नारद उवाच- अतो मधुवनाद्राजन्नयं बदरिकाश्रमः । एकादशधनुर्मात्रे भूभागे व्यवतिष्ठति
nārada uvāca- ato madhuvanādrājannayaṃ badarikāśramaḥ | ekādaśadhanurmātre bhūbhāge vyavatiṣṭhati
Sanskrit only: no published translation is held for this verse.
Library·Padma Purāṇa·6·6.216
Padma Purāṇa 6.216
अस्य तीर्थवरस्याहं महिमानं महद्भुतम् । वर्णयामि पुरस्तात्ते यं श्रुत्वा मुच्यते भयात्
asya tīrthavarasyāhaṃ mahimānaṃ mahadbhutam | varṇayāmi purastātte yaṃ śrutvā mucyate bhayāt
Sanskrit only: no published translation is held for this verse.
एकस्तु मगधे राजन्देवदासो हि नामतः । ब्राह्मणः सत्यवान्दांतः साक्षाद्धर्म इवापरः
ekastu magadhe rājandevadāso hi nāmataḥ | brāhmaṇaḥ satyavāndāṃtaḥ sākṣāddharma ivāparaḥ
Sanskrit only: no published translation is held for this verse.
निष्णातः सर्वविद्यासु बृहस्पतिरिवापरः । हरिसंतोषको भक्त्या प्रह्लाद इव दैत्यराट्
niṣṇātaḥ sarvavidyāsu bṛhaspatirivāparaḥ | harisaṃtoṣako bhaktyā prahlāda iva daityarāṭ
Sanskrit only: no published translation is held for this verse.
सस्त्रीकोऽपि स्मरं जेता पार्वत्याइव वल्लभः । सदाचारपरो नित्यं विश्वामित्रो मुनिर्यथा
sastrīko'pi smaraṃ jetā pārvatyāiva vallabhaḥ | sadācāraparo nityaṃ viśvāmitro muniryathā
Sanskrit only: no published translation is held for this verse.
मगधेशगृहे मान्यो द्रोणतत्कुरुवेश्मनि । दानशीलः सुपात्रेषु बलिर्दैत्याधिपो यथा
magadheśagṛhe mānyo droṇatatkuruveśmani | dānaśīlaḥ supātreṣu balirdaityādhipo yathā
Sanskrit only: no published translation is held for this verse.
तस्यभार्योत्तमा नाम लक्ष्मीरिव गुणोत्तमा । पतिशुश्रूषणपरा यथाजनकनंदिनी
tasyabhāryottamā nāma lakṣmīriva guṇottamā | patiśuśrūṣaṇaparā yathājanakanaṃdinī
Sanskrit only: no published translation is held for this verse.
तस्यैकश्च सुतो राजन्नंगदो नाम बुद्धिमान् । एका पुत्री तु वलया नाम सल्लक्षमणान्विता
tasyaikaśca suto rājannaṃgado nāma buddhimān | ekā putrī tu valayā nāma sallakṣamaṇānvitā
Sanskrit only: no published translation is held for this verse.
तयोर्ज्यायान्सुतः कन्या तस्माद्भूपकनीयसी । तयोर्यथाक्रमं चक्रे विवाहं स द्विजोत्तमः
tayorjyāyānsutaḥ kanyā tasmādbhūpakanīyasī | tayoryathākramaṃ cakre vivāhaṃ sa dvijottamaḥ
Sanskrit only: no published translation is held for this verse.
विवाहिता तु सा कन्या ययौ श्वशुरवेश्मनि । शुभलक्षणसंपन्ना कालेन कियता नृप
vivāhitā tu sā kanyā yayau śvaśuraveśmani | śubhalakṣaṇasaṃpannā kālena kiyatā nṛpa
Sanskrit only: no published translation is held for this verse.
अंगदस्तु महाबुद्धिर्गृहभारं बभार ह । पितृवत्सर्वशास्त्रज्ञो यौवनश्रीविभूषितः
aṃgadastu mahābuddhirgṛhabhāraṃ babhāra ha | pitṛvatsarvaśāstrajño yauvanaśrīvibhūṣitaḥ
Sanskrit only: no published translation is held for this verse.
एकदा स तु विप्रेंद्रः पुत्रं तं गृहकर्मणि । क्षमं विज्ञाय राजेंद्र निजभार्यामुवाच ह
ekadā sa tu vipreṃdraḥ putraṃ taṃ gṛhakarmaṇi | kṣamaṃ vijñāya rājeṃdra nijabhāryāmuvāca ha
Sanskrit only: no published translation is held for this verse.
देवदास उवाच । समाकर्णय मे साध्वि कालेऽस्मिन्नुचितं वचः । ततो यदुचितं भद्रे तदह्नाय विधीयताम्
devadāsa uvāca | samākarṇaya me sādhvi kāle'sminnucitaṃ vacaḥ | tato yaducitaṃ bhadre tadahnāya vidhīyatām
Sanskrit only: no published translation is held for this verse.
एषा जरा समायाता शरीरं पातयिष्यति । अंगान्याकंपयंतीव वात्या पक्वफलं यथा
eṣā jarā samāyātā śarīraṃ pātayiṣyati | aṃgānyākaṃpayaṃtīva vātyā pakvaphalaṃ yathā
Sanskrit only: no published translation is held for this verse.
अक्ष्णामपि द्युतिं मंदां नूनमेषा करिष्यति । नक्षत्राणां सचंद्राणां प्रातर्वेलेव सुव्रते
akṣṇāmapi dyutiṃ maṃdāṃ nūnameṣā kariṣyati | nakṣatrāṇāṃ sacaṃdrāṇāṃ prātarveleva suvrate
Sanskrit only: no published translation is held for this verse.
स्खलितो पादयोर्मंदां गतिं प्रतिपदक्रमम् । करिष्यति जरा ह्येषा यथानिगडशृंखला
skhalito pādayormaṃdāṃ gatiṃ pratipadakramam | kariṣyati jarā hyeṣā yathānigaḍaśṛṃkhalā
Sanskrit only: no published translation is held for this verse.
तस्मादेषा जरा यावन्न प्रौढा जायते शुभे । आत्मनस्तावदावाभ्यां करणीयं हि तं द्रुतम्
tasmādeṣā jarā yāvanna prauḍhā jāyate śubhe | ātmanastāvadāvābhyāṃ karaṇīyaṃ hi taṃ drutam
Sanskrit only: no published translation is held for this verse.
गृहपुत्रसुहृद्भ्रातृपितरो हि विनश्वराः । द्रव्यादिकं च सुभगे तेषु सज्जेत नो बुधः
gṛhaputrasuhṛdbhrātṛpitaro hi vinaśvarāḥ | dravyādikaṃ ca subhage teṣu sajjeta no budhaḥ
Sanskrit only: no published translation is held for this verse.
अतोऽहं सर्वतीर्थेषु पयर्यटन्विजितेंद्रियः । वानप्रस्थेन विधिना वीक्षिष्ये हरिमीश्वरम्
ato'haṃ sarvatīrtheṣu payaryaṭanvijiteṃdriyaḥ | vānaprasthena vidhinā vīkṣiṣye harimīśvaram
Sanskrit only: no published translation is held for this verse.
ततः संन्यासमादाय क्वचित्तीर्थोत्तमे शुभे । प्रारब्धकर्मणामंते त्यक्ष्यामि स्वं कलेवरम्
tataḥ saṃnyāsamādāya kvacittīrthottame śubhe | prārabdhakarmaṇāmaṃte tyakṣyāmi svaṃ kalevaram
Sanskrit only: no published translation is held for this verse.
एवं चेत्प्राणमुक्तः स्यान्मुक्तिः स्यान्नात्र संशयः । मम श्रीपतिपादाब्जसम्यक्स्थापितचेतसः
evaṃ cetprāṇamuktaḥ syānmuktiḥ syānnātra saṃśayaḥ | mama śrīpatipādābjasamyaksthāpitacetasaḥ
Sanskrit only: no published translation is held for this verse.
उत्तमोवाच- पुमान्वा स्त्रीजनो वापि को रमेत विनश्वरे । संसारे माधवं मुक्त्वा नित्याश्रममचेतनः
uttamovāca- pumānvā strījano vāpi ko rameta vinaśvare | saṃsāre mādhavaṃ muktvā nityāśramamacetanaḥ
Sanskrit only: no published translation is held for this verse.
तस्मान्मामपि जीवेश त्वत्पादांबुजसेविनीम् । नीत्वा स्वसंगमे तावद्विश्वाब्धेराशु तारय
tasmānmāmapi jīveśa tvatpādāṃbujasevinīm | nītvā svasaṃgame tāvadviśvābdherāśu tāraya
Sanskrit only: no published translation is held for this verse.
पुत्रोऽयमंगदः श्रीमान्गृहभारस्य धारणे । समर्थोऽभूत्स्नुषा चेयं कल्याणी तत्सहायिनी
putro'yamaṃgadaḥ śrīmāngṛhabhārasya dhāraṇe | samartho'bhūtsnuṣā ceyaṃ kalyāṇī tatsahāyinī
Sanskrit only: no published translation is held for this verse.
पुत्रे समर्थे यो मूढः पुरुषः स्त्रीजनोऽथवा । न विरज्येत यो मूढो वंचितः श्रेयसा हि सः
putre samarthe yo mūḍhaḥ puruṣaḥ strījano'thavā | na virajyeta yo mūḍho vaṃcitaḥ śreyasā hi saḥ
Sanskrit only: no published translation is held for this verse.
नारद उवाच- एवमन्योन्यमामंत्र्य दंपती तौ रहस्तदा । पुत्रमाहूय कथयांचक्रतुस्त्विदमंगदम्
nārada uvāca- evamanyonyamāmaṃtrya daṃpatī tau rahastadā | putramāhūya kathayāṃcakratustvidamaṃgadam
Sanskrit only: no published translation is held for this verse.
दंपत्यूचतुः- जरागमश्लथद्गात्रावावां विद्धि त्वमंगद । स्वश्रेयसे यतिष्यावः कुत्रचित्पुण्यभूतले
daṃpatyūcatuḥ- jarāgamaślathadgātrāvāvāṃ viddhi tvamaṃgada | svaśreyase yatiṣyāvaḥ kutracitpuṇyabhūtale
Sanskrit only: no published translation is held for this verse.
हरेराराधनं भक्त्या श्रेयः परममुच्यते । तदर्थमेव निष्कामा यतंते साधवो भुवि
harerārādhanaṃ bhaktyā śreyaḥ paramamucyate | tadarthameva niṣkāmā yataṃte sādhavo bhuvi
Sanskrit only: no published translation is held for this verse.
विषयेषु न संसक्तिः समत्वं सर्वजंतुषु । येषां हर्षविवादौ च न जातु सुखदुःखयो
viṣayeṣu na saṃsaktiḥ samatvaṃ sarvajaṃtuṣu | yeṣāṃ harṣavivādau ca na jātu sukhaduḥkhayo
Sanskrit only: no published translation is held for this verse.
त एव साधवो लोके गोविंदपदसेविनः । तेषां दर्शनमात्रेण कृतार्थो जायते नरः
ta eva sādhavo loke goviṃdapadasevinaḥ | teṣāṃ darśanamātreṇa kṛtārtho jāyate naraḥ
Sanskrit only: no published translation is held for this verse.
तीर्थानि पर्यटन्धीरस्तद्दर्शनसमुत्सुकः । भाग्योदयेन केनापि तद्दर्शनमवाप्नुयात्
tīrthāni paryaṭandhīrastaddarśanasamutsukaḥ | bhāgyodayena kenāpi taddarśanamavāpnuyāt
Sanskrit only: no published translation is held for this verse.
तस्माद्भारं कुटुंबस्य भुजयोर्युगदीर्घयोः । आरोप्य नौ विसर्जस्व तीर्थयात्रार्थमंगद
tasmādbhāraṃ kuṭuṃbasya bhujayoryugadīrghayoḥ | āropya nau visarjasva tīrthayātrārthamaṃgada
Sanskrit only: no published translation is held for this verse.
तीर्थयात्राप्रसंगेन कदाचित्साधुदर्शनम् । भवेद्यदि तदा पुत्र द्वयोर्नौ स्यात्कृतार्थता
tīrthayātrāprasaṃgena kadācitsādhudarśanam | bhavedyadi tadā putra dvayornau syātkṛtārthatā
Sanskrit only: no published translation is held for this verse.
नारद उवाच- इत्युक्तः पितृभ्यां पुत्रः साधुवादमवादयत् । नारद उवाच- समस्तकुलनिस्तारो भवद्भ्यामयमीरितः
nārada uvāca- ityuktaḥ pitṛbhyāṃ putraḥ sādhuvādamavādayat | nārada uvāca- samastakulanistāro bhavadbhyāmayamīritaḥ
Sanskrit only: no published translation is held for this verse.
आशु मामवजानीतं किं करोमि भवद्धितम् । अहमाज्ञाकरो नित्यं युवयोः पूज्यपादयोः
āśu māmavajānītaṃ kiṃ karomi bhavaddhitam | ahamājñākaro nityaṃ yuvayoḥ pūjyapādayoḥ
Sanskrit only: no published translation is held for this verse.
पुण्यतीर्थेषु दानार्थं गृहीतं धनमुत्तमम् । नयतं मामपि प्रेष्यं सेवायै निजसंगमम्
puṇyatīrtheṣu dānārthaṃ gṛhītaṃ dhanamuttamam | nayataṃ māmapi preṣyaṃ sevāyai nijasaṃgamam
Sanskrit only: no published translation is held for this verse.
नारद उवाच- इत्युक्त्वा धनमादाय गत्वा क्रोशद्वयं तयोः । संगे गृहमगात्ताभ्यां कथंचित्संनिवर्तितः
nārada uvāca- ityuktvā dhanamādāya gatvā krośadvayaṃ tayoḥ | saṃge gṛhamagāttābhyāṃ kathaṃcitsaṃnivartitaḥ
Sanskrit only: no published translation is held for this verse.
तौ गृहीत्वा धनं किचिद्विष्णुर्नौ संयतामिति । कंदमूलफलाहारौ तत्रोषित्वा दिनत्रयम्
tau gṛhītvā dhanaṃ kicidviṣṇurnau saṃyatāmiti | kaṃdamūlaphalāhārau tatroṣitvā dinatrayam
Sanskrit only: no published translation is held for this verse.
यदा तस्मात्प्रचलितौ दंपती जगतीपते । तदा मार्गे महान्कश्चित्सिद्धः संमीलितस्तयोः
yadā tasmātpracalitau daṃpatī jagatīpate | tadā mārge mahānkaścitsiddhaḥ saṃmīlitastayoḥ
Sanskrit only: no published translation is held for this verse.
ताभ्यामुभाभ्यां शिरसा वंदितः स उपाविशत् । उपविष्टस्तदा ताभ्यामिति पृष्टः स सिद्धराट्
tābhyāmubhābhyāṃ śirasā vaṃditaḥ sa upāviśat | upaviṣṭastadā tābhyāmiti pṛṣṭaḥ sa siddharāṭ
Sanskrit only: no published translation is held for this verse.
को भवान्कुत आयातो किं चिकीर्षति तद्वद । सिद्ध उवाच- सिद्धोऽहं तापसश्रेष्ठ कल्पग्रामे गृहं मम
ko bhavānkuta āyāto kiṃ cikīrṣati tadvada | siddha uvāca- siddho'haṃ tāpasaśreṣṭha kalpagrāme gṛhaṃ mama
Sanskrit only: no published translation is held for this verse.
इंद्रप्रस्थात्समायातो दृष्टं तत्र महाद्भुतम् । तत्रास्ति कपिलः सिद्धो नारायणसमो गुणैः
iṃdraprasthātsamāyāto dṛṣṭaṃ tatra mahādbhutam | tatrāsti kapilaḥ siddho nārāyaṇasamo guṇaiḥ
Sanskrit only: no published translation is held for this verse.
तस्मादहं पठन्सांख्यं निवसामि तदाश्रमे । एकदा मद्गुरुः श्रीमान्स्वाश्रमात्कपिलो ययौ
tasmādahaṃ paṭhansāṃkhyaṃ nivasāmi tadāśrame | ekadā madguruḥ śrīmānsvāśramātkapilo yayau
Sanskrit only: no published translation is held for this verse.
बदर्याख्यं महापुण्यं स्नातुं स यमुनाजले । तत्रैकोरण्यमहिषस्तृषार्तो यमुनाजले
badaryākhyaṃ mahāpuṇyaṃ snātuṃ sa yamunājale | tatraikoraṇyamahiṣastṛṣārto yamunājale
Sanskrit only: no published translation is held for this verse.
प्रविष्टो जलमापीय पूर्वजन्मस्वमस्मरत् । स्मृत्वा स पूर्वकर्माणि महिषोऽरण्यसंभवः
praviṣṭo jalamāpīya pūrvajanmasvamasmarat | smṛtvā sa pūrvakarmāṇi mahiṣo'raṇyasaṃbhavaḥ
Sanskrit only: no published translation is held for this verse.
जलान्निसृत्य तरसा ववंदे कपिलं गुरुम् । उवाच नरवाचा च मयि शृण्वति तापसः । यत्तत्ते कथयाम्यद्य शृणु त्वं परमाद्भुतम्
jalānnisṛtya tarasā vavaṃde kapilaṃ gurum | uvāca naravācā ca mayi śṛṇvati tāpasaḥ | yattatte kathayāmyadya śṛṇu tvaṃ paramādbhutam
Sanskrit only: no published translation is held for this verse.
महिष उवाच- भोभो विष्णुकलाभूत सिद्धानां कपिलेश्वर । किं नामेदं महातीर्थं नताय कथयस्व मे
mahiṣa uvāca- bhobho viṣṇukalābhūta siddhānāṃ kapileśvara | kiṃ nāmedaṃ mahātīrthaṃ natāya kathayasva me
Sanskrit only: no published translation is held for this verse.
अस्य तीर्थवरस्यांबुस्पर्शाद्वै पूर्वजन्मनि । जाता मम महाभाग पापस्यापि च कर्मणः
asya tīrthavarasyāṃbusparśādvai pūrvajanmani | jātā mama mahābhāga pāpasyāpi ca karmaṇaḥ
Sanskrit only: no published translation is held for this verse.
सिद्ध उवाच- एवमाकर्ण्य तद्वाक्यं महिषस्य महामुनिः । जानन्नपि च तद्वृत्तं विहस्येदमुवाच ह
siddha uvāca- evamākarṇya tadvākyaṃ mahiṣasya mahāmuniḥ | jānannapi ca tadvṛttaṃ vihasyedamuvāca ha
Sanskrit only: no published translation is held for this verse.
कपिल उवाच- भवान्महिषशार्दूल क आसीत्पूर्वजन्मनि । तत्र किं कृतवान्कर्म योनिं येनाप माहिषीम्
kapila uvāca- bhavānmahiṣaśārdūla ka āsītpūrvajanmani | tatra kiṃ kṛtavānkarma yoniṃ yenāpa māhiṣīm
Sanskrit only: no published translation is held for this verse.
महिष उवाच- शृणुष्व मुनिशार्दूल वृत्तं वै पूर्वजन्मनः । अहमासं पुरा राजा कलिंगाधिपतिर्बली
mahiṣa uvāca- śṛṇuṣva muniśārdūla vṛttaṃ vai pūrvajanmanaḥ | ahamāsaṃ purā rājā kaliṃgādhipatirbalī
Sanskrit only: no published translation is held for this verse.
स्वां परां नैव जानामि योषितं काममोहितः । वणिजां साधुवृत्तीनां धनहर्ता निरेनसाम्
svāṃ parāṃ naiva jānāmi yoṣitaṃ kāmamohitaḥ | vaṇijāṃ sādhuvṛttīnāṃ dhanahartā nirenasām
Sanskrit only: no published translation is held for this verse.
निशीथे नगरे राजन् गतभीः पर्यटाम्यहम् । सुंदरीभिः परस्त्रीभिः क्रीडितुं रतिलीलया
niśīthe nagare rājan gatabhīḥ paryaṭāmyaham | suṃdarībhiḥ parastrībhiḥ krīḍituṃ ratilīlayā
Sanskrit only: no published translation is held for this verse.
यद्गृहे सुंदरीं नारीं पश्यामि स्मरमोहितः । वसामि निशि तत्राहं क्षेत्रे मध्ये गजो यथा
yadgṛhe suṃdarīṃ nārīṃ paśyāmi smaramohitaḥ | vasāmi niśi tatrāhaṃ kṣetre madhye gajo yathā
Sanskrit only: no published translation is held for this verse.
क्रीडित्वा तत्र निःशंकं धनं हृत्वा च तद्गृहात् । स्वगृहं पुनरायामि कियद्भिर्वासरैरहम्
krīḍitvā tatra niḥśaṃkaṃ dhanaṃ hṛtvā ca tadgṛhāt | svagṛhaṃ punarāyāmi kiyadbhirvāsarairaham
Sanskrit only: no published translation is held for this verse.
उपविष्टः सभामध्ये दिवा द्वौ पुरबालकौ । अनार्यबाहुयुद्धेन योधयामि निजाग्रतः
upaviṣṭaḥ sabhāmadhye divā dvau purabālakau | anāryabāhuyuddhena yodhayāmi nijāgrataḥ
Sanskrit only: no published translation is held for this verse.
नियोधयति यो बालस्तं मत्वा धनिनं बलात् । गृह्णामि तत्पितुर्वित्तं स्वल्पं वा भूरि वा मुने
niyodhayati yo bālastaṃ matvā dhaninaṃ balāt | gṛhṇāmi tatpiturvittaṃ svalpaṃ vā bhūri vā mune
Sanskrit only: no published translation is held for this verse.
यः पराजयते तत्र कातरत्वान्महामुने । नायमर्हः पुरे स्थातुं ममेति विनिहन्मि तम्
yaḥ parājayate tatra kātaratvānmahāmune | nāyamarhaḥ pure sthātuṃ mameti vinihanmi tam
Sanskrit only: no published translation is held for this verse.
एवमप्यद्यमारेभे वर्त्तमाने महीपतौ । पौरा नगरमुत्सृज्य प्रययुर्विषयांतरम्
evamapyadyamārebhe varttamāne mahīpatau | paurā nagaramutsṛjya prayayurviṣayāṃtaram
Sanskrit only: no published translation is held for this verse.
एकदा मुनिशार्दूलो दुर्वासा पर्यटन्महीम् । पुरे मम समायातो दुर्वासा रुद्रसंभवः
ekadā muniśārdūlo durvāsā paryaṭanmahīm | pure mama samāyāto durvāsā rudrasaṃbhavaḥ
Sanskrit only: no published translation is held for this verse.
मिलित्वा नागराः सर्वे तदाजग्मुस्तदंतिके । प्रणिपत्येदमाहुस्तं स्वदुःखज्ञापकं वचः
militvā nāgarāḥ sarve tadājagmustadaṃtike | praṇipatyedamāhustaṃ svaduḥkhajñāpakaṃ vacaḥ
Sanskrit only: no published translation is held for this verse.
पौरा ऊचुः आत्रेय मुनिशार्दूल कृपां कुरु कृपानिधे । अधर्मनिरतं भूपमेनं धर्मेण योजय
paurā ūcuḥ ātreya muniśārdūla kṛpāṃ kuru kṛpānidhe | adharmanirataṃ bhūpamenaṃ dharmeṇa yojaya
Sanskrit only: no published translation is held for this verse.
भाग्योदयेन केनापि भवानस्माकमागतः । उद्वेलाद्भूपदुःखाब्धेरस्मांस्तारय पोतवत्
bhāgyodayena kenāpi bhavānasmākamāgataḥ | udvelādbhūpaduḥkhābdherasmāṃstāraya potavat
Sanskrit only: no published translation is held for this verse.
धनं लोभयतातेन हृतं नो मुनिपुंगव । दूषिताश्च स्त्रियः साध्व्यः सकामेन निरेनसा
dhanaṃ lobhayatātena hṛtaṃ no munipuṃgava | dūṣitāśca striyaḥ sādhvyaḥ sakāmena nirenasā
Sanskrit only: no published translation is held for this verse.
दशवत्सरदेशीया बहवः शिशवो हताः । अगण्य वैगुण्यनिधिरेष भूपो महामुने
daśavatsaradeśīyā bahavaḥ śiśavo hatāḥ | agaṇya vaiguṇyanidhireṣa bhūpo mahāmune
Sanskrit only: no published translation is held for this verse.
महिष उवाच- एवमाकर्ण्य पौराणां वचः स मुनिरत्रिजः । दंड्योयमिति संचित्य सभास्थं मामथा ययौ
mahiṣa uvāca- evamākarṇya paurāṇāṃ vacaḥ sa muniratrijaḥ | daṃḍyoyamiti saṃcitya sabhāsthaṃ māmathā yayau
Sanskrit only: no published translation is held for this verse.
दृष्ट्वा हि तं समायांतमवधूतं दिगंबरम् । आवारयमहं भृत्यैर्नेत्ययं दर्शनोचितः
dṛṣṭvā hi taṃ samāyāṃtamavadhūtaṃ digaṃbaram | āvārayamahaṃ bhṛtyairnetyayaṃ darśanocitaḥ
Sanskrit only: no published translation is held for this verse.
रेणुना सर्वलिप्तांगो महिषाकृतिरेव वै । वार्यतामिति पार्श्वस्थान्बहुशोऽहं समादिशम्
reṇunā sarvaliptāṃgo mahiṣākṛtireva vai | vāryatāmiti pārśvasthānbahuśo'haṃ samādiśam
Sanskrit only: no published translation is held for this verse.
ततस्ते तरसा भृत्यास्तं वारयितुमभ्यगुः । हुंकारेणैव तान्सर्वान्स चक्रे भस्मसान्मुनिः
tataste tarasā bhṛtyāstaṃ vārayitumabhyaguḥ | huṃkāreṇaiva tānsarvānsa cakre bhasmasānmuniḥ
Sanskrit only: no published translation is held for this verse.
यज्ञाश्वं रक्षतः स्वस्य पितुस्त्वमिव सागरात् । सर्वशस्तानहं भृत्यान्भस्मीभूतांस्तु तेजसा
yajñāśvaṃ rakṣataḥ svasya pitustvamiva sāgarāt | sarvaśastānahaṃ bhṛtyānbhasmībhūtāṃstu tejasā
Sanskrit only: no published translation is held for this verse.
आलक्ष्य सहसोत्थाय गृहमावेष्टुमुद्यतः । रेरे पापेति संबोध्य ततो मां मुनिसत्तमः
ālakṣya sahasotthāya gṛhamāveṣṭumudyataḥ | rere pāpeti saṃbodhya tato māṃ munisattamaḥ
Sanskrit only: no published translation is held for this verse.
शशापेति महारण्ये महिषो भव सांप्रतम् । तेनाहमिति शप्तो वै मुक्त्वा राजतनुं तदा
śaśāpeti mahāraṇye mahiṣo bhava sāṃpratam | tenāhamiti śapto vai muktvā rājatanuṃ tadā
Sanskrit only: no published translation is held for this verse.
मरुदेशे महारण्ये जातोऽहं महिषो मुने । चिरकालमहं तत्र न्यवसं मुनिपुंगवः
marudeśe mahāraṇye jāto'haṃ mahiṣo mune | cirakālamahaṃ tatra nyavasaṃ munipuṃgavaḥ
Sanskrit only: no published translation is held for this verse.
अत्रागतस्तु केनाहं पुण्येन तदपि शृणु । वापीकूपसरस्यस्तु बहबः कारिता मया
atrāgatastu kenāhaṃ puṇyena tadapi śṛṇu | vāpīkūpasarasyastu bahabaḥ kāritā mayā
Sanskrit only: no published translation is held for this verse.
सहकारादिवृक्षाणामारोपो विहितः पथि । पुण्येनानेन मे देव पातो न नरकेऽभवत्
sahakārādivṛkṣāṇāmāropo vihitaḥ pathi | puṇyenānena me deva pāto na narake'bhavat
Sanskrit only: no published translation is held for this verse.
तीर्थस्य च मया प्राप्तो ह्यमुष्यजलसंगमः । एतत्ते कथितं सर्वं पूर्वजन्मशुभाशुभम्
tīrthasya ca mayā prāpto hyamuṣyajalasaṃgamaḥ | etatte kathitaṃ sarvaṃ pūrvajanmaśubhāśubham
Sanskrit only: no published translation is held for this verse.
येन तीर्थं मया प्राप्तमेतद्योनिश्च माहिषी । अस्यतीर्थवरस्यांबुस्पर्शाज्जातिस्मरोभवम् । कथमस्या असद्योनेर्मुक्तिः स्यात्तन्मुने वद
yena tīrthaṃ mayā prāptametadyoniśca māhiṣī | asyatīrthavarasyāṃbusparśājjātismarobhavam | kathamasyā asadyonermuktiḥ syāttanmune vada
Sanskrit only: no published translation is held for this verse.
कपिल उवाच- एतत्तीर्थं महापुण्यं बदर्याख्यं रमापतेः । अत्र स्नाहि द्रुतं कामं स्वचित्तस्थं हि लप्स्यसे
kapila uvāca- etattīrthaṃ mahāpuṇyaṃ badaryākhyaṃ ramāpateḥ | atra snāhi drutaṃ kāmaṃ svacittasthaṃ hi lapsyase
Sanskrit only: no published translation is held for this verse.
सिद्ध उवाच- एतच्छ्रुत्वा वचस्तस्य महिषस्य महामुने । तत्र तीर्थे वरे स्नातुं प्राविशत्स्वर्गवांछया
siddha uvāca- etacchrutvā vacastasya mahiṣasya mahāmune | tatra tīrthe vare snātuṃ prāviśatsvargavāṃchayā
Sanskrit only: no published translation is held for this verse.
स्नात्वा स्वर्गेच्छया तस्मिन्जलात्तटमुपागते । तत्क्षणं गजमारूह्य शक्रः स्वर्गात्समाययौ
snātvā svargecchayā tasminjalāttaṭamupāgate | tatkṣaṇaṃ gajamārūhya śakraḥ svargātsamāyayau
Sanskrit only: no published translation is held for this verse.
इंद्र उवाच- हे कलिंगपते नैजं देहं जहि हि माहिषम् । प्रतिलभ्य वपुर्दिव्यं सममायाहि मे दिवम् । त्वया स्वर्गेच्छया स्नातं प्राप्तं तत्ते सुरास्पदम्
iṃdra uvāca- he kaliṃgapate naijaṃ dehaṃ jahi hi māhiṣam | pratilabhya vapurdivyaṃ samamāyāhi me divam | tvayā svargecchayā snātaṃ prāptaṃ tatte surāspadam
Sanskrit only: no published translation is held for this verse.
सिद्ध उवाच- इत्युक्तः स तदा तेन त्यक्त्वा देहं तु माहिषम् । दिव्यं वपुः समासाद्य गजराजं समारुहत्
siddha uvāca- ityuktaḥ sa tadā tena tyaktvā dehaṃ tu māhiṣam | divyaṃ vapuḥ samāsādya gajarājaṃ samāruhat
Sanskrit only: no published translation is held for this verse.
गजराजं समारुह्य स्थित्वा च गगने क्षणम् । प्रणम्य शिरसा देवं तुष्टाव कपिलं मुनिम्
gajarājaṃ samāruhya sthitvā ca gagane kṣaṇam | praṇamya śirasā devaṃ tuṣṭāva kapilaṃ munim
Sanskrit only: no published translation is held for this verse.
कलिङ्ग उवाच । नमस्ते परमेशान केवलज्ञानहेतवे । सेतवे वेदविद्यानां रिपवे तद्विरोधिनाम्
kaliṅga uvāca | namaste parameśāna kevalajñānahetave | setave vedavidyānāṃ ripave tadvirodhinām
Sanskrit only: no published translation is held for this verse.
त्वत्तः प्रवृत्तिः सांख्यस्य जाता तत्वावबोधिनी । देहिनां मायया ग्रस्त चेतसामपि ते विभो
tvattaḥ pravṛttiḥ sāṃkhyasya jātā tatvāvabodhinī | dehināṃ māyayā grasta cetasāmapi te vibho
Sanskrit only: no published translation is held for this verse.
ये वेदविहितं त्यक्त्वा वर्तंते स्वेच्छया मुने । तान्दंडयसि दंड्यांस्त्वं मज्जयंस्तिर्यगादिषु
ye vedavihitaṃ tyaktvā vartaṃte svecchayā mune | tāndaṃḍayasi daṃḍyāṃstvaṃ majjayaṃstiryagādiṣu
Sanskrit only: no published translation is held for this verse.
इंद्रादयो लोकपालाः सर्वे त्वदधिकारिणः । त्वदिच्छामनुवर्तंते भीता दंडकृतो हि ते
iṃdrādayo lokapālāḥ sarve tvadadhikāriṇaḥ | tvadicchāmanuvartaṃte bhītā daṃḍakṛto hi te
Sanskrit only: no published translation is held for this verse.
त्रयीधर्मविरोद्धारः पूर्वदेवा युगे युगे । अवतीर्य विनाशाय कृता सर्वात्मना त्वया
trayīdharmaviroddhāraḥ pūrvadevā yuge yuge | avatīrya vināśāya kṛtā sarvātmanā tvayā
Sanskrit only: no published translation is held for this verse.
ये ये त्वया हता नाथ चक्रिणा त्रिदशारयः । ते ते तमोमयीं हित्वा तनुं वैकुंठमभ्यगुः
ye ye tvayā hatā nātha cakriṇā tridaśārayaḥ | te te tamomayīṃ hitvā tanuṃ vaikuṃṭhamabhyaguḥ
Sanskrit only: no published translation is held for this verse.
आज्ञापय जगन्नाथ गंतु मां त्रिदशालयम् । अनुगृह्णीष्व शक्रं च नमंतं वीक्षणामृतैः
ājñāpaya jagannātha gaṃtu māṃ tridaśālayam | anugṛhṇīṣva śakraṃ ca namaṃtaṃ vīkṣaṇāmṛtaiḥ
Sanskrit only: no published translation is held for this verse.
प्रसादात्तव देवेश बदर्याख्यस्य च प्रभो । तीर्थस्य स्वतनुं हित्वा तामसीं सात्विकीं गतः
prasādāttava deveśa badaryākhyasya ca prabho | tīrthasya svatanuṃ hitvā tāmasīṃ sātvikīṃ gataḥ
Sanskrit only: no published translation is held for this verse.
इंद्रेण सह नागेंद्रमारुह्य त्रिदशालयम् । गच्छामि स्वेच्छया नाथ कृपातस्ते कृपानिधेः
iṃdreṇa saha nāgeṃdramāruhya tridaśālayam | gacchāmi svecchayā nātha kṛpātaste kṛpānidheḥ
Sanskrit only: no published translation is held for this verse.
सिद्ध उवाच- इत्यभिष्टूय देवेशं कपिलं स कलिंगपः । नमस्कृत्य च तत्पादौ जगाम त्रिदशालयम्
siddha uvāca- ityabhiṣṭūya deveśaṃ kapilaṃ sa kaliṃgapaḥ | namaskṛtya ca tatpādau jagāma tridaśālayam
Sanskrit only: no published translation is held for this verse.
एतन्मयाद्भुतं विप्र दृष्टं बदरिकाश्रमे । गुरुं शुश्रूषमाणेन पापस्यापि विमोक्षणम्
etanmayādbhutaṃ vipra dṛṣṭaṃ badarikāśrame | guruṃ śuśrūṣamāṇena pāpasyāpi vimokṣaṇam
Sanskrit only: no published translation is held for this verse.
नातः परं त्रिलोक्यां तु तीर्थं सर्वार्थदायकम् । याहि तत्रैव सस्त्रीकः परं श्रेयो यदीच्छसि
nātaḥ paraṃ trilokyāṃ tu tīrthaṃ sarvārthadāyakam | yāhi tatraiva sastrīkaḥ paraṃ śreyo yadīcchasi
Sanskrit only: no published translation is held for this verse.
अहं यामि समानेतुं बदर्याख्यं गृहान्द्विज । वृद्धं स्वकीय पितरं निस्पृहं मोक्षकामुकम्
ahaṃ yāmi samānetuṃ badaryākhyaṃ gṛhāndvija | vṛddhaṃ svakīya pitaraṃ nispṛhaṃ mokṣakāmukam
Sanskrit only: no published translation is held for this verse.
नारद उवाच- इति तीर्थवरस्यास्य बदर्याख्यस्य भूपते । महिमानं समुत्कीर्त्य स सिद्धः स्वगृहं ययौ
nārada uvāca- iti tīrthavarasyāsya badaryākhyasya bhūpate | mahimānaṃ samutkīrtya sa siddhaḥ svagṛhaṃ yayau
Sanskrit only: no published translation is held for this verse.
अथ कालेन कियता स द्विजः सह भार्यया । तीर्थानपर्यटन्धीरः इंद्रप्रस्थेभ्यगादहम्
atha kālena kiyatā sa dvijaḥ saha bhāryayā | tīrthānaparyaṭandhīraḥ iṃdraprasthebhyagādaham
Sanskrit only: no published translation is held for this verse.
तेनैव वपुषा राजन्नीतवांस्तौ निजालयम् । ससिद्धोऽपि स्वपितरं गृहादानीय सत्वरः
tenaiva vapuṣā rājannītavāṃstau nijālayam | sasiddho'pi svapitaraṃ gṛhādānīya satvaraḥ
Sanskrit only: no published translation is held for this verse.
तत्रैव स्नापयामास तत्तीर्थे मोक्षकामुकम् । सोऽपि श्रीवासुदेवेन वृद्धः सिद्धपिता तदा
tatraiva snāpayāmāsa tattīrthe mokṣakāmukam | so'pi śrīvāsudevena vṛddhaḥ siddhapitā tadā
Sanskrit only: no published translation is held for this verse.
ततो नीतो निजगृहं वृंदारकविवंदितः । इंद्रप्रस्थांतरगतमिदं सद्बदर्याख्यमीशः स्नानाद्दद्यादखिलजनिता मानसेष्टं पदार्थम् । माहात्म्यं ते नृपनतिमते वर्णितं तस्य पूतं यच्छ्रुत्वा वै पतति न जनो मातृगर्भे कदाचित्
tato nīto nijagṛhaṃ vṛṃdārakavivaṃditaḥ | iṃdraprasthāṃtaragatamidaṃ sadbadaryākhyamīśaḥ snānāddadyādakhilajanitā mānaseṣṭaṃ padārtham | māhātmyaṃ te nṛpanatimate varṇitaṃ tasya pūtaṃ yacchrutvā vai patati na jano mātṛgarbhe kadācit
Sanskrit only: no published translation is held for this verse.