Padma Purāṇa 6.230

पार्वत्युवाच- भगवन्यत्रदेवेशो राक्षसान्मधुसूदनः । जघान केन रूपेण यथावद्वक्तुमर्हसि

pārvatyuvāca- bhagavanyatradeveśo rākṣasānmadhusūdanaḥ | jaghāna kena rūpeṇa yathāvadvaktumarhasi

Sanskrit only: no published translation is held for this verse.

वैभवं च स्थवीयस्य मत्स्यकूर्म्मादिरूपकम् । विस्तरेण समाख्याहि मम प्रीत्या महेश्वर

vaibhavaṃ ca sthavīyasya matsyakūrmmādirūpakam | vistareṇa samākhyāhi mama prītyā maheśvara

Sanskrit only: no published translation is held for this verse.

महादेव उवाच- शृणु देवि प्रवक्ष्यामि वैभवं स्वस्थमानसा । मत्स्यकूर्म्मादि यद्रूपमवतारात्मकं हरेः

mahādeva uvāca- śṛṇu devi pravakṣyāmi vaibhavaṃ svasthamānasā | matsyakūrmmādi yadrūpamavatārātmakaṃ hareḥ

Sanskrit only: no published translation is held for this verse.

दीपादुत्पाद्यते दीपो यथावत्तद्भविष्यति । परावस्थापरेशस्य सव्यूहा विभवादयः

dīpādutpādyate dīpo yathāvattadbhaviṣyati | parāvasthāpareśasya savyūhā vibhavādayaḥ

Sanskrit only: no published translation is held for this verse.

उक्ता देवावतारास्तु विविधाकारकाः शुभाः । अर्च्चावतारा देवस्य वैभवाः परमात्मनः

uktā devāvatārāstu vividhākārakāḥ śubhāḥ | arccāvatārā devasya vaibhavāḥ paramātmanaḥ

Sanskrit only: no published translation is held for this verse.

प्राजापत्येन वै ब्रह्मा स सम्राट्परमोत्सवः । भृगुं मरीचिमत्रिं च दक्षं कर्द्दममेव च

prājāpatyena vai brahmā sa samrāṭparamotsavaḥ | bhṛguṃ marīcimatriṃ ca dakṣaṃ karddamameva ca

Sanskrit only: no published translation is held for this verse.

पुलस्त्यं पुलहं चैव गिरिशं च तथा क्रतुम् । नवप्रजानां पतय इमे प्रोक्ता यथाक्रमम्

pulastyaṃ pulahaṃ caiva giriśaṃ ca tathā kratum | navaprajānāṃ pataya ime proktā yathākramam

Sanskrit only: no published translation is held for this verse.

मरीचिर्भगवांस्तत्र जनयामास कश्यपम् । कश्यपस्याभवञ्जायाश्चतस्रः शुभदर्शने

marīcirbhagavāṃstatra janayāmāsa kaśyapam | kaśyapasyābhavañjāyāścatasraḥ śubhadarśane

Sanskrit only: no published translation is held for this verse.

अदितिश्च दितिश्चैव कद्रुश्च विनता तथा । अदितिर्जनयामास देवांस्तु शुभदर्शनान्

aditiśca ditiścaiva kadruśca vinatā tathā | aditirjanayāmāsa devāṃstu śubhadarśanān

Sanskrit only: no published translation is held for this verse.

दितिश्च राक्षसान्पुत्रांस्तामसान्सुमहासुरान् । शंबूकस्तु हयग्रीवो हिरण्याक्षो महाबलः

ditiśca rākṣasānputrāṃstāmasānsumahāsurān | śaṃbūkastu hayagrīvo hiraṇyākṣo mahābalaḥ

Sanskrit only: no published translation is held for this verse.

हिरण्यकशिपुर्जंभो मयाद्याः सुमहातपाः । मकरस्तु महावीर्यो ब्रह्मलोकमुपागतः

hiraṇyakaśipurjaṃbho mayādyāḥ sumahātapāḥ | makarastu mahāvīryo brahmalokamupāgataḥ

Sanskrit only: no published translation is held for this verse.

ब्रह्माणं मोहयित्वाऽसौ वेदाञ्जग्राह वीर्यवान् । ग्रसित्वा च श्रुतिं सोऽथ प्रविवेश महार्णवम्

brahmāṇaṃ mohayitvā'sau vedāñjagrāha vīryavān | grasitvā ca śrutiṃ so'tha praviveśa mahārṇavam

Sanskrit only: no published translation is held for this verse.

ततः सर्वं जगच्छून्यमभवद्धर्मसंकरः । नाधीतं न वषट्कारं वर्णाश्रमविवर्जितम्

tataḥ sarvaṃ jagacchūnyamabhavaddharmasaṃkaraḥ | nādhītaṃ na vaṣaṭkāraṃ varṇāśramavivarjitam

Sanskrit only: no published translation is held for this verse.

ततः प्रजापतिर्देवः सर्वदेवगणैर्वृतः । गत्वा दुग्धांबुधिं देवं तुष्टाव शरणं गतः

tataḥ prajāpatirdevaḥ sarvadevagaṇairvṛtaḥ | gatvā dugdhāṃbudhiṃ devaṃ tuṣṭāva śaraṇaṃ gataḥ

Sanskrit only: no published translation is held for this verse.

ब्रह्मोवाच- प्रसीद देव मे नाथ नागपर्यंकसंस्थित । सर्वेश सर्वदेवात्मन्सर्ववेदमयाच्युत

brahmovāca- prasīda deva me nātha nāgaparyaṃkasaṃsthita | sarveśa sarvadevātmansarvavedamayācyuta

Sanskrit only: no published translation is held for this verse.

आद्यं जगद्भुवो बीजं मध्ये त्वं सर्वतोऽधिकः । अंते च पशुनाथस्त्वं स्वेच्छया तस्तमेव च

ādyaṃ jagadbhuvo bījaṃ madhye tvaṃ sarvato'dhikaḥ | aṃte ca paśunāthastvaṃ svecchayā tastameva ca

Sanskrit only: no published translation is held for this verse.

त्वमेव धत्से चिद्रूपं जगत्सर्वं सनातनम् । त्वमव्यक्तो हि भूतादिः प्रधानपुरुषोऽव्ययः

tvameva dhatse cidrūpaṃ jagatsarvaṃ sanātanam | tvamavyakto hi bhūtādiḥ pradhānapuruṣo'vyayaḥ

Sanskrit only: no published translation is held for this verse.

त्वमादिमध्यांतवपुर्जगतः परमेश्वरः । त्वमेव सर्वलोकानामाश्रयः पुरुषोत्तमः

tvamādimadhyāṃtavapurjagataḥ parameśvaraḥ | tvameva sarvalokānāmāśrayaḥ puruṣottamaḥ

Sanskrit only: no published translation is held for this verse.

भूतादिस्त्वं महद्भूतं भूतसंघस्य कारणम् । त्वमेव कारणमाश्रित्य रमते धाम आत्मवान्

bhūtādistvaṃ mahadbhūtaṃ bhūtasaṃghasya kāraṇam | tvameva kāraṇamāśritya ramate dhāma ātmavān

Sanskrit only: no published translation is held for this verse.

त्वमादिभूतश्चांतस्त्वं त्वं वायुः सर्व्वगो महान् । त्वमादिस्त्वमनादिश्च त्वमग्निस्तेजसां निधिः

tvamādibhūtaścāṃtastvaṃ tvaṃ vāyuḥ sarvvago mahān | tvamādistvamanādiśca tvamagnistejasāṃ nidhiḥ

Sanskrit only: no published translation is held for this verse.

त्वमापः सर्व्वजगतां जीवनं परमेश्वरः । त्वं भूमिर्जगदाधारो भूधरस्त्वं महामते

tvamāpaḥ sarvvajagatāṃ jīvanaṃ parameśvaraḥ | tvaṃ bhūmirjagadādhāro bhūdharastvaṃ mahāmate

Sanskrit only: no published translation is held for this verse.

सरितं सागरस्त्वं वै सर्व्वस्यादिस्त्वमेव च । देवर्षिः सर्वभूतानि त्वमेव पुरुषोत्तम

saritaṃ sāgarastvaṃ vai sarvvasyādistvameva ca | devarṣiḥ sarvabhūtāni tvameva puruṣottama

Sanskrit only: no published translation is held for this verse.

त्वयैव प्रेरिता लोकाश्चेष्टंते साध्वसाधुषु । दैत्येनोपद्रुता वेदाः प्रविष्टा महदर्णवम्

tvayaiva preritā lokāśceṣṭaṃte sādhvasādhuṣu | daityenopadrutā vedāḥ praviṣṭā mahadarṇavam

Sanskrit only: no published translation is held for this verse.

वेदाधारमिदं सर्व्वं जगत्स्थावरजंगमम् । वेदाश्चैव हि सर्व्वेषां धर्माणां परितः स्थितिः

vedādhāramidaṃ sarvvaṃ jagatsthāvarajaṃgamam | vedāścaiva hi sarvveṣāṃ dharmāṇāṃ paritaḥ sthitiḥ

Sanskrit only: no published translation is held for this verse.

वेदेषु सर्वदेवानां नित्यतृप्तिर्भविष्यति । तस्माद्वेदान्समानेतुं त्वमेवार्हसि केशव

vedeṣu sarvadevānāṃ nityatṛptirbhaviṣyati | tasmādvedānsamānetuṃ tvamevārhasi keśava

Sanskrit only: no published translation is held for this verse.

श्रीमहादेव उवाच- एवमुक्तो हृषीकेशो ब्रह्मणा परमेश्वरः । मत्स्यरूपं समास्थाय प्रविवेश महोदधिम्

śrīmahādeva uvāca- evamukto hṛṣīkeśo brahmaṇā parameśvaraḥ | matsyarūpaṃ samāsthāya praviveśa mahodadhim

Sanskrit only: no published translation is held for this verse.

तं दैत्यं सुमहाघोरं माकरंरूपमास्थितः । तुण्डाग्रेण विदार्याथ जघानामरपूजितं

taṃ daityaṃ sumahāghoraṃ mākaraṃrūpamāsthitaḥ | tuṇḍāgreṇa vidāryātha jaghānāmarapūjitaṃ

Sanskrit only: no published translation is held for this verse.

तं हत्वा सर्ववेदांश्च साङ्गोपाङ्गसमन्वितान् । गृहीत्वा प्रददौ तस्मै ब्रह्मणे स महाद्युतिः

taṃ hatvā sarvavedāṃśca sāṅgopāṅgasamanvitān | gṛhītvā pradadau tasmai brahmaṇe sa mahādyutiḥ

Sanskrit only: no published translation is held for this verse.

अन्योन्यमिश्रिता वेदा ग्रसितास्तेन रक्षसा । व्यक्ता भगवता तेन व्यासरूपेण धीमता

anyonyamiśritā vedā grasitāstena rakṣasā | vyaktā bhagavatā tena vyāsarūpeṇa dhīmatā

Sanskrit only: no published translation is held for this verse.

पृथग्भूता समं वेदा व्यासेनैव महात्मना । एवं मत्स्यावतारेण रक्षिताः सर्व्वदेवताः

pṛthagbhūtā samaṃ vedā vyāsenaiva mahātmanā | evaṃ matsyāvatāreṇa rakṣitāḥ sarvvadevatāḥ

Sanskrit only: no published translation is held for this verse.

श्रुतिप्रदानेन जगत्त्रयं तदा कृत्वा निरातंकमहो रमाधवः । संस्तूयमानः सुरसिद्धसंघैरंतर्दधे योगिभिरर्च्चितांघ्रिः । वासुदेवो हि भवगान्सर्वदेवमयो हरिः

śrutipradānena jagattrayaṃ tadā kṛtvā nirātaṃkamaho ramādhavaḥ | saṃstūyamānaḥ surasiddhasaṃghairaṃtardadhe yogibhirarccitāṃghriḥ | vāsudevo hi bhavagānsarvadevamayo hariḥ

Sanskrit only: no published translation is held for this verse.