Padma Purāṇa 6.232

शंकर उवाच- ततः सुरगणाः सर्वे दानवाद्या महाबलाः । उत्पाट्य मंदरं शैलं चिक्षिपुः पयसांनिधौ

śaṃkara uvāca- tataḥ suragaṇāḥ sarve dānavādyā mahābalāḥ | utpāṭya maṃdaraṃ śailaṃ cikṣipuḥ payasāṃnidhau

Sanskrit only: no published translation is held for this verse.

ततो नारायणः श्रीमान्भगवान्भूतभावनः । कूर्मरूपेण तं शैलं दधारामितविक्रमः

tato nārāyaṇaḥ śrīmānbhagavānbhūtabhāvanaḥ | kūrmarūpeṇa taṃ śailaṃ dadhārāmitavikramaḥ

Sanskrit only: no published translation is held for this verse.

अनादिमध्यांतवपुर्विश्वरूपः सनातनः । अधारयद्गिरिवरं संपूज्यो जगदीश्वरः

anādimadhyāṃtavapurviśvarūpaḥ sanātanaḥ | adhārayadgirivaraṃ saṃpūjyo jagadīśvaraḥ

Sanskrit only: no published translation is held for this verse.

तथैकेन भुजेनैव ईश्वरः सर्वगोऽव्ययः । ततो देवासुराः सर्वे ममंथुः क्षीरसागरम्

tathaikena bhujenaiva īśvaraḥ sarvago'vyayaḥ | tato devāsurāḥ sarve mamaṃthuḥ kṣīrasāgaram

Sanskrit only: no published translation is held for this verse.

सर्प्पराजेन संवेष्ट्य घर्घरं मंदराचलम् । मथ्यमानेऽथ दुग्धाब्धौ दैवतैः सुमहाबलैः

sarpparājena saṃveṣṭya ghargharaṃ maṃdarācalam | mathyamāne'tha dugdhābdhau daivataiḥ sumahābalaiḥ

Sanskrit only: no published translation is held for this verse.

उत्पादनार्थं लक्ष्म्याश्च सर्व एव महर्षयः । उपोष्य नियमं कृत्वा जेपुः श्रीसूक्तमेव च

utpādanārthaṃ lakṣmyāśca sarva eva maharṣayaḥ | upoṣya niyamaṃ kṛtvā jepuḥ śrīsūktameva ca

Sanskrit only: no published translation is held for this verse.

सहस्रनामपठनं चक्रुर्दिव्या द्विजोत्तमाः । एकादश्यां तु शुद्धायां मथ्यमाने महांबुधौ

sahasranāmapaṭhanaṃ cakrurdivyā dvijottamāḥ | ekādaśyāṃ tu śuddhāyāṃ mathyamāne mahāṃbudhau

Sanskrit only: no published translation is held for this verse.

उपोष्य ऋषयः सर्वे जप्तं श्रीमंत्रमुत्तमम् । कांक्षमाणाश्च ये जप्तुं लक्ष्मीनारायणं हरिम्

upoṣya ṛṣayaḥ sarve japtaṃ śrīmaṃtramuttamam | kāṃkṣamāṇāśca ye japtuṃ lakṣmīnārāyaṇaṃ harim

Sanskrit only: no published translation is held for this verse.

ध्यात्वा समर्च्चयामासुर्द्विजाग्र्या मुनिसत्तमाः । ततस्तस्मिन्मुहूर्ते तु मथ्यमाने महांबुधौ

dhyātvā samarccayāmāsurdvijāgryā munisattamāḥ | tatastasminmuhūrte tu mathyamāne mahāṃbudhau

Sanskrit only: no published translation is held for this verse.

समभूत्तत्र प्रथमं कालकूटं महाविषम् । महापीडं महाघोरं संवर्ताग्निसमप्रभम्

samabhūttatra prathamaṃ kālakūṭaṃ mahāviṣam | mahāpīḍaṃ mahāghoraṃ saṃvartāgnisamaprabham

Sanskrit only: no published translation is held for this verse.

दृष्ट्वा प्रदुद्रुवुः सर्वे भयार्ता देवदानवाः । ततस्तान्विद्रुतान्दृष्ट्वा भयार्त्तान्सुरसत्तमान्

dṛṣṭvā pradudruvuḥ sarve bhayārtā devadānavāḥ | tatastānvidrutāndṛṣṭvā bhayārttānsurasattamān

Sanskrit only: no published translation is held for this verse.

ततस्तानब्रुवं वाक्यमहं तत्र शुभेक्षणे । भोभो देवगणाः सर्वैर्न भेतव्यं विषं प्रति

tatastānabruvaṃ vākyamahaṃ tatra śubhekṣaṇe | bhobho devagaṇāḥ sarvairna bhetavyaṃ viṣaṃ prati

Sanskrit only: no published translation is held for this verse.

अहमाहारयिष्यामि कालकूटं महाविषम् । इत्युक्तास्ते मया सर्वे देवा इंद्र पुरोगमाः

ahamāhārayiṣyāmi kālakūṭaṃ mahāviṣam | ityuktāste mayā sarve devā iṃdra purogamāḥ

Sanskrit only: no published translation is held for this verse.

साधुसाध्विति वाक्यैर्मां तुष्टुवुः प्रणता भृशम् । तद्दृष्ट्वा मेघसंकाशं प्रादुर्भूतं महाविषम्

sādhusādhviti vākyairmāṃ tuṣṭuvuḥ praṇatā bhṛśam | taddṛṣṭvā meghasaṃkāśaṃ prādurbhūtaṃ mahāviṣam

Sanskrit only: no published translation is held for this verse.

ध्यात्वा नारायणं देवं हृदये गरुडध्वजम् । उदयादित्यसंकाशं शंखचक्रगदाधरम्

dhyātvā nārāyaṇaṃ devaṃ hṛdaye garuḍadhvajam | udayādityasaṃkāśaṃ śaṃkhacakragadādharam

Sanskrit only: no published translation is held for this verse.

श्रीभूमिसहितं देवं तप्तकांचनकुण्डलम् । एकाग्रमनसा ध्यात्वा सर्वदुःखहरं प्रभुम्

śrībhūmisahitaṃ devaṃ taptakāṃcanakuṇḍalam | ekāgramanasā dhyātvā sarvaduḥkhaharaṃ prabhum

Sanskrit only: no published translation is held for this verse.

नामरूपं महामंत्रं जप्त्वा लक्ष्म्यासमन्वितम् । तद्विषं तु महाघोरमाद्यं सर्वभयंकरम्

nāmarūpaṃ mahāmaṃtraṃ japtvā lakṣmyāsamanvitam | tadviṣaṃ tu mahāghoramādyaṃ sarvabhayaṃkaram

Sanskrit only: no published translation is held for this verse.

नामत्रयप्रभावाच्च विष्णोः सर्वगतस्य वै । विषं तदभवज्जीर्णं लोकसंहारकारकम्

nāmatrayaprabhāvācca viṣṇoḥ sarvagatasya vai | viṣaṃ tadabhavajjīrṇaṃ lokasaṃhārakārakam

Sanskrit only: no published translation is held for this verse.

अच्युतानंत गोविन्द इति नामत्रयं हरेः । यो जपेत्प्रयतोभक्त्या प्रणवाद्यं नमोंतकम्

acyutānaṃta govinda iti nāmatrayaṃ hareḥ | yo japetprayatobhaktyā praṇavādyaṃ namoṃtakam

Sanskrit only: no published translation is held for this verse.

तस्य मृत्युभयं नास्ति विषरोगाग्निजं महत् । नामत्रयं महामंत्रं जपेद्यः प्रयतात्मवान्

tasya mṛtyubhayaṃ nāsti viṣarogāgnijaṃ mahat | nāmatrayaṃ mahāmaṃtraṃ japedyaḥ prayatātmavān

Sanskrit only: no published translation is held for this verse.

कालमृत्युभयं चापि तस्य नास्ति किमन्यतः । इति नामत्रयेणैव पीतं देवि मया विषम्

kālamṛtyubhayaṃ cāpi tasya nāsti kimanyataḥ | iti nāmatrayeṇaiva pītaṃ devi mayā viṣam

Sanskrit only: no published translation is held for this verse.

ततः प्रहृष्टास्त्रिदशास्तुष्टुवुर्मां सुविस्मिताः । मां प्रणम्य पुनर्देवा ममंथुः क्षीरसागरम् । तस्मिन्प्रमथ्यमाने तु मया देवैश्च भामिनि

tataḥ prahṛṣṭāstridaśāstuṣṭuvurmāṃ suvismitāḥ | māṃ praṇamya punardevā mamaṃthuḥ kṣīrasāgaram | tasminpramathyamāne tu mayā devaiśca bhāmini

Sanskrit only: no published translation is held for this verse.

ज्येष्ठा देवी समुत्पन्ना रत्नस्रग्वाससा वृता । उत्पन्ना साऽब्रवीद्देवान्किंकर्त्तव्यं मयेति वै

jyeṣṭhā devī samutpannā ratnasragvāsasā vṛtā | utpannā sā'bravīddevānkiṃkarttavyaṃ mayeti vai

Sanskrit only: no published translation is held for this verse.

तामब्रुवंस्तु ते देवीं सर्वदेवगणा भृशम् । देवा ऊचुः । येषां गृहांतरे रम्ये कलहः संप्रवर्त्तते

tāmabruvaṃstu te devīṃ sarvadevagaṇā bhṛśam | devā ūcuḥ | yeṣāṃ gṛhāṃtare ramye kalahaḥ saṃpravarttate

Sanskrit only: no published translation is held for this verse.

तत्ते स्थानं प्रयच्छामो वस तत्राशुभान्विता । परुषं भाषणं नित्यं वदंत्यनृतवादिनः

tatte sthānaṃ prayacchāmo vasa tatrāśubhānvitā | paruṣaṃ bhāṣaṇaṃ nityaṃ vadaṃtyanṛtavādinaḥ

Sanskrit only: no published translation is held for this verse.

संध्याकाले तु ये पापाः स्वपंति मलचेतसः । तेषां वेश्मनि संतिष्ठ दुःखदारिद्र्यदायिनी

saṃdhyākāle tu ye pāpāḥ svapaṃti malacetasaḥ | teṣāṃ veśmani saṃtiṣṭha duḥkhadāridryadāyinī

Sanskrit only: no published translation is held for this verse.

कपालकेशभस्मास्थि तुषांगारानि यत्र तु । तत्र ते सततं स्थानं भविष्यति न संशयः

kapālakeśabhasmāsthi tuṣāṃgārāni yatra tu | tatra te satataṃ sthānaṃ bhaviṣyati na saṃśayaḥ

Sanskrit only: no published translation is held for this verse.

यस्यवेश्म कपालास्थि भस्मकेशादि चिह्नितम् । तत्र वसाशुभे नित्यं कलिना सह नित्यशः

yasyaveśma kapālāsthi bhasmakeśādi cihnitam | tatra vasāśubhe nityaṃ kalinā saha nityaśaḥ

Sanskrit only: no published translation is held for this verse.

अकृत्वा पादयोः शौचं यस्त्वाचामति दुर्म्मतिः । तं भजस्व महादेवि कलुषेण भृशं वृतम्

akṛtvā pādayoḥ śaucaṃ yastvācāmati durmmatiḥ | taṃ bhajasva mahādevi kaluṣeṇa bhṛśaṃ vṛtam

Sanskrit only: no published translation is held for this verse.

तुषांगारकपालाश्मवालुका वस्त्र चर्म्मभिः । दंतधावनकर्तारो भविष्यंति नराधमाः

tuṣāṃgārakapālāśmavālukā vastra carmmabhiḥ | daṃtadhāvanakartāro bhaviṣyaṃti narādhamāḥ

Sanskrit only: no published translation is held for this verse.

रमस्व कलिना देवि तेषां वेश्मसु नित्यशः । तिलपिष्टं कलंजं च कलिगं शिग्रु गृंजनम्

ramasva kalinā devi teṣāṃ veśmasu nityaśaḥ | tilapiṣṭaṃ kalaṃjaṃ ca kaligaṃ śigru gṛṃjanam

Sanskrit only: no published translation is held for this verse.

छत्राकं विड्वराहं च बिल्वं कोशातकीफलम् । अलाबुं च पलांडुं च ये खादंति नराधमाः । तेषां गेहे ह्यवस्थानं देवी दारिद्र्यदे सदा

chatrākaṃ viḍvarāhaṃ ca bilvaṃ kośātakīphalam | alābuṃ ca palāṃḍuṃ ca ye khādaṃti narādhamāḥ | teṣāṃ gehe hyavasthānaṃ devī dāridryade sadā

Sanskrit only: no published translation is held for this verse.

रुद्र उवाच- इत्यादिश्य सुराः सर्वे ज्येष्ठां च कलिवल्लभाम् । पुनश्च मंथनं चक्रुः क्षीराब्धिं सुसमाहिताः

rudra uvāca- ityādiśya surāḥ sarve jyeṣṭhāṃ ca kalivallabhām | punaśca maṃthanaṃ cakruḥ kṣīrābdhiṃ susamāhitāḥ

Sanskrit only: no published translation is held for this verse.

ततश्च वारुणी देवी समुत्पन्ना शुभानने । अनंतो नागराजोऽथ तां जग्राह सुलोचनाम्

tataśca vāruṇī devī samutpannā śubhānane | anaṃto nāgarājo'tha tāṃ jagrāha sulocanām

Sanskrit only: no published translation is held for this verse.

ततः सुरा समुत्पन्ना सर्वाभरणभूषिता । वैनतेयस्य भार्याभूत्सर्वलक्षणशोभिता

tataḥ surā samutpannā sarvābharaṇabhūṣitā | vainateyasya bhāryābhūtsarvalakṣaṇaśobhitā

Sanskrit only: no published translation is held for this verse.

ततोऽप्सरोगणा दिव्या गंधर्वाश्च महौजसः । जज्ञिरे रूपसंपन्ना मधुगायनतत्पराः

tato'psarogaṇā divyā gaṃdharvāśca mahaujasaḥ | jajñire rūpasaṃpannā madhugāyanatatparāḥ

Sanskrit only: no published translation is held for this verse.

ऐरावतस्ततो जज्ञे तथैवोच्चैःश्रवा हयः । धन्वंतरिः पारिजातं सुरभिः सर्वकामधुक्

airāvatastato jajñe tathaivoccaiḥśravā hayaḥ | dhanvaṃtariḥ pārijātaṃ surabhiḥ sarvakāmadhuk

Sanskrit only: no published translation is held for this verse.

एतान्सर्वान्सहस्राक्षो जग्राह प्रीतमानसः । ततः प्रभातसमये द्वादश्यामुदिते रवौ

etānsarvānsahasrākṣo jagrāha prītamānasaḥ | tataḥ prabhātasamaye dvādaśyāmudite ravau

Sanskrit only: no published translation is held for this verse.

मथ्यमाने पुनस्तस्मिन्देवैरिंद्र पुरोगमैः । ततः प्रहृष्टवदनैस्तूयमाना महर्षिभिः

mathyamāne punastasmindevairiṃdra purogamaiḥ | tataḥ prahṛṣṭavadanaistūyamānā maharṣibhiḥ

Sanskrit only: no published translation is held for this verse.

उत्पन्ना श्रीर्महालक्ष्मी सर्वलोकेश्वरी शुभा । बालार्ककोटिसंकाशा कनकांगदभूषिता

utpannā śrīrmahālakṣmī sarvalokeśvarī śubhā | bālārkakoṭisaṃkāśā kanakāṃgadabhūṣitā

Sanskrit only: no published translation is held for this verse.

हेमांबुजसमासीना सर्वलक्षणशोभिता । पद्मपत्त्रविशालाक्षी नीलकुंचितमूर्द्धजा

hemāṃbujasamāsīnā sarvalakṣaṇaśobhitā | padmapattraviśālākṣī nīlakuṃcitamūrddhajā

Sanskrit only: no published translation is held for this verse.

दिव्यचंदनलिप्तांगी दित्यपुष्पैरलंकृता । नानारत्नमयैर्दिव्यैः सर्वैराभरणैर्युता

divyacaṃdanaliptāṃgī dityapuṣpairalaṃkṛtā | nānāratnamayairdivyaiḥ sarvairābharaṇairyutā

Sanskrit only: no published translation is held for this verse.

तनुमध्या जगद्धात्री पीनोन्नतपयोधरा । चतुर्हस्ता विशालाक्षी पूर्णेंदुसदृशानना

tanumadhyā jagaddhātrī pīnonnatapayodharā | caturhastā viśālākṣī pūrṇeṃdusadṛśānanā

Sanskrit only: no published translation is held for this verse.

वसुपात्रं मातुलुंगं स्वर्णपद्मयुगं शुभम् । विभ्राणा हस्तकमलैः सर्वाभरणभूषितैः

vasupātraṃ mātuluṃgaṃ svarṇapadmayugaṃ śubham | vibhrāṇā hastakamalaiḥ sarvābharaṇabhūṣitaiḥ

Sanskrit only: no published translation is held for this verse.

अम्लानपंकजां मालां धारयंती ह्युरः स्थले । ददृशुस्तां महादेवीं सर्वलोकहितैषिणीम्

amlānapaṃkajāṃ mālāṃ dhārayaṃtī hyuraḥ sthale | dadṛśustāṃ mahādevīṃ sarvalokahitaiṣiṇīm

Sanskrit only: no published translation is held for this verse.

ईश्वरीं सर्वभूतानां मातरं पद्ममालिनीम् । नारायणीं जगद्धात्रीं नारायणहृदालयाम्

īśvarīṃ sarvabhūtānāṃ mātaraṃ padmamālinīm | nārāyaṇīṃ jagaddhātrīṃ nārāyaṇahṛdālayām

Sanskrit only: no published translation is held for this verse.

तां विलोक्य महालक्ष्मीं प्रहृष्टाः सर्वदेवताः । अवादयंतः पटहान् दिविदेवगणा भृशम्

tāṃ vilokya mahālakṣmīṃ prahṛṣṭāḥ sarvadevatāḥ | avādayaṃtaḥ paṭahān dividevagaṇā bhṛśam

Sanskrit only: no published translation is held for this verse.

ववर्षुः पुष्पवर्षाणि वनदेव्यो निरंतरम् । जगुर्गंधर्वपतयो ननृतुश्चाप्सरोगणाः

vavarṣuḥ puṣpavarṣāṇi vanadevyo niraṃtaram | jagurgaṃdharvapatayo nanṛtuścāpsarogaṇāḥ

Sanskrit only: no published translation is held for this verse.

ववुः पुण्यास्तथावाताः सुप्रभोऽभूद्दिवाकरः । जज्वलुश्चाग्नयः शांताः प्रसन्नाश्च दिशो दश

vavuḥ puṇyāstathāvātāḥ suprabho'bhūddivākaraḥ | jajvaluścāgnayaḥ śāṃtāḥ prasannāśca diśo daśa

Sanskrit only: no published translation is held for this verse.

अनंतरं शीतरश्मिरुदभूत्क्षीरसागरे । सुधामयूखवान्सोमो मातुर्भ्राता सुखावहः

anaṃtaraṃ śītaraśmirudabhūtkṣīrasāgare | sudhāmayūkhavānsomo māturbhrātā sukhāvahaḥ

Sanskrit only: no published translation is held for this verse.

नक्षत्राधिपतिश्चाभूच्चंद्रो वै लोकमातुलः । ततो जाया हरेः पुण्या तुलसी लोकपावनी

nakṣatrādhipatiścābhūccaṃdro vai lokamātulaḥ | tato jāyā hareḥ puṇyā tulasī lokapāvanī

Sanskrit only: no published translation is held for this verse.

समुत्पन्ना जगद्धात्री पूजार्थं शार्ङ्गिणो हरेः । ततः प्रहृष्टमनसः सर्वे देवा दिवौकसः

samutpannā jagaddhātrī pūjārthaṃ śārṅgiṇo hareḥ | tataḥ prahṛṣṭamanasaḥ sarve devā divaukasaḥ

Sanskrit only: no published translation is held for this verse.

तं शैलं पूर्ववत्स्थाप्य परिपूर्णमनोरथाः । समेत्य मातरं सर्वे शिवब्रह्मपुरोगमाः

taṃ śailaṃ pūrvavatsthāpya paripūrṇamanorathāḥ | sametya mātaraṃ sarve śivabrahmapurogamāḥ

Sanskrit only: no published translation is held for this verse.

स्तुत्वा नामसहस्रेण जेपुः श्रीसूक्तसंहिताः । ततः प्रसन्ना सा देवि सर्वान्देवानुवाच ह

stutvā nāmasahasreṇa jepuḥ śrīsūktasaṃhitāḥ | tataḥ prasannā sā devi sarvāndevānuvāca ha

Sanskrit only: no published translation is held for this verse.

श्रीरुवाच- वरं वृणीध्वं भद्रं वो वरदाहं सुरोत्तमाः । रुद्र उवाच- ऊचुः प्रांजलयो देवाः श्रियं नम्रात्ममूर्तयः

śrīruvāca- varaṃ vṛṇīdhvaṃ bhadraṃ vo varadāhaṃ surottamāḥ | rudra uvāca- ūcuḥ prāṃjalayo devāḥ śriyaṃ namrātmamūrtayaḥ

Sanskrit only: no published translation is held for this verse.

देवा ऊचुः - प्रसीद कमले देवि सर्वलोकेश्वरप्रिये । विष्णोर्वक्षस्थले देवि भव नित्यानपायिनी

devā ūcuḥ - prasīda kamale devi sarvalokeśvarapriye | viṣṇorvakṣasthale devi bhava nityānapāyinī

Sanskrit only: no published translation is held for this verse.

त्रैलोक्यं पालया देवी नित्या त्वं परमेश्वरी । यदपांगाश्रितं सर्वं जगत्स्थावरजंगमम्

trailokyaṃ pālayā devī nityā tvaṃ parameśvarī | yadapāṃgāśritaṃ sarvaṃ jagatsthāvarajaṃgamam

Sanskrit only: no published translation is held for this verse.

त्वया विलोकिताः सर्वे प्रभवंति दिवौकसः । माता रुद्रादिदेवानामैश्वर्यं त्वत्कटाक्षतः

tvayā vilokitāḥ sarve prabhavaṃti divaukasaḥ | mātā rudrādidevānāmaiśvaryaṃ tvatkaṭākṣataḥ

Sanskrit only: no published translation is held for this verse.

एतदिच्छामहे देवि जगन्मातर्नमोस्तु ते । रुद्र उवाच- इत्युक्ता दैवतैः सर्वैर्लोकमाता महेश्वरी

etadicchāmahe devi jaganmātarnamostu te | rudra uvāca- ityuktā daivataiḥ sarvairlokamātā maheśvarī

Sanskrit only: no published translation is held for this verse.

एवमस्त्विति तान्देवान्प्राह नारायणप्रिया । ततो नारायणः श्रीशः शंखचक्रगदाधरः

evamastviti tāndevānprāha nārāyaṇapriyā | tato nārāyaṇaḥ śrīśaḥ śaṃkhacakragadādharaḥ

Sanskrit only: no published translation is held for this verse.

तथैवाविरभूद्ब्रह्मा पूर्ववत्क्षीरसागरे । ततः प्रतुष्टुवुर्देवा नमस्कृत्वा जनार्दनम्

tathaivāvirabhūdbrahmā pūrvavatkṣīrasāgare | tataḥ pratuṣṭuvurdevā namaskṛtvā janārdanam

Sanskrit only: no published translation is held for this verse.

ऊचुः प्रांजलयः सर्वे प्रहृष्टवदनाः शुभाः । देवा ऊचुः- गृहाण देवीं सर्व्वेश महिषीं तव वल्लभाम्

ūcuḥ prāṃjalayaḥ sarve prahṛṣṭavadanāḥ śubhāḥ | devā ūcuḥ- gṛhāṇa devīṃ sarvveśa mahiṣīṃ tava vallabhām

Sanskrit only: no published translation is held for this verse.

जगत्संरक्षणार्थाय लक्ष्मीमनपगामिनीम् । रुद्र उवाच- इत्युक्त्वा मुनिभिः सर्वे देवा ब्रह्मपुरोगमाः

jagatsaṃrakṣaṇārthāya lakṣmīmanapagāminīm | rudra uvāca- ityuktvā munibhiḥ sarve devā brahmapurogamāḥ

Sanskrit only: no published translation is held for this verse.

नानारत्नमये दिव्ये पीठे बालार्कसंनिभे । निवेश्य देवीं देवं च आनंदाश्रुपरिप्लुताः

nānāratnamaye divye pīṭhe bālārkasaṃnibhe | niveśya devīṃ devaṃ ca ānaṃdāśrupariplutāḥ

Sanskrit only: no published translation is held for this verse.

दिव्याम्बरैर्दिव्यमाल्यैर्नानारत्नविभूषितैः । लक्ष्म्या सह समासीनमर्चयामासुरच्युतम्

divyāmbarairdivyamālyairnānāratnavibhūṣitaiḥ | lakṣmyā saha samāsīnamarcayāmāsuracyutam

Sanskrit only: no published translation is held for this verse.

गंधैर्धूपैश्च दीपैश्च नैवेद्यैश्च सुधामयैः । अप्राकृतैः फलैर्दिव्यैरर्चयामासुरीश्वरीम्

gaṃdhairdhūpaiśca dīpaiśca naivedyaiśca sudhāmayaiḥ | aprākṛtaiḥ phalairdivyairarcayāmāsurīśvarīm

Sanskrit only: no published translation is held for this verse.

अमृतादुत्थिता देवी तुलसी कोमला शुभा । तया श्रीपादयुगलमर्च्चयामासुरंजसा

amṛtādutthitā devī tulasī komalā śubhā | tayā śrīpādayugalamarccayāmāsuraṃjasā

Sanskrit only: no published translation is held for this verse.

प्रदक्षिणत्रयं कृत्वा नमस्कृत्वा मुहुर्मुहुः । तष्टुवुस्तुतिभिर्द्देवा हर्षपूर्णाश्रुविक्लवाः

pradakṣiṇatrayaṃ kṛtvā namaskṛtvā muhurmuhuḥ | taṣṭuvustutibhirddevā harṣapūrṇāśruviklavāḥ

Sanskrit only: no published translation is held for this verse.

ततः प्रसन्नो भगवान्सर्वदेवेश्वरो हरिः । अभीष्टान्प्रददौ तेभ्यो वरान्देव्या सह प्रभुः

tataḥ prasanno bhagavānsarvadeveśvaro hariḥ | abhīṣṭānpradadau tebhyo varāndevyā saha prabhuḥ

Sanskrit only: no published translation is held for this verse.

ततः सुहृष्टाः सुरमानुषाद्या लक्ष्मीकटाक्षार्प्पित दृष्टिपूताः । प्रभूतधान्यार्थयुता निरंतरं सुखं परं प्रापुरनामया भृशम्

tataḥ suhṛṣṭāḥ suramānuṣādyā lakṣmīkaṭākṣārppita dṛṣṭipūtāḥ | prabhūtadhānyārthayutā niraṃtaraṃ sukhaṃ paraṃ prāpuranāmayā bhṛśam

Sanskrit only: no published translation is held for this verse.