Library·Padma Purāṇa·6·6.228
श्रीमहादेव उवाच- त्रिपाद्विभूतेर्लोकास्तु असंख्याताः प्रकीर्तिताः । शुद्धसत्वमयाः सर्वे ब्रह्मानंदसुखाह्वयाः
śrīmahādeva uvāca- tripādvibhūterlokāstu asaṃkhyātāḥ prakīrtitāḥ | śuddhasatvamayāḥ sarve brahmānaṃdasukhāhvayāḥ
Sanskrit only: no published translation is held for this verse.
सर्वे नित्या निर्विकारा हेयरागादिवर्जिताः । सर्वे हिरण्मयाश्शुद्धाः कोटिसूर्य्यसमप्रभाः
sarve nityā nirvikārā heyarāgādivarjitāḥ | sarve hiraṇmayāśśuddhāḥ koṭisūryyasamaprabhāḥ
Sanskrit only: no published translation is held for this verse.
सर्वे वेदमयार्दिव्याः काम क्रोधविवर्जिताः । नारायणपदांभोज भक्त्येकरससेविताः
sarve vedamayārdivyāḥ kāma krodhavivarjitāḥ | nārāyaṇapadāṃbhoja bhaktyekarasasevitāḥ
Sanskrit only: no published translation is held for this verse.
निरंतरं सामगानपरिपूर्णसुखं श्रिताः । सर्वे पंचोपनिषद स्वरूपा वेदवर्चसः
niraṃtaraṃ sāmagānaparipūrṇasukhaṃ śritāḥ | sarve paṃcopaniṣada svarūpā vedavarcasaḥ
Sanskrit only: no published translation is held for this verse.
सर्वे वेदमयैर्दिव्यैःपुरुषैः स्त्रीभिरावृताः । वेदैकरसतोयाढ्यैस्सरोभिरुपशोभिताः
sarve vedamayairdivyaiḥpuruṣaiḥ strībhirāvṛtāḥ | vedaikarasatoyāḍhyaissarobhirupaśobhitāḥ
Sanskrit only: no published translation is held for this verse.
श्रुतिस्मृतिपुराणादि रूपस्थावरसंयुताः । सर्वं वर्णयितुं शक्यं न मया लोकविस्तृतम्
śrutismṛtipurāṇādi rūpasthāvarasaṃyutāḥ | sarvaṃ varṇayituṃ śakyaṃ na mayā lokavistṛtam
Sanskrit only: no published translation is held for this verse.
विरजा परमव्योम्नोरंतरंकेवलं स्मृतम् । तत्स्थानमुपभोक्तव्यमव्यक्तब्रह्मसेविनाम्
virajā paramavyomnoraṃtaraṃkevalaṃ smṛtam | tatsthānamupabhoktavyamavyaktabrahmasevinām
Sanskrit only: no published translation is held for this verse.
स्वात्मानुभवजानंदसुखदं केवलं पदम् । निःश्रेयसं च निर्वाणं कैवल्यं मोक्ष उच्यते
svātmānubhavajānaṃdasukhadaṃ kevalaṃ padam | niḥśreyasaṃ ca nirvāṇaṃ kaivalyaṃ mokṣa ucyate
Sanskrit only: no published translation is held for this verse.
श्रीशांघ्रिभक्तिसेवैकरसभोगविवर्धिताः तम् । तदिच्छन्त्यल्पमतयो मोक्षं सुखविवर्जितम् । महात्मानो महाभागा भगवत्पादसेवकाः
śrīśāṃghribhaktisevaikarasabhogavivardhitāḥ tam | tadicchantyalpamatayo mokṣaṃ sukhavivarjitam | mahātmāno mahābhāgā bhagavatpādasevakāḥ
Sanskrit only: no published translation is held for this verse.
तद्विष्णोः परमं धाम यांति ब्रह्मसुखप्रदम् । नानाजनपदाकीर्णं वैकुंठं तद्धरेः पदम्
tadviṣṇoḥ paramaṃ dhāma yāṃti brahmasukhapradam | nānājanapadākīrṇaṃ vaikuṃṭhaṃ taddhareḥ padam
Sanskrit only: no published translation is held for this verse.
प्राकारैश्च विमानैश्च सौधैरत्नमयैर्वृतम् । तन्मध्ये नगरी दिव्या साऽयोध्येति प्रकीर्तिता
prākāraiśca vimānaiśca saudhairatnamayairvṛtam | tanmadhye nagarī divyā sā'yodhyeti prakīrtitā
Sanskrit only: no published translation is held for this verse.
मणिकांचनचित्राढ्य प्राकारैस्तोरणैर्वृता । चतुर्द्वारसमायुक्ता रत्नगोपुरसंवृता
maṇikāṃcanacitrāḍhya prākāraistoraṇairvṛtā | caturdvārasamāyuktā ratnagopurasaṃvṛtā
Sanskrit only: no published translation is held for this verse.
चंडादिद्वारपालैश्च कुमुदाद्यैश्च रक्षिता । चंडप्रचंडौ प्राग्द्वार याम्ये भद्रसुभद्रकौ
caṃḍādidvārapālaiśca kumudādyaiśca rakṣitā | caṃḍapracaṃḍau prāgdvāra yāmye bhadrasubhadrakau
Sanskrit only: no published translation is held for this verse.
वारुण्यां जयविजयौ सौम्ये धातृविधातरौ । कुमुदः कुमुदाक्षश्च पुंडरीकोऽथ वामनः
vāruṇyāṃ jayavijayau saumye dhātṛvidhātarau | kumudaḥ kumudākṣaśca puṃḍarīko'tha vāmanaḥ
Sanskrit only: no published translation is held for this verse.
शंकुकर्णः सर्वनेत्रः सुमुखः सुप्रतिष्ठितः । एते दिक्पतयः प्रोक्ताः पुर्य्यामत्र शुभानने
śaṃkukarṇaḥ sarvanetraḥ sumukhaḥ supratiṣṭhitaḥ | ete dikpatayaḥ proktāḥ puryyāmatra śubhānane
Sanskrit only: no published translation is held for this verse.
कोटिवैश्वानरप्रख्य गृहपंक्तिभिरावृता । आरूढयौवनैर्नित्यैर्दिव्यनारीनरैर्युता
koṭivaiśvānaraprakhya gṛhapaṃktibhirāvṛtā | ārūḍhayauvanairnityairdivyanārīnarairyutā
Sanskrit only: no published translation is held for this verse.
अन्तःपुरं तु देवस्य मध्ये पुर्याम्मनोहरम् । मणिप्राकारसंयुक्तं रत्नतोरणशोभितम्
antaḥpuraṃ tu devasya madhye puryāmmanoharam | maṇiprākārasaṃyuktaṃ ratnatoraṇaśobhitam
Sanskrit only: no published translation is held for this verse.
विमानैर्गृहमुख्यैश्च प्रासादैर्बहुभिर्युतम् । दिव्याप्सरोगणैः स्त्रीभिस्सर्वतस्समलंकृतम्
vimānairgṛhamukhyaiśca prāsādairbahubhiryutam | divyāpsarogaṇaiḥ strībhissarvatassamalaṃkṛtam
Sanskrit only: no published translation is held for this verse.
मध्ये तु मंडपं दिव्यं राजस्थानं महोच्छ्रयम् । माणिक्यस्तंभसाहस्रजुष्टं रत्नमयं शुभम्
madhye tu maṃḍapaṃ divyaṃ rājasthānaṃ mahocchrayam | māṇikyastaṃbhasāhasrajuṣṭaṃ ratnamayaṃ śubham
Sanskrit only: no published translation is held for this verse.
दिव्यैर्मुक्तैः समाकीर्णं सामगानोपशोभितम् । मध्ये सिंहासनं रम्यं सर्ववेदमयं शुभम्
divyairmuktaiḥ samākīrṇaṃ sāmagānopaśobhitam | madhye siṃhāsanaṃ ramyaṃ sarvavedamayaṃ śubham
Sanskrit only: no published translation is held for this verse.
धर्मादिदैवतैर्नित्यैर्वृंतवैदमयात्मकैः । धर्म्मज्ञानमहैश्वर्यवैराग्यैः पादविग्रहैः
dharmādidaivatairnityairvṛṃtavaidamayātmakaiḥ | dharmmajñānamahaiśvaryavairāgyaiḥ pādavigrahaiḥ
Sanskrit only: no published translation is held for this verse.
ऋग्यजुःसामचाथर्वैरूपैर्नित्यं वृतं क्रमात् । शक्तिराधारशक्तिश्च चिच्छक्तिश्च सदाशिवा
ṛgyajuḥsāmacātharvairūpairnityaṃ vṛtaṃ kramāt | śaktirādhāraśaktiśca cicchaktiśca sadāśivā
Sanskrit only: no published translation is held for this verse.
धर्मादिदेवतानां च शक्तयः परिकीर्तिताः । वसंति मध्यमे तत्र वह्निसूर्यसुधांशवः
dharmādidevatānāṃ ca śaktayaḥ parikīrtitāḥ | vasaṃti madhyame tatra vahnisūryasudhāṃśavaḥ
Sanskrit only: no published translation is held for this verse.
कूर्मश्च नागराजश्च वैनतेयस्त्रयीश्वरः । छंदासि सर्वमंत्राश्च पीठरूपत्वमास्थिताः
kūrmaśca nāgarājaśca vainateyastrayīśvaraḥ | chaṃdāsi sarvamaṃtrāśca pīṭharūpatvamāsthitāḥ
Sanskrit only: no published translation is held for this verse.
सर्वाक्षरमयं दिव्यं योगपीठमिति स्मृतम् । तन्मध्येऽष्टदलं पद्ममुदयार्कसमप्रभम्
sarvākṣaramayaṃ divyaṃ yogapīṭhamiti smṛtam | tanmadhye'ṣṭadalaṃ padmamudayārkasamaprabham
Sanskrit only: no published translation is held for this verse.
तन्मध्ये कर्णिकायां तु सावित्र्यां शुभदर्शने । ईश्वर्य्या सह देवेशस्तत्रासीनः परः पुमान्
tanmadhye karṇikāyāṃ tu sāvitryāṃ śubhadarśane | īśvaryyā saha deveśastatrāsīnaḥ paraḥ pumān
Sanskrit only: no published translation is held for this verse.
इंदीवरदलश्यामः कोटिसूर्यप्रकाशवान् । युवाकुमारः स्निग्धश्च कोमलावयवैर्वृतः
iṃdīvaradalaśyāmaḥ koṭisūryaprakāśavān | yuvākumāraḥ snigdhaśca komalāvayavairvṛtaḥ
Sanskrit only: no published translation is held for this verse.
फुल्लरक्तांबुजनिभः कोमलांघ्रिसरोजवान् । प्रबुद्धः पुंडरीकाक्षः सुभ्रू लतायुगाङ्कितः
phullaraktāṃbujanibhaḥ komalāṃghrisarojavān | prabuddhaḥ puṃḍarīkākṣaḥ subhrū latāyugāṅkitaḥ
Sanskrit only: no published translation is held for this verse.
सुनासस्सुकपोलाढ्यस्सुश्रोत्रमुखपंकजः । मुक्ताफलाभदन्ताढ्यः सस्मिताधरविद्रुमः
sunāsassukapolāḍhyassuśrotramukhapaṃkajaḥ | muktāphalābhadantāḍhyaḥ sasmitādharavidrumaḥ
Sanskrit only: no published translation is held for this verse.
परिपूर्णेदुसंकाशः सुस्मिताननपंकजः । तरुणादित्यवर्णाभ्यां कुंडलाभ्यां विराजितः
paripūrṇedusaṃkāśaḥ susmitānanapaṃkajaḥ | taruṇādityavarṇābhyāṃ kuṃḍalābhyāṃ virājitaḥ
Sanskrit only: no published translation is held for this verse.
सस्निग्धनीलकुटिलकुन्तलैरुपशोभितः । मन्दारपारिजाताढ्य कबरीकृतकेशवान्
sasnigdhanīlakuṭilakuntalairupaśobhitaḥ | mandārapārijātāḍhya kabarīkṛtakeśavān
Sanskrit only: no published translation is held for this verse.
प्रातरुद्यत्सहस्रांशुनिभकौस्तुभशोभितः । हारस्वर्णस्रगासक्त कम्बुग्रीवो विराजितः
prātarudyatsahasrāṃśunibhakaustubhaśobhitaḥ | hārasvarṇasragāsakta kambugrīvo virājitaḥ
Sanskrit only: no published translation is held for this verse.
सिंहस्कंधनिभैः प्रोच्चैः पीनैरंसैर्विराजितः । पीनवृत्तायतभुजैश्चतुर्भिरुपशोभितः
siṃhaskaṃdhanibhaiḥ proccaiḥ pīnairaṃsairvirājitaḥ | pīnavṛttāyatabhujaiścaturbhirupaśobhitaḥ
Sanskrit only: no published translation is held for this verse.
अङ्गुलीयैश्च कटकैः केयूरैः परिमण्डितः । बालार्ककोटिसंकाशैः कौस्तुभाद्यैः सुभूषणैः
aṅgulīyaiśca kaṭakaiḥ keyūraiḥ parimaṇḍitaḥ | bālārkakoṭisaṃkāśaiḥ kaustubhādyaiḥ subhūṣaṇaiḥ
Sanskrit only: no published translation is held for this verse.
विराजितमहावक्षो वनमालाविभूषितः । विधातृजननस्थान नाभिपङ्कजशोभितः
virājitamahāvakṣo vanamālāvibhūṣitaḥ | vidhātṛjananasthāna nābhipaṅkajaśobhitaḥ
Sanskrit only: no published translation is held for this verse.
बालातपनिभश्लक्ष्ण पीतवस्त्रसमन्वितः । नानारत्नविचित्रांघ्रिः कटकाभ्यां विराजितः
bālātapanibhaślakṣṇa pītavastrasamanvitaḥ | nānāratnavicitrāṃghriḥ kaṭakābhyāṃ virājitaḥ
Sanskrit only: no published translation is held for this verse.
सज्योत्स्नचंद्रप्रतिम नखपंक्तिसमन्वितः । कोटिकंदर्पलावण्य सौंदर्य्यनिधिरच्युतः
sajyotsnacaṃdrapratima nakhapaṃktisamanvitaḥ | koṭikaṃdarpalāvaṇya sauṃdaryyanidhiracyutaḥ
Sanskrit only: no published translation is held for this verse.
दिव्यचंदनलिप्तांगो दिव्यमालाविभूषितः । गृहीतशंखचक्राभ्यामुद्बाहुभ्यां विराजितः
divyacaṃdanaliptāṃgo divyamālāvibhūṣitaḥ | gṛhītaśaṃkhacakrābhyāmudbāhubhyāṃ virājitaḥ
Sanskrit only: no published translation is held for this verse.
वरदाभयहस्ताभ्यामितराभ्यां तथैव च । वामाङ्के संस्थिता देवी महालक्ष्मीर्महेश्वरी
varadābhayahastābhyāmitarābhyāṃ tathaiva ca | vāmāṅke saṃsthitā devī mahālakṣmīrmaheśvarī
Sanskrit only: no published translation is held for this verse.
हिरण्यवर्णा हरिणी सुवर्णरजतस्रजा । सर्वलक्षणसंपन्ना यौवनारंभविग्रहा
hiraṇyavarṇā hariṇī suvarṇarajatasrajā | sarvalakṣaṇasaṃpannā yauvanāraṃbhavigrahā
Sanskrit only: no published translation is held for this verse.
रत्नकुंडलसंयुक्ता नीला कुंचितशीर्षजा । दिव्यचंदनलिप्तांगी दिव्यपुष्पोपशोभिता
ratnakuṃḍalasaṃyuktā nīlā kuṃcitaśīrṣajā | divyacaṃdanaliptāṃgī divyapuṣpopaśobhitā
Sanskrit only: no published translation is held for this verse.
मंदारकेतकी जाती पुष्पाञ्चितसुकुंतला । सुभ्रूस्सुनासा सुश्रोणी पीनोन्नतपयोधरा
maṃdāraketakī jātī puṣpāñcitasukuṃtalā | subhrūssunāsā suśroṇī pīnonnatapayodharā
Sanskrit only: no published translation is held for this verse.
परिपूंर्णेंदुसंकाशा सुस्मिताननपंकजा । तरुणादित्यवर्णाभ्यां कुंडलाभ्यां विराजिता
paripūṃrṇeṃdusaṃkāśā susmitānanapaṃkajā | taruṇādityavarṇābhyāṃ kuṃḍalābhyāṃ virājitā
Sanskrit only: no published translation is held for this verse.
तप्तकांचनवर्णाभा तप्तकांचनभूषणा । हस्तैश्चतुर्भिः संयुक्ता कनकांबुजभूषिता
taptakāṃcanavarṇābhā taptakāṃcanabhūṣaṇā | hastaiścaturbhiḥ saṃyuktā kanakāṃbujabhūṣitā
Sanskrit only: no published translation is held for this verse.
नानाविचित्ररत्नाढ्या कनकांबुजमालया । हारकेयूरकटकैरंगुलीयैश्च शोभिता
nānāvicitraratnāḍhyā kanakāṃbujamālayā | hārakeyūrakaṭakairaṃgulīyaiśca śobhitā
Sanskrit only: no published translation is held for this verse.
भुजद्वयघृतोदग्र पद्मयुग्मोपशोभिता । गृहीतमातुलुंगाख्य जांबूनदकराञ्चिता
bhujadvayaghṛtodagra padmayugmopaśobhitā | gṛhītamātuluṃgākhya jāṃbūnadakarāñcitā
Sanskrit only: no published translation is held for this verse.
एवं नित्यानपायिन्या महालक्ष्म्या महेश्वरः । मोदते परमे व्योम्नि शाश्वते सर्वदा प्रभुः
evaṃ nityānapāyinyā mahālakṣmyā maheśvaraḥ | modate parame vyomni śāśvate sarvadā prabhuḥ
Sanskrit only: no published translation is held for this verse.
पार्श्वयोर्धरणी नीले समासीने शुभासने । अष्टदिक्षु दलाग्रेषु विमलाद्याश्च शक्तयः
pārśvayordharaṇī nīle samāsīne śubhāsane | aṣṭadikṣu dalāgreṣu vimalādyāśca śaktayaḥ
Sanskrit only: no published translation is held for this verse.
विमलोत्कर्षिणी ज्ञानाक्रियायोगा तथैव च । प्रह्वी सत्या तथेशाना शक्तयः परमात्मनः
vimalotkarṣiṇī jñānākriyāyogā tathaiva ca | prahvī satyā tatheśānā śaktayaḥ paramātmanaḥ
Sanskrit only: no published translation is held for this verse.
गृहीत्वा चामरान्दिव्यान्सुधाकरसमप्रभान् । सर्वलक्षणसंपन्ना मोदंते पतिमच्युतम्
gṛhītvā cāmarāndivyānsudhākarasamaprabhān | sarvalakṣaṇasaṃpannā modaṃte patimacyutam
Sanskrit only: no published translation is held for this verse.
दिव्याप्सरोगणाः पंच शतसंख्याश्च योषितः । अंतःपुरनिवासिन्यः सर्वाभरणभूषिताः
divyāpsarogaṇāḥ paṃca śatasaṃkhyāśca yoṣitaḥ | aṃtaḥpuranivāsinyaḥ sarvābharaṇabhūṣitāḥ
Sanskrit only: no published translation is held for this verse.
पद्महस्ताश्च ताः सर्वाः कोटिवैश्वानरप्रभाः । सर्वलक्षणसंपन्नाः शीतांशुसदृशाननाः
padmahastāśca tāḥ sarvāḥ koṭivaiśvānaraprabhāḥ | sarvalakṣaṇasaṃpannāḥ śītāṃśusadṛśānanāḥ
Sanskrit only: no published translation is held for this verse.
ताभिः परिवृतो राजा शुशुभे परमः पुमान् । अनंतविहगाधीश सेनान्याद्यैस्सुरेश्वरे
tābhiḥ parivṛto rājā śuśubhe paramaḥ pumān | anaṃtavihagādhīśa senānyādyaissureśvare
Sanskrit only: no published translation is held for this verse.
अन्यैः परिजनैर्नित्यैर्मुक्तैश्च परिसंवृतः । मोदते रमया सार्द्धं भोगैश्वर्यरतः पुमान्
anyaiḥ parijanairnityairmuktaiśca parisaṃvṛtaḥ | modate ramayā sārddhaṃ bhogaiśvaryarataḥ pumān
Sanskrit only: no published translation is held for this verse.
एवं वैकुंठनाथोऽसौ राजते परमे पदे । तद्व्यूहभेदाँल्लोकांश्च वक्ष्यामि गिरिजे शुभे
evaṃ vaikuṃṭhanātho'sau rājate parame pade | tadvyūhabhedā~llokāṃśca vakṣyāmi girije śubhe
Sanskrit only: no published translation is held for this verse.
प्राच्यां वैकुंठलोकस्य वासुदेवस्य मंदिरम् । आग्नेय्यां लक्ष्म्यालोकस्तु याम्यां संकर्षणालयः
prācyāṃ vaikuṃṭhalokasya vāsudevasya maṃdiram | āgneyyāṃ lakṣmyālokastu yāmyāṃ saṃkarṣaṇālayaḥ
Sanskrit only: no published translation is held for this verse.
सारस्वतस्तु नैरृत्या प्राद्युम्नः पश्चिमे तथा । रतिलोकस्तु वायव्यामुदीच्यामनिरुद्धभूः
sārasvatastu nairṛtyā prādyumnaḥ paścime tathā | ratilokastu vāyavyāmudīcyāmaniruddhabhūḥ
Sanskrit only: no published translation is held for this verse.
ऐशान्यां शांतिलोकः स्यात्प्रथमावरणं स्मृतम् । केशवादिचतुर्विंशत्यमी लोकास्ततः क्रमात्
aiśānyāṃ śāṃtilokaḥ syātprathamāvaraṇaṃ smṛtam | keśavādicaturviṃśatyamī lokāstataḥ kramāt
Sanskrit only: no published translation is held for this verse.
द्वितीयावरणं प्रोक्तं वैकुंठस्य शुभाह्वयम् । मत्स्यकूर्मादिलोकास्तु तृतीयावरणं शुभम्
dvitīyāvaraṇaṃ proktaṃ vaikuṃṭhasya śubhāhvayam | matsyakūrmādilokāstu tṛtīyāvaraṇaṃ śubham
Sanskrit only: no published translation is held for this verse.
सत्याच्युतानंत दुर्गा विष्वक्सेन गजाननाः । शंखपद्मनिधीलोकाश्चतुर्थावरणं शुभम्
satyācyutānaṃta durgā viṣvaksena gajānanāḥ | śaṃkhapadmanidhīlokāścaturthāvaraṇaṃ śubham
Sanskrit only: no published translation is held for this verse.
ऋग्यजुः सामाथर्वाणो लोका दिक्षु महत्सु च । सावित्र्या विहगेशस्य धर्मस्य च मखस्य च
ṛgyajuḥ sāmātharvāṇo lokā dikṣu mahatsu ca | sāvitryā vihageśasya dharmasya ca makhasya ca
Sanskrit only: no published translation is held for this verse.
पंचमावरणं प्रोक्तमक्षयं सर्ववाङ्मयम् । शंखचक्रगदापद्मखड्गशार्ङ्गहलं तथा
paṃcamāvaraṇaṃ proktamakṣayaṃ sarvavāṅmayam | śaṃkhacakragadāpadmakhaḍgaśārṅgahalaṃ tathā
Sanskrit only: no published translation is held for this verse.
मौशलं च तथा लोकाः सर्वशस्त्रास्त्रसंयुताः । षष्ठमावरणं प्रोक्तं मंत्रास्त्रमयमक्षरम्
mauśalaṃ ca tathā lokāḥ sarvaśastrāstrasaṃyutāḥ | ṣaṣṭhamāvaraṇaṃ proktaṃ maṃtrāstramayamakṣaram
Sanskrit only: no published translation is held for this verse.
ऐंद्र पावकयाम्यानि नैरृतं वारुणं तथा । वायव्यं सौम्यमैशानं सप्तमं मुनिभिः स्मृतम्
aiṃdra pāvakayāmyāni nairṛtaṃ vāruṇaṃ tathā | vāyavyaṃ saumyamaiśānaṃ saptamaṃ munibhiḥ smṛtam
Sanskrit only: no published translation is held for this verse.
साध्या मरुद्गणाश्चैव विश्वेदेवास्तथैव च । नित्याः सर्वे परे धाम्नि ये चान्ये च दिवौकसः
sādhyā marudgaṇāścaiva viśvedevāstathaiva ca | nityāḥ sarve pare dhāmni ye cānye ca divaukasaḥ
Sanskrit only: no published translation is held for this verse.
ते वै प्राकृतलोकेस्मिन्न नित्यास्त्रिदशेश्वराः । ते ह नाकं महिमानः सचंत इति वै श्रुतिः
te vai prākṛtalokesminna nityāstridaśeśvarāḥ | te ha nākaṃ mahimānaḥ sacaṃta iti vai śrutiḥ
Sanskrit only: no published translation is held for this verse.
एवं परं पदं नित्यैर्मुक्तैर्भोगपरायणैः । दिव्याभिर्महिषीभिश्च राजते विभुरीश्वरः
evaṃ paraṃ padaṃ nityairmuktairbhogaparāyaṇaiḥ | divyābhirmahiṣībhiśca rājate vibhurīśvaraḥ
Sanskrit only: no published translation is held for this verse.
न तद्भासयते सूर्यो न शंशांको न पावकः । यद्गत्वा न निवर्त्तंते योगिनः संशितव्रताः
na tadbhāsayate sūryo na śaṃśāṃko na pāvakaḥ | yadgatvā na nivarttaṃte yoginaḥ saṃśitavratāḥ
Sanskrit only: no published translation is held for this verse.
द्वयैकमंत्रनिष्ठा ये ते वै यांति तदव्ययम् । न वेदयज्ञाध्ययनैर्न दानैर्न व्रतैः शुभैः
dvayaikamaṃtraniṣṭhā ye te vai yāṃti tadavyayam | na vedayajñādhyayanairna dānairna vrataiḥ śubhaiḥ
Sanskrit only: no published translation is held for this verse.
न तपोभिर्निराहारैर्न च साधनकर्मभिः । एकेन द्वयमंत्रेण तथा भक्त्या त्वनन्यथा
na tapobhirnirāhārairna ca sādhanakarmabhiḥ | ekena dvayamaṃtreṇa tathā bhaktyā tvananyathā
Sanskrit only: no published translation is held for this verse.
तद्गम्यं शाश्वतं स्थानं प्रपत्त्या वै सनातनम् । पार्वत्युवाच- साधूक्तं परमं स्वर्गस्वरूपं भवता प्रभो
tadgamyaṃ śāśvataṃ sthānaṃ prapattyā vai sanātanam | pārvatyuvāca- sādhūktaṃ paramaṃ svargasvarūpaṃ bhavatā prabho
Sanskrit only: no published translation is held for this verse.
परव्योम्नि स्थितो नित्यं कथं प्रकृतिमण्डले । स्थितवान्किं निमित्तेन लीलया किं प्रयोजनम्
paravyomni sthito nityaṃ kathaṃ prakṛtimaṇḍale | sthitavānkiṃ nimittena līlayā kiṃ prayojanam
Sanskrit only: no published translation is held for this verse.
शुद्धसत्वमये लोके संस्थितः परमेश्वरः । कथं रजस्तमोमिश्र विभूत्या स्थिवान्प्रभुः
śuddhasatvamaye loke saṃsthitaḥ parameśvaraḥ | kathaṃ rajastamomiśra vibhūtyā sthivānprabhuḥ
Sanskrit only: no published translation is held for this verse.
रुद्र उवाच- त्रिपाद्विभूतौ भगवानीश्वर्य्या परमेश्वरः । नित्यमुक्त्यैकभोग्योऽसौ मोदते सततं विभुः
rudra uvāca- tripādvibhūtau bhagavānīśvaryyā parameśvaraḥ | nityamuktyaikabhogyo'sau modate satataṃ vibhuḥ
Sanskrit only: no published translation is held for this verse.
तमीश्वरं महामाया प्रकृतिर्जगदाश्रया । कृतांजलिपुटा भूत्वा तुष्टाव परमेश्वरम्
tamīśvaraṃ mahāmāyā prakṛtirjagadāśrayā | kṛtāṃjalipuṭā bhūtvā tuṣṭāva parameśvaram
Sanskrit only: no published translation is held for this verse.
महामायोवाच-। नमस्ते त्रिजगद्धाम्ने नमस्ते विश्वरूपिणे । पुराणाय नमस्तुभ्यं जगदुत्पत्तिहेतवे
mahāmāyovāca-| namaste trijagaddhāmne namaste viśvarūpiṇe | purāṇāya namastubhyaṃ jagadutpattihetave
Sanskrit only: no published translation is held for this verse.
श्रीभूलीलाधिपतये नमो नारायणाय च । नमो भगवते तुभ्यं वासुदेवाय शार्ङ्गिणे
śrībhūlīlādhipataye namo nārāyaṇāya ca | namo bhagavate tubhyaṃ vāsudevāya śārṅgiṇe
Sanskrit only: no published translation is held for this verse.
सर्वदेवस्वरूपाय विष्णवे जिष्णवे नमः । सहस्रमूर्तये तुभ्यमनंताय नमोस्तु ते
sarvadevasvarūpāya viṣṇave jiṣṇave namaḥ | sahasramūrtaye tubhyamanaṃtāya namostu te
Sanskrit only: no published translation is held for this verse.
अच्युताय विकाराय शुद्धसत्त्वस्वरूपिणे । अदिमध्यांतरहित स्वरूपाय नमो नमः
acyutāya vikārāya śuddhasattvasvarūpiṇe | adimadhyāṃtarahita svarūpāya namo namaḥ
Sanskrit only: no published translation is held for this verse.
नमो हिरण्यगर्भाय ज्ञानाय परमात्मने । सर्वभूतात्मने तुभ्यं सर्वभूताश्रयाय च
namo hiraṇyagarbhāya jñānāya paramātmane | sarvabhūtātmane tubhyaṃ sarvabhūtāśrayāya ca
Sanskrit only: no published translation is held for this verse.
ब्रह्मणे ज्योतिषे तुभ्यं नमस्ते विश्वरूपिणे । नमः शुचिषदे तुभ्यं हंसाय परमाय च
brahmaṇe jyotiṣe tubhyaṃ namaste viśvarūpiṇe | namaḥ śuciṣade tubhyaṃ haṃsāya paramāya ca
Sanskrit only: no published translation is held for this verse.
संकर्षणाय रुद्राय सर्वभूतधराय च । हयग्रीवाय दीप्ताय कालाय हरये नमः । नमस्ते यज्ञपुरुष हव्यकव्यस्वरूपिणे
saṃkarṣaṇāya rudrāya sarvabhūtadharāya ca | hayagrīvāya dīptāya kālāya haraye namaḥ | namaste yajñapuruṣa havyakavyasvarūpiṇe
Sanskrit only: no published translation is held for this verse.
नमः प्रजापतये तस्मै सूर्याय शुभवर्चसे । अग्नये हव्यभोक्त्रे च तस्मै यज्ञात्मने नमः
namaḥ prajāpataye tasmai sūryāya śubhavarcase | agnaye havyabhoktre ca tasmai yajñātmane namaḥ
Sanskrit only: no published translation is held for this verse.
नमस्ते प्रसवित्रे च सर्गस्थित्यंतहेतवे । नमो वेदांतवेद्याय चतुरात्मस्वरूपिणे
namaste prasavitre ca sargasthityaṃtahetave | namo vedāṃtavedyāya caturātmasvarūpiṇe
Sanskrit only: no published translation is held for this verse.
ब्रह्मणे विष्णवे तुभ्यं नमस्ते शंकाराय च । त्रिगुणाय नमस्तुभ्यं सर्गस्थित्यंतहेतवे
brahmaṇe viṣṇave tubhyaṃ namaste śaṃkārāya ca | triguṇāya namastubhyaṃ sargasthityaṃtahetave
Sanskrit only: no published translation is held for this verse.
निर्गुणाय नमस्तुभ्यं सर्वात्मान्तरवर्तिने । अव्यक्ताय नमस्तस्मै विष्णवे लोकसाक्षिणे
nirguṇāya namastubhyaṃ sarvātmāntaravartine | avyaktāya namastasmai viṣṇave lokasākṣiṇe
Sanskrit only: no published translation is held for this verse.
नारायणाय श्रीशाय पूर्णषाड्गुण्यमूर्त्तये । अनंतगुणपूर्णाय नमः सर्वार्थदायिने
nārāyaṇāya śrīśāya pūrṇaṣāḍguṇyamūrttaye | anaṃtaguṇapūrṇāya namaḥ sarvārthadāyine
Sanskrit only: no published translation is held for this verse.
नमस्ते वासुदेवाय पंचावस्थस्वरूपिणे । नमः पंचनवव्यूह भेदरूपाय ते नमः
namaste vāsudevāya paṃcāvasthasvarūpiṇe | namaḥ paṃcanavavyūha bhedarūpāya te namaḥ
Sanskrit only: no published translation is held for this verse.
नमो यज्ञवराहाय गोविंदाय नमो नमः । अविकाराय शुद्धाय हेयप्रतिभटाय च
namo yajñavarāhāya goviṃdāya namo namaḥ | avikārāya śuddhāya heyapratibhaṭāya ca
Sanskrit only: no published translation is held for this verse.
नमो रामाय कृष्णाय नरसिंहाय ते नमः । केशवाय नमस्तुभ्यं जगतां क्लेशहारिणे
namo rāmāya kṛṣṇāya narasiṃhāya te namaḥ | keśavāya namastubhyaṃ jagatāṃ kleśahāriṇe
Sanskrit only: no published translation is held for this verse.
त्वमेव सर्वलोकानामाश्रयः पुरुषोत्तमः । प्रसीद देवदेवेश सर्वलोकहिताय वै
tvameva sarvalokānāmāśrayaḥ puruṣottamaḥ | prasīda devadeveśa sarvalokahitāya vai
Sanskrit only: no published translation is held for this verse.
मत्संस्थाश्चेतनास्सर्वे निराधारा निराश्रयाः । हीनदेहा निराकाराः सर्वेन्द्रियविवर्जिताः
matsaṃsthāścetanāssarve nirādhārā nirāśrayāḥ | hīnadehā nirākārāḥ sarvendriyavivarjitāḥ
Sanskrit only: no published translation is held for this verse.
सर्वानुष्ठानरहिताः सततं दुःखभोगिनः । तेषां लोकांश्च देहांश्च दातुमर्हसि केशव
sarvānuṣṭhānarahitāḥ satataṃ duḥkhabhoginaḥ | teṣāṃ lokāṃśca dehāṃśca dātumarhasi keśava
Sanskrit only: no published translation is held for this verse.
लीलाविभूतिं सर्वज्ञ यथापूर्वं प्रकल्पय । चेतनाचेतनं कृत्स्नं जगत्स्थावरजंगमम्
līlāvibhūtiṃ sarvajña yathāpūrvaṃ prakalpaya | cetanācetanaṃ kṛtsnaṃ jagatsthāvarajaṃgamam
Sanskrit only: no published translation is held for this verse.
मया संमोहितं पश्य लीलार्थंपरमेश्वर । प्राकृताण्डं मया सार्धं सृजस्व पुरुषोत्तम
mayā saṃmohitaṃ paśya līlārthaṃparameśvara | prākṛtāṇḍaṃ mayā sārdhaṃ sṛjasva puruṣottama
Sanskrit only: no published translation is held for this verse.
धर्म्माधर्म्मौ सुखं दुःखं तस्मिन्निक्षिप्य संसृतौ । मामधिष्ठाय लीलां वै कर्तुमर्हसि मा चिरम्
dharmmādharmmau sukhaṃ duḥkhaṃ tasminnikṣipya saṃsṛtau | māmadhiṣṭhāya līlāṃ vai kartumarhasi mā ciram
Sanskrit only: no published translation is held for this verse.
श्रीमहादेव उवाच- एवमुक्तस्तया देव्या मायया परमेश्वरः । तस्यां निवेश्य मायायां जगत्स्रष्टुं प्रचक्रमे
śrīmahādeva uvāca- evamuktastayā devyā māyayā parameśvaraḥ | tasyāṃ niveśya māyāyāṃ jagatsraṣṭuṃ pracakrame
Sanskrit only: no published translation is held for this verse.
योऽसौ प्रकृतिपुरुषः प्रोच्यते स इहाच्युतः । स एव भगवान्विष्णुः प्रकृत्यां प्रविवेश ह
yo'sau prakṛtipuruṣaḥ procyate sa ihācyutaḥ | sa eva bhagavānviṣṇuḥ prakṛtyāṃ praviveśa ha
Sanskrit only: no published translation is held for this verse.
असृजत्प्रकृतौ ब्रह्मभूतादिमहदाश्रयम् । महतः पुरुषादस्मादहंकारोऽभ्यजायत
asṛjatprakṛtau brahmabhūtādimahadāśrayam | mahataḥ puruṣādasmādahaṃkāro'bhyajāyata
Sanskrit only: no published translation is held for this verse.
अहंकारात्तु वै तस्माद्गुणत्रयमजायत । त्रिभ्यो गुणेभ्यस्तन्मात्रामसृजद्विश्वभावनः
ahaṃkārāttu vai tasmādguṇatrayamajāyata | tribhyo guṇebhyastanmātrāmasṛjadviśvabhāvanaḥ
Sanskrit only: no published translation is held for this verse.
तन्मात्रेभ्योभ्यजायंत महाभूतानि तत्क्षणात् । ॐकारः प्रथमं जातो ब्रह्मणस्त्रिगुणात्मनः
tanmātrebhyobhyajāyaṃta mahābhūtāni tatkṣaṇāt | oṃkāraḥ prathamaṃ jāto brahmaṇastriguṇātmanaḥ
Sanskrit only: no published translation is held for this verse.
आकाशादभवद्वायुर्वायोरग्निरजायत । अग्नेरापः समुद्भूता अद्भ्यश्च पृथिवी मता
ākāśādabhavadvāyurvāyoragnirajāyata | agnerāpaḥ samudbhūtā adbhyaśca pṛthivī matā
Sanskrit only: no published translation is held for this verse.
आकाशादीनि भूतानि सृष्टान्येकोत्तराणि वै । शब्दस्पर्शश्च रूपं च रसो गंधश्च तद्गुणाः
ākāśādīni bhūtāni sṛṣṭānyekottarāṇi vai | śabdasparśaśca rūpaṃ ca raso gaṃdhaśca tadguṇāḥ
Sanskrit only: no published translation is held for this verse.
एकोत्तरगुणान्सृष्ट्वा तानादाय महाप्रभुः । तेषां विमिश्रणं कृत्वा जगदंडं महत्तरम् । असृजत्तत्रलान्वै संख्यया ये चतुर्दश
ekottaraguṇānsṛṣṭvā tānādāya mahāprabhuḥ | teṣāṃ vimiśraṇaṃ kṛtvā jagadaṃḍaṃ mahattaram | asṛjattatralānvai saṃkhyayā ye caturdaśa
Sanskrit only: no published translation is held for this verse.
ब्रह्मादित्रिदशांस्तस्मिन्नसृजत्पुरुषोत्तमः । दैवतिर्य्यक्तथा मर्त्यं स्थावरं च चतुर्व्विधम्
brahmāditridaśāṃstasminnasṛjatpuruṣottamaḥ | daivatiryyaktathā martyaṃ sthāvaraṃ ca caturvvidham
Sanskrit only: no published translation is held for this verse.
तथा सृष्टो महासर्गन्तेन वै जलजेक्षणे। तत्र कर्मानुरूपेण त्रिदशादिषु योनिषु
tathā sṛṣṭo mahāsargantena vai jalajekṣaṇe| tatra karmānurūpeṇa tridaśādiṣu yoniṣu
Sanskrit only: no published translation is held for this verse.
संस्थिताः प्रकृतौ पूर्व आत्मनः प्रभवंति हि
saṃsthitāḥ prakṛtau pūrva ātmanaḥ prabhavaṃti hi
Sanskrit only: no published translation is held for this verse.