्तजनमोहिनीम्

nārada uvāca- ityuktāstāstayā sakhyo duṣṭā duṣṭamatipradāḥ | ūcustāṃ dharmavākyena samastajanamohinīm

Sanskrit only: no published translation is held for this verse.

सख्य ऊचुः - जहि पूर्वं हि नः सुभ्रु पश्चादन्वेहि वल्लभे । समस्तास्त्वद्वियोगं न वयं सोढुं क्षमामहे

sakhya ūcuḥ - jahi pūrvaṃ hi naḥ subhru paścādanvehi vallabhe | samastāstvadviyogaṃ na vayaṃ soḍhuṃ kṣamāmahe

Sanskrit only: no published translation is held for this verse.

अस्मांस्तव विनिघ्नंत्या अनुयांत्याः स्वकं पतिम् । धर्मोऽल्पपापबाहुल्यं स्वर्गप्राप्तिस्तु कीदृशी

asmāṃstava vinighnaṃtyā anuyāṃtyāḥ svakaṃ patim | dharmo'lpapāpabāhulyaṃ svargaprāptistu kīdṛśī

Sanskrit only: no published translation is held for this verse.

जीवन्नयं पतिः स्वीयः साध्वयं प्रतिपालितः । यदुक्तं पतिपत्नीभ्यां तत्त्वया विहितं सखी

jīvannayaṃ patiḥ svīyaḥ sādhvayaṃ pratipālitaḥ | yaduktaṃ patipatnībhyāṃ tattvayā vihitaṃ sakhī

Sanskrit only: no published translation is held for this verse.

यावत्स्वजीवनोपायं विधातुमयमक्षमः । तावत्त्वदीयभाग्येन जीविष्यति सुतस्तव

yāvatsvajīvanopāyaṃ vidhātumayamakṣamaḥ | tāvattvadīyabhāgyena jīviṣyati sutastava

Sanskrit only: no published translation is held for this verse.

नारद उवाच- इत्युक्ता सा निववृते स्वभर्त्तुरनुयानतः । सुतेन कारयामास तदा तद्विरतिक्रियाम्

nārada uvāca- ityuktā sā nivavṛte svabhartturanuyānataḥ | sutena kārayāmāsa tadā tadviratikriyām

Sanskrit only: no published translation is held for this verse.

अथ कालेन कियता सुतोपनयने मतिम् । कारयामास सा विप्रैर्दत्त्वा जारार्पितं धनम्

atha kālena kiyatā sutopanayane matim | kārayāmāsa sā viprairdattvā jārārpitaṃ dhanam

Sanskrit only: no published translation is held for this verse.

कृतोपनयनः कुंडः स तत्त्वज्ञानवान्शिशुः । गृहान्निर्गम्य सपदि नारायणपरोऽभवत्

kṛtopanayanaḥ kuṃḍaḥ sa tattvajñānavānśiśuḥ | gṛhānnirgamya sapadi nārāyaṇaparo'bhavat

Sanskrit only: no published translation is held for this verse.

सतां संगतिमासाद्य त्यक्त्वा स्वं प्राकृतं वपुः । आरुरोह निजं लोकमप्राप्यं योगिभिश्च तत्

satāṃ saṃgatimāsādya tyaktvā svaṃ prākṛtaṃ vapuḥ | āruroha nijaṃ lokamaprāpyaṃ yogibhiśca tat

Sanskrit only: no published translation is held for this verse.

अथ सा निर्गते पुत्रे मनो दुःखं चकार वै । तस्मिन्नेव दिने राजन्भूयो जारैः सहारमत्

atha sā nirgate putre mano duḥkhaṃ cakāra vai | tasminneva dine rājanbhūyo jāraiḥ sahāramat

Sanskrit only: no published translation is held for this verse.

इति तै रममाणायां तस्यां जारैः समं नृप । समागता जरा काले लावण्यमदनाशिनी

iti tai ramamāṇāyāṃ tasyāṃ jāraiḥ samaṃ nṛpa | samāgatā jarā kāle lāvaṇyamadanāśinī

Sanskrit only: no published translation is held for this verse.

त्यक्तोपपतिभिर्दृष्टा सा जराग्रस्तविग्रहा । बभूव दूतिकान्यासं कुलशीलविनाशिनी

tyaktopapatibhirdṛṣṭā sā jarāgrastavigrahā | babhūva dūtikānyāsaṃ kulaśīlavināśinī

Sanskrit only: no published translation is held for this verse.

तदा ह्येकस्य विप्रस्य सवत्सां गामपाहरत् । विक्रीता कियता राजन्द्रव्येण ननु सा तया

tadā hyekasya viprasya savatsāṃ gāmapāharat | vikrītā kiyatā rājandravyeṇa nanu sā tayā

Sanskrit only: no published translation is held for this verse.

तयेति गमितः कालो दूतित्वेन कियान्नृप । पश्चाच्छुष्करशरीरोऽस्या विगुणः समजायत

tayeti gamitaḥ kālo dūtitvena kiyānnṛpa | paścācchuṣkaraśarīro'syā viguṇaḥ samajāyata

Sanskrit only: no published translation is held for this verse.

तस्याः कुष्ठे समुत्पन्ने गलितं ह्यंगपंचकम् । हस्तौ पादौ च नृपते पंचमा नासिका तदा

tasyāḥ kuṣṭhe samutpanne galitaṃ hyaṃgapaṃcakam | hastau pādau ca nṛpate paṃcamā nāsikā tadā

Sanskrit only: no published translation is held for this verse.

एवंभूता यदाहारं न लभेत कुतश्चन । तदा तु तत्रोदितया दास्या सा नीयता पणम्

evaṃbhūtā yadāhāraṃ na labheta kutaścana | tadā tu tatroditayā dāsyā sā nīyatā paṇam

Sanskrit only: no published translation is held for this verse.

तत्र सा पतिता पापा लोकान्संप्रार्थ्य दीनया । गिरा धिगिति कुर्वाणा चक्रे स्वोदरपूरणम्

tatra sā patitā pāpā lokānsaṃprārthya dīnayā | girā dhigiti kurvāṇā cakre svodarapūraṇam

Sanskrit only: no published translation is held for this verse.

तदिहाभ्यासवर्त्त्ये को द्विजः सर्वागमार्थवित् । तां विलोक्य महावाग्मी प्रोवाचेदं वचो नृप

tadihābhyāsavarttye ko dvijaḥ sarvāgamārthavit | tāṃ vilokya mahāvāgmī provācedaṃ vaco nṛpa

Sanskrit only: no published translation is held for this verse.

जनानां दुःखदं पापमिहलोके परत्र च । तस्मात्पापं न कर्त्तव्यं मानवैर्दुःखभीरुभिः

janānāṃ duḥkhadaṃ pāpamihaloke paratra ca | tasmātpāpaṃ na karttavyaṃ mānavairduḥkhabhīrubhiḥ

Sanskrit only: no published translation is held for this verse.

पापं कृत्वा जनो यस्तु प्रायश्चित्तं करोति वै । न तदाचरिते भूयो न तत्फलमवाप्नुयात्

pāpaṃ kṛtvā jano yastu prāyaścittaṃ karoti vai | na tadācarite bhūyo na tatphalamavāpnuyāt

Sanskrit only: no published translation is held for this verse.

यः कृत्वा मुहुरेनांसि प्रायश्चित्तं करोति न । तस्यास्या इव पापाया गतिरत्र परत्र च

yaḥ kṛtvā muhurenāṃsi prāyaścittaṃ karoti na | tasyāsyā iva pāpāyā gatiratra paratra ca

Sanskrit only: no published translation is held for this verse.

अनया पापसंघातो लोकेऽत्र समुपार्जितः । इहैव तत्फलं भुंक्ते भोक्ष्यते नरकेऽप्यसौ

anayā pāpasaṃghāto loke'tra samupārjitaḥ | ihaiva tatphalaṃ bhuṃkte bhokṣyate narake'pyasau

Sanskrit only: no published translation is held for this verse.

सर्वशास्त्रेषु दृष्टं वै सर्वेषां पापकर्मणाम् । प्रायश्चित्तं न च स्त्रीणां विन्मुखानां तु कर्मणः

sarvaśāstreṣu dṛṣṭaṃ vai sarveṣāṃ pāpakarmaṇām | prāyaścittaṃ na ca strīṇāṃ vinmukhānāṃ tu karmaṇaḥ

Sanskrit only: no published translation is held for this verse.

नारद उवाच- इत्युक्त्वा स द्विजश्रेष्ठो नमस्कृत्य रविं ययौ । विष्णुं संस्मृत्य संस्मृत्य भीतस्तदवलोकनात्

nārada uvāca- ityuktvā sa dvijaśreṣṭho namaskṛtya raviṃ yayau | viṣṇuṃ saṃsmṛtya saṃsmṛtya bhītastadavalokanāt

Sanskrit only: no published translation is held for this verse.

एवं सा दुःखमापन्ना भुंजाना कर्मणः फलम् । अर्जितस्य स्वयं राजन्मृता कतिपयैर्दिनैः

evaṃ sā duḥkhamāpannā bhuṃjānā karmaṇaḥ phalam | arjitasya svayaṃ rājanmṛtā katipayairdinaiḥ

Sanskrit only: no published translation is held for this verse.

न तस्या अग्निसंस्कारः संजातः पापकर्मणः । आकृष्य केशे सा नीता श्वपचैर्नगराद्बहिः

na tasyā agnisaṃskāraḥ saṃjātaḥ pāpakarmaṇaḥ | ākṛṣya keśe sā nītā śvapacairnagarādbahiḥ

Sanskrit only: no published translation is held for this verse.

मरणावसरे तस्या यमभृत्याः समागताः । प्रापप्य यातनादेहं तां निन्युर्भास्करेः पुरीम्

maraṇāvasare tasyā yamabhṛtyāḥ samāgatāḥ | prāpapya yātanādehaṃ tāṃ ninyurbhāskareḥ purīm

Sanskrit only: no published translation is held for this verse.

सौम्यः सधर्मिणां देवः साक्षाद्गुह्यस्तु पापिनाम् । तस्या विलोकनाद्भूयः सोप्यभूद्वै पराङ्मुखः

saumyaḥ sadharmiṇāṃ devaḥ sākṣādguhyastu pāpinām | tasyā vilokanādbhūyaḥ sopyabhūdvai parāṅmukhaḥ

Sanskrit only: no published translation is held for this verse.

भृत्यानाज्ञापयामास यम एव पराङ्मुखः । रौरवे नरके घोरे पात्यतां सा मयेरिता

bhṛtyānājñāpayāmāsa yama eva parāṅmukhaḥ | raurave narake ghore pātyatāṃ sā mayeritā

Sanskrit only: no published translation is held for this verse.

इत्युक्तास्ते तदा भृत्या नीत्वा तां घोररौरवे । न्यपातयन्नधोववक्त्रां स्मरंतीं कर्म यत्कृतम्

ityuktāste tadā bhṛtyā nītvā tāṃ ghoraraurave | nyapātayannadhovavaktrāṃ smaraṃtīṃ karma yatkṛtam

Sanskrit only: no published translation is held for this verse.

एकमन्वंतरं यावत्सा स्थित्वा तत्र रौरवे । पश्चाद्गोधा समुत्पन्ना श्मशाने मृतमांसभुक्

ekamanvaṃtaraṃ yāvatsā sthitvā tatra raurave | paścādgodhā samutpannā śmaśāne mṛtamāṃsabhuk

Sanskrit only: no published translation is held for this verse.

तत्रापि सा वर्षशतं लेभे दुःखं स्वकर्मणः । फलं मृतकमांसे कुर्वत्याहारमुत्कटम्

tatrāpi sā varṣaśataṃ lebhe duḥkhaṃ svakarmaṇaḥ | phalaṃ mṛtakamāṃse kurvatyāhāramutkaṭam

Sanskrit only: no published translation is held for this verse.

एकदा स मुनेः पुत्रो योऽस्या कुक्षौ व्यजायत । विप्रयोनौ समायातः श्मशाने तत्र पर्यटन्

ekadā sa muneḥ putro yo'syā kukṣau vyajāyata | viprayonau samāyātaḥ śmaśāne tatra paryaṭan

Sanskrit only: no published translation is held for this verse.

मुनिपुत्रस्तु तां वीक्ष्य मृतानां क्रव्यमश्नतीम् । ध्यात्वा क्षणं स्वमनसि बुबुधे तां स्वमातरम्

muniputrastu tāṃ vīkṣya mṛtānāṃ kravyamaśnatīm | dhyātvā kṣaṇaṃ svamanasi bubudhe tāṃ svamātaram

Sanskrit only: no published translation is held for this verse.

स उवाचात्मनात्मानं बुद्ध्वा तां निजमातरम् । मुनिपुत्र उवाच- एतां तु तारयाम्यद्य दुस्तराद्दुःखवारिधेः

sa uvācātmanātmānaṃ buddhvā tāṃ nijamātaram | muniputra uvāca- etāṃ tu tārayāmyadya dustarādduḥkhavāridheḥ

Sanskrit only: no published translation is held for this verse.

अहो न मुच्यते जंतुर्जातपापेन कर्मणा । आत्मनोपार्जितेनैव भोगकालावधिं विना

aho na mucyate jaṃturjātapāpena karmaṇā | ātmanopārjitenaiva bhogakālāvadhiṃ vinā

Sanskrit only: no published translation is held for this verse.

अस्याः कालो व्यतीयाय निरये मानवाभिधः । सांप्रतं च जनैस्त्वत्र वत्सराणां शतं गतम्

asyāḥ kālo vyatīyāya niraye mānavābhidhaḥ | sāṃprataṃ ca janaistvatra vatsarāṇāṃ śataṃ gatam

Sanskrit only: no published translation is held for this verse.

कियदग्रे च भोक्तव्यमेतया पापमुल्बणम् । नारद उवाच। इत्यालोच्य पुनर्दध्यौ ज्ञानेनामील्य चक्षुषी

kiyadagre ca bhoktavyametayā pāpamulbaṇam | nārada uvāca| ityālocya punardadhyau jñānenāmīlya cakṣuṣī

Sanskrit only: no published translation is held for this verse.

दृष्ट्वा तस्या गतिं घोरां पापाया दिव्यचक्षुषा । पुनरात्मानमादेहं स द्विजप्रवरो नृप

dṛṣṭvā tasyā gatiṃ ghorāṃ pāpāyā divyacakṣuṣā | punarātmānamādehaṃ sa dvijapravaro nṛpa

Sanskrit only: no published translation is held for this verse.

मुनिपुत्र उवाच- अहो कल्पशतेनापि निस्तारोऽस्या न दृश्यते । विना सत्तीर्थमरणं शरणं वा रमापतेः

muniputra uvāca- aho kalpaśatenāpi nistāro'syā na dṛśyate | vinā sattīrthamaraṇaṃ śaraṇaṃ vā ramāpateḥ

Sanskrit only: no published translation is held for this verse.

अथवा पिंडदानेन गयायां मत्कृतेन च । विनास्याः सद्गतिं नैव कल्पकोटिशतैरपि

athavā piṃḍadānena gayāyāṃ matkṛtena ca | vināsyāḥ sadgatiṃ naiva kalpakoṭiśatairapi

Sanskrit only: no published translation is held for this verse.

न घटेत द्वयं चास्या अस्यां योनौ कदाचन । तत्तीर्थविषये मृत्युः सेवायां श्रीपते रतिः

na ghaṭeta dvayaṃ cāsyā asyāṃ yonau kadācana | tattīrthaviṣaye mṛtyuḥ sevāyāṃ śrīpate ratiḥ

Sanskrit only: no published translation is held for this verse.

अस्या उद्धारहेतुर्वै मग्नायाः पापसागरे । भविता मत्कृतं श्राद्धं गयाया च हित्रकम्

asyā uddhāraheturvai magnāyāḥ pāpasāgare | bhavitā matkṛtaṃ śrāddhaṃ gayāyā ca hitrakam

Sanskrit only: no published translation is held for this verse.

नारद उवाच- इत्यालोच्य स धर्मात्मा ययौ स्वपितुराश्रमम् । आचख्यौ पितरं सर्वं स्वमातुर्दुःखकारणम्

nārada uvāca- ityālocya sa dharmātmā yayau svapiturāśramam | ācakhyau pitaraṃ sarvaṃ svamāturduḥkhakāraṇam

Sanskrit only: no published translation is held for this verse.

निशम्य पुत्रवचनं मातृदुःखनिवेदकम् । उवाच स मुनिश्रेष्ठः पुत्रं प्रणतकंधरम्

niśamya putravacanaṃ mātṛduḥkhanivedakam | uvāca sa muniśreṣṭhaḥ putraṃ praṇatakaṃdharam

Sanskrit only: no published translation is held for this verse.

मुनिरुवाच- हे तात मातरं स्वीयां शीघ्रमुद्धर दुर्गतेः । नयविद्भूपतिः शत्रोर्जयलक्ष्मीमिवाहवे

muniruvāca- he tāta mātaraṃ svīyāṃ śīghramuddhara durgateḥ | nayavidbhūpatiḥ śatrorjayalakṣmīmivāhave

Sanskrit only: no published translation is held for this verse.

न तारयति यः पुत्रो मातरं पितरं स्वकम् । दुःखात्स याति नरकं यदि तारयितुं क्षमः

na tārayati yaḥ putro mātaraṃ pitaraṃ svakam | duḥkhātsa yāti narakaṃ yadi tārayituṃ kṣamaḥ

Sanskrit only: no published translation is held for this verse.

स्वपुत्रात्प्राप्य पानीयं पिंडाश्च वरतीर्थके । पितरो नरकात्स्वर्गं स्वर्गाद्यांति हरेः पदम्

svaputrātprāpya pānīyaṃ piṃḍāśca varatīrthake | pitaro narakātsvargaṃ svargādyāṃti hareḥ padam

Sanskrit only: no published translation is held for this verse.

तस्मादाशु समुत्तिष्ठ गच्छ खांडवकानने । तत्रास्ति यमुना पुण्या मुनिवर्यनिषेविता

tasmādāśu samuttiṣṭha gaccha khāṃḍavakānane | tatrāsti yamunā puṇyā munivaryaniṣevitā

Sanskrit only: no published translation is held for this verse.

तत्तीरेऽस्ति हरिप्रस्थं सर्वतीर्थमयं ततः । पुण्यं मधुवनं तत्र विष्णुना स्थापितं स्वयम्

tattīre'sti hariprasthaṃ sarvatīrthamayaṃ tataḥ | puṇyaṃ madhuvanaṃ tatra viṣṇunā sthāpitaṃ svayam

Sanskrit only: no published translation is held for this verse.

तत्र स्नात्वा तु विधिवत्कृत्वा नित्यक्रियां निजाम् । तामुद्दिश्य कुरु श्राद्धं स्वप्रसूं च कुरु क्रियाम्

tatra snātvā tu vidhivatkṛtvā nityakriyāṃ nijām | tāmuddiśya kuru śrāddhaṃ svaprasūṃ ca kuru kriyām

Sanskrit only: no published translation is held for this verse.

त्वया तत्र कृते श्राद्धे तस्याः सद्गतिमिच्छता । सा प्राप्स्यति हरेर्लोकं हित्वा गोधांगमुल्बणम्

tvayā tatra kṛte śrāddhe tasyāḥ sadgatimicchatā | sā prāpsyati harerlokaṃ hitvā godhāṃgamulbaṇam

Sanskrit only: no published translation is held for this verse.

गयायां पिंडदानेन यत्फलं तात जायते । ततः शतगुणं पुण्यं सद्भिर्मधुवने स्मृतम्

gayāyāṃ piṃḍadānena yatphalaṃ tāta jāyate | tataḥ śataguṇaṃ puṇyaṃ sadbhirmadhuvane smṛtam

Sanskrit only: no published translation is held for this verse.

इदानीं वर्तते तात कन्याराशिगतो रविः । पुत्र गत्वा कुरु श्राद्धं पूर्वानुद्दिश्य बांधवान्

idānīṃ vartate tāta kanyārāśigato raviḥ | putra gatvā kuru śrāddhaṃ pūrvānuddiśya bāṃdhavān

Sanskrit only: no published translation is held for this verse.