Padma Purāṇa 6.235

श्रीपार्वत्युवाच- पाषंडानां च संवादं वर्जयेदिति यत्त्वया

śrīpārvatyuvāca- pāṣaṃḍānāṃ ca saṃvādaṃ varjayediti yattvayā

Sanskrit only: no published translation is held for this verse.

उक्तं ममेह भगवान्श्वपचादपि गर्हितम् । ते यादृशाः समाख्याताः कैर्लिंङ्गैश्चिह्निता भुवि । रुद्र उवाच- येऽन्यदेवं परत्वेन वदंत्यज्ञानमोहिताः

uktaṃ mameha bhagavānśvapacādapi garhitam | te yādṛśāḥ samākhyātāḥ kairliṃṅgaiścihnitā bhuvi | rudra uvāca- ye'nyadevaṃ paratvena vadaṃtyajñānamohitāḥ

Sanskrit only: no published translation is held for this verse.

नारायणाज्जगन्नाथात्ते वै पाषंडिनः स्मृताः । कपालभस्मास्थिधरा ये ह्यवैदिकलिङ्गिनः

nārāyaṇājjagannāthātte vai pāṣaṃḍinaḥ smṛtāḥ | kapālabhasmāsthidharā ye hyavaidikaliṅginaḥ

Sanskrit only: no published translation is held for this verse.

ऋते वनस्थाश्रमाच्च जटावल्कलधारिणः । अवैदिकक्रियोपेतास्तै वै पाषंडिनस्तथा

ṛte vanasthāśramācca jaṭāvalkaladhāriṇaḥ | avaidikakriyopetāstai vai pāṣaṃḍinastathā

Sanskrit only: no published translation is held for this verse.

शंखचक्रोर्ध्वपुंड्रादि चिह्नैः प्रियतमैर्हरेः । रहिता ये द्विजा देवि ते वै पाषंडिनः स्मृताः

śaṃkhacakrordhvapuṃḍrādi cihnaiḥ priyatamairhareḥ | rahitā ye dvijā devi te vai pāṣaṃḍinaḥ smṛtāḥ

Sanskrit only: no published translation is held for this verse.

श्रुतिस्मृत्युदिताचारं यस्तु नाचरति द्विजः । स पाषंडीति विज्ञेयः सर्वलोकेषु गर्हितः

śrutismṛtyuditācāraṃ yastu nācarati dvijaḥ | sa pāṣaṃḍīti vijñeyaḥ sarvalokeṣu garhitaḥ

Sanskrit only: no published translation is held for this verse.

विना वै भगवत्प्रीत्या ते वै पाषंडिनः स्मृताः । समस्तयज्ञभोक्तारं विष्णुं वै ब्रह्मदैवतम्

vinā vai bhagavatprītyā te vai pāṣaṃḍinaḥ smṛtāḥ | samastayajñabhoktāraṃ viṣṇuṃ vai brahmadaivatam

Sanskrit only: no published translation is held for this verse.

उदिश्य देवता एव जुहोति च ददाति च । स पाषण्डीति विज्ञेयः स्वतंत्रः सर्वकर्मसु

udiśya devatā eva juhoti ca dadāti ca | sa pāṣaṇḍīti vijñeyaḥ svataṃtraḥ sarvakarmasu

Sanskrit only: no published translation is held for this verse.

स्वातंत्र्यात्कुरुते यस्तु कर्म वेदोदितं महत् । यस्तु नारायणं देवं ब्रह्मरुद्रादिदैवतैः

svātaṃtryātkurute yastu karma vedoditaṃ mahat | yastu nārāyaṇaṃ devaṃ brahmarudrādidaivataiḥ

Sanskrit only: no published translation is held for this verse.

सममन्यैर्निरीक्षेत स पाषंडी भवेत्सदा । अवस्थात्रितये यस्तु मनोवाक्कायकर्म्मभिः

samamanyairnirīkṣeta sa pāṣaṃḍī bhavetsadā | avasthātritaye yastu manovākkāyakarmmabhiḥ

Sanskrit only: no published translation is held for this verse.

वासुदेवं न जानाति स पाषंडी भवेद्दिवजः । किमत्र बहुनोक्तेन ब्राह्मणा येप्यवैष्णवाः

vāsudevaṃ na jānāti sa pāṣaṃḍī bhaveddivajaḥ | kimatra bahunoktena brāhmaṇā yepyavaiṣṇavāḥ

Sanskrit only: no published translation is held for this verse.

न स्प्रष्टव्या न वक्तव्या न द्रष्टव्याः कदाचन । पार्वत्युवाच- भगवन्परमं गुह्यं पृच्छामि सुरसत्तम

na spraṣṭavyā na vaktavyā na draṣṭavyāḥ kadācana | pārvatyuvāca- bhagavanparamaṃ guhyaṃ pṛcchāmi surasattama

Sanskrit only: no published translation is held for this verse.

मयि प्रीत्या समाचक्ष्व संशयो वर्त्तते भृशम् । कपालभस्मचर्म्मास्थि धारणं श्रुतिगर्हितम्

mayi prītyā samācakṣva saṃśayo varttate bhṛśam | kapālabhasmacarmmāsthi dhāraṇaṃ śrutigarhitam

Sanskrit only: no published translation is held for this verse.

तत्त्वया धार्य्यते देव गर्हितं केन हेतुना । स्त्रीचापल्येन देवेश पृच्छामि त्वां महामते

tattvayā dhāryyate deva garhitaṃ kena hetunā | strīcāpalyena deveśa pṛcchāmi tvāṃ mahāmate

Sanskrit only: no published translation is held for this verse.

महाप्रभावात्कथितं न कर्त्तव्यं क्वचिद्भवेत् । त्वयेति न पुरा प्रोक्तं विस्तरेण महाप्रभो

mahāprabhāvātkathitaṃ na karttavyaṃ kvacidbhavet | tvayeti na purā proktaṃ vistareṇa mahāprabho

Sanskrit only: no published translation is held for this verse.

अकर्त्तव्यमिति प्रश्नं क्षंतुमर्हसि मे प्रभो । वसिष्ठ उवाच- इति देव्या हरः पृष्टो रहस्ये जनवर्जिते

akarttavyamiti praśnaṃ kṣaṃtumarhasi me prabho | vasiṣṭha uvāca- iti devyā haraḥ pṛṣṭo rahasye janavarjite

Sanskrit only: no published translation is held for this verse.

उवाच परमं गुह्यं यद्यदाचरितं स्वकम् । शिव उवाच- शृणु देवि प्रवक्ष्यामि यद्गुह्यं परमाद्भुतम्

uvāca paramaṃ guhyaṃ yadyadācaritaṃ svakam | śiva uvāca- śṛṇu devi pravakṣyāmi yadguhyaṃ paramādbhutam

Sanskrit only: no published translation is held for this verse.

न वक्तव्यं त्वया देवि जनेषु कथितं मया । अपृथक्त्वाच्छरीरस्य वक्ष्यामि तव सुव्रते

na vaktavyaṃ tvayā devi janeṣu kathitaṃ mayā | apṛthaktvāccharīrasya vakṣyāmi tava suvrate

Sanskrit only: no published translation is held for this verse.

नमुच्याद्या महादैत्याः पुरा स्वायंभुवेंतरे । महाबला महावीर्या महावीरा महौजसः

namucyādyā mahādaityāḥ purā svāyaṃbhuveṃtare | mahābalā mahāvīryā mahāvīrā mahaujasaḥ

Sanskrit only: no published translation is held for this verse.

सर्वे विष्णुरताः शुद्धाः सर्वपापविवर्जिताः । त्रयीधर्मवृताः सर्वे भग्ना इंद्रपुरोगमाः

sarve viṣṇuratāḥ śuddhāḥ sarvapāpavivarjitāḥ | trayīdharmavṛtāḥ sarve bhagnā iṃdrapurogamāḥ

Sanskrit only: no published translation is held for this verse.

विष्णोः समीपमागम्य भयार्त्ताः शरणं गताः । देवा ऊचुः। अजेयान्सर्वदेवानां तपोनिर्द्धूतकल्मषान्

viṣṇoḥ samīpamāgamya bhayārttāḥ śaraṇaṃ gatāḥ | devā ūcuḥ| ajeyānsarvadevānāṃ taponirddhūtakalmaṣān

Sanskrit only: no published translation is held for this verse.

त्वमेवैतान्महादैत्याञ्जेतुमर्हसि केशव । महादेव उवाच-। इत्याकर्ण्य हरिर्वाक्यं देवानां च भयानकम्

tvamevaitānmahādaityāñjetumarhasi keśava | mahādeva uvāca-| ityākarṇya harirvākyaṃ devānāṃ ca bhayānakam

Sanskrit only: no published translation is held for this verse.

तान्समाश्वास्य दिक्पालान्मामाह पुरुषोत्तमः । श्रीभगवानुवाच- त्वं हि रुद्र महाबाहो मोहनार्थे सुरद्विषाम्

tānsamāśvāsya dikpālānmāmāha puruṣottamaḥ | śrībhagavānuvāca- tvaṃ hi rudra mahābāho mohanārthe suradviṣām

Sanskrit only: no published translation is held for this verse.

पाषंडाचरणं धर्मं कुरुष्व सुरसत्तम । तामसानि पुराणानि कथयस्व च तान्प्रति

pāṣaṃḍācaraṇaṃ dharmaṃ kuruṣva surasattama | tāmasāni purāṇāni kathayasva ca tānprati

Sanskrit only: no published translation is held for this verse.

मोहनानि च शास्त्राणि कुरुष्व च महामते । मयि मुक्ताश्च विप्रश्च भविष्यंति महर्षयः

mohanāni ca śāstrāṇi kuruṣva ca mahāmate | mayi muktāśca vipraśca bhaviṣyaṃti maharṣayaḥ

Sanskrit only: no published translation is held for this verse.

मद्भक्त्या तान्समाविश्य कथयस्व च तामसान् । काणादं गौतमं शक्तिमुपमन्युं च जैमिनिम्

madbhaktyā tānsamāviśya kathayasva ca tāmasān | kāṇādaṃ gautamaṃ śaktimupamanyuṃ ca jaiminim

Sanskrit only: no published translation is held for this verse.

कपिलं चैव दुर्वासं मृकंडुं च बृहस्पतिम् । भार्गवं जामदग्न्यं च दशैतांस्तामसानृषीन्

kapilaṃ caiva durvāsaṃ mṛkaṃḍuṃ ca bṛhaspatim | bhārgavaṃ jāmadagnyaṃ ca daśaitāṃstāmasānṛṣīn

Sanskrit only: no published translation is held for this verse.

भावशक्त्या समाविश्य कुर्वता जगतो शिवम् । त्वच्छक्त्या च निविष्टास्ते तमसोद्रिक्तया भृशम्

bhāvaśaktyā samāviśya kurvatā jagato śivam | tvacchaktyā ca niviṣṭāste tamasodriktayā bhṛśam

Sanskrit only: no published translation is held for this verse.

तामसास्ते भविष्यंति क्षणादेव न संशयः । कथयिष्यंति ते विप्रास्तामसानि जगत्त्रये

tāmasāste bhaviṣyaṃti kṣaṇādeva na saṃśayaḥ | kathayiṣyaṃti te viprāstāmasāni jagattraye

Sanskrit only: no published translation is held for this verse.

पुराणानि च शास्त्रणि त्वया सत्वेन बृंहिताः । कपालचर्म्मभस्मास्थि चिह्नान्यमरसर्वशः

purāṇāni ca śāstraṇi tvayā satvena bṛṃhitāḥ | kapālacarmmabhasmāsthi cihnānyamarasarvaśaḥ

Sanskrit only: no published translation is held for this verse.

त्वमेव धृतवान्लोकान्मोहयस्व जगत्त्रये । तथा पाशुपतं शास्त्रं त्वमेव कुरु सत्कृतः

tvameva dhṛtavānlokānmohayasva jagattraye | tathā pāśupataṃ śāstraṃ tvameva kuru satkṛtaḥ

Sanskrit only: no published translation is held for this verse.

कंकालशैवपाषंडमहाशैवादिभेदतः । अलक्ष्यं च मतं सम्यग्वेदबाह्यं नराधमाः

kaṃkālaśaivapāṣaṃḍamahāśaivādibhedataḥ | alakṣyaṃ ca mataṃ samyagvedabāhyaṃ narādhamāḥ

Sanskrit only: no published translation is held for this verse.

भस्मास्थिधारिणः सर्वे भविष्यंति ह्यचेतसः । त्वां परत्वेन वक्ष्यंति सर्वशास्त्रेषु तामसाः

bhasmāsthidhāriṇaḥ sarve bhaviṣyaṃti hyacetasaḥ | tvāṃ paratvena vakṣyaṃti sarvaśāstreṣu tāmasāḥ

Sanskrit only: no published translation is held for this verse.

तेषां मतमधिष्ठाय सर्वे दैत्याः सनातनाः । भवेयुस्ते मद्विमुखाः क्षणादेव न संशयः

teṣāṃ matamadhiṣṭhāya sarve daityāḥ sanātanāḥ | bhaveyuste madvimukhāḥ kṣaṇādeva na saṃśayaḥ

Sanskrit only: no published translation is held for this verse.

अहमप्यवतारेषु त्वां च रुद्र महाबल । तामसानां मोहनार्थं पूजयामि युगे युगे

ahamapyavatāreṣu tvāṃ ca rudra mahābala | tāmasānāṃ mohanārthaṃ pūjayāmi yuge yuge

Sanskrit only: no published translation is held for this verse.

मतमेतदवष्टभ्य पतंत्येव न संशयः । महादेव उवाच-। तच्छ्रुत्वाहं यथोक्तं तु वासुदेवेन भामिनि

matametadavaṣṭabhya pataṃtyeva na saṃśayaḥ | mahādeva uvāca-| tacchrutvāhaṃ yathoktaṃ tu vāsudevena bhāmini

Sanskrit only: no published translation is held for this verse.

सुमहद्वदनो दीनो बभूवात्र वरानने । नमस्कृत्वाथ तं देवमब्रवं परमेश्वरम्

sumahadvadano dīno babhūvātra varānane | namaskṛtvātha taṃ devamabravaṃ parameśvaram

Sanskrit only: no published translation is held for this verse.

त्वयोदितमिदं देव करोमि यदि भूतले । तस्मान्नाशाय मे नाथ भविष्यति न संशयः

tvayoditamidaṃ deva karomi yadi bhūtale | tasmānnāśāya me nātha bhaviṣyati na saṃśayaḥ

Sanskrit only: no published translation is held for this verse.

तत्र शक्यं मया कर्तुमेतत्कृत्यं हरेऽधुना । त्वदाज्ञापि च नोल्लंघ्या एतद्दुःखतरं महत्

tatra śakyaṃ mayā kartumetatkṛtyaṃ hare'dhunā | tvadājñāpi ca nollaṃghyā etadduḥkhataraṃ mahat

Sanskrit only: no published translation is held for this verse.

एवमुक्ते ततो देवि समाश्वास्य च मां पुनः । आत्मनाशाय तेनात्र भवत्वित्याह मां हरिः

evamukte tato devi samāśvāsya ca māṃ punaḥ | ātmanāśāya tenātra bhavatvityāha māṃ hariḥ

Sanskrit only: no published translation is held for this verse.

देवतानां हितार्थाय कुरुष्व वचनं मम। तवापि जीवनोपायं कथयामि सुरोत्तम

devatānāṃ hitārthāya kuruṣva vacanaṃ mama| tavāpi jīvanopāyaṃ kathayāmi surottama

Sanskrit only: no published translation is held for this verse.

दत्तवान्कृपया मह्यमात्मनाम सहस्रकम् । हृदये मां समाधाय जप मंत्रं ममाव्ययम्

dattavānkṛpayā mahyamātmanāma sahasrakam | hṛdaye māṃ samādhāya japa maṃtraṃ mamāvyayam

Sanskrit only: no published translation is held for this verse.

षडक्षरं महामंत्रं तारकं ब्रह्म उच्यते । ये जपंति हि मां भक्त्या तेषां मुक्तिर्न संशयः

ṣaḍakṣaraṃ mahāmaṃtraṃ tārakaṃ brahma ucyate | ye japaṃti hi māṃ bhaktyā teṣāṃ muktirna saṃśayaḥ

Sanskrit only: no published translation is held for this verse.

इंदीवरदलश्यामं पद्मपत्रविलोचनम् । शंखांगशार्ङ्गेषुधरं सर्वाभरणभूषितम्

iṃdīvaradalaśyāmaṃ padmapatravilocanam | śaṃkhāṃgaśārṅgeṣudharaṃ sarvābharaṇabhūṣitam

Sanskrit only: no published translation is held for this verse.

पीतवस्त्रं चतुर्बाहुं जानकीप्रियवल्लभम् । श्रीरामाय नम इत्येवमुच्चार्य्यं मन्त्रमुत्तमम्

pītavastraṃ caturbāhuṃ jānakīpriyavallabham | śrīrāmāya nama ityevamuccāryyaṃ mantramuttamam

Sanskrit only: no published translation is held for this verse.

सर्वदुःखहरं चैतत्पापिनामपि मुक्तिदम् । इमं मंत्रं जपन्नित्यममलस्त्वं भविष्यसि

sarvaduḥkhaharaṃ caitatpāpināmapi muktidam | imaṃ maṃtraṃ japannityamamalastvaṃ bhaviṣyasi

Sanskrit only: no published translation is held for this verse.

भस्मास्थिधारणाद्यत्तु संभूतं किल्बिषं त्वयि । मंगलं तदभूत्सर्वं मन्मंत्रोच्चारणाच्छुभात्

bhasmāsthidhāraṇādyattu saṃbhūtaṃ kilbiṣaṃ tvayi | maṃgalaṃ tadabhūtsarvaṃ manmaṃtroccāraṇācchubhāt

Sanskrit only: no published translation is held for this verse.

तर्पितो नाशयिष्यामि पापं सर्वं सुरोत्तम । मदन्यदेवताभक्तिर्जायते न तु सुव्रत

tarpito nāśayiṣyāmi pāpaṃ sarvaṃ surottama | madanyadevatābhaktirjāyate na tu suvrata

Sanskrit only: no published translation is held for this verse.

मनसैवार्च्चय हृदि मां नाथं पुरुषोत्तमम् । मदाज्ञां कुरु मत्प्रीत्या सर्वमेतच्छुभं तव

manasaivārccaya hṛdi māṃ nāthaṃ puruṣottamam | madājñāṃ kuru matprītyā sarvametacchubhaṃ tava

Sanskrit only: no published translation is held for this verse.

इति संदिश्य मां देवि विससर्ज मरुद्गणान् । विसृष्टास्ते ततो देवा निवृत्ताः स्वाश्रमं ययुः

iti saṃdiśya māṃ devi visasarja marudgaṇān | visṛṣṭāste tato devā nivṛttāḥ svāśramaṃ yayuḥ

Sanskrit only: no published translation is held for this verse.

ततो मां प्रार्थयामासुर्देवा इंद्र पुरोगमाः । इन्द्रादय ऊचुः । शीघ्रं कुरु हितं देव यथोक्तं हरिणाधुना

tato māṃ prārthayāmāsurdevā iṃdra purogamāḥ | indrādaya ūcuḥ | śīghraṃ kuru hitaṃ deva yathoktaṃ hariṇādhunā

Sanskrit only: no published translation is held for this verse.

महादेव उवाच- देवतानां हितार्थाय वृत्तिं पाखंडिनां शुभे । कपालचर्मभस्मास्थिधारणं तत्कृतं मया

mahādeva uvāca- devatānāṃ hitārthāya vṛttiṃ pākhaṃḍināṃ śubhe | kapālacarmabhasmāsthidhāraṇaṃ tatkṛtaṃ mayā

Sanskrit only: no published translation is held for this verse.

तामसानि पुराणानि यथोक्तं विष्णुना शुभे । पाषंडशैवशास्त्राणि यथोक्तं कृतवानहम्

tāmasāni purāṇāni yathoktaṃ viṣṇunā śubhe | pāṣaṃḍaśaivaśāstrāṇi yathoktaṃ kṛtavānaham

Sanskrit only: no published translation is held for this verse.

मच्छक्त्यापि समाविश्य गौतमादि द्विजानपि । वेदबाह्यानि शास्त्राणि सम्यगुक्तं मयानघे

macchaktyāpi samāviśya gautamādi dvijānapi | vedabāhyāni śāstrāṇi samyaguktaṃ mayānaghe

Sanskrit only: no published translation is held for this verse.

इमं मतमवष्टभ्य दुष्टाः सर्वे च राक्षसाः । भगवद्विमुखाः सर्वे बभूवुस्तामसावृताः

imaṃ matamavaṣṭabhya duṣṭāḥ sarve ca rākṣasāḥ | bhagavadvimukhāḥ sarve babhūvustāmasāvṛtāḥ

Sanskrit only: no published translation is held for this verse.

भस्मादिधारणं कृत्वा महोग्रतपसावृताः । मामेव पूजयांचक्रुर्म्मांसासृक्चंदनादिभिः

bhasmādidhāraṇaṃ kṛtvā mahogratapasāvṛtāḥ | māmeva pūjayāṃcakrurmmāṃsāsṛkcaṃdanādibhiḥ

Sanskrit only: no published translation is held for this verse.

मत्तो वरप्रदानानि लब्ध्वा मदबलोद्धताः । अत्यंतविषयासक्ताः कामक्रोधसमन्विताः

matto varapradānāni labdhvā madabaloddhatāḥ | atyaṃtaviṣayāsaktāḥ kāmakrodhasamanvitāḥ

Sanskrit only: no published translation is held for this verse.

सत्वहीनास्तु निर्वीर्य्या जिता देवगणैस्तदा । सर्वधर्म्मपरिभ्रष्टाः काले यांत्यधमां गतिम्

satvahīnāstu nirvīryyā jitā devagaṇaistadā | sarvadharmmaparibhraṣṭāḥ kāle yāṃtyadhamāṃ gatim

Sanskrit only: no published translation is held for this verse.

ये मे मतमवष्टभ्य चरंति पृथिवीतले । सर्वधर्मैश्च रहिताः पश्यंति निरयं सदा

ye me matamavaṣṭabhya caraṃti pṛthivītale | sarvadharmaiśca rahitāḥ paśyaṃti nirayaṃ sadā

Sanskrit only: no published translation is held for this verse.

एवं देवहितार्थाय वृत्तिर्मे देवि गर्हिता । विष्णोराज्ञां पुरस्कृत्य कृतं भस्मास्थिधारणम्

evaṃ devahitārthāya vṛttirme devi garhitā | viṣṇorājñāṃ puraskṛtya kṛtaṃ bhasmāsthidhāraṇam

Sanskrit only: no published translation is held for this verse.

बाह्यचिह्नमिदं देवि मोहनार्थाय विद्विषाम् । अथांतर्हृदये नित्यं ध्यात्वा देवं जनार्दनम्

bāhyacihnamidaṃ devi mohanārthāya vidviṣām | athāṃtarhṛdaye nityaṃ dhyātvā devaṃ janārdanam

Sanskrit only: no published translation is held for this verse.

जपन्नेव च तन्मंत्रं तारकं ब्रह्मवाचकम् । सहस्रनामसदृशं विष्णोर्नारायणस्य तु

japanneva ca tanmaṃtraṃ tārakaṃ brahmavācakam | sahasranāmasadṛśaṃ viṣṇornārāyaṇasya tu

Sanskrit only: no published translation is held for this verse.

षडक्षरं महामंत्रं रघूणां कुलवर्द्धनम् । जपन्वै सततं देवि सदानंदसुधाप्लुतम् । सुखमात्यंतिकं ब्रह्म ह्यश्नाम सततं शुभे

ṣaḍakṣaraṃ mahāmaṃtraṃ raghūṇāṃ kulavarddhanam | japanvai satataṃ devi sadānaṃdasudhāplutam | sukhamātyaṃtikaṃ brahma hyaśnāma satataṃ śubhe

Sanskrit only: no published translation is held for this verse.

एतत्ते सर्वमाख्यातं त्वयापृष्टं शुभानने । किमन्यच्छ्रोतुकामासि प्रीत्या तत्परिपृच्छ माम्

etatte sarvamākhyātaṃ tvayāpṛṣṭaṃ śubhānane | kimanyacchrotukāmāsi prītyā tatparipṛccha mām

Sanskrit only: no published translation is held for this verse.