Library·Padma Purāṇa·6·6.236
पार्वत्युवाच- तामसानि च शास्त्राणि समाचक्ष्व ममानघ । संप्रोक्तानिच तैर्व्विप्रैर्भगवद्भक्तिवर्जितैः । तेषां नामानि क्रमशः समाचक्ष्व सुरेश्वर
pārvatyuvāca- tāmasāni ca śāstrāṇi samācakṣva mamānagha | saṃproktānica tairvviprairbhagavadbhaktivarjitaiḥ | teṣāṃ nāmāni kramaśaḥ samācakṣva sureśvara
Sanskrit only: no published translation is held for this verse.
रुद्र उवाच- शृणु देवि प्रवक्ष्यामि तामसानि यथाक्रमम्
rudra uvāca- śṛṇu devi pravakṣyāmi tāmasāni yathākramam
Sanskrit only: no published translation is held for this verse.
तेषां स्मरणमात्रेण मोहः स्याज्ज्ञानिनामपि । प्रथमं हि मयैवोक्तं शैवं पाशुपतादिकम्
teṣāṃ smaraṇamātreṇa mohaḥ syājjñānināmapi | prathamaṃ hi mayaivoktaṃ śaivaṃ pāśupatādikam
Sanskrit only: no published translation is held for this verse.
मच्छक्त्यावेशितैर्व्विप्रैः प्रोक्तानि च ततः शृणु । कणादेन तु संप्रोक्तं शास्त्रं वैशेषिकं महत्
macchaktyāveśitairvvipraiḥ proktāni ca tataḥ śṛṇu | kaṇādena tu saṃproktaṃ śāstraṃ vaiśeṣikaṃ mahat
Sanskrit only: no published translation is held for this verse.
गौतमेन तथा न्यायं सांख्यं तु कपिलेन वै । धिषणेन तथा प्रोक्तं चार्व्वाकमतिगर्हितम्
gautamena tathā nyāyaṃ sāṃkhyaṃ tu kapilena vai | dhiṣaṇena tathā proktaṃ cārvvākamatigarhitam
Sanskrit only: no published translation is held for this verse.
दैत्यानां नाशनार्थाय विष्णुना बुद्धरूपिणा । बौद्धशास्त्रमसत्प्रोक्तं नग्ननीलपटादिकम्
daityānāṃ nāśanārthāya viṣṇunā buddharūpiṇā | bauddhaśāstramasatproktaṃ nagnanīlapaṭādikam
Sanskrit only: no published translation is held for this verse.
मायावादमसच्छास्त्रं प्रच्छन्नं बौद्ध उच्यते । मयैव कथितं देवि कलौ ब्राह्मणरूपिणा
māyāvādamasacchāstraṃ pracchannaṃ bauddha ucyate | mayaiva kathitaṃ devi kalau brāhmaṇarūpiṇā
Sanskrit only: no published translation is held for this verse.
अपार्थं श्रुतिवाक्यानां दर्शयन्लोकगर्हितम् । स्वकर्म्मरूपं त्याज्यत्वमत्रैव प्रतिपाद्यते
apārthaṃ śrutivākyānāṃ darśayanlokagarhitam | svakarmmarūpaṃ tyājyatvamatraiva pratipādyate
Sanskrit only: no published translation is held for this verse.
सर्वकर्म्मपरिभ्रष्टैर्वैधर्म्मत्वं तदुच्यते । परेशजीवपारैक्यं मया तु प्रतिपाद्यते
sarvakarmmaparibhraṣṭairvaidharmmatvaṃ taducyate | pareśajīvapāraikyaṃ mayā tu pratipādyate
Sanskrit only: no published translation is held for this verse.
ब्रह्मणोस्य स्वयं रूपं निर्गुणं वक्ष्यते मया । सर्वस्य जगतोऽप्यत्र मोहनार्थं कलौ युगे
brahmaṇosya svayaṃ rūpaṃ nirguṇaṃ vakṣyate mayā | sarvasya jagato'pyatra mohanārthaṃ kalau yuge
Sanskrit only: no published translation is held for this verse.
वेदार्थवन्महाशास्त्रं मायया यदवैदिकम् । मयैव कल्पितं देवि जगतां नाशकारणात्
vedārthavanmahāśāstraṃ māyayā yadavaidikam | mayaiva kalpitaṃ devi jagatāṃ nāśakāraṇāt
Sanskrit only: no published translation is held for this verse.
मदाज्ञया जैमिनिना पूर्वं वेदमपार्थकम् । निरीश्वरेण वादेन कृतं शास्त्रं महत्तरम्
madājñayā jaimininā pūrvaṃ vedamapārthakam | nirīśvareṇa vādena kṛtaṃ śāstraṃ mahattaram
Sanskrit only: no published translation is held for this verse.
शास्त्राणि चैव गिरिजे तामसानि निबोध मे । पुराणानि च वक्ष्यामि तामसानि यथाक्रमात्
śāstrāṇi caiva girije tāmasāni nibodha me | purāṇāni ca vakṣyāmi tāmasāni yathākramāt
Sanskrit only: no published translation is held for this verse.
ब्राह्मं पाद्मं वैष्णवं च शैवं भागवतं तथा । तथैव नारदीयं तु मार्कण्डेयन्तु सप्तमम्
brāhmaṃ pādmaṃ vaiṣṇavaṃ ca śaivaṃ bhāgavataṃ tathā | tathaiva nāradīyaṃ tu mārkaṇḍeyantu saptamam
Sanskrit only: no published translation is held for this verse.
आग्नेयमष्टमं प्रोक्तं भविष्यं नवमं तथा । दशमं ब्रह्मवैवर्तं लिङ्गमेकादशं स्मृतम्
āgneyamaṣṭamaṃ proktaṃ bhaviṣyaṃ navamaṃ tathā | daśamaṃ brahmavaivartaṃ liṅgamekādaśaṃ smṛtam
Sanskrit only: no published translation is held for this verse.
द्वादशं च वराहं च वामनं च त्रयोदशम् । कौर्म्मं चतुर्दशं प्रोक्तं मात्स्यं पंचदशं स्मृतम्
dvādaśaṃ ca varāhaṃ ca vāmanaṃ ca trayodaśam | kaurmmaṃ caturdaśaṃ proktaṃ mātsyaṃ paṃcadaśaṃ smṛtam
Sanskrit only: no published translation is held for this verse.
षोडशं गारुडं प्रोक्तं स्कंदं सप्तदशं स्मृतम् । अष्टादशं तु ब्रह्मांडं पुराणानि यथाक्रमम्
ṣoḍaśaṃ gāruḍaṃ proktaṃ skaṃdaṃ saptadaśaṃ smṛtam | aṣṭādaśaṃ tu brahmāṃḍaṃ purāṇāni yathākramam
Sanskrit only: no published translation is held for this verse.
मात्स्यं कौर्मं तथा लैड्गं शैवं स्कांदं तथैव च । आग्नेयं च षडेतानि तामसानि निबोध मे
mātsyaṃ kaurmaṃ tathā laiḍgaṃ śaivaṃ skāṃdaṃ tathaiva ca | āgneyaṃ ca ṣaḍetāni tāmasāni nibodha me
Sanskrit only: no published translation is held for this verse.
वैष्णवं नारदीयं च तथा भागवतं शुभम् । गारुडं च तथा पाद्मं वाराहं शुभदर्शने
vaiṣṇavaṃ nāradīyaṃ ca tathā bhāgavataṃ śubham | gāruḍaṃ ca tathā pādmaṃ vārāhaṃ śubhadarśane
Sanskrit only: no published translation is held for this verse.
सात्विकानि पुराणानि विज्ञेयानि शुभानि वै । ब्रह्मांड ब्रह्मवैवर्त्तं मार्कंडेयं तथैव च
sātvikāni purāṇāni vijñeyāni śubhāni vai | brahmāṃḍa brahmavaivarttaṃ mārkaṃḍeyaṃ tathaiva ca
Sanskrit only: no published translation is held for this verse.
भविष्यं वामनं ब्राह्मं राजसानि निबोध मे । सात्विका मोक्षदाः प्रोक्ता राजसाः सर्वदा शुभाः
bhaviṣyaṃ vāmanaṃ brāhmaṃ rājasāni nibodha me | sātvikā mokṣadāḥ proktā rājasāḥ sarvadā śubhāḥ
Sanskrit only: no published translation is held for this verse.
तथैव तामसा देवि निरयप्राप्तिहेतवः । तथैव स्मृतयः प्रोक्ता ऋषिभिस्त्रिगुणान्विताः
tathaiva tāmasā devi nirayaprāptihetavaḥ | tathaiva smṛtayaḥ proktā ṛṣibhistriguṇānvitāḥ
Sanskrit only: no published translation is held for this verse.
सात्विका राजसाश्चैव तामसा शुभदर्शने । वासिष्ठं चैव हारीतं व्यासं पाराशरं तथा
sātvikā rājasāścaiva tāmasā śubhadarśane | vāsiṣṭhaṃ caiva hārītaṃ vyāsaṃ pārāśaraṃ tathā
Sanskrit only: no published translation is held for this verse.
भारद्वाजं काश्यपं च सात्विका मुक्तिदाः शुभाः । याज्ञवल्क्यं तथात्रेयं तैत्तिरं दाक्षमेव च
bhāradvājaṃ kāśyapaṃ ca sātvikā muktidāḥ śubhāḥ | yājñavalkyaṃ tathātreyaṃ taittiraṃ dākṣameva ca
Sanskrit only: no published translation is held for this verse.
कात्यायनं वैष्णवं च राजसां स्वर्गदाः शुभाः । गौतमं बार्हस्पत्यं च सांवर्त्तं च यमं स्मृतम्
kātyāyanaṃ vaiṣṇavaṃ ca rājasāṃ svargadāḥ śubhāḥ | gautamaṃ bārhaspatyaṃ ca sāṃvarttaṃ ca yamaṃ smṛtam
Sanskrit only: no published translation is held for this verse.
साख्यं चौशनसं चेति तामसा निरयप्रदाः । किमत्र बहुनोक्तेन पुराणेषु स्मृतिष्वपि
sākhyaṃ cauśanasaṃ ceti tāmasā nirayapradāḥ | kimatra bahunoktena purāṇeṣu smṛtiṣvapi
Sanskrit only: no published translation is held for this verse.
तामसा नरकायैव वर्जयेत्तान्विचक्षणः । एतत्ते सर्वमाख्यातं प्रसंगाच्छुभदर्शनम् । शेषां च प्रभवावस्थां हरेर्वक्ष्यामि ते शृणु
tāmasā narakāyaiva varjayettānvicakṣaṇaḥ | etatte sarvamākhyātaṃ prasaṃgācchubhadarśanam | śeṣāṃ ca prabhavāvasthāṃ harervakṣyāmi te śṛṇu
Sanskrit only: no published translation is held for this verse.