Padma Purāṇa 6.219

नारद उवाच- इत्याकर्ण्य वचस्तस्य पुंडरीको महामनाः । उवाच निजबंधुं तं शृण्वतां निजसंगिनाम्

nārada uvāca- ityākarṇya vacastasya puṃḍarīko mahāmanāḥ | uvāca nijabaṃdhuṃ taṃ śṛṇvatāṃ nijasaṃginām

Sanskrit only: no published translation is held for this verse.

पुंडरीक उवाच- केन पुण्येन तीर्थेऽस्मिन्मृत्युर्भरत तेऽभवत् । यदि जानासि तद्ब्रूहि पापं विख्यातमेव ते

puṃḍarīka uvāca- kena puṇyena tīrthe'sminmṛtyurbharata te'bhavat | yadi jānāsi tadbrūhi pāpaṃ vikhyātameva te

Sanskrit only: no published translation is held for this verse.

भरत उवाच- पुंडरीक शृणुष्वेदं कथयामि तवाग्रतः । एतत्तीर्थप्रदं पुण्यं कृतं यदिह जन्मनि

bharata uvāca- puṃḍarīka śṛṇuṣvedaṃ kathayāmi tavāgrataḥ | etattīrthapradaṃ puṇyaṃ kṛtaṃ yadiha janmani

Sanskrit only: no published translation is held for this verse.

एकदा तु धनं जित्वा समागच्छन्निजं गृहम् । अपश्यं मृतकं बालं मृतस्यानाथमापणे

ekadā tu dhanaṃ jitvā samāgacchannijaṃ gṛham | apaśyaṃ mṛtakaṃ bālaṃ mṛtasyānāthamāpaṇe

Sanskrit only: no published translation is held for this verse.

निधाय तमहं मूर्ध्नि नीत्वा गंगातटे शुभे । वस्त्रादिभिरलंकृत्य चक्रे दाहादिसत्क्रियाम्

nidhāya tamahaṃ mūrdhni nītvā gaṃgātaṭe śubhe | vastrādibhiralaṃkṛtya cakre dāhādisatkriyām

Sanskrit only: no published translation is held for this verse.

द्यूतेनोपार्ज्जितं द्रव्यं तत्सर्वं व्ययितं मया । तेन पुण्येन प्राप्तं मे तीर्थमेतच्छुभावहम्

dyūtenopārjjitaṃ dravyaṃ tatsarvaṃ vyayitaṃ mayā | tena puṇyena prāptaṃ me tīrthametacchubhāvaham

Sanskrit only: no published translation is held for this verse.

कुरु त्वं मम देहस्य संस्कारं दाहपूर्वकम्

kuru tvaṃ mama dehasya saṃskāraṃ dāhapūrvakam

Sanskrit only: no published translation is held for this verse.

श्रीनारद उवाच- संस्कारे विहिते राजन्भरतः पापवानपि । तीर्थस्यास्य प्रसादेन पुष्करस्य गतो दिवि । मासमेकं यथा विष्णुः पुंडरीकगृहे हरिः

śrīnārada uvāca- saṃskāre vihite rājanbharataḥ pāpavānapi | tīrthasyāsya prasādena puṣkarasya gato divi | māsamekaṃ yathā viṣṇuḥ puṃḍarīkagṛhe hariḥ

Sanskrit only: no published translation is held for this verse.

उवासास्य प्रसादेन तीर्थस्य शृणु सांप्रतम् । अत्र तीर्थे स धर्मात्मा भरतस्यापि सद्गतिम् । दृष्ट्वेति हृदये मेने तीर्थमेतत्तु कामदम्

uvāsāsya prasādena tīrthasya śṛṇu sāṃpratam | atra tīrthe sa dharmātmā bharatasyāpi sadgatim | dṛṣṭveti hṛdaye mene tīrthametattu kāmadam

Sanskrit only: no published translation is held for this verse.

अत्रेति वांच्छया सस्नौ पुंडरीकः स पंडितः । माघमासं स्वरूपेण हरिर्वसतु मे गृहे

atreti vāṃcchayā sasnau puṃḍarīkaḥ sa paṃḍitaḥ | māghamāsaṃ svarūpeṇa harirvasatu me gṛhe

Sanskrit only: no published translation is held for this verse.

एवं स्नात्वा स कामेन ययौ निजगृहं प्रति । तीर्थेऽत्र नृपतिश्रेष्ठ पुंडरीकोऽखिलार्थदे

evaṃ snātvā sa kāmena yayau nijagṛhaṃ prati | tīrthe'tra nṛpatiśreṣṭha puṃḍarīko'khilārthade

Sanskrit only: no published translation is held for this verse.

बंधुभ्यो मरणं भ्रातुर्भरतस्य जगाद ह । तेपि श्रुत्वा शुचं चक्रुर्माययावृतबुद्धयः

baṃdhubhyo maraṇaṃ bhrāturbharatasya jagāda ha | tepi śrutvā śucaṃ cakrurmāyayāvṛtabuddhayaḥ

Sanskrit only: no published translation is held for this verse.

पुंडरीकस्तदा कुर्वन्गृहे स्वस्मिन्निजक्रियाः । उवासेति महानंदस्तपस्यायास्यते हरिः

puṃḍarīkastadā kurvangṛhe svasminnijakriyāḥ | uvāseti mahānaṃdastapasyāyāsyate hariḥ

Sanskrit only: no published translation is held for this verse.

पूर्णिमायामथो पौष्यां चक्रे स परमोत्सवम् । मत्वेति श्वो गृहे मह्यं हरिरायास्यति ध्रुवम्

pūrṇimāyāmatho pauṣyāṃ cakre sa paramotsavam | matveti śvo gṛhe mahyaṃ harirāyāsyati dhruvam

Sanskrit only: no published translation is held for this verse.

श्रीखंडजलसेकेन गोमयालेपनेन च । मुक्ताचूर्णचतुष्केन समस्कुरुत केतनम्

śrīkhaṃḍajalasekena gomayālepanena ca | muktācūrṇacatuṣkena samaskuruta ketanam

Sanskrit only: no published translation is held for this verse.

शतद्वयं ब्राह्मणानां नानाभोज्यैरभोजयत् । वह्वीभिर्दक्षिणाभिश्च तानेव समतोषयत्

śatadvayaṃ brāhmaṇānāṃ nānābhojyairabhojayat | vahvībhirdakṣiṇābhiśca tāneva samatoṣayat

Sanskrit only: no published translation is held for this verse.

नानावादित्रकुशलैः कलकंठैश्च गायनैः । रजन्यां स्वजनैर्गायंश्चक्रे जागरणं तथा

nānāvāditrakuśalaiḥ kalakaṃṭhaiśca gāyanaiḥ | rajanyāṃ svajanairgāyaṃścakre jāgaraṇaṃ tathā

Sanskrit only: no published translation is held for this verse.

अथ प्रभाते तान्सर्वान्गायनादीन्विसृज्य सः । गोविंदागमनाकांक्षी गृहमध्ये उपाविशत्

atha prabhāte tānsarvāngāyanādīnvisṛjya saḥ | goviṃdāgamanākāṃkṣī gṛhamadhye upāviśat

Sanskrit only: no published translation is held for this verse.

अथ तस्य गृहाभ्यासे निवर्त्य निजवाहनम् । प्राविशद्गृहमध्ये तु कर्तुं स्वजनवांछितम्

atha tasya gṛhābhyāse nivartya nijavāhanam | prāviśadgṛhamadhye tu kartuṃ svajanavāṃchitam

Sanskrit only: no published translation is held for this verse.

स पुंडरीकस्तं दृष्ट्वा माधवं समुपागतम् । उत्थायासनतस्तूर्णं ववंदे शिरसा नृप

sa puṃḍarīkastaṃ dṛṣṭvā mādhavaṃ samupāgatam | utthāyāsanatastūrṇaṃ vavaṃde śirasā nṛpa

Sanskrit only: no published translation is held for this verse.

उवाच च स धर्म्मात्मा गोविंदालोकनिर्वृतः । संपूज्यार्घादिदानेन विष्टरे तं निवेशितम्

uvāca ca sa dharmmātmā goviṃdālokanirvṛtaḥ | saṃpūjyārghādidānena viṣṭare taṃ niveśitam

Sanskrit only: no published translation is held for this verse.

पुंडरीक उवाच- भवता भव तापघ्नं सुस्पष्टं तदनुष्ठितम् । तावदत्र त्वया विष्णो स्थीयतां स्थितिकारिणा

puṃḍarīka uvāca- bhavatā bhava tāpaghnaṃ suspaṣṭaṃ tadanuṣṭhitam | tāvadatra tvayā viṣṇo sthīyatāṃ sthitikāriṇā

Sanskrit only: no published translation is held for this verse.

यावदस्य पुनीतस्य समाप्तिस्तपसो भवेत् । यत्र त्वं सेवकास्ते च वसंति परिचर्यया

yāvadasya punītasya samāptistapaso bhavet | yatra tvaṃ sevakāste ca vasaṃti paricaryayā

Sanskrit only: no published translation is held for this verse.

तत्रैव खलु वैकुंठं सर्वदोषविवर्जितः । यद्गृहे तव कर्माणि वर्ण्यं ते साधुभिर्विभो

tatraiva khalu vaikuṃṭhaṃ sarvadoṣavivarjitaḥ | yadgṛhe tava karmāṇi varṇyaṃ te sādhubhirvibho

Sanskrit only: no published translation is held for this verse.

हरिर्निवसते तत्र सन्मुखादिति नः श्रुतम् । येषां वचसि ते नाम हृदि रूपं च सुंदरम्

harirnivasate tatra sanmukhāditi naḥ śrutam | yeṣāṃ vacasi te nāma hṛdi rūpaṃ ca suṃdaram

Sanskrit only: no published translation is held for this verse.

कर्णयोश्च गुणारोपस्त एव खलु साधवः । भवतो भवते स्वांतं येषां शुश्रूषणे विभो

karṇayośca guṇāropasta eva khalu sādhavaḥ | bhavato bhavate svāṃtaṃ yeṣāṃ śuśrūṣaṇe vibho

Sanskrit only: no published translation is held for this verse.

उत्तमांगे च निर्माल्यं त एव खलु साधवः । येषां तु बुद्धिः शत्रौ च मित्रे च कमलापते

uttamāṃge ca nirmālyaṃ ta eva khalu sādhavaḥ | yeṣāṃ tu buddhiḥ śatrau ca mitre ca kamalāpate

Sanskrit only: no published translation is held for this verse.

चयापचययोश्चैव त एव खलु साधवः । येषां विकुरुते चेतो न विकारस्य कारणे

cayāpacayayoścaiva ta eva khalu sādhavaḥ | yeṣāṃ vikurute ceto na vikārasya kāraṇe

Sanskrit only: no published translation is held for this verse.

संति लक्ष्मीपते नूनं त एव खलु साधवः । यत्र त्वं साधवस्तत्र संतो यत्र ततो भवान् । भवानतो विज्ञाय तां साधुं माघे मम गृहे वस

saṃti lakṣmīpate nūnaṃ ta eva khalu sādhavaḥ | yatra tvaṃ sādhavastatra saṃto yatra tato bhavān | bhavānato vijñāya tāṃ sādhuṃ māghe mama gṛhe vasa

Sanskrit only: no published translation is held for this verse.

नारद उवाच- इत्याकर्ण्य वचस्तस्य पुंडरीकस्य माधवः । उवाच वचनं भासादंतानां भासयन्दिशः

nārada uvāca- ityākarṇya vacastasya puṃḍarīkasya mādhavaḥ | uvāca vacanaṃ bhāsādaṃtānāṃ bhāsayandiśaḥ

Sanskrit only: no published translation is held for this verse.

श्रीभगवानुवाच- साधूनामुत्तमः साधुस्त्वं पृथिव्यां महामते । यत्त्वया पुण्यतीर्थे तु स्नातं मत्संगवांछया

śrībhagavānuvāca- sādhūnāmuttamaḥ sādhustvaṃ pṛthivyāṃ mahāmate | yattvayā puṇyatīrthe tu snātaṃ matsaṃgavāṃchayā

Sanskrit only: no published translation is held for this verse.

उत्तिष्ठ जाह्नवीतोय माघे स्नानं कुरु द्विज । माघांते स्नापयामि त्वां पूर्णिमायां तु पुष्करे

uttiṣṭha jāhnavītoya māghe snānaṃ kuru dvija | māghāṃte snāpayāmi tvāṃ pūrṇimāyāṃ tu puṣkare

Sanskrit only: no published translation is held for this verse.

प्रयागे माघमासे तु पूर्णं यत्स्नानजं फलम् । तत्सर्वं पुष्करे तीर्थे दिनैकस्नानतो भवेत्

prayāge māghamāse tu pūrṇaṃ yatsnānajaṃ phalam | tatsarvaṃ puṣkare tīrthe dinaikasnānato bhavet

Sanskrit only: no published translation is held for this verse.

नारद उवाच- एवमुक्तः स विप्रेंद्रः पुंडरीको मुरारिणा । किंचिदभ्युदिते सूर्ये स्नानं गंगाजलेऽकरोत्

nārada uvāca- evamuktaḥ sa vipreṃdraḥ puṃḍarīko murāriṇā | kiṃcidabhyudite sūrye snānaṃ gaṃgājale'karot

Sanskrit only: no published translation is held for this verse.

प्रत्यक्ष पुंडरीकाक्ष पुंडरीकः समर्चयत् । तुलसीविकसत्पुष्पयवकुंकुमचंदनैः

pratyakṣa puṃḍarīkākṣa puṃḍarīkaḥ samarcayat | tulasīvikasatpuṣpayavakuṃkumacaṃdanaiḥ

Sanskrit only: no published translation is held for this verse.

धूपैरगरुजैरंगवासितांगं रमापतिम् । नीराजयति कर्पूरदीपकैः पंचभिः स्म सः

dhūpairagarujairaṃgavāsitāṃgaṃ ramāpatim | nīrājayati karpūradīpakaiḥ paṃcabhiḥ sma saḥ

Sanskrit only: no published translation is held for this verse.

चतुर्विधमयैर्भोज्यैर्भोजयित्वा जगद्गुरुम् । सुप्तं स मणिपर्यंके चामरैस्तमवीजयत्

caturvidhamayairbhojyairbhojayitvā jagadgurum | suptaṃ sa maṇiparyaṃke cāmaraistamavījayat

Sanskrit only: no published translation is held for this verse.

पादसंवाहनं जातु चक्रे तस्य रमापतेः । जातकर्पूरसंयुक्तं ददौ तांबूलवीटकम्

pādasaṃvāhanaṃ jātu cakre tasya ramāpateḥ | jātakarpūrasaṃyuktaṃ dadau tāṃbūlavīṭakam

Sanskrit only: no published translation is held for this verse.

उष्णीषं बध्नतस्तस्य श्रीपतेः पुरतस्तदा । तस्थौ जातु स विप्रेंद्रः करेणानीय दर्पणम्

uṣṇīṣaṃ badhnatastasya śrīpateḥ puratastadā | tasthau jātu sa vipreṃdraḥ kareṇānīya darpaṇam

Sanskrit only: no published translation is held for this verse.

एवं निजगृहे तस्य वसतः स भवच्छिदः । सपर्यां विदधद्विप्रो माघं निन्ये स मस्तकम्

evaṃ nijagṛhe tasya vasataḥ sa bhavacchidaḥ | saparyāṃ vidadhadvipro māghaṃ ninye sa mastakam

Sanskrit only: no published translation is held for this verse.

अथ माघावसाने तु पूर्णिमायां रमापतेः । स्मृतिमात्रागतं तार्क्ष्यमपश्यत्पुरतः स्थितम्

atha māghāvasāne tu pūrṇimāyāṃ ramāpateḥ | smṛtimātrāgataṃ tārkṣyamapaśyatpurataḥ sthitam

Sanskrit only: no published translation is held for this verse.

तं दृष्ट्वा पुंडरीकाक्षः पुंडरीकमुवाच ह । श्रीभगवानुवाच- श्रूयतां भो द्विजश्रेष्ठ यद्वचोऽहं वदामि ते

taṃ dṛṣṭvā puṃḍarīkākṣaḥ puṃḍarīkamuvāca ha | śrībhagavānuvāca- śrūyatāṃ bho dvijaśreṣṭha yadvaco'haṃ vadāmi te

Sanskrit only: no published translation is held for this verse.

इंद्रप्रस्थगते तीर्थे पुष्करे ते यदृच्छया । स्नानायते मया दत्तं यन्मासमुषितं मया

iṃdraprasthagate tīrthe puṣkare te yadṛcchayā | snānāyate mayā dattaṃ yanmāsamuṣitaṃ mayā

Sanskrit only: no published translation is held for this verse.

अद्यपक्षींद्रमारुह्य मया सह महामते । व्रज तीर्थशिरोरत्नं तदेव प्रति पुष्करे

adyapakṣīṃdramāruhya mayā saha mahāmate | vraja tīrthaśiroratnaṃ tadeva prati puṣkare

Sanskrit only: no published translation is held for this verse.

चतुर्वर्गप्रदे तस्मिन्स्नानं कुर्वन्यदीच्छसि । तदहं ते प्रदास्यामि यदहं तद्वशे द्विज

caturvargaprade tasminsnānaṃ kurvanyadīcchasi | tadahaṃ te pradāsyāmi yadahaṃ tadvaśe dvija

Sanskrit only: no published translation is held for this verse.

पापोऽपि भरतस्ते वै भ्राता यत्र मृतो गतः । स्वर्गं स्वर्गसुखाकांक्षी किमन्यत्तस्य वर्ण्यते

pāpo'pi bharataste vai bhrātā yatra mṛto gataḥ | svargaṃ svargasukhākāṃkṣī kimanyattasya varṇyate

Sanskrit only: no published translation is held for this verse.

नारद उवाच- एवमुक्त्वा स देवेंद्रो ब्राह्मणेंद्रं नरेंद्र तम् । पतगेंद्रं समारोप्य सर्वतीर्थेंद्रमागमत्

nārada uvāca- evamuktvā sa deveṃdro brāhmaṇeṃdraṃ nareṃdra tam | patageṃdraṃ samāropya sarvatīrtheṃdramāgamat

Sanskrit only: no published translation is held for this verse.

पुंडरीकस्य देहात्तु तेन तत्प्राणवायुना । समं ज्योतिः स निर्गत्य गोविंदपदमाविशत्

puṃḍarīkasya dehāttu tena tatprāṇavāyunā | samaṃ jyotiḥ sa nirgatya goviṃdapadamāviśat

Sanskrit only: no published translation is held for this verse.

एवं पुष्करतीर्थेऽस्मिन्निंद्रप्रस्थगते नृप । स्नानेन पुंडरीकस्तु लेभे सायुज्यमीश्वरे

evaṃ puṣkaratīrthe'sminniṃdraprasthagate nṛpa | snānena puṃḍarīkastu lebhe sāyujyamīśvare

Sanskrit only: no published translation is held for this verse.

एवं तीर्थानुरोधेन गोविंदोऽपि च तद्गृहे । मासमेकं सुखं राजन्नुवास निजबंधुवत्

evaṃ tīrthānurodhena goviṃdo'pi ca tadgṛhe | māsamekaṃ sukhaṃ rājannuvāsa nijabaṃdhuvat

Sanskrit only: no published translation is held for this verse.

केन वर्णयितुं शक्यो महिमा पुष्करस्य वै । शक्रप्रस्थगतस्यास्य कोट्यंशो वर्णितो मया

kena varṇayituṃ śakyo mahimā puṣkarasya vai | śakraprasthagatasyāsya koṭyaṃśo varṇito mayā

Sanskrit only: no published translation is held for this verse.

माहात्म्यश्रवणादस्य श्रद्धया लभते नरः । अश्वमेधक्रतुफलं पठनादपि भूपते

māhātmyaśravaṇādasya śraddhayā labhate naraḥ | aśvamedhakratuphalaṃ paṭhanādapi bhūpate

Sanskrit only: no published translation is held for this verse.