Padma Purāṇa 6.23

महादेवउवाच- शृणु नारद वक्ष्यामि माहात्म्यं तुलसीभवम् । यच्छ्रुत्वा मुच्यते पापादाजन्ममरणांतिकात्

mahādevauvāca- śṛṇu nārada vakṣyāmi māhātmyaṃ tulasībhavam | yacchrutvā mucyate pāpādājanmamaraṇāṃtikāt

Sanskrit only: no published translation is held for this verse.

पत्रं पुष्पं फलं मूलं शाखा त्वक्स्कंधसंज्ञितम् । तुलसी संभवं सर्वं पावनं मृत्तिकादिकम्

patraṃ puṣpaṃ phalaṃ mūlaṃ śākhā tvakskaṃdhasaṃjñitam | tulasī saṃbhavaṃ sarvaṃ pāvanaṃ mṛttikādikam

Sanskrit only: no published translation is held for this verse.

शरीरं दह्यते येषां तुलसीकाष्ठवह्निना । दत्वा च तुलसीकाष्ठं सर्वांगेषु मृतस्य वै

śarīraṃ dahyate yeṣāṃ tulasīkāṣṭhavahninā | datvā ca tulasīkāṣṭhaṃ sarvāṃgeṣu mṛtasya vai

Sanskrit only: no published translation is held for this verse.

पश्चाद्यः कुरुते दाहं सोऽपि पापात्प्रमुच्यते । मरणे यस्य संप्राप्तं कीर्तनं स्मरणं हरेः

paścādyaḥ kurute dāhaṃ so'pi pāpātpramucyate | maraṇe yasya saṃprāptaṃ kīrtanaṃ smaraṇaṃ hareḥ

Sanskrit only: no published translation is held for this verse.

तुलसीदारुणा दाहो न तस्य पुनरावृतिः । यद्येकं तुलसीकाष्ठं मध्ये काष्ठशतस्य हि

tulasīdāruṇā dāho na tasya punarāvṛtiḥ | yadyekaṃ tulasīkāṣṭhaṃ madhye kāṣṭhaśatasya hi

Sanskrit only: no published translation is held for this verse.

दाहकाले भवेन्मुक्तिः कोटिपापायुतस्य च । गंगांभसाभिषेकेण यांति पुण्यानि पुण्यताम्

dāhakāle bhavenmuktiḥ koṭipāpāyutasya ca | gaṃgāṃbhasābhiṣekeṇa yāṃti puṇyāni puṇyatām

Sanskrit only: no published translation is held for this verse.

तुलसीकाष्ठमिश्राणि यांति दारूणि पुण्यताम् । तुलसीकाष्ठसंमिश्रा यावत्प्रज्वलते चिता

tulasīkāṣṭhamiśrāṇi yāṃti dārūṇi puṇyatām | tulasīkāṣṭhasaṃmiśrā yāvatprajvalate citā

Sanskrit only: no published translation is held for this verse.

दह्यंति तस्य पापानि कल्पकोटिकृतानि वै । दह्यमानं नरं दृष्ट्वा तुलसीकाष्ठवह्निना

dahyaṃti tasya pāpāni kalpakoṭikṛtāni vai | dahyamānaṃ naraṃ dṛṣṭvā tulasīkāṣṭhavahninā

Sanskrit only: no published translation is held for this verse.

नयंति तं विष्णुदूता न च वै यमकिंकराः । जन्मकोटिसहस्रैस्तु मुक्तो याति जनार्दनम्

nayaṃti taṃ viṣṇudūtā na ca vai yamakiṃkarāḥ | janmakoṭisahasraistu mukto yāti janārdanam

Sanskrit only: no published translation is held for this verse.

दह्यंते ये नरा लोके तुलसीकाष्ठवह्निना । तान्विमानस्थितान्देवाः क्षिपंति कुसुमांजलिम्

dahyaṃte ye narā loke tulasīkāṣṭhavahninā | tānvimānasthitāndevāḥ kṣipaṃti kusumāṃjalim

Sanskrit only: no published translation is held for this verse.

नृत्यंत्यप्सरसः सर्वा गीतं गायंति गायकाः । जायंते वीक्ष्य तं विष्णुः संतुष्टः शंभुना सह

nṛtyaṃtyapsarasaḥ sarvā gītaṃ gāyaṃti gāyakāḥ | jāyaṃte vīkṣya taṃ viṣṇuḥ saṃtuṣṭaḥ śaṃbhunā saha

Sanskrit only: no published translation is held for this verse.

गृहीत्वा तं करे शौरिर्गृहं नीत्वास्य चांगतः । मार्जयेत्सर्वपापानि पश्यतां त्रिदिवौकसाम्

gṛhītvā taṃ kare śaurirgṛhaṃ nītvāsya cāṃgataḥ | mārjayetsarvapāpāni paśyatāṃ tridivaukasām

Sanskrit only: no published translation is held for this verse.

महोत्सवं कारयित्वा जयशब्दपुरःसरम् । ज्वलते यत्र चाज्येन तुलसीकाष्ठपावकः

mahotsavaṃ kārayitvā jayaśabdapuraḥsaram | jvalate yatra cājyena tulasīkāṣṭhapāvakaḥ

Sanskrit only: no published translation is held for this verse.

अग्न्यगारे श्मशाने वा दह्यते पातकं नृणाम् । होमं कुर्वंति ये विप्रास्तुलसीकाष्ठवह्निना । सिक्ते सिक्ते तिले वापि अग्निष्टोमफलं लभेत्

agnyagāre śmaśāne vā dahyate pātakaṃ nṛṇām | homaṃ kurvaṃti ye viprāstulasīkāṣṭhavahninā | sikte sikte tile vāpi agniṣṭomaphalaṃ labhet

Sanskrit only: no published translation is held for this verse.

यो ददाति हरेर्धूपं तुलसीकाष्ठसंभवम् । शतक्रतुसमं पुण्यं लभते गोशतं फलम्

yo dadāti harerdhūpaṃ tulasīkāṣṭhasaṃbhavam | śatakratusamaṃ puṇyaṃ labhate gośataṃ phalam

Sanskrit only: no published translation is held for this verse.

नैवेद्यं पच्यते यस्तु तुलसीकाष्ठवह्निना । मेरुतुल्यं भवेद्दत्तं तदन्नं केशवस्य हि

naivedyaṃ pacyate yastu tulasīkāṣṭhavahninā | merutulyaṃ bhaveddattaṃ tadannaṃ keśavasya hi

Sanskrit only: no published translation is held for this verse.

तुलसीपावकेनाथ यो दीपं कुरुते हरेः । दीपलक्षसहस्राणां पुण्यं स लभते फलम्

tulasīpāvakenātha yo dīpaṃ kurute hareḥ | dīpalakṣasahasrāṇāṃ puṇyaṃ sa labhate phalam

Sanskrit only: no published translation is held for this verse.

न तेन सदृशो लोके वैष्णवो भुवि दृश्यते । यः प्रयच्छति कृष्णस्य तुलसीकाष्ठचंदनम्

na tena sadṛśo loke vaiṣṇavo bhuvi dṛśyate | yaḥ prayacchati kṛṣṇasya tulasīkāṣṭhacaṃdanam

Sanskrit only: no published translation is held for this verse.

स जायते कृपापात्रं विष्णोर्वाडवसत्तम

sa jāyate kṛpāpātraṃ viṣṇorvāḍavasattama

Sanskrit only: no published translation is held for this verse.

तुलसीदारुजातेन चंदनेन कलौ हरिम् । विलिप्य भक्तितो नित्यं रमते हरिसन्निधौ

tulasīdārujātena caṃdanena kalau harim | vilipya bhaktito nityaṃ ramate harisannidhau

Sanskrit only: no published translation is held for this verse.

तुलसीपंकलिप्तांगः कुरुते विष्णुपूजनम् । पूजाशतदिनैकाह्ना लभ्यते गोशतं फलम्

tulasīpaṃkaliptāṃgaḥ kurute viṣṇupūjanam | pūjāśatadinaikāhnā labhyate gośataṃ phalam

Sanskrit only: no published translation is held for this verse.

विलेपार्थे तु कृष्णस्य तुलसीकाष्ठचंदनम् । मंदिरे तिष्ठते यावत्तावत्पुण्यफलं शृणु

vilepārthe tu kṛṣṇasya tulasīkāṣṭhacaṃdanam | maṃdire tiṣṭhate yāvattāvatpuṇyaphalaṃ śṛṇu

Sanskrit only: no published translation is held for this verse.

तिलप्रस्थाष्टकं दत्वा यत्पुण्यं प्राप्नुयान्नरः । तत्फलं जायते पुंसां प्रसादाच्चक्रपाणिनः

tilaprasthāṣṭakaṃ datvā yatpuṇyaṃ prāpnuyānnaraḥ | tatphalaṃ jāyate puṃsāṃ prasādāccakrapāṇinaḥ

Sanskrit only: no published translation is held for this verse.

यो ददाति पितॄणां तु पिंडे तुलसिसंभवम् । दलं संजायते तृप्तिः पत्रे पत्रे शताब्दिका

yo dadāti pitṝṇāṃ tu piṃḍe tulasisaṃbhavam | dalaṃ saṃjāyate tṛptiḥ patre patre śatābdikā

Sanskrit only: no published translation is held for this verse.

तुलसीमूलमृत्स्नैव स्नानं कुर्याद्विशेषतः । तेन तीर्थे कृतं स्नानं यावच्चांगे च मृत्तिका

tulasīmūlamṛtsnaiva snānaṃ kuryādviśeṣataḥ | tena tīrthe kṛtaṃ snānaṃ yāvaccāṃge ca mṛttikā

Sanskrit only: no published translation is held for this verse.

तदीय यातु मंजर्या पूजनं च करोति यः । नानापुष्पैः कृता पूजा यावच्चंद्रदिवाकरौ

tadīya yātu maṃjaryā pūjanaṃ ca karoti yaḥ | nānāpuṣpaiḥ kṛtā pūjā yāvaccaṃdradivākarau

Sanskrit only: no published translation is held for this verse.

यस्मिन्गृहेऽवतिष्ठेत तुलसी वृक्षवाटिका । दर्शनात्स्पर्शनाच्चैव ब्रह्महत्यादिपातकम् । तत्सर्वं विलयं याति दर्शनेनैव नारद

yasmingṛhe'vatiṣṭheta tulasī vṛkṣavāṭikā | darśanātsparśanāccaiva brahmahatyādipātakam | tatsarvaṃ vilayaṃ yāti darśanenaiva nārada

Sanskrit only: no published translation is held for this verse.

महादेव उवाच- अथान्यत्ते प्रवक्ष्यामि शृणुष्वैकाग्रमानसः । न कस्यापि च कथितं शृणु देवर्षिसत्तम

mahādeva uvāca- athānyatte pravakṣyāmi śṛṇuṣvaikāgramānasaḥ | na kasyāpi ca kathitaṃ śṛṇu devarṣisattama

Sanskrit only: no published translation is held for this verse.

यत्र यत्र गृहे ग्रामे वने वा तुलसी भवेत् । तत्र तत्र जगत्स्वामी प्रीतात्मा च वसेद्धरिः

yatra yatra gṛhe grāme vane vā tulasī bhavet | tatra tatra jagatsvāmī prītātmā ca vaseddhariḥ

Sanskrit only: no published translation is held for this verse.

गृहे तस्मिन्न दारिद्र्यं नायोगो बंधुसंभवः । न दुःखं न भयं रोगस्तुलसी यत्र तिष्ठति

gṛhe tasminna dāridryaṃ nāyogo baṃdhusaṃbhavaḥ | na duḥkhaṃ na bhayaṃ rogastulasī yatra tiṣṭhati

Sanskrit only: no published translation is held for this verse.

सर्वत्र तुलसी पुण्या पुण्यक्षेत्रे विशेषतः । संनिधौ तस्य देवस्य रोपणात्पृथिवीतले

sarvatra tulasī puṇyā puṇyakṣetre viśeṣataḥ | saṃnidhau tasya devasya ropaṇātpṛthivītale

Sanskrit only: no published translation is held for this verse.

तेषां विष्णुपदं नित्यं तुलस्यारोपणे कृते । उत्पादान्दारुणान्रोगान्दुर्निमित्तान्यनेकशः । तुलस्याभ्यर्चिते भक्त्या हंत शांतिकरो हरिः

teṣāṃ viṣṇupadaṃ nityaṃ tulasyāropaṇe kṛte | utpādāndāruṇānrogāndurnimittānyanekaśaḥ | tulasyābhyarcite bhaktyā haṃta śāṃtikaro hariḥ

Sanskrit only: no published translation is held for this verse.

तुलसीगंधमाघ्राय यत्र गच्छति मारुतः । दिशो दश च ताः पूता भूतग्रामश्चतुर्विधः

tulasīgaṃdhamāghrāya yatra gacchati mārutaḥ | diśo daśa ca tāḥ pūtā bhūtagrāmaścaturvidhaḥ

Sanskrit only: no published translation is held for this verse.

यस्मिन्गृहे मुनिश्रेष्ठ तुलसीमूलमृत्तिका । सर्वदा तत्र तिष्ठंति देवताश्च शिवो हरिः

yasmingṛhe muniśreṣṭha tulasīmūlamṛttikā | sarvadā tatra tiṣṭhaṃti devatāśca śivo hariḥ

Sanskrit only: no published translation is held for this verse.

तुलसीवनजा छाया यत्र यत्र भवेद्दिवज । तर्पणं कुरुते तत्र पितॄणां दत्तमक्षयम्

tulasīvanajā chāyā yatra yatra bhaveddivaja | tarpaṇaṃ kurute tatra pitṝṇāṃ dattamakṣayam

Sanskrit only: no published translation is held for this verse.

तस्य मूले स्थितो ब्रह्मा मध्ये देवो जनार्दनः । मंजर्यां वसते रुद्रः तुलसी तेन पावनी

tasya mūle sthito brahmā madhye devo janārdanaḥ | maṃjaryāṃ vasate rudraḥ tulasī tena pāvanī

Sanskrit only: no published translation is held for this verse.

विना यस्तुलसीं कुर्यात्संध्याकाले तु मार्जनम् । तत्सर्वं राक्षसहृतं नरकं च प्रयच्छति

vinā yastulasīṃ kuryātsaṃdhyākāle tu mārjanam | tatsarvaṃ rākṣasahṛtaṃ narakaṃ ca prayacchati

Sanskrit only: no published translation is held for this verse.

तुलसीपत्रगलितं तोयं यः शिरसावहेत् । गंगाफलमवाप्नोति शतधेनुफलं लभेत्

tulasīpatragalitaṃ toyaṃ yaḥ śirasāvahet | gaṃgāphalamavāpnoti śatadhenuphalaṃ labhet

Sanskrit only: no published translation is held for this verse.

शिवालये विशेषेण रोपयेत्तुलसीं यदि । बीजसंख्या वसेत्स्वर्गे प्रत्येकं युगसंख्यया

śivālaye viśeṣeṇa ropayettulasīṃ yadi | bījasaṃkhyā vasetsvarge pratyekaṃ yugasaṃkhyayā

Sanskrit only: no published translation is held for this verse.

उमया तु पुरा देवि शंकरार्थं हिमालये । रोपिताः शतवृक्षास्तु तुलस्याः प्रणतोऽस्म्यहम्

umayā tu purā devi śaṃkarārthaṃ himālaye | ropitāḥ śatavṛkṣāstu tulasyāḥ praṇato'smyaham

Sanskrit only: no published translation is held for this verse.

पर्वण्यवसरे यस्तु श्रावणे चाथ रोपयेत् । संक्रांतिदिवसे चैव तुलसी चातिपुण्यदा

parvaṇyavasare yastu śrāvaṇe cātha ropayet | saṃkrāṃtidivase caiva tulasī cātipuṇyadā

Sanskrit only: no published translation is held for this verse.

तुलसीं पूजयेन्नित्यं दरिद्र ईश्वरो भवेत् । सर्वसिद्धिकरामूर्तिः कृष्णः कीर्तिं ददाति च

tulasīṃ pūjayennityaṃ daridra īśvaro bhavet | sarvasiddhikarāmūrtiḥ kṛṣṇaḥ kīrtiṃ dadāti ca

Sanskrit only: no published translation is held for this verse.

शालग्रामशिला यत्र तत्र संनिहितो हरिः । तत्र स्नानं च दानं च वाराणस्यां शताधिकम्

śālagrāmaśilā yatra tatra saṃnihito hariḥ | tatra snānaṃ ca dānaṃ ca vārāṇasyāṃ śatādhikam

Sanskrit only: no published translation is held for this verse.

कुरुक्षेत्रं प्रयागं च नैमिषारण्यमेव च । तस्य कोटिगुणं पुण्यं शालग्रामशिलार्चनात्

kurukṣetraṃ prayāgaṃ ca naimiṣāraṇyameva ca | tasya koṭiguṇaṃ puṇyaṃ śālagrāmaśilārcanāt

Sanskrit only: no published translation is held for this verse.

शालग्राममयी मुद्रा संस्थिता यत्र हि क्वचित् । वाराणस्यां च यत्पुण्यं सर्वं तत्रैव तद्भवेत्

śālagrāmamayī mudrā saṃsthitā yatra hi kvacit | vārāṇasyāṃ ca yatpuṇyaṃ sarvaṃ tatraiva tadbhavet

Sanskrit only: no published translation is held for this verse.

ब्रह्महत्यादिकं पापं यत्किंचित्कुरुते नरः । तत्सर्वं नाशयेदाशु शालग्रामशिलार्चनात्

brahmahatyādikaṃ pāpaṃ yatkiṃcitkurute naraḥ | tatsarvaṃ nāśayedāśu śālagrāmaśilārcanāt

Sanskrit only: no published translation is held for this verse.