Library·Padma Purāṇa·6·6.227
पार्वत्युवाच- विस्तरेण मयाचक्ष्व मंत्रार्थपदगौरवम् । ईश्वरस्य स्वरूपं च तद्विभूतिगुणांस्तथा
pārvatyuvāca- vistareṇa mayācakṣva maṃtrārthapadagauravam | īśvarasya svarūpaṃ ca tadvibhūtiguṇāṃstathā
Sanskrit only: no published translation is held for this verse.
तद्विष्णोः परमं धामव्यूहभेदांस्तथा हरेः । सर्वमाख्याहि तत्त्वेन मम सर्वसुरेश्वर
tadviṣṇoḥ paramaṃ dhāmavyūhabhedāṃstathā hareḥ | sarvamākhyāhi tattvena mama sarvasureśvara
Sanskrit only: no published translation is held for this verse.
ईश्वर उवाच- शृणु देवि प्रवक्ष्यामि स्वरूपं परमात्मनः । विभूतिगुणसंघातं तदवस्थात्मकं हरेः
īśvara uvāca- śṛṇu devi pravakṣyāmi svarūpaṃ paramātmanaḥ | vibhūtiguṇasaṃghātaṃ tadavasthātmakaṃ hareḥ
Sanskrit only: no published translation is held for this verse.
यः परः पुरुषो विष्णुर्नारायण उदाहृतः । स ईश्वरश्च जगतां परमात्मा सनातनः
yaḥ paraḥ puruṣo viṣṇurnārāyaṇa udāhṛtaḥ | sa īśvaraśca jagatāṃ paramātmā sanātanaḥ
Sanskrit only: no published translation is held for this verse.
विश्वतः पाणिपादश्च चक्षुष्मान्विश्वतः प्रभुः । विश्वानि भुवनान्यस्मिन्धामानि परमाणि वै
viśvataḥ pāṇipādaśca cakṣuṣmānviśvataḥ prabhuḥ | viśvāni bhuvanānyasmindhāmāni paramāṇi vai
Sanskrit only: no published translation is held for this verse.
धारयन्सोऽप्यत्यतिष्ठेन्मनांसि च मनीषिणाम् । एवं बहुस्वरूपः सञ्छ्रीपतिः पुरुषोत्तमः । ईश्वरर्य्या सहभोगार्थं दिव्यमंगलरूपवान्
dhārayanso'pyatyatiṣṭhenmanāṃsi ca manīṣiṇām | evaṃ bahusvarūpaḥ sañchrīpatiḥ puruṣottamaḥ | īśvararyyā sahabhogārthaṃ divyamaṃgalarūpavān
Sanskrit only: no published translation is held for this verse.
बृहच्छरीरोऽग्निसमानरूपो युवा कुमारत्वमुपेयिवान्हरिः । रेमे श्रियासौ जगतां जनन्या स्वज्योत्स्नया चंद्रइवामृतांशुः
bṛhaccharīro'gnisamānarūpo yuvā kumāratvamupeyivānhariḥ | reme śriyāsau jagatāṃ jananyā svajyotsnayā caṃdraivāmṛtāṃśuḥ
Sanskrit only: no published translation is held for this verse.
अयं च जगदीश्वर्य्या कुमारो नित्ययौवनः । कंदर्प्पकोटिलावण्यः स तस्थे परमे पदे
ayaṃ ca jagadīśvaryyā kumāro nityayauvanaḥ | kaṃdarppakoṭilāvaṇyaḥ sa tasthe parame pade
Sanskrit only: no published translation is held for this verse.
भोगार्थं परमं व्योम लीलार्थमखिलं जगत् । भोगेन क्रीडया विष्णोर्विभूतिद्वयसंस्थितिः
bhogārthaṃ paramaṃ vyoma līlārthamakhilaṃ jagat | bhogena krīḍayā viṣṇorvibhūtidvayasaṃsthitiḥ
Sanskrit only: no published translation is held for this verse.
भोगे नित्यस्थितिस्तस्य लीलां संहरते कदा । भोगो लीला उभौस्तस्य धार्य्येते शक्तिमत्तया
bhoge nityasthitistasya līlāṃ saṃharate kadā | bhogo līlā ubhaustasya dhāryyete śaktimattayā
Sanskrit only: no published translation is held for this verse.
त्रिपाद्व्याप्तिः परे धाम्नि पादोस्येहाभवत्पुनः । त्रिपाद्विभूतिर्नित्या स्यादनित्यं पादमैश्वरम्
tripādvyāptiḥ pare dhāmni pādosyehābhavatpunaḥ | tripādvibhūtirnityā syādanityaṃ pādamaiśvaram
Sanskrit only: no published translation is held for this verse.
नित्यं तद्रूपमीशस्य परे धाम्नि स्थितं शुभम् । अच्युतं शाश्वतं दिव्यं सदा यौवनमाश्रितम्
nityaṃ tadrūpamīśasya pare dhāmni sthitaṃ śubham | acyutaṃ śāśvataṃ divyaṃ sadā yauvanamāśritam
Sanskrit only: no published translation is held for this verse.
नित्यं संभोगमीश्वर्या श्रिया भूम्या च संवृतम् । नित्यैवेषा जगन्माता विष्णोः श्रीरनपायिनी
nityaṃ saṃbhogamīśvaryā śriyā bhūmyā ca saṃvṛtam | nityaiveṣā jaganmātā viṣṇoḥ śrīranapāyinī
Sanskrit only: no published translation is held for this verse.
यथा सर्वगतो विष्णुस्तथा लक्ष्मीश्शुभानने । ईशाना सर्वजगतो विष्णुपत्नी सदा शिवा
yathā sarvagato viṣṇustathā lakṣmīśśubhānane | īśānā sarvajagato viṣṇupatnī sadā śivā
Sanskrit only: no published translation is held for this verse.
सर्वतः पाणिपादांता सर्वतोऽक्षिशिरोमुखी । नारायणी जगन्माता समस्तजगदाश्रया
sarvataḥ pāṇipādāṃtā sarvato'kṣiśiromukhī | nārāyaṇī jaganmātā samastajagadāśrayā
Sanskrit only: no published translation is held for this verse.
यदपाङ्गाश्रितं सर्वं जगत्स्थावरजङ्गमम् । जगत्स्थितिलयौ यस्या उन्मीलननिमीलनात्
yadapāṅgāśritaṃ sarvaṃ jagatsthāvarajaṅgamam | jagatsthitilayau yasyā unmīlananimīlanāt
Sanskrit only: no published translation is held for this verse.
सर्वस्याद्या महालक्ष्मीस्त्रिगुणा परमेश्वरी । लक्ष्यालक्ष्यस्वरूपा सा व्याप्य कृत्स्नं व्यवस्थिता
sarvasyādyā mahālakṣmīstriguṇā parameśvarī | lakṣyālakṣyasvarūpā sā vyāpya kṛtsnaṃ vyavasthitā
Sanskrit only: no published translation is held for this verse.
शून्यं तदखिलं विश्वं विलोक्य परमेश्वरी । शून्यं तदखिलं स्वेन पूरयामास तेजसा
śūnyaṃ tadakhilaṃ viśvaṃ vilokya parameśvarī | śūnyaṃ tadakhilaṃ svena pūrayāmāsa tejasā
Sanskrit only: no published translation is held for this verse.
सा लक्ष्मीर्धरणी चैव नीलादेवीति विश्रुता । आधारभूता जगतः पृथिवीरूपमाश्रिता
sā lakṣmīrdharaṇī caiva nīlādevīti viśrutā | ādhārabhūtā jagataḥ pṛthivīrūpamāśritā
Sanskrit only: no published translation is held for this verse.
तोयादिरसरूपेण सैव नीलावपुर्भवेत् । लक्ष्मीरूपत्वमापन्ना धनवाग्रूपिणी हि सा
toyādirasarūpeṇa saiva nīlāvapurbhavet | lakṣmīrūpatvamāpannā dhanavāgrūpiṇī hi sā
Sanskrit only: no published translation is held for this verse.
एवं देवीस्वरूपा सा जगतः श्रीः श्रीताहरिम् । समस्तविद्याभेदा स्युर्लक्ष्मीरूपा वरानने
evaṃ devīsvarūpā sā jagataḥ śrīḥ śrītāharim | samastavidyābhedā syurlakṣmīrūpā varānane
Sanskrit only: no published translation is held for this verse.
श्रीरूपमखिलं सर्वं तस्या हि वपुरुच्यते । सौंदर्यं शीलवृत्तं च सौभाग्यं स्त्रीषु संस्थितम् । तस्या रूपं च गिरिजे सर्वासां मूर्ध्नि योषिताम्
śrīrūpamakhilaṃ sarvaṃ tasyā hi vapurucyate | sauṃdaryaṃ śīlavṛttaṃ ca saubhāgyaṃ strīṣu saṃsthitam | tasyā rūpaṃ ca girije sarvāsāṃ mūrdhni yoṣitām
Sanskrit only: no published translation is held for this verse.
यस्याः कटाक्षाय तमोग्रदृष्ट्या ब्रह्माशिवस्स्वर्गपतिर्महेंद्रः । चंद्रश्च सूर्यो धनदोपमोग्निः प्रभूतमैश्वर्यमवाप्नुवंति
yasyāḥ kaṭākṣāya tamogradṛṣṭyā brahmāśivassvargapatirmaheṃdraḥ | caṃdraśca sūryo dhanadopamogniḥ prabhūtamaiśvaryamavāpnuvaṃti
Sanskrit only: no published translation is held for this verse.
लक्ष्मीः श्रीः कमला विद्या माता विष्णुप्रिया सती । पद्मालया पद्महस्ता पद्माक्षी लोकसुंदरी
lakṣmīḥ śrīḥ kamalā vidyā mātā viṣṇupriyā satī | padmālayā padmahastā padmākṣī lokasuṃdarī
Sanskrit only: no published translation is held for this verse.
भूतानामीश्वरी नित्या सह्या सर्वगता शुभा । विष्णुपत्नी महादेवी क्षीरोदतनया रमा
bhūtānāmīśvarī nityā sahyā sarvagatā śubhā | viṣṇupatnī mahādevī kṣīrodatanayā ramā
Sanskrit only: no published translation is held for this verse.
अनंता लोकमाता भूर्नीला सर्वसुखप्रदा । रुक्मिणी च तथा सीता सर्ववेदवती शुभा
anaṃtā lokamātā bhūrnīlā sarvasukhapradā | rukmiṇī ca tathā sītā sarvavedavatī śubhā
Sanskrit only: no published translation is held for this verse.
सती सरस्वती गौरी शांतिः स्वाहा स्वधा रतिः । नारायणी वरारोहा विष्णोर्नित्यानपायिनी
satī sarasvatī gaurī śāṃtiḥ svāhā svadhā ratiḥ | nārāyaṇī varārohā viṣṇornityānapāyinī
Sanskrit only: no published translation is held for this verse.
एतानि पुण्यनामानि प्रातरुत्थाय यः पठेत् । स महाश्रियमाप्नोति धनधान्यमकल्मषम्
etāni puṇyanāmāni prātarutthāya yaḥ paṭhet | sa mahāśriyamāpnoti dhanadhānyamakalmaṣam
Sanskrit only: no published translation is held for this verse.
हिरण्यवर्णां हरिणीं सुवर्णरजतः स्रजाम् । चंद्रां हिरण्मयीं लक्ष्मीं विष्णोरनपगामिनीम्
hiraṇyavarṇāṃ hariṇīṃ suvarṇarajataḥ srajām | caṃdrāṃ hiraṇmayīṃ lakṣmīṃ viṣṇoranapagāminīm
Sanskrit only: no published translation is held for this verse.
गन्धद्वारां दुराधर्षां नित्यपुष्टां करीषिणीम् । ईश्वरीं सर्वभूतानां तामिहोपह्वये श्रियम्
gandhadvārāṃ durādharṣāṃ nityapuṣṭāṃ karīṣiṇīm | īśvarīṃ sarvabhūtānāṃ tāmihopahvaye śriyam
Sanskrit only: no published translation is held for this verse.
एवं ऋक्संहितायां तु स्तूयमाना महेश्वरी । सर्वैश्वर्यसुखं प्रादाच्छिवादीनां दिवौकसाम्
evaṃ ṛksaṃhitāyāṃ tu stūyamānā maheśvarī | sarvaiśvaryasukhaṃ prādācchivādīnāṃ divaukasām
Sanskrit only: no published translation is held for this verse.
अस्येशाना हि जगतो विष्णुपत्नी सनातनी । यदपाङ्गाश्रितं सर्वं जगत्स्थावरजंगमम्
asyeśānā hi jagato viṣṇupatnī sanātanī | yadapāṅgāśritaṃ sarvaṃ jagatsthāvarajaṃgamam
Sanskrit only: no published translation is held for this verse.
यस्य वक्षसि सा देवी प्रभाग्नाविव तिष्ठति । स वै सर्वेश्वरः साक्षादक्षरः पुरुषोऽव्ययः
yasya vakṣasi sā devī prabhāgnāviva tiṣṭhati | sa vai sarveśvaraḥ sākṣādakṣaraḥ puruṣo'vyayaḥ
Sanskrit only: no published translation is held for this verse.
स वै नारायणः श्रीमान्वात्सल्यगुणसागरः । स्वामी सुशीलः सुभगः सर्वज्ञः सर्वशक्तिमान्
sa vai nārāyaṇaḥ śrīmānvātsalyaguṇasāgaraḥ | svāmī suśīlaḥ subhagaḥ sarvajñaḥ sarvaśaktimān
Sanskrit only: no published translation is held for this verse.
नित्यं संपूर्णकामश्च नैसर्गिकसुहृत्सखा । कृपापीयूषजलधिः शरणं सर्वदेहिनाम्
nityaṃ saṃpūrṇakāmaśca naisargikasuhṛtsakhā | kṛpāpīyūṣajaladhiḥ śaraṇaṃ sarvadehinām
Sanskrit only: no published translation is held for this verse.
स्वर्गापवर्गसुखदो भक्तानां करुणाकरः । श्रीमते विष्णवे तस्मै दास्यं सर्वं करोम्यहम्
svargāpavargasukhado bhaktānāṃ karuṇākaraḥ | śrīmate viṣṇave tasmai dāsyaṃ sarvaṃ karomyaham
Sanskrit only: no published translation is held for this verse.
देशकालाद्यवस्था तु सर्वासु कमलापतेः । इति स्वरूपं संसिद्धं सुखं दास्यमवाप्नुयात्
deśakālādyavasthā tu sarvāsu kamalāpateḥ | iti svarūpaṃ saṃsiddhaṃ sukhaṃ dāsyamavāpnuyāt
Sanskrit only: no published translation is held for this verse.
एवं विदित्वा मंत्रार्थं तद्भक्तिं सम्यगाचरेत् । दासभूतमिदं तस्य जगत्स्थावरजंगमम्
evaṃ viditvā maṃtrārthaṃ tadbhaktiṃ samyagācaret | dāsabhūtamidaṃ tasya jagatsthāvarajaṃgamam
Sanskrit only: no published translation is held for this verse.
श्रीमन्नारायणः स्वामी जगतां प्रभुरीश्वरः । माता पिता सुतो बंधुर्निवासः शरणं गतिः
śrīmannārāyaṇaḥ svāmī jagatāṃ prabhurīśvaraḥ | mātā pitā suto baṃdhurnivāsaḥ śaraṇaṃ gatiḥ
Sanskrit only: no published translation is held for this verse.
कल्याणगुणवान्श्रीशः सर्वकामफलप्रदः । योऽसौ निर्गुण इत्युक्तः शास्त्रेषु जगदीश्वरः
kalyāṇaguṇavānśrīśaḥ sarvakāmaphalapradaḥ | yo'sau nirguṇa ityuktaḥ śāstreṣu jagadīśvaraḥ
Sanskrit only: no published translation is held for this verse.
प्राकृतैर्हेयसंयुक्तैर्गुणैर्हीनत्वमुच्यते । यत्र मिथ्या प्रपञ्चत्वं वाक्यैर्वेदांतगोचरैः
prākṛtairheyasaṃyuktairguṇairhīnatvamucyate | yatra mithyā prapañcatvaṃ vākyairvedāṃtagocaraiḥ
Sanskrit only: no published translation is held for this verse.
दृश्यमानमिदं सर्वमनित्यमिति चोच्यते । अत्रापि प्राकृतं रूपमण्डस्यैव विनाशनम्
dṛśyamānamidaṃ sarvamanityamiti cocyate | atrāpi prākṛtaṃ rūpamaṇḍasyaiva vināśanam
Sanskrit only: no published translation is held for this verse.
प्राकृतानां हि रूपाणामनित्यत्वं तथोच्यते । इममर्थं महादेवि प्रकृतेरुद्भवं हरेः
prākṛtānāṃ hi rūpāṇāmanityatvaṃ tathocyate | imamarthaṃ mahādevi prakṛterudbhavaṃ hareḥ
Sanskrit only: no published translation is held for this verse.
क्रीडार्थं देवदेवस्य विष्णोर्लीलाधिकारिणः । लोकैश्चतुर्भिर्दशभिः सागरैर्द्वीपसंयुतैः
krīḍārthaṃ devadevasya viṣṇorlīlādhikāriṇaḥ | lokaiścaturbhirdaśabhiḥ sāgarairdvīpasaṃyutaiḥ
Sanskrit only: no published translation is held for this verse.
भूतैश्चतुर्विधैश्चापि भूधरैश्च महोच्छ्रयैः । परिपूर्णमिदं रम्यमंडं प्रकृतिसंभवम्
bhūtaiścaturvidhaiścāpi bhūdharaiśca mahocchrayaiḥ | paripūrṇamidaṃ ramyamaṃḍaṃ prakṛtisaṃbhavam
Sanskrit only: no published translation is held for this verse.
दशोत्तरगुणोपेतं सप्तावरणसंवृतम् । कलाकाष्ठादिरूपेण यः कालं परिवर्तते
daśottaraguṇopetaṃ saptāvaraṇasaṃvṛtam | kalākāṣṭhādirūpeṇa yaḥ kālaṃ parivartate
Sanskrit only: no published translation is held for this verse.
कालेनैव जगत्सर्गस्थितिसंहरणं भवेत् । चतुर्युगसहस्रं वै ब्रह्मणो दिवसो भवेत्
kālenaiva jagatsargasthitisaṃharaṇaṃ bhavet | caturyugasahasraṃ vai brahmaṇo divaso bhavet
Sanskrit only: no published translation is held for this verse.
तावंति रात्रिवर्षाणि ब्रह्मणोऽव्यक्तजन्मनः । क्षये तु ब्रह्मणः प्राप्ते सर्वसंहारको भवेत्
tāvaṃti rātrivarṣāṇi brahmaṇo'vyaktajanmanaḥ | kṣaye tu brahmaṇaḥ prāpte sarvasaṃhārako bhavet
Sanskrit only: no published translation is held for this verse.
अंडमंडगता लोका दह्यंते कालवह्निना । सर्वात्मानस्तथा विष्णोः प्रकृतौ विनिवेशिताः
aṃḍamaṃḍagatā lokā dahyaṃte kālavahninā | sarvātmānastathā viṣṇoḥ prakṛtau viniveśitāḥ
Sanskrit only: no published translation is held for this verse.
अंडावरणभूतानि प्रकृतौ लयमाप्नुयुः । सा सर्वजगदाधारा प्रकृतिर्हरिसंश्रिता
aṃḍāvaraṇabhūtāni prakṛtau layamāpnuyuḥ | sā sarvajagadādhārā prakṛtirharisaṃśritā
Sanskrit only: no published translation is held for this verse.
तया जगत्सर्गलयौ करोति भगवान्सदा । क्रीडार्थं देवदेवेन सृष्टा माया जगन्मयी
tayā jagatsargalayau karoti bhagavānsadā | krīḍārthaṃ devadevena sṛṣṭā māyā jaganmayī
Sanskrit only: no published translation is held for this verse.
अविद्या प्रकृतिर्माया गुणत्रयमयी सदा । सर्गस्थितिलयानां सा हेतुभूता सनातनी
avidyā prakṛtirmāyā guṇatrayamayī sadā | sargasthitilayānāṃ sā hetubhūtā sanātanī
Sanskrit only: no published translation is held for this verse.
योगनिद्रा महामाया प्रकृतिस्त्रिगुणान्विता । अव्यक्ता च प्रधानं च विष्णोर्लीलाविकारिणः
yoganidrā mahāmāyā prakṛtistriguṇānvitā | avyaktā ca pradhānaṃ ca viṣṇorlīlāvikāriṇaḥ
Sanskrit only: no published translation is held for this verse.
जगत्सर्गलयौ स्यातां प्रकृतेरेव सर्वदा । असंख्यप्रकृतेः स्थानं निबिडध्वान्तमव्ययम्
jagatsargalayau syātāṃ prakṛtereva sarvadā | asaṃkhyaprakṛteḥ sthānaṃ nibiḍadhvāntamavyayam
Sanskrit only: no published translation is held for this verse.
ऊर्ध्वं तु सीम्नि विरजा निस्सीमाधस्सनातनी । तयादृतं जगत्सर्वं स्थूलसूक्ष्माद्यवस्थया
ūrdhvaṃ tu sīmni virajā nissīmādhassanātanī | tayādṛtaṃ jagatsarvaṃ sthūlasūkṣmādyavasthayā
Sanskrit only: no published translation is held for this verse.
विकाससंकोचावस्थे तस्यां सर्गलयौ स्मृतौ । एवं सर्वाणि भूतानि प्रकृत्यंतर्गतानि वै
vikāsasaṃkocāvasthe tasyāṃ sargalayau smṛtau | evaṃ sarvāṇi bhūtāni prakṛtyaṃtargatāni vai
Sanskrit only: no published translation is held for this verse.
ततः शून्यमिदं सर्वं प्रकृत्यंतर्गतं महत् । एवं प्रकृतिरूपाया विभूते रूपमुत्तमम्
tataḥ śūnyamidaṃ sarvaṃ prakṛtyaṃtargataṃ mahat | evaṃ prakṛtirūpāyā vibhūte rūpamuttamam
Sanskrit only: no published translation is held for this verse.
त्रिपाद्विभूतिरूपं तु शृणु भूधरनंदिनि । प्रधान परमव्योम्नोरंतरे विरजा नदी
tripādvibhūtirūpaṃ tu śṛṇu bhūdharanaṃdini | pradhāna paramavyomnoraṃtare virajā nadī
Sanskrit only: no published translation is held for this verse.
वेदांगस्वेदजनिततोयैः प्रस्राविता शुभा । तस्याः पारे परे व्योम्नि त्रिपाद्भूतिस्सनातनी
vedāṃgasvedajanitatoyaiḥ prasrāvitā śubhā | tasyāḥ pāre pare vyomni tripādbhūtissanātanī
Sanskrit only: no published translation is held for this verse.
अमृतं शाश्वतं नित्यमनन्तं परमं पदम् । शुद्धं सत्वमयं दिव्यमक्षरं ब्रह्मणः पदम्
amṛtaṃ śāśvataṃ nityamanantaṃ paramaṃ padam | śuddhaṃ satvamayaṃ divyamakṣaraṃ brahmaṇaḥ padam
Sanskrit only: no published translation is held for this verse.
अनेककोटिसूर्याग्नि तुल्य वर्चसमव्ययम् । सर्ववेदमयं शुद्धं सर्गप्रलयवर्जितम्
anekakoṭisūryāgni tulya varcasamavyayam | sarvavedamayaṃ śuddhaṃ sargapralayavarjitam
Sanskrit only: no published translation is held for this verse.
असंख्यमजरं नित्यं जाग्रत्स्वप्नादिवर्जितम् । हिरण्मयं मोक्षपदं ब्रह्मानंदसुखावहम्
asaṃkhyamajaraṃ nityaṃ jāgratsvapnādivarjitam | hiraṇmayaṃ mokṣapadaṃ brahmānaṃdasukhāvaham
Sanskrit only: no published translation is held for this verse.
समानाधिक्यरहितमाद्यंतरहितं शुभम् । तेजसात्यद्भुतं रम्यं नित्यमानंदसागरम्
samānādhikyarahitamādyaṃtarahitaṃ śubham | tejasātyadbhutaṃ ramyaṃ nityamānaṃdasāgaram
Sanskrit only: no published translation is held for this verse.
एवमादिगुणोपेतं तद्विष्णोः परमं पदम् । न तद्भासयते सूर्यो न शशांको न पावकः
evamādiguṇopetaṃ tadviṣṇoḥ paramaṃ padam | na tadbhāsayate sūryo na śaśāṃko na pāvakaḥ
Sanskrit only: no published translation is held for this verse.
यद्गत्वा न निवर्तंते तद्धाम परमं हरेः । तद्विष्णोः परमं धाम शाश्वतं नित्यमच्युतम् । न हि वर्णयितुं शक्यं कल्पकोटिशतैरपि
yadgatvā na nivartaṃte taddhāma paramaṃ hareḥ | tadviṣṇoḥ paramaṃ dhāma śāśvataṃ nityamacyutam | na hi varṇayituṃ śakyaṃ kalpakoṭiśatairapi
Sanskrit only: no published translation is held for this verse.
हरेः पदं वर्णयितुं न शक्यं मया च धात्रा च मुनींद्रसङ्घैः । यस्मिन्पदे ह्यच्युत ईश्वरो यः सो अङ्ग वेद यदि वा न वेद
hareḥ padaṃ varṇayituṃ na śakyaṃ mayā ca dhātrā ca munīṃdrasaṅghaiḥ | yasminpade hyacyuta īśvaro yaḥ so aṅga veda yadi vā na veda
Sanskrit only: no published translation is held for this verse.
यदक्षरं वेदगुह्यं यस्मिन्देवा अधि विश्वे निषेदुः । यस्तन्नो वेद किमृचा करिष्यति ये तद्विदुस्त इमे समासते
yadakṣaraṃ vedaguhyaṃ yasmindevā adhi viśve niṣeduḥ | yastanno veda kimṛcā kariṣyati ye tadvidusta ime samāsate
Sanskrit only: no published translation is held for this verse.
तद्विष्णोः परमं धाम सदा पश्यंति सूरयः । अक्षरं शाश्वतं दिव्यं देवि चक्षुरिवाततम्
tadviṣṇoḥ paramaṃ dhāma sadā paśyaṃti sūrayaḥ | akṣaraṃ śāśvataṃ divyaṃ devi cakṣurivātatam
Sanskrit only: no published translation is held for this verse.
तत्प्रवेष्टुमशक्यं च ब्रह्मरुद्रादिदैवतैः । ज्ञानेन शास्त्रमार्गेण वीक्ष्यते योगिपुंगवैः
tatpraveṣṭumaśakyaṃ ca brahmarudrādidaivataiḥ | jñānena śāstramārgeṇa vīkṣyate yogipuṃgavaiḥ
Sanskrit only: no published translation is held for this verse.
अहं ब्रह्मा च देवाश्च न जानंति महर्षयः । सर्वोपनिषदामर्थं दृष्ट्वा वक्ष्यामि सुव्रते
ahaṃ brahmā ca devāśca na jānaṃti maharṣayaḥ | sarvopaniṣadāmarthaṃ dṛṣṭvā vakṣyāmi suvrate
Sanskrit only: no published translation is held for this verse.
विष्णोः पदे हि परमे पदे तत्सशुभाह्वयेः । यत्र गावो भूरिशृंगा आसते सुसुखाः प्रजाः
viṣṇoḥ pade hi parame pade tatsaśubhāhvayeḥ | yatra gāvo bhūriśṛṃgā āsate susukhāḥ prajāḥ
Sanskrit only: no published translation is held for this verse.
अत्राह तत्परं धाम गोपवेषस्य शार्ङ्गिणः । तद्भाति परमं धाम गोभिर्गोपैस्सुखाह्वयैः
atrāha tatparaṃ dhāma gopaveṣasya śārṅgiṇaḥ | tadbhāti paramaṃ dhāma gobhirgopaissukhāhvayaiḥ
Sanskrit only: no published translation is held for this verse.
आदित्यवर्णं तमसः परस्ताज्ज्योतिरच्युतम् । आधारो ब्रह्मणो लोकश्शुद्धसत्त्वस्सनातनः
ādityavarṇaṃ tamasaḥ parastājjyotiracyutam | ādhāro brahmaṇo lokaśśuddhasattvassanātanaḥ
Sanskrit only: no published translation is held for this verse.
सामान्या विभिते भूमिन्तेऽस्मिन्शाश्वते पदे । तस्थतुर्जागरूकेस्मिन्युवानौ श्रीसनातनौ
sāmānyā vibhite bhūminte'sminśāśvate pade | tasthaturjāgarūkesminyuvānau śrīsanātanau
Sanskrit only: no published translation is held for this verse.
यतः स्वसारौ युवती भूनीले विष्णुवल्लभे । अत्र पूर्वे ये च साध्या विश्वेदेवास्सनातनाः
yataḥ svasārau yuvatī bhūnīle viṣṇuvallabhe | atra pūrve ye ca sādhyā viśvedevāssanātanāḥ
Sanskrit only: no published translation is held for this verse.
ते ह नाकं महिमानस्सचन्ते शुभदर्शनाः । तत्र विज्ञानिनो विप्रा जागृवांसस्समिन्धते
te ha nākaṃ mahimānassacante śubhadarśanāḥ | tatra vijñānino viprā jāgṛvāṃsassamindhate
Sanskrit only: no published translation is held for this verse.
तत्पदं ज्ञानिनो विप्रा यांति संवासमिच्छवः । तद्विष्णोः परमं धाम मोक्ष इत्यभिधीयते
tatpadaṃ jñānino viprā yāṃti saṃvāsamicchavaḥ | tadviṣṇoḥ paramaṃ dhāma mokṣa ityabhidhīyate
Sanskrit only: no published translation is held for this verse.
तस्मिन्बंधविनिर्मुक्ताः प्राप्नुवन्ति सुखं पदम् । तत्प्राप्य न निवर्तंते तस्मान्मोक्ष उदाहृतः
tasminbaṃdhavinirmuktāḥ prāpnuvanti sukhaṃ padam | tatprāpya na nivartaṃte tasmānmokṣa udāhṛtaḥ
Sanskrit only: no published translation is held for this verse.
मोक्षं परं पदं दिव्यममृतं विष्णुमंदिरम् । अक्षरं परमं धाम वैकुण्ठं शाश्वतं पदम्
mokṣaṃ paraṃ padaṃ divyamamṛtaṃ viṣṇumaṃdiram | akṣaraṃ paramaṃ dhāma vaikuṇṭhaṃ śāśvataṃ padam
Sanskrit only: no published translation is held for this verse.
नित्यञ्च परमं व्योम सर्वोत्कृष्टं सनातनम् । पर्य्यायवाचकान्यस्य परधाम्नोच्युतस्य च । तस्य त्रिपाद्विभूतेस्तु रूपं वक्ष्यामि विस्तरात्
nityañca paramaṃ vyoma sarvotkṛṣṭaṃ sanātanam | paryyāyavācakānyasya paradhāmnocyutasya ca | tasya tripādvibhūtestu rūpaṃ vakṣyāmi vistarāt
Sanskrit only: no published translation is held for this verse.