Library·Padma Purāṇa·6·6.234
पार्वत्युवाच- भगवञ्छ्रोतुमिच्छामि द्वादश्याश्च विधानकम् । विष्णोः पूजाविधानं च कर्त्तव्यं तत्र वै प्रभो
pārvatyuvāca- bhagavañchrotumicchāmi dvādaśyāśca vidhānakam | viṣṇoḥ pūjāvidhānaṃ ca karttavyaṃ tatra vai prabho
Sanskrit only: no published translation is held for this verse.
एकादश्याः प्रभावं च सर्वपापहरंनृणाम् । आचक्ष्व विस्तरेणैव मयि प्रीत्या महेश्वर
ekādaśyāḥ prabhāvaṃ ca sarvapāpaharaṃnṛṇām | ācakṣva vistareṇaiva mayi prītyā maheśvara
Sanskrit only: no published translation is held for this verse.
महादेव उवाच- शृणु देवि प्रवक्ष्यामि द्वादश्याश्च विधानकम् । तस्याः स्मरणमात्रेण संतुष्टः स्याज्जनार्दनः
mahādeva uvāca- śṛṇu devi pravakṣyāmi dvādaśyāśca vidhānakam | tasyāḥ smaraṇamātreṇa saṃtuṣṭaḥ syājjanārdanaḥ
Sanskrit only: no published translation is held for this verse.
एकादश्यां तु प्राप्तायां समुपोष्येह मानवः । सर्वपापविनिर्मुक्ता यांति विष्णोः परम्पदम्
ekādaśyāṃ tu prāptāyāṃ samupoṣyeha mānavaḥ | sarvapāpavinirmuktā yāṃti viṣṇoḥ parampadam
Sanskrit only: no published translation is held for this verse.
सप्तजन्मार्जितं पाप ज्ञानतोऽज्ञानतः कृतम् । क्षणादेव लयं याति द्वादश्यां हरिपूजनात्
saptajanmārjitaṃ pāpa jñānato'jñānataḥ kṛtam | kṣaṇādeva layaṃ yāti dvādaśyāṃ haripūjanāt
Sanskrit only: no published translation is held for this verse.
अश्वमेधसहस्राणि वाजपेयशतानि च । एकादश्युपवासस्य कलां नार्हंति षोडशीम्
aśvamedhasahasrāṇi vājapeyaśatāni ca | ekādaśyupavāsasya kalāṃ nārhaṃti ṣoḍaśīm
Sanskrit only: no published translation is held for this verse.
धर्म्मदा ह्यर्थदा चैव कामदा मोक्षदा किल । सर्व्वकामदुघा नॄणां द्वादशी वरवर्णिनी
dharmmadā hyarthadā caiva kāmadā mokṣadā kila | sarvvakāmadughā nṝṇāṃ dvādaśī varavarṇinī
Sanskrit only: no published translation is held for this verse.
एकादशी समं किंचित्पापत्राणं न विद्यते । एकादशीसमंकिचिद्व्रतं नास्ति शुभेक्षणे
ekādaśī samaṃ kiṃcitpāpatrāṇaṃ na vidyate | ekādaśīsamaṃkicidvrataṃ nāsti śubhekṣaṇe
Sanskrit only: no published translation is held for this verse.
एकादशीं परित्यज्य यो ह्यन्यद्व्रतमाचरेत् । स करस्थं महाराज्यं त्यक्त्वा भैक्ष्यं तु याचते
ekādaśīṃ parityajya yo hyanyadvratamācaret | sa karasthaṃ mahārājyaṃ tyaktvā bhaikṣyaṃ tu yācate
Sanskrit only: no published translation is held for this verse.
एकादशेंद्रियैः पापं यत्कृतं भवति प्रिये । एकादश्युपवासेन तत्सर्वं विलयं व्रजेत्
ekādaśeṃdriyaiḥ pāpaṃ yatkṛtaṃ bhavati priye | ekādaśyupavāsena tatsarvaṃ vilayaṃ vrajet
Sanskrit only: no published translation is held for this verse.
रटंतीह पुराणानि भूयोभूयो वरानने । न भोक्तव्यं न भोक्तव्यं संप्राप्ते हरिवासरे
raṭaṃtīha purāṇāni bhūyobhūyo varānane | na bhoktavyaṃ na bhoktavyaṃ saṃprāpte harivāsare
Sanskrit only: no published translation is held for this verse.
अभक्ष्यं सर्वदा प्रोक्तं किं पुनः शुक्लकृष्णयोः । वर्णानामाश्रमाणां च सर्वेषां वरवर्णिनी
abhakṣyaṃ sarvadā proktaṃ kiṃ punaḥ śuklakṛṣṇayoḥ | varṇānāmāśramāṇāṃ ca sarveṣāṃ varavarṇinī
Sanskrit only: no published translation is held for this verse.
एकादश्युपवासस्तु कर्त्तव्यो नात्र संशयः । एकादश्यां च प्राप्तायां मातापित्रोर्मृतेऽहनि
ekādaśyupavāsastu karttavyo nātra saṃśayaḥ | ekādaśyāṃ ca prāptāyāṃ mātāpitrormṛte'hani
Sanskrit only: no published translation is held for this verse.
द्वादश्यां तु प्रदातव्यं नोपवासदिने क्वचित् । गर्हितान्नं न वाश्नंति पितरश्च दिवौकसः
dvādaśyāṃ tu pradātavyaṃ nopavāsadine kvacit | garhitānnaṃ na vāśnaṃti pitaraśca divaukasaḥ
Sanskrit only: no published translation is held for this verse.
एकादश्यां न भोक्तव्यं सुरां वा न पिबेत्क्वचित् । ब्राह्मणं नैव हन्यात्तु सममेतत्त्रयं मतम्
ekādaśyāṃ na bhoktavyaṃ surāṃ vā na pibetkvacit | brāhmaṇaṃ naiva hanyāttu samametattrayaṃ matam
Sanskrit only: no published translation is held for this verse.
तस्मादेकादशीं शुद्धामुपवासं समाचरेत् । अवस्थात्रितये यस्तु यत्नो वाक्कायकर्म्मभिः
tasmādekādaśīṃ śuddhāmupavāsaṃ samācaret | avasthātritaye yastu yatno vākkāyakarmmabhiḥ
Sanskrit only: no published translation is held for this verse.
दशमीमिश्रितां तां तु प्रयत्नेन विवर्ज्जयेत् । अरुणोदयवेलायां दशमीमिश्रिता भवेत्
daśamīmiśritāṃ tāṃ tu prayatnena vivarjjayet | aruṇodayavelāyāṃ daśamīmiśritā bhavet
Sanskrit only: no published translation is held for this verse.
तां त्यक्त्वा द्वादशीं शुद्धामुपोष्येहाविचारयन् । कलायां विद्यमानायां सूर्य्यस्योदयनं प्रति
tāṃ tyaktvā dvādaśīṃ śuddhāmupoṣyehāvicārayan | kalāyāṃ vidyamānāyāṃ sūryyasyodayanaṃ prati
Sanskrit only: no published translation is held for this verse.
त्रयोदश्यां तथा देवि द्वादशी परिविद्यते । तथा च द्वादशी शुद्धा ह्युपवासे विधीयते
trayodaśyāṃ tathā devi dvādaśī parividyate | tathā ca dvādaśī śuddhā hyupavāse vidhīyate
Sanskrit only: no published translation is held for this verse.
अरुणोदयवेलायां कृत्यं सर्वं समाचरेत् । कलायामपि द्वादश्यां पारणं तत्र चोदितम्
aruṇodayavelāyāṃ kṛtyaṃ sarvaṃ samācaret | kalāyāmapi dvādaśyāṃ pāraṇaṃ tatra coditam
Sanskrit only: no published translation is held for this verse.
शुद्धामेकादशीं चापि त्यजेदत्र न संशयः । कलाप्येकादशी यत्र द्वादश्यामुदिते रवौ
śuddhāmekādaśīṃ cāpi tyajedatra na saṃśayaḥ | kalāpyekādaśī yatra dvādaśyāmudite ravau
Sanskrit only: no published translation is held for this verse.
सर्वामेकादशीं त्यक्त्वा तत्रैवोपवसेद्द्विजः । एवं विधिं विनिश्चित्य समुपोष्यं हरेर्द्दिनम्
sarvāmekādaśīṃ tyaktvā tatraivopavaseddvijaḥ | evaṃ vidhiṃ viniścitya samupoṣyaṃ harerddinam
Sanskrit only: no published translation is held for this verse.
सायमाद्यंतयोरह्नोः सायंप्रातस्तु मध्यमे । तत्रोपवासं कुर्वीत त्यक्त्वा भुक्तिचतुष्टयम्
sāyamādyaṃtayorahnoḥ sāyaṃprātastu madhyame | tatropavāsaṃ kurvīta tyaktvā bhukticatuṣṭayam
Sanskrit only: no published translation is held for this verse.
दशम्यामेकभक्तस्तु नारीसंगमवर्जितः । अवनीतल्पशायी च परेऽहनि वसेच्छुचिः
daśamyāmekabhaktastu nārīsaṃgamavarjitaḥ | avanītalpaśāyī ca pare'hani vasecchuciḥ
Sanskrit only: no published translation is held for this verse.
धात्रीफलानुलिप्तांगः स्नानं संध्यां समाचरेत् । उपवासपरो भूत्वा रात्रौ संपूजयेद्धरिम्
dhātrīphalānuliptāṃgaḥ snānaṃ saṃdhyāṃ samācaret | upavāsaparo bhūtvā rātrau saṃpūjayeddharim
Sanskrit only: no published translation is held for this verse.
पाखंडिनं विकर्मस्थं पतितं श्वपचं तथा । नावलोकेन्न संभाषेन्न स्पृशेत्तत्र वैष्णवः
pākhaṃḍinaṃ vikarmasthaṃ patitaṃ śvapacaṃ tathā | nāvalokenna saṃbhāṣenna spṛśettatra vaiṣṇavaḥ
Sanskrit only: no published translation is held for this verse.
अवैष्णवस्तु यो विप्रः स पाषण्डः प्रकीर्तितः । शिखोपवीतत्यागी च विकर्मस्थ इतीरितः
avaiṣṇavastu yo vipraḥ sa pāṣaṇḍaḥ prakīrtitaḥ | śikhopavītatyāgī ca vikarmastha itīritaḥ
Sanskrit only: no published translation is held for this verse.
महापापोपपापाभ्यां युक्तः पतित उच्यते । अंत्यजः श्वपचः प्रोक्तो वेदैस्तत्र सुनिर्णयः
mahāpāpopapāpābhyāṃ yuktaḥ patita ucyate | aṃtyajaḥ śvapacaḥ prokto vedaistatra sunirṇayaḥ
Sanskrit only: no published translation is held for this verse.
रात्रौ संपूज्य देवेशं जागरं च समाचरेत् । गंधैः पुष्पैस्तथा दीपैर्वस्त्रैराभरणैः शुभैः
rātrau saṃpūjya deveśaṃ jāgaraṃ ca samācaret | gaṃdhaiḥ puṣpaistathā dīpairvastrairābharaṇaiḥ śubhaiḥ
Sanskrit only: no published translation is held for this verse.
जपैस्तोत्रैर्नमस्कारैः पूजयेन्निशि भक्तितः । ततः प्रभातसमये तुलसीमिश्रितैर्जलैः
japaistotrairnamaskāraiḥ pūjayenniśi bhaktitaḥ | tataḥ prabhātasamaye tulasīmiśritairjalaiḥ
Sanskrit only: no published translation is held for this verse.
स्नात्वा सम्यग्विधानेन संतर्प्य पितृदेवताः । पूजयेज्जगतामीशं लक्ष्म्या सह जनार्दनम्
snātvā samyagvidhānena saṃtarpya pitṛdevatāḥ | pūjayejjagatāmīśaṃ lakṣmyā saha janārdanam
Sanskrit only: no published translation is held for this verse.
कोमलैस्तुलसीपत्रैः पुष्पैश्चैव सुगंधिभिः । दीपान्नीराजयेत्तत्र वारमष्टोत्तरं शतम्
komalaistulasīpatraiḥ puṣpaiścaiva sugaṃdhibhiḥ | dīpānnīrājayettatra vāramaṣṭottaraṃ śatam
Sanskrit only: no published translation is held for this verse.
शतपत्रकृतां मालां ताभ्यां सम्यङिनवेदयेत् । धूपं दीपं च नैवेद्यं तांबूलं च समर्प्पयेत्
śatapatrakṛtāṃ mālāṃ tābhyāṃ samyaṅinavedayet | dhūpaṃ dīpaṃ ca naivedyaṃ tāṃbūlaṃ ca samarppayet
Sanskrit only: no published translation is held for this verse.
शर्करासहितं दिव्यं पायसान्नं समर्पयेत् । कर्पूरेण च संयुक्तं तांबूलं च निवेदयेत्
śarkarāsahitaṃ divyaṃ pāyasānnaṃ samarpayet | karpūreṇa ca saṃyuktaṃ tāṃbūlaṃ ca nivedayet
Sanskrit only: no published translation is held for this verse.
प्रदक्षिणे नमस्कारं कृत्वा भक्त्या समन्वितः । आज्येन जुहुयाद्वह्नौ शतमष्टोत्तरं तथा
pradakṣiṇe namaskāraṃ kṛtvā bhaktyā samanvitaḥ | ājyena juhuyādvahnau śatamaṣṭottaraṃ tathā
Sanskrit only: no published translation is held for this verse.
प्रत्यृचं पुरुषसूक्तेन लक्ष्मीसूक्तेन पायसम् । ब्राह्मणान्भोजयेद्भक्त्या स्वयं भुंजीतवाग्यतः
pratyṛcaṃ puruṣasūktena lakṣmīsūktena pāyasam | brāhmaṇānbhojayedbhaktyā svayaṃ bhuṃjītavāgyataḥ
Sanskrit only: no published translation is held for this verse.
पुराणादि प्रपाठेन क्षपयेत्तद्दिनं महत् । क्षितिशायी ब्रह्मचारी तस्यामेव निशि स्वपेत्
purāṇādi prapāṭhena kṣapayettaddinaṃ mahat | kṣitiśāyī brahmacārī tasyāmeva niśi svapet
Sanskrit only: no published translation is held for this verse.
एवं संपूज्यमानं स द्वादश्यां कमलापतिः । क्षणात्प्रसन्नो भगवान्सर्वाभीष्टप्रदो ध्रुवम्
evaṃ saṃpūjyamānaṃ sa dvādaśyāṃ kamalāpatiḥ | kṣaṇātprasanno bhagavānsarvābhīṣṭaprado dhruvam
Sanskrit only: no published translation is held for this verse.
इत्येतत्कथितं देवि द्वादशीव्रतमुत्तमम् । किमन्यच्छ्रोतुकामासि तद्वक्तव्यं ब्रवीम्यहम्
ityetatkathitaṃ devi dvādaśīvratamuttamam | kimanyacchrotukāmāsi tadvaktavyaṃ bravīmyaham
Sanskrit only: no published translation is held for this verse.