Library·Padma Purāṇa·6·6.237
श्रीरुद्र उवाच- हिरण्यक हिरण्याक्षौ काश्यपेयौ महाबलौ । दितिपुत्रौ महावीर्य्यौ सर्व्वदैत्यपती उभौ
śrīrudra uvāca- hiraṇyaka hiraṇyākṣau kāśyapeyau mahābalau | ditiputrau mahāvīryyau sarvvadaityapatī ubhau
Sanskrit only: no published translation is held for this verse.
नाम्ना तौ जयविजयौ श्वेतद्वीपे हरिं गतौ । तस्मिन्प्रविष्टयोगीन्द्रान्सनकादीन्महाबलौ
nāmnā tau jayavijayau śvetadvīpe hariṃ gatau | tasminpraviṣṭayogīndrānsanakādīnmahābalau
Sanskrit only: no published translation is held for this verse.
वारयामासतुर्देवि हरिसंदर्शनोत्सुकान् । तैः प्रशप्तौ महावीर्य्यौ द्वारपालौ सुरोत्तमौ
vārayāmāsaturdevi harisaṃdarśanotsukān | taiḥ praśaptau mahāvīryyau dvārapālau surottamau
Sanskrit only: no published translation is held for this verse.
सनकादय ऊचुः- उत्सृज्य तत्पृथिव्यां च यातौ देवस्य किंकरौ । रुद्र उवाच- इति शापं तयोर्दत्त्वा तत्र तस्थुर्मुनीश्वराः
sanakādaya ūcuḥ- utsṛjya tatpṛthivyāṃ ca yātau devasya kiṃkarau | rudra uvāca- iti śāpaṃ tayordattvā tatra tasthurmunīśvarāḥ
Sanskrit only: no published translation is held for this verse.
देवस्तमर्थं ज्ञात्वा च तानाहूय च तावपि
devastamarthaṃ jñātvā ca tānāhūya ca tāvapi
Sanskrit only: no published translation is held for this verse.
तौ चोत्थायाब्रवीत्तत्र भगवान्भूतभावनः । भगवानुवाच- कृतवंतौ महावीर्य्यावपराधं महात्मनाम्
tau cotthāyābravīttatra bhagavānbhūtabhāvanaḥ | bhagavānuvāca- kṛtavaṃtau mahāvīryyāvaparādhaṃ mahātmanām
Sanskrit only: no published translation is held for this verse.
नातिक्रमणीयमिदं भवद्भ्यां द्वारपालकौ । दासत्वं सप्तजन्मानि युवां भक्तौ ममानघौ
nātikramaṇīyamidaṃ bhavadbhyāṃ dvārapālakau | dāsatvaṃ saptajanmāni yuvāṃ bhaktau mamānaghau
Sanskrit only: no published translation is held for this verse.
अमित्रतस्तथा त्रीणि जन्मानि भजतोऽपि वा । रुद्र उवाच- इत्युक्तौ तौ महावीर्य्यावब्रूतां परमेश्वरम्
amitratastathā trīṇi janmāni bhajato'pi vā | rudra uvāca- ityuktau tau mahāvīryyāvabrūtāṃ parameśvaram
Sanskrit only: no published translation is held for this verse.
जयविजयावूचतुः । चिरकालं महीं गंतुं न समर्थौ स्व मानद । तस्माद्वैराय जन्मानि विद्धि वां च व्रजावहे
jayavijayāvūcatuḥ | cirakālaṃ mahīṃ gaṃtuṃ na samarthau sva mānada | tasmādvairāya janmāni viddhi vāṃ ca vrajāvahe
Sanskrit only: no published translation is held for this verse.
देवत्व यैव निहतो प्राप्स्यावो भवदंतिकम् । रुद्र उवाच- इत्युक्त्वा द्वारपालौ तौ पूर्वं जातौ महाबलौ
devatva yaiva nihato prāpsyāvo bhavadaṃtikam | rudra uvāca- ityuktvā dvārapālau tau pūrvaṃ jātau mahābalau
Sanskrit only: no published translation is held for this verse.
कश्यपस्य महावीर्य्यौ दितिगर्भे महासुरौ । हिरण्यकशिपुर्ज्येष्ठो हिरण्याक्षः कनिष्ठकः
kaśyapasya mahāvīryyau ditigarbhe mahāsurau | hiraṇyakaśipurjyeṣṭho hiraṇyākṣaḥ kaniṣṭhakaḥ
Sanskrit only: no published translation is held for this verse.
उभौ तौ लोकविख्यातौ महावीर्य्य बलोद्धतौ । अप्रमाणशरीरः स हिरण्याक्षो महोद्धतः
ubhau tau lokavikhyātau mahāvīryya baloddhatau | apramāṇaśarīraḥ sa hiraṇyākṣo mahoddhataḥ
Sanskrit only: no published translation is held for this verse.
उत्पाट्य बाहुसाहस्रैः पृथिवीं समहीधराम् । ससागरां द्वीपयुतां सर्व्वप्राणिसमन्विताम्
utpāṭya bāhusāhasraiḥ pṛthivīṃ samahīdharām | sasāgarāṃ dvīpayutāṃ sarvvaprāṇisamanvitām
Sanskrit only: no published translation is held for this verse.
उत्पाट्य शिरसा कृत्वा प्रविवेश रसातलम् । ततो देवगणाः सर्वे चुक्रुशुर्भयपीडिताः
utpāṭya śirasā kṛtvā praviveśa rasātalam | tato devagaṇāḥ sarve cukruśurbhayapīḍitāḥ
Sanskrit only: no published translation is held for this verse.
शरणं प्रययुर्देवं नारायणमनामयम् । ततस्तदद्भुतं ज्ञात्वा शंखचक्रगदाधरः
śaraṇaṃ prayayurdevaṃ nārāyaṇamanāmayam | tatastadadbhutaṃ jñātvā śaṃkhacakragadādharaḥ
Sanskrit only: no published translation is held for this verse.
वाराहरूपमास्थाय विश्वरूपं जनार्दनः । अनादिमध्यांतवपुः सर्वदेवमयो विभुः
vārāharūpamāsthāya viśvarūpaṃ janārdanaḥ | anādimadhyāṃtavapuḥ sarvadevamayo vibhuḥ
Sanskrit only: no published translation is held for this verse.
विश्वतः पाणिपच्चक्षुर्महादंष्ट्रो महाभुजः । दंष्ट्रैकया तु तं दैत्यं जघान परमेश्वरः
viśvataḥ pāṇipaccakṣurmahādaṃṣṭro mahābhujaḥ | daṃṣṭraikayā tu taṃ daityaṃ jaghāna parameśvaraḥ
Sanskrit only: no published translation is held for this verse.
संचूर्णितमहागात्रो ममार दितिजाधमः । पतितां धरणीं दृष्ट्वा दंष्ट्रयोद्धृत्य पूर्ववत्
saṃcūrṇitamahāgātro mamāra ditijādhamaḥ | patitāṃ dharaṇīṃ dṛṣṭvā daṃṣṭrayoddhṛtya pūrvavat
Sanskrit only: no published translation is held for this verse.
संस्थाप्य धारयामास शेषे कूर्म्मवपुस्तदा । तं दृष्ट्वा देवताः सर्व्वे क्रोडरूपं महाहरिम् । तुष्टुवुर्म्मुनयश्चैव भक्तिनम्रात्ममूर्त्तयः
saṃsthāpya dhārayāmāsa śeṣe kūrmmavapustadā | taṃ dṛṣṭvā devatāḥ sarvve kroḍarūpaṃ mahāharim | tuṣṭuvurmmunayaścaiva bhaktinamrātmamūrttayaḥ
Sanskrit only: no published translation is held for this verse.
देवा ऊचुः- नमो यज्ञवराहाय नमस्ते शतबाहवे । नमस्ते देवदेवाय नमस्ते विश्वरूपिणे
devā ūcuḥ- namo yajñavarāhāya namaste śatabāhave | namaste devadevāya namaste viśvarūpiṇe
Sanskrit only: no published translation is held for this verse.
नमः स्थितिस्वरूपाय सर्वयज्ञस्वरूपिणे । कलाकाष्ठानिमेषाय नमस्ते कालरूपिणे
namaḥ sthitisvarūpāya sarvayajñasvarūpiṇe | kalākāṣṭhānimeṣāya namaste kālarūpiṇe
Sanskrit only: no published translation is held for this verse.
भूतात्मने नमस्तुभ्यमृग्वेदवपुषे तथा । सुरात्मने नमस्तुभ्यं सामवेदाय ते नमः
bhūtātmane namastubhyamṛgvedavapuṣe tathā | surātmane namastubhyaṃ sāmavedāya te namaḥ
Sanskrit only: no published translation is held for this verse.
ॐकाराय नमस्तुभ्यं यजुर्वेदस्वरूपिणे । ऋचःस्वरूपिणे चैव चतुर्वेदमयाय च
oṃkārāya namastubhyaṃ yajurvedasvarūpiṇe | ṛcaḥsvarūpiṇe caiva caturvedamayāya ca
Sanskrit only: no published translation is held for this verse.
नमस्ते वेदवेदाङ्ग सांगोपांगाय ते नमः । गोविंदाय नमस्तुभ्यमनादिनिधनाय च
namaste vedavedāṅga sāṃgopāṃgāya te namaḥ | goviṃdāya namastubhyamanādinidhanāya ca
Sanskrit only: no published translation is held for this verse.
नमस्ते वेदविदुषे विशिष्टैकस्वरूपिणे । श्रीभूलीलाधिपतये जगत्पित्रे नमोनमः
namaste vedaviduṣe viśiṣṭaikasvarūpiṇe | śrībhūlīlādhipataye jagatpitre namonamaḥ
Sanskrit only: no published translation is held for this verse.
रुद्र उवाच- इत्यादि स्तुतिभिः स्तुत्वा देवं वाराहरूपिणम् । अर्च्चयामासुरात्मेशं गंधपुष्पादिभिर्हरिम्
rudra uvāca- ityādi stutibhiḥ stutvā devaṃ vārāharūpiṇam | arccayāmāsurātmeśaṃ gaṃdhapuṣpādibhirharim
Sanskrit only: no published translation is held for this verse.
समर्च्यमानस्तैर्देवैस्तेषामिष्टं वरं ददौ । गंधर्वैरप्सरोभिश्च गायमानो मुदा हरिः
samarcyamānastairdevaisteṣāmiṣṭaṃ varaṃ dadau | gaṃdharvairapsarobhiśca gāyamāno mudā hariḥ
Sanskrit only: no published translation is held for this verse.
महर्षिभिः स्तूयमानस्तत्रैवांतरधीयत । एभिः स्तुत्वा नरो भक्त्या प्रातरुत्थाय भक्तिमान्
maharṣibhiḥ stūyamānastatraivāṃtaradhīyata | ebhiḥ stutvā naro bhaktyā prātarutthāya bhaktimān
Sanskrit only: no published translation is held for this verse.
ईप्सितांल्लभते भूमिं चिरं सस्यफलान्विताम् । एतत्ते सर्वमाख्यातं वाराहवैभवं हरैः । नारसिंहं तथा वक्ष्ये शृणु देवि वरानने
īpsitāṃllabhate bhūmiṃ ciraṃ sasyaphalānvitām | etatte sarvamākhyātaṃ vārāhavaibhavaṃ haraiḥ | nārasiṃhaṃ tathā vakṣye śṛṇu devi varānane
Sanskrit only: no published translation is held for this verse.